22ம் தேதி திமுக உண்ணாவிரதம்: ஸ்டாலின்

சென்னை: சட்டசபையில் தாக்கப்பட்டது குறித்தும், வெளியேற்றப்பட்டது குறித்தும், தனது சட்டை கிழிக்கப்பட்டது குறித்தும் அண்ணா அறிவாலயத்தில் தி.மு.க., எம்.எல்.ஏ.,க்களுடன் ஸ்டாலின் ஆலோசனை நடத்தினார்.தி.மு.க, எம்.எல்.ஏ.,க்கள் கூட்டத்தில் சில முக்கிய முடிவுகள் எடுக்கப்பட்டன. இதன்படி, சட்டசபையில் நடந்த நிகழ்வுகளை கண்டித்து, வரும் 22ம் தேதி தமிழகம் முழுவதும் மாவட்ட தலைநகரங்களில் உண்ணாவிரத போராட்டம் நடக்கும் என அக்கட்சி செயல் தலைவர் ஸ்டாலின் அறிவித்துள்ளார்.

ஜனாதிபதியை சந்திக்க திட்டம்:

சென்னை: பத்திரிகையாளர்களிடம் பேசிய தி.மு.க., செயல் தலைவர் ஸ்டாலின் கூறியதாவது: திருச்சியில் நடக்கும் உண்ணாவிரத போராட்டத்தில் நான் கலந்து கொள்கிறேன். காஞ்சிபுரத்தில் துரைமுருகன் பங்கேற்க உள்ளார். எம்.பி.,க்கள் கவர்னரை சந்தித்து புகார் அளித்துள்ளனர். ஜனாதிபதியை சந்திக்க திட்டம் உள்ளது; நேரம் கேட்டுள்ளோம். நேரம் கிடைத்த பின்னர் ஜனாதிபதியை சந்தித்து முறையிடுவோம் எனக்கூறினார்.

English summary:

Chennai: The Assembly was attacked, knocked out of his shirt was torn in the Anna office DMK MLAs  consulting with Stalin, MLAs, some in the crowd The main conclusions were drawn.

Read More

ஓட்டெடுப்பு செல்லாது என அறிவிக்க கவர்னரிடம் தி.மு.க., கோரிக்கை

சென்னை: தி.மு.க., எம்.பி.,க்கள் கவர்னர் வித்யாசாகர் ராவை சந்தித்தனர். திருச்சி சிவா, டி.கே.எஸ். இளங்கோவன் ஆர்.எஸ்.பாரதி ஆகியோர் கவர்னரை சந்தித்தனர். நேற்று சட்டசபையில் நம்பிக்கை ஓட்டெடுப்பின் போது, நடந்த பிரச்னை தொடர்பாக கவர்னரிடம் எம்.பி.,க்கள் புகார் அளித்தனர்.

கடிதம்:

இந்த சந்திப்பை தொடர்ந்து திருச்சி சிவா பத்திரிகையாளர்களிடம் பேசுகையில்; சபாநாயகர் ஒரு தலைபட்சமாக செயல்படுகிறார். எதிர்க்கட்சி இல்லாமல் நம்பிக்கை ஓட்டெடுப்பு நடத்தப்பட்டது முரண்பாடாக உள்ளது. போலீசார், சட்டசபை அவைகாவலர்கள் போல் வேடமணிந்து உள்ளே வந்தனர். இது தொடர்பான ஆதாரத்தை கவர்னரிடம் வழங்கியுள்ளோம். சட்டசபையில் நடந்த ஓட்டெடுப்பை செல்லாது என அறிவிக்க வேண்டும் என ஸ்டாலின் கடிதம் கொடுத்தார். அதனை கவர்னரிடம் வழங்கியுள்ளோம். கோரிக்கையை பரிசீலனை செய்வதாக கவர்னர் கூறியுள்ளார். இவ்வாறு அவர் கூறினார்.

English Summary:

DMK MPs met Governor Vidyasagar Rao. Trichy Siva, tikees. Mr.R.S barathi met with the governor. During the last assembly poll in the faith, to the governor on the issue of MPs had complained.

