லஞ்சம் கொடுப்பதில் இந்தியா டாப்

புதுடில்லி: லஞ்சம் கொடுப்பது தொடர்பாக ஆசிய பசுபிக் நாடுகளில் எடுக்கப்பட்ட ஆய்வு ஒன்றில், இந்தியா முதலிடத்தில் உள்ளது.

ஆசியா பசுபிக் பிராந்தியத்தில் உள்ள 16 நாடுகளில் அரசு பணிகளுக்கு லஞ்சம் கொடுப்பது தொடர்பாக ஆய்வு நடத்தப்பட்டது. இந்தியா, சீனா உள்ளிட்ட நாடுகளில், சர்வதேச அமைப்பு இந்த ஆய்வை எடுத்தது. இந்த ஆய்வு முடிவுகள் தற்போது வெளியிடப்பட்டுள்ளன.

ஆய்வு முடிவு: 16 நாடுகளில் வசிக்கும் மக்களில் நான்கு பேரில் ஒருவர் அல்லது 90 கோடி பேர் லஞ்சம் கொடுத்துள்ளனர். இந்த நாடுகளில் வசிக்கும் மக்களில் 22 ஆயிரம் பேர் லஞ்சம் கொடுத்துள்ளனர். இந்த நாடுகளில் லஞ்சம் கொடுப்பது குறைந்துள்ளது என 22 சதவீதம் பேரும், அதிகரித்துள்ளது என 40 சதவீதம் பேரும் கருத்து தெரிவித்துள்ளனர். சீனாவில் லஞ்சம் கொடுப்பது மோசமான நிலையில் உள்ளதாக 73 சதவீதம் பேர் கருத்து தெரிவித்துள்ளனர்.

இந்தியா முதலிடம்:

லஞ்சம் கொடுப்பதில் இந்தியா முதலிடத்தில் உள்ளது. 69 சதவீதம் பேர் லஞ்சம் கொடுத்துள்ளதாக மக்கள் தெரிவித்தனர். கடந்த ஒரு வருடத்தில் லஞ்சம் கொடுப்பது அதிகரித்துள்ளதாக 40 சதவீதம் பேரும், லஞ்சத்திற்கு எதிரான போரில், தனி நபர்களுக்கும் பொறுப்பு உள்ளது என 63 சதவீதம் பேரும் கருத்து தெரிவித்துள்ளனர்.

அரசு பள்ளி, மருத்துவமனை, அலுவலகங்களில் அடையாள அட்டை பெற லஞ்சம் கொடுத்துள்ளதாக ஆய்வில் தெரியவந்துள்ளது. இந்தியாவில் லஞ்சம் கொடுப்பவர்களில் 73 சதவீதம் பேர் ஏழை மக்கள். அதேபோல், பாகிஸ்தானில், 64 சதவீதம் பேரும், தாய்லாந்தில் 46 சதவீதம் பேரும் ஏழை மக்கள் என தெரியவந்துள்ளது.

இந்தியாவிற்கு அடுத்த இடத்தில் வியாட்நாம் உள்ளது. 69 சதவீதம் பேர் லஞ்சம் கொடுத்துள்ளதாக ஆய்வில் தெரியவந்துள்ளனர். அங்கு வசிக்கும் மக்களில், மூன்றில் 2 பேர் லஞ்சம் கொடுத்துள்ளதாக கருத்து தெரிவித்துள்ளனர். பாகிஸ்தானில் 40 சதவீதம் பேரும், சீனாவில் 26 சதவீதம் பேரும் லஞ்சம் கொடுத்துள்ளதாக தகவல் தெரிவித்துள்ளனர்.

குறைந்தளவு:

லஞ்சம் கொடுப்பதில் ஜப்பான் கடைசி இடத்தில் உள்ளது. 0.2 சதவீதம் பேர் மட்டுமே லஞ்சம் கொடுத்துள்ளதாக ஆய்வில் தெரிவித்துள்ளனர். தென் கொரியாவில் 3 சதவீதம் லஞ்சம் கொடுத்துள்ளதாக கருத்து தெரிவித்துள்ளனர்.

English summary:

NEW DELHI: Giving a bribe in connection with the study of Asian-Pacific countries, India is at the top.

