‛ஜெ.,க்கு 31 டாக்டர்கள் சிகிச்சை அளித்தனர்'

சென்னை: ‛‛மறைந்த முதல்வர் ஜெயலலிதாவுக்கு, 31 டாக்டர்கள் சிகிச்சை அளித்தனர். சிகிச்சைக்கும், அரசியலுக்கும் தொடர்பு இல்லை,'' என, இந்திய மருத்துவ சங்கத்தின் தமிழக தலைவர் டி.என்.ரவிசங்கர் கூறியுள்ளார்.சென்னையில், இன்று(மார்ச்7) ரவிசங்கர் உள்ளிட்ட டாக்டர்கள் கூறியதாவது: ஜெயலலிதா முதல்வர் பதவியில் இருந்துள்ளார். கடினமான பணியால் அவருக்கு மன அழுத்தம் இருந்து இருக்கலாம். தனது உடல் நிலையை அவர் சரியாக கவனிக்காமல் விட்டு இருக்கலாம். மோசமான உடல் நிலையில் தான் அவர் மருத்துவமனைக்கு அழைத்து வரப்பட்டார். டில்லி எய்ம்ஸ் மருத்துவமனை டாக்டர்களும் அறிக்கை அளித்துள்ளனர். அவருக்கு, 31 டாக்டர்கள் சிகிச்சை அளித்துள்ளனர். அவர்கள் தவறான சிகிச்சை அளித்து இருக்க வாய்ப்பு இல்லை. சமூக வலை தளங்களில் அவருக்கு அளிக்கப்பட்ட சிகிச்சை குறித்து தவறான தகவல்கள் வெளியாகின. சிகிச்சைக்கும், அரசியலுக்கும் தொடர்பு இல்லை. இதை அரசியலாக்க வேண்டாம். இவ்வாறு அவர்கள் கூறினர்.

English summary:

Chennai: '' The Late Chief Minister Jayalalithaa, 31, doctors treated. Treatment is not involved in politics, '' the Indian Medical Association state president said T.N.Ravish
ankar.

Read More

எய்ம்ஸ் அறிக்கையில் குளறுபடி: ஸ்டாலின்

சென்னை: ஜெயலலிதா மரணம் தொடர்பாக எய்ம்ஸ் வெளியிட்ட அறிக்கையில் குளறுபடி உள்ளதாக தி.மு.க., செயல் தலைவர் ஸ்டாலின் கூறியுள்ளார்.

முரண்பாடு:

கொளத்தூர் தொகுதியில் ஆய்வு செய்த ஸ்டாலின் அளித்த பேட்டி: ஜெயலலிதா மரணம் தொடர்பாக எய்ம்ஸ் மருத்துவமனை வெளியிட்ட அறிக்கை வேதனை அளிப்பதுடன், வேடிக்கை அளிப்பதாகவும் உள்ளது. கடந்த செப்.,25ம் தேதி ஜெயலலிதா அப்பல்லோ மருத்துவமனையில் அனுமதிக்கப்பட்ட போது, நீர்ச்சத்து குறைபாடு மற்றும் காய்ச்சலால் பாதிக்கப்பட்டுள்ளார். சிகிச்சைக்கு பின் ஒரிரு நாளில் வீடு திரும்புவார் என சொல்லப்பட்டது. ஆனால், நேற்று வெளியிட்ட அறிக்கையில், ஜெயலலிதா போயஸ் தோட்ட வீட்டிலிருந்து அப்பல்லோ மருத்துவமனைக்கு கொண்டு வரப்பட்ட போதே மயங்கிய நிலையில் கொண்டு வரப்பட்டார் என சொல்லப்பட்டுள்ளது. இதனால், அறிக்கையில் குளறுபடி உள்ளது, வேறுபாடு,முரண்பாடு உள்ளது.

மாறி மாறி...:

நாளை ஓ.பி.எஸ்., உண்ணாவிரதம் உள்ள நிலையில் அறிக்கை வெளியாகியுள்ளது. ஜெயலலிதா மர்ம மரணம் தொடர்பாக ஓ.பி.எஸ்.,சிடம் தான் விசாரணை நடத்த வேண்டும் என அமைச்சர் விஜயபாஸ்கர் கூறுகிறார். விஜயபாஸ்கரிடம் விசாரணை நடத்த வேண்டும் என ஓ.பி.எஸ்., கூறுகிறார். இது 'எங்கப்பன் குதிருக்குள் இல்லை' என்பது போல் உள்ளது.

