விவசாயிகளின் வங்கிக்கணக்கில் வறட்சி நிவாரண நிதி செலுத்தப்படும் : தமிழக அரசு அறிவிப்பு

மார்ச்  - வறட்சி நிவாரண நிதி இன்னும் ஓரிரு நாட்களில் விவசாயிகளின் வங்கிக்கணக்கில் நேரடியாக செலுத்தப்படும் என தமிழக வருவாய் நிர்வாகம் மற்றும் பேரிடர் மேலாண்மை ஆணையர் சத்யகோபால் தெரிவித்துள்ளார்.  சென்னை வானிலை ஆய்வு மையத்தில் தேசிய அறிவியல் தினத்தையொட்டி பருவநிலை 2016 என்ற தலைப்பில் சிறப்பு கருத்தரங்கம் நடைபெற்றது. இதில் தமிழக வருவாய் நிர்வாகம் மற்றும் பேரிடர்மேலாண்மை ஆணையர் சத்யகோபால் சிறப்பு விருந்தினராக கலந்து கொண்டார்.

அப்போது செய்தியாளர்களிடம் பேசிய அவர், நடப்பாண்டில் தமிழகத்தில் நிலவும் வறட்சி காரணமாக 32 லட்சம் விவசாயிகள் பாதிக்கப்பட்டுள்ளனர் என்றும், வறட்சியால் பாதிக்கப்பட்ட விவசாயிகளுக்கு நிவாரண நிதியாக தமிழக அரசு சார்பில் 2,247 கோடி ரூபாய் ஒதுக்கீடு செய்யப்பட்டுள்ளதாகவும் கூறினார். விவசாயிகளின் வங்கிக்கணக்குகளை சரிபார்க்கும் பணி தற்போது நடைபெற்று வருவதாகவும், இந்த பணியானது நாளை மாலைக்குள் நிறைவடையும், அதன்பின்பு பாதிக்கப்பட்ட விவசாயிகளுக்கு அவர்களது வங்கிக்கணக்கில் மாவட்ட ஆட்சியர் அலுவலகத்திலிருந்து நேரடையாக நிவாரண நிதி செலுத்தப்படும் என அவர் தெரிவித்தார்.

Read More

அரசுப் பணியை ‛அப்படியே' போட்டுவிட்டு சசியை சந்தித்த அமைச்சர்கள்

பெங்களூரு: சிறையில் இருக்கும் சசிகலாவை தமிழக அமைச்சர்கள் இன்று சந்தித்து பேசினர். சென்னையில் ஏராளமான அரசுப் பணிகள் இருக்கும்போது, அவற்றை விட்டுவிட்டு, அரசு பொறுப்பில் இல்லாத சசிகலாவை அமைச்சர்கள் சந்தித்தது விமர்சனத்தை ஏற்படுத்தியிருக்கிறது.சொத்துக்குவிப்பு வழக்கில் பரப்பன அக்ரஹார சிறையில் சசி அடைக்கப்பட்டுள்ளார். இவரை சமீபத்தில் தினகரன் சந்தித்து வந்தார். இந்நிலையில் அமைச்சர்கள் செங்கோட்டையன், திண்டுக்கல் சீனிவாசன், செல்லூர் ராஜூ, காமராஜ் உள்ளிட்டோர் பெங்களூரு சென்றனர். அனுமதி பெற்று அமைச்சர்கள் சசியை சந்தித்து பேசினர். பொது செயலர் பதவிக்கு ஆபத்து வந்தால் ., அமைச்சர்கள் சசிகலாவுக்கு ஆப்பிள், திராட்சை, ஆரஞ்சு மற்றும் பாதாம், முந்திரி , பருப்புகள் வாங்கி சென்று கொடுத்தனர். அமைச்சர்கள் மதியம் 1.23 க்கு சிறைக்குள் சென்றனர். தொடர்ந்து 2.36க்கு வெளியே வந்தனர். பொது செயலர் பதவி செல்லாது என ஓ.பி.எஸ்., தரப்பில் தேர்தல் கமிஷனிடம் தாக்கல் செய்த மனுவில் சசிக்கு எதிராக தீர்ப்பு வந்தால் அடுத்து என்ன நடவடிக்கை எடுக்கலாம் என ஆலோசிக்கப்பட்டது. பொது செயலராக யாரை நியமிப்பது என்பதும் குறித்தும் விவாதிக்கப்பட்டது.

சிறை மாற்றும் முயற்சி : 90

சில நாட்கள் கழித்தே சிறை மாற்றம் குறித்து எந்த முயற்சியும் மேற்கொள்ளப்படும். அப்போது தமிழகத்திற்கு மாற்றுவது தொடர்பாக நடவடிக்கை எடுக்கலாம் எனவும் சசியிடம் அமைச்சர்கள் எடுத்துக்கூறியதாகவும் தெரிகிறது.

