4வது காலாண்டு ஜி.டி.பி., வளர்ச்சி 7.1%: ரூபாய் நோட்டு வாபசால் பாதிப்பில்லை

புதுடில்லி: ரூபாய் நோட்டு வாபஸ் திட்டத்திற்கு பிறகு, எதிர்பார்த்ததற்கு மாறாக, 2016 - 17 ஆண்டில் நாட்டின் 4வது காலாண்டு ஜி.டி.பி., (மொத்த உள்நாட்டு உற்பத்தி) வளர்ச்சி 7.1 சதவீதமாக இருக்கும் என எதிர்பார்க்கப்படுகிறது.

கறுப்பு பணம் மற்றும் கள்ள நோட்டுகளை ஒழிப்பதற்காக பிரதமர் மோடி, நவ.,9 ம் தேதி முதல் பழைய 500, 1,000 ரூபாய் நோட்டுகள் செல்லாது என அதிரடியாக அறிவி்த்தார்.

ரூபாய் நோட்டு வாபஸ்:

இந்திய பொருளாதாரத்தின் எதிர்கால வளர்ச்சிக்கு இத்திட்டம் அடிதளமாக அமையும் என சொல்லப்பட்டது. இத்திட்டத்தால், அடுத்த சில மாதங்களுக்கு பொருளாதார வளர்ச்சி குறிப்பிட்ட அளவில் மந்தமாக இருக்கும் எனவும் பின்னர் அது பெரிய அளவில் வளர்ச்சி அடையும் எனவும் கூறப்பட்டது.

7.1% ஆக இருக்கும்:

இந்நிலையில், 2016 - 17 நிதியாண்டின் நாட்டின் 4வது காலாண்டு(ஜன.,-மார்ச்) ஜி.டி.பி., வளர்ச்சி 7.1% ஆக இருக்கும் என மத்திய புள்ளியியல் அலுவலகம் எதிர்பார்க்கிறது. இதற்கு முந்தைய காலாண்டு(அக்.,-டிச.,) வளர்ச்சி 7.0% ஆக இருந்தது குறிப்பிடத்தக்கது.

பாதிப்பில்லை:

ரூபாய் நோட்டு வாபஸ் திட்டத்தால் தற்காலிக பணத் தட்டுபாடு நிலவியது. இது பொருளாதார வளர்ச்சியை பாதிக்கும் என சொல்லப்பட்ட நிலையில் பணத் தட்டுபாட்டால் பொருளாதார வளர்ச்சியில் பெரியளவில் பாதிப்பு ஏற்படவில்லை என தெரியவந்துள்ளது. வரும் நிதியாண்டில் நாட்டின் பொருளாதார வளர்ச்சி மேலும் அதிகரிக்கும் என எதிர்பார்க்கப்படுகிறது.

Read More

பேனாவால் எழுதப்பட்ட 2000 ரூபாய் நோட்டை வங்கியில் வாங்க மறுப்பு

சென்னை, புரசைவாக்கத்தில் உள்ள ஒரு தனியார் வங்கி ஊழியர் பேனாவால் எழுதப்பட்ட புதிய 2000 ரூபாய் நோட்டை வாங்க மறுத்ததால் அந்நோட்டை வாடிக்கை
யாளர் கிழித்து எறிந்த சம்பவம் நிகழ்ந்துள்ளது.

