எஸ்.பி.ஐ., வங்கிக்கு மத்திய அரசு வேண்டுகோள்

புதுடில்லி: சேமிப்புக் கணக்கில், குறைந்தபட்ச இருப்புத் தொகையை பேணாவிட்டால், அபராதம் வசூலிக்கும் முடிவை மறுபரிசீலனை செய்யும்படி, பாரத ஸ்டேட் வங்கியிடம், மத்திய அரசு வலியுறுத்தி உள்ளது.

பாதிப்பு:

'சேமிப்புக் கணக்கில், குறைந்தபட்ச இருப்புத் தொகை பேணாத வாடிக்கையாளர்களிடம், ஏப்., 1 முதல், 100 ரூபாய் வரை அபராதம் வசூலிக்கப்படும்' என, பாரத ஸ்டேட் வங்கி சமீபத்தில் அறிவித்தது. இதனால், அந்த வங்கியின், 31 கோடி சேமிப்புக் கணக்கு வாடிக்கையாளர்கள் பாதிக்கும் சூழல் உண்டானது.

வேண்டுகோள்:

இந்நிலையில், அரசு வட்டாரங்கள் கூறியதாவது: சேமிப்புக் கணக்கில், குறைந்தபட்ச இருப்புத் தொகையாக, 5,000 ரூபாயை வைத்திருக்காத வாடிக்கையாளர்களிடம், 100 ரூபாய் வரை அபராதம் வசூலிக்கும் திட்டத்தை, மறுபரிசீலனை செய்யும்படி, பாரத ஸ்டேட் வங்கியை, மத்திய அரசு கேட்டுக் கொண்டுள்ளது. மேலும், பணப் பரிவர்த்தனை, ஏ.டி.எம்., மூலம் பணம் எடுத்தல் ஆகியவற்றின் எண்ணிக்கை தொடர்பான கட்டுப்பாடுகளையும் மறுபரிசீலனை செய்யும்படி, பாரத ஸ்டேட் வங்கி கேட்டுக் கொள்ளப்பட்டு உள்ளது.

எச்.டி.எப்.சி., - ஐ.சி.ஐ.சி.ஐ., உள்ளிட்ட சில தனியார் வங்கிகள், ஒரு மாதத்தில், நான்கு முறைக்கு மேல், பணப்பரிவர்த்தனை செய்தால், ஒவ்வொரு பரிவர்த்தனைக்கும், குறைந்தபட்சம், 150 ரூபாய் கட்டணம் வசூலிக்கத் துவங்கி உள்ளது குறிப்பிடத்தக்கது.

English Summary:

NEW DELHI: In a savings account, the minimum balance the penalty charge to reconsider its decision, with State Bank of India, the Central Government is emphasized.

Read More

சசிகலாவை சந்தித்த அமைச்சர்களின் பதவியை பறிக்க ஐகோர்ட்டில் வழக்கு

பெங்களூரு : 'பரப்பன அக்ரஹாரா சிறையில் அடைக்கப்பட்டுள்ள சசிகலாவை, துமகூரு மகளிர் மத்திய சிறைக்கு மாற்ற வேண்டும்; அவரை பார்த்த நான்கு அமைச்சர்களையும் பதவி நீக்கம் செய்ய வேண்டும்' என, கர்நாடக ஐகோர்ட்டில், 'டிராபிக்' ராமசாமி வழக்கு தொடர்ந்து உள்ளார்.

சொத்து குவிப்பு வழக்கில் தண்டனை பெற்று, பெங்களூரு பரப்பன அக்ரஹாரா மத்திய சிறையில், சசிகலா அடைக்கப்பட்டு உள்ளார்.

அவரை, தமிழகத்தின் பள்ளிக்கல்வித் துறை அமைச்சர் செங்கோட்டையன், வனத்துறை அமைச்சர் திண்டுக்கல் சீனிவாசன், சுகாதாரத் துறை அமைச்சர் காமராஜ், கூட்டுறவுத் துறை அமைச்சர் செல்லுார் கே.ராஜு ஆகியோர், சமீபத்தில், சந்தித்து ஆலோசனை நடத்தினர்.

