அமெரிக்கா செல்ல அச்சப்படும் இந்தியர்கள்

புதுடில்லி : அமெரிக்க சென்றால் கொல்லப்படலாம் என்ற பயம் காரணமாக ஏராளமான இந்தியர்கள் அமெரிக்க பயணங்களை ரத்து செய்தும், ஒத்திவைத்தும் வருகின்றனர்.

அச்சத்தில் இந்தியர்கள் :

அமெரிக்கா சுற்றுலா கழகம் வெளியிட்டுள்ள தகவலின்படி, ஆண்டுக்கு 1 மில்லியன் இந்தியர்கள் அமெரிக்கா செல்கிறார்கள். இந்த எண்ணிக்கை ஒவ்வொரு ஆண்டும் அதிகரித்த வண்ணம் உள்ளது. இந்நிலையில் அமெரிக்காவில் கடந்த 10 நாட்களில் 2 இந்தியர்கள் கொல்லப்பட்டுள்ளனர். மர்ம நபரால் சுடப்பட்ட மற்றொரு இந்தியர், சிகிச்சை பெற்று வருகிறார். இந்த 3 சம்பவங்களிலும் தாக்குதலில் ஈடுபட்டவர்கள், அமெரிக்காவை விட்டு வெளியேறுங்கள் என கூச்சலிட்டுள்ளனர்.

அமெரிக்கா செல்ல தயக்கம் :

இதனால், அமெரிக்கா சென்றால் தாங்கள் தாக்கப்படுவதுடன் கொல்லப்படலாம் என அஞ்சுவதாக இந்தியர்கள் பலர் சமூக வலைதளங்களில் கருத்து பதிவிட்டு வருகின்றனர். அமெரிக்காவுக்கு இந்திய அரசு சார்பில் சுற்றுலா எச்சரிக்கை ஒன்றும் விட வேண்டும் என மத்திய வெளியுறவுத்துறை சுஷ்மா சுவராஜூக்கு பலர் கோரிக்கை விடுத்துள்ளனர்.
இந்தியார்கள் அமெரிக்கா செல்ல அஞ்சுவதுடன், அமெரிக்காவில் பல ஆண்டுகளாக வசிக்கும் உறவினர்களின் நிலை என்ன ஆகுமோ எனவும் அச்சம் தெரிவித்துள்ளனர். சமீபத்தில் கன்சாசில் கொல்லப்பட்ட ஸ்ரீநிவாசின் இறுதிச்சடங்கின் போது அவரது பெற்றோர்கள், நாட்டில் உள்ள பெற்றோர்கள் யாரும் தங்களின் பிள்ளைகளை அமெரிக்காவிற்கு அனுப்ப வேண்டாம் என கேட்டுக் கொண்டது குறிப்பிடத்தக்கது.

English summary:

NEW DELHI: The fear of being killed by US-led trips canceled due to the large number of American Indians, are defer.

Read More

பரிசு பொருள் வழக்கு: ஜெ., விடுவிப்பு

புதுடில்லி: உச்சநீதிமன்றத்தில் விசாரணையில் இருந்த பரிசு பொருள் வழக்கில் இருந்து மறைந்த முதல்வர் ஜெயலலிதாவும், முன்னாள் அமைச்சர் அழகு திருநாவுக்கரசும் விடுவிக்கப்பட்டுள்ளனர்.

சி.பி.ஐ., தொடர்ந்த வழக்கு:

ஜெயலலிதா கடந்த, 1992ல் முதல்வராக இருந்த போது, அவரது பிறந்த நாளில் ஏராளமான பரிசு பொருட்களும், காசோலைகள், டி.டி.,க்கள் வந்தன. இதன் மதிப்பு இரண்டு கோடி ரூபாய். முதல்வராக இருப்பவர் தனக்கு வரும் பரிசு பொருட்களை அரசு கருவூலத்தில் சேர்க்க வேண்டும். ஆனால், பரிசு தொகையை தனது சொந்த வங்கி கணக்கில் ஜெயலலலிதா டெபாசிட் செய்ததாக குற்றச்சாட்டு எழுந்தது.