புதிய ரூ.2000, ரூ.500 நோட்டுகளில் எந்தவித எழுத்துக்களோ, கிறுக்கல்களோ இடம் பெறக்கூடாது என்று ரிசர்வ் வங்கி எச்சரித்துள்ளது. ரூபாய் நோட்டுகளில் தேவையற்ற எழுத்துக்கள், கீறல்கள் இருந்தால் அவற்றின் மதிப்பு குறைவாக கருதப்படும்.பிறநாடுகளின் ரூபாய் நோட்டுகளில் அவர்கள் எதையும் எழுதுவது இல்லை. அந்த நாட்டின் பணத்திற்கு மதிப்பளிப்பதோடு முக்கியத்துவம் கொடுக்கிறார்கள்.ஆனால் இந்தியாவில் மட்டும்தான் ரூபாய் நோட்டுகளில் கவுண்ட் செய்து நெம்பர் போடுவதும், பெயர் போன்ற பல்வேறு எழுத்துக்களை எழுதி களங்கப்படுத்துகிறோம். அதனால் புதிய ரூ.2000, ரூ.500 நோட்டுகளை அயல்நாடுகளை போல மதிப்புடன் பராமரிக்க வேண்டும் என்பதில் மத்திய அரசு கவனம் செலுத்தி வருகிறது.புதிய ரூபாய் நோட்டுகளில் பல்வேறு சிறப்பு அம்சங்கள் இடம்பெறுகின்றன. அவற்றுடன் ரூபாய் நோட்டுகள் மீது எழுதுவதை தவிர்க்க வேண்டும் என்பதற்காக சில விதிமுறைகளையும் பின்பற்றி வருகிறது.

ஆனால் எப்போதும் போல ரூபாய் நோட்டுகளில் எழுதி பழக்கப்பட்டவர்களால் இன்னும் மாறமுடியவில்லை. புதிய 2000 ரூபாய் நோட்டிலும் தங்களை அறியாமல் எழுதி விடுகின்றனர். அதன்பிறகு தாங்கள் செய்த தவறை உணருகின்றனர்.அதுபோன்ற ரூபாய் நோட்டுகள் வங்கிகளில் ஏற்கப்படுவது இல்லை. திருப்பி கொடுத்து விடுகின்றனர். வங்கிகளிலும் இப்போது ஒவ்வொரு நோட்டுகளாக ஆய்வு செய்கின்றனர். நோட்டுகளின் இருபக்கமும் பார்த்துதான் பணத்தை வாங்குகிறார்கள்.புரசைவாக்கத்தில் உள்ள ஒரு தனியார் வங்கியில் வாடிக்கையாளர் ஒருவர் அந்த வங்கியிடம் சில நாட்களுக்கு முன்பு ரூ.2000 நோட்டுகள் வாங்கி சென்றுள்ளார். அதில் ஒரு நோட்டில் பேனாவால் எழுதப்பட்டு இருந்ததை பார்த்து அதிர்ச்சி அடைந்தார். மறுநாள் வங்கிக்கு சென்று “இந்த நோட்டு தங்கள் வங்கியில் வாங்கியது தான். இதனை மாற்றித் தரும்படி கேட்டார்.அதற்கு வங்கி ஊழியர் நாங்கள் கொடுத்தோம் என்பதற்கு என்ன சான்றுள்ளது. பணம் கொடுத்த அப்போதே நீங்கள் பார்த்து வாங்கி இருக்க வேண்டும். இப்போது வாங்க இயலாது என்று மறுத்து விட்டனர்.அவர் நான் தங்கள் வங்கியில் நீண்டகால வாடிக்கையாளர். பொய் சொல்ல வேண்டிய அவசியம் இல்லை என்றார். ஆனால் அந்த ஊழியரோ எதையும் கேட்கவோ, ஏற்கவோ மறுத்து விட்டார்.

ஆத்திரம் அடைந்த வாடிக்கையாளர் வங்கி ஊழியர் முன்பே 2000 ரூபாய் நோட்டை கிழித்து தூக்கி எறிந்து விட்டு சென்றார். இதை அங்கு நின்ற மக்கள் ஆச்சரியத்துடன் பார்த்தனர்.ஒவ்வொரு இந்திய குடிமகனுக்கும் சொந்தமானது என்று உணர்ந்து செயல்பட வேண்டும். ரூபாய் நோட்டின் மீது எழுதுவதை தவிர்க்க வேண்டும். நம்முடைய பணம் என்று மட்டும் நினைத்து விடக்கூடாது.

