பழனிசாமிக்கு எதிராக போராட்டம்: வக்கீல்களுக்கு கட்ஜு அழைப்பு

'முதல்வர் பழனிசாமி ராஜினாமா செய்ய வேண்டும் என வலியுறுத்தி, வழக்கறிஞர்கள் போராட வேண்டும்' என, உச்ச நீதிமன்ற முன்னாள் நீதிபதி மார்க்கண்டேய கட்ஜு தெரிவித்துள்ளார்.

அவரது முகநுால் பதிவு:

தென் மாநிலங்களை சேர்ந்த அனைத்து வழக்கறிஞர்களும், இன்று முதல் தினமும், கீழ்கண்ட கோரிக்கைகளுக்காக, அமைதியாக போராட வேண்டும்.

* வட மாநில உயர் நீதிமன்றங்களில், ஆங்கிலத்துடன் ஹிந்தியும் வழக்காடு மொழியாக உள்ளது. அதேபோல் தமிழ், தெலுங்கு, கன்னடம், மலையாள மொழிகளை, அந்தந்த உயர் நீதிமன்றத்தில் வழக்காடு மொழியாக்க வேண்டும்.

* உச்ச நீதிமன்ற கிளையை, சென்னையிலோ அல்லது இதர தென்மாநில நகரங்களிலோ ஏற்படுத்த வேண்டும்.

* ஊழல் குற்றச்சாட்டில் சிக்கிய, பெங்களூரு சிறை பறவையின் கைப்பாவை பழனிசாமி, உடனடியாக ராஜினாமா செய்ய வேண்டும்.

* 'ஹைட்ரோ கார்பன்' திட்டத்தை, உரிய அறிவியல் ரீதியான ஆய்வுகள் மேற்கொள்ளும் வரை தற்காலிகமாக நிறுத்தி வைக்க வேண்டும்.

இந்த நான்கு கோரிக்கைகள் நிறைவேறும் வரை, கையில் வெள்ளை, 'பேன்ட்' அணிந்து வழக்கறிஞர்கள் போராட வேண்டும். வெள்ளை பேன்ட், போராட்டத்தின் குறியீடு ஆகும். கோரிக்கைகள் நிறைவேறும் வரை, வழக்கறிஞர்கள் அவற்றை நீக்க வேண்டாம். இவ்வாறு கட்ஜு தெரிவித்துள்ளார்.

English Summary:

'CM palanisami to resign, insisting that lawyers have to fight', as former Supreme Court Justice Markandeya Katju said.

Read More

2 லட்சம் துப்பாக்கிகளுக்கு ஓய்வு அளிக்கிறது ராணுவம்

புதுடில்லி: ராணுவத்தில், 20 ஆண்டுகளுக்கு முன் அறிமுகம் செய்யப்பட்டு பயன்பாட்டில் உள்ள, 'இன்சாஸ்' எனப்படும், இந்திய சிறிய ரக துப்பாக்கிகளுக்கு மாற்றாக, புதிய நவீன துப்பாக்கிகளை அறிமுகம் செய்ய, திட்டமிடப்பட்டுள்ளது.

இன்சாஸ் துப்பாக்கி:

ராணுவத்தில், குறிப்பாக, எல்லை பாதுகாப்பு பணியில் உள்ளவர்களுக்கு, இன்சாஸ் எனப்படும், இந்தியாவில் தயாரிக்கப்படும், இந்திய சிறிய துப்பாக்கிகள் வழங்கப்படுகின்றன. கடந்த, 1998ல் அறிமுகம் செய்யப்பட்டு, இரண்டு லட்சம் இன்சாஸ் துப்பாக்கிகள் தற்போது பயன்பாட்டில் உள்ளன.