இது குறித்து ஜெயலலிதா, செங்கோட்டையன், அழகு திருநாவுக்கரசு ஆகியோர் மீது சி.பி.ஐ., தொடர்ந்த வழக்கை சென்னை உயர்நீதிமன்றம் தள்ளுபடி செய்தது. இதையடுத்து, உச்சநீதிமன்றத்தில் சி.பி.ஐ., மேல்முறையீடு செய்தது. இன்று இந்த வழக்கு விசாரணைக்கு வந்த போது, ஜெயலலிதா மற்றும் அழகு திருநாவுக்கரசு ஆகியோர் இறந்து விட்டதால், வழக்கில் இருந்து விடுவிக்கப்படுவதாக நீதிபதிகள் அறிவித்தனர்.

எனினும், செங்கோட்டையன் மீதான வழக்கு கோடை விடுமுறைக்கு பிறகு விசாரிக்கப்படும் என உச்சநீதிமன்றம் தெரிவித்துள்ளது.

English Summary:

NEW DELHI: The Supreme Court was hearing the case of a gift from the late Chief Minister Jayalalithaa, a former Minister of Health Tirunavukarasar released.

Read More

ஓபிஎஸ் ஆதரவு எம்எல்ஏ.,வுக்கு எதிர்ப்பு : சசி ஆதரவாளர்கள் கைது

அலங்காநல்லூர் : ஓபிஎஸ் ஆதரவு எம்எல்ஏ.,வான மாணிக்கத்தை தொகுதிக்குள் வர விடாமல் தடுத்த, சசிகலாவின் ஆதரவாளர்கள் நூற்றுக் கணக்கானோரை போலீசார் கைது செய்துள்ளனர்.

எம்எல்ஏ.,வுக்கு எதிர்ப்பு :

சோழவந்தான் தொகுதி எம்எல்ஏ.,வாக இருப்பவர் மாணிக்கம். இவர் முன்னாள் முதல்வர் ஓ.பன்னீர்செல்வத்தின் ஆதரவாளராக இருந்து வருகிறார். இவர் இன்று அலங்காநல்லூர் ஒன்றிய யூனியன் அலுவலகத்திற்கு வருவதாக இருந்தது. இந்த தகவல் அறிந்த சசிகலாவின் ஆதரவாளர்கள் சிலர், எம்எல்ஏ., மாணிக்கத்திற்கு எதிர்ப்பு தெரிவித்து கறுப்புக்கொடி காட்டுவதற்காக சாலையில் அமர்ந்து மறியலில் ஈடுபட்டனர். இதனால் அங்கு பதற்றம் ஏற்பட்டது.
எம்எல்ஏ., வருகைக்கு எதிர்ப்பு தெரிவித்த அலங்காநல்லூர் ஒன்றிய யூனியன் செயலாளர் ரவிச்சந்திரன் உள்ளிட்ட 50 க்கும் மேற்பட்ட ஆண்கள், 50 க்கும் மேற்பட்ட பெண்கள் என நூற்றுக் கணக்கானோரை போலீசார் கைது செய்தனர்.

Read More

இந்தியாவில் பெரும்பாலான குழந்தைகளுக்கு ரத்தசோகை

புதுடில்லி : சமீபத்தில் நடத்தப்பட்ட தேசிய குடும்ப நலன் குறித்த ஆய்வில், இந்தியாவில் 5 வயதிற்கு உட்பட்ட 58 சதவீதத்திற்கும் அதிகமான குழந்தைகள் ரத்தசோகை எனப்படும் இரும்புச்சத்து குறைபாட்டால் பாதிக்கப்பட்டுள்ளது தெரிய வந்துள்ளது.

