சிஐஏவின் உளவுக் கருவிகள்: அம்பலப்படுத்திய விக்கிலீக்ஸ்

அமெரிக்க அரசின் உளவு நிறுவனமான சி ஐ ஏ பயன்படுத்தியதாக சொல்லப்படும் பல வகையான கணினி அமைப்புகளை ஊடுருவும் சாதனங்களின் தகவல்களை விக்கிலீக்ஸ் வெளியிட்டுள்ளது.

கணினி வலையமைப்பு ஊடுருவும் ஆயுதங்கள் என குற்றஞ்சாட்டப்படும் இதில் விண்டோஸ், ஆண்ட்ராய்ட், ஐ ஓ எஸ், ஒ எஸ் எக்ஸ் மற்றும் லினெக்ஸ் கணினிகள் மற்றும் இணையதள ரவுட்டர்களை குறிவைக்கும் தீய மென்பொருட்களும் அடக்கம்.

சில மென்பொருட்கள் உள்நாட்டிலே தயாரிக்கப்பட்டதாக தகவல் வெளியாகியுள்ளது. ஆனால், ஐக்கிய ராஜ்ஜியத்தின் எம் ஐ 5 உளவு நிறுவனம், சாம்சங் தொலைக்காட்சிகளில் சம்பந்த பயன்பாட்டாளுருக்கு தெரியாமல் மென்பொருள் ஒன்றை கட்டமைக்க உதவியதாக கூறப்படுகிறது.

ஆனால், இந்த தகவல்களை சி ஐ ஏவின் பேச்சாளர் உறுதிப்படுத்தவில்லை.

அமெரிக்காவின் உளவு நிறுவனமான சி ஐ ஏவின் கணினி ஊடுருவும் திறன்கள் அதற்கு வழங்கப்பட்டுள்ள கட்டாய அதிகாரங்களை மீறி செயல்படுகிறதா என்ற விவாதத்தை தூண்ட வேண்டும் என்ற நோக்கில் இந்த தகவல்களை தங்களிடம் ஒருவர் பகிர்ந்துக் கொண்டதாக விக்கிலீக்ஸ் தெரிவித்துள்ளது.

ஊடுருவப்பட்ட தொலைக்காட்சிகள்:

ஜூன் 2014 ஆம் ஆண்டு என்று தேதி குறிப்பிடப்பட்ட ஒரு ஆவணத்தில் இடம்பெற்றுள்ள தகவலின்படி, சாம்சங் நிறுவனத்தின் எஃப் 8000 ரக ஸ்மார்ட் தொலைக்காட்சிகளை ஊடுருவும் திட்டத்திற்கு வீப்பிங் ஏஞ்செல் என ரகசிய பெயர் சூட்டப்பட்டதாக கூறப்படுகிறது.

பயன்பாட்டாளர்களை முட்டாளாக்க, தொலைக்காட்சியை உண்மையிலே நிறுத்திவிட்டோம் என்பதை அவர்கள் நம்பவைக்க போலியான 'ஆஃப்' மோட் ஒன்று உருவாக்கப்பட்டதாக அந்த ஆவணம் விவரிக்கிறது.

மேலும், விக்கிலீக்ஸ் வெளியிட்டுள்ள ஆவணங்களில், பாதிக்கப்பட்ட தொலைக்காட்சி கருவிகள் ரகசியமாக ஒலிகளை பதிவு செய்யும்படி வடிவமைக்கப்பட்டதாகவும், பின்னர் தொலைக்காட்சி ஆன் செய்யப்பட்டவுடன் அதில் ரகசியமாக பதிவான ஒலிகள் அனைத்து சி ஐ ஏவின் கணினி சர்வர்களுக்கு இணையதளம் மூலம் சென்றுவிடும் என்றும் தெரிவித்துள்ளது.

இந்த ஆவணங்கள் குறித்து இன்னும் சாம்சங் கருத்து தெரிவிக்கவில்லை.

ஆப்பிள் சாதனங்கள் மீதான தாக்குதல்கள்:

கடந்த ஆண்டு சி ஐ ஏ ஜீரோ டேஸ் என்ற 24 ஆண்ட்ராய்ட் ரகசிய ஆயுதங்களை உருவாக்கியதாக விக்கிலீக்ஸ் தெரிவித்துள்ளது.