வசதிகள் இல்லை:

மிகக் குறைந்த துாரத்தில் உள்ள இலக்கை தாக்கும் திறன் உள்ளிட்ட வசதிகள் இந்த துப்பாக்கியில் இல்லை. அதனால், புதிய நவீன ரக துப்பாக்கிகளை ராணுவத்துக்கு வழங்க, ராணுவ அமைச்சகம் திட்டமிட்டுள்ளது. தற்போது, பாகிஸ்தான் ராணுவத்தில் பயன்படுத்தப்படும் இந்த ரக துப்பாக்கிகளை, இந்தியாவிலேயே தயாரிக்கும் வகையில், ஒப்பந்தங்கள் கோரப்பட்டுள்ளன. இதற்கான ஒப்பந்தத்தில், 18 இந்திய மற்றும் வெளிநாட்டு நிறுவனங்கள் பங்கேற்றுள்ளன.

நிபந்தனை:

இந்த ஆயுதத் தயாரிப்பில் ஈடுபடும் வெளிநாட்டு நிறுவனங்கள், ஒப்பந்தம் கிடைத்தால், தொழில்நுட்ப தகவல்களை பரிமாறிக் கொள்ள வேண்டும்; மேலும், உள்நாட்டிலேயே தயாரிக்க வேண்டும் என்ற நிபந்தனை விதிக்கப்பட்டுள்ளது. தற்போது இதற்கான பணிகள் ஆரம்ப நிலையில் உள்ளன. இந்த ஆண்டு இறுதிக்குள், இப்பணிகள் முடிந்து, வரும், 2018ல் இருந்து, இந்த நவீன ரக துப்பாக்கிகள் பயன்பாட்டு வரும் என, எதிர்பார்க்கப்படுகிறது.

English summary:

NEW DELHI: Army, was introduced 20 years ago in the application, 'incas' or, as an alternative to the Indian small rifles, revolvers, to introduce new modern, planned.

Read More

செல்லாத ரூபாய் நோட்டு அறிவிப்பு; ஜெட்லி பங்கு என்ன?

புதுடில்லி: 'செல்லாத ரூபாய் நோட்டு அறிவிப்பு பற்றி, நிதியமைச்சரிடம் ஆலோசிக்கப்பட்டதா' என, ஆர்.டி.ஐ., எனப்படும், தகவல் அறியும் உரிமைச் சட்டத்தின் கீழ் கேட்கப்பட்ட கேள்விக்கு, பதில் அளிக்க, மத்திய நிதியமைச்சகம் மறுத்து விட்டது.

ஆர்.டி.ஐ., சட்டம்:

பிரதமர் மோடி, பழைய, 1,000 - 500 ரூபாய் நோட்டுகள் செல்லாது என கடந்த ஆண்டு, நவம்பர், 8ல், அறிவித்தார். 'இந்த அறிவிப்புக்கு முன், இது பற்றி, மத்திய நிதியமைச்சர் மற்றும் தலைமை பொருளாதார ஆலோசகரிடம் ஆலோசிக்கப்பட்டதா' என, ரிசர்வ் வங்கி மற்றும் பிரதமர் அலுவலகத்திடம், தகவல் அறியும் உரிமை சட்டத்தின் கீழ், சிலர் கேள்வி எழுப்பியிருந்தனர். ஆனால், 'செல்லாத ரூபாய் நோட்டு அறிவிப்பு குறித்த விபரங்களை, ஆர்.டி.ஐ., சட்டத்தின் கீழ் தெரிவிக்க முடியாது' என, ரிசர்வ் வங்கியும், பிரதமர் அலுவலகமும் மறுத்து விட்டன.

பதில் கூற மறுப்பு:

இந்நிலையில், மத்திய நிதியமைச்சகத்துக்கு, பி.டி.ஐ., செய்தி நிறுவனம், ஆர்.டி.ஐ.,யின் கீழ் கேட்டிருந்த கேள்வியில், 'செல்லாத ரூபாய் நோட்டு அறிவிப்புக்கு முன், இது பற்றி மத்திய நிதியமைச்சர் அருண் ஜெட்லியிடம் ஆலோசிக்கப்பட்டதா' என, கேட்கப்பட்டிருந்தது. ஆனால், இதற்கு பதில் அளிக்க, மத்தியநிதியமைச்சகம் மறுத்து விட்டது.