குழந்தைகளை பாதிக்கும் ரத்தசோகை :

இந்த ரத்தசோகையால் குழந்தைகளின் மூளை வளர்ச்சி பாதி
க்கப்படும் அபாய நிலை ஏற்பட்டுள்ளது. இரும்பு சத்து குறைபாடு காரணமாகவே பெரும்பாலான குழந்தைகள் பல்வேறு நோய் தொற்றுகளால் பாதிக்கப்படுகின்றனர். 2015 முதல் 2016 வரை 6 லட்சம் வீடுகளில் நடத்தப்பட்ட இந்த ஆய்வில், 5 வயதிற்கு கீழ் உள்ள 38 சதவீதம் குழந்தைகள் வளர்ச்சி குன்றியும், 21 சதவீதம் குழந்தைகள் சுறுசுறுப்பு இல்லாமலும், 36 சதவீதம் குழந்தைகள் குறைந்த எடை கொண்டவர்களாகவும் உள்ளது தெரிய வந்துள்ளது.
கடந்த, 2011 ம் ஆண்டு நடத்தப்பட்ட மக்கள் தொகை கணக்கெடுப்பின்படி, 2015 ம் ஆண்டு இந்தியாவில் 12.4 கோடி குழந்தைகள் 5 வயதிற்கு கீழ் உள்ளனர். இவர்களில் 7.2 கோடி குழந்தைகள் ரத்தசோகையாலும், 5 கோடி குழந்தைகள் வளர்ச்சி குன்றியும், 2.6 கோடி குழந்தைகள் மந்ததன்மையுடனும், 4.4 கோடி குழந்தைகள் குறைவான எடையுடனும் உள்ளனர்.

குழந்தைகள் மட்டுமின்றி இந்தியாவில் பாதிக்கும் மேற்பட்ட கர்ப்பிணி பெண்கள் ரத்தசோகையால் பாதிக்கப்பட்டுள்ளனர். 15 முதல் 49 வயதுடைய 53 சதவீதம் பெண்களும், 23 சதவீதம் ஆண்களும் ரத்தசோகையால் பாதிக்கப்பட்டிருப்பதும் ஆய்வில் தெரிய வந்துள்ளது.

English summary:

NEW DELHI: In a recent study conducted by the National Family Welfare in India, 58 percent of children under 5 years old are affected by iron deficiency is anemia was found.

Read More

பட்டொளி வீசி பறக்குது தேசியகொடி ; இந்தியாவின் மிக உயர்ந்த கொடிக்கம்பம்

அமிர்தசரஸ்; இந்திய , பாகிஸ்தான் எல்லையில் நாட்டின் மிக அதி உயர கம்பத்தில் ( 360 அடி) தேசிய கொடி பறக்க விடப்பட்டுள்ளது. இந்த கொடிக்கம்பம் பஞ்சாப் மாநில அரசின் மூலம் உருவாக்கப்பட்டுள்ளது. 55 டன் எடை கொண்ட இதன் மொத்த செலவு ரூ.3.50 கோடி ஆகும். இதற்கு முன்னதாக ஜார்கண்ட் மாநிலம், ராஞ்சியில் 293 அடி உயரக்கம்பத்தில் கொடி பறக்க விடப்பட்டது.

அச்சத்தில் பாகிஸ்தான்:

இந்திய எல்லையில் தேசிய கொடி இந்த அளவிற்கு உயரமாக பறக்க விடப்பட்டிருப்பதற்கு பாகிஸ்தான் தனது அதிருப்தியை, எல்லை பாதுகாப்பு படை அதிகாரிகள் மூலம் தெரிவித்துள்ளது. மேலும் இதில் உளவு சாதனம் ஏதும் இருக்குமோ என்றும் சந்தேகத்தில் பாகிஸ்தான் ஆழ்ந்துள்ளது.

English Summary:

Amritsar; Indian and Pakistani border post in the country in the high-altitude (360 feet) is left to fly the national flag. The flag was created by the State Government of Punjab. With a weight of 55 tons and the total cost is Rs .3.50 crore. Earlier, Jharkhand, Ranchi 293 feet left to fly the flag.