நீதிவிசாரணை நடத்த வேண்டும் :

அதிமுக பொது செயலர் ஜெயலலிதா மறைந்திருந்தால், அரசியல் நாகரீகம் கருதி எந்த பிரச்னையையும் கிளப்ப விரும்பவில்லை. ஆனால், முதல்வர் மரணத்தில் மர்மம் உள்ளதாக வெளியில் பேச்சு உள்ளது. எனவே ஜெயலலிதா மரணம் குறித்து நீதிவிசாரணை நடத்த வேண்டும். அவ்வாறு நடத்தினால் ஓ.பி.எஸ்., சொல்வது உண்மையா, விஜயபாஸ்கர் சொல்வது உண்மையா, அப்பல்லோ வெளியிட்ட அறிக்கை உண்மையா, எய்ம்ஸ் அறிக்கை உண்மையா அல்லது வெளியில் பேசுவது உண்மையா என்பது தெரியவரும். இவ்வாறு அவர் கூறினார்.

English summary:

Chennai: In a statement released by her death AIIMS is messy DMK leader MK Stalin said act.

Read More

மீனவர் உடலை வாங்க மறுத்து போராட்டம்

ராமேஸ்வரம்: இலங்கை கடற்படை துப்பாக்கிச்சூட்டில் பலியான மீனவர் உடலை வாங்க மறுத்து தேவாலயம் முன் மீனவ அமைப்புகள் தர்ணா மற்றும் உண்ணாவிரத போராட்டத்தில் ஈடுபட்டனர்.

இலங்கை கடற்படையினரால் தமிழக மீனவர் பிரிட்ஜோ சுட்டுக்கொல்லப்பட்டதை கண்டித்து பெரிய அளவில் போராட்டம் நடத்த தங்கச்சிமடத்தில் மீனவர் அமைப்புகள் ஆலோசனை நடத்தினர். இதனையடுத்து எஸ்.பி., தலைமையில் போலீசார் பாதுகாப்பு பணியில் ஈடுபட்டனர்.

மீனவர் பிரதிநிதிகள் கூறுகையில், வெளியுறவு அமைச்சர் நேரில் வந்து உடலை வாங்கும் வரையில் மீனவர் உடலை வாங்க மாட்டோம். தாக்குதல் நடத்திய இலங்கை கடற்படையினரை கைது செய்ய வேண்டும். இவ்வாறு அவர்கள் கூறினர்.

போராட்டக்காரர்களுடன், கலெக்டர் நடராஜன், ஆர் ராம் பிரதீபன் பேச்சு வார்த்தை நடத்தி வருகின்றனர். சுட்டுக்கொன்றவர்களை கைது செய்ய வேண்டும். நிவாரணம் வேண்டும் உள்ளிட்ட கோரிக்கைகளை மீனவர்கள் வலியுறுத்தினர். தொடர்ந்து பேச்சு நடக்கிறது.

English summary:

Rameswaram: Sri Lankan navy shot dead fisherman fishing systems of the body refused to sit in front of the church and went on hunger strike. 

Read More

கேரளாவில் 7 சிறுமிகளுக்கு பாலியல் தொல்லை: 6 பேர் கைது

திருவனந்தபுரம்: கேரளாவில் வயநாட்டில், காப்பகம் ஒன்றில் 2 மாதமாக மிரட்டி 6 சிறுமிகளுக்கு பாலியல் தொந்தரவு கொடுத்த 6 பேரை போலீசார் கைது செய்தனர்.

புகார்:

இது தொடர்பாக போலீசார் கூறியதாவது: பள்ளி முடித்து காப்பகம் திரும்பும் அந்த சிறுமிகளை, 6 பேர் கும்பல் ஒன்று, கடைக்கு அழைத்து சென்று பலவற்றை வாங்கிக்கொடுத்து பாலியல் தொந்தரவு கொடுத்தனர். இதனை வெளியில் சொல்லக்கூடாது எனவும் மிரட்டல் விடுத்தனர். கடந்த சில நாட்களுக்கு முன்னர் பாதுகாவலர் ஒருவர் இதனை நேரில் பார்த்து காப்பகத்திற்கு தகவல் அளித்துள்ளார். இதனையடுத்து கடந்த 5ம் தேதி போலீசில் புகார் அளிக்கப்பட்டது.

