ஹைட்ரோ கார்பன் திட்டம்:கோட்டைக்காடு போராட்டம் வாபஸ்

புதுக்கோட்டை: ஹைட்ரோ கார்பன் திட்டத்துக்கு எதிராக புதுக்கோட்டை மாவட்டம் கோட்டைக்காட்டில் நடந்த போராட்டம் தற்காலிகமாக வாபஸ் பெறப்பட்டது. மாவட்ட ஆட்சியர் போராட்டக்குழுவினருடன் நடத்திய பேச்சுவார்த்தையை அடுத்து போராட்டம் தற்காலிகமாக வாபஸ் பெறப்பட்டதாக தகவல்கள் தெரிவிக்கின்றன.

போராட்டக்குழுவினர் தகவல்:

போராட்டம் தற்காலிகமாக திரும்பப் பெறப்பட்டுள்ளதாக போராட்டக்குழுவினர் தகவல் தெரிவித்துள்ளனர்.

English Summary:

Pudukkottai: hydrocarbon project in the fight against the Pudukkottai district kottaikkadu temporarily withdrawn. The fight was temporarily withdrawn after discussions with the district collector struggle reports are obtained.

Read More

புதிய உள்துறை செயலராக நிரஞ்சன் மார்டி நியமனம்

சென்னை: தமிழக அரசின் உள்துறை செயலாளர் மாற்றப்பட்டார். இது தொடர்பாக தலைமை செயலாளர் கிரிஜா வைத்தியநாதன் பிறப்பித்துள்ள உத்தரவு: தமிழக அரசின் தற்போதைய உள்துறை செயலாளர் அபூர்வா வர்மா சுற்றுலா துறைக்கு மாற்றப்பட்டார். அவருக்கு பதிலாக புதிய உள்துறை செயலாளராக நிரஞ்சன் மார்டி நியமிக்கப்பட்டுள்ளார். இவ்வாறு அந்த உத்தரவில் கூறப்பட்டுள்ளது. மேலும் தமிழ்நாடு மருத்துவ சேவை கழக நிர்வாக இயக்குனராக உமாநாத் நியமிக்கப்பட்டுள்ளார். தமிழ்நாடு சிறுதொழில் நிறுவன மேம்பாட்டு கழக இயக்குனராக செல்வி அபூர்வா நியமிக்கப்பட்டுள்ளார்.

English Summary:

Chennai: Tamil Nadu Home Secretary was replaced. The order issued by the Chief Secretary Girija Vaidyanathan In this connection, the State Tourism Department was transferred to the current Home Secretary Apoorva Verma

Read More

ராகுல் தாய்லாந்துக்கு ஓட கூடாது; என்னுடன் கங்கைக்கு வரவேண்டும்: உமாபாரதி

புதுடில்லி: ‛உ..பி., தேர்தல் முடிவு வெளியாகும் போது ராகுல் தாய்லாந்துக்கு ஓட கூடாது. என்னுடன் கங்கைக்கு வரவேண்டும்' என மத்திய நீர்வளத்துறை அமைச்சர் உமா பாரதி தெரிவித்துள்ளார்.

இறுதிகட்ட பிரசாரம்:

நாட்டின் மிகப்பெரிய மாநிலமான உ.த்தர பிரதேசத்தில் சட்டசபை தேர்தல் 7 கட்டங்களாக நடைபெற்று வருகிறது. ஆளும்கட்சியான சமாஜ்வாதி காங்கிரசுடன் கூட்டணி அமைத்து போட்டியிடுகிறது. பா.ஜ., தனித்து போட்டியிடுகிறது. இறுதிகட்ட பிரசாரத்தில் கட்சிகள் ஈடுபட்டு வருகின்றன.

