80 இந்திய மீனவர்களை பாக்., படையினர் சிறைபிடிப்பு

இஸ்லாமாபாத்: எல்லை தாண்டி மீன்பிடித்ததாக இந்திய மீனவர்கள் 80 பேரை பாகிஸ்தான் படையினர்சிறை பிடித்தனர். குஜராத் மாநிலத்தை சேர்ந்த மீனவர்கள் அரபிக்கடல் எல்லைப்பகுதியில் விசைப்படகு மூலம் மீன் பிடித்து கொண்டிருந்தனர். அப்போது அங்கு வந்த பாகிஸ்தான் படையினர், எல்லை தாண்டி மீன்பிடித்ததாக, 80 இந்திய மீனவர்களை சிறைப்பிடித்தனர்.

15 விசைப்படகுகள் பறிமுதல்:

மேலும் மீனவர்களுக்கு சொந்தமான 15 விசைப்படகுகளையும் பறிமுதல் செய்தனர்.

English summary:

ISLAMABAD: Pakistan army arrest  least 80 more Indian fishermen caught fishing across the border. Boat fish caught by fishermen from Gujarat were Arabian border. Then came the Pakistani troops across the border fishing, 80 Indian fishermen captive.

Read More

இந்தியாவில் ஹைப்பர்லூப் ஒன் ரயில் திட்டம் : 20 நிமிடங்களில் பெங்களூரு-சென்னை பயணம்

புதுடில்லி:ரயில் மூலம் மணிக்கு 700 மைல் வேகத்தில் பயணம் செய்யக் கூடிய ஹைப்பர்லூப் ஒன் திட்டம் இந்தியாவில் ஐந்து நகரங்களை இணைக்க இருப்பதாக தகவல்கள் வெளியாகியுள்ளது. இதன் மூலம் 20 நிமிடங்களில் பெங்களூருவிலிருந்து சென்னைக்கு பயணம் செய்யலாம். அதேபோல் 80 நிமிடங்களில் டில்லியிலிருந்து மும்பைக்கு பயணம் செய்யலாம்.
குழாய் வடிவிலான இயந்திரத்தில் நாம் கற்பனையும் செய்ய முடியாத வேகத்தில் பயணிக்க வழி செய்யும் போக்குவரத்து முறை தான் ஹைப்பர்லூப் ஒன். எலான் மஸ்க் கற்பனையில் உருவான ஹைப்பர்லூப் பலகட்ட சோதனைகளில் வெற்றி பெற்றுள்ளதை தொடர்ந்து வணிக ரீதியாக ஹைப்பர்லூப் ஒன் போக்குவரத்தை செயல்படுத்த எலான் மஸ்க் நிறுவனம் முயற்சித்து வருகிறது. அந்த வகையில் இந்தியாவில் ஹைப்பர்லூப் ஒன் ரயில் போக்குவரத்தை செயல்படுத்த தகுதி வாய்ந்த ஐந்து வழித்தடங்கள் தேர்வு செய்யப்பட்டுள்ளன. மணிக்கு 1100 கிலோ மீட்டர் வேகத்தில் பயணம் செய்யக் கூடிய வகையில் ஹைப்பர்லூப் ஒன் ரயில்வே திட்டம் கட்டமைக்கப்பட உள்ளது.

உள்நாட்டிலேயே தயாரிக்க முடியும்:

ஹைப்பர்லூப் ஒன் கட்டமைக்க தேவையான பாகங்களில் சிலவற்றை உள் நாட்டிலேயே தயாரிக்க முடியும். இந்தியாவில் ஹைப்பர்லூப் திட்டம் பலருக்கும் பயனுள்ளதாக இருக்கும் என ஹைப்பர்லூப் டெக்னாலஜீஸ் நிறுவன தலைமை செயல் அதிகாரி ராப் லாய்டு தெரிவித்துள்ளார். வெற்றிகரமான இறுதிகட்ட சோதனைகளை தொடர்ந்து இத்திட்டம் இந்தியா வரும் என எதிர்பார்க்கப்படுகிறது.

English Summary:

New Delhi by train, which travels at a speed of 700 miles per hour hyperloop One project will connect five cities in India reported. You can travel from Bangalore to Chennai on the 20 minutes. Nor can travel to Mumbai from Delhi in 80 minutes. 

Read More

வெளிநாட்டு நீதிபதிகளை ஏற்க இலங்கை மறுப்பு

கொழும்பு: விடுதலை புலிகளுக்கு எதிரான இறுதிக்கட்ட போரில் நடந்த மனித உரிமை மீறல் தொடர்பாக விசாரிக்கும் குழுவில் வெளிநாட்டு நீதிபதிகள் இடம்பெற வேண்டும் என்ற ஐ.நா.,வின் கோரிக்கையை ஏற்க இலங்கை மறுத்து விட்டது.