Read More

ரூ. 96 லட்சத்திற்கு பழைய ரூபாய் நோட்டு: மும்பையில் 4 பேர் கைது

மும்பை: மும்பையில் பழைய 500 , ஆயிரம் ரூபாய் நோட்டுகளுடன் 4 பேர் கைது செய்யப்பட்டுள்ளனர். மும்பையையொட்டிய புறநகர் பகுதியில் சிலர் 500, ஆயிரம் ரூபாய் நோட்டுகள் வைத்திருந்ததாக தகவல் கிடைத்ததன் பேரில் சோதனை நடத்தப்பட்டது. இதில் 96 லட்சம் ரூபாய் இருந்தது கண்டுபிடிக்கப்பட்டது. போலீசார் தொடர்ந்து விசாரித்து வருகின்றனர்.

English Summary:

Mumbai: In the old 500, 4 thousand banknotes arrests. Near mumbai suburb some 500 thousand banknotes had conducted on receipt of the information. It was found 96 lakh. Following the police are investigating.

Read More

ஜூலை 1 முதல் ஜிஎஸ்டி வரி அமல்

புதுடில்லி: டில்லியில் மத்திய பொருளாதார விவகாரத்துறை செயலாளர் சக்திகாந்த் தாஸ் கூறியதாவது: நாடு முழுவதும் ஜூலை 1 முதல் ஜி.எஸ்.டி., வரி அமல்படுத்தப்படும். இதற்கு அனைத்து மாநில அரசுகளும் ஒப்புக்கொண்டுள்ளன. இவ்வாறு அவர் கூறினார்.
ஜி.எஸ்.டி.,மசோதா தொடர்பான ஐஜிஎஸ்டி, சிஜிஎஸ்டி, எஸ்ஜிஎஸ்டி ஆகிய வரைவு மசோதாக்களை மார்ச் 9ம் தேதி துவங்கும் இரண்டாவது கட்ட பட்ஜெட் பார்லிதொடரில் நிறைவேற்ற மத்திய அரசு திட்டமிட்டுள்ளது. இழப்பீடு வரைவு மசோதாவுக்கு ஏற்கனவே கடந்த பிப்ரவரி 18 ம் தேதி நடந்த ஜிஎஸ்டி கவுன்சில் கூட்டத்தில் ஒப்புதல் கொடுக்கப்பட்டுள்ளது.

English Summary:

Delhi Economic Affairs Secretary in the Federal Sakthikanth Das said: GST across the country from July 1, the tax will be applied. All state governments have agreed to this. He said. 

Read More

பேச்சு சுதந்திரம் கேட்டு டில்லியில் மாணவர்கள் பேரணி

புதுடில்லி: டில்லி பல்கலையில் ஏராளமான மாணவர்கள் பேரணியாக சென்றனர்.

போராட்டம்:

கடந்த 22ம் தேதி டில்லி பல்கலை கட்டுப்பாட்டில் உள்ள ராம்ஜாஸ் கல்லூரியில் தேச துரோக வழக்கு பதிவு செய்யப்பட்ட உமர் காலித் பேச இருந்தார். இதற்கு ஏபிவிபி மாணவ அமைப்பு எதிர்ப்பு தெரிவித்தது. இதற்கு கல்லூரி மாணவர்கள் எதிர்ப்பு தெரிவித்தனர். இதனால் அங்கு மோதல் ஏற்படும் சூழ்நிலை ஏற்பட்டது. தொடர்ந்து உமர் காலித் நிகழ்ச்சி ரத்து செய்யப்பட்டது. இதனை கண்டித்து மாணவர்கள் போராட்டம் நடத்தினர்.

