ஐ.எஸ்.பயங்கரவாதி சைஃபுல்லா சுட்டுக்கொலை

லக்னோ: உ.பி., மாநிலம் லக்னோவில் பயங்கரவாதி பதுங்கி இருப்பதாக வந்த தகவலை அடுத்து பயங்கரவாத தடுப்பு பிரிவு படையினர், ஒரு கட்டடத்தை சுற்றி வளைத்துள்ளனர். துப்பாக்கிச்சூடு நடந்து வந்தது. இந்நிலையில் அந்த பயங்கரவாதி சுட்டுக்கொல்லப்பட்டார்.

நாடு முழுவதும் தீவிர சோதனை:

பயங்கரவாத தடுப்பு பிரிவு படையினர் கூறுகையில் பயங்கரவாதியை உயிருடன் பிடிக்க நடவடிக்கை மேற்கொள்ளப்பட்டு வருகிறது. தவிர நாட்டின் பல்வேறு பகுதிளில் நடத்தப்பட்ட அதிரடி சோதனையில் ம.பி மாநிலத்தில் 5 பேர் வரையிலும், கான்பூரில் ஒருவரும் கைது செய்யப்பட்டுள்ளனர். மேலும் பலரை தேடி வருகிறோம் என்றார்.

சைஃபுல்லா சுட்டுக்கொலை:

தற்போது லக்னோவில் பதுங்கியிருந்த பயங்கரவாதிகளில் சைபுல்லா என்பவன் ஐஎஸ் இயக்கத்துடன் தொடர்பு இருப்பதாகவும், ம.பி.,யில் நடைபெற்ற ரயில் விபத்து சம்பவங்களிலும் உஜ்ஜய்னி ரயில் விபத்து சம்பவங்களிலும் தொடர்பு இருக்க கூடும் என போலீசார் கூறினர். சைஃபுல்லா லக்னோவில் கட்டடம் ஒன்றின் பதுங்கியிருந்தார். அவனை உயிருடன் பிடிக்க தேசிய பாதுகாப்புபடையினர் , பயங்கரவாத எதிர்ப்புபடையினர் தீவிர முயற்சி மேற்கொண்டனர். 5 மணி நேர போராட்டத்திற்கு பின்னர் சைஃபுல்லா சுட்டுக்கொல்லப்பட்டார்..

English summary:

Lucknow, UP, Lucknow, the state anti-terrorism unit in the wake of reports that the terrorist ambush of soldiers, surrounded the building. Gunfire was underway. In this case, the terrorist was 

Read More

சிறந்த நாடுகளின் பட்டியல் : இந்தியாவிற்கு 25வது இடம்

வாஷிங்டன் : சர்வதேச அளவில் சிறந்து விளங்கும் நாடுகளின் பட்டியலில் இந்தியாவிற்கு 25வது இடம் கிடைத்துள்ளது.
நாட்டின் மொத்த உள்நாட்டு உற்பத்தி, தனிநபர் தொடர்பான உள்நாட்டு உற்பத்தி, மக்கள்தொகை உள்ளிட்ட காரணிகளின் அடிப்படையில், சர்வதேச அளவில் சிறந்துவிளங்கும் நாடுகளின் பட்டியலை, அமெரிக்காவின் பென்சில்வேனியா பல்கலைகழகம், முன்னணி நிறுவனமான பிஏவி கன்சல்டிங் நிறுவனத்துடன் இணைந்து கருத்துக்கணிப்பு நடத்தி வெளியிட்டுள்ளது.
சர்வதேச அளவில் 36 நாடுகளில் 21 ஆயிரத்திற்கும் மேற்பட்டோரிடம் நடத்தப்பட்ட கருத்துகளின் அடிப்படையில் இந்த பட்டியல் தயாரிக்கப்பட்டுள்ளது.

அறிமுகமே முதலிடம் :

சிறந்த நாடுகளின் பட்டியலில், இந்த ஆண்டே அறிமுகம் ஆகியுள்ள சுவிட்சர்லாந்து நாடு, பட்டியலில் முதலிடம் பெற்று அசத்தியுள்ளது.

அமெரிக்காவிற்கு பின்னடைவு :

2016ம் ஆண்டு பட்டியலில் 4ம் இடத்தில் இருந்த அமெரிக்கா, இந்தாண்டு பட்டியலில், 3 இடங்கள் பின்தங்கி 7வது இடத்தில் உள்ளது.