'வழக்கில் தண்டனை பெற்று, சிறையில் அடைக்கப்பட்டுள்ள சசிகலாவை நான்கு அமைச்சர்கள் சந்தித்து பேசியது, சட்டப்படி தவறு' என, பலரும் கருத்து தெரிவித்து இருந்தனர்.இந்நிலையில், சென்னையைச் சேர்ந்த, சமூக ஆர்வலர், 'டிராபிக்' ராமசாமி சார்பில், கர்நாடக ஐகோர்ட்டில், பொதுநல மனு ஒன்றை, அவரது வழக்கறிஞர்கள் அரவிந்தன், சாஜி ஆகியோர் தாக்கல் செய்தனர்.

மனுவில் குறிப் பிட்டுள்ளதாவது:

● சிறையில் அடைக்கப்பட்டுள்ள சசிகலாவை, சட்டத்தை மீறி சந்தித்த நான்கு அமைச்சர்களையும் பதவி நீக்கம் செய்ய வேண்டும்

● தமிழகம் உட்பட, எந்த மாநிலத்திலிருந்தும் அவரை சந்திக்க தடை விதிக்க வேண்டும்

● பரப்பன அக்ரஹாரா சிறையிலிருந்து, துமகூரு மகளிர் மத்திய சிறைக்கு அவரை மாற்ற வேண்டும்.

இவ்வாறு அதில் கூறப்பட்டுள்ளது.

இம்மனு மீதான விசாரணை, 9ம் தேதி, கர்நாடக தலைமை நீதிபதி முன்னிலையில் வரலாம் என, எதிர்ப்பார்க்கப்படுகிறது.

English Summary:

'Parappana akrahara jailed Sasikala, Thumakuru want to change federal prison for women; I saw him to be sacked four ministers, "the Karnataka High Court, 'Traffic' Ramasamy is following suit. akrahara jailed Sasikala, tumakuru want to change federal prison for women; I saw him to be sacked four ministers, "the Karnataka High Court, 'Traffic' Ramasamy is following suit.

Read More

கோடி கணக்கில் ஏமாற்றியவரை விட்டுவிட்டு, சேலை திருடியவருக்கு ஓராண்டு சிறையா?

புதுடில்லி: ‛‛கோடி கணக்கில் பணத்தை ஏமாற்றியவர்கள் வெளிநாட்டில் சுகமாக வாழும் போது, சேலை திருடியவருக்கு ஓராண்டு சிறையா?'' என சுப்ரீம் கோர்ட் நீதிபதி கேள்வியெழுப்பினார்.

ஐதராபாத்தை சேர்ந்த எலியா என்பவர் 5 சேலைகளை திருடியாதாக அம்மாநில போலீசார் ஒரு வருடத்திற்கு முன்பு கைது செய்தனர். ஆனால் இது வரை அவர் எந்த வித விசாரணையும் இன்றி சிறையிலேயே இருந்து வருகிறார். வழக்கும் நிலுவையில் இருந்து வருகிறது.

சேலை திருடியவருக்கு 1 வருடம் சிறையா?

இதை எதிர்த்து அவரது மனைவி சுப்ரீம் கோர்ட்டில் வழக்கு தொடர்ந்துள்ளார். இந்த மனுவை விசாரித்த நீதிபதி கேகர் கூறுகையில் ‛‛ கோடி கணக்கில் பணத்தை ஏமாற்றியவர்கள் சுகமாக வாழ்ந்து கொண்டிருக்கும் போது, 5 சேலை திருடியவர் விசாரணையின்றி சிறையில் இருக்கிறார்'' என தெலுங்கானா போலீசிற்கு கண்டனம் தெரிவித்தார்.

நீதிபதி கேகர் கோடி கணக்கான பணத்தை கடனாக பெற்று விட்டு வெளிநாட்டில் வாழும் விஜய் மல்லையாவின் பெயரை சொல்லாமல் அவர் சுதந்திரமாக இருப்பதை சுட்டிக்காட்டி பேசியிருப்பது பரபரப்பை ஏற்படுத்தியள்ளது.

English Summary:

NEW DELHI: '' betrayed millions of money while living comfortably abroad, sari-year jail for theft? '' Asked the Supreme Court judge.

