இந்தியர்கள் மீது தாக்குதல்: சுஷ்மா கவலை

புதுடில்லி: அமெரிக்காவில் இந்தியர்கள் தொடர்ந்து தாக்கப்படுவது வருத்தமளிப்பதாக மத்திய வெளியுறவு அமைச்சர் சுஷ்மா சுவராஜ் கூறியுள்ளார்.

தாக்குதல்:

அமெரிக்காவில் இந்தியர்கள் மீது தாக்குதல் சம்பவங்கள் நடைபெற்று வருகிறது. நேற்று ஹர்னீஸ் படேல் என்ற தொழிலதிபர் கொல்லப்பட்ட நிலையில், இன்று கெனட் நகரில்சீக்கியர் ஒருவரை அமெரிக்காவை விட்டு வெளியேறுமாறு கூறி மர்ம நபர்கள் தாக்குதல் நடத்தினர்.

ஆறுதல்:

இது தொடர்பாக மத்திய வெளியுறவு அமைச்சர் சுஷ்மா சுவராஜ் கூறியதாவது: இது போன்ற சம்பவங்கள் வருத்தம் அளிக்கிறது. தாக்குதல் குறித்து போலீசார் விசாரணை நடத்தி வருகின்றனர். தாக்குதலுக்கு ஆளான தீப் ராய் தந்தை சர்தார் ஹர்பல் சிங்கிடம் பேசினேன். அவருக்கு ஆறுதல் கூறினேன். அவர் அபாய கட்டத்தை தாண்டிவிட்டதாகவும், உடல் நலம் தேறி வருவதாகவும் கூறினார். அமெரிக்காவில் நேற்று ஹர்னீஸ் படேல் தாக்குதல் அதிர்ச்சியளிக்கிறது. இந்த சம்பவத்திற்கு கண்டனம் தெரிவிக்கிறேன்.

அமெரிக்க தூதர் கண்டனம்:

இந்தியாவுக்கான அமெரிக்க தூதர் மார்கெ கார்ல்சன் : இந்தியர்கள் மீதான தாக்குதல் சம்பவங்கள் வருத்தமளிக்கிறது. கண்டனத்திற்குரியது. அருவறுக்கத்தக்க செயல்கள் ஒழிக்கப்பட வேண்டும். இவ்வாறு அவர் கூறினார்.

English summary:

NEW DELHI: The United States is constantly being attacked by Indians Affairs Minister Sushma Swaraj said with regret.

Read More

மாயாவதி கட்சி வேட்பாளர் மீது கற்பழிப்பு வழக்கு

பைசாபாத்: உ.பி.,யில் அயோத்தி தொகுதி பகுஜன் சமாஜ் வேட்பாளர் மீது கற்பழிப்பு வழக்குப்பதிவு செய்யப்பட்டுள்ளது.

உ.பி., தேர்தல் இறுதி கட்டத்தை எட்டியுள்ளது. வரும் 8 ம் தேதி இறுதிகட்ட தேர்தல் நடைபெற உள்ள நிலையில், அயோத்திதொகுதியில் பகுஜன் சமாஜ் கட்சி சார்பில் போட்டியிடும் பாஜ்மி சித்திக் மீது கற்பழிப்பு வழக்குப்பதிவு செய்யப்பட்டுள்ளது. பைசாபாத் நகரில், கோட்வாலி போலீஸ் எல்லைக்கு உட்பட்ட புரானி சாப்ஜி மண்டி என்ற இடத்தில் வீடு ஒன்றுக்குள் அத்துமீறி புகுந்து சித்திக் மற்றும் அவரது ஆதரவாளர்கள் பாதிக்கப்பட்ட பெண் மற்றும் குடும்பத்தினரை கடுமையாக தாக்கியதுடன், அந்த பெண்ணை கற்பழித்ததாக போலீசார் வழக்குப்பதிவு செய்துள்ளனர்.
சித்திக் ஆதரவாளர்கள் 5 பேரை கைது செய்துள்ளனர். ஆனால், அரசியல் பழிவாங்கும் நோக்கில் தன் மீது வழக்கு தொடரப்பட்டுள்ளது என சித்திக் தெரிவித்துள்ளார்.

