இந்தியாவில் பிரிவினைவாத இயக்கங்கள்: அமெரிக்கா எச்சரிக்கை

வாஷிங்டன்: ஆப்கன், வங்கதேசம், பாகிஸ்தானுக்கு செல்லும் அமெரிக்கார்கள் ஜாக்கிரதையாக இருக்க வேண்டும் என அந்நாட்டு அரசு கூறியுள்ளது. இந்தியாவிலும் பிரிவினைவாத இயக்கங்கள் உள்ளதாக அமெரிக்க அரசு கூறியுள்ளது.

அபாயம்:

இது தொடர்பாக அமெரிக்க வெளியுறவு அமைச்சகம் வெளியிட்ட அறிக்கை: ஐ.எஸ்.ஐ.எஸ்., அல் கொய்தா மற்றும் அதன் ஆதரவு அமைப்புகள் அமெரிக்க மக்களை தாக்குதல் நடத்தும் அபாயம் உள்ளது. அமெரிக்கர்கள் என்பதாலும், தனிப்பட்ட காரணங்களுக்காகவும் பிரிவினைவாதிகள் தாக்குதல் நடத்தும் அபாயம் உள்ளது.

தொடர்ச்சியாக...:

ஆப்கனில் கடத்தல், பிணைக்கைதிகளாக பிடித்து செல்லுதல், தற்கொலைப்படை தாக்குதல் போன்ற சம்பவங்கள் நடைபெற்று வருகின்றன. நிலையற்ற தன்மை நிலவுவதால் அங்கு பாதுகாப்பற்ற சூழல் நிலவுகிறது. பாகிஸ்தானில் தொடர்ச்சியாக பயங்கரவாத தாக்குதல் நடைபெற்று வருகிறது. பாகிஸ்தான் முழுவதும் அமெரிக்கர்களுக்கு பாதுகாப்பற்ற சூழல் நிலவுகிறது. அரசு அதிகாரிகள், மனிதாபிமான குழுக்கள், சட்டத்துறை அதிகாரிகள் என பலர் மீது தாக்குதல் நடத்துவது வழக்கமாக உள்ளது.அமெரிக்கர்கள் என்ற ஒரே காரணத்திற்காக தாக்குதல் நடத்தலாம். இந்தியாவிலும் பிரச்னைக்குரிய பிரிவினைவாத அமைப்புகள் செயல்பட்டு வருகின்றன. இவ்வாறு அறிக்கையில் கூறப்பட்டுள்ளது. 

Read More

ஜெ., மரணத்தில் நீதி விசாரணை வேண்டும்: மாபா உறுதி

சென்னை: ஜெயலலிதா மரணம் தொடர்பாக நீதி விசாரணை நடத்தப்பட வேண்டும் என்பதில் நாங்கள் உறுதியாக உள்ளோம் என ஓ.பி.எஸ்., அணியை சேர்ந்த முன்னாள் அமைச்சர் மாபா பாண்டியராஜன் கேள்வி எழுப்பியுள்ளார்.

சென்னையில் இன்று பத்திரிகையாளர்களிடம் பேசிய அவர்: ஜெயலலிதா மரணம் தொடர்பாக அப்பல்லோ மருத்துவமனை வெளியிட்ட அறிக்கைக்கும், தற்போது வெளியாகியுள்ள அறிக்கைக்கும் வேறுபாடு உள்ளது. போயஸ் தோட்ட இல்லத்தில் ஜெயலலிதா கீழே விழுந்தாரா என்பதை அறிய அப்பல்லோ மருத்துவமனை டிஸ்சார்ஜ் அறிக்கையை வெளியிட வேண்டும். ஜெயலலிதா மரணத்தில் உள்ள மர்மத்தை நீக்கக்கோரி நாளை(மார்ச் 8), 36 இடங்களில் உண்ணாவிரதம் நடக்கிறது. அப்பல்லோ மருத்துவமனையில், ஜெயலலிதாவுக்கு உயிர்காக்கும் கருவி ஏழு நாட்கள் பொருத்தப்பட்டிருக்கும் என அமைச்சர்களிடம் தெரிவிக்கப்பட்டது. ஆனால் ஒரே நாளில் உயிர்காக்கும் கருவியை எடுக்க உத்தரவிட்டது யார்? அதற்கு அனுமதி அளி்த்த ரத்த உறவு என்பதற்கு எம்மாதிரியான ஆதாரங்கள் வழங்கப்பட்டன.