Read More

நம்பிக்கை வாக்கெடுப்பில் வெற்றி எதிரொலி : முதல்வர் எடப்பாடி பழனிசாமி கவர்னருடன் சந்திப்பு

நம்பிக்கை வாக்கெடுப்பில் வெற்றி பெற்ற முதல்வர் எடப்பாடி பழனிச்சாமிக்கு தமிழக கவர்னர் வித்யாசாகர் ராவ் வாழ்த்து தெரிவித்தார். முன்னதாக கவர்னரை நேரில் சந்தித்த முதல்வர் எடப்பாடி பழனிச்சாமி தான் வெற்றிபெற்றதற்கான  வீடியோ ஆதாரங்கள்,மற்றும் அறிக்கையை கவர்னரிடம் சமர்ப்பித்தார்.

அதிமுக அரசு வெற்றி :

தமிழக சட்டசபையில் நேற்று முன்தினம் நடைபெற்ற நம்பிக்கை வாக்கெடுப்பில் முதல்வர் எடப்பாடி பழனிச்சாமி தலைமையிலான அமைச்சரவை வெற்றி பெற்றதாக சபாநாயகர் தனபால் அறிவித்தார். இதைத்தொடர்ந்து முதல்வர் எடப்பாடி பழனிச்சாமி, தலைமையில்  அமைச்சர்கள் சென்னை கிண்டி ராஜ்பவனில் நேற்று கவர்னர் வித்யாசாகர் ராவை சந்தித்து பேசினர்.  அப்போது  நம்பிக்கை வாக்கெடுப்பில் வெற்றி பெற்றது குறித்த விபரங்களை வீடியோ ஆதாரங்களாகவும் அறிக்கையாகவும் முதல்வர் எடப்பாடி பழனிச்சாமி கவர்னரிடம் வழங்கினார். நம்பிக்கை வாக்கெடுப்பில் வெற்றி பெற்ற எடப்பாடி பழனிச்சாமிக்கு கவர்னர் வித்யாசாகர்ராவ் தனது மனமார்ந்த வாழ்த்துக்களை தெரிவித்துக்கொண்டார்.

அமைச்சர்கள் :

இந்த சந்திப்பின்போது அ.தி.மு.க துணைப் பொதுச்செயலாளர் டி.டி.வி. தினகரன், அமைச்சர்கள் திண்டுக்கல் சீனிவாசன் செங்கோட்டையன், தங்கமணி, வேலுமணி, ஜெயக்குமார், செல்லூர் ராஜூ ஆகியோர் உடன் சென்றிருந்தனர். கவர்னருடன் சுமார் 30 நிமிட நேரம் சந்தித்து பேசிய பிறகு முதல்வர் எடப்பாடி பழனிச்சாமி மற்றும் அமைச்சர்கள் அங்கிருந்து புறப்பட்டுச் சென்றனர்.

கவர்னர் புறப்பட்டார்:

இதனைத் தொடர்ந்து திமுக எம்.பி.க்களான திருச்சி சிவா, ஆர். எஸ். பாரதி, டி.கே. எஸ். இளங்கோவன் ஆகியோர் சட்டசபையில் நடைபெற்ற நம்பிக்கை வாக்கெடுப்பு குறித்தும்  , சட்டசபையில் நடைபெற்ற சம்பவங்கள் குறித்தும் கவர்னரிடம் மு.க. ஸ்டாலின் சார்பாக நேரில் சந்தித்து மனு அளித்தனர். பின்னர், முன்னாள் முதல்வர் ஓ. பன்னீர்செல்வமும் அவரது ஆதரவாளர்களுடம் கவர்னரைச் சந்தித்து தனது தரப்பு நியாயத்தை எடுத்துரைத்தார். தமிழகத்தில் பரபரப்பான அரசியல் சூழல் நிலவி வருவதால் காலையிலேயே அரசியல் தலைவர்களை சந்தித்து பேசிய பின்னர் கவர்னர் வித்யாசாகர் ராவ் சென்னை விமான நிலையத்தில் இருந்து நேற்றுமாலை மும்பை புறப்பட்டுச் சென்றார்.