பாதுகாப்பு:

ஏபிவிபி மாணவர் அமைப்புக்கு பயங்கரவாதிகள் தாக்குதலில் மரணமடைந்த ராணுவ வீரரின் மகளும் எதிர்ப்பு தெரிவித்தார். இதனையடுத்து அந்த மாணவிக்கு மர்ம நபர்கள் மிரட்டல் விடுத்தனர். இதனையடுத்து மாணவிக்கு போலீஸ் பாதுகாப்பு அளிக்கப்பட்டது. தொடர்ந்து டில்லியில் மாணவர்கள் போராட்டத்தில் நான் கலந்து கொள்ள போவதில்லை எனவும், இருப்பினும் மாணவர் போராட்டத்திற்கு நான் ஆதரவு அளிப்பதாக அறிவித்தார். இந்த மாணவிக்கு மத்திய உள்துறை இணையமைச்சர் கிரண் ரிஜ்ஜூ கண்டனம் தெரிவித்தார். அவர் இடதுசாரிகளுடன் சேர்ந்துள்ளதாக குற்றம்சாட்டினார்.

பாதுகாப்பு:

இந்த நிலையில், டில்லி பல்கலையில் பேச்சு சுதந்திரம் கேட்டும், 22ம் தேதி போராட்டத்தின் போது மாணவர்கள் தாக்கப்பட்டதை கண்டித்தும் மாணவர் அமைப்பினர் பேரணி நடத்தினர். மாணவர் அமைப்பினர் அரசுக்கு எதிராக கோஷம் எழுப்பியவாறு சென்றனர். இதில் ஏராளமான மாணவர்கள் கலந்து கொண்டனர். அங்கு பலத்த போலீஸ் பாதுகாப்பு போடப்பட்டது.

English summary:

NEW DELHI: Delhi University and went on to rally large numbers of students.

Read More

டெல்லியில் மத்திய அமைச்சர்களுடன் முதல்வர் எடப்பாடி பழனிசாமி சந்திப்பு

சென்னை  - டெல்லி சென்ற முதல்வர் எடப்பாடி பழனிசாமி, மத்திய அமைச்சர்கள் நிதின் கட்கரி, வெங்கையா நாயுடு, ரவிசங்கர் பிரசாத் ஆகியோரை சந்தித்து தமிழக திட்டங்கள் குறித்து ஆய்வு நடத்தினார்.

பிரதமருடன் சந்திப்பு:

டெல்லியில் பிரதமர் நரேந்திர மோடியை நேற்று முன்தினம்  சந்தித்துப் பேசிய தமிழக முதலமைச்சர்  எடப்பாடி கே.பழனிச்சாமி, தமிழக நலன் சார்ந்த கோரிக்கைகள் அடங்கிய 106 பக்க மனுவினை அளித்தார். ஏழை - எளிய, கிராமப்புற மாணவ மாணவியரை பெரிதும் பாதிக்கும் நீட் தேர்விலிருந்து தமிழகத்திற்கு விலக்கு அளிக்கும் சட்டமுன் வடிவுக்கு மத்திய அரசு ஒப்புதல் அளிக்க வேண்டும் - தஞ்சாவூரில் எய்ம்ஸ் மருத்துவமனையை விரைவில் அமைக்க வேண்டும் - தமிழகத்திற்கு வறட்சி நிவாரண நிதியாக 39 ஆயிரத்து 566 கோடி ரூபாய் - வர்தா புயல் நிவாரண நிதியாக 22 ஆயிரத்து 573 கோடி ரூபாய் - மத்திய அரசின் பல்வேறு திட்டங்கள் மூலமாக தமிழகத்திற்கு அளிக்க வேண்டிய நிதி 17 ஆயிரத்து 333 கோடி ரூபாய் ஆகியவற்றை உடனடியாக வழங்க வேண்டும் என்பன உள்ளிட்ட பல்வேறு கோரிக்கைகள், முதலமைச்சரின் மனுவில் இடம்பெற்றுள்ளன.

