சிலை கடத்தல் முக்கிய நபர் தற்கொலை

சென்னை: கோவில்களில் சாமி சிலை கடத்தலில் ஈடுபட்டு கைதான தீனதயாளனின் பேரன் ஸ்ரீகாந்த் ஓம்கார், இன்று(மார்ச் 8) தற்கொலை செய்து கொண்டார்.சென்னை, ஆழ்வார்பேட்டையில் வசித்து வந்த தீனதயாளின் வீட்டு குடோனில் இருந்து, 300க்கும் மேற்பட்ட சிலைகளை, சிலை கடத்தல் தடுப்பு பிரிவு போலீசார் கைப்பற்றினர். பின்னர் தீனதயாளன் கைது செய்யப்பட்டார்.

தீனதயாளின் பேரன் ஸ்ரீகாத் ஓம்கார். இவர், சாமி சிலைகளை வெளிநாடுகளுக்கு கடத்தி விற்பனை செய்தவர். இவரும் கைது செய்யப்பட்டு ஜாமினில் வெளியே வந்தார். இன்று, சென்னை, வளசரவாக்கம் வீ்ட்டில் ஸ்ரீகாந்த் ஓம்கார் தூக்கிட்டு தற்கொலை செய்து கொண்டார். இது குறித்து போலீசார் விசாரித்து வருகின்றனர்.

Read More

ஜப்பானை நோக்கி பாய்ந்த வடகொரிய 4 ஏவுகணைகள்

பியாங்கியாங்   - வடகொரியா நேற்று 4 ஏவுகணைகளை அடுத்தடுத்து ஏவியது. அவை ஜப்பான் கடல் எல்லை அருகே விழுந்ததால் பதற்றம் எழுந்துள்ளது.  கடந்த சில மாதங்களாக வட கொரியா அணுஆயுத சோதனை களையும் அதிநவீன ஏவுகணை சோதனைகளையும் அடிக்கடி நடத்தி வருகிறது. இந்த அச்சுறுத் தலைச் சமாளிக்க அமெரிக்காவும் தென்கொரியாவும் இணைந்து தென் கொரிய எல்லைப் பகுதியில் தற்போது போர் ஒத்திகை நடத்தி வருகிறது. இந்நிலையில் வடகொரியா நேற்று 4 ஏவுகணைகளை அடுத்தடுத்து ஏவியது. ஜப்பானை நோக்கி சீறிப்பாய்ந்த அந்த ஏவுகணைகள் ஜப்பானின் சிறப்பு பொருளாதார மண்டல கடல் பகுதியில் விழுந்தன.

1000 கி.மீ. தொலைவு பாய்யும்:

இதுகுறித்து ஜப்பான் பிரதமர் ஷின்சோ அபே கூறும்போது, “ஏவுகணை மூலம் வடகொரியா புதிய மிரட்டலை விடுத்துள்ளது. இதனை வன்மையாகக் கண்டிக் கிறோம்” என்றார். இந்த விவகாரம் தொடர்பாக தென்கொரிய பொறுப்பு அதிபர் வாங் கியூ ஹன் கூறும்போது ,“வடகொரியா நேற்று ஏவிய ஏவுகணைகள் சுமார் 260 கி.மீ. உயரத்தில் 1000 கி.மீ. தொலைவு பாய்ந்து கடலில் விழுந்துள்ளன. இது சர்வதேச சமூகத்துக்கு விடுக்கப்பட்ட மிரட்டல்” என்றார்.

Read More

ஆண்கள், பெண்களுக்கு சமவாய்ப்பு: பிரதமர் மோடி

காந்திநகர்: கல்வியில் பெண்கள் மற்றும் ஆண்களுக்கு சம வாய்ப்பு வழங்கப்பட வேண்டும் என பிரதமர் மோடி பேசினார்.

கிராமத்தில் இந்தியா...:

குஜராத் மாநிலம் காந்திநகரில் தூய்மைப்பணியில் சிறந்து விளங்கிய பெண் பஞ்சாயத்து தலைவர்களுக்கு பிரதமர் மோடி பரிசு வழங்கினார்.
பின்னர் அவர் பேசியதாவது: அரசியல் சுதந்திரத்தை விட, நாட்டில் தூய்மை நிலவ வேண்டும் என மகாத்மா காந்தி வலியுறுத்தினார். இதன் மூலம் தூய்மைக்காக அவர் உறுதிபூண்டதை நாம் பார்க்கலாம். வரும் 2019 ல் மகாத்மா காந்தியின் 150வது பிறந்த நாளை நாம் கொண்டாடுகிறோம். இந்தியா எப்போதும் கிராமத்தில் தான் வாழ்கிறது என காந்தி கூறியுள்ளார்.