அதில், சில சி ஐ ஏவால் உள்நாட்டிலே தயாரிக்கப்பட்டதாகவும், ஆனால் பிற மென்பொருட்கள் ஐக்கிய ராஜ்ஜியத்தில் உள்ள அரசாங்க தொடர்புத்துறை தலைமையக நிறுவனம் மற்றும் என் எஸ் ஏ மற்றும் பெயரிடப்படாத மூன்றாம் தரப்பினர் ஆகியோரிடமிருந்து பெறப்பட்டதாக குற்றஞ்சாட்டப்படுகிறது.

இதன் விளைவாக உற்பத்தி செய்யப்படும் கருவிகளில், சாம்சங், எச் டி சி மற்றும் சோனி நிறுவனங்கள் தயாரித்த கருவிகள் பாதுகாப்பு விஷயத்தில் சமரசம் செய்யப்பட்டு சந்தையில் உள்ள பிற மெசெஜ் சேவைகளை காட்டிலும், வாட்ஸ் ஆப், சிக்னல், டெலிகிராம் மற்றும் வீபோ ஆகிய சேவைகளில் பரிமாறப்படும் மெசேஜ்களை படிக்க சி ஐ ஏவை அனுமதிக்கிறது.

ஐ ஃபோன் மற்றும் ஐ பேட் பயன்பாட்டாளர்களின் இடங்களை சி ஐ ஏ துள்ளியமாக கண்டறிவது, கருவிகளை கேமரா மற்றும் மைக்ரோ ஃபோன் ஆகியற்றை பயன்பாட்டாளருக்கு தெரியமாலே ஆன் செய்வது மற்றும் அதில் வரும் தகவல்களை படிக்க சி ஐ ஏ நிறுவனம் ஒரு சிறப்பு குழுவை அமைத்துள்ளதாக ஆவணம் கூறுகிறது.

சி ஐ ஏவை பற்றி சொல்லப்படும் பிற விஷயங்கள் :

வாகனங்களின் கணினி கட்டுப்பாட்டு அமைப்புகளை பாதிக்க சி ஐ ஏ முயற்சித்து வந்ததாகவும், யாரும் கண்டுபிடிக்க முடியாத படுகொலைகளுக்கு இதனை பயன்படுத்தியிருக்கலாம் என்றும் விக்கிலீக்ஸ் கூறியுள்ளது.

இணையம் அல்லது பாதுகாப்பற்ற வலையமைப்பில் இணைக்கப்படாத கணினிகளை ஊடுருவ வழிமுறைகளை சி ஐ ஏ கண்டுபிடித்துள்ளதாகவும், பிரபலமான ஆன்டி-வைரஸ் மென்பொருட்களை எதிர்க்கும் தாக்குதல்களை மேம்படுத்தியுள்ளதாகவும் விக்கிலீக்ஸ் கூறியுள்ளது.

ரஷ்யா மற்றும் வேறுபிற இடங்களிலிருந்து திருடப்பட்ட தீய மென்பொருளை வைத்து தனி லைப்ரரி ஒன்றை சி ஐ ஏ உருவாக்கி உள்ளதாக விக்கிலீக்ஸ் கூறுகிறது.

சி ஐ ஏவின் இணையம் சார்ந்த செயல்பாடுகள் குறித்த ரகசிய தகவல் கசிவை வால்ட் 7 என்று விக்கிலீக்ஸ் பெயரிட்டுள்ளது.

திட்டமிடப்பட்டுள்ள கசிவுகளின் தொடரின் முதலாவது பகுதி இது என்று விக்கிலீக்ஸ் கூறியுள்ளது.

English summary:

A CIA spy agency of the US government computer systems will penetrate many types of devices that are said to have used the information published by WikiLeaks

Read More

மீனவர்களை சுட்டுக் கொல்வது பரிகாரம் அல்ல : நாடாளுமன்ற உறுப்பினர் சா. வியாழேந்திரன் கருத்து

சர்வதேச கடல் எல்லையை தாண்டும் மீனவர்களை சுட்டுக் கொல்வது அதற்கு பரிகாரம் அல்ல என தமிழ் தேசிய கூட்டமைப்பு நாடாளுமன்ற உறுப்பினர் சா.வியாழேந்திரன் கூறுகின்றார்.