இந்தியாவிற்கு 25வது இடம் :

நாட்டின் மொத்த உள்நாட்டு உற்பத்தி 2 டிரில்லியன் அமெரிக்க டாலர்கள் என்ற மதிப்பிலும், தனிநபர் அடிப்படையிலான உள்நாட்டு உற்பத்தி 6,187 அமெரிக்க டாலர்கள் என்ற மதிப்பின் அடிப்படையில், சிறந்த நாடுகளின் பட்டியலில் இந்தியாவிற்கு 25வது இடம் கிடைத்துள்ளது.
சிறந்த நாடுகளின் பட்டியலில் முதலிடத்தில் சுவிட்சர்லாந்தும், கனடா, இங்கிலாந்து, ஜெர்மனி, ஜப்பான், சுவீடன், அமெரிக்கா, ஆஸ்திரேலியா, பிரான்ஸ், நார்வே நாடுகள் பட்டியலின் முதல் 10 இடங்களில் உள்ளன.

English summary:

Washington: India internationally for excellence in 25th place in the list of countries is available.

Read More

விசாரணை நடத்தப்படும்: இலங்கை உறுதி

புதுடில்லி: மீனவர் சுட்டுகொல்லப்பட்ட சம்பவம் தொடர்பாக, விசாரணை நடத்தப்படும் என இலங்கை அரசு உறுதி அளித்துள்ளதாக, இந்திய வெளியுறவுத் து
றை தெரிவித்துள்ளது.

இதுதொடர்பாக, இந்திய வெளியுறவுத் துறை செய்தி தொடர்பாளர் கோபால் பக்லே கூறியதாவது:

துப்பாக்கிச்சூட்டில் இந்திய மீனவர் கொல்லப்பட்ட சம்பவம் தொடர்பாக, கொழும்புவில் உள்ள இந்திய துாதர் மூலம் இலங்கை அரசின் கவனத்துக்கு கொண்டு சென்றுள்ளோம்.
இந்தியா - இலங்கை இடையே புரிதல்மிக்க சூழல் நிலவும் நிலையில், இந்திய மீனவர் சுட்டுகொல்லப்பட்டது எந்த வகையிலும் ஏற்கதக்கது அல்ல. இந்திய மீனவர்களின் பாதுகாப்பு தொடர்பான விசயங்களில் மத்திய அரசு மிகுந்த அக்கறை கொண்டுள்ளது. மீனவர் சுட்டு கொல்லப்பட்ட சம்பவம் தொடர்பாக, விசாரணை நடத்தப்படும் என இலங்கை அரசு உறுதி அளித்துள்ளது.இவ்வாறு அவர் கூறினார்.

இதற்கிடையே மீனவரை சுட்டுகொன்ற சம்பவத்தில் மீனவர் அருள் கிளிண்டன் கொடுத்த புகாரின்படி, மண்டபம் போலீசார், இலங்கை கடற்படை மீது வழக்கு பதிவு செய்தனர்.

English Summary:

NEW DELHI: Indian fishermen killing incident, the investigation had to be conducted to ensure that the Government of Sri Lanka, said Indian External Affairs.

Read More

தீபா கணவரை கொண்டு வாங்க... தலைவர்களுக்கு தினகரன் உத்தரவு

சென்னை: ஜெயலலிதா மறைவுக்குப் பின், சசிகலாவை எதிர்த்து தீவிர அரசியலில் இறங்கப் போவதாக அறிவித்தார், அவரது அண்ணன் மகள் தீபா. இதையடுத்து, சசிகலாவை எதிர்க்கும் அ.தி.மு.க.,வினர், அவரை நம்பி சென்றனர்.

விரைவில் கட்சித் துவங்கப் போவதாக அறிவித்திருந்த தீபா, கடந்த பிப்., 24ல், எம்.ஜி.ஆர்., அம்மா தீபா பேரவை துவங்குவதாக அறிவித்தார். இது அரசியல் இயக்கம் அல்ல; ஒரு அமைப்புதான். அ.தி.மு.க.,வின் இரட்டை இலை சின்னத்தை மீட்க இந்த அமைப்பு பாடுபடும் என்றும் அறிவித்தார்.