Read More

தமிழக சட்டசபையில் கடும் அமளி: சபாநாயகரை முற்றுகையிட்டு தி.மு.கவினர் கோஷம்

சென்னை : தமிழக கவர்னர் (பொறுப்பு) வித்யாசாகர் ராவ் உத்தரவுப்படி, முதல்வர் எடப்பாடி பழனிசாமி தலைமையிலான அமைச்சரவை மீது நம்பிக்கைகோரும் தீர்மானம் நேற்று தமிழக சட்டசபையில்  கொண்டுவரப்பட்ட  நிலையில், தி.மு.க.வினர் சபையில் கடும் அமளியில் ஈடுபட்டனர். சபாநாயகரை முற்றுகையிட்டு கோஷமிட்ட தி.மு.க.வினர், அவரது இருக்கையை உடைத்ததோடு, காகிதங்களை கிழித்தெறிந்தனர். சபாநாயகரை பேசவிடாமல், மைக்கின் மின் இணைப்பையும் துண்டித்தனர்.  அவரது சட்டையை பிடித்து இழுத்தனர். சபாநாயகர் இருக்கையில்  தி.மு.க எம்.எல்.ஏ. கு.க. செல்வம், ரெங்கநாதன் ஆகியோர் அமர்ந்து அமளியில் ஈடுபட்டனர். அப்போது நிலைமை விபரீதமாகவே, சபைக் காவலர்கள் சபாநாயகரை பாதுகாப்பாக அவரது அறைக்கு அழைத்துச் சென்றனர்.

சிறப்புக் கூட்டம்: 

முதல்வர்  எடப்பாடி பழனிசாமி தலைமையிலான அமைச்சரவை 15 நாட்களுக்குள் சட்டசபையில் பெரும்பான்மையை நிரூபிக்க வேண்டும் என கவர்னர் வித்யாசாகர் ராவ் கேட்டுக்கொண்டதன் பேரில், தமிழக  சட்டசபையில் நேற்று எடப்பாடி பழனிசாமி தலைமையிலான அமைச்சரவை மீது நம்பிக்கைகோரும் தீர்மானம் கொண்டுவரப்பட்டது. இதற்காக நேற்று காலை 11 மணியளவில் சட்டப்பேரவையின் சிறப்புக் கூட்டம் கூடியது.

சபாநாயகர் அறிவிப்பு:

பேரவைக் கூட்டம் தி.மு.க.வினரின் கூச்சல் குழப்பத்திற்கு இடையே தொடங்கியது. அவர்கள் தெரிவித்த புகாரைக் கேட்டுக்கொண்ட சபாநாயகர் தனபால், உறுப்பினர்களுக்கு பாதுகாப்பு கொடுக்க வேண்டியது தனது பொறுப்பு என்றும், புகார் மீது உரிய நடவடிக்கை எடுக்கப்படும் என்றும் உறுதி அளித்தார். அனைத்து சூழலையும் கருத்தில் கொண்டே  வாக்கெடுப்பு நடைபெறவுள்ளதாகவும், சட்டப்பேரவை விதியின்படியே தாம் செயல்படுவதாகவும், அனைவரும் சுதந்திரமாக வாக்களிக்கலாம் என்றும் சபாநாயகர் தனபால் தெரிவித்தார்.

கோரிக்கை நிராகரிப்பு:

இந்நிலையில், பன்னீர்செல்வம் அணியினர், காங்கிரஸ் மற்றும் இந்திய யூனியன் முஸ்லீம் லீக் உள்ளிட்ட பல்வேறு உறுப்பினர்களும்  ரகசிய வாக்கெடுப்பு நடத்தவேண்டும் என்று தங்களுடைய கருத்துகளை தெரிவித்து கோரிக்கை விடுத்தனர். இதேபோல தி.மு.கவினரும் கோரிக்கை வைத்தனர். மேலும் வாக்கெடுப்பை ஒரு வாரம் தள்ளி வைக்க  வேண்டும் என்று ஸ்டாலின் உள்ளிட்ட தி.மு.க எம்.எல்.ஏக்கள் வற்புறுத்தினர். ஆனால் சபாநாயகர் அந்த கோரிக்கையை ஏற்கவில்லை.

