உ.பி., மணிப்பூரில் இறுதிக்கட்ட ஓட்டுப்பதிவு துவக்கம்

வாரணாசி: உ.பி., மணிப்பூர் மாநில சட்டசபைக்கு இறுதிகட்ட தேர்தலுக்கான ஓட்டுப்பதிவு காலை 7 மணிக்கு துவங்கியது.

இறுதி கட்ட தேர்தல்:

உ.பி.,யில் ஏழு கட்டங்களாகவும், மணிப்பூரில் இரு கட்டங்களாகவும் சட்டசபை தேர்தல் நடைபெறுகிறது. உ.பி.,யில் முதல் ஆறு கட்ட தேர்தல்களும், மணிப்பூரில் முதல்கட்ட தேர்தலும் முடிவடைந்த நிலையில், இன்று(மார்ச் 8) இரு மாநிலத்திற்கும் இறுதிக்கட்ட ஓட்டுப்பதிவு நடைபெறுகிறது. உ.பி.,யில் பிரதமர் மோடியின் வாரணாசி பார்லி., தொகுதி, மற்றும் காஜிப்பூர், ஜான்பூர் உள்ளிட்ட 40 தொகுதிகளுக்கும், மணிப்பூரில் 22 தொகுதிகளுக்கும் இறுதிகட்ட ஓட்டுப்பதிவு காலை 7 மணிக்கு துவங்கியது.

பலத்த பாதுகாப்பு:

உ.பி., இன்று தேர்தல் நடைபெற உள்ள 40 தொகுதிகளில் பல, மாவோயிஸ்டுகள் நடமாட்டம் அதிகம் உள்ள பகுதிகள் என்பதால் அங்கு பலத்த பாதுகாப்பு போடப்பட்டுள்ளது. மொத்தம் ஒரு லட்சம் போலீசார் மற்றும் ராணுவத்தினர் பாதுகாப்பு பணியில் ஈடுபட்டுள்ளனர்.

தேர்தல் ஒத்திவைப்பு:

இந்நிலையில் உ.பி., மாநிலம் ஆலாப்பூர் தொகுதி வேட்பாளர் ஒருவர் இறந்ததை தொடரந்து, அங்கு தேர்தல் ஒத்திவைக்கப்பட்டு, நாளை(மார்ச், 9) ஓட்டுப்பதிவு நடைபெறும் என அறிவிக்கப்பட்டுள்ளது.

ரிசல்ட்:

சட்டசபை தேர்தல் நடைபெற்ற உ.பி., மணிப்பூர், பஞ்சாப், உத்தரகாண்ட் மற்றும் கோவா ஆகிய 5 மாநிலங்களிலும் பதிவான ஓட்டுகள், வருகிற 11ம் தேதி எண்ணப்பட்டு, முடிவுகள் அறிவிக்கப்படுகின்றன.

English summary:

Varanasi, Uttar Pradesh, Manipur State Assembly for final election voting began at 7 am.

Read More

உலக மகளிர் தினம்; பிரதமர்,ஜனாதிபதி வாழ்த்து

புதுடில்லி: சர்வதேச மகளிர் தினம் இன்று(மார்ச் 8) கொண்டாடப்படுவதையொட்டி, பிரதமர் மோடி, ஜனாதிபதி பிரணாப் உள்ளிட்டோர் வாழ்த்துக்களை தெரிவித்துள்ளனர்.

சல்யூட்:

பிரதமர் மோடி டுவிட்டர் பதிவில் தெரிவித்ததாவது: பெண்கள் வெல்ல முடியாத சக்தி; அவர்களின் அர்ப்பணிப்பு, மன உறுதிக்கு என்றும் தலை வணங்குகிறேன். பெண்களின் பொருளாதார முன்னேற்றம், சுயசார்பு மற்றும் சமத்துவத்தை பேணிக்காப்பதில் மத்திய அரசு பல்வேறு முயற்சிகளை எடுத்து வருகிறது. இவ்வாறு அவர் தனது வாழ்த்து செய்தியில் தெரிவித்தார்.

