திருகோணமலையில் டெங்கு காய்ச்சல் பலி எண்ணிக்கை 5 ஆக உயர்வு

இலங்கை திருகோணமலை மாவட்டத்தில் டெங்கு நோயின் தாக்கம் தொடர்ந்து நிலவி வரும் நிலையில், இன்று கிண்ணியாவாசி ஒருவர் திருகோணமலை அரசினர் மருத்துமனையில் உயிரிழந்துள்ளார்.

கிண்ணியா குறிஞ்சாகேணியைச் சேர்ந்த 43 வயது ஹாலித், டெங்கு நோயின் தாக்கத்தினால் உயிரிழந்துள்ளார்; இதன்மூலம் டெங்கு நோயின் தாகத்தினால் கிண்ணியாவில் உயிரிழந்தோரின் எண்ணிக்கை 5ஆக அதிகரித்துள்ளது.

இதேவேளை டெங்குநோய் மேலும் பரவாதவாறு மக்கள் தங்கள் வீடுகளையும், சுற்றுப்பகுதியையும் நுளம்புகள் பரவாத வகையில், நீர் தேங்காதவாறு பார்த்துக் கொள்ளுமாறு கேட்டுக் கொள்ளப்பட்டுள்ளனர்.

பாடசாலை மாணவர்கள், டெங்கு நோயின் தாக்கத்திற்கு உள்ளாகியுள்ள நிலையில், மாவட்டத்தில் உள்ள பாடசாலைகளை தாற்காலிகமாக மூடுமாறு, கிழக்கு மாகாண சபை உறுப்பினர் ஜனார்த்தனன், மத்திய கல்வி அமைச்சர் அகிலராஜ் காரிவாசத்திடம் கடிதம் மூலம் கோரிக்கை விடுத்துள்ளார்.

திருகோணமலை அரசினர் மருத்துவமனைக்குச் சென்று பாதிக்கப்பட்டவர்களை பார்வையிட்ட பின்னர் அவர் இவ்வாறு கோரிக்கை விடுத்துள்ளார் என்பது குறிப்பிடத்க்கது.

Read More

இலங்கை கிழக்கு மாகாணத்தில் அரச வேலை கோரி இரண்டாவது வாரமாக தொடரும் போராட்டம்

இலங்கையில் அரச துறைகளில் வேலை வழங்கக் கோரி கிழக்கு மாகாணத்தில் வேலையற்ற பட்டதாரிகளினால் ஆரம்பிக்கப்பட்டுள்ள காலவரையற்ற சத்தியாகிரக போராட்டம் இரண்டாவது வாரமாக தொடர்கின்றது.

தங்களின் கோரிக்கைகள் தொடர்பாக பொறுப்பு வாய்ந்தவர்களிடமிருந்து ஏற்றுக் கொள்ளக் கூடிய பதில்களோ அல்லது உறுதிமொழிகளோ இதுவரை கிடைக்காத நிலையில் போராட்டம் தொடர்வதாக கிழக்கு மாகாண வேலையற்ற பட்டதாரிகள் சங்கம் கூறுகின்றது.

31.03.2011ம் ஆண்டுக்கு முன்னர் பட்டம் பெற்ற பட்டதாரிகளுக்கு 2013ம் ஆண்டு மத்திய அரசினால் வேலை வாய்ப்பு வழங்கப்பட்டது. அதன் பின்னார் மத்திய அல்லது அரசோ மாகாண அரசோ தங்களுக்கான தொழில் வாய்ப்புகளை ஏற்படுத்தவில்லை என வேலையில்லா பட்டதாரிகள் கூறுகிறார்கள்.

மட்டக்களப்பு , திருகோணமலை மற்றும் காரைதீவு (அம்பாரை) ஆகிய இடங்களில் போராட்டத்தில் ஈடுபட்டுள்ள பட்டதாரிகளை மத்திய அமைச்சர்கள் , மாகாண அமைச்சர்கள் , நாடாளுமன்ற உறுப்பினர்கள் உட்பட பலரும் சந்தித்து உரையாடியுள்ளனர்.

அவர்களால், பட்டதாரிகளுக்கு ஆதரவும் ஆறுதலும் தான் கிடைத்ததே தவிர கோரிக்கைகள் தொடர்பான உறுதிமொழியையோ உத்தரவாதத்தையோ பெற முடியவில்லை என்று பட்டதாரிகள் கூறுகிறார்கள்.