தி.மு.க.வினர் பெரும் ரகளை:

இந்த சூழ்நிலையில், வாக்கெடுப்பு குறித்து சர்ச்சையை எழுப்பிய தி.மு.க. உறுப்பினர்கள், சபாநாயகரின் இருக்கையை முற்றுகையிட்டு, கூச்சல் குழப்பத்தில் ஈடுபட்டனர்.  சபாநாயகரின் இருக்கை உடைக்கப்பட்டதோடு, அவரின் மைக்கின் மின் இணைப்பும் துண்டிக்கப்பட்டது. மேஜையை தள்ளி, தி.மு.க.வினர் குழப்பத்தை ஏற்படுத்தியதோடு, சட்டமன்ற செயலாளரின் மேஜையில் இருந்த தாள்களை கிழித்து, சபாநாயகரை நோக்கி எறிந்து பெரும் ரகளையில் ஈடுபட்டனர்.

சபாநாயகர் வேதனை:

தொடர்ந்து தி.மு.க.வினர்  அமளியில் ஈடுபட்டதோடு, சபாநாயகரை  முற்றுகையிட்டு கோஷம் எழுப்பிக்கொண்டே இருந்தனர். இந்த நிலைமை சுமார் 2 மணிநேரம் நீடித்தது. ஆனால் சபாநாயகரால் அமைதியை ஏற்படுத்த முடியவில்லை. இதையடுத்து சபைக் காவலர்கள் வரவழைக்கப்பட்டு, சபாநாயகர் பாதுகாப்பாக அவருடைய அறைக்கு அழைத்துச் செல்லப்பட்டார். முன்னதாக மதியம்  1 மணி வரை சபை ஒத்திவைக்கப்படுவதாக சபாநாயகர் அறிவித்தார். மேலும்  சபையில் தனக்கு நேர்ந்த கொடுமைகளை யாரிடம் சொல்வது. அதை எப்படி சொல்வது என்று சபாநாயகர் வேதனையோடு தெரிவித்தார்.

தி.மு.க. உறுப்பினர்கள் வெளியேற்றம்:

பின்னர் மீண்டும் சபை கூடியபோதும் அதே நிலை நீடித்தது. இதையடுத்து தி.மு.க வினரை சபையைவிட்டு வெளியேற்றுமாறு  அவைகாவலர்களுக்கு சபாநாயகர் உத்தரவிட்டார். ஆனால் தி.மு.க வினரை காவலர்களால் வெளியேற்ற முடியவில்லை, அவர்கள் உள்ளேயே இருந்து போராட்டம் நடத்திக்கொண்டிருந்தனர். இதையடுத்து சபை மீண்டும் பிற்பகல்  3 மணிவரை ஒத்திவைக்கப்பட்டது.  இந்த இடைபட்ட நேரத்தில் சபையில் மைக் சரிசெய்யப்பட்டு, அவையில் சுத்தம் செய்யும் பணிகள் நடைபெற்றன. அதே நேரத்தில் அதிரடிப்படை போலீசார் சபைக்கு வெளியே குவிக்கப்பட்டனர். அங்கு பதட்டமான சூழ்நிலை நிலவியது. பின்னர் பிற்பகல் 3 மணிக்கு சபை கூடியபோது அப்போதும் தி.மு.க வினர் அமளியில்  ஈடுபட்டனர்.  இதையடுத்து  எதிர்கட்சி தலைவர்  முக ஸ்டாலின் உட்பட் தி.மு.க எம்.எல்.ஏ.க்கள் அனைவரும் குண்டுக்கட்டாக வெளியேற்றப்பட்டனர்.

அரசுக்கு ஆதரவாக 122 வாக்குகள்:

அதன் பிறகு நம்பிக்கை வாக்கெடுப்பு நடைபெற்றது. இதில்  எடப்பாடி பழனிச்சாமி அரசுக்கு ஆதரவாக 122 வாக்குகளும்,  அரசுக்கு எதிராக  11 வாக்குகளும் கிடைத்தன. அதாவது இந்த 11 வாக்குகளையும் பன்னீர்செல்வம் அணியினர் பதிவு செய்தனர். எண்ணிக்கை அடிப்படையில் நடந்த இந்த வாக்கெடுப்பில்  எடப்பாடி பழனிச்சாமி அரசு வெற்றி பெற்றதாக சபாநாயகர் அறிவித்தார்.