இலங்கை நாடாளுமன்றத்தில் நடைபெற்ற விவாதமொன்றில் உரையாற்றிய அவர் இதனை தெரிவித்துள்ளார்.

தமிழ்நாடு மீனவர் மீது இலங்கை கடற்படையினரால் நடத்தப்பட்டதாக கூறப்படும் துப்பாக்கிச்சூடு சம்பவத்தை வன்மையாக கண்டிப்பதாகவும் அவர் தெரிவித்துள்ளார்.

தமிழ்நாடு இராமேஸ்வரம் மீனவரொருவர் சர்வதேச கடல் எல்லையைத் தாண்டி வந்தபோது கடற்படையால் சுடப்பட்டுள்ளார் என்றும், சர்வதேச கடல் எல்லையை யார் தாண்டி வந்தாலும் அவர்களை கைது செய்ய வேண்டுமே தவிர சுட்டுத் தான் கொல்ல வேண்டும் என்பது பரிகாரம் அல்ல என்றும் என்றும் நாடாளுமன்ற உறுப்பினர் சா. வியாழேந்திரன் கூறியுள்ளார்.

English summary:

Fishermen crossing the international maritime boundary is not the solution as it is to shoot Tamil National Alliance parliamentarian Sam.Viyalentiran says.

Read More

பழைய குழாய்கள் மூலம் சூரிய புயலை கண்டறியும் தொழில்நுட்பத்தை உருவாக்கும் உதகை ஆய்வகம்

தற்போது இயக்கத்தில் இல்லாத கோலார் தங்கச் சுரங்கத்தில் பல தசாப்தங்களுக்கும் மேலாக மண்ணில் புதைக்கப்பட்ட மறுசுழற்சி செய்யப்பட்ட எஃகு குழாய்களுக்கும் பூமியின் காந்த வெளியில் இருக்கும் சூரிய புயலைப் பற்றிய பரப்பான அறிவியல் கண்டுபிடிப்பிற்கும் என்ன தொடர்பு?

ஆம் நிறைய தொடர்பு உள்ளது.

மிக குறிப்பிடத்தக்க அறிவியல் ஆய்வில் 3,700க்கும் மேலான அம்மாதிரியான குழாய்கள் முக்கிய பங்கு வகிக்கின்றன.

பூமியின் காந்த பாதுகாப்பு வலயத்தில் ஏற்பட்ட கசிவிற்கு பிறகு நடந்த நிகழ்வின் பதிவை இந்திய மற்றும் ஜப்பானிய விஞ்ஞானிகள் கொண்ட குழு ஒன்று சேர்ந்த சர்வதேச படைப்பாக வழங்கினர்

உதகையில் உள்ள காஸ்மிக் கதிர் ஆய்வகத்தில் உள்ள உலகில் மிகப்பெரியதாக கருதப்படும் கிரேப்ஸ்-3 முயான் தொலைநோக்கியை கொண்டு

22 ஜூன் 2015 ஆம் தேதி இரண்டு மணி நேரத்திற்கு வளிமண்டலத்தை படையெடுத்த அண்டக் கதிர்களை விஞ்ஞானிகள் பதிவு செய்துள்ளனர்,

சூரியனிலிருந்து உருவாகும் மின்னூட்ட துகள்கள் பூமியை அதிக வேகத்தில் உரசுவதன் காரணமாக இந்த காந்தக லன் கசிவு ஏற்படுகிறது.

அதிக வேகத்தில் வரக்கூடிய அம்மாதிரியான சூரிய வளிமண்டல புயல்கள், செயற்கைக்கோள் மற்றும் தானியங்கி விமானங்கள் மீது மோதி பேரழிவை ஏற்படுத்தும் மின் தடைகளை ஏற்படுத்தி, மீண்டும் நம்மை கற்காலத்திற்கும் எடுத்துச் செல்லக்கூடிய ஆபத்து உண்டு.

சூரிய வளிமண்டல புயல்கள்:

•சூரிய வளியில் சேகரித்து வைக்கப்பட்டிருந்த காந்த ஆற்றலின் திடீர் வெளிப்பாடு பிரகாசமான ஒளியை ஏற்படுத்தும்

•இது விண்வெளியில் மின்னூட்ட துகள்களை அதிக அளவில் வெளியிடும்.