ஆதரவு தர வேண்டும்:

ஜனாதிபதி பிரணாப் முகர்ஜி வெளியிட்ட அறிக்கை: உலக மகளிர் தினத்தை முன்னிட்டு, இந்தியாவிலும் உலகின் அனைத்துப் பகுதிகளிலும் வாழும் பெண்களுக்கு மனமார்ந்த வாழ்த்துகள். இரக்கம், சகிப்புத்தன்மை, கடின உழைப்பு ஆகிய குணங்களோடு தலைமுறை தலைமுறைகளாக இந்தியப் பெண்கள் இந்த நாட்டின் வளர்ச்சிக்கும் முன்னேற்றத்துக்கும் பெரும் பங்களிப்பை அளித்துள்ளனர். பாலின சமத்துவம், பெண்களுக்கு உண்மையான அதிகாரம் அளிக்க நாட்டு மக்கள் உறுதி மேற்கொள்ள வேண்டும்; அவர்களுக்கு நாம் ஆதரவு அளிக்க வேண்டும். இவ்வாறு அவர் தனது வாழ்த்து செய்தியில் தெரிவித்தார்.

உறுதி ஏற்போம்:

தமிழக கவர்னர் வித்யாசாகர்ராவ் தனது வாழ்த்து செய்தியில், உலகமயமாக்கல் மற்றும் தொழில்நுட்பப் புரட்சிகள் உலகம் முழுவதும் உள்ள பெண்களுக்கு குறிப்பட்ட அளவில் வாய்ப்புகளை அள்ளித் தந்துள்ளன. பாலின பாகுபாட்டை நீக்கி, பெண்களுக்கு மதிப்பளிக்கவும் அவர்களுக்கு அதிகாரமளிக்கவும் நாம் அனைவரும் உறுதி ஏற்போம். இவ்வாறு அவர் தனது வாழ்த்து செய்தியில் தெரிவித்துள்ளார்.

உலகை வாழவைக்கும் பெண்கள்:

தமிழக முதல்வர் பழனிசாமி தனது வாழ்த்து செய்தியில், பெண்கள் கல்வி அறிவு பெற்று, பொருளாதார ஏற்றம் பெறவும் முன்னேற்றம் அடையவும் பல்வேறு ஆக்கப்பூர்வமான திட்டங்களை மறைந்த முதல்வர் ஜெ., வழியில் செயல்படும் தமிழக அரசு நடைமுறைப்படுத்தி வருகிறது. பெண்கள் ஒற்றுமையுடனும் தன்னம்பிக்கையுடனும் விடாமுயற்சியுடனும் வாழ்ந்து, வாழ்வில் எதிர்ப்படும் சவால்களை உறுதியுடன் எதிர்கொண்டு, உலகை வாழவைக்கும் பெண்ணாக, அனைத்து மகளிரும் உயர்ந்து விளங்கிட வேண்டும். இவ்வாறு அவர் தனது வாழ்த்து செய்தியில் தெரிவித்துள்ளார்.

Read More

ஹார்மோன் மாற்றம் பற்றிய மேனகா கருத்துக்கு கடும் எதிர்ப்பு

புதுடில்லி: ஹார்மோன் மாற்றம் பற்றிய மத்திய அமைச்சர் மேனாகாவின் கருத்துக்கு சமூக வலைதளத்தில் பலர் கடும் எதிர்ப்பு தெரிவித்துள்ளனர்.