நேர்மறையான மாற்றம்:

இன்று விருது வாங்கி பெருமைப்பட்டுள்ள பெண்கள் பல தடைகளையும், மூட நம்பிக்கைகளையும் தகர்த்து எறிந்தவர்கள். அவர்கள் கிராமப்புற இந்தியாவில் நேர்மறையான மாற்றம் ஏற்படுவதற்கான வழி காட்டியுள்ளனர். பெண் சிசுக்கொலையை இனி அனுமதிக்க முடியாது. இதனை முடிவுக்கு கொண்டு வர பெண் பஞ்சாயத்து தலைவர்கள் முன்னின்று பணியாற்ற வேண்டும். கல்வி பெறுவதில், ஆண்கள், பெண்கள் சம வாய்ப்பு பெற வேண்டும். இவ்வாறு அவர் பேசினார்.

Read More

சதிக்கூட்டம் ஜெ., உயிரை பறித்து விட்டது: பி.எச்.பாண்டியன்

சென்னை : ஜெயலலிதா மரணத்தில் நீதி விசாரணை கோரி சென்னை எழும்பூர் ராஜரத்தினம் மைதானத்தில் ஓ.பன்னீர்செல்வம் அணியினர் உண்ணாவிரத போராட்டம் நடத்தினர்.

உயிர் பறித்த சதிக்கூட்டம் :

இதில் பேசிய பி.எச்.பாண்டியன், ஜெ.,வுக்கு அளிக்கப்பட்ட கறுப்பு பூனை படையை வாபஸ் பெற்றது ஏன்? ஜெ., மருத்துவமனைக்கு கொண்டு செல்லப்ட்ட போது அவருடன் கறுப்பு பூனை படை செல்லவில்லை. மருத்துவமனையில் நிராயுதபாணியாக இருந்த ஜெயலலிதாவின் உயிரை சதிக்கூட்டம் பறித்து விட்டது.ஜெயலலிதா மறைந்த உடனேயே பொதுச் செயலாளராக முயற்சித்தவர் சசிகலா. அனைவரும் நல்லவர்கள் இல்லை. அனைவருக்கும் பணத்தாசை உண்டு. பன்னீர்செல்வம் தலைமையிலான அணியை தான் பெரும்பாலான தொண்டர்கள் அதிமுக என ஏற்றுக் கொண்டுள்ளனர். இவ்வாறு அவர் பேசி உள்ளார்.

நடந்தது என்ன?

பொன்னையன் பேசியதாவது: மருத்துவமனைக்கு ஜெ.,வை கொண்டு செல்லும் முன்னர் போயஸ் தோட்டத்தில் நடந்தது என்ன? ஜெயலலிதா மரணத்திற்கு காரணமான கொலைகாரர்களை கண்டுபிடிக்க வேண்டும். ஜெயலலிதா மரணம் தொடர்புடைய அறிக்கை அரசியல்வாதி அறிக்கை போல் உள்ளது.அப்பல்லோவில் ஜெ.,க்கு அளிக்கப்பட்ட சிகிச்சை விபரங்களை தெரிவிக்க வேண்டும். சுகாதாரத்துறை செயலர் ராதாகிருஷ்ணன் அரசியல்வாதி போல் பேசுகிறார். சிகிச்சைக்காக ஜெயலலிதாவை ஏன் வெளிநாடு அழைத்து செல்லவில்லை. வீட்டிலேயே வைத்து ஜெயலலிதாவுக்கு யார் சிகிச்சை அளித்தது.இவ்வாறு அவர் பேசினார்.

Read More

துரோகி எனது மகனில்லை: பயங்கரவாதியின் தந்தை கண்ணீர்

லக்னோ: லக்னோவில் சுட்டுக்கொல்லப்பட்ட ஐ.எஸ்., பயங்கரவாதி சைபுல்லாவின் உடலை வாங்க முடியாது என அவரது தந்தை கூறியுள்ளார்.

தேசவிரோதம்:

இது தொடர்பாக சைபுல்லாவின் தந்தை சர்தாஜ் கூறியதாவது: ஒரு துரோகி எனது மகனாக இருக்க முடியாது. நாங்கள் இந்தியர்கள். நாங்கள் இங்கு தான் பிறந்தோம். எங்களது மூதாதையர்களும் இங்கு தான் பிறந்தனர்.

சைபுல்லா செயல் நாட்டின் நலனுக்கு எதிரானது. ஒரு தேச விரோதியின் உடலை நாங்கள் வாங்க மாட்டோம். அவர் ஏன் பயங்கரவாத அமைப்பில் சேர்ந்தார் என்பது பற்றி தகவல் இல்லை.
கடந்த 2 மாதத்திற்கு முன்னர் வேலைக்கு செல்லாததால், சைபுல்லாவை நான் அடித்தேன். கடந்த திங்களன்று எனக்கு போன் செய்து, நான் சவுதி செல்லப்போவதாக சைபுல்லா தெரிவித்தார். இவ்வாறு அவர் கூறினார்.