English summary:

Faizabad, UP, BSP candidate in the Ayodhya volume has been on the rape charge

Read More

மோசமான இன்ஜின்களே காரணம்: மல்லையா

லண்டன்: ‛கிங்பிஷர் விமான நிறுவனம் மூடப்பட்டதற்கு மோசமான விமான இன்ஜின்களே காரணம்' என அந்நிறுவன உரிமையாளர் விஜய் மல்லையா தெரிவித்துள்ளார்.

தலைமறைவு:

வங்கிகளில் வாங்கிய பல கோடி ரூபாய் கடனை திருப்பிச் செலுத்தாமல், 'கிஷ்பிஷர்' குழும தலைவர் விஜய் மல்லையா, பிரிட்டனில், தலைமறைவாக இருந்து வருகிறார். அமலாக்கப்பிரிவு மற்றும், சி.பி.ஐ., சார்பில் பல்வேறு வழக்குகள் பதிவு செய்யப்பட்டுள்ளன. மல்லையாவை, இந்தியாவுக்கு நாடு கடத்தி வருவதற்கான நடவடிக்கைகளை, மத்திய அரசு மேற்கொண்டு வருகிறது.

காரணம் என்ன?

இந்நிலையில், மல்லையா தனது டுவிட்டர் பதிவில் தெரிவித்துள்ளதாவது: 'கிங்பிஷர்' விமான நிறுவனம், நாட்டு மக்களுக்கு மிகச் சிறந்த சேவை வழங்கியது. எங்கள் நிறுவன விமானங்களில், மோசமான இன்ஜின்கள் பொருத்தப்பட்டதாலேயே, 'கிங்பிஷர்' நிறுவனம் நஷ்டத்தை சந்திக்க நேர்ந்தது. சிறப்பாக இயங்கிய ஒரு நிறுவனம் திடீரென ஏன் வீழ்ச்சியை சந்தித்தது என்பதை சிந்திக்க வேண்டும். என் மீதான குற்றச்சாட்டுகள் பொய்யானவை. இவ்வாறு அவர் தனது பதிவில் தெரிவித்துள்ளார்.

English summary:

London: Kingfisher Airline's closure due to bad air engineer "said the company's owner Vijay Mallya.

Read More

ஏற்றுமதியில் சீனாவை மிஞ்சும் இந்தியா

மும்பை: உள்நாட்டில் உற்பத்தியாகும் பொருட்கள் ஏற்றுமதியில் இந்தியா தனது போட்டி நாடான சீனாவை மிஞ்சி விட்டது என பிரபல கப்பல் நிறுவனமான டாம்கோ அறிவித்துள்ளது

ஏற்றுமதி:

இந்தியாவும் சீனாவும் பல்வேறு உலக நாடுகளுக்கு தங்களது நாட்டில் உற்பத்தியாகும் பொருட்களை போட்டி போட்டு ஏற்றுமதி செய்து வருகின்றன. டாம்கோ என்ற பிரபல கப்பல் நிறுவனத்தின் புள்ளிவிவரங்களின் படி, கடந்த 2013 முதல் 2016 ஆண்டுகளில் இந்தியாவின் ஏற்றுமதி வருடத்திற்கு 10 சதவீதமாக அதிகரித்துள்ளது. அதே நேரம் சீனாவின் ஏற்றுமதி 5 சதவீதம் மட்டுமே அதிகரித்துள்ளதாக தெரிவித்துள்ளது.