ராகுல் குற்றசாட்டு:

இந்நிலையில், கடந்த வியாழக்கிழமை காங்., துணைத் தலைர்வ ராகுல், பிரதமர் மோடியின் தொகுதியான வாரணாசியில் பிரசாரம் மேற்கொண்டார். அப்போது, ‛நான் உ.பி.,யின் மகன். கங்கை தாய் என்னை குஜராத்திலிருந்து இங்கு அழைத்தார் என பிரதமர் மோடி பேசி வருகிறார். அவர் உ.பி., மாநிலத்துக்கும் கங்கை நதிக்கும் எந்த உதவி செய்யவில்லை. கங்கையை துாய்மையாக்க அவர் நடவடிக்கை எடுக்க வில்லை' என்று குற்றம்சாட்டினார்.

இந்நிலையில், ராகுலின் குற்றசாட்டிற்கு மத்திய நீர்வளத் துறை அமைச்சர் உமா பாரதி பதிலடி கொடுத்துள்ளார்.

உமாபாரதி பதிலடி:

இதுகுறித்து, உமாபாரதி கூறியதாவது:
ஐந்து மாநில தேர்தல் முடிவானது மார்ச் 11-ம் தேதி வெளியாகிறது. தேர்தல் முடிவுகள் வெளியானதும் ராகுல் தாய்லாந்துக்கு ஓட கூடாது. அவர் என்னுடன் கங்கை நதிக்கு வர வேண்டும். அப்போது, கங்கை நதியை துாய்மையாக்கும் பணிகள் துவங்கப்படாவிட்டால், நான் கங்கையில் குதிப்பேன். பணிகள் துவக்கப்பட்டால் ராகுல் கங்கையில் குதிக்க வேண்டும்.

கங்கை நதியை துாய்மையாக்கும் மத்திய அரசின் பணிகளுக்கு 6 ல் 5 மாநிலங்கள் தடையில்லா சான்று வழங்கின. ஆனால், ராகுல் கூட்டணி அமைத்துள்ள அகிலேசின் அரசு கங்கையை துாய்மையாக்க ஒப்புதல் வழங்கவில்லை.

இந்தியாவில் மகாத்மா காந்திக்கு பிறகு, மிகப்பெரிய துாய்மை விழிப்புணர்வை பிரதமர் மோடி ஏற்படுத்தி வருகிறார்.
இவ்வாறு அவர் பதிலடி கொடுத்தார்.

English Summary:

NEW DELHI: 'upi., While releasing the election results should not run for Rahul Thailand. Ganga come with me, "said the Central Water Resources Minister Uma Bharti.

Read More

ஜெயலலிதா அறிவித்த சலுகைகளால் பிளஸ்-2 தேர்வு எழுதும் மாணவர்களின் எண்ணிக்கை அதிகரிப்பு - அமைச்சர் தகவல்

சென்னை : ஜெயலலிதா அறிவித்த சலுகை காரணமாக பிளஸ் 2 தேர்வு எழுதும் மாணவர்களின் எண்ணிக்கை ஆண்டுதோறும் அதிகரித்து வருவதாக சென்னையில் தேர்வை ஆய்வு செய்தபின் அமைச்சர் கே.ஏ.செங்கோட்டையன் தெரிவித்தார்.

அமைச்சர் ஆய்வு:

தமிழகம் மற்றும் புதுச்சேரி மாநிலத்தில் பிளஸ் 2 பொதுத்தேர்வுகள் நேற்று தொடங்கின. இந்த தேர்வை இரு மாநிலங்களிலும் 2 ஆயிரத்து 477 மையங்களில் 9 லட்சத்து 33 ஆயிரம் பேர் எழுதுகின்றனர். சென்னை எழும்பூர் மாகாண மகளிர் மேல்நிலைப்பள்ளியில் நடைபெற்ற தேர்வை பள்ளிக்கல்வித்துறை அமைச்சர் கே.ஏ.செங்கோட்டையன், பள்ளிக்கல்வித்துறை செயலாளர் சபீதா ஆகியோர் நேற்று பார்வையிட்டு ஆய்வு செய்தனர். இதன் பின்னர் அமைச்சர் செங்கோட்டையன் நிருபர்களுக்கு அளித்த பேட்டி வருமாறு:-

65 ஆயிரம் பேர்:...