அமைச்சர்களுடன் சந்திப்பு:

இந்த நிலையில் நேற்று காலை டில்லியில் மத்திய நகர்ப்புற மேம்பாடு, வீட்டுவசதி, மற்றும வறுமை ஒழிப்பு திட்டங்கள் அமைச்சர் வெங்கையா நாயுடுவை சந்தித்து ஆய்வு மேற்கொண்டார், இந்த ஆய்வில் சிறப்பு திட்டங்கள் செயலாக்கத்துறை நகராட்சி நிர்வாகத்துறை அமைச்சர் எஸ்.பி. வேலுமணி, நிதி அமைச்சர் ஜெயகுமார், வீட்டுவசதித்துறை அமைச்சர் உடுமலை ராதாகிருஷ்ணன், திருவள்ளுர் எம்.பி.வேணுகோபால், தலைமை செயலாளர் கிரிஜா வைத்தியநாதன், நிதித்துறை செயலாளர் சண்முகம், திட்டம், வளர்ச்சி மற்றும் சிறப்பு முயற்சிகள் துறை செயலாளர் கிருஷ்ணன், நகராட்சி நிர்வாகம் மற்றும் குடிநீர் வழங்கல்துறை செயலாளர் பணீந்திர ரெட்டி, தகவல்தொழில்நுட்பத்துறை செயலாளர் டி.கே.ராமசந்திரன் ஆகியோர் கலந்து கொண்டனர்.

Read More

மக்களை பாதித்த வங்கி வேலை நிறுத்தம்

சென்னை: ஊழியர்கள் ஸ்டிரைக் காரணமாக தமிழகம், புதுவையில் வங்கி சேவைகள் பாதிக்கப்பட்டன. இதனால் ஒருபுறம் மக்களுக்கு பாதிப்பு ஏற்பட, போராட்டம் வெற்றி பெற்றதாக ஊழியர் சங்கம் தெரிவித்துள்ளது.

10 லட்சம்...:

வாரத்தில் ஐந்து நாள் வேலை, செல்லாத ரூபாய் நோட்டு அறிவிப்பின் போது, வேலை செய்த ஊழியர்களுக்கு ஊக்கத்தொகை, அப்போது உயிர் இழந்த ஊழியர்கள் மற்றும் வாடிக்கையாளர்களுக்கு நிவாரணம் உட்பட, பல கோரிக்கைகளை, வங்கி ஊழியர் சங்கங்கள் கூட்டமைப்பு வலியுறுத்தி வருகிறது. இதனை வலியுறுத்தி நாடு முழுவதும் 10 லட்சத்திற்கும் மேற்பட்ட ஊழியர்கள் ஸ்டிரைக்கில் ஈடுபட்டனர்.

கோஷம்:

தமிழகம், புதுவையில் 70 ஆயிரத்திற்கும் மேற்பட்ட வங்கி ஊழியர்கள் போராட்டத்தில் ஈடுபட்டனர். சென்னை வள்ளுவர் கோட்டத்தில் நடந்த போராட்டத்தில் கலந்து கொண்ட ஊழியர்கள் அரசுக்கு எதிராக கோஷம் எழுப்பியும், பதாதைகள் ஏந்தியும் போராட்டம் நடத்தினர். இதனால் வங்கியில் பணம் போடுவது, எடுப்பது, செக் மாற்றுவது மற்றும் ஏடிஎம் சேவைகள் பாதிக்கப்பட்டன. இதனால் பொது மக்கள் பெரிதும் சிரமப்பட்டனர்.

வெற்றி...:

இது தொடர்பாக வங்கிகள் சங்கத்தின் பொது செயலாளர் வெங்கடாசலம் கூறுகையில், பொதுத்துறை வங்கிகளில் பொது மக்கள் ரூ.100 லட்சம் கோடி டிபாசிட் செய்துள்ளனர். வங்கிகள் தனியார் மயமாக்கப்பட்டால், பணம் தனியார் கைகளுக்கு தான் செல்லும். இன்றைய போராட்டம் காரணமாக 12 லட்சம் செக் பரிமாற்றம் பாதிக்கப்பட்டது. ரூ. 7 ஆயிரம் கோடி பணம் பரிவர்த்தனை பாதிக்கப்பட்டது. இன்றைய போராட்டம் வெற்றி பெற்றது. இவ்வாறு அவர் கூறினார். இதேபோல், இந்தியா முழுவதும் வங்கிகள் வேலை நிறுத்தம் காரணமாக மக்கள் பாதிக்கப்பட்டனர்.

Read More