Read More

ஜனாதிபதி பிரணாப்முகர்ஜி 3-ந்தேதி சென்னை வருகை

சென்னை, ஜனாதிபதி பிரணாப் முகர்ஜி வருகிற 3-ம் தேதி சென்னை வருகிறார். அன்று தாம்பரத்தில் நடைபெறும் விமானப்படை விழாவில் அவர் பங்கேற்கிறார்.

ஜனாதிபதி பிரணாப் முகர்ஜி 2-ந்தேதி கேரள மாநிலம் கொச்சி செல்கிறார். அன்று மாலை 4 மணிக்கு அங்கு நடைபெறும் கருத்தரங்கில் அவர் பங்கேற்கிறார்.கொச்சியில் இருந்து ஜனாதிபதி பிரணாப் முகர்ஜி சென்னை வருகிறார். 3-ந்தேதி தாம்பரத்தில் நடைபெறும் விமானப்படை விழாவில் அவர் பங்கேற்கிறார்.125-வது படை பிரிவு ஹெலிகாப்டர் உள்ளிட்ட பிரிவுகளில் சிறப்பாக பணியாற்றியவர்களுக்கு ஜனாதிபதி விருதுகளை வழங்குகிறார்.

இந்த விழாவில் நடைபெறும் அணி வகுப்பில் எம்.ஐ.17 மற்றும் 35 ரக ஹெலிகாப்டர் இடம்பெறும். மேலும் 125-வது படை பிரிவு ஹெலிகாப்டர்கள் வானில் சாகசத்தில் ஈடுபடும்.இந்த விழாவில் கவர்னர் வித்யாசாகர்ராவ், முதல்- அமைச்சர் எடப்பாடி பழனிச்சாமி மற்றும் விமானப்படை அதிகாரிகள் கலந்து கொள்கிறார்கள். மேற்கண்ட தகவலை தாம்பரம் விமானப்படைப் பயிற்சி தலைமை கமாண்டர் ஏர்மார்ஷல் எஸ்.ஆர்.கே. நாயர் தெரிவித்தார்.

English Summary:

Chennai, President Pranab Mukherjee on coming 3 is in Chennai. He participates in the ceremony held at the Air Force Training on.

Read More

மக்களுக்கு எதிரான எந்த ஒரு திட்டத்தையும் அனுமதிக்க முடியாது:தமிழக அரசு திட்டவட்டம்

சென்னை  - மத்தியில் கடந்த காங்கிரஸ் - தி.மு.க கூட்டணி ஆட்சியின் போதுதான்ஹைட்ரோ கார்பன் திட்டம் கொண்டு வரப்பட்டதாகவும், மக்களுக்கு எதிரான எந்த ஒரு திட்டத்தையும்அனுமதிக்க முடியாது என்றும் தமிழக அரசு திட்டவட்டமாக தெரிவித்துள்ளது.  டெல்லி செல்லும் முன்  நேற்று சென்னை விமான நிலையத்தில் பேட்டியளித்த அமைச்சர் டி.ஜெயக்குமார், புதுக்கோட்டை மாவட்டம் நெடுவாசலில் கடந்த காங்கிரஸ் - தி.மு.க. கூட்டணி ஆட்சியின்போது ஹைட்ரோ கார்பன் திட்டம் கொண்டு வந்ததாக தெரிவித்தார்.

இதனை அங்குள்ள மக்கள் ஏற்காத நிலையில், தமிழக அரசு ஒருபோதும் இத்திட்டத்தை ஏற்காது என உறுதிபடத் தெரிவித்தார்.  டெல்லியில் நேற்று மாலை தமிழக முதலமைச்சர் எடப்பாடி கே.பழனிச்சாமி, டி. ஜெயக்குமார் உள்ளிட்டோர் அடங்கிய குழுவினர், தமிழகத்தின் வளர்ச்சித் திட்டங்கள் குறித்து பிரதமரை சந்தித்தனர்.

Read More

ஜெயலலிதா மரணம் பற்றி விசாரணை: ஜனாதிபதியிடம் எம்.பி.,க்கள் கோரிக்கை

புதுடில்லி: முன்னாள் முதல்வர் ஜெயலலிதா மரணம் பற்றி மத்திய அரசு விசாரணை நடத்த நடவடிக்கை எடுக்க வேண்டும் என ஜனாதிபதியிடம் கோரிக்கை விடுத்ததாக ராஜ்யசபா எம்.பி., மைத்ரேயன் கூறினார்.
டில்லியில் ஜனாதிபதி பிரணாப் முகர்ஜியை, பன்னீர் ஆதரவு எம்.பி.,க்கள் ராஜ்யசபா எம்.பி., மைத்ரேயன் தலைமையில் சென்று சந்தித்தனர்.

