மீனவர் கொலை: விசாரணைக்கு இலங்கை உத்தரவு

ஜகர்த்தா : தமிழக மீனவர் பிரிட்ஜோ இலங்கை கடற்படையால் சுட்டுக் கொல்லப்பட்டது தொடர்பாக இலங்கை அதிபரிடம், இந்திய துணை ஜனாதிபதி அன்சாரி பேசினார். அப்போது, இச்சம்பவம் குறித்து முழு விசாரணைக்கு உத்தரவிட்டுள்ளதாக இலங்கை அதிபர் சிறிசேனா தெரிவித்துள்ளார்.

அன்சாரி பேச்சு :

இந்தோனேஷிய தலைநகர் ஜகர்த்தாவில் நடக்கும் இந்திய பெருங்கடல் ரிம் கழகத்தின் (ஐ.ஓ.ஆர்.ஏ) இரண்டு நாள் மாநாட்டில் கலந்து கொள்வதற்காக இந்திய துணைஜனாதிபதி சென்றுள்ளார். இந்த மாநாட்டில் கலந்து கொள்ள வந்த இலங்கை அதிபர் மைத்ரிபால சிறிசேனாவை சந்தித்த அன்சாரி, நேற்று தமிழக மீனவர் சுட்டுக் கொல்லப்பட்டது தொடர்பாக பேசி உள்ளார்.

விசாரணைக்கு உத்தரவு :

அப்போது பேசிய சிறிசேனா, இச்சம்பவம் தொடர்பாக இலங்கை படைத்தளபதியிடம் நான் பேசினேன். இலங்கை கடற்படை சார்பில் அப்படி எந்த தாக்குதலும் நடத்தப்படவில்லை என அவர் தெரிவித்துள்ளார். இருப்பினும் இது குறித்து முழு விசாரணை நடத்த உத்தரவிட்டுள்ளேன் என தெரிவித்துள்ளார்.
தமிழக மீனவர்கள் விவகாரத்தில் இலங்கை கடற்படை அடிக்கடி இது போன்று நடந்து கொள்வதாக அன்சாரி, சிறிசேனாவிடம் கண்டனம் தெரிவித்துள்ளார். மேலும் இந்த சந்திப்பின் போது இலங்கை கடற்படையால் 76 இந்திய மீனவர்கள் கைது செய்யப்பட்டுள்ளது குறித்தும் அன்சாரி, சிறிசேனாவிடம் பேசியதாக கூறப்படுகிறது.

English summary:

Jakarta: piritjo Nadu fishermen by the Sri Lankan navy shot over to the President of Sri Lanka, the Indian Vice President Ansari said. Then, about the incident that he had ordered a full investigation and said Sri Lankan President ciricena.

Read More

அமெரிக்காவிற்கு எதிராக பேச பிரதமருக்கு பயம்: ராகுல்

புதுடில்லி: அமெரிக்காவில், இந்தியர்கள் தொடர்ந்து தாக்குத

ல் நடத்தும் நிலையில், அந்நாட்டிற்கு எதிராக பேச பிரதமர் மோடி பயப்படுவதாக காங்கிரஸ் துணைத்தலைவர் ராகுல் கூறினார்.
டில்லியில் நேற்று காங்கிரஸ் தொண்டர்கள் மத்தியில் ராகுல் பேசியதாவது: அமெரிக்காவில் இந்தியர்கள் தொடர்ச்சியாக தாக்கப்பட்டு வருகின்றனர். மோடி 56 இஞ்ச் மார்பு பற்றி பேசுகிறார். ஆனால், இந்திய இளைஞர்கள் கொல்லப்படும் போது பிரதமர் மவுனமாக இருப்பது ஏன்? அமெரிக்காவிற்கு எதிராக பேச பிரதமர் பயப்படுகிறார்.
நாட்டில் வேலைவாய்ப்பின்மை அதிகமாக உள்ளது. கடந்த வருடம் ஒரு லட்சம் பேர் வேலை பெற்றுள்ளனர். இந்த வருடம் யாருக்கும் வேலை வழங்கப்படவில்லை என அமைச்சர்கள் கூறியுள்ளனர்.
பிரதமர் மோடியும், டில்லி முதல்வர் கெஜ்ரிவாலும் தவறான வாக்குறுதி அளித்து மக்களை தவறாக வழிநடத்துகின்றனர். ஒரு நபரால் மட்டும் நாட்டையோ, நகரையோ மாற்ற முடியாது.
காங்கிரஸ் அரசுகள் மக்களின் குரல்களை மட்டும் தான் பிரதிபலிக்கின்றன. இவ்வாறு அவர் பேசினார்.

