இன்று(பிப்.,24) முதல் 500 டாஸ்மாக் கடைகள் மூடல்

சென்னை: முதல்வர் பழனிச்சாமி அறிவித்தபடி, தமிழகத்தில் மேலும் 500 டாஸ்மாக் கடைகள் இன்று(பிப்.,24) முதல் மூடப்படுகின்றன. அவற்றுடன் இணைந்த 169 பார்களும் மூடப்படும் எனவும் அறிவிக்கப்பட்டுள்ளது.

முதல் கையெழுத்து:

தமிழக முதல்வராக பிப்., 16ல், இடைப்பாடி பழனிசாமி, பதவியேற்றார். 18ல், சட்டசபையில் மெஜாரிட்டியை நிரூபித்தார். தொடர்ந்து ஐந்து முக்கிய அறிவிப்புகளை வெளியிட்டு, அவற்றை நிறைவேற்றுவதற்கான கோப்புகளில் கையெழுத்திட்டார். அதில் 500 டாஸ்மாக் கடைகள் மூடப்படும் என்ற அறிவிப்பும் ஒன்று. இந்நிலையில் இன்று(பிப்.,24) முதல் 500 டாஸ்மாக் கடைகள் மூடப்படுகின்றன. மேலும் அவற்றுடன் இணைந்த 169 பார்களும் மூடப்படும் என அறிவிக்கப்பட்டுள்ளது.

முன்னதாக கடந்த ஆண்டு மே மாதத்தில் பதவியேற்ற முதல்வர் ஜெயலலிதா, 500 டாஸ்மாக் கடைகளை மூட உத்தரவிட்டது குறிப்பிடத்தக்கது.

ஊழியர்களுக்கு மாற்றுப்பணி:

மூடப்படும் டாஸ்மாக் கடையில் பணியாற்றும் உபரி ஊழியர்களுக்கு, டாஸ்மாக் நிறுவனத்திலேயே வேறு பணி வழங்கப்படும் எனவும் அறிவிக்கப்பட்டுள்ளது.


மண்டல வாரியாக மூடப்படும் கடைகள் விவரம்:

சென்னை மண்டலம்: 105 டாஸ்மாக் கடைகளும், 63 பார்களும் மூடப்படுகின்றன.
கோவை மண்டலம்: 44 டாஸ்மாக் கடைகளும், 20 பார்களும் மூடப்படுகின்றன.
திருச்சி மண்டலம்: 119 டாஸ்மாக் கடைகளும், 23 பார்களும் மூடப்படுகின்றன.
மதுரை மண்டலம்: 99 டாஸ்மாக் கடைகளும், 37 பார்களும் மூடப்படுகின்றன.
சேலம் மண்டலம்: 133 டாஸ்மாக் கடைகளும், 26 பார்களும் மூடப்படுகின்றன.

Read More

ஓ.பி.எஸ்., அதிமுகவிற்கு திரும்ப வேண்டும்: தீபக்

சென்னை : முன்னாள் முதல்வர் பன்னீர் செல்வம் அதிமுகவிற்கு திரும்ப வேண்டும் என ஜெ. அண்ணன் மகன் தீபக் கூறியுள்ளார். இது குறித்து அவர் கூறியிருப்பதாவது: ஜெ., மரணம் குறித்து விசாரணை நடத்தப்பட வேண்டும். ஜெ., வாழ்ந்த வீட்டில் எனக்கும் தீபாவிற்கும் பங்கு உள்ளது . அதிமுக துணைப்பொதுச்செயலராக தினகரன் செயல்படுவது ஏற்க முடியாது. ஜெயலலிதாவால் அடையாளம் காட்டப்பட்ட பன்னீர் செல்வம் கட்சிக்கு தலைமை ஏற்க வரவேண்டும் இவ்வாறு கூறினார்.

Read More

ஜெயக்குமாருக்கு நிதி துறை

சென்னை: மீன் வளத்துறை அமைச்சர் ஜெயக்குமாருக்கு கூடுதல் இலாகா வழங்கப்பட்டுள்ளது. முதல்வர் இடைப்பாடி பழனிசாமியிடம் இருந்த நிதி, திட்டம். ஊழியர் மற்றும் நிர்வாக சீர்திருத்தம் துறை இவருக்கு வழங்கப்பட்டுள்ளது. நிதி துறை, ஜெயக்குமாருக்கு ஒதுக்கப்பட்டுள்ளதால் அவர் தான் பட்ஜெட் தாக்கல் செய்வார். பட்ஜெட் தாக்கல் செய்யும் வாய்ப்பு முதல்வர் பழனிச்சாமி இழந்தார். 