மரணத்தில் சந்தேகம்:

இதன் பின்னர் மைத்ரேயன் பத்திரிகையாளர்களிடம் கூறியதாவது: அதிமுக எம்.பி.,க்கள் சார்பில் ஜெயலலிதா மரணம் பற்றி விசாரணை நடத்த வேண்டும் என ஜனாதிபதியிடம் கோரிக்கை விடுத்தோம். ஜெ., மரணம் தொடர்பாக அதிமுக தொண்டர்கள் முதல் தமிழக மக்கள் வரை அனைவருக்கும் சந்தேகம் உள்ளது. இந்த சந்தேகத்திற்கு பல முகாந்திரம் உள்ளது. ஜெயலலிதா வீட்டில் ஐ.சி.யூ., வார்டு உள்ளது. ஆனால், நீர்ச்சத்து குறைவு, காய்ச்சல் காரணமாக அப்பல்லோ மருத்துவமனையில் அனுமதிக்கப்பட்டதாக கூறியதில் முதல் சந்தேகம் எழுந்தது. 75 நாள் அப்பல்லோ மருத்துவமனையில் இருந்தபோது, யாரும் ஜெயலலிதாவை சந்திக்க அனுமதிக்கப்படவில்லை. ஜெயலலிதா மரணத்தில் பல குளறுபடிகள் உள்ளன. இதனை தீர்ப்பது தான் ஜெயலலிதாவுக்கு செலுத்தப்படும் அஞ்சலியாகும். போயஸ் கார்டனில் என்ன நடந்தது, அப்பல்லோ மருத்துவமனையில் சிகிச்சையின் போது என்ன நடந்தது, செப்.,22ம் தேதிக்கு முன்னர் என்ன நடந்தது என்பது பற்றி விசாரணை நடத்தப்பட வேண்டும். தற்போதுள்ள தமிழக அரசுக்கு இதுபற்றி விசாரணை நடத்த தகுதியில்லை.

செங்கோட்டையனுக்கு கண்டனம்:

இதனால், ஜெயலலிதா மரணம் தொடர்பாக சி.பி.ஐ., விசாரணை அல்லது நீதிவிசாரணை நடத்த வேண்டும் என கோரிக்கை விடுத்தோம். மத்திய அரசு சார்பில் விசாரணை நடத்த வேண்டும் என நாங்கள் கோரிக்கை விடுத்தோம். நாங்கள் கூறியதை ஜனாதிபதி குறிப்பு எடுத்துக்கொண்டார். ஜெயலலிதாவை பார்த்ததாக செங்கோட்டையன் கூறுவது உண்மையில்லை. தம்பிதுரை முன்னுக்கு பின் முரணமாக பேசி வருகிறார். இவ்வாறு அவர் கூறினார்.

English summary:

NEW DELHI: Former Chief Minister Jayalalithaa to take action to investigate the death of the President of the Federal Government issued a request to the Rajya Sabha MP said maitreyan.

Read More

‛பெல்லட்' துப்பாக்கியில் மாற்றம் காஷ்மீர் துணை ராணுவம் முடிவு

புதுடில்லி: காஷ்மீர் வன்முறையை கட்டுப்படுத்த பயன்படுத்தப்பட்டு வரும் பெல்லட் துப்பாக்கியால் பெரும் காயங்கள் ஏற்படுவதால், அதில் மாற்றம் செய்ய துணை ராணுவம் முடிவு செய்துள்ளது.
காஷ்மீரில் கடந்த பல மாதங்களாக தொடர்ந்து வன்முறை வெடித்து வருகிறது. கலவரக்காரர்களை, உயிர்ச்சேதமில்லாமல் கட்டுப்படுத்த அதிக வலியை ஏற்படுத்தும் பெல்லட் துப்பாக்கிகள் பயன்படுத்தப்படுகின்றன.

உலோக தகடுகளால் காயம்:

பெல்லட் துப்பாக்கி குண்டுகளின் முனையில் உலோக தகடு பொருத்தப்பட்டிருக்கும். இந்த உலோக தகடு, முகம், கைகால்களில் படும் போது காயங்கள் ஏற்படுகின்றன. இதனால், தாக்கப்படுவோர் கடும் பாதிப்பிற்குள்ளாகின்றனர்.