Read More

மீனவர் கொலை: இலங்கை அதிபருடன் துணை ஜனாதிபதி பேச்சு

புதுடில்லி: தமிழக மீனவர் கொலை விவகாரம் குறித்து இலங்கை அதிபர் சிறிசேனாவுடன் இந்திய துணை ஜனாதிபதி ஹமீத் அன்சாரி பேசினார்.
துணை ஜனாதிபதி ஹமீத் அன்சாரி அரசு முறை பயணமாக இந்தோனேஷியா சென்றுள்ளார். இலங்கை அதிபர் மைத்திரபால சிறிசேனாவும் இந்தோனேஷியாவிற்கு சுற்றுப்பயணம் வந்துள்ளார். இந்நிலையில், இந்திய கடல் எல்லையில் மீன்பிடித்த ராமேஸ்வரம் மீனவர் பிரிட்ஜோ இலங்கை கடற்படையால் சுட்டுகொல்லப்பட்ட சம்பவம் குறித்து ஹமீத் அன்சாரி சிறிசேனாவை சந்தித்து பேசினார். இதுபோன்ற, சம்பவம் மீண்டும் நிகழாது என சிறிசேனா உறுதி அளித்ததாக கூறப்படுகிறது.

English Summary:

NEW DELHI: Indian fisherman killed the President of Sri Lanka on the issue with the Indian Vice President Hamid Ansari spoke ciricena. 

Read More

பெண் ஊழியர்களுக்கு இலவச பயணம் :ஏர் இந்தியா சலுகை

புதுடில்லி:விமானத்தில் பயணம் செய்திராத பெண் ஊழியர்களை தேர்வு செய்து, தனி விமானத்தில் இலவசமாக பயணம் செய்ய ஏர் இந்தியா முடிவு செய்திருக்கிறது. இதைதொடர்ந்து விமான நிலையங்களில் அயராது உழைத்து வரும் பெண் ஊழியர்களை முதல் முறை விமான பயணம் அழைத்துச் செல்ல ஜாய் ரைடு திட்டத்தை ஏர் இந்தியா அறிமுகம் செய்துள்ளது.

50 பேர் பயணம்:

இதன்படி தேர்வு செய்யப்பட்ட 50 பெண் ஊழியர்கள், சிறப்பு விமானம் மூலம் ஆக்ராவிற்கு பயணம் செய்ய உள்ளனர். சர்வதேச மகளிர் தினத்தை கொண்டாடும் வகையில் ஏற்பாடு செய்யப்பட்டுள்ள இந்த பயணம் முற்றிலும் இலவசமாக வழங்கப்படுகிறது. செய்தியாளர்கள் உட்பட பெண்கள் மட்டுமே இந்த விமானத்தில் பயணம் செய்ய முடியும் என அறிவிக்கப்பட்டுள்ளது.

English summary:

NEW DELHI: female employees who have chosen to travel by plane, on a chartered jet, Air India has decided to travel for free. from that female employees who had worked tirelessly for the first time at airports to take air travel, Air India has introduced Joy Ride program.

Read More

ஐ.எஸ்.பயங்கரவாதி சைஃபுல்லா சுட்டுக்கொலை

லக்னோ: உ.பி., மாநிலம் லக்னோவில் பயங்கரவாதி பதுங்கி இருப்பதாக வந்த தகவலை அடுத்து பயங்கரவாத தடுப்பு பிரிவு படையினர், ஒரு கட்டடத்தை சுற்றி வளைத்துள்ளனர். துப்பாக்கிச்சூடு நடந்து வந்தது. இந்நிலையில் அந்த பயங்கரவாதி சுட்டுக்கொல்லப்பட்டார்.

நாடு முழுவதும் தீவிர சோதனை:

பயங்கரவாத தடுப்பு பிரிவு படையினர் கூறுகையில் பயங்கரவாதியை உயிருடன் பிடிக்க நடவடிக்கை மேற்கொள்ளப்பட்டு வருகிறது. தவிர நாட்டின் பல்வேறு பகுதிளில் நடத்தப்பட்ட அதிரடி சோதனையில் ம.பி மாநிலத்தில் 5 பேர் வரையிலும், கான்பூரில் ஒருவரும் கைது செய்யப்பட்டுள்ளனர். மேலும் பலரை தேடி வருகிறோம் என்றார்.

சைஃபுல்லா சுட்டுக்கொலை:

தற்போது லக்னோவில் பதுங்கியிருந்த பயங்கரவாதிகளில் சைபுல்லா என்பவன் ஐஎஸ் இயக்கத்துடன் தொடர்பு இருப்பதாகவும், ம.பி.,யில் நடைபெற்ற ரயில் விபத்து சம்பவங்களிலும் உஜ்ஜய்னி ரயில் விபத்து சம்பவங்களிலும் தொடர்பு இருக்க கூடும் என போலீசார் கூறினர். சைஃபுல்லா லக்னோவில் கட்டடம் ஒன்றின் பதுங்கியிருந்தார். அவனை உயிருடன் பிடிக்க தேசிய பாதுகாப்புபடையினர் , பயங்கரவாத எதிர்ப்புபடையினர் தீவிர முயற்சி மேற்கொண்டனர். 5 மணி நேர போராட்டத்திற்கு பின்னர் சைஃபுல்லா சுட்டுக்கொல்லப்பட்டார்..