Read More

கேரள முதல்வருக்கு, முதல்வர் எடப்பாடி பழனிச்சாமி நன்றி

சென்னை, முதல்வராக பதவியேற்ற தனக்கு வாழ்த்து தெரிவித்த கேரள முதல்வர் பினராயி விஜயனுக்கு எடப்பாடி பழனிச்சாமி நன்றி தெரிவித்து கடிதம் அனுப்பியுள்ளார்.

இது குறித்து அரசு வெளியிட்ட செய்தி்க்குறிப்பு வருமாறு:

தமிழ்நாடு முதலமைச்சராக எடப்பாடி பழனிசாமி பதவி ஏற்றுக்கொண்டதையொட்டி, கேரள முதலமைச்சர் பினராயி விஜயன் வாழ்த்து தெரிவித்துள்ளார். தனக்கு வாழ்த்து தெரிவித்த கேரள முதலமைச்சர் பினராயி விஜயனுக்கு, முதலமைச்சர் எடப்பாடி பழனிசாமி தனது நன்றியினைத் தெரிவித்து கடிதம் அனுப்பியுள்ளார்.

இவ்வாறு அந்த செய்திக்குறிப்பில் தெரிவிக்கப்பட்டுள்ளது.

Read More

பேரவையின் நடவடிக்கைகளுக்கு களங்கம் ஏற்படுத்த வேண்டுமென்றே திட்டமிட்டு தி.மு.க.வினர் வந்தார்கள்: சபாநாயகர் தனபால் கண்டனம்

சென்னை, சட்டபேரவையின் நடவடிக்கைகளுக்கு திட்டமிட்டு களங்கம் ஏற்படுத்த வேண்டுமென்ற எண்ணத்திலே தி.மு.க. சட்டமன்ற உறுப்பினர்கள் வந்தார்கள், அவைக்கு குந்தகம் விளைவித்து விட்டு சென்றார்கள் என்று நேற்று சட்டசபையில் சபாநாயகர் தனபால் தெரிவித்தார்.

தமிழக சட்டசபையில் முதல்வர் எடப்பாடி பழனிச்சாமி முன்வைத்த நம்பிக்கை தீர்மானம் 122 உறுப்பினர்கள் ஆதரவுடன் மாபெரும் வெற்றி பெற்றது.

வெட்கப்படுகிறேன்:

இதனை அறிவித்து சபாநாயகர் தனபால் பேசியதாவது:

அரசுக்கு ஆதரவான தீர்மானத்தை ஆதரித்தோர் அதிகமாக இருப்பதால், முதலமைச்சர் எடப்பாடி பழனிச்சாமியின் தீர்மானம் நிறைவேறியது, வெற்றி பெற்றது. முதலமைச்சர் எடப்பாடி பழனிச்சாமியின் தீர்மானம் வெற்றி பெற்றது என பேரவைக்கு அறிவிக்கின்றேன். அம்மாவின் அரசு தொடர்ந்து சிறப்பாக நடைபெற எனது மனமார்ந்த வாழ்த்துக்களைத் தெரிவித்துக்கொள்கிறேன். காலையிலே நடைபெற்ற சம்பவங்களை நான் மீண்டும் நினைத்துப் பார்க்க விரும்பவில்லை என்றாலும், பாரம்பரியமிக்க இந்த சட்டமன்றப் பேரவையில் அதுகுறித்து எனது கருத்துக்களைத் தெரிவிக்க விரும்பாவிட்டாலும், நான் அதை மறந்து விடலாம் என்று நினைத்துக் கொண்டிருந்த நேரத்திலே 'நான் நீலிக் கண்ணீர் வடித்ததாக', வெளியிலே பேட்டி கொடுத்ததால், எதிர்க் கட்சித் தலைவர் ஸ்டாலின் பேட்டி கொடுத்திருக்கிற காரணத்தினாலே, எனது மனது மிகவும் பாதிக்கப்பட்ட காரணத்தினால் ஒரு சிலவற்றை மட்டும் வேதனையுடன் இங்கே தெரிவிக்க விரும்புகிறேன். இதற்காக வெட்கப்படுகிறேன்.