பேட்டி:

மத்திய அமைச்சரும், பா.ஜ., மூத்த தலைவருமான மேனகா 'டிவி' சேனல் ஒன்றுக்கு அளித்த பேட்டியில் கூறியதாவது: 'ஒரு மகனை அல்லது மகளை பள்ளிக்கு அனுப்பும் ஒரு பெற்றோராக, அவர்களுக்கு பாதுகாப்பு கிடைக்க வேண்டும் என, எதிர்பார்க்கிறேன். 16 - 17 வயது ஆகும் போது, ஹார்மோன்கள் செயல்பாட்டால், இனக்கிளர்ச்சி ஏற்பட்டு, மாணவர்கள், பல்வேறு பிரச்னைகளுக்கு ஆளாகின்றனர். அதில் இருந்து பாதுகாக்க, ஹாஸ்டலில் கட்டுப்பாடுகள் விதிக்கப்பட வேண்டும். இவ்வாறு அவர் கூறியிருந்தார்.

கடும் எதிர்ப்பு:

மேனகாவின் கருத்துக்கு, 'டுவிட்டர்' சமூக வலைதளத்தில் பலர் கடும் எதிர்ப்பு தெரிவித்துள்ளனர். பிரபல எழுத்தாளர் ஷோபா டே, சமூக வலைதளத்தில் வெளியிட்ட பதிவில், 'மேனகாவுக்கு, ஹார்மோன் பாதிப்பு ஏற்பட்டுள்ளதாக தோன்றுகிறது. பெண்கள் மீது கட்டுப்பாடு விதிக்க வேண்டும் என்று தானே அவர் சொன்னார். இனிய சர்வதேச பெண்கள் தின வாழ்த்துகள்' என, விமர்சனம் செய்துள்ளார்.

அபூர்வா விஸ்வநாத் என்பவர், டுவிட்டரில், 'எனக்கு கூட, இன்று ஹார்மோன் பாதிப்புஏற்பட்டது; என்ன செய்வது என, தெரியவில்லை. இதற்கு, மேனகா, தக்க கட்டுப்பாட்டு விதியை சொல்ல வேண்டும்' என, கிண்டலடித்து உள்ளார்.

மற்றொரு, 'டுவிட்டர்' பயனாளர், 'ஹார்மோன் பாதிப்பு ஏற்பட்ட ஆண்களை, பூட்டி வையுங்கள். பெண்கள், அவர்களின் வாழ்க்கையை முழுமையாக வாழட்டும்' என, கூறியுள்ளார்.

விளக்கம்:

இது தொடர்பாக, பின், விளக்கம் அளித்திருந்த மேனகா, ''ஹார்மோன் மாற்றம் என, சொன்ன போது, பாலியல் ரீதியில் நான் பொருள் கூறவில்லை; ஹாஸ்டலில் கட்டுப்பாடு விதிக்கப்பட வேண்டும் எனக் கூறியது, ஒழுக்கம் ஏற்பட வேண்டும் என்ற எண்ணத்தினால் மட்டுமே,'' என்றார்.

English Summary:

NEW DELHI : Union Minister of hormonal change menaka expressed strong objection to the view of many of the social Web.

Read More

12 மணி நேர போராட்டம் முடிவுக்கு வந்தது; பயங்கரவாதி சுட்டுக்கொலை

லக்னோ: உ.பி.,யின் லக்னோவில் வீட்டில் பதுங்கிய பயங்கரவாதியை, 12 மணி நேர போராட்டத்துக்கு பின், பயங்கரவாத தடுப்பு பிரிவு படையினர் சுட்டுக் கொன்றனர்.

ரயில் குண்டுவெடிப்பு:

ம.பி.,யில், போபால் - உஜ்ஜயின் ரயிலில், நேற்று(மார்ச்,7) காலை, வெடிகுண்டு வெடித்ததில், எட்டு பேர் காயமடைந்தனர். இந்நிலையில், இந்த சம்பவத்தில் தொடர்புடையதாக கருதப்படும் பயங்கரவாதி ஒருவன், உ.பி.,யின் லக்னோவில் பதுங்கியிருப்பதாக, போலீசாருக்கு, மத்திய உளவு அமைப்புகள் எச்சரிக்கை விடுத்தன.