Read More

10 , பிளஸ் 2 தேர்வு முடிவுகள் தேதி அறிவிப்பு

சென்னை : மே 12 ம் தேதி பிளஸ் 2 , மே 19 ம் தேதி காலை 10 மணிக்கு பத்தாம் வகுப்பு தேர்வு முடிவுகள் வெளியாகும் என பள்ளி கல்வித்துறை அமைச்சர் செங்கோட்டையன் இன்று அளித்த பேட்டியில் கூறியுள்ளார். அவர் மேலும் கூறுகையில் ; ஆசிரியர் தகுதி தேர்வு வரும் ஏப்ரல் 29ம் தேதியும், பட்டதாரி ஆசிரியர்களுக்கான தகுதித்தேர்வு வரும் ஏப்ரல் 30ம் தேதியும் நடக்கும் என்றும் கூறினார்.

Read More

தீபக் போர்க்கொடி: சசிகலா அதிர்ச்சி

சென்னை: சசிகலாவுக்கு எதிராக, மறைந்த முதல்வர் ஜெயலலிதாவின் அண்ணன் மகன் தீபக் போர்கொடி தூக்கியுள்ளதாக தகவல் வெளியாகி உள்ளது. இதனால், பெங்களூரு சிறையில் உள்ள சசிகலா அதிர்ச்சி அடைந்துள்ளதாகவும் கூறப்படுகிறது.

ஒரு ஆங்கில சேனலில் வெளிவந்த தகவல்: 

சசிகலா வாரிசு அரசியலில் ஈடுபட்டுள்ளது ஜெ., அண்ணன் மகன் தீபக்கிற்கு அதிர்ச்சியை ஏற்படுத்தி உள்ளது. அ.தி.மு.க.,வின் துணை பொதுச் செயலாளராக தினகரன் நியமனம் செய்யப்பட்டது எப்படி என அவர் கேள்வி எழுப்பி உள்ளார். மேலும் இது தொடர்பாக அவர் கூறியிருப்பதாவது:

சென்னை, போயஸ் கார்டன் பகுதியில் உள்ள வேதா இல்லம் தனக்கும் தனது சகோதரி தீபாவிற்கும் சொந்தமானது. முன்னாள் முதல்வர் ஓ.பன்னீர்செல்வம் மிகவும் நல்லவர்; முதல்வராக அவர் சிறப்பாக செயல்பட்டார் . துணை பொதுசெயலாளராக தினகரன் நியமிக்கப்பட்டதை ஏற்க முடியாது. ஆனால் சசிகலாவுக்கு எனது ஆதரவு உண்டு இவ்வாறு அவர் கூறியுள்ளார்.

Read More

சிலை கடத்தல்: கடலூரில் 5 பேர் கைது

சென்னை: கடலூரில் ஐம்பொன் விநாயகர் சிலையை திருடி கடத்த முயன்ற ஐந்து பேரை, துப்பாக்கி முனையில் போலீசார் சுற்றி வளைத்து கைது செய்தனர்.

சிலை திருட்டு:

நாகப்பட்டினம் மாவட்டம், செம்பனார் கோவில் அருகே உள்ள மங்கநல்லூர் பகுதியை சேர்ந்தவர்ராஜா. இவர் மயிலாடுதுறை பகுதியில் உள்ள ஒரு கோவிலில் இருந்து ஒன்றரை அடி உயரமுள்ள வினாயகர் சிலையை திருடியுள்ளார். அந்த சிலையை வெளிநாட்டுக்கு கடத்தி சென்று விற்பனை செய்ய, புதுச்சேரி, அரியாங்குப்பத்தை சேர்ந்த ஞானசேகரன் என்பவரை , கடலூரை சேர்ந்த முகுந்தன் சர்மா என்பவர் மூலம் தொடர்பு கொண்டார். இவர்கள் கடலூரில் சந்திக்க முடிவு செய்யப்பட்டது.