இரவும் பகலும் தொடர்ச்சியாக சத்தியாகிரகத்தில் ஈடுபட்டுள்ள வேலையற்ற பட்டதாரிகள் பிரேத பெட்டி பேரணி , மனித சங்கிலி மற்றும் மாவட்ட செயலகங்கள் முன்பாக ஆர்பாட்டம் என பல்வேறு வடிவங்களில் கவன ஈர்ப்பு போராட்டங்களிலும் ஈடுபட்டு வருகின்றனர்.
கிழக்கு மாகாணத்தில் சுமார் 7500 பட்டதாரிகள் 4 வருடங்களுக்கும் மேலாக வேலை வாய்ப்பு இன்றி இருப்பதாக வேலையில்லாப் பட்டதாரிகள் சங்கம் கூறுகின்றது

மத்திய மற்றும் மாகாண அரச துறைகளில் போட்டிப் பரீட்சை இன்றி தொழில் வாய்ப்பு வழங்கப்பட வேண்டும் என்ற கோரிக்கை பிரதான கோரிக்கையாக இந்த சத்தியாகிரக போராட்டத்தில் முன் வைக்கப்பட்டுள்ளது.

பட்டதாரிகளுக்கான தொழில் வாய்ப்புக்கான வயது எல்லை 36 ஆகும். வயது எல்லை 45 என அதிகரிக்கப்பட வேண்டும், ஏற்கனவே அரச துறைகளில் தொழில் புரிபவர்கள் பட்டதாரிகளுக்கான தொழில் வாய்ப்புகளின் போது உள் வாங்கப்படக் கூடாது, பட்டதாரி சான்றிதழ் பெற்ற திகதியை கருத்தில் கொண்டு மூப்பு அடிப்படையில் தொழில் வாய்ப்பு கிடைப்பது உறுதிப்படுத்தப்பட வேண்டும்,மாற்றுத் திறனாளிகள் தொடர்பாக சிறப்பு கவனம் செலுத்தப்பட வேண்டும் ஆகிய கோரிக்கைகளும் இந்த போராட்டத்தில் முன் வைக்கப்பட்டுள்ளன.

கிழக்கு மாகாண மாகாண சேவையில் 4700 ஆசிரியர் வெற்றிடங்கள் உட்பட பல்வேறு துறைகளில் 5200 வெற்றிடங்கள் இருப்பதாக கூறப்படுகின்றது.

குறிப்பாக தமிழ் மொழி மூலம் - 2727 , சிங்கள மொழி மூலம் - 1371 என்ற எண்ணிக்கையில் காலியாகவுள்ள ஆசிரியர் பதவிகளுக்கு குறித்த பட்டதாரிகளை நியமிப்பது குறித்து கிழக்கு மாகாண சபை கவனம் செலுத்தினாலும் இதற்கான அங்கீகாரத்தை மத்திய அரசு தான் வழங்க வேண்டும்.

வேலையற்ற பட்டதாரிகளின் போராட்டம் தொடர்பாக மாகாண முதலமைச்சர் ஹாபீஸ் நசீர் அகமட் ஏற்கனவே பிரதம மந்திரி ரணில் விக்கிரமசிங்கவுடன் பேச்சுவார்த்தைகளை நடத்தியுள்ளார்.

இந்த பேச்சுவர்த்தையின் போது இந்த விடயம் கொள்கையளவில் ஏற்றுக் கொள்ளப்பட்ட நிலையில் சாதகமான பதில் கிடைத்துள்ளதாக மாகாண முதலமைச்சர் செயலகம் கூறுகின்றது

கொழும்பில் பிரதமரின் உத்தரவின் பேரில் தேசிய கொள்கை திட்டமிடல் மற்றும் பொருளாதார அமைச்சில் இது தொடர்பாக சிறப்பு கூட்டமொன்றும் ஏற்பாடு செய்யப்பட்டுள்ளது

மாகாண ஆளுநர் , முதலமைச்சர் , கல்வி அமைச்சர் , முதன்மை செயலாளர் மற்றும் கல்விச் செயலாளர் உட்பட உரிய துறை அதிகாரிகளும் இக் கூட்டத்திற்கு அழைக்கப்பட்டுள்ளதாகவும் முதலமைச்சரின் ஊடக பிரிவு வெளியிட்டுள்ள தகவல்கள் தெரிவிக்கின்றன.