இது தொடர்பாக மத்திய நிதியமைச்சகம் அனுப்பியுள்ள பதிலில் கூறியுள்ளதாவது: செல்லாத ரூபாய் நோட்டு அறிவிப்புக்கு முன் நடத்தப்பட்ட ஆலோசனைகள் தொடர்பான ஆவணங்கள் உள்ளன. ஆனால், இவை, ஆர்.டி.ஐ., கீழ் வராது; அதனால், அந்த தகவல்களை தெரிவிக்க முடியாது. இவ்வாறு கூறப்பட்டுள்ளது.

English summary:

NEW DELHI : 'Invalid currency note about the announcement, Finance Minister decoration  to as' artiai, which, under the RTI Act, question, answer, the finance ministry has refused.

Read More

மத்திய அரசு ஊழியர்களுக்கு 2 சதவீத அகவிலைப்படி உயர்வு?

புதுடில்லி: மத்திய அரசு ஊழியர்கள் மற்றும் ஓய்வூதியதாரர்களுக்கு, 2 முதல், 4 சதவீதம் வரை அகவிலைப்படி உயர்த்தப்படலாம் என எதிர்பார்க்கப்படுகிறது.

அகவிலைப்படி:

விலைவாசி உயர்வை சமாளிக்கும் வகையில், 50 லட்சம் மத்திய அரசு ஊழியர்களுக்கும், 58 லட்சம் ஓய்வூதியதாரர்களுக்கும் அகவிலைப்படி உயர்த்தி வழங்க, மத்திய அரசு திட்டமிட்டுள்ளது. நுகர்வோர் விலை குறியீட்டின் அடிப்படையில், அகவிலைப்படி மாற்றி அமைக்கப்படும்.

அதன்படி, ''இந்த ஆண்டு ஜனவரி, 1 முதல், 2 சதவீதம் அளவுக்கு அகவிலைப்படியை உயர்த்தப்படும் என எதிர்பார்க்கிறோம்,'' என, மத்திய அரசு ஊழியர்கள்
கூட்டமைப்பு தலைவர், கே.கே.என்.குட்டி தெரிவித்துள்ளார்.

எதிர்பார்ப்பு:

நுகர்வோர் விலை குறியீட்டின் அடிப்படையில், இந்த ஆண்டில், 4.95 சதவீதம் அளவுக்கு, அகவிலைப்படி உயர்த்தப்பட வேண்டும். ஆனால், தசம எண்கள் கருத்தில் கொள்ளப்படுவதில்லை.

மேலும், 2016 ஜூலை, 1 முதல் அகவிலைப்படியை, 2 சதவீதம் உயர்த்தி வழங்கப்பட்டது. அதனால், தற்போது, 2 சதவீதம் அளவுக்கே உயர்வு இருக்கும் என எதிர்பார்க்கப்படுகிறது. ஆனால், 4 சதவீதம் வரை வழங்கப்பட வேண்டும் என, ஊழியர் சங்க நிர்வாகிகள் தெரிவித்துள்ளனர்.

English summary:

New Delhi: The central government employees and pensioners, 2 to 4 per cent is expected to be promoted to the DA.

Read More

'தலைமறைவான பிரஜாபதி எப்படி அமைச்சராக நீடிக்கிறார்'

லக்னோ:'பாலியல் பலாத்கார வழக்கில் குற்றஞ்சாட்டப்பட்டு, தலைமறைவாக உள்ள, காயத்ரி பிரஜாபதி, எப்படி அமைச்சராக நீடிக்கிறார் என்பதற்கு விளக்கம் அளிக்க வேண்டும்' என, உத்தர பிரதேச முதல்வர், அகிலேஷ் யாதவுக்கு, கவர்னர் ராம் நாயக் கடிதம் அனுப்பியுள்ளார்.