பிளஸ் 2 பொதுத்தேர்வு மாநிலம் முழுவதும் இன்று தொடங்கியிருக்கிறது. தேர்வு எழுதும் மாணவர்களுக்கு என்னுடைய வாழ்த்துக்களை தெரிவித்துக்கொள்கிறேன், தமிழ், சமஸ்கிருதம், பிரஞ்சு, ஜெர்மன், இந்தி உள்ளிட்ட பத்து மொழிகளில் இந்த தேர்வு நடைபெறுகிறது.  கடந்த ஆண்டு பிளஸ் 2 தேர்வை 8 லட்சத்து 35 ஆயிரம் மாணவர்கள் எழுதினர், இந்த ஆண்டு 9 லட்சத்து 33 ஆயிரம் பேர் எழுதுகின்றனர், அதாவது இந்த ஆண்டு 65 ஆயிரம் பேர் கூடுதலாக தேர்வு எழுதுகின்றனர்,

மாணவர்களுக்கு சலுகை:

பத்தாம் வகுப்பு மற்றும் பிளஸ் 2 மாணவர்களுக்கு 2013-ம் ஆண்டு ரூ.5 ஆயிரம் ஊக்கத்தொகையாக முதல்வராக இருந்த ஜெயலலிதா அறிவித்தார். அதன் காரணமாக பிளஸ் 2 தேர்வு எழுதும் மாணவர்களின் எண்ணிக்கை அதிகரித்த வண்ணம் இருக்கிறது. இந்த ஆண்டு மட்டும் 65 ஆயிரம் மாணவர்கள் கூடுதலாக தேர்வு எழுதுகிறார்கள் என்று தெரிவித்தார்.

ஆய்வக உதவியாளர்கள் நியமனம் குறித்து பத்து நாட்களில் முடிவு அறிவிக்கப்படும் என்று பள்ளிக்கல்வித்துறை அமைச்சர் செங்கோட்டையன் தெரிவித்துள்ளார்.

பின் நிருபர்கள் கேட்ட கேள்விகளுக்கு அமைச்சர் செங்கோட்டையன் அளித்த பதில் வருமாறு:-

சிறுபான்மை பள்ளிகளில் தமிழ்த்தேர்வு கட்டாயம் என்று அறிவிக்கப்பட்டது. ஆனால் தமிழாசிரியர் பணியிடங்கள் காலியாக உள்ளதாக கூறப்படுகிறதே என்று கேட்கப்பட்டதற்கு, எல்லா பள்ளிகளிலும் தமிழாசிரியர்கள் இருக்கிறார்கள். தமிழாசிரியர்கள் இல்லாத பள்ளிகளுக்கு பெற்றோர் ஆசிரியர் கழகம் மூலம் தமிழாசிரியர்கள் நியமிக்கப்படுகிறார்கள். ஓய்வு பெறும் ஆசிரியர்களுக்கான இடங்கள் மட்டுமே அதாவது 1500 காலியிடங்களே உள்ளன.

ஆய்வக உதவியாளர் பணியிடங்களுக்கு அறிவிப்பு வெளியிட்டு இரண்டு ஆண்டுகள் ஆகியும் நியமன உத்தரவு வரவில்லையே என்று நிரூபர்கள் கேட்தற்கு, இது குறித்து நீதிமன்றத்தில் வழக்கு இருக்கிறது. ஒன்றரை ஆண்டுகளாக விசாரணையில் இருக்கிறது. நீதிமன்றத்தீர்ப்புக்கு பிறகு முடிவெடுக்கப்படும், பத்துநாட்களில் இது குறித்து முடிவெடுக்கப்படும் என்றார்.

நீட் தேர்வுக்கு விண்ணப்பிக்க இன்றே (நேற்று) கடைசி என்று அறிவிக்கப்பட்டுள்ளதற்கு, தமிழ்நாட்டு மாணவர்கள் நீட் தேர்வுக்கு தயாராக இருக்கிறார்கள் என்று அவர் பதிலளித்தார்.

English summary:

Chennai: Jayalalithaa's offer due to the number of students increases every year plus 2 exams in the selection of the Madras study K.A.Sengottaiyan perfectly minister said.