Read More

மலேசியர்கள் வடகொரியாவை விட்டு வெளியேற தடை; கிம் யாங்-நம் விவகார எதிரொலி

வட கொரிய அதிபரின் ஒன்றுவிட்ட சகோதரர், கிம் யாங்-நம், கொல்லப்பட்ட சம்பவம் குறித்து, அதிகரித்துவரும் ராஜிய சர்ச்சையில், வடகொரியாவில் தற்போது இருக்கும் எந்த ஒரு மலேசியரும், நாட்டை விட்டு வெளியேறக்கூடாது என்று தடை விதிக்கப்படுவதாக வட கொரியா அறிவித்துள்ளது.

''மலேசியாவில் நடந்த சம்பவத்திற்கு முறையாக தீர்வு காணப்படும் வரை'' இந்தத் தடை அமலில் இருக்கும் என்று வடகொரிய அரச செய்தி நிறுவனமான, கே.சி.என்.ஏ கூறியிருக்கிறது.

வட கொரிய அதிபரின் ஒன்றுவிட்ட சகோதரர் கிம் கடந்த மாதம் மலேசியாவில் நரம்பைப் பாதிக்கும் ரசாயனத் தாக்குதல் ஒன்றில் கொல்லப்பட்டார்.

வட கொரியா இந்தக் கொலைக்கும் தனக்கும் தொடர்பு இல்லை என்று கூறியுள்ளது.

கிம் ஜோங் நாம் கொலை விசாரணையில் மலேசிய அதிகாரிகள் கூட்டுச்சதி : வட கொரியா சந்தேக நபர் குற்றச்சாட்டு

படுகொலை விவகாரம்: மலேசியாவை விட்டு வெளியேறினார் வட கொரிய தூதர்

கிம் ஜோங் நாம் கொலை: இந்தோனீஷிய, வியட்நாம் பெண்கள் மீது கொலை வழக்கு

English Summary:

North Korean president's half-brother, Kim Yang-us, of killing, of growing diplomatic dispute, which will be a Malaysian in North Korea, said North Korea banned from the country not to leave.

Read More

ஆஸி.,க்கு இந்தியா பதிலடி: பெங்களூரு டெஸ்டில் வெற்றி

பெங்களூரு: ஆஸ்திரேலியாவுக்கு எதிரான இரண்டாவது டெஸ்டில், அஷ்வின் 'சுழலில்' அசத்த, இந்திய அணி 75 ரன்கள் வித்தியாசத்தில் வெற்றி பெற்றது. இதன் மூலம், முதல் போட்டியில் அடைந்த தோல்விக்கு பதிலடி தந்தது.

இந்தியா வந்துள்ள ஆஸ்திரேலிய அணி, நான்கு போட்டிகள் கொண்ட டெஸ்ட் தொடரில் பங்கேற்கிறது. முதல் போட்டியில் இந்தியா தோல்வி அடைந்தது. இரண்டாவது டெஸ்ட், பெங்களூருவில் நடந்தது. முதல் இன்னிங்சில் இந்தியா 189, ஆஸ்திரேலியா 276 ரன்கள் எடுத்தன. மூன்றாம் நாள் ஆட்ட நேர முடிவில், இந்திய அணி இரண்டாவது இன்னிங்சில் 4 விக்கெட்டுக்கு 213 ரன்கள் எடுத்திருந்தது. புஜாரா (79), ரகானே (40) அவுட்டாகாமல் இருந்தனர்.

ஸ்டார்க் அசத்தல்:

இன்று நான்காம் நாள் ஆட்டம் நடந்தது. புஜாரா, ரகானே ஜோடி நிலையான ஆட்டத்தை தொடர்ந்தது. ரகானே அரை சதம் அடித்தார். பின், ஸ்டார்க் 'வேகத்தில்' அச்சுறுத்தினார். இவர் வீசிய 85வது ஓவரின் மூன்றாவது பந்தில் ரகானே (52) ஆட்டமிழந்தார். அடுத்த பந்தில் கருண் நாயர் டக்-அவுட்டானார். அடுத்த பந்தை சகா தடுத்து விளையாட, ஸ்டார்க் 'ஹாட்ரிக்' வாய்ப்பு நழுவியது.