கடலுாரில் சுற்றிவளைப்பு:

அதன்படி ஹோண்டா சிட்டி காரில் ராஜா, மயிலாடுதுறையை சேர்ந்த வினோத், தரங்கம்பாடியை சேர்ந்த செந்தில்வேலன் ஆகியோர் கடலூருக்கு வந்தனர். அரியாங்குப்பத்தில் இருந்து ஞானசேகரன் ஒரு காரில் கடலூர் வந்தார். அவர்கள் முகுந்தன் சர்மாவை கடலூர் மஞ்சகுப்பம் பகுதியில் சந்திக்க திட்டமிட்டு இருந்தனர்.

இந்த தகவல் தமிழக சிலை கடத்தல் தடுப்பு பிரிவு போலீசாருக்கு கிடைத்தது. ஐ.ஜி., பொன்மாணிக்கவேல் மற்றும் போலீசார் கடந்த, இரண்டு நாட்களாக கடலூரில் தங்கியபடி கண்காணித்து வந்தனர். இன்று, ஐந்து பேரையும் கடலூரில் துப்பாக்கி முனையில் சுற்றி வளைத்து கைது செய்தனர். அவர்களிடம் இருந்து, ஐம்பொன் விநாயகர் சிலையை பறிமுதல் செய்தனர். அந்த சிலையின் மதிப்பு, நான்கு கோடி ரூபாய் என போலீசார் தெரிவித்தனர்.

Read More

20 ஆண்டு வரலாறு காணாத தோல்வி; மகாராஷ்ட்டிர தேர்தலில் காங்கிரசுக்கு அடி

மும்பை: மகாராஷ்ட்டிர மாநில உள்ளாட்சி தேர்தலில் காங்கிரசுக்கு பலத்த அடி கிடைத்துள்ளது. 10 மாநகராட்சிகள் கொண்ட இம்மாநிலத்தில் ஒரு மாநகராட்சியை கூட பிடிக்க முடியாத அதல பாதாளத்திற்கு காங்கிரஸ் தள்ளப்பட்டுள்ளது.

அதே நேரத்தில் பா.ஜ.,வும், சிவசேனாவும், கடந்த கால வெற்றியை விட கூடுதல் இடங்களை பிடித்துள்ளது. மேலும் முக்கிய கட்சிகளான சரத்பவாரின் தேசியவாத காங்கிரஸ், ராஜ்தாக்ரேயின் நவநிர்மாண் சேனாவும் சில சொற்ப இடங்களையே பெற்றுள்ளது. அனைத்து கட்சிகளும் பெரும் கூட்டணி எதுவும் அமைக்காமல் தேர்தலை சந்தித்துள்ளனர் என்பது குறிப்பிடத்தக்கது.

மும்பை மாநகராட்சியை பொறுத்தவரை மொத்தம் 227 வார்டுகளில் சிவ சேனாவும் , பா.ஜ., வும் வெற்றிகளை குவித்து வருகின்றனர். ஆனால் காங்கிரஸ் வெறும் 20 இடங்களில் மட்டுமே முன்னிலை வகித்து வருகிறது. நாசிக்கில் மொத்தம் உள்ள 151 வார்டுகளில் காங்கிரஸ் 2 இடங்களை மட்டுமே பிடிக்கிறது. புனே, தானேயில் காங்கிரஸ் ஒரு வார்டாவது பிடிக்குமா என்ற நிலையே நிலவுகிறது.

பொய்யாகிப்போனது:

மோடியின் சமீபத்திய 500 1000 ரூபாய் நோட்டுகள் அழிப்பு, புதிய ரூபாய் அறிமுகம் பா.ஜ.,வுக்கு மக்கள் ஓட்டளிக்க மாட்டார்கள் என்ற காங்கிரஸ் பிரசாரம் பொய்யாகிப்போனதாக விமர்சகர்கள் கூறுகின்றனர். அதே மகாராஷ்ட்டிராவில் பல முறை ஆட்சியை பிடித்த காங்கிரஸ் இது வரை கடந்த 20 ஆண்டுகால வரலாற்றில் பெரும் தோல்வியை சந்தித்திருக்கிறது. இது காங்கிரஸ் தன் நிலையை சுய பரிசோதனை செய்ய வேண்டும் என்கின்றன மீடியாக்கள்.

Read More