வழக்கு:

இதனையடுத்து போலீசார் 6 பேரை கைது செய்தனர். பாதிக்கப்பட்ட சிறுமிகளுக்கு மருத்துவ சோதனை நடத்தியதில் சிறுமிகளுக்கு பாலியல் தொந்தரவு அளிக்கப்பட்டது உறுதியானது. இதனையடுத்து அந்நபர்கள் மீது, கற்பழிப்பு மற்றும் குழந்தைகளுக்கு எதிரான பாலியல் தடுப்பு சட்டத்தின் கீழ் வழக்குப்பதிவு செய்யப்பட்டுள்ளது.

சந்தேகம்:

அந்த கும்பலில் இருந்து சிலர் தப்பி சென்றிருக்கலாம் என்ற சந்தேகத்தின் பேரில் போலீசார் அவர்களை தேடி வருகின்றனர். காப்பகத்தில் வசிக்கும் மேலும் சில சிறுமிகளுக்கு, கும்பலால் பாலியல் தொந்தரவு அளிக்கப்பட்டிருக்கலாம் என போலீசார் கூறியுள்ளனர்.

English summary:

Thiruvananthapuram: Kerala Wayanad, the archive of one of the girls in the 2 to 6 month threat of sexual molestation, police arrested 6 persons.

Read More

இலங்கையை எச்சரிக்க வேண்டும்: ஸ்டாலின் வலியுறுத்தல்

சென்னை: தமிழக மீனவர்கள் மீது இலங்கை கடற்படையினர் துப்பாக்கிச்சூடு நடத்தியதற்கு தி.மு.க., செயல் தலைவர் ஸ்டாலின் கண்டனம் தெரிவித்துள்ளார்.

இது தொடர்பாக அவர் வெளியிட்ட அறிக்கை: தமிழக மீனவர்கள் கொல்லப்படுவதை மத்திய அரசு இனிமேலும் வேடிக்கை பார்க்கக்கூடாது. இலங்கை அரசை தொடர்பு கொண்டோ அல்லது தூதரை வரவழைத்தோ கண்டனம் தெரிவிக்க வேண்டும். இலங்கை துப்பாக்கிச்சூட்டில் மீனவர் ஒருவர் பலியாகியுள்ளது அதிர்ச்சியளிக்கிறது. சாரோன் என்ற மீனவர் காயமடைந்தது வேதனை அளிக்கிறது. காயமடைந்த மீனவருக்கு உயர்தர சிகிச்சை அளிக்க வேண்டும். உயிரிழந்த மீனவர் குடும்பத்திற்கு ரூ.25 லட்சம் நிவாரணம் அளிக்க வேண்டும். இவ்வாறு அவர் கூறியுள்ளார்.

English summary:

Chennai: Sri Lankan Navy had carried out the shooting DMK leader Stalin condemned the act. 

Read More

துப்பாக்கிச்சூடு: இலங்கை மன்னிப்பு கேட்க பொன்.ராதா வலியுறுத்தல்

நாகர்கோவில்: மத்திய இணை அமைச்சர் பொன்.ராதாகிருஷ்ணன் அளித்த பேட்டி: தமிழகத்தை, மத்திய அரசு எவ்வாறு புறக்கணித்தது என கூற வேண்டும். ஹைட்ரோ கார்பன் திட்டத்தை பா.ஜ., அரசு கொண்டு வரவில்லை.