ஏற்றுமதி அதிகரிக்க காரணம்:

இது குறித்து டாம்கோ கப்பல் நிறுவன தலைவர் சேஜிங் கூறியதாவது: இந்தியாவிலிருந்து வீட்டு அலங்கார பொருட்கள், ஜவுளிகள் அதிக அளவில் ஏற்றுமதியாகிறது. பன்னாட்டு நிறுவனங்கள் இந்தியாவில் முதலீடு செய்யவே விரும்புகின்றன. சீனாவில் இந்தியாவை காட்டிலும் உற்பத்தி செலவு அதிகமாக உள்ளது. சீனாவை காட்டிலும் தரமான பொருட்கள் இந்தியாவில் உற்பத்தி செய்யப்படுவதால் கடந்த 3 ஆண்டுகளில் ஏற்றுமதி கணிசமாக உயர்ந்துள்ளது. இவ்வாறு அவர் தெரிவித்தார்.

English summary:

Mumbai: India's exports of locally manufactured goods dwarfs its rival China as the leading shipping company, announced tamko

Read More

ஜெ., இருந்தபோதே முதல்வராக பதவி ஏற்றது ஏன்? பன்னீரை கேட்கிறார் தம்பிதுரை

கோவை: ''மருத்துவமனையில் ஜெ., இருந்தபோதே, எம்.எல்.ஏ.,க்களிடம் கையெழுத்து வாங்கி, முதல்வராக பன்னீர் பதவி ஏற்றது ஏன்,'' என்று கேள்வி எழுப்பியுள்ளார் தம்பிதுரை.

லோக்சபா துணை சபாநாயகரும், அ.தி.மு.க.,வின் மூத்த தலைவருமான தம்பிதுரை, கோவை விமான நிலையத்தில், நேற்று(மார்ச் 3) பேட்டியளித்தபோது கூறியதாவது: 'சசிகலாவை அ.தி.மு.க., பொதுச் செயலாளராக நியமித்தது செல்லாது' என்று தேர்தல் கமிஷனிடம் புகார் அனுப்பியுள்ளனர். இந்த புகாரை அனுப்பிய பன்னீர் செல்வம், அப்போது கட்சியின் பொருளாளராக இருந்தார்; மதுசூதனன், அவைத்தலைவராக இருந்தார்.

பொதுக்குழுவை முறைப்படி கூட்டி, பெரும்பான்மை உறுப்பினர்களின் ஆதரவுடன் தான், பொதுச் செயலாளராக சசிகலா தேர்ந்தெடுக்கப்பட்டார். இது தொடர்பான ஆவணத்தில், பன்னீரும், மதுசூதனனும் கையெழுத்திட்டுள்ளனர். இப்போது, திடீரென, பொதுச் செயலாளரை தேர்வு செய்தது தவறு என்று சொன்னால், அதை தொண்டர்கள் ஏற்க மாட்டார்கள்.

ஜெ., மரணத்தில் மர்மம் இருப்பதாக இப்போது பன்னீர் செல்வம் கூறுகிறார். தமிழக முதல்வராக இருந்த அண்ணாதுரை, எம்.ஜி.ஆர்., ஆகியோர் இறந்தபோது, நெடுஞ்செழியன் தான், இரு முறையும் தற்காலிக முதல்வராக பதவி வகித்தார். அதன் பின்பே சட்டசபையை கூட்டி, எம்.எல்.ஏ.,க்களின் ஆதரவுடன், புதிய முதல்வர் தேர்ந்தெடுக்கப்பட்டனர்.

ஆனால், ஜெ., இருந்தபோதே, எம்.எல்.ஏ.,க்களிடம் கையெழுத்து வாங்கி, முதல்வராக ஏன் பதவி ஏற்றார் என்ற மர்மத்தை பன்னீர் செல்வம் விளக்க வேண்டும். மருத்துவமனையில், ஜெ., இருந்தபோது, பதவி ஏற்க மாட்டேன்; சட்டசபையைக் கூட்டி, முதல்வரைத் தேர்ந்தெடுக்கலாம் என்று அவர் ஏன் சொல்லவில்லை என்பதையும் தெளிவுபடுத்த வேண்டும். இவ்வாறு, தம்பிதுரை தெரிவித்தார்.