English Summary:

NEW DELHI: In the US, following the attacks on Indians in the country are afraid to speak out against Rahul, Modi said. 

Read More

இந்தியாவில் பயங்கரவாத தாக்குதல்: உளவுத்துறை எச்சரிக்கை

புதுடில்லி: லக்னோவில் வீட்டில் பதுங்கியிருந்த ஐ.எஸ்., பயங்கரவாத அமைப்பை சேர்ந்த சைபுல்லா என்பவர் சுட்டுக்கொல்லப்பட்டார். மத்திய பிரதேச மாநிலத்தில் ரயிலில் பயங்கரவாதிகள் வைத்த குண்டு வெடித்ததில் 8 பேர் காயமடைந்துள்ளனர்.
இந்த சம்பவங்களை தொடர்ந்து, இந்தியாவில் பயங்கரவாதிகள் தாக்குதல் நடத்தலாம் என உளவுத்துறையினர் எச்சரிக்கை விடுத்துள்ளனர். போலீசார் தீவிர கண்காணிப்பு பணியில் தீவிரமாக ஈடுபட வேண்டும் என எச்சரிக்கை விடுத்துள்ளனர்.

English Summary:

New Delhi, Lucknow, home PCs hideouts., Was shot by a terrorist organization saipulla. Madhya Pradesh, 8 injured in train bomb set by terrorists. 

Read More

உ.பி.,யில் பதுங்கிய 13 பயங்கரவாதிகள்: தேடுதல் தீவிரம்

லக்னோ : உ.பி.,யில் பயணிகள் ரயிலில் குண்டுவெடிப்பு நடத்தப்பட்டதை தொடர்ந்து போலீசார் தீவிர தேடுதல் வேட்டையில் ஈடுபட்டனர். அப்போது வீடு ஒன்றில் பதுங்கி இருந்த பயங்கரவாதி ஒருவன் கொல்லப்பட்டான்.

உ.பி.,யில் ஐஎஸ் பயங்கரவாதிகள் :

இதனைத் தொடர்ந்து, கொல்லப்பட்ட பயங்கரவாதி பதுங்கி இருந்த வீட்டில் சோதனை நடத்தப்பட்டது. அப்போது உ.பி., வரைபடங்கள், வெடிகுண்டுகள் தயாரிக்க பயன்படுத்தப்படும் பொருட்கள் உள்ளிட்டவை கண்டுபிடிக்கப்பட்டன. இதனால் உ.பி., மற்றும் ம.பி.,யில் சுமார் 13 ஐஎஸ்ஐஎஸ் பயங்கரவாதிகள் பதுங்கி இருக்கலாம் என்ற சந்தேகம் எழுந்துள்ளது. இதனால் தேடுதல் வேட்டை தீவிரப்படுத்தப்பட்டுள்ளது.
உ.பி.,யில் இன்று இறுதி மற்றும் 7 ம் கட்ட ஓட்டுப்பதிவு நடந்து வரும் நிலையில் பயங்கரவாதிகள் பதுங்கல், துப்பாக்கிச் சண்டை, பயணிகள் ரயிலில் குண்டுவெடிப்பு போன்ற சம்பவங்கள் பீதியை ஏற்படுத்தி உள்ளன.

English summary:

Lucknow: UP, followed by treatment of the passengers on the train blasts, police were involved in a serious search. One terrorist was killed, who was hiding in the house.

Read More

பெண்களை கவுரவிக்க டூடுல் வெளியிட்ட கூகுள்

புதுடில்லி : சர்வதேச மகளிர் தினம் இன்று கொண்டாடப்படுகிறது. இதனை முன்னிட்டு பல்வேறு துறைகளில் சாதனை படைத்த பெண்களை கவுரவிக்கும் விதமாக டூடுல் ஒன்றை வெளியிட்டுள்ளது கூகுள்.