புஜாரா 92 ரன்கள்:

புஜாரா (92) சத வாய்ப்பை இழந்தார். ஹேசல்வுட் பந்தில் அஷ்வின் (4) அவுட்டானார். இஷாந்த் (6) கிளம்ப, இந்திய அணி இரண்டாவது இன்னிங்சில் 274 ரன்களுக்கு ஆல்-அவுட்டானது. சகா (20) அவுட்டாகாமல் இருந்தார். ஆஸ்திரேலியா சார்பில் அதிகபட்சமாக ஹேசல்வுட் 6 விக்கெட் வீழ்த்தினார்.

அஷ்வின் அசத்தல்:

இதனையடுத்து 188 ரன்கள் இலக்குடன் ஆஸ்திரேலிய அணி இரண்டாவது இன்னிங்சை துவக்கியது. ரென்ஷா 5 ரன்களில் அவுட்டானார். அஷ்வின் 'சுழலில்' வார்னர் (17) சிக்கினார். உமேஷ் பந்தில் ஷான் மார்ஷ் (9) ஆட்டமிழந்தார். மீண்டும் வந்த அஷ்வின் இம்முறை, மிட்சல் மார்ஷ் (13), வேட் (0) ஆகியோரை வெளியேற்றினார். ஸ்டார்க் ஒரு ரன்னில் நடையைக்கட்டினார். மற்ற வீரர்களும் ஏமாற்ற, ஆஸ்திரேலிய அணி இரண்டாவது இன்னிங்சில் 112 ரன்களுக்கு ஆல்-அவுட்டாகி வீழ்ந்தது. இந்தியா சார்பில் அதிகபட்சமாக அஷ்வின் 6 விக்கெட் வீழ்த்தினார்.

Read More

இந்தியாவில் பிரிவினைவாத இயக்கங்கள்: அமெரிக்கா எச்சரிக்கை

வாஷிங்டன்: ஆப்கன், வங்கதேசம், பாகிஸ்தானுக்கு செல்லும் அமெரிக்கார்கள் ஜாக்கிரதையாக இருக்க வேண்டும் என அந்நாட்டு அரசு கூறியுள்ளது. இந்தியாவிலும் பிரிவினைவாத இயக்கங்கள் உள்ளதாக அமெரிக்க அரசு கூறியுள்ளது.

அபாயம்:

இது தொடர்பாக அமெரிக்க வெளியுறவு அமைச்சகம் வெளியிட்ட அறிக்கை: ஐ.எஸ்.ஐ.எஸ்., அல் கொய்தா மற்றும் அதன் ஆதரவு அமைப்புகள் அமெரிக்க மக்களை தாக்குதல் நடத்தும் அபாயம் உள்ளது. அமெரிக்கர்கள் என்பதாலும், தனிப்பட்ட காரணங்களுக்காகவும் பிரிவினைவாதிகள் தாக்குதல் நடத்தும் அபாயம் உள்ளது.

தொடர்ச்சியாக...:

ஆப்கனில் கடத்தல், பிணைக்கைதிகளாக பிடித்து செல்லுதல், தற்கொலைப்படை தாக்குதல் போன்ற சம்பவங்கள் நடைபெற்று வருகின்றன. நிலையற்ற தன்மை நிலவுவதால் அங்கு பாதுகாப்பற்ற சூழல் நிலவுகிறது. பாகிஸ்தானில் தொடர்ச்சியாக பயங்கரவாத தாக்குதல் நடைபெற்று வருகிறது. பாகிஸ்தான் முழுவதும் அமெரிக்கர்களுக்கு பாதுகாப்பற்ற சூழல் நிலவுகிறது. அரசு அதிகாரிகள், மனிதாபிமான குழுக்கள், சட்டத்துறை அதிகாரிகள் என பலர் மீது தாக்குதல் நடத்துவது வழக்கமாக உள்ளது.அமெரிக்கர்கள் என்ற ஒரே காரணத்திற்காக தாக்குதல் நடத்தலாம். இந்தியாவிலும் பிரச்னைக்குரிய பிரிவினைவாத அமைப்புகள் செயல்பட்டு வருகின்றன. இவ்வாறு அறிக்கையில் கூறப்பட்டுள்ளது. 