•இந்த சீரிய "எரிமலை வெடிப்புகள்" ஒளி பெரும் வெளியேற்றம் என்று அழைக்கப்படும்.

•மின்னூட்டப்பட்ட வாயு, பூமியை சுற்றியுள்ள காந்த திரையுடன் மோதும்
•அதனால் பூமியின் காந்த அடுக்கில் ஏற்படும் பதற்றம் சூரிய புயல் என்று அழைக்கப்படும்.

•செயற்கைக்கோள், மின்னனு கட்டங்கள், மற்றும் தகவல் தொடர்பு அமைப்புகள் ஆகிய தொழிநுட்பங்களை கொண்டு ஆராயலாம்.

•கீழ் நிலையில் பல வண்ண ஒலிக் கதிர்களை உருவாக்கக் கூடும்

•இம்மாதிரியான சூரிய புயல் 1859 -ஆம் ஆண்டு வரலாற்றில் பதிவு செய்யப்பட்டது. அது, தந்தி இணைப்பு தகவல் தொடர்பை கடுமையாக பாதித்தது.

குறைந்த விலை தொலைநோக்கி:

உதகையில் இருக்கும் உலகின் மிகப்பெரிய மற்றும் முக்கியமான காஸ்மிக் கதிர் தொலைநோக்கி, நான்கு தசாப்தங்களுக்கும் பழமையான மறு சுழற்சி செய்யப்பட்ட, துத்த நாகம் பூசப்பட்ட எஃகு குழாய்களால் ஆனது.

"தேவைதான் கண்டுபிடிப்புகளுக்கு முக்கிய காரணமாக இருக்கிறது; நம்மால் புதிய விலை உயர்ந்த பொருட்களை வாங்க முடியவில்லை என்றால், இருக்கும் வசதிகளை கொண்டு தேவைகளை பூர்த்தி செய்து செலவுகளை குறைக்கிறோம்.

இந்தியாவின் விஞ்ஞானிகள், அதிக செலவுகள் இல்லாத தீர்வுகளை உருவாக்குவதிலும் மறுசுழற்சி கலையிலும் கைதேர்ந்தவர்கள்"; என்று தெரிவித்தார் அறிவியல் பத்திரிக்கையின் இந்திய செய்தியாளர் பல்லவ பாக்லா

இதற்கு சரியான எடுத்துக்காட்டு, 2014 ஆம் ஆண்டு இந்தியா செவ்வாய்கிரகத்தை அடைந்த கதை. அதற்கான செலவு 4.5 பில்லியன் ரூபாய் ஆகும்; இது அமெரிக்காவின் செவ்வாய்கிரகத்தை ஆராய்ச்சிக்கு அனுப்பப்பட்ட மேவென்னை விட 10 மடங்கு குறைந்த தொகையாகும். உதகை ஆய்வகத்தின் ஆண்டு பட்ஜெட் சுமார் 375,000 டாலர்கள் ஆகும்.

உலகின் ஆழமான சுரங்கமாக கருதப்படும், நூற்றாண்டு பழமையான கர்நாடக மாநிலம் கோலார் தங்கச் சுரங்கத்தின் குகைகளின் அடியில் கண்டுப்பிடிக்கப்பட்ட சுமார் இரண்டு தசாப்தங்களான அந்த 6 மீட்டர் நீண்ட குழாய்கள் தொலைநோக்கியின் சென்சார்களாக செயல்பட்டன.

நட்சத்திர மண்டலம் மற்றும் அதற்கு அப்பால் உள்ள பகுதிகளில் ஏற்படும் அதீத ஆற்றல் உராய்வுகளால் உருவாகும் இணை அணு துகள்களான நியூட்ரினோக்களை ஆராயும் இந்திய மற்றும் ஜப்பானிய குழுவிற்கு உதவும் விதத்தில்,பொதுவாக கட்டட கட்டுமானங்களில் பயன்படுத்தப்படும் அந்த குழாய்கள் ஜப்பானிலிருந்து இறக்குமதி செய்யப்பட்டன.

அதனை பூமிக்கு கீழே 2 கி.மீட்டர் ஆழத்தில் விஞ்ஞானிகள் புதைத்துள்ளனர்.