கூகுளின் மகளிர் தினம் :

கூகுள் வெளியிட்டுள்ள டூடுலில், பாட்டி ஒருவர் தனது பேத்திக்கு மறக்க முடியாத 13 பெண்களை பற்றிய கதைகளை கூறுவது போல் அமைக்கப்பட்டுள்ளது. ஸ்லைட் ஷோ வடிவில் அமைக்கப்பட்டுள்ள இந்த டூடுல் 13 பெண்களை பற்றிய கதைகளை கொண்டதாக அமைக்கப்பட்டுள்ளது.
கூகுள் கவுரவித்துள்ள பெண்களின் பட்டியலில் அமெரிக்க பத்திரிக்கையாளரும், சமூக ஆர்வலருமான இடா வெல்ஸ், மெக்சிகோ ஓவியர் பிரிடா கஹ்லோ, இத்தாலி - பிரேசிலைச் சேர்ந்த கட்டுமானத்துறை நிபுணரான லினா போ பரடி உள்ளிட்டோரும் இடம்பெற்றுள்ளனர். இவர்களில் ஒருவராக இந்தியாவைச் சேர்ந்த நாட்டிய கலைஞரும், நடன ஆசிரியருமான ருக்மணி தேவியும் இடம்பெற்றுள்ளார்.

English summary:

NEW DELHI: International Women's Day is celebrated today. To mark this, a record of the various departments has issued a Google Doodle in honor of women.

Read More

ஓ.பி.எஸ்.,க்கு ஆதரவாக குவியும் தொண்டர்கள்

சென்னை: சென்னையில் முன்னாள் முதல்வர் பன்னீர்செல்வம் மேற்கொண்டுள்ள உண்ணாவிரத போராட்டத்தில் பல ஆயிரம் தொண்டர்கள் கலந்து கொண்டுள்ளனர் . இதனால், அந்த வழியில் போக்குவரத்து பாதிக்கப்பட்டது.

ஜெயலலிதா மரணத்தில் உள்ள மர்மம் தொடர்பாக நீதி விசாரணை நடத்த வேண்டும் என வலியுறுத்தி சென்னை ராஜரத்தினம் மைதானத்தில் முன்னாள் முதல்வர் பன்னீர் செல்வம் தலைமையில் உண்ணாவிரதம் நடந்து வருகிறது. காலை 9 மணி முதல் உண்ணாவிரதம் துவங்கி நடைபெற்று வருகிறது. மாலை 5 மணி வரை உண்ணாவிரதம் மேற்கொள்ள போலீசார் அனுமதி வழங்கியுள்ளனர். இந்த உண்ணாவிரதத்தில் 10 ஆயிரம் தொண்டர்கள் அமரும் வகையில் ஏற்பாடுகள் செய்யப்பட்டன.
ஆனால், எதிர்பார்த்ததை விட அதிகளவில் தொண்டர்கள், உண்ணாவிரத போராட்டத்தில் கலந்து கொண்டுள்ளனர். இதனால், அங்கு இருக்கைகள் நிரம்பின. தொண்டர்கள் தொடர்ந்து வந்த வண்ணம் உள்ளனர். அவர்கள் போராட்டம் நடக்கும் மைதானம் அருகே உள்ள சாலையில் அமர்ந்து ஆதரவு தெரிவித்து வருகின்றனர். இதனால், அந்த சாலையில் போக்குவரத்து நிறுத்தப்பட்டுள்ளது.

English summary:

Chennai made by former Chief Minister Panneerselvam several thousand volunteers participated in the hunger strike. As a result, traffic was affected in that way. 

Read More

மார்ச் 16ல் தமிழக பட்ஜெட் தாக்கல்

சென்னை: தமிழக சட்டசபையின் பட்ஜெட் கூட்டத்தொடர் மார்ச் 16ம் தேதி துவங்குகிறது . அன்று தமிழக அரசின் பட்ஜெட் தாக்கல் செய்யப்படுகிறது. நிதியமைச்சர் ஜெயக்குமார் பட்ஜெட்டை தாக்கல் செய்கிறார். இடைப்பாடி பழனிசாமி முதல்வராக பதவியேற்ற பின்னர் தாக்கல் செய்யப்படும் முதல் பட்ஜெட் இதுவாகும்.

English summary:

Chennai: Tamil Nadu Assembly's budget session begins on March 16. Is made on the budget of the State

Read More