அதிர்ச்சி:

சைபுல்லாவின் உறவினர் ஒருவர் கூறியதாவது: சைபுல்லாவின் செயல் எங்கள் அனைவருக்கும் அதிர்ச்சியளிக்கிறது. அவர் எங்களிடம் நன்றாக தான் நடந்து கொண்டார். தினமும் தொழுகை நடத்தினார். சைபுல்லா இவ்வாறு செய்வார் என யாரும் எதிர்பார்க்கவில்லை. இவ்வாறு அவர் கூறினார்.

English summary:

Lucknow: Lucknow, killing ISIs., The body of terrorist saifulla said his father could not afford.

Read More

இந்தியாவின் டாப் 10 பணக்காரர்கள்: முகேஷ் அம்பானி தொடர்ந்து முதலிடம்

பீஜிங் : உலக மற்றும் இந்திய பணக்காரர்களின் பட்டியலை சீனாவைச் சேர்ந்த பிரபல மாத இதழான ஹூருன் ரிப்போர்ட் வெயிட்டுள்ளது.
இந்த பட்டியலில் 2016 ம் ஆண்டின் இந்தியாவின் டாப் 10 பணக்காரர்கள் பட்டியலில் ரிலையன்ஸ் இண்டஸ்ட்ரீஸ் நிறுவனத்தின் தலைவர் முகேஷ் அம்பானி தொடர்ந்து 3வது ஆண்டாக முதலிடத்தில் இருந்து வருகிறார். இதே போல் 2017 ம் ஆண்டின் உலக பணக்காரர்கள் பட்டியலில் மைக்ரோசாப்ட் நிறுவனத்தின் பில்கேட்ஸ் தொடர்ந்து முதலிடத்தில் இருந்து வருகிறார்.

டாப் 10 இந்திய பணக்காரர்கள் : 

1. ரிலையன்ஸ் இண்டஸ்ட்ரீஸின் உரிமையாளர் முகேஷ் அம்பானி (ரூ. 1,75,400 கோடி)

2. இந்துஜா குழும நிறுவனத்தின் தலைவரான எஸ்.பி. இந்துஜா ( ரூ. 1,01,000 கோடி )

 3. மருந்துத்துறை நிறுவனமான சன் பார்மாவின் நிர்வாக இயக்குனர் திலீப் சங்வி (ரூ.99,000 கோடி)

4. இந்திய கட்டுமானத் துறையை நடத்தி வரும் பல்லோஞ்சி மிஸ்ட்ரி (ரூ.82,700 கோடி)

 5. ஆர்செலர் மிட்டல் இரும்பு நிறுவனத்தின் லட்சுமி மிட்டல் (ரூ.81,800 கோடி)

6. தொழிலதிபர் ஷிவ் நாடார் (ரூ.81,200 கோடி)

7. சைரஸ் பூனவாலா (ரூ.75,400 கோடி)

8. விப்ரோ நிறுவனத்தின் அஜிம் பிரேம்ஜி (ரூ.66,300 கோடி)

9. உதய் கோடாக் (ரூ.51,600 கோடி)10. டேவிட் மற்றும் சிம்சன் (ரூ.45,600 கோடி)

இந்தியாவில் ரூபாய் நோட்டு வாபஸ் விவகாரம் காரணமாக 11 பேர் இந்த கோடீஸ்வரர் பட்டியலில் இருந்து வெளியேறி உள்ளனர். ஹூரன் நிறுவனம் வெளியிட்டுள்ள பணக்காரர்கள் பட்டியலில் 68 நாடுகளைச் சேர்ந்த 2188 பேர் இடம்பெற்றுள்ளனர்.

English summary:

Beijing: China's list of the richest Indians in the world and a popular monthly magazine hurun report.
The list of 2016's Top 10 Forbes list of India's Reliance Industries chairman Mukesh Ambani has been in first place for 3 consecutive years. 

Read More

திருவண்ணாமலை அருகே பஸ் - வேன் மோதல்: 5 பேர் பலி

திருவண்ணாமலை: திருவண்ணாமலை மாவட்டம் போளூர் அருகே எட்டிவாடி என்ற இடத்தில், தனியார் பஸ்சும் வேனும் நேருக்கு நேர் மோதிக்கொண்டன. இதில் 2 பெண்கள் உட்பட 5 பேர் சம்பவ இடத்திலேயே பலியானார்கள்.
சம்பவம் தொடர்பாக  போலீசார் விசாரணை நடத்தி வருகின்றனர்.

English Summary:

Tiruvannamalai Tiruvannamalai district at Eddivadi near Polur, venum private bus collided head-on collision. 5 people, including 2 women, were killed on the spot.
The police are investigating the incident

Read More