அதீத உணர்வுதிறன்:

1990களின் ஆரம்ப காலத்தில் தங்க விலை கடுமையான வீழ்ச்சியை சந்தித்ததையடுத்து சுரங்கத்தை மூடத் தொடங்கினர், அதனையடுத்து அதிகாரிகள் குழாய்களை அகற்றி அதனை குப்பைகளாக அப்புறப்படுத்த திட்டமிட்டனர். "நாங்கள் எங்கள் சோதனைகளுக்கு அதை மறு உபயோகப் படுத்த விரும்புகிறோம்" என தெரிவித்ததாக இந்த ஆய்வை முன்னடத்தும் விஞ்ஞானிகளில் ஒருவரான குப்தா தெரிவித்தார்.

வானொலி வானியல் மையத்துடன் பகிர்ந்து கொண்டுள்ள அந்த மலைப்புற 100 ஏக்கர் இடத்தில் அமைந்திருக்கும் ஆய்வகத்திற்கு, டிரக் மூலம் 7,500 குழாய்களும் கொண்டு செல்லப்பட்டன.

அந்த மலைப்புறப் பகுதி, மான்கள், புலிகள் மற்றும் காட்டு பன்றிகள் சூழ்ந்த ஒரு காடாக அமைந்துள்ளது.

சமீபத்தில் சிசிடிவி கேமிராக்களில் சென்சார்களை கடந்து புலிகள் நடமாடுவது பதிவாகியுள்ளது.

உயர் ஆற்றல் காஸ்மிக் கதிர்களை பற்றி ஆய்வு செய்ய, அப்புறப்படுத்தப்பட்ட குழாய்களை கொண்டு விஞ்ஞானிகள் முயான் சென்சார்களை உருவாக்கியதை அடுத்து உதகையில் காஸ்மிக் கதிர்களை பதிவு செய்தல் 1998ஆம் ஆண்டின் தொடக்கத்தில் தொடங்கியது;

உலகின் மிகப்பெரிய முயான் தொலைநோக்கியை கொண்ட உதகை ஆய்வகத்தில் இன்று 3,712 எஃகு குழாய்கள் அடுக்கி வைக்கப்பட்டுள்ளன; அம்மாதிரியான தொலைநோக்கிகள் டஜன் கணக்காக உள்ளன ஆனால் உதகையில் உள்ளதை போன்று சக்திவாய்ந்ததாக இல்லை.

அந்த ஆய்வகத்தில் ஒரு சிறிய விஞ்ஞானிகள் குழு அவர்களுக்கான உதவியாளர்கள், தோட்டப் பராமரிப்பாளர்கள் மற்றும் தச்சர்கள் ஆகியோர் காஸ்மிக் கதிர் கண்டறியும் கருவியை உருவாக்க தொடர்ந்து பழைய குழாய்களை மறுசுழற்சி செய்து வருகின்றனர்.

சென்சார்களை உருவாக்குதல்:

இதற்காக அந்த குழாய்களை திறந்து உயர் அழுத்த நீர் ஜெட்டுகள் கொண்டு சுத்தம் செய்யப்படுகிறது. மேலும் அந்த குழாயில் நூறு மைக்ரான் அளவை கொண்ட, அதாவது மனித முடியின் அளவு கொண்ட டங்கஸ்டன் கம்பியை பொருத்துவார்கள்; மேலும் இரண்டு பக்கங்களிலும் நீர் புகாத அளவு அது சீல் வைக்கப்படும். அதனையடுத்து அந்த குழாய்கள், மீத்தேன் மற்றும் ஆர்கான் கலவையை கொண்ட வாயுவை வைத்து நிரப்பப்படும். மேலும் அதனை அதிக பயனுள்ள சென்சார்களாக மாற்ற மின்சாரம் பாய்ச்சப்படும்.

உறிஞ்சிகளாக செயல்படும் கான்கீரிட்டிற்கு கீழே, இரண்டு மீட்டர் ஆழத்தில் அவைகள் புதைக்கப்படுகின்றன முயான் தொலைநோக்கியாக உருவாக மலிந்த விலை பொருட்களை கொண்டு பிரச்சனைகளுக்கு புத்திசாலித்தனமான தீர்வை காண்பது என்பதற்கு எடுத்துக்காட்டாக அந்த குழாய்கள் சென்சார்களாக பயன்படுத்தப்படும்.