Read More

சசிகலாவுக்கு எதிராக போலீஸ் கான்ஸ்டபிள்; முதல்வரிடம் தினகரன் கொந்தளிப்பும்; நடவடிக்கையும்

ஒரு சாதாரண கான்ஸ்டபிள், அவர், தொடர்ந்து சசிகலாவுக்கு எதிராக கருத்துச் சொல்லி, போராடிக் கொண்டிருக்கிறார். லேட்டஸ்ட்டாக, பன்னீர்செல்வம் தரப்பினர் கூறி வருவது போல, ஜெயலலிதாவின் மரணத்தில் மர்மம் இருக்கிறது; அதை தீவிரமாக விசாரிக்க வேண்டும் என்றும் கூறி வருகிறார். இதனால், சசிகலாவுக்கு பொதுமக்கள் மத்தியில் எவ்வளவு கெட்டப் பெயர் தெரியுமா? இவரைக் கூட ஒன்றும் செய்ய முடியாமல், நாம் என்ன ஆட்சி-அதிகாரத்தில் இருக்கிறோம் என, அ.தி.மு.க., துணைப் பொதுச் செயலர், தினகரன், தேனி மாவட்டம், ஓடைப்பட்டி காவல் நிலையத்தில் பணிபுரிந்து வந்த கான்ஸ்டபிள் வேல்முருகனுக்கு எதிராக கொந்தளிக்க, அவரை பணி நீக்கம் செய்து உத்தரவிட்டிருக்கிறது, தமிழக காவல்துறை.

தேனி மாவட்டத்தைச் சேர்ந்த காவலர் வேல்முருகன், முன்னாள் முதல்வர் ஜெயலலிதாவின் தீவிர பற்றாளர். 2014ல், ஜெயலலிதா, குற்ற வழக்கில் தண்டிக்கப்பட்டபோது, அதற்கு எதிர்ப்பு தெரிவித்து, சீருடையிலேயே மொட்டை அடித்துக் கொண்டார். அப்போதே, ஒரு கிரிமினலுக்காக காவலர் ஒருவர் மொட்டை அடித்துக் கொண்டு, அதை வெளிப்படையாக தெரிவிக்கலாமா என பலரும் கேள்வி எழுப்பினர். உயர் அதிகாரிகள், இது தொடர்பாக விசாரணை மட்டும் மேற்கொண்டு விட்டு, அமைதியாகி விட்டனர்.

இந்நிலையில் கடந்த டிச., 5ல், ஜெயலலிதா இறந்து விட, அதுமுதல், சசிகலாவை கடுமையாக விமர்சிப்பதிலும், திட்டி பேசுவதிலும், அதீத ஆர்வம் காட்டினார் வேல்முருகன். தேனி, நேரு சிலை அருகில் சில நாட்களுக்கு முன் வந்த வேல்முருகன், சசிகலாதான், ஜெயலலிதா மர்மமான முறையில் இறந்து போனதற்கு காரணம் என பேசினார். இதையடுத்து, உயர் அதிகாரிகள் அவரை, ஓடைப்பட்டியில் இருந்து, தேனி ஆயுதப் படை பிரிவுக்கு டிரான்ஸ்பர் செய்தனர். அதன் பின்பும், வேல்முருகன் அமைதியாகவில்லை. மீண்டும் மீண்டும் சசிகலாவை கடுமையாக விமர்சிக்க, உயரதிகாரிகள், அவரை எச்சரித்தனர். இதற்கிடையில், அவரை சஸ்பெண்ட் செய்தனர்.