Read More

அகிலேஷ் - ராகுல் பத்திரிகையாளர் சந்திப்பு ரத்து

வாரணாசி : உ.பி., முதல்வர் அகிலேஷ் மற்றும் காங்., துணைத் தலைவர் ராகுல் இருவரும் இன்று கூட்டாக செய்தியாளர்களை சந்திக்க உள்ளதாக கூறப்பட்டது. இந்நிலையில் தற்போது இந்த செய்தியாளர் சந்திப்பு திடீரென ரத்து செய்யப்பட்டுள்ளதாக அறிவிக்கப்பட்டுள்ளது.

ரத்தான சந்திப்பு :

இந்நிகழ்ச்சி திடீரென ரத்தானதற்கு என்ன காரணம் என கேட்ட போது, முதல்வர் அகிலேஷ் பிரசாரங்களில் தீவிர கவனம் செலுத்தவே விரும்புகிறார். இன்று மாலையுடன் பிரசாரம் ஓய்வு பெற உள்ளது. இதனால் இறுதி கட்ட பிரசாரத்தில் தீவிரம் காட்டவே அகிலேஷ் விரும்புகிறார். இதன் காரணமாகவே செய்தியாளர் சந்திப்பு ரத்து செய்யப்பட்டுள்ளதாக சமாஜ்வாதி தரப்பில் கூறப்பட்டது. ஆனால், ராகுலின் ெஹலிகாப்டர் தரை இறங்க அதிகாரிகள் மறுப்பு விட்டனர். இதற்கு பிரதமர் மோடியே காரணம் என காங்கிரஸ் தரப்பில் குற்றம்சாட்டப்பட்டுள்ளது.

English summary:

Varanasi: UP CM Akhilesh and Cong., Is expected to meet Rahul told reporters that the alliance today. Suddenly, in this case, the press conference has been canceled.

Read More

இன்று ஓய்வுபெறுகிறது ஐஎன்எஸ் விராத்

மும்பை : விமான தாங்கி கப்பலான ஐஎன்எஸ் விராத் இன்று (மார்ச் 6) ஓய்வுபெறுகிறது. இவ்விழா மும்பையில் இன்று நடக்கிறது.

ஐஎன்எஸ் விராத் பயணம் :

விமான தாங்கி போர் கப்பலான ஐஎன்எஸ் விராத், 1987 ம் ஆண்டு இந்திய கடற்படையில் சேர்க்கப்பட்டது. அதற்கு முன் இக்கப்பல் 27 ஆண்டுகள் பிரிட்டிஷ் கடற்படையில் சேவை புரிந்து. இக்கப்பல் 1943 ம் ஆண்டு இரண்டாம் உலகப் போரின் போது உருவாக்கப்பட்டதாகும்.
உலகின் மிகப் பழமையான விமானம் தாங்கி போர் கப்பலாக கருதப்படும் ஐஎன்எஸ் விராத், 30 ஆண்டுகள் இந்திய கடற்படையில் சேவை ஆற்றி உள்ளது. மிக நெருக்கடியான சமயங்களில் நாட்டை பாதுகாக்க உதவிய இக்கப்பல் இன்று தனது சேவையை நிறைவு செய்கிறது. இனி இக்கப்பலை போர்க்கப்பலாக பயன்படுத்த முடியாது. அதனால் இனி இக்கப்பல் அருங்காட்சியகமாகவோ அல்லது ஓட்டலாகவோ உருமாற்றப்பட வாய்ப்புள்ளதாக கூறப்படுகிறது.
இன்று மாலை நடக்கும் ஐஎன்எஸ் விராத் வழியனுப்பு விழாவில் பாதுகாப்புத்துறை அமைச்சர் மனோகர் பரிக்கர் கலந்து கொள்ள உள்ளார்.

English Summary:

Mumbai: Aircraft carrier INS Virat ship today (March 6) retirement. The ceremony is taking place today in Mumbai.

Read More