Read More

ஜெ., மரணத்தில் சந்தேகக் கேள்விகள் : கோடி துண்டு பிரசுரம் விநியோகிக்க திட்டம்

ஜெயலலிதா மரணத்தில் மரமம் இருப்பதாகச் சொல்லி, பன்னீர்செல்வம் தரப்பினர் அடுத்தடுத்து ஏவுகணைப் புகார்களையும்; சந்தேகங்களையும் கிளப்பி வருகின்றனர்.

இப்படி இவர்கள் எழுப்பும் சந்தேகங்கள் எதற்கும் பதில் அளிக்க முடியாமல், சசிகலா தரப்பு தடுமாறி வருகிறது. இதையெல்லாம், பார்த்துக் கொண்டிருக்கும் மக்கள், ஜெயலலிதாவின் மரணத்தில் சந்தேகம் இருப்பதாகவே உணரத் துவங்கி உள்ளனர்.

இதனால் இந்த பிரச்னையை தொடர்ந்து தீவிரமாக மக்கள் மத்தியில் கொண்டு செல்ல தீர்மானித்துள்ள பன்னீர்செல்வம் தரப்பினர், சிந்திப்பீர்… மக்களே சிந்திப்பீர் என்ற தலைப்பிட்டு, ஒரு கோடிக்கும் கூடுதலனான அளவில், துண்டு பிரசுரங்களை அச்சடித்து, மக்கள் மத்தியில் கொடுத்து, தீவிர பிரசாரத்தில் ஈடுபட முடிவெடுத்துள்ளனர்.

தமிழகம் முழுவதும், விரைவில் இந்த பணியை செய்ய, பன்னீர்செல்வம் தரப்பு, தீவிரமாக இருப்பதாகக் கூறப்படுகிறது.

English summary:

Jayalalithaa claims to have truth in death, and subsequent missile Panneerselvam party reports; Doubts have been raised. 

Read More

இந்தியரைக் காப்பாற்ற முயன்ற அமெரிக்கருக்கு சுஷ்மா பாராட்டு

வாஷிங்டன்: அமெரிக்காவின் கன்சாஸ் மாகாணத்தில் நடந்த துப்பாக்கிச்சூட்டில் இந்தியருக்கு உதவிய அமெரிக்க நாட்டு இளைஞருக்கு தனது பாராட்டை மத்திய அமைச்சர் சுஷ்மா தெரிவித்துள்ளார்.

அமெரிக்காவின் கன்சாஸ் மாகாணத்தில் கடந்த பிப். மாதம் நடந்த துப்பாக்கிச்சூட்டில் இந்திய என்ஜினீயர் சீனிவாஸ் குச்சிபோட்லா (வயது 32), மதுபான விடுதி ஒன்றில் வைத்து சுட்டுக்கொல்லப்பட்டார். இனவெறி காரணமாக இந்த சம்பவம் நடந்தது. துப்பாக்கிச்சூடு நடத்தியவர் கைது செய்யப்பட்டார்.

இந்தியா தலை வணங்குகிறது:

சம்பவத்தின் போது இந்தியருடன் இருந்த இயன் கிரில்லாட் என்ற அமெரிக்கர் காயமடைந்தார். அவர் தான் இந்தியரை காப்பாற்ற முயன்று காயமடைந்தார். இதையறிந்த மத்திய வெளியுறவு அமைச்சர் சுஷ்மா சுவராஜ் தனது டுவிட்டர் பக்கத்தில் கூறியது, இந்தியரை காப்பாற்ற முயற்சித்த அமெரிக்கர் இயன் கிரில்லாட்டை பாராட்டுகிறேன். கிரில்லாட்டின் வீரச்செயலுக்கு இந்தியா தலை வணங்குகிறது. அவரின் குடும்பத்தினர் இந்தியாவுக்கு வரவேண்டும் என்று அழைப்பு விடுகிறேன். இவ்வாறு அவர் கூறியுள்ளார்.

English summary:

Washington: The United States in the state of Kansas, who helped the Indians in the crossfire, the Minister Sushma said her appreciation for American youth.
.