மனித உரிமை மீறல் தொடர்பாக விசாரணை நடத்துவதில் இலங்கை காலதாமதம் செய்கிறது. விசாரணைக்காக கலப்பு கோர்ட் அமைக்கப்பட வேண்டும். இந்த கோர்ட்டில் உள்ளூர் மற்றும் சர்வதேச நீதிபதிகள் இடம்பெற வேண்டும் என ஐ.நா., மனித உரிமை கவுன்சில் கூறியிருந்தது.
இது தொடர்பாக அந்நாட்டு பிரதமர் ரணில் விக்ரமசிங்கே கூறியதாவது: கலப்பு கோர்ட் அமைக்க வேண்டும் என்ற ஐ.நாவின் கோரிக்கை சாத்தியமில்லாதது. இலங்கையின் நீதித்துறை மீது சர்வதேச அளவில் நம்பிக்கையில்லாத நேரத்தில் இந்த கோரிக்கை வந்துள்ளது. அதிபர் ஸ்ரீசேன தலைமையிலான அரசு தலைமையில் விசாரணை குழு மேம்படுத்தப்பட்டுள்ளது. இதனால் கலப்பு கோர்ட் தேவையில்லை. இவ்வாறு அவர் கூறினார்.

English summary:

Colombo: The war against the LTTE in the final stages of the Committee to investigate human rights abuses overseas UN judges to take place, Sri Lanka has refused to accept the request.

Read More

மின்கட்டணம்: வேட்பாளர்களுக்கு சிக்கல்

புதுடில்லி: குடிநீர் மற்றும் மின்கட்டணங்களை செலுத்தாத நபர்கள் சட்டசபை மற்றும் லோக்சபா தேர்தலில் போட்டியிட தடை விதிக்கும் வகையில் சட்டத்தை திருத்த வேண்டும் என தேர்தல் ஆணையம் கேட்டுக்கொண்டுள்ளது.

இது தொடர்பாக கடந்த 1951 மக்கள் பிரதிநிதித்துவ சட்டத்தை திருத்தம் செய்ய வேண்டும் என மத்திய சட்டத்துறை அமைச்சகத்தை கேட்டுக்கொண்டுள்ளது. வேட்பாளர்கள் மீதான குற்றம்தொடர்பான மக்கள் பிரதிநிதித்துவ சட்டத்தில் 3வது பிரிவை திருத்த வேண்டும். இதன் மூலம் வரி கட்டாமல் ஏமாற்றுபவர்கள் மீது நடவடிக்கை எடுக்க முடியும் என தேர்தல் ஆணையம் பரிந்துரை செய்துள்ளது. இது மத்திய அரசின் பரிசீலனையில் உள்ளதாக கூறப்படுகிறது.

கடந்த 2015ல் வழக்கு ஒன்றை விசாரித்த டில்லி ஐகோர்ட், மின் மற்றும் குடிநீர் கட்டணத்தை செலுத்தாத வேட்பாளர்களை தடை செய்ய வேண்டும் என கேட்டுள்ளது. மேலும், தேர்தலில் போட்டியிடும் வேட்பாளர்கள், குடிநீர் மின் கட்டணம் ஏதும் பாக்கியில்லை என சான்றிதழ் தாக்கல் செய்ய வேண்டும் எனவும் உத்தரவிட்டது.

English summary:

NEW DELHI: People do not pay water charges for assembly and Lok Sabha elections and ban the EC has asked to have the law

Read More

பிரதமருக்கு மஞ்சள் தூவி வரவேற்பு

வாரணாசி: உ.பி., மாநில சட்டசபை தேர்தலில் கடைசி கட்ட பிரசாரம் நடந்து வருகிறது. கோயில் நகரமான வாரணாசியில் பிரதமர் மோடி இன்று 2 வது நாளாக பிரசாரம் மேற்கொண்டார்.காரின் மேற்கூரையில் நின்றவாறு ஓட்டு கேட்டு சென்றார்.. வழிநெடுகிலும் மோடிக்கு பா.ஜ., தொண்டர்கள், பொதுமக்கள் அமோக வரவேற்பு அளித்தனர். கட்சி கொடிகள் அசைத்தும், மலர் தூவியும், மஞ்சள் வீசியும் பிரதமருக்கு வரவேற்பு அளிப்பதை காண முடிந்தது. லட்சக்கணக்கான தொண்டர்கள் மோடியை தங்களது மொபைல் மூலம்

படம் பிடித்து கொண்டனர். வாரணாசி உள்ளிட்ட பல்வேறு தொகுதிகளில் வரும் 8 ம்தேதி கடைசி ஓட்டுப்பதிவு நடக்கிறது.