Read More

ரேஷன் கடைகளில் இருப்பு வைக்க கோரிய மனு தள்ளுபடி

சென்னை : ரேஷன் கடைகளில், அத்தியாவசியப் பொருட்களை இருப்பு வைக்க, போர்க்கால நடவடிக்கை எடுக்க, அரசுக்கு உத்தரவிடக் கோரிய மனுவை, சென்னை உயர் நீதிமன்றம் தள்ளுபடி செய்தது.
சென்னை, கொடுங்கையூரைச் சேர்ந்த சைமன் தாக்கல் செய்த மனு:தமிழகத்தில், 1.95 கோடி குடும்ப அட்டைதாரர்கள் உள்ளனர். இவர்களுக்கு, ரேஷன் கடைகளில் இலவச அரிசி, மண்ணெண்ணெய், சர்க்கரை, கோதுமை என, அத்தியாவசிய பொருட்கள் வழங்கப்படுகின்றன.

தற்போது, ரேஷன் கடைகளில், அத்தியாவசியப் பொருட்கள் கிடைப்பதில்லை.கடை ஊழியர்களிடம் கேட்டால், 'அரசிடம் இருந்து பொருட்கள் வரவில்லை; வந்தால் தானே வினியோகிக்க முடியும்' என்கின்றனர். இதனால், ஊழியர்களுடன் மோதல் ஏற்படுகிறது.
இலவச அரிசி, 20 கிலோ வழங்கப்பட வேண்டும்; ஆனால், அளவு குறைக்கப்பட்டுள்ளது. முழுமையாக, 20 கிலோ அரிசி வழங்கப்படுவதில்லை. உணவுப் பொருட்களை வாங்குவதற்கான, 'டெண்டர்' கோர, முறையான நடவடிக்கை இல்லை.

மக்களுக்கு உணவு கிடைப்பதை உறுதி செய்வதற்காக, உணவு பாதுகாப்பு சட்டம் கொண்டு வரப்பட்டது. எனவே, ரேஷன் கடைகளில், குடும்ப அட்டைதாரர்கள் அனைவருக்கும், அத்தியாவசியப் பொருட்கள் கிடைப்பதற்கு, இருப்பு வைக்க உத்தரவிட வேண்டும்.இவ்வாறு மனுவில் கூறப்பட்டுள்ளது.

மனு, தற்காலிக தலைமை நீதிபதி எச்.ஜி.ரமேஷ், நீதிபதி சுந்தர் அடங்கிய, 'முதல் பெஞ்ச்' முன், விசாரணைக்கு வந்தது. அரசு தரப்பில் ஆஜரான, பிளீடர் எம்.கே.சுப்ரமணியன், 'பத்திரிகைகளில் வந்த செய்தி அடிப்படையில், மனு தாக்கல் செய்யப்பட்டுள்ளது; பொது வினியோகத்தில், தமிழகம் முன்னோடி மாநிலமாக உள்ளது' என்றார்.
இதையடுத்து, மனு வை தள்ளுபடி செய்து, முதல் பெஞ்ச் உத்தரவிட்டது. அதில், 'போதிய தகவல்கள், புள்ளி விபரங்கள், மனுவில் இல்லை; பத்திரிகை செய்தி அடிப்படையில், மனு தாக்கல் செய்யப்பட்டுள்ளது' என, கூறப்பட்டுள்ளது.

English summary:

Chennai outlet, to keep the balance of essential items, combat action, the State requested the petition order Madras High Court dismisses. 

Read More

இலங்கை கடற்படை துப்பாக்கிச்சூடு; ராமேஸ்வரம் மீனவர் பலி

ராமேஸ்வரம்: இலங்கை கடற்படையினர் நடத்திய துப்பாக்கி சூட்டில் ராமேஸ்வரம் மீனவர் பலியானார்.