அவசர நியமனம்:

இந்த அறிவிப்பால், அவரை நம்பிச் சென்ற கட்சியினர் அனைவரும் நிலைகுலைந்து நின்றனர். இதனால், தீபாவிடம் இருந்து ஓ.பன்னீர்செல்வம் அணிக்கு செல்லத் துவங்கினர். இதையறிந்ததும், மொத்தக் கூட்டமும் அங்கு சென்று விட்டால், நம்மால், அமைப்பு நடத்த முடியாது என்று பயந்து போன தீபா, அவசர அவசரமாக, பேரவைக்கு, நிர்வாகிகளை நியமித்தார்.
இந்த இடத்தில்தான், தீபாவுக்கும், கணவர் மாதவனுக்கும் மோதல் ஏற்பட்டது.

பேரவைக்கு நிர்வாகிகளாக நியமிக்கப்பட்டவர்களின் பின்புலம் சரியாக இல்லாததால், கோபமடைந்த கணவர் மாதவன், தீபாவுடன் சண்டையிட்டதாகக் கூறப்படுகிறது. இரண்டொரு நாட்கள், வீட்டிலிருந்து வெளியேறிச் சென்றவர், சட்டென வீடு திரும்பி, தீபா அறிவித்த நிர்வாகிகளுக்குப் போட்டியாக தன் தரப்பிலும், ஒரு நிர்வாகிகள் பட்டியலை வெளியிட்டார்.

இதனால், தீபாவை நம்பிச் சென்ற ஒட்டுமொத்த அ.தி.மு.க.,வினரும் கடுமையான குழப்பத்தில் ஆழ்ந்தனர். இது தொடர்பாக, ஆளாளுக்கு தீபாவிடம் கேள்வி மேல் கேள்வி எழுப்ப, இந்த பிரச்னைகளுக்கு, சசிகலா தரப்பினர் தான் காரணம் என்று, பிரச்னையை, தினகரன் பக்கம் திருப்பினார் தீபா. ஆனால், அது எடுபடவில்லை.

தினகரன் உத்தரவு:

தீபா பேரவைக்குள் நடக்கும் மொத்த நிகழ்வுகளையும் கவனித்துக் கொண்டிருக்கும் அ.தி.மு.க.,வின் துணைப் பொதுச் செயலர் தினகரன், நம்பகமான, அ.தி.மு.க., தலைவர்கள் சிலரை அழைத்து, இது தொடர்பாக பேசியிருக்கிறார்.

உடனடியாக, மாதவனை கையில் எடுங்கள். அவர் நம் பக்கம் கூட்டி வாருங்கள். அவருக்கு தேவையானதை செய்யலாம் என்று சொல்லி, உத்தரவிட, தற்போது, அந்த தலைவர்கள், மாதவனை வளைக்க, தீவிரமாக களம் இறங்கி உள்ளனர். .விரைவில் மாதவன், தினகரன் சந்திப்பு நிகழக்கூடும் என்று, அ.தி.மு.க., வட்டாரங்களில் இருந்து தகவல் பரவி இருக்கிறது.

English summary:

Chennai: After her death, serious political opposition to Shashikala -claim declared, his niece Deepa. However, as opposed to Digg Shashikala, staggering, were entrusted to him.

Read More

ஜெ., மருத்துவ அறிக்கை வெளியீடு: பின்னணியில் நடந்தது என்ன?

சென்னை: நாளை (மார்ச் 8ம் தேதி) சென்னை, எழும்பூர் ராஜரத்தினம் ஸ்டேடியம் முன்பு, பன்னீர்செல்வம் தரப்பினர் நடத்தத் தீர்மானித்துள்ள உண்ணாவிரதப் போராட்டம் மக்கள் மத்தியில் பெரிய தாக்கத்தை ஏற்படுத்தி, ஜெயலலிதா மரணத்தில் தொடர்புடைய மர்மங்களை அரசும் சேர்ந்து மறைக்கிறது என்ற குற்றச்சாட்டு, தமிழக அரசுக்கும் ஏற்படலாம் என்று, தமிழக உளவுத் துறை அறிக்கைக் கொடுத்ததையடுத்துத்தான், அரசுத் தரப்பில் வேக வேகமாக காரியங்கள் துவங்கின.