அந்த பழைய குழாய்கள் கசியவில்லை என்பதை ஆய்வகத்தில் உள்ள விஞ்ஞானிகள் உறுதி செய்ய, ஹீலியம் செலுத்தும் கருவியில், வாயு ஜெட்டின் முனையில் 7 செண்ட் ஊசியை பொருத்தி சிறிய கசிவு சோதனையை நடத்துவதற்கான கருவியாக பயன்படுத்துவர்.

"ஒவ்வொரு நாளும் அம்மாதிரியான 10 மறுசுழற்சி குழாய்களை எங்கள் சோதனைக்காக நாங்கள் தயார் செய்கிறோம்.

வலிமையற்ற குறிகளையும் சோதிக்கும் திறன் கொண்ட சக்திவாய்ந்த சென்சார்களையும் உருவாக்க திட்டமிட்டுள்ளோம்.

இதுவரை இல்லாத அளவு அதிக உணர்திறன் கொண்ட காஸ்மிக் கதிர்களை நாங்கள் அளக்க வேண்டும்" என்று அங்குள்ள விஞ்ஞானிகளில் ஒருவரான அடுல் ஜெயின் தெரிவித்தார்.

உள்நாட்டு தயாரிப்பு:

அந்த ஆய்வகம் சொந்த மண்ணின் கண்டுபிடிப்பிற்கு ஒரு சிறந்த உதாரணம்.அங்குள்ள பல மின்னணு உபகரணங்கள் இந்தியாவில் வடிவமைக்கப்பட்டு, தயாரிக்கப்பட்டவை. மேலும் கணிணிகளுக்கான மென்பொருள் உள்ளூரில் தயார் செய்யப்படுகிறது.

தினந்தோறும் காஸ்மிக் கதிர்களால் உருவாக்கப்படும் 40 கிகா பைட் அளவு தகவல், அங்கு உருவாக்கப்பட்ட பல கணிணிகளில் சேகரித்து வைக்கப்பட்டு முறைப்படுத்தப்படுகிறது. இதனால் மிகப்பெரிய அளவிலான பராமரிப்பு கட்டணங்களும் மிச்சப்படுத்தப்படுகின்றன.
பழைய கணிணிகளிலிருந்து பாகங்கள் எடுத்துக் கொள்ளப்படுகின்றன.
மின்விசிறிகளை கொண்டு அங்கு தயாரிக்கப்பட்ட குளிரூட்டும் சாதனம் மின்சாரத்தை சிக்கனப்படுத்தி கணிணிகளை பாதுகாக்கின்றன.

தற்போது விஞ்ஞானிகள், 17 ஆண்டுகளாக ஆய்வக சென்சார்களில் பதியப்பட்ட காஸ்மிக் கதிர்களைப் பற்றிய தகவல்களைக் கொண்டு, விண்வெளி வானிலை கணிப்புகள் மற்றும் சூரிய வளி மண்டல் புயல் குறித்த முன்னெடுக்கப்பட்ட எச்சரிக்கை ஆகியவற்றை கண்டறிய இயலுமா என்பதை ஆராயவுள்ளனர்.

17 வருட காலத்தில் 38 கடுமையான சூரிய வளிமண்டல புயல் ஏற்பட்டுள்ளதாக தெரிவிக்கின்றனர்.

"மேலும் தெரிந்து கொள்ள கிடைத்த தகவல்களை பிரித்துப் பார்க்க வேண்டும். அது சூரியனில் இருந்து எங்களுக்கு வழங்கப்பட்ட பரிசாகும். ஏனென்றால் அதனைக் கொண்டு விண்வெளி வானிலை தகவலை பற்றி அறிந்து கொள்ள முடியும்" என்கிறார், விஞ்ஞானி குப்தா.

Read More

இலவச காஸ் இணைப்புக்கும் இனி ஆதார் அவசியம்

புதுடில்லி : மத்திய அரசின் 'பிரதான் மந்திரி ஜ்வாலா ' திட்டத்தின் கீழ் ஏழைப் பெண்களுக்கு வழங்கப்பட்டு வரும் இலவச காஸ் இணைப்பு திட்டத்திற்கும் இனி ஆதார் எண் அவசியம் என தெரிவிக்கப்பட்டுள்ளது.