முதல்வர் அகிலேஷ் யாதவ் தலைமையிலான சமாஜ்வாதி ஆட்சி நடக்கும் உத்தர பிரதேசத்தில், தற்போது சட்டசபை தேர்தல் நடந்து வருகிறது. இந்நிலையில், மாநில அமைச்சரும், சமாஜ்வாதி கட்சியின் மூத்த தலைவருமான, காயத்ரி பிரஜாபதி மீது, பாலியல் பலாத்கார வழக்கு பதிவு செய்யப்பட்டுள்ளது; அதை
த் தொடர்ந்து அவர் தலைமறைவாக உள்ளார்.

இந்நிலையில், முதல்வர் அகிலேஷ் யாதவுக்கு, கவர்னர் ராம் நாயக் ஒரு கடிதம் அனுப்பியுள்ளார்; அதில் கூறப்பட்டு உள்ளதாவது:பாலியல் பலாத்கார வழக்கில் குற்றஞ்சாட்டப்பட்டுள்ள காயத்ரி பிரஜாபதி தொடர்ந்து அமைச்சராக செயல்படுவது, அரசியலமைப்பு சட்டத்துக்கு எதிரானது; அதை அவமதிப்பது போலாகும்.

வெளிநாட்டுக்கு தப்பி செல்ல, அவர் முயற்சிப்பதாகவும் கூறப்படுகிறது. அதனால் அவரது பாஸ்போர்ட் முடக்கி வைக்கப்பட்டுள்ளது; விமான நிலையங்களுக்கு எச்சரிக்கை விடுக்கப்பட்டுள்ளது.இந்த சூழ்நிலையில் அவர் எந்த அடிப்படையில், தொடர்ந்து அமைச்சராக உள்ளார் என்பது குறித்து விளக்கம் அளிக்க வேண்டும்.இவ்வாறு அந்தக் கடிதத்தில் கூறப்பட்டுள்ளது.

English summary:

Lucknow: 'In the case of the rape accused are absconding, Gayatri Prajapati, continues to minister to explain how "the Uttar Pradesh Chief Minister Akhilesh Yadav, sent a letter to Governor Ram Naik.

Read More

அப்பல்லோவில் நடந்ததை மத்திய, மாநில அரசுகள் விளக்க வேண்டும்: பன்னீர்

சென்னை: அப்பல்லோவில் நடந்தை மத்திய மாநில அரசுகள் விளக்க வேண்டும் என முன்னாள் முதல்வர் பன்னீர்செல்வம் வேண்டுகோள் விடுத்துள்ளார்.

சென்னையில் முன்னாள் முதல்வர் பன்னீர்செல்வம் அவரது வீட்டில் அவரது ஆதரவு எம்.பி.,க்கள் மற்றும் முன்னாள் அமைச்சர்களுடன் ஆலோசனை நடத்தினார்.

கூட்டத்தில் முன்னாள் முதல்வர் பன்னீர் செல்வம் பேசுகையில்: ‛‛சசிகலா அதிமுகவின் பொது செயலாளர் ஆனதிற்கு சில அமைச்சர்கள், எம்.எல்.ஏ.க்கள் எதிர்ப்பு தெரிவித்தனர். நான் நினைத்திருந்தால் மற்றொரு கூவத்தூரை ஏற்பாடு செய்திருப்பேன், அப்பல்லோவில் ஜெயலலிதா அனுமதிக்கப்பட்டிருந்த போது யாரையும் பார்க்க அனுமதிக்கவில்லை. அப்பல்லோவில் நடந்ததை மத்திய மாநில அரசுகள் விளக்க வேண்டும்''என கூறினார்.

முன்னாள் அமைச்சர் செம்மலை: ‛‛ கீழே தள்ளி விடப்பட்டு மயக்கமடைந்ததாலேயே ஜெயலலிதா மருத்துவமனையில் அனுமதிக்கப்பட்டார். அவரது மரணத்தில் உள்ள மர்மத்தை உரிய முறையில் விசாரணை நடத்த வேண்டும்'' என கூறினார்.