ஜெயலலிதாவிற்கு வழங்கப்பட்ட எஸ்.பி.ஜி., பாதுகாப்பை விலக்க உத்தரவிட்டது யார்? அப்பல்லோவில் எஸ்.பி.ஜி., பாதுகாப்பு ஏன் வழங்கப்படவில்லை. எஸ்.பி.ஜி., வீரர்கள் பாதுகாப்பிலிருந்து ஓடிவிட்டால் கடும் தண்டனை வழங்கப்படும் என்ற விதி உள்ளது. இந்நிலையில், ஜெயலலிதாவின் பாதுகாப்புக்கு எஸ்.பி.ஜி., ஏன் வரவில்லை. இதற்கு இதுவரை பதில் கிடைக்கவில்லை. இதனால், ஜெயலலிதா மரணம் தொடர்பாக பல்வேறு கேள்விகளுக்கு மத்திய அரசு கண்காணிப்பில் விசாரணை நடத்தப்பட வேண்டும். நீதி விசாரணை வேண்டும் என்பதில் உறுதியாக உள்ளோம். இவ்வாறு மாபா.பாண்டியராஜன் கூறினார். 

Read More

தமிழகத்தில் மழை வரும்: வானிலை மையம் தகவல்

சென்னை: சென்னை வானிலை மையம் வெளியிட்ட அறிக்கை:
தென் கிழக்கு வங்கக்கடல் பகுதியில் லட்சத்தீவு அருகே காற்றழுத்த தாழ்வு நிலை மையம் கொண்டுள்ளது. இதனால் தமிழகம் மற்றும் புதுச்சேரியில் ஓரிரு இடங்களில் மழை பெய்ய வாய்ப்பு உண்டு. சில இடங்களில் இடியுடன் கூடிய சூறாவளி காற்று வீசக்கூடும்.கடந்த 24 மணி நேரத்தில் அதிகபட்சமாக மதுரை, சோழவந்தானில் 16 செ.மீ., மழை பதிவாகியுள்ளது. இவ்வாறு அந்த செய்தியில் கூறப்பட்டுள்ளது. 

Read More

துப்பாக்கிச்சூடு நடத்தவில்லை: இலங்கை கடற்படை மறுப்பு

கொழும்பு: ராமேஸ்வரம் மீனவர்கள் மீது இலங்கை கடற்படையினர் துப்பாக்கிச்சூடு ஏதும் நடத்தவில்லை என அந்நாட்டு கடற்படை செய்தி தொடர்பாளர் கமாண்டர் சமிந்தா கூறியுள்ளார். இது தொடர்பாக இலங்கை கடற்படை வெளியிட்ட செய்தி: தமிழக மீனவரை இலங்கை கடற்படை சுட்டுக்கொல்லப்பட்டதாக கூறப்படுவது தவறு. முதற்கட்ட விசாரணையில் மீனவர் சுட்டு கொல்லப்படவில்லை என தெரியவந்தது. ஜி.பி.எஸ்., வசதி மூலம் சம்பவம் தொடர்பாக விசாரணை நடத்தப்பட்டது. துப்பாக்கிச்சூட்டில் இலங்கை கடற்படை நடத்தவில்லை. இவ்வாறு அந்த செய்தியில் தெரிவிக்கப்பட்டுள்ளது.

இலங்கை வெளியுறவுத்துறை வெளியிட்ட செய்தி: மீனவர் சுட்டுக்கொல்லப்பட்டது தொடர்பாக இந்திய அரசு நடத்தும் விசாரணைக்கு முழு ஒத்துழைப்பு தருவோம். தமிழக மீனவர்கள் மனிதாபிமான அடிப்படையில் நடத்தப்படுவர். மீனவர் கொல்லப்பட்டது கவலை அளிக்கிறது. இவ்வாறு செய்தியில் தெரிவிக்கப்பட்டுள்ளது.

ராமேஸ்வர மீனவர்கள் மீன்பிடிக்க சென்ற போது நடந்த துப்பாக்கிச்சூட்டில் மீனவர் பிரிட்ஜோ பலியானார். இதன் காரணமாக இப்பகுதியில் மீனவர்கள் போராட்டம் நடத்தி வருகின்றனர். இந்நிலையில், இலங்கை அரசு தரப்பில் மறுக்கப்பட்டுள்ளது குழப்பத்தை ஏற்படுத்தியுள்ளது.

English Summary:

Colombo: Sri Lankan Navy opened fire on fishermen in Rameswaram as the country's navy spokesman Commander Chaminda has mounted. This press release issued by the Sri Lankan Navy, Tamil Nadu fishermen allegedly by the Sri Lankan navy shot dead wrong. Preliminary investigation revealed that the fisherman was shot and killed. GPS., Facility was conducted to investigate the incident. Sri Lanka Navy has not held a firearm. Thus, the story said.

Read More

மன்மோகன் பலவீன பிரதமரா? காங்., சமாளிப்பு

புதுடில்லி: மன்மோகன் சிங் பலவீனமான பிரதமராக இருந்தார் எனக்கூறப்படுவதை
காங்கிரஸ் நிராகரித்துள்ளது.