இனி ஆதார் அவசியம் :

மானிய விலை சமையல் காஸ் பெறுவதற்கு ஆதார் எண் அவசியம் என கடந்த ஆண்டு அக்டோபர் மாதம் மத்திய அரசு அறிவித்தது. இதனையடுத்து காஸ் மானியம் பெறுவோர் அனைவரும் தங்களின் ஆதார் எண்களை பதிவு செய்து வந்தனர். இந்நிலையில் தற்போது ஏழை பெண்களுக்கு வழங்கப்பட்டு வரும் இலவச காஸ் இணைப்பிற்கும் ஆதார் எண் அவசியம் என மத்திய அரசு அறிவித்துள்ளது.
கடந்த ஆண்டு துவங்கப்பட்ட பிரதான் மந்திரி ஜ்வாலா திட்டத்தின்படி 5 கோடி ஏழை பெண்களுக்கு 3 ஆண்டுகளுக்கு இலவச சமையல் காஸ் வழங்கப்படும். இந்த ஆண்டு மே 31ம் தேதிக்குள் இலவச காஸ் பெறுவோர் அனைவரும் தங்களின் ஆதார் எண் சான்றை அளிக்க வேண்டும் என மத்திய பெட்ரோலிய அமைச்சகம் அறிவித்துள்ளது.

English summary:

New Delhi: The central government 'Pradhan Mantri Jwala' program distributed free to poor women Aadhaar number is no longer necessary to plan and said that the gauze patch.

Read More

‛நீட் தேர்வில் நல்ல முடிவு வரும்'

புதுடில்லி: ‛‛ மருத்துவ படிப்புக்கான, ‛நீட்' தேர்வில் இருந்து தமிழகத்திற்கு விலக்கு அளிக்கும் விஷயத்தில் மத்திய அரசு நல்ல முடிவு எடுக்கும் என நம்புகிறோம்,'' என, தமிழக சுகாதாரத்துறை அமைச்சர் விஜயபாஸ்கர், துறை செயலாளர் ராதாகிருஷ்ணன் ஆகியோர் கூறியுள்ளனர்.

'நீட்' தேர்வு கட்டாயம்:

மருத்துவ படிப்பான எம்.பி.பி.எஸ்., - பி.டி.எஸ்., படிப்புகளில் சேர, ‛நீட்' எனப்படும் தேசிய நுழைவு தேர்வில் தேர்ச்சி பெற வேண்டும் என சுப்ரீம் கோர்ட் கூறியுள்ளது. கடந்த ஆண்டு இந்த தேர்வில் இருந்து தமிழக மாணவர்களுக்கு விலக்கு அளிக்கப்பட்டது. இந்த ஆண்டு மே மாதம், 8 ம் தேதி நடக்க உள்ளது. இந்த தேர்வில் இருந்து தமிழக மாணவர்களுக்கு நிரந்தரமாக விலக்கு அளிக்க வேண்டும் என்பதை வலியுறுத்த தமிழக சுகாதாரத்துறை அமைச்சர் விஜயபாஸ்கர், உயர்கல்வித்துறை அமைச்சர் அன்பழகன் ஆகியோர் டில்லி சென்று மத்திய மனிதவள மேம்பாட்டு துறை அமைச்சர் ஜவடேகர், மத்திய சுகாதார துறை அமைச்சர் நட்டா ஆகியோரை சந்தித்து பேசினர். பின்னர் அமைச்சர் விஜயபாஸ்கர், சுகாதார துறை செயலாளர் ராதாகிருஷ்ணன் ஆகியோர் நிருபர்களிடம் கூறியதாவது:

இந்த தேர்வில் இருந்து தமிழக மாணவர்களுக்கு விலக்கு அளிக்க கோரி தமிழக சட்டசபையில் மசோதா நிறைவேற்றப்பட்டு ஜனாதிபதியின் ஒப்புதலுக்கு அனுப்பப்பட்டுள்ளது. இந்த ஒப்புதலை பெற்றுத்தரும்படி மத்திய அரசை கேட்டு வருகிறோம். தமிழகத்தில், மூன்று லட்சம் மாணவர்கள் உயிரியல் படித்து வருகின்றனர். ஆனால், சி.பி.எஸ்.இ., பாட திட்டத்தின் கீழ், 3,000 மாணவர்கள் தான் படிக்கின்றனர். இரண்டு பாட திட்டங்களுக்கும் இடையே உள்ள வேறுபாட்டை கருத்தில் கொண்டு தேர்வில் இருந்து விலக்கு அளிக்கும்படி கேட்டுள்ளோம். நல்ல முடிவு எடுக்கப்படும் என்ற நம்பிக்கையில் உள்ளோம். இவ்வாறு அவர்கள் கூறினர்.