வீட்டில் பதுங்கல்:

லக்னோவின் புறநகர் பகுதியான, காகோரியில் உள்ள ஒரு வீட்டில், பயங்கரவாதி ஒருவன் பதுங்கியிருப்பதை, உ.பி., போலீசாரும், பயங்கரவாத தடுப்புப் படையினரும் உறுதி செய்தனர். அதன்படி, அந்த வீட்டை அவர்கள் சுற்றி வளைத்தனர். அருகில் உள்ள வீடுகளில் இருந்த மக்கள், பாதுகாப்பான இடத்துக்கு அப்புறப்படுத்தப்பட்டனர்.

துப்பாக்கிசூடு:

போலீசார் தன்னை சுற்றி வளைத்ததை உணர்ந்த பயங்கரவாதி, அவர்கள் மீது துப்பாக்கியால் சுடத் துவங்கினான். அவனை உயிருடன் பிடிக்க, போலீசார் திட்டமிட்டனர். இருப்பினும் தொடர்ந்து நடந்த துப்பாக்கி சண்டையில் பயங்கரவாதி சுட்டுக் கொல்லப்பட்டான். வீட்டில் இரண்டு துப்பாக்கி, கத்தி உள்ளிட்ட ஆயுதங்கள் கைபற்றப்பட்டன.

நேற்று மாலை, 3:30 மணிக்கு துவங்கிய இந்த நடவடிக்கையானது 12 மணி நேரத்துக்கு பின் இன்று அதிகாலை 3.40 மணிக்கு முடிவுக்கு வந்தது. பயங்கரவாதிக்கு ஐ.எஸ்.ஐ.எஸ்., பயங்கரவாத அமைப்புடன் தொடர்பு இருப்பது உறுதி செய்யப்பட்டுள்ளது.

English summary:

Lucknow : UP, Lucknow in terrorist crouching at home, after a 12-hour strike, was assassinated by anti-terrorism unit.

Read More

'எச்1 பி' விசா பிரச்னைக்கு விரைவில் தீர்வு: ரவிசங்கர் பிரசாத்

புதுடில்லி: அமெரிக்க அரசின் 'எச்1 பி' விசா பிரச்னைக்கு விரைவில் தீர்வு கிடைக்கும் என மத்திய அமைச்சர் ரவிசங்கர் பிரசாத் நம்பிக்கை தெரிவித்தார்.

விரைவில் தீர்வு:

இதுகுறித்து மத்திய சட்டத் துறை மற்றும் தகவல் தொழில்நுட்பதுறை அமைச்சர் ரவிசங்கர் பிரசாத் தெரிவித்ததாவது: 'எச்1 பி' விசா நடைமுறையில், அமெரிக்க அரசின் புதிய கெடுபிடிகளால், இந்திய பொறியாளர்கள் கவலை அடைந்துள்ளனர். பெரும்பாலான அமெரிக்க நிறுவனங்களில், திறமைவாய்ந்த இந்திய இளைஞர்கள் பணியாற்றுகின்றனர். அமெரிக்க அரசின் திடீர் நடவடிக்கையால், ஐ.டி., ஊழியர்களுக்கு ஏற்பட்டுள்ள சிக்கல் குறித்து, அந்நாட்டு அரசுக்கு தெரியப்படுத்தியுள்ளோம;. விரைவில், இப்பிரச்னைக்கு தீர்வு காணப்படும். இவ்வாறு அவர் தெரிவித்தார்.

English Summary:

NEW DELHI: The US Government's' H-1 B visa issue will soon be resolved and expressed confidence that the Union Minister Ravi Shankar Prasad.

Read More

சி.பி.எஸ்.இ., பள்ளிகளில் சமஸ்கிருதம்: நிர்மலா சீதாராமன்

சென்னை : ''நாடு முழுவதும் சி.பி.எஸ்.இ., பள்ளிகளில், மும்மொழி பயிற்றுவிப்பு கட்டாயமாக்கப்பட வேண்டும். சமஸ்கிருதத்தை, அதில் சேர்க்கச் சொல்லி, மத்திய அரசிடம் வலியுறுத்துவேன்,'' என, மத்திய தொழில் மற்றும் வர்த்தக துறை அமைச்சர் நிர்மலா சீதாராமன் கூறினார்.