துப்பாக்கிச்சூடு:

இந்திய கடல் எல்லையில் ஆதம்பாலம் பகுதியில், ராமேஸ்வரம் மீனவர்கள் மீன்பிடித்து கொண்டிருந்தனர். அப்போது, அவ்வழியாக ரோந்து வந்த இலங்கை கடற்கரை துப்பாக்கிச்சூடு நடத்தியது. இதில், ராமேஸ்வரம் தங்கச்சிமடத்தை சேர்ந்த பிரிட்சோ(22) என்பவர் கழுத்தில் குண்டு பாய்ந்து பலியானதாக என தகவல்கள் தெரிவிக்கின்றன. அச்சமடைந்த மீனவர்கள் உயிருக்கு ஆபத்தான நிலையில் கரை திரும்பிக் கொண்டிருப்பதாக தகவல்கள் தெரிவிக்கின்றன.

5 ஆண்டிற்கு பின் உயிரிழப்பு:

இலங்கை மீனவர்கள் அவ்வப்போது தமிழக மீனவர்களை கைது செய்தல், தாக்குதல் நடத்துதல் உள்ளிட்ட சம்பவங்கள் நடந்து வந்தாலும் கடந்த 5 ஆண்டுகளாக உயிரிழப்புகள் ஏதும் நடைபெறவில்லை, ஆனால் தற்போத மீனவர் உயிரிழந்துள்ளது பெரும் அதிர்ச்சியை ஏற்படுத்தியுள்ளது.

கரை வந்தது உடல்:

பலியான மீனவர் பிரிட்சோ வின் உடல் ராமேஸ்வரத்திற்கு வந்தது. அவரது உடல் அரசு மருத்துவனைக்கு கொண்டு சென்றுள்ளனர். மேலும் காயமடைந்தவர்களுக்கும் மருத்துவமனையில் சிகிச்சை அளிக்கப்பட்டு வருகிறது. பலியான பிரிட்சோ வின் உடலை எஸ்.பி. மணிவண்ணன் நேரில் பார்வையிட்டார்.

குண்டு மழை பொழிந்தனர்.:

துப்பாக்கி சூடு சம்பவம் ஆதம்பாலம் பகுதியில் நடந்தது. இலங்கை கடற்படையினர் குண்டுமழைகளை பொழிந்தனர். அதனால் நாங்கள் உயிருக்கு பயந்து ஓடி வந்துள்ளோம். தாக்குதல் நடந்த பகுதியில் இந்திய கடற்படையினர் ரோந்து பணியில் ஈடுபடவில்லை.

English Summary:

Rameswaram: Sri Lankan Navy Rameswaram fishermen killed in the crossfire.

Read More

ஜெயலலிதா மறைவில் சந்தேகங்கள்; விஜயபாஸ்கரை விசாரிக்க கோரும் ஓ.பி.எஸ்., டீம்

சென்னை: தமிழகத்தில் ஜெயலலிதா ஆட்சியை நடத்துவதாக கூறும், முதல்வர் பழனிச்சாமி, அவர் மரணத்தில் உள்ள மர்மங்களை விலக்க, விசாரணைக் கமிஷனுக்கு உத்தரவிடலாமே. அதை செய்வதை விடுத்து, அதற்காக உண்ணாவிரதம் நடத்தும் எங்களுக்கு இடைஞ்சல் கொடுக்க முயலுவது ஏன்? விசாரணை கமிஷன் அமையும்போது, சுகாதாரத் துறை அமைச்சர் விஜயபாஸ்கரையும் கட்டாயம் விசாரணை நடத்த வேண்டும் என, முன்னாள் உள்ளாட்சித் துறை அமைச்சர் கே.பி.முனுசாமி கேள்வி எழுப்பினார்.

அவர் அளித்த பேட்டி:

ஜெயலலிதா மரணத்தில் உள்ள மர்மங்களையும்; சந்தேகங்களையும் பட்டியல் போட்டு, கட்சியின் மூத்த தலைவர் பி.எச்.பாண்டியனும், அவரது மகன் மனோஜ் பாண்டியனும் சொல்லி விட்டனர். அதற்கு பதில் அளித்திருக்கும் அமைச்சர் திண்டுக்கல் சீனிவாசன், சந்தேகங்களை போக்குவதற்காக, அவர் வெளியிட்டிருக்கும் அறிக்கையில், எந்த இடத்திலாவது உருப்படியான தகவல்களை சொல்லி இருக்கிறாரா?