Read More

ஜெ., மரணத்தில் நீதி விசாரணை வேண்டும்: மாபா உறுதி

சென்னை: ஜெயலலிதா மரணம் தொடர்பாக நீதி விசாரணை நடத்தப்பட வேண்டும் என்பதில் நாங்கள் உறுதியாக உள்ளோம் என ஓ.பி.எஸ்., அணியை சேர்ந்த முன்னாள் அமைச்சர் மாபா பாண்டியராஜன் கேள்வி எழுப்பியுள்ளார்.

சென்னையில் இன்று பத்திரிகையாளர்களிடம் பேசிய அவர்: ஜெயலலிதா மரணம் தொடர்பாக அப்பல்லோ மருத்துவமனை வெளியிட்ட அறிக்கைக்கும், தற்போது வெளியாகியுள்ள அறிக்கைக்கும் வேறுபாடு உள்ளது. போயஸ் தோட்ட இல்லத்தில் ஜெயலலிதா கீழே விழுந்தாரா என்பதை அறிய அப்பல்லோ மருத்துவமனை டிஸ்சார்ஜ் அறிக்கையை வெளியிட வேண்டும். ஜெயலலிதா மரணத்தில் உள்ள மர்மத்தை நீக்கக்கோரி நாளை(மார்ச் 8), 36 இடங்களில் உண்ணாவிரதம் நடக்கிறது. அப்பல்லோ மருத்துவமனையில், ஜெயலலிதாவுக்கு உயிர்காக்கும் கருவி ஏழு நாட்கள் பொருத்தப்பட்டிருக்கும் என அமைச்சர்களிடம் தெரிவிக்கப்பட்டது. ஆனால் ஒரே நாளில் உயிர்காக்கும் கருவியை எடுக்க உத்தரவிட்டது யார்? அதற்கு அனுமதி அளி்த்த ரத்த உறவு என்பதற்கு எம்மாதிரியான ஆதாரங்கள் வழங்கப்பட்டன.

ஜெயலலிதாவிற்கு வழங்கப்பட்ட எஸ்.பி.ஜி., பாதுகாப்பை விலக்க உத்தரவிட்டது யார்? அப்பல்லோவில் எஸ்.பி.ஜி., பாதுகாப்பு ஏன் வழங்கப்படவில்லை. எஸ்.பி.ஜி., வீரர்கள் பாதுகாப்பிலிருந்து ஓடிவிட்டால் கடும் தண்டனை வழங்கப்படும் என்ற விதி உள்ளது. இந்நிலையில், ஜெயலலிதாவின் பாதுகாப்புக்கு எஸ்.பி.ஜி., ஏன் வரவில்லை. இதற்கு இதுவரை பதில் கிடைக்கவில்லை. இதனால், ஜெயலலிதா மரணம் தொடர்பாக பல்வேறு கேள்விகளுக்கு மத்திய அரசு கண்காணிப்பில் விசாரணை நடத்தப்பட வேண்டும். நீதி விசாரணை வேண்டும் என்பதில் உறுதியாக உள்ளோம். இவ்வாறு மாபா.பாண்டியராஜன் கூறினார். 

Read More

தமிழகத்தில் மழை வரும்: வானிலை மையம் தகவல்

சென்னை: சென்னை வானிலை மையம் வெளியிட்ட அறிக்கை:
தென் கிழக்கு வங்கக்கடல் பகுதியில் லட்சத்தீவு அருகே காற்றழுத்த தாழ்வு நிலை மையம் கொண்டுள்ளது. இதனால் தமிழகம் மற்றும் புதுச்சேரியில் ஓரிரு இடங்களில் மழை பெய்ய வாய்ப்பு உண்டு. சில இடங்களில் இடியுடன் கூடிய சூறாவளி காற்று வீசக்கூடும்.கடந்த 24 மணி நேரத்தில் அதிகபட்சமாக மதுரை, சோழவந்தானில் 16 செ.மீ., மழை பதிவாகியுள்ளது. இவ்வாறு அந்த செய்தியில் கூறப்பட்டுள்ளது. 

Read More