திட்டமிட்ட நாடகம்:

மிக, மிக தாழ்த்தப்பட்ட, சாமானிய எளிய குடும்பத்தில் பிறந்த என்னை, பள்ளத்திலிருந்து கைகொடுத்துத் தூக்கிவிடுகிற, ஜெயலலிதா ஆட்சியிலே இந்த பதவியிலே தொடர்ந்து 2-வது முறையாக அமர்த்தப்பட்டேன். சுதந்திர இந்தியாவிலே ஒரு தாழ்த்தப்பட்ட ஆதி திராவிட அருந்ததியர் சமூகத்தைச் சேர்ந்த இந்த எளியவனை மிக உயர்ந்த இந்த பதவியிலே அமர்த்தி நான் சார்ந்துள்ள ஒடுக்கப்பட்ட சமூகத்தின் விடிவெள்ளியாகத் திகழ்ந்தவர் மறைந்த முதல்வர் ஜெயலலிதா. அவ்வாறு எளிய சமூகத்திலிருந்து வந்த நான் அவை விதிகளுக்குட்பட்டு ஜனநாயக முறையில் மரபுகளைப் பின்பற்றி இந்தப் பேரவையை நடத்திய காரணத்தினால்தான் மீண்டும் இந்த வாய்ப்பு எனக்கு வழங்கப்பட்டது. ஆனால் இங்கே தி.மு.க. உறுப்பினர்கள் தனிப்பட்ட முறையிலே என்மீது தாக்குதல்களை நடத்தியிருந்தால்கூட நான் கவலைப்பட்டிருக்கமாட்டேன். பேரவைத் தலைவர் என்ற முறையிலே நான் பணியாற்றுகையில் அந்தப் பதவிக்கும் மரியாதை தராமல் நான் சார்ந்துள்ள சமூகத்தை இழிவுபடுத்துகின்ற முறையில் இங்கே நடந்துகொண்டது அவர்கள் திட்டமிட்டு அரங்கேற்றிய ஒரு நாடகமாகவே நான் கருதுகிறேன்.

தனிமனிதனாக எதிர்க்கிறேன்:

ஒடுக்கப்பட்ட சமூகத்தை, ஆதி திராவிட, தாழ்த்தப்பட்ட இன மக்களை அடக்கிவிடலாம். இந்த சமூகம் வளரக் கூடாது என நினைத்து தி.மு.கவினர் இங்கே செயல்பட்டிருப் பார்களேயானால், உண்மையிலேயே நான் சார்ந்துள்ள சமூகத்தின் சார்பாக தனபால் என்ற தனி மனிதன் அதனை என்றென்றும் எதிர்க்கக் கடமைப்பட்டிருக்கிறேன். அதற்காகத்தான் இப்போது என்னுடைய மனவருத்தத்தைத் தெரிவித்துக்கொள்கிறேன். சுதந்திரம் பெற்று 69 ஆண்டுகள் ஆனபின்பும் இந்தச் சமூகம் முன்னுக்கு வரக்கூடாது, இந்தச் சமுதாயத்தைச் சார்ந்த எவரும் உயர் பதவியில் இருக்கக்கூடாது என்ற எண்ண ஓட்டத்தின் வெளிப்பாடே இங்கே நடைபெற்ற குழப்பம் என நான் கருதுகிறேன்.

முழு வெற்றி:

இந்தத் தீர்மானத்தை எடுத்து வருவதற்கு முன்பே, திட்டமிட்டு அவையின் நடவடிக்கைகளுக்குக் களங்கம் ஏற்படுத்த வேண்டுமென்ற எண்ணத்திலே தி.மு.க. சட்டமன்ற உறுப்பினர்கள் இன்றைக்கு அவைக்கு வந்திருக்கிறார்கள். அவர்களின் எண்ணப்படியே அவைக்குக் குந்தகம் விளைவித்துவிட்டுச் சென்றிருக்கிறார்கள். அவர்கள் அவையிலே இருக்கும்போது முதலமைச்சர் எடப்பாடி பழனிசாமி தீர்மானத்தை முன்மொழிந்தார். அதன் தொடர்ச்சியாகவே இப்போது வாக்கெடுப்பு நடைபெற்று முடிவடைந்திருக்கிறது. தி.மு.க உறுப்பினர்கள் இந்த அவையில் இருந்து, இந்த தீர்மானத்தை எதிர்த்து வாக்களித்திருந்தாலும், இப்போது வெளியேறிய காங்கிரஸ் கட்சி உறுப்பினர்களும், மற்றவர்களும் எதிர்த்து வாக்களித்திருந்தாலும், இன்றையதினம் அவர்கள் கட்சியைச் சார்ந்தவர்கள், தி.மு.கவை சார்ந்தவர்கள், 88 பேர்தான், மற்ற கட்சிகளை சார்ந்தவர்களை சேர்த்தாலும், இந்த நிலையில் தற்போது இந்தத் தீர்மானத்திற்கு ஆதரவாக 122 உறுப்பினர்கள் வாக்களித்திருக்கிறார்கள். இன்றைக்கு அவர்கள் அத்தனைபேரும் இருந்து இந்த தீர்மானத்தை எதிர்த்து வாக்களித்திருந்தாலும் இந்தத் தீர்மானம் வெற்றி பெற்றதாகத்தான் இருக்கும். இப்போது பதிவான இந்த வாக்குகள் நாட்டிற்குத் தெளிவாகத் தெரிவிக்கிறது. வாக்கெடுப்பிலே, முதலமைச்சர் எடப்பாடி பழனிச்சாமி கொண்டு வந்த இந்தத் தீர்மானம் இன்றைக்கு 122 வாக்குகளைப் பெற்று முழு வெற்றியைப் பெற்றிருக்கிறது. ஆகவே, இதன்மூலம் அறுதிபெரும்பான்மையை இந்த அரசாங்கம் பெற்றிருக்கிறது என்பதை உறுதியாக தெரிவித்துக்கொள்கிறேன்.

இவ்வாறு அவர் பேசினார்.

Read More

எனக்கு நேர்ந்த கொடுமையை எங்கு போய் சொல்வது? சபாநாயகர் தனபால் வேதனை

சென்னை - எதிர்க்கட்சிகளின் அமளி காரணமாக ஒத்திவைக்கப்பட்ட அவை சரியாக 1 மணிக்கு மீண்டும் கூடியது. அவை கூடியபோது பேசிய சபாநாயகர் வி.பி.தனபால், "எனக்கு நேர்ந்த கொடுமையை எங்குபோய் சொல்வது. சட்டப்பேரவை விதிகளுக்கு உட்பட்டுத்தானே நான் அவையை நடத்த முடியும்" என்றார். அவையில் மீண்டும் பேசிய ஸ்டாலின், சட்டப்பேரவையின் பல்வேறு விதிகளை சுட்டிக்காட்டி ரகசிய வாக்கெடுப்பு நடத்த வேண்டும்" என்றார்.

முன்னதாக, திமுக எம்.எல்.ஏ.க்கள் சபாநாயகர் இருக்கையை முற்றுகையிட்டு கோஷங்கள் எழுப்பினர். திமுக எம்.எல்.ஏ பூங்கோதை மேஜை மீது ஏறி நின்று கோஷங்களை எழுப்பினார். சபாநாயகரின் இருக்கை, மேஜை, மைக் உள்ளிட்ட பொருட்கள் உடைத்தெறியப்பட்டன. இன்றைய அலுவல் நிரல் அடங்கிய காகிதங்களை கிழித்தெறிந்து திமுகவினர் அமளியில் ஈடுபட்டனர். இதனால், அவையை 1 மணிவரை ஒத்திவைத்துவிட்டு வெளியேறினார் சபாநாயகர். அவரை அவை பாதுகாவலர்கள் பத்திரமாக அறைக்கு அழைத்துச் சென்றனர். சபாநாயகர் வெளியேறிய பின்னரும் அவையில் திமுகவினர் தொடர்ந்து முழக்கமிட்டனர். திமுக எம்.எல்.ஏ. கு.க.செல்வம் சபாநாயகரின் இருக்கையில் அமர்ந்து கோஷங்களை எழுப்பினார்.

Read More