மக்கள் அதிருப்தி:

இது குறித்து, கோட்டையின் முக்கிய அதிகாரி ஒருவர் கூறியதாவது: ஜெயலலிதா மரணத்தில் மரமம் இருப்பதாக, பன்னீர்செல்வம் தரப்பினர் தொடர்ந்து சொல்லி வருகின்றனர். ஜெயலலிதா போயஸ் தோட்டத்திலேயே கடுமையாக தாக்கப்பட்டார் என்பதில் ஆரம்பித்து, அவருக்கு ஸ்லோ பாய்சன் கொடுக்கப்பட்டது என்பது வரையில், அதிர்ச்சிகரமான தகவல்களை தொடர்ந்து, அவர்கள் வெளியிட்டு வருகின்றனர். இவை எதற்கும், தமிழக அரசு தரப்பிலோ, சசிகலா தரப்பினரோ எந்த பதிலும் கூறாமல் இருந்து வந்தது, அரசு மற்றும் சசிகலா தரப்பு மீது மக்கள் மத்தியில் அதிருப்தியை ஏற்படுத்தியது. இந்நிலையில், ஜெயலலிதா மரணத்துக்கு நீதி விசாரணை கேட்டு, பன்னீர்செல்வம் தரப்பினர் தமிழகம் முழுவதும் மார்ச் 8ல், உண்ணாவிரதம் இருக்கின்றனர். இந்த உண்ணாவிரதம் எழுச்சியையும்; தாக்கத்தையும் ஏற்படுத்தும் என, தமிழக உளவுத்துறை அதிகாரிகள், அரசுக்கு அறிக்கை அனுப்பினர்.

மக்கள் நம்புவார்கள் :

அதையறிந்ததும், முதல்வர் பழனிச்சாமி அதிர்ந்து போனார். உண்ணாவிரதப் போராட்டம் உப்பு, சப்பில்லாமல் போக வேண்டும்; அதற்கு என்ன செய்ய வேண்டும் என்று, அதே உளவுத் துறை அதிகாரிகளை அழைத்து கேட்டார். அப்போது, அவர்கள், அப்பல்லோ மற்றும் எய்ம்ஸ் மருத்துவர்கள் ஜெயலலிதாவுக்கு அளித்த சிகிச்சை விவரங்களை வெளியிட வேண்டும். அப்போதுதான், ஓரளவுக்காவது, இந்த விஷயத்தில் அரசை மக்கள் நம்புவார்கள். இல்லையென்றால், சந்தேகம் கூடுதலாகுமே தவிர, குறையாது என வெளிப்படையாக சொல்லியிருக்கின்றனர். அதன்பின், தமிழக சுகாதாரத் துறை அமைச்சரையும்; அதிகாரிகளையும் முதல்வர் அழைத்துப் பேசி, அதற்கான ஏற்பாடுகளை செய்யுங்கள் என்று சொன்னதன் அடிப்படையில், சுகாதாரத் துறை முதன்மை செயலர் ராதாகிருஷ்ணன், ஏற்கனவே பெறப்பட்ட அப்பல்லோ மருத்துவமனை அறிக்கையுடன், டில்லி சென்று, அங்கு எய்ம்ஸ் மருத்துவமனை நிர்வாகத்தை அணுகி, ஜெயலலிதாவுக்கு சிகிச்சை அளித்த மருத்துவர்களின் அறிக்கையை கேட்டுப் பெற்று, ரிலீஸ் செய்திருக்கிறார்.

பன்னீர்செல்வம் தரப்பினர் நடத்தவிருக்கும் உண்ணாவிரதப் போராட்டம் நடத்தப்படுவதற்கு முன், இந்த அறிக்கை வெளியிடப்பட்டிருந்தாலும், இத்தனை நாள் இல்லாமல், இன்றைக்கு ஏன் திடீரென அறிக்கை வெளியிட வேண்டும் என்றும், அந்த அறிக்கையில் சொல்லப்பட்டிருக்கும் தகவல்கள் அனைத்தும், ஏற்கனவே மருத்துவர்கள் சொன்ன தகவல்களுக்கு முன்னுக்கு பின் முரணாக உள்ளது என்றும் கூறுகின்றனர். இதனால், ஜெயலலிதா மரணத்தில் உள்ள மர்மங்களை ஓரளக்கு கிளியர் செய்துவிட்டோம் என, மருத்துவத் துறை வட்டாரங்கள் கூறுகின்றன.ஆனால், என்ன சொன்னாலும், தமிழக அரசின் நடவடிக்கைகளை மக்கள் நம்பத் தயாராக இல்லாததால், அரசுக்கும் சசிகலா தரப்பினருக்கும் சிக்கல் நீடிக்கிறது.இவ்வாறு அந்த அதிகாரி கூறினார்.

