எம்.எல்.ஏ.,வுக்கு சேலை வழங்கும் போராட்டம்

பொள்ளாச்சி : தொகுதி பக்கம் வராமல் கூவத்தூர் சொகுசு விடுதியில் 10 நாட்கள் தங்கி இருந்ததுடன், சட்டசபையில் நடந்த நம்பிக்கை ஓட்டெடுப்பின் போது அரசுக்கு ஆதரவாக அதிமுக எம்.எல்.ஏ.,க்கள் ஓட்டளித்ததற்கு தமிழகம் முழுவதும் கடும் எதிர்ப்பு கிளப்பு உள்ளது.

சேலை வழங்கும் போராட்டம் :

இந்நிலையில் அரசுக்கு ஆதரவாக ஓட்டளித்ததற்காக பொள்ளாச்சி தொகுதி எம்.எல்.ஏ.,வும், சட்டசபை துணை சபாநாயகருமான பொள்ளாச்சி ஜெயராமனுக்கு சேலை வழங்கும் போராட்டத்தை திமுக அறிவித்திருந்தது. திமுக நகர செயலாளர் செல்வராஜின் வீட்டில் இருந்து சேலையை சீர்வரிசைகளுடன் எடுத்துச் சென்று எம்.எல்.ஏ., அலுவலகத்தில் வழங்க முதலில் திட்டமிடப்பட்டிருந்தது. ஆனால் தற்போது எம்.எல்.ஏ.,க்கள் அலுவலகங்களில் போலீஸ் பாதுகாப்பு போடப்பட்டுள்ளதால், பொள்ளாச்சி ஜெயராமனின் முகமூடி அணிந்த ஒருவருக்கு சேலை அணிவித்து, ஊர்வலமாக அழைத்து வந்தனர். அவருக்கு சேலை உள்ளிட்ட சீர்வரிசை வழங்கப்பட்டது. போராட்டத்தில் ஈடுபட்ட நூற்றுக்கும் மேற்பட்டோர் கைது செய்யப்பட்டுள்ளனர். இதனால் பொள்ளாச்சி முழுவதும் பரபரப்பு ஏற்பட்டுள்ளது

Read More

கவர்னருக்கு அறிக்கை : சபாநாயகர் ஆலோசனை

சென்னை : சட்டசபையில் பிப்ரவரி 18 ம் தேதி அரசு மீதான நம்பிக்கை ஓட்டெடுப்பு நடந்தது. அப்போது அமளியில் ஈடுபட்ட திமுக எம்.எல்.ஏ.,க்கள் வலுக்கட்டாயமாக, அவைக்காவலர்களால் வெளியேற்றப்பட்டனர்.
இது தொடர்பாக திமுக செயல் தலைவர் ஸ்டாலின் மற்றும் முன்னாள் முதல்வர் ஓ.பன்னீர்செல்வம் ஆகியோர் கவர்னர் வித்யாசாகர் ராவை நேரில் சந்தித்து மனு அளித்தனர். இதனையடுத்து சட்டசபை நிகழ்வுகள் தொடர்பாக அறிக்கை அளிக்கும்படி சட்டசபை செயலாளருக்கு கவர்னர் உத்தரவிட்டிருந்தார். கவர்னருக்கு அளிக்க வேண்டிய அறிக்கை தொடர்பாக, தலைமை செயலகத்தில் இன்று சபாநாயகர் தனபால் , துணை சபாநாயகர் பொள்ளாச்சி ஜெயராமன், சட்டசபை செயலாளர் ஜமாலுதீன் ஆகியோர் ஆலோசனை நடத்தினர்.

Read More

காவிரியில் கழிவு நீர் கலப்பு: சுப்ரீம் கோர்ட் கேள்வி

புதுடில்லி: காவிரியில், கழிவு நீர் கலப்பது தொடர்பாக, தமிழக அரசு தொடர்ந்துள்ள வழக்கை விசாரித்த சுப்ரீம் கோர்ட், இது குறித்து வல்லுனர் குழு அமைப்பது குறித்து, இரண்டு வாரங்களில் பதில் அளிக்க வேண்டும் என உத்தரவிட்டுள்ளது.