English summary:

Lucknow, UP, Lucknow, the state anti-terrorism unit in the wake of reports that the terrorist ambush of soldiers, surrounded the building. Gunfire was underway. In this case, the terrorist was 

Read More

சிறந்த நாடுகளின் பட்டியல் : இந்தியாவிற்கு 25வது இடம்

வாஷிங்டன் : சர்வதேச அளவில் சிறந்து விளங்கும் நாடுகளின் பட்டியலில் இந்தியாவிற்கு 25வது இடம் கிடைத்துள்ளது.
நாட்டின் மொத்த உள்நாட்டு உற்பத்தி, தனிநபர் தொடர்பான உள்நாட்டு உற்பத்தி, மக்கள்தொகை உள்ளிட்ட காரணிகளின் அடிப்படையில், சர்வதேச அளவில் சிறந்துவிளங்கும் நாடுகளின் பட்டியலை, அமெரிக்காவின் பென்சில்வேனியா பல்கலைகழகம், முன்னணி நிறுவனமான பிஏவி கன்சல்டிங் நிறுவனத்துடன் இணைந்து கருத்துக்கணிப்பு நடத்தி வெளியிட்டுள்ளது.
சர்வதேச அளவில் 36 நாடுகளில் 21 ஆயிரத்திற்கும் மேற்பட்டோரிடம் நடத்தப்பட்ட கருத்துகளின் அடிப்படையில் இந்த பட்டியல் தயாரிக்கப்பட்டுள்ளது.

அறிமுகமே முதலிடம் :

சிறந்த நாடுகளின் பட்டியலில், இந்த ஆண்டே அறிமுகம் ஆகியுள்ள சுவிட்சர்லாந்து நாடு, பட்டியலில் முதலிடம் பெற்று அசத்தியுள்ளது.

அமெரிக்காவிற்கு பின்னடைவு :

2016ம் ஆண்டு பட்டியலில் 4ம் இடத்தில் இருந்த அமெரிக்கா, இந்தாண்டு பட்டியலில், 3 இடங்கள் பின்தங்கி 7வது இடத்தில் உள்ளது.

இந்தியாவிற்கு 25வது இடம் :

நாட்டின் மொத்த உள்நாட்டு உற்பத்தி 2 டிரில்லியன் அமெரிக்க டாலர்கள் என்ற மதிப்பிலும், தனிநபர் அடிப்படையிலான உள்நாட்டு உற்பத்தி 6,187 அமெரிக்க டாலர்கள் என்ற மதிப்பின் அடிப்படையில், சிறந்த நாடுகளின் பட்டியலில் இந்தியாவிற்கு 25வது இடம் கிடைத்துள்ளது.
சிறந்த நாடுகளின் பட்டியலில் முதலிடத்தில் சுவிட்சர்லாந்தும், கனடா, இங்கிலாந்து, ஜெர்மனி, ஜப்பான், சுவீடன், அமெரிக்கா, ஆஸ்திரேலியா, பிரான்ஸ், நார்வே நாடுகள் பட்டியலின் முதல் 10 இடங்களில் உள்ளன.

English summary:

Washington: India internationally for excellence in 25th place in the list of countries is available.

Read More

விசாரணை நடத்தப்படும்: இலங்கை உறுதி

புதுடில்லி: மீனவர் சுட்டுகொல்லப்பட்ட சம்பவம் தொடர்பாக, விசாரணை நடத்தப்படும் என இலங்கை அரசு உறுதி அளித்துள்ளதாக, இந்திய வெளியுறவுத் து
றை தெரிவித்துள்ளது.

இதுதொடர்பாக, இந்திய வெளியுறவுத் துறை செய்தி தொடர்பாளர் கோபால் பக்லே கூறியதாவது:

துப்பாக்கிச்சூட்டில் இந்திய மீனவர் கொல்லப்பட்ட சம்பவம் தொடர்பாக, கொழும்புவில் உள்ள இந்திய துாதர் மூலம் இலங்கை அரசின் கவனத்துக்கு கொண்டு சென்றுள்ளோம்.
இந்தியா - இலங்கை இடையே புரிதல்மிக்க சூழல் நிலவும் நிலையில், இந்திய மீனவர் சுட்டுகொல்லப்பட்டது எந்த வகையிலும் ஏற்கதக்கது அல்ல. இந்திய மீனவர்களின் பாதுகாப்பு தொடர்பான விசயங்களில் மத்திய அரசு மிகுந்த அக்கறை கொண்டுள்ளது. மீனவர் சுட்டு கொல்லப்பட்ட சம்பவம் தொடர்பாக, விசாரணை நடத்தப்படும் என இலங்கை அரசு உறுதி அளித்துள்ளது.இவ்வாறு அவர் கூறினார்.