அதன் பின்னும், வேல்முருகன், தனது செயல்பாட்டை நிறுத்திக் கொள்ளவில்லை. ஒரு கட்டத்தில், தனக்கு நியாயம் கேட்டும்; ஜெயலலிதாவின் மரணத்துக்கு நீதி விசாரணை அமைக்கக் கேட்டும், பென்னிகுக் சிலை முன்பாக, சீருடையிலேயே உண்ணாவிரதப் போராட்டத்தில் ஈடுபட்டார். அதைத் தொடர்ந்து, அவரை போலீசார் வலுக்கட்டயமாக கைது செய்தனர்; பின், விடுவித்தனர்.
இதனால், வேல்முருகன் மீது கடும் அதிருப்தி அடைந்த, அ.தி.மு.க., துணை பொதுச் செயலர் தினகரன், போலீஸ் டி.ஜி.பி.,யிடம், வேல்முருகன் மீது புகார் சொல்லி, நடவடிக்கைக்குக் கோரினார். பின், முதல்வர் எடப்பாடி பழனிச்சாமியிடமும் கொந்தளிக்க, வேல்முருகனை போலீசார் நீக்கி அறிவித்துள்ளனர்.
பணி நீக்க உத்தரவு, வேல்முருகன் இல்ல வாசலில், போலீசாரால் ஒட்டப்பட்டுள்ளதாக தெரிகிறது.

Read More

மீண்டும் துவங்குகிறது சிந்து நதி ஆணைய கூட்டம்: இந்தியா நிலை என்ன?

புதுடில்லி: இந்தியா -பாக்.இடையேயான சிந்து நதிநீர் ஒப்பந்தம்தொடர்பாக இம்மாதம் இரு நாடுகளிடையே பேச்சுவார்த்தை நடக்க உள்ளதாக தகவல்கள் வெளியாகியுள்ளன.

மோடி ஆவேசம்:

கடந்த ஆண்டு செப்டம்பரில் ஜம்மு - காஷ்மீர் மாநிலம், யூரி ராணுவ முகாமில், பாக்., பயங்கரவாதிகள், நடத்திய தாக்குதலில், 18 ராணுவ வீரர்கள் கொல்லப்பட்டனர். இதனால் கடும் கோபடைந்த மத்திய அரசு 'பாகிஸ்தானுக்கு தக்க பதிலடி கொடுக்க திட்டமிட்டது. ரத்தமும், தண்ணீரும், ஒரே நேரத்தில் பாய முடியாது என பிரதமர் நரேந்திர மோடி ஆவேசமாக பேசினார்.

இது தொடர்பாக பிரதமர் மோடி தலைமையில் நடந்த ஆலோசனை கூட்டத்தில் 65 ஆண்டுகளுக்கு முன் பாகிஸ்தானுடன் போடப்பட்ட சிந்து நிதி நீர் பங்கீடு ஒப்பந்ததத்தினை நிறுத்தி வைப்பது, அல்லது மீண்டும் தொடர்வதை பரிசீலனை செய்வது , மற்றும் சிந்து நதி ஒப்பந்தத்தில், இந்தியாவுக்கு உள்ள, அனைத்து உரிமைகளையும் பயன்படுத்திக் கொள்வது குறித்து முக்கிய முடிவுகள் எடுக்கப்பட்டது.

இம்மாதம் கூட்டம்:

இந்நிலையில் இந்தியா - பாக்., இடையே உள்ள, நதிநீர் பங்கீடு குறித்து விசாரிக்கும் சிந்து நதி ஆணைய கூட்டம் ஓவ்வொரு நிதியாண்டு நடக்கும். இதன்படி இந்தாண்டு மார்ச் 3-வது அல்லது 4-வது வாரத்தில் பாகிஸ்தானின் இஸ்லாமாபாத் நகரில் நடக்க உள்ளதாக தகவல்கள் வெளியாகியுள்ளது.

இந்த பேச்சுவார்த்தையில் இந்தியா -பாக். சிந்து நதி ஆணையர்கள், இருநாட்டு வெளியுறவுத்துறை உயரதிகாரிகள் பங்கேற்கின்றனர். கடைசியாக கடந்த 2015-ம் ஆண்டு மே மாதம் பேச்சுவார்த்தை நடந்தது குறிப்பிடத்தக்கது. திட்டமிட்டபடி இம்மாதம் பேச்சுவார்த்தை நடந்தால் இந்தியாவின் நிலை என்ன என்பது தெரியவரும்.

Read More