சென்னையில் உள்ள சமஸ்கிருத கலலுாரியில், 'ஆன்லைன்' வாயிலான, 'டிஜிட்டல்' வழி படிப்புகளை அறிமுகம் செய்து வைத்த பின், அவர் பேசியதாவது:சமஸ்கிருதம், டிஜிட்டல் முறையில், கற்பிப்பதற்கு உலகிலேயே சிறந்த மொழி. இன்றளவும், உலகின் பல்வேறு நாடுகளில் பேசப்படும் மொழிகளில், சமஸ்கிருத வார்த்தைகளை அதிக அளவில் காண முடிகிறது. வேத காலத்திய கணித முறையை அறிந்தவர்களுக்கு, இன்றைய கணிதம் ஒரு பொருட்டே அல்ல.

இதன் பாரம்பரியத்தை காக்கும் வகையில், நாடு முழுவதும், சி.பி.எஸ்.இ., பள்ளிகளில், சமஸ்கிருதம் உள்ளிட்ட மும்மொழி பயிற்றுவிப்பு திட்டத்தை அமல்படுத்த, மனித வளத்துறை அமைச்சர் ஜாவடேகரிடம் கோருவேன். மாணவர்களின் விருப்பத்திற்கேற்ப, அதை செயல்படுத்த வேண்டும். அதிக மொழிகளை கற்பதால், மாணவர்களின் திறன் உயரும்.
இவ்வாறு அவர் பேசினார்.

பின், அவர் அளித்த பேட்டி:சமஸ்கிருதத்தை மும்மொழி திட்டத்தில் சேர்க்க, கல்லுாரி நிர்வாகிகள் கோரினர். அது ஏற்புடையதே என்பதால், அப்படி சொன்னேன். தமிழக மீனவர் விவகாரத்தில், மத்திய அரசு, நிலைமையை உன்னிப்பாக கவனித்து வருகிறது. இலங்கை துாதரிடம் சொல்லி, அவர்கள் நாட்டுடன் பேசியுள்ளோம்.

நெடுவாசல் பிரச்னையில், மாநில அரசின் பங்கும் உள்ளது. அனைத்து தரப்பும் இணைந்து பேசி, மக்கள் நலனை பாதிக்காமல், சுமுக முடிவு எடுக்க வேண்டும்.இவ்வாறு அவர் கூறினார்.

English summary:

Chennai: '' CBSE across the country in schools, trilingual training should be mandatory. Sanskrit, which shall include, to urge the federal government, '', Union Commerce and Industry Minister Nirmala Sitharaman said.

Read More

மீனவர் பிரச்னை குறித்து பார்லி.,யில் குரல் எழுப்புவோம்: தம்பிதுரை

சென்னை: தமிழக மீனவர் சுட்டு கொல்லப்பட்டது தொடர்பாக பார்லிமென்டில் குரல் எழுப்புவோம் என லோக்சபா துணை சபாநாயகர் தம்பிதுரை தெரிவித்துள்ளார்.

இதுகுறித்து அவர் அளித்த பேட்டியில், ‛‛இலங்கை கடற்படையால் தமிழக மீனவர் சுட்டு கொல்லப்பட்டது குறித்து பார்லிமெண்டில் குரல் எழுப்புவோம். கச்சத்தீவை மீட்பது மட்டுமே மீனவர் பிரச்சனைக்கு நிரந்தர தீர்வாக அமையும். ஜெ., மரணம் குறித்த மருத்துவ அறிக்கையை எதிர்கட்சி தலைவர் ஸ்டாலின் அரசியலுக்கு அப்பார்பட்டு பார்க்க வேண்டும்'' என்றார்.

English Summary:

Chennai: Tamil Nadu fisherman was shot Lok Sabha Deputy Speaker of the Parliament to raise the voice said tampiturai

Read More