Read More

நெல்லையில் பரவுகிறது பன்றிக்காய்ச்சல்: பெண் குழந்தை பலி; பெண்ணுக்கு சிகிச்சை

திருநெல்வேலி:நெல்லையில் 11 மாத பெண் குழந்தை பன்றிக்காய்ச்சல் தாக்கி பலியாகியுள்ளது.மேலும் ஒரு பெண் சிகிச்சையில் உள்ளார்.

திருநெல்வேலி மாவட்டத்தில் ஆண்டுதோறும் வடகிழக்கு பருவமழை காலமாக நவம்பர், டிசம்பரில்மேற்குதொடர்ச்சி மலைப்பகுதியை ஒட்டியுள்ள கடையநல்லூர், தென்காசி பகுதிகளில் சிக்குன்குனியா, டெங்குஉள்ளிட்ட திடீர் காய்ச்சலால் உயிரிழப்புகள் ஏற்பட்டுவருகின்றன. ஒவ்வொரு ஆண்டும் இந்த பாதிப்பின் அளவுஅதிகரித்து வருகிறது.

பன்றிக்காய்ச்சல் பரவியது:

ஸ்வைன் ஃப்ளு எனப்படும் பன்றிக் காய்ச்சல், பன்றிகள் மற்றும் கோழிகளுக்கு வரும் ஒரு வித சுவாச நோய் ஆகும். இது டைப்-அ இன்புளுயன்சா என்ற வைரஸ் கிருமிகளால் ஏற்படுகிறது.
பன்றியின் சுவாச பையில் இருக்கும் எச்1என்1 என்ற வைரஸ் கிருமிகள் ஆர்.என்.ஏ. மூலக் கூற்றை அடிப்படையாக கொண்டு உருமாறி மனிதர்களை தொற்ற கூடியவை. கடையநல்லூரில் கடந்த இரண்டு மாதங்களில் 3 பேர் அடுத்தடுத்து மர்மக்காய்ச்சலுக்கு பலியாகியுள்ளனர்.

கடையநல்லூர் ரஹ்மானியாபுரம் 7ம் தெருவை சேர்ந்தவர் மோதிபாபா. கூலித்தொழிலாளி., இவரது 11மாத பெண் குழந்தை ஆயிஷா நசீரா, கடந்த சில தினங்களாக காய்ச்சலால் பாதிக்கப்பட்டிருந்தது.செங்கோட்டை தனியார் ஆஸ்பத்திரியில் சிகிச்சைக்கு பிறகு நேற்று நெல்லை மருத்துவக்கல்லூரிமருத்துவமனையில் அனுமதிக்கப்பட்டது. அங்கு பன்றிக்காய்ச்சலுக்கு என ஏற்படுத்தப்பட்டள்ளதனி வார்டில் அனுமதித்து சிகிச்சையளித்தனர். இருப்பினும் குழந்தை பலியானாள்.

இதே வார்டில் நெல்லை தச்சநல்லூரை சேர்ந்த வனிதா 40 என்பவரும் சிகிச்சைக்காக அனுமதிக்கப்பட்டுள்ளார்.இதனிடையே ஸ்வைன் ஃப்ளு எனப்படும் பன்றிக் காய்ச்சல் பரவியது குறித்து நெல்லைமருத்துவக்கல்லூரி மருத்துவமனையில் முதல்வர் சித்தி அத்திய முனவரா,
மருத்துவத்துறை துணை இயக்குநர் ராம்கணேஷ், தொற்றுநோய் பிரிவு மருத்துவர்கள், இந்தியன் மெடிக்கல்அசோசியேசன் நிர்வாகிகள் பங்கேற்றனர். பன்றிக்காய்ச்சல் இறப்பு குறித்து வழக்கம்போலதுணைஇயக்குநரோ, டீனோ தகவல்தராமல் ஆலோசனைகளில் மட்டுமே ஈடுபட்டுவந்தனர்.

English summary:

Tirunelveli, Tirunelveli, a woman in the 11-month-old baby girl in the treatment of swine flu has struck death

Read More