கோர்ட் சிக்கல் வேண்டாம்!

சென்னையில், உண்ணாவிரதப் போராட்டம் நடத்த வேண்டும் என்று, சென்னை போலீஸ் கமிஷனர் அலுவலகத்தில் அனுமதி கடிதம் கொடுத்து, பன்னீர்செல்வம் தரப்பு பல நாட்கள் காத்திருந்து விட்டு, நினைவூட்டல் கடிதமும் கொடுத்தது. இப்படி முறையாக செய்வதே, அனுமதி அளிக்காத பட்சத்தில் கோர்ட்டுக்கு செல்லும் எண்ணத்துடனேயே செய்யப்படுபவை என்று முடிவெடுத்த தமிழக அரசு, தேவையில்லாமல், கோர்ட்டில் குட்டு வாங்க வேண்டாம் என முடிவெடுத்து, அனுமதி அளித்து விட்டது. இதனால், பன்னீர்செல்வம் தரப்பினர் சந்தோஷத்தில் இருக்கின்றனர்.

English Summary:

Chennai: tomorrow (March 8), Egmore Rajaratnam Stadium ago, Panneerselvam parties hold a decided hunger strike among the people the impression, her death-related mysteries state and the hides of the indictment, the State that could result, Indian intelligence report , the government side things began to speed faster.

Read More

லக்னோவில் பயங்கரவாதி பதுங்கல்: துப்பாக்கிச்சூடு

லக்னோ: உ.பி., மாநிலம் லக்னோவில் பயங்கரவாதி பதுங்கி இருப்பதாக வந்த தகவலை அடுத்து பயங்கரவாத தடுப்பு பிரிவு படையினர், ஒரு கட்டடத்தை சுற்றி வளைத்துள்ளனர். துப்பாக்கிச்சூடு நடந்து வருவதாக தகவல் தெரிவிக்கிறது.
தாகூர்கஞ்ச் பகுதியையொட்டிய பகுதியில் பரபரப்பு நிலவுகிறது. பாகிஸ்தானை சேர்ந்த சைபுல்லா என கூறப்படுகிறது. சம்பவ இடத்தில் தற்போது பரபரப்பு நிலவுகிறது.

English summary:

Lucknow, UP, Lucknow, the state anti-terrorism unit in the wake of reports that the terrorist ambush of soldiers, 

Read More

இந்தியாவின் பலம் ஆன்மீகமே: பிரதமர் பெருமிதம்

புதுடில்லி: இந்தியாவின் பலமே ஆன்மீகம். ஆனால், சிலர் ஆன்மீகத்தை மதத்துடன் தொடர்புபடுத்தியுள்ளதாக பிரதமர் மோடி கூறினார்.

டில்லியில் நடந்த நிகழ்ச்சி ஒன்றில் பிரதமர் பேசியதாவது: ஆன்மீகத்தை நோக்கிய பயணத்தின் முதல்படி யோகா. ஜி.டி.பி., மக்கள் தொகை மற்றும் வேலைவாய்ப்பு ஆகியவற்றின் அடிப்படையில் இந்தியாவை உலக நாடுகள் பார்க்கின்றன. இந்தியா ஆன்மீகத்திற்கும் பெயர் பெற்றது என்பதை உலக நாடுகளுக்கு தெரிந்திருக்க வாய்பு உண்டு. இந்தியாவின் பலமே, நமது ஆன்மீகமாகும். ஆனால், துரதிர்ஷ்டவசமாக ஆன்மீகத்தை சிலர் மதத்துடன் தொடர்புபடுத்தியுள்ளனர். இந்தியாவில் ஆன்மீகத்தை துறவிகளும், ஞானிகளும் பலப்படுத்தினர். இவ்வாறு அவர் பேசினார். 

Read More