மீனவர் பிரச்னையில் நிரந்தர தீர்வு காண மத்திய அரசு செயல்பட்டு வருகிறது. பேச்சுவார்த்தை நடக்கும் நிலையில் துப்பாக்கிசூடு சம்பவம் கண்டிக்கத்தக்கது. வருத்தத்திற்குரிய விஷயம். பேச்சவார்த்தை நடக்கும் நிலையில் துப்பாக்கிச்சூடு ஏன் நடத்தப்பட்டது. மீன்பிடிப்பது இரு நாட்டு தமிழ் மீனவர் பிரச்னை. தமிழக மீனவர்கள், இலங்கை பகுதியில் மீன்பிடிப்பதை அந்நாட்டு மீனவர்கள் எதிர்க்கின்றனர். துப்பாக்கி சூடு சம்பவத்திற்கு இலங்கை அரசு வருத்தம் தெரிவிக்க வேண்டும். எதிர்காலத்தில் இது போன்று சம்பவங்கள் தொடரக்கூடாது.
ஜெ., மரணம் தொடர்பாக ஏன் அறிக்கை வெளியிட்டனர் என தெரியவில்லை. இவ்வாறு அவர் கூறினார்.

English summary:

Nagercoil: pon interview with Minister of Tamil Nadu, was rejected by the federal government as to how to spell. BJP hydrocarbon project, the government has not come up with. 

Read More

பாபர் மசூதி வழக்கு: அத்வானி உள்ளிட்டோர் மீண்டும் சேர்ப்பு?

புதுடில்லி: 'அயோத்தி பாபர் மசூதி இடிப்பு தொடர்பான வழக்கில், முன்னாள் துணை பிரதமர், அத்வானி, 89, உள்ளிட்டோர் மீதான குற்றச்சாட்டுகள் கைவிடப்பட்டதை ஏற்க முடியாது' என, கூறிய சுப்ரீம் கோர்ட், இது குறித்து, வரும், 22ல் உத்தரவு பிறப்பிப்பதாக கூறியுள்ளது.

வழக்கு:

உத்தர பிரதேச மாநிலம் அயோத்தியில், சர்ச்சைக்குரிய பாபர் மசூதி, 1992ல் இடிக்கப்பட்டது. இது தொடர்பாக, இரண்டு வழக்குகள் நடந்து வருகின்றன. மசூதியை இடிப்பதற்கு சதி திட்டம் தீட்டியதாக, அத்வானி, பா.ஜ., மூத்த தலைவர்கள், முரளி மனோகர் ஜோஷி, உமா பாரதி உள்ளிட்டோர் மீது, ரேபரேலி கோர்ட்டில் வழக்கு தொடரப்பட்டது.

விடுவிப்பு:

மசூதியை இடித்ததாக, அடையாளம் தெரியாத, 'கரசேவகர்கள்' மீது, லக்னோவில் ஒரு வழக்கு தொடரப்பட்டது. இதனிடையில், அத்வானி உள்ளிட்டோர் மீதான குற்றச்சாட்டுகளை கைவிடுவதாக, ரேபரேலி கோர்ட் தீர்ப்பளித்தது. இதை அலகாபாத் ஐகோர்ட்டும் உறுதி செய்தது. இதை எதிர்த்து, சி.பி.ஐ., உள்ளிட்டோர் சுப்ரீம் கோர்ட்டில் வழக்கு தொடர்ந்தனர்.

ஏற்க முடியாது:

இந்த வழக்கு, நீதிபதிகள், பினாகி சந்திர கோஸ், ஆர்.எப். நரிமன் அடங்கிய சுப்ரீம் கோர்ட் அமர்வு முன், நேற்று விசாரணைக்கு வந்தது; அப்போது அமர்வு கூறியதாவது: தொழில்நுட்ப காரணங்களுக்காக அத்வானி உள்ளிட்டோர் மீதான குற்றச்சாட்டுகளை கைவிடுவதாக கூறுவதை ஏற்க முடியாது. அவர்கள் மீது தனியாக குற்றப்பத்திரிகை தாக்கல் செய்து, வழக்கை விசாரித்திருக்க வேண்டும். இவர்கள் மீதான குற்றச்சாட்டுகள் குறித்து விசாரணை நடத்துவது குறித்து, வரும், 22ல் அறிவிக்கப்படும். இவ்வாறு சுப்ரீம் கோர்ட் அமர்வு கூறியுள்ளது.

English summary:

NEW DELHI : 'Ayodhya on Babri Masjid demolition case, former Deputy Prime Minister, LK Advani, 89, including the abandonment of the charges can not accept that ", said the Supreme Court, in this regard, which, as the issuing of warrants in 22 states.

Read More