காயத்தை குறைக்க திட்டம்:

இதை தடுக்கும் வகையில், பெல்லட் குண்டுகளின் முனையில் உலோக தகடுகளுக்கு பதிலாக, தசை போன்ற தன்மைகொண்ட ஒரு ரப்பரை பொறுத்த திட்டமிடப்பட்டுள்ளது. இது குறித்து சி.ஆர்.பி.எம்., ஜெனரல் துர்கா பிரசாத் கூறுகையில், ‛காயங்களை குறைக்கும் வகையில் பெல்லட் துப்பாக்கியில் சில மாற்றங்களை செய்ய உள்ளோம். மேலும், வன்முறையாளர்கள் மீது தாக்குதல் நடத்தும் போது, முட்டிக்கு கீழ் தான் பெல்லட் துப்பாக்கியால் சுட வேண்டும் என்றும் உத்தரவிடப்பட்டுள்ளது. ' என்றார். காஷ்மீர் நிலவரம் குறித்து அவர் மேலும் கூறுகையில், ‛கடந்த ஆண்டை காட்டிலும் வன்முறைகள் குறைந்துள்ளன. துணை ராணுவத்தினர் மற்றும் போலீசார் மீது கல்லெறிந்து தாக்குவதும் குறைந்துள்ளது,' என்றார்.

மிளகாய் தூளும் உண்டு:

பெல்லட் துப்பாக்கிகள் மட்டுமல்லாது.பாவா எனப்படும் மிளகாய்தூளையும் ஆயுதமாக துணை ராணுவத்தினர் பயன்படுத்துகின்றனர். நிலவரத்தை பொறுத்து பெல்லட் துப்பாக்கிகள் அல்லது பாவா மிளகாய்தூளை பயன்படுத்துவதாக அதிகாரிகள் கூறி உள்ளனர்.

English Summary:

NEW DELHI: pellat Kashmir, which is used to control the violence, injuries caused by the gun, the army has decided to make the transition to auxiliary. 

Read More

ராகுல் தொகுதியில் மறக்கப்பட்ட கிராமம்: கோபத்தில் தேர்தலை புறக்கணித்த மக்கள்

அமேதி: காங்கிரஸ் துணைத்தலைவர் ராகுலின் அமேதி தொகுதியில் உள்ள ஒரு கிராம மக்கள், சாலை சரி செய்யப்படாததை கண்டித்து தேர்தலை புறக்கணித்தனர்.

வெறிச்சோடி...:

உ.பி.,யில் உள்ள அமேதி தொகுதி எம்.பி.,யாக காங்கிரஸ் துணைத்தலைவர் ராகுல் உள்ளார். இந்த தொகுதியில் பார்சவூலி கிராமம் உள்ளது. இங்கு 339 ஆண்கள், 310 பெண்கள் என மொத்தம் 649 ஓட்டுக்கள் உள்ளன. இந்த கிராம மக்கள், நேற்று(பிப்., 27) நடந்த தேர்தலை புறக்கணித்தனர். ஒருவர் கூட தங்களது ஓட்டை பதிவு செய்யவில்லை. இதனால் காலை முதல் மாலை வரை ஓட்டுச்சாவடி வெறிச்சோடி காணப்பட்டது. தங்கள் கிராமத்திலிருந்து, அமேதி - துர்காப்பூர் தேசிய நெடுஞ்சாலையை இணைக்கும் சாலை சரி செய்து தரப்படாததை கண்டித்து ஓட்டுப்போடவில்லை என கிராம மக்கள் தெரிவித்தனர்.

கோபம்:

ரயில்வே ஊழியர் ஒருவர் கூறுகையில், சஞ்சய் எம்.பி.,யாக இருந்த போது அமைக்கப்பட்ட சாலை தற்போது சேதமடைந்துள்ளது. இதனை சரி செய்ய யாரும் நடவடிக்கை எடுக்கவில்லை. இவ்வாறு அவர் கூறினார்.மற்றொரு முதியவர் கூறுகையில், இதனை நாங்கள் சாதாரணமாக எடுத்து கொள்ள முடியாது. எம்.பி.,க்கள் எம்.எல்.ஏ.,க்கள் வருகிறார்கள் செல்கிறார்கள் ஒன்றும் செய்யவில்லை. மக்களை பார்வையற்றவர்கள் என அவர்கள் நினைக்கின்றனரா என கோபமாககேட்டார். இந்த தொகுதியில் சரியாக பாசன வசதி இல்லை. நல்ல பள்ளி, கல்லூரிகள் இங்கு இல்லை. இங்கு கர்ப்பிணி பெண்கள், பிரசவத்தின் போது மரணமடைவதும் தொடர்கிறது. என, மக்கள் குற்றம்சாட்டியுள்ளனர்.

சமாளிப்பு:

இது தொடர்பாக காங்கிரஸ் நிர்வாகி ஒருவர் கூறுகையில், அமேதி தொகுதி வளர்ச்சியடையவில்லை எனக்கூற முடியாது. எந்த தொகுதியும் 100 சதவீத வளர்ச்சி பெற்றுள்ளது என யாரும் கூற முடியாது. ஆனால், இதனை செய்ய நாங்கள் முயற்சி செய்து வருகிறார். இவ்வாறு அவர் கூறினார்.

English summary:

Amethi: Congress Vice President Rahul's Amethi constituency on a rural road, which was not exactly boycotted the elections in protest.

Read More