பெங்களூரு உள்ளிட்ட கர்நாடக மாவட்டங்களில் இருந்து வெளியேறும் கழிவு நீர் காவிரியில் கலப்பதை எதிர்த்து, தமிழக அரசு சார்பில் சுப்ரீம் கோர்ட்டில் வழக்கு தொடுக்கப்பட்டுள்ளது. இந்த வழக்கு இன்று விசாரணைக்கு வந்தது. கழிவு நீர் கலப்பதை தடுக்க, வல்லுனர் குழு அமைப்பது குறித்து, இரண்டு வாரங்களில் பதில் அளிக்க வேண்டும் என கர்நாடக அரசுக்கு சுப்ரீம் கோர்ட் உத்தரவிட்டுள்ளது.

Read More

நம்பிக்கை ஓட்டெடுப்புக்கு எதிராக ஐகோர்ட்டில் தி.மு.க., முறையீடு

சென்னை : சட்டசபையில் நடந்த நம்பிக்கை ஓட்டெடுப்பு நடத்தி முதல்வராக இடைப்பாடி வெற்றி பெற்றதாக அறிவித்ததை செல்லாது என அறிவிக்கக் கோரி ஐகோர்ட்டில் திமுக முறையீடு செய்துள்ளது.

அவசரவழக்கு :

சட்டசபையில் இருந்து திமுக எம்.எல்.ஏ.,க்கள் வெளியேற்றப்பட்டது, சட்டசபைக்குள் போலீசார் முறைகேடாக நுழைந்தது ஆகியவை தொடர்பாகவும் முறையீடு செய்யப்பட்டுள்ளது.
இதனை மனுவாக தாக்கல் செய்தால், அவசர வழக்காக எடுத்து நாளை விசாரிக்கிறோம் என திமுக.,வின் முறையீட்டை கேட்ட ஐகோர்ட் நீதிபதிகள், தெரிவித்துள்ளனர்.

Read More

காஷ்மீரில் 50 நாட்களில் 22 பயங்கரவாதிகள் பலி

ஜம்மு : காஷ்மீரின் எல்லைப் பகுதியில் கடந்த 50 நாட்களில் நடந்த தாக்குதல் சம்பவங்களில் 22 பயங்கரவாதிகள் பலியாகி உள்ளனர்.

அதிகரிக்கும் தாக்குதல்கள் :

பயங்கரவாதிகளுக்கும், ராணுவ படையினருக்கும் இடையே அவ்வப்போது தாக்குதல் நடந்து வருகிறது. இதில் 50 நாட்களில் 22 பயங்கரவாதிகள் கொல்லப்பட்டுள்ளனர். 3 பேர் கைது செய்யப்பட்டுள்ளனர். கடந்த 2010-ம் ஆண்டுக்கு பின் சமீபத்திய தாக்குதல்களில் தான் அதிக அளவில் பயங்கரவாதிகள் கொல்லப்பட்டு இருப்பதாக அதிகாரிகள் தெரிவித்து உள்ளனர். அதே சமயம் எல்லை பாதுகாப்பு பணியில் ஈடுபட்டிருந்த 26 வீரர்கள் இதுவரை இறந்து உள்ளனர். இதில் பாதுகாப்பு பணியின்போது பனிச்சரிவில் சிக்கி அதிகாரி உள்பட 20 வீரர்கள் உயிரிழந்ததும் அடங்கும்.
ஹிஸ்புல் முஜாகிதீன் தளபதி புர்ஹான் வானி கடந்த ஆண்டு கொல்லப்பட்டதையடுத்து 100-க்கும் மேற்பட்ட இளைஞர்கள் பயங்கரவாத இயக்கங்களில் சேர்ந்து உள்ளதாகவும், இதன் காரணமாக தாக்குதல் சம்பவங்கள் அதிகரித்து இருப்பதாகவும் உளவுத்துறை அறிக்கை தெரிவிக்கிறது.