இதற்கிடையே மீனவரை சுட்டுகொன்ற சம்பவத்தில் மீனவர் அருள் கிளிண்டன் கொடுத்த புகாரின்படி, மண்டபம் போலீசார், இலங்கை கடற்படை மீது வழக்கு பதிவு செய்தனர்.

English Summary:

NEW DELHI: Indian fishermen killing incident, the investigation had to be conducted to ensure that the Government of Sri Lanka, said Indian External Affairs.

Read More

தீபா கணவரை கொண்டு வாங்க... தலைவர்களுக்கு தினகரன் உத்தரவு

சென்னை: ஜெயலலிதா மறைவுக்குப் பின், சசிகலாவை எதிர்த்து தீவிர அரசியலில் இறங்கப் போவதாக அறிவித்தார், அவரது அண்ணன் மகள் தீபா. இதையடுத்து, சசிகலாவை எதிர்க்கும் அ.தி.மு.க.,வினர், அவரை நம்பி சென்றனர்.

விரைவில் கட்சித் துவங்கப் போவதாக அறிவித்திருந்த தீபா, கடந்த பிப்., 24ல், எம்.ஜி.ஆர்., அம்மா தீபா பேரவை துவங்குவதாக அறிவித்தார். இது அரசியல் இயக்கம் அல்ல; ஒரு அமைப்புதான். அ.தி.மு.க.,வின் இரட்டை இலை சின்னத்தை மீட்க இந்த அமைப்பு பாடுபடும் என்றும் அறிவித்தார்.

அவசர நியமனம்:

இந்த அறிவிப்பால், அவரை நம்பிச் சென்ற கட்சியினர் அனைவரும் நிலைகுலைந்து நின்றனர். இதனால், தீபாவிடம் இருந்து ஓ.பன்னீர்செல்வம் அணிக்கு செல்லத் துவங்கினர். இதையறிந்ததும், மொத்தக் கூட்டமும் அங்கு சென்று விட்டால், நம்மால், அமைப்பு நடத்த முடியாது என்று பயந்து போன தீபா, அவசர அவசரமாக, பேரவைக்கு, நிர்வாகிகளை நியமித்தார்.
இந்த இடத்தில்தான், தீபாவுக்கும், கணவர் மாதவனுக்கும் மோதல் ஏற்பட்டது.

பேரவைக்கு நிர்வாகிகளாக நியமிக்கப்பட்டவர்களின் பின்புலம் சரியாக இல்லாததால், கோபமடைந்த கணவர் மாதவன், தீபாவுடன் சண்டையிட்டதாகக் கூறப்படுகிறது. இரண்டொரு நாட்கள், வீட்டிலிருந்து வெளியேறிச் சென்றவர், சட்டென வீடு திரும்பி, தீபா அறிவித்த நிர்வாகிகளுக்குப் போட்டியாக தன் தரப்பிலும், ஒரு நிர்வாகிகள் பட்டியலை வெளியிட்டார்.

இதனால், தீபாவை நம்பிச் சென்ற ஒட்டுமொத்த அ.தி.மு.க.,வினரும் கடுமையான குழப்பத்தில் ஆழ்ந்தனர். இது தொடர்பாக, ஆளாளுக்கு தீபாவிடம் கேள்வி மேல் கேள்வி எழுப்ப, இந்த பிரச்னைகளுக்கு, சசிகலா தரப்பினர் தான் காரணம் என்று, பிரச்னையை, தினகரன் பக்கம் திருப்பினார் தீபா. ஆனால், அது எடுபடவில்லை.

தினகரன் உத்தரவு:

தீபா பேரவைக்குள் நடக்கும் மொத்த நிகழ்வுகளையும் கவனித்துக் கொண்டிருக்கும் அ.தி.மு.க.,வின் துணைப் பொதுச் செயலர் தினகரன், நம்பகமான, அ.தி.மு.க., தலைவர்கள் சிலரை அழைத்து, இது தொடர்பாக பேசியிருக்கிறார்.

உடனடியாக, மாதவனை கையில் எடுங்கள். அவர் நம் பக்கம் கூட்டி வாருங்கள். அவருக்கு தேவையானதை செய்யலாம் என்று சொல்லி, உத்தரவிட, தற்போது, அந்த தலைவர்கள், மாதவனை வளைக்க, தீவிரமாக களம் இறங்கி உள்ளனர். .விரைவில் மாதவன், தினகரன் சந்திப்பு நிகழக்கூடும் என்று, அ.தி.மு.க., வட்டாரங்களில் இருந்து தகவல் பரவி இருக்கிறது.

English summary:

Chennai: After her death, serious political opposition to Shashikala -claim declared, his niece Deepa. However, as opposed to Digg Shashikala, staggering, were entrusted to him.

Read More