English summary:

NEW DELHI: '' clinical study, 'Speed' option to exempt the state from the federal government in this regard and we hope to make a good decision, '' as minister of health vijayabaskar State, the Secretary of the Department, said Radhakrishnan.

Read More

காபூல் மருத்துவமனை மீது தொடர் தாக்கு

காபூல் : ஆப்கானிஸ்தான் தலைநகர் காபூலில் உள்ள ராணுவ மருத்துவமனை மீது பயங்கரவாதிகள் தாக்குதல் நடத்தி வருகின்றனர்.

மருத்துவமனையில் தாக்குதல் :

மருத்துவமனை மீது வெடிகுண்டுகள் வீசியும், துப்பாக்கியால் சுட்டும் தாக்குதல் நடத்தி உள்ளனர். பாதுகாப்பு படையினருக்கும், பயங்கரவாதிகளுக்கும் இடையே தொடர்ந்து துப்பாக்கிச் சண்டை நடந்து வருகிறது. 5 தற்கொலைப்படையினர் மருத்துவமனைக்குள் புகுந்துள்ளதாகவும், அதில் ஒருவர் மருத்துவமனை வாசல் அருகே தனது உடலில் கட்டி இருந்த வெடிகுண்டுகளை வெடிக்கச் செய்ததாகவும் கூறப்படுகிறது.
இந்த தாக்குதலில் இதுவரை 2 பேர் கொல்லப்பட்டுள்ளதாகவும், 15 பேர் படுகாயம் அடைந்துள்ளதாகவும், மருத்துவமனைக்குள் சிக்கி உள்ள டாக்டர்கள் தகவல் அனுப்பி உள்ளனர்.

English Summary:

KABUL: Afghanistan on a military hospital in the capital Kabul have been carrying out terrorist attacks.

Read More

வீட்டிலிருந்தே ஊழியர்கள் வேலை: எஸ்பிஐ அறிவிப்பு

புதுடில்லி : நாட்டின் மிகப் பெரிய பொதுத்துறை வங்கியான எஸ்பிஐ, தங்கள் ஊழியர்கள் வீட்டில் இருந்தே வேலை செய்யும் புதிய வசதியை வழங்க உள்ளதாக அறிவித்துள்ளது.

வீட்டிலிருந்தே வேலை செய்யலாம் :

வீட்டில் இருந்தே பணியாற்றும் இந்த திட்டத்திற்கு வங்கியின் நிர்வாகக் குழு சமீபத்தில் ஒப்புதல் அளித்தது. இந்த புதிய திட்டத்தின்படி, ஊழியர்கள் தங்களின் மொபைல் டிவைஸ்களை பயன்படுத்தி வீட்டில் இருந்தபடியே, வங்கியில் மேற்கொள்ள வேண்டிய அவசர பணிகளை முடிக்கலாம். இதனால் அவர்கள் பயணிக்கும் நேரத்தை மிச்சப்படுத்த முடியும் என எஸ்பிஐ தெரிவித்துள்ளது.

மொபைல் மூலம் வேலை :

மொபைல் டிவைஸ்கள் மூலம் டேட்டாக்களை பாதுகாப்பான முறையில் கையாளவும், மொபைல் கணினி தொழில்நுட்பம் மூலம் பணிகளை மேற்கொள்ளவும் பணியாளர்களுக்கு பயிற்சி அளிக்கப்பட உள்ளது. மார்க்கெட்டிங், சமூக வலைதள மேலாண்மை, பணம் விநியோகம், புகார்கள் விண்ணப்பங்கள் உள்ளிட்ட பணிகளை ஊழியர்கள் வீட்டில் இருந்தே செய்யும் வசதியும் செய்து தரப்பட்டுள்ளது.

English summary:

NEW DELHI: The country's largest public sector bank, SBI, for their employees to work from home, announced that the new facility will provide.

Read More