Read More

காந்தி கொலை வழக்கில் தொடரும் புதிர்! முக்கிய ஆவணங்களை காணவில்லை

புதுடில்லி: தேசப்பிதா மகாத்மா காந்தி கொலை வழக்கில், இறுதி குற்றப்பத்திரிக்கை மற்றும் கோட்சேவை தூக்கிலிட கோர்ட் இட்ட ஆணை உள்ளிட்ட ஆவணங்கள் மாயமாகி உள்ளன.மேற்கு வங்கத்தைச் சேர்ந்தவர் ஹே மந்த் பாண்டா. ஆராய்ச்சியாளர். சமீபத்தில், காந்தியின் மரணம் குறித்த ஆவணங்களை ஆய்வு செய்தார். அப்போது, மகாத்மா காந்தி கொலை வழக்கில் வழங்கப்பட்ட இறுதி குற்றப்பத்திரிக்கையும், (பைனல் சார்ஜ் சீட்) மற்றும் கோட்சேவை தூக்கிலிடும்படி கோர்ட் வழங்கிய தீர்ப்பு குறிப்பும் கிடைக்கவில்லை. தகவல் பெறும் உரிமை சட்டத்தின் கீழ், இந்த ஆவணங்களை கேட்டார்.

மூன்று கேள்விகள்:

கடிதத்தில் மூன்று கேள்விகளை பாண்டா எழுப்பியிருந்தார்.
1. காந்தி கொலை வழக்கில் சம்பந்தப்பட்ட மேலும் மூன்று குற்றவாளிகளை தேடுவதற்காக டில்லி போலீசார் என்னென்ன நடவடிக்கைகளை எடுத்தனர். 2. இந்த வழக்கில் சம்பந்தப்பட்ட இருவர் எந்த ஆதாரத்தின் அடிப்படையில் விடுவிக்கப்பட்டனர். 3. இறுதி குற்றப்பத்திரிக்கையும், (பைனல் சார்ஜ் சீட்) மற்றும் கோட்சேவை தூக்கிலிடும்படி கோர்ட் வழங்கிய தீர்ப்பு குறிப்பும் எங்கே.

ஆவணங்கள் இல்லை:

இதற்கு பதில் அளித்த தேசிய ஆவண காப்பகம், மத்திய தகவல் ஆணையத்தை தொடர்பு கொண்டது. அந்த ஆணையம் குறிப்பிட்ட அந்த ஆவணங்கள் தங்களிடம் இல்லை என்று கூறி உள்ளது. மத்திய தகவல் ஆணையத்தின் ஆணையர் ஸ்ரீதர் ஆச்சார்யலு கூறுகையில், ‛குறிப்பிட்ட தகவல்கள் குறித்து மத்திய தகவல் ஆணையம் எந்த விபரத்தையும் கூறவில்லை,' என்று தெரிவித்துள்ளார்.

Read More

இந்தியன் பிரிமீயர் லீக் ஏலம் : பல வீரர்கள் விலை போகவில்லை

பெங்களூரு : இந்தியன் பிரிமீயர் லீக் கிரிக்கெட் சீசன் - 10போட்டிகள் ஏப்ரல் 5 ம் தேதி துவங்கி, மே 21 வரை நாட்டின் பல்வேறு நகரங்களில் நடக்க உள்ளது. இதில் விளையாடும் வீரர்களுக்கான ஏலம் பெங்களூருவில் இன்று நடந்தது. இந்த ஏலத்தில் பல வீரர்கள் ஏலம் போகவில்லை. இயான் மோர்கன் ரூ.2 கோடிக்கு பஞ்சாப் அணியால் ஏலம் எடுக்கப்பட்டுள்ளார்.வீரர் மேத்யூசை, டில்லி அணி, 2 கோடி ரூபாய்க்கு ஏலம் எடுத்துள்ளது.

ஏலம் போகாத வீரர்கள் விபரம் : மார்டின் குப்தில், ஜாசன் ராய், பைஸ் பாசல், அலெக்ஸ் ஹாலிஸ், ரோஸ், டெய்லர், சவுரப் திவாரி. மொத்தம், 352 வீரர்கள் ஏலம் விடப்பட உள்ளனர். இதில், 76 பேர் ஏலம் எடுக்கப்பட உள்ளனர்.

Read More