English Summary:

Varanasi, Uttar Pradesh assembly polls in the last phase of the campaign is ongoing. The temple city of Varanasi on the 2nd day of campaigning

Read More

மீனவர்கள் கைது: பிரதமருக்கு முதல்வர் கடிதம்

சென்னை: இலங்கை கடற்படையால் கைது செய்யப்பட்ட மீனவர்களை விடுவிக்க நடவடிக்கை எடுக்க வேண்டும் என பிரதமர் மோடிக்கு முதல்வர் கோரிக்கை விடுத்துள்ளார்.
இது தொடர்பாக அவர் பிரதமருக்கு எழுதிய கடிதம்: கடந்த 2 நாட்களில் 32 மீனவர்கள் இலங்கை கடற்படையால் சிறைபிடிக்கப்பட்டுள்ளனர். கச்சத்தீவு திருவிழா நெருங்கும் நிலையில், மீனவர்கள் கைது செய்யப்பட்டுள்ளனர். மீனவர்கள் மீதான தாக்குதல் பெரும் கவலை தருகிறது. மீனவர் உரிமையை நிலைநாட்ட கச்சத்தீவை மீட்க வேண்டும். இவ்வாறு அவர் கூறியுள்ளார்.

English Summary:

Chennai: release of fishermen arrested by Sri Lankan Navy Chief Minister Narendra Modi has appealed to take action. 

Read More

சோமாலியாவில் வறட்சி: 2 நாளில் 110 பேர் பலி

மொகாதிசு: சோமாலியாவில் கடும் வறட்சி காரணமாக ஒரே பகுதியில் கடந்த 2 நாளில் 110 பேர் பலியாகியுள்ளதாக அந்நாட்டு பிரதமர் கூறியுள்ளார்

தேசிய பேரிடர்:

சோமாலியாவில், எல் நினோ பாதிப்பு காரணமாக வறட்சி ஏற்பட்டுள்ளது. இதனால், அங்கு கடும் உணவு பஞ்சம் ஏற்பட்டுள்ளது. இதனால் 30 லட்சத்துக்கும் மேற்பட்ட மக்கள் உணவில்லாமல் தவித்து வருகின்றனர். ஏராளமான குழந்தைகள் ஊட்டச்சத்து குறைபாட்டால் தவித்து வருகின்றனர். ஏராளமான விலங்குகள் உணவில்லாமல் ஆங்காங்கே இறந்து கிடக்கின்றன. இந்த வறட்சியை தேசிய பேரிடர் என அந்நாட்டு அதிபர் முகமது அப்துல்லாஹி அறிவித்துள்ளார்.

உதவுக...:

இந்நிலையில், அந்நாட்டு பிரதமர் ஹசன் அலி கைரே கூறியதாவது: "நாட்டில் கடுமையான சூழ்நிலை ஏற்பட்டுள்ளது. ஏராளமான மக்கள் வறட்சி மற்றும் நோயினால் பாதிக்கப்பட்டுள்ளனர். இதனால், குறிப்பிட்ட ஒரே பகுதியில் கடந்த 2 நாளில் மட்டும் 110 பேர் பலியாகியுள்ளனர். மக்களுக்கு தேவையான உதவிகளை வழங்க அரசு தேவையான நடவடிக்கையை எடுத்து வருகிறோம். உலகின் பல இடங்களில் உள்ள சோமாலியர்கள், வறட்சியால் பாதிக்கப்பட்டவர்களுக்கு உதவ வேண்டும்." இவ்வாறு அவர் கூறினார்.

லட்சக்கணக்கில் பலி:

கடந்த 2011ம் வருடத்தில் ஏற்பட்ட கடும் வறட்சி காரணமாக சுமார், 2,60,000 மக்கள் உயிரிழந்துள்ளனர். இதேபோல் கடந்த 1992ம் ஆண்டில் ஏற்பட்ட வறட்சி காரணமாக, 2,20,000 மக்கள் உயிரிழந்துள்ளனர். கடும் பஞ்சம் மற்றும் பசியினால் மக்கள் அதிகம் பாதிக்கப்படும் 4 நாடுகளில் சோமாலியாவும் ஒன்று. இந்த பட்டியலில் தெற்கு சூடான், நைஜீரியா, ஏமன் ஆகிய நாடுகள் இடம்பெற்றுள்ளன.

English summary:

Mokaticu: Due to the severe drought in Somalia, 110 people died in the same area as the Prime Minister has said in the past 2 days

Read More