இத்தனை அமைச்சர்களும், முதல்வரும் இருக்கும்போது, அவர்களில் யாரவது ஒருவர், இந்த சந்தேகங்களுக்கு உரிய விளக்கங்களையும் அதற்கான ஆதாரங்களையும் வெளியிட்டிருக்கலாமே. இருந்தால்தானே, அவர்களால் வெளியிட முடியும்?

தமிழகம் முழுவதும் போராட்டங்கள்:

ஜெயலலிதா மரணத்தில் ஏற்பட்டிருக்கும் மர்மங்களை விலக்க, உரிய நீதி விசாரணை வேண்டும் என்று கேட்டு, சென்னையில் உண்ணாவிரதப் போராட்டத்தை முன்னாள் முதல்வர் பன்னீர்செல்வம் தலைமையில் நடத்துகிறோம். தமிழகம் முழுவதும், போராட்டங்கள் நடத்தப்படுகின்றன.

நீதி விசாரணை வந்தால், முதல்வராக இருந்த பன்னீர்செல்வமும் விசாரணை வளையத்துக்குள் வர வேண்டும் என்று, சுகாதாரத் துறை அமைச்சர் விஜய பாஸ்கர் சொல்லியிருக்கிறார். அதையெல்லாம் எதிர்கொள்ள தெம்பில்லாமல்தான், இத்தனை ஆண்டுகாலம் அரசியல் செய்து வருகிறோமா?

விஜய பாஸ்கர்தான், சுகாதாரத் துறை அமைச்சர் என்ற ரீதியில், ஜெயலலிதாவின் உடல் நிலை முன்னேற்றம் குறித்து, நாட்டு மக்களுக்கு தெரிவிக்காமல், அப்பல்லோ மருத்துவமனையில் அமர்ந்து, டீ. காபி, வடை சாப்பிட்ட விஜய பாஸ்கர், இந்த பிரச்னையில், முதல்வராக இருந்தவருக்கு பிரச்னை என்றால், அது பற்றி, வெளியே எந்தத் தகவலும் சொல்லாமல், கடைசி வரை பம்மி இருந்தவர் ஏன்? அதனால், ஜெயலலிதா சந்தேகத்துக்குரிய மரணம் பற்றி, விஜய பாஸ்கருக்கு எல்லாமே தெரியும். அவர், எப்படி இருந்தாலும், விசாரணைக் கமிஷன் முன்பாக ஆஜராகி விளக்கம் அளிக்க வேண்டிய கட்டாயமான நாள், விரைவிலேயே வரும்.

நியாயத்தின் நடக்க வேண்டிய விஜயபாஸ்கர், அதர்மத்தின் படி நடக்கக் கூடாது. அவரைப் பிடித்து விசாரித்தால், எல்லா சம்பவங்களும் வெளியே வந்துவிடும்.

இவ்வாறு அவர் பேட்டியளித்தார்.

English Summary:

Chennai: Tamil Nadu Jayalalithaa claims to be fighting, Chief Palanisamy, in the mysteries of his death and dismiss the order commission. It follows, that the hunger strike to try to give trouble to us why? To the Commission, the Health Minister vijayabaskar compelled to conduct an investigation, the former local ministerK.P.Munisamy asked.

Read More

ஓ.பி.எஸ். உண்ணாவிரத போராட்டத்திற்கு போலீஸ் அனுமதி

சென்னை: உண்ணாவிரத போராட்டம் நடத்த ஓ.பன்னீர்செல்வம் அணிக்கு போலீஸ் அனுமதி அளித்துள்ளது. இது தொடர்பாக ஓ.பி.எஸ்.அணியைச் சேர்ந்த பாண்டியராஜன் கூறியது, ஜெ., மரணம் தொடர்பாக நீதி விசாரணை கோரி வரும் மார்ச், 8-ம் தேதி சென்னை ராஜரத்தினம் மைதானத்தில் உண்ணாவிரத போராட்டம் நடத்த அனுமதி கேட்டோம்.போலீசார் அனுமதி அளித்துள்ளன. என்றார்.

English Summary:

Chennai: The hunger strike has allowed the police to hold a o pannirselvam team. Pandiarajan ops team said in this regard, J., Who are demanding a judicial inquiry into the death in March, the 8th police permission to hold a hunger strike in Chennai permitted Rajaratnam Stadium. said.

Read More