இது தொடர்பாக அக்கட்சியின் மணிஷ் திவாரி கூறியதாவது: மன்மோகன் சிங் பலவீனமான பிரதமராக எப்போதும் இருக்கவில்லை. இரண்டாவது முறையாக பிரதமர் பதவியை ஏற்ற அவர், சில காரணங்களுக்காக தன்னை முன்னிலைபடுத்தவில்லை. அவர் பலவீனமான பிரதமராக இருந்திருந்தால், அமெரிக்காவுடனான அணுசக்தி ஒப்பந்தத்தை எவ்வாறு மேற்கொள்ள முடியும் எனக்கூறினார்.

Read More

அடுத்தடுத்து சமூக வலைதளங்களில் வீரர்கள் புகார்; ராணுவம் அதிர்ச்சி

புதுடில்லி: பிஎஸ்எப் வீரர்களுக்கு மோசமான உணவு வழங்கப்படுவதாக வீரர் தேஜ் பகதூர் புகார் கூறி பரபரப்பை ஏற்படுத்திய நிலையில், ராணுவ வீரர் ஒருவர், தான் அடிமைப்போல் நடத்தப்படுவதாக புகார் கூறியுள்ளது அதிர்ச்சியை ஏற்படுத்தியுள்ளது. இது குறித்து விசாரணை நடத்த ராணுவம் உத்தரவிட்டுள்ளது.

ராணுவ வீரர் சிந்தவ் ஜோகிதாஸ் சமூக வலைதளத்தில் வெளியிட்ட வீடியோ: விடுமுறையை இரண்டு நாள் நீட்டித்ததற்காக எனக்கு கடுமையான தண்டனை அளிக்கப்பட்டது. இதனை ஏற்க மறுத்ததால், 7 நாள் காவலில் வைத்தனர். என்னை அடிமைப்போல் நடத்தினர். போதிய உணவு வழங்கப்படவில்லை. உயிர் வாழவே உணவு வழங்கினர். உதவி கேட்டு பிரதமர் மற்றும் பாதுகாப்பு அமைச்சகத்திற்கு கடிதம் அனுப்பினேன். ஆனால், எந்த உதவியும் கிடைக்கவில்லை. ராணுவம் வெளியிட்ட வாடஸ் அப் எண் மூலம் புகார் அளித்தும் பதில் கூட வரவில்லை. பிரதமர் அலுவலகத்திற்கு புகார் அனுப்பியதற்காக நடவடிக்கை எடுக்க உத்தரவிட்டனர். இவ்வாறு அவர் கூறியுள்ளார். இது குறித்து விசாரணை நடத்தும்படி ராணுவம் உத்தரவிட்டுள்ளது.

இது தொடர்பாக ராணுவ அதிகாரிகள் கூறுகையில், ராணுவ வீரர் ஜோகிதாஸ் தொடர்ச்சியாக தவறு செய்து வந்தார். இதற்காக அவர் சஸ்பெண்ட் செய்யப்பட்டவர் என்றனர். 

Read More

மீனவர் பாதுகாப்புக்கு உத்தரவாதம்: பிரதமருக்கு முதல்வர் பழனிசாமி கடிதம்

சென்னை: பிரதமர் மோடிக்கு முதல்வர் பழனிசாமி எழுதிய கடிதம்: கடலில் மீன்பிடிக்க செல்லும் மீனவரின் பாதுகாப்புக்கு உத்தரவாதம் அளிக்க வேண்டும். இலங்கை கடற்படை துப்பாக்கிச்சூடு நடத்தியது காட்டுமிரண்டிதனமானது. இலங்கை தூதரை வரவழைத்து இந்தியா கடும் எதிர்ப்பை தெரிவிக்க வேண்டும். இவ்வாறு பழனிசாமி கூறியுள்ளார்.

நிவாரணம் வழங்க உத்தரவு:

இது குறித்து அவர் வெளியிட்ட அறிக்கை: கொல்லப்பட்ட மீனவர் பிரிட்ஜோ குடும்பத்திற்கு ரூ.5 லட்சம் நிவாரணமும், காயமடைந்த சாரோணுக்கு தலா ரூ.1 லட்சம் நிதி வழங்கவும் உத்தரவிட்டுள்ளார். மேலும் காயமடைந்த மீனவருக்கு தரமான சிகிச்சை அளிக்கவும் மாவட்ட நிர்வாகத்திற்கு முதல்வர் பழனிசாமி உத்தரவிட்டுள்ளார்.

English summary:

Chennai: Chief Minister Narendra Modi's letter palanisami: sea fishing to the need to guarantee the safety of fishermen.  Navy opened fire. Lankan envoy summoned to express India's strong opposition. Thus said Palanisamy.

Read More