மா.பா. பாண்டியன்: ‛‛ ஜெயலலிதாவின் மரணம் குறித்து விசாரணை கமிஷன் அமைக்கப்பட வேண்டும், அதிமுக வின் பொது செயலாளராக பன்னீர் செல்வம் வருவார்'' என கூறினார்.

நத்தம் விஸ்வநாதன்: ‛‛ ஜெ., மரணத்தில் சாமானிய மக்களுக்கு சந்தேகம் உள்ளது'' என கூறினார்.
பொன்னையன்: ஜெயலலிதாவை கீழே தள்ளிவிடப்பட்டதை பார்த்த பணிப்பெண்ணை காணவில்லை என கூறினார்.

English summary:

Chennai: Apollo walked to explain federal and state governments urged former Chief Panneerselvam.

Read More

கொள்ளையடித்தவர்கள் பதில் சொல்லியே ஆக வேண்டும் : மோடி

வாரணாசி: நாட்டை கொள்ளையடித்தவர்கள் பதில் சொல்லியே ஆக வேண்டும் என உ.பி., மாநிலம் வாரணாசியில் நடந்த கடைசி கட்ட தேர்தல் பிரச்சாரத்தின் போது பிரதமர் மோடி பேசினார்.

உ.பி., மாநில சட்டசபை தேர்தலில் கடைசி கட்ட பிரச்சாரம் நடந்து வருகிறது. இதையடுத்து பிரதமர் மோடி வாரணாசியில் இன்று(05-03-17) 2வது நாளாக பிரச்சாரம் மேற்கொண்டார். திறந்த வெளி வாகனத்தில் நின்று பிரச்சாரம் செய்த மோடிக்கு வழிநெடுகிலும் அமோக வரவேற்ப்பு அளிக்கப்பட்டது.

உங்களுடைய ஆசியே எனது பலம்:

பிரச்சாரத்தின் கடைசி கட்டமாக பொதுமக்கள் மத்தியில் பிரதமர் மோடி பேசுகையில் :‛‛ உங்களுடைய ஆசியே எனது பலம். உ.பி.,க்கு ஊழலற்ற அரசு தான் தேவை. நாடு முழுவதுமான வளர்ச்சியே எனது குறிக்கோள். 70 ஆண்டுகளாக நாட்டை கொள்ளை அடித்தவர்கள் பதில் சொல்லியே ஆக வேண்டும். பண மதிப்பிழப்பு குறித்து நான் அறிவித்த அறிவிப்பால் ஊழல்வாதிகள் ஒன்றிணைந்து தவறான தகவல்களை பரபரப்பு வருகின்றனர்.

வாரணாசிக்கு மிகப்பெரிய கனவு:

வாரணாசிக்கான மிகப்பெரிய கனவுகளை வைத்துள்ளேன், முந்திய அரசு வாரணாசியை புறக்கணித்தது. கிழக்கிந்திய நாடுகளின் வளர்ச்சி மிக முக்கியத்துவமானது. காங்., ஆட்சியில் காமென்வெல்த் ஊழல், 2ஜி ஊழல், ஹெலிகாப்டர் ஊழல் இப்படியான ஊழல்கள் தான் இருந்தது. நாட்டின் வளர்ச்சியில்லை. மார்ச் 8 வாரணாசி மக்கள் நல்ல முடிவை எடுக்க வேண்டும்'' என பேசினார்.
கூட்டத்தில் ஆயிரக்கணக்கான பொதுமக்கள், பா.ஜ., நிர்வாகிகள், தொண்டர்கள் உட்பட பலர் கலந்து கொண்டனர்.

English summary:

Varanasi: UP to have to tell me the answer to the plundering of the country, in Varanasi, Modi spoke during the last phase of the election campaign.

Read More