விரைவில் புதிய ரூ.10 நோட்டு வெளியீடு : ரிசர்வ் வங்கி

புதுடில்லி : விரைவில் புதிய ரூ.10 நோட்டுக்களை வெளியிட உள்ளதாக ரிசர்வ் வங்கி நேற்று(மார்ச் 09) அறிவித்துள்ளது.
இந்த புதிய நோட்டுக்கள் அதீத பாதுகாப்பு அம்சங்கள் கொண்டதாக இருக்கும். புதிய நோட்டுக்கள் வெளியிடப்பட்டாலும், பழைய ரூ.10 நோட்டுக்களும் செல்லும் என ரிசர்வ் வங்கி தெரிவித்துள்ளது. ரிசர்வ் வங்கி கவர்னர் உர்ஜித் ஆர்.பட்டேலின் கையெழுத்துடனும், 2017 ஆண்டு கொண்டதாக இந்த புதிய நோட்டுக்கள் அச்சிடப்பட உள்ளன.

English Summary:

NEW DELHI: The Reserve Bank will soon issue new Rs 10 notes yesterday (March 09) announced.

Read More

ஏழைகளுக்கு வீட்டு வாடகை வழங்குகிறது மத்திய அரசு

புதுடில்லி : நாடு முழுவதும் தேர்வு செய்யப்படும் 100 ஸ்மார்ட் நகரங்களில் வசிக்கும் ஏழைகளுக்கு வீட்டு வாடகை வழங்கும் திட்டத்தை செயல்படுத்த மத்திய அரசு முடிவு செய்துள்ளது.

வீட்டு வாடகையே தரும் அரசு :

மத்திய அரசின் அனைவருக்கும் வீடு திட்டத்தின் ஒரு பகுதியாக, நகர்ப்புறங்களில் வசிக்கும், வறுமை கோட்டிற்கு கீழ் உள்ள ஏழைகளுக்கு அரசே வீட்டு வாடகை வழங்க முடிவு செய்துள்ளது. முதல் கட்டமாக 3 ஆண்டுகளுக்கு இந்த திட்டம் செயல்படுத்தப்பட உள்ளது. இத்திட்டத்திற்காக மத்திய அரசு ஆண்டுக்கு ரூ.2713 கோடி ரூபாய் நிதி ஒதுக்க உள்ளது. நடப்பு நிதியாண்டிலேயே இத்திட்டத்தை அமல்படுத்த அரசு திட்ட
மிட்டுள்ளது.

ஸ்மார்ட்சிட்டி ஏழைகளுக்கு சலுகை :

நகர்ப்புறங்களில் வசிக்கம் ஏழைகளுக்கு மாதந்தோறும் வீட்டு வாடகை தொகை வவுச்சர் (voucher) மூலம் வழங்கப்படும். இந்த வவுச்சரை, அவர்கள் வங்கியில் நேரடியாக கொடுத்து பணம் பெற்றுக் கொள்ளலாம். ஸ்மார்ட் சிட்டி திட்டத்தின் கீழ் தேர்வு செய்யப்படும் 100 நகரங்களில் மட்டும் இந்த வீட்டு வாடகை திட்டம் செயல்படுத்தப்பட உள்ளது.
மத்திய அமைச்சரவை ஒப்புதல் அளித்த பிறகு முதல் கட்டமாக ஏழைகளுக்கு வீட்டு வாடகை வழங்கும் திட்டம் செயல்படுத்தப்பட உள்ளது. அதனைத் தொடர்ந்து பினாமி சொத்துக்களை கைப்பற்றும் திட்டம் செயல்படுத்தப்பட உள்ளதாகவும் மத்திய அரசு தகவல்கள் தெரிவிக்கின்றன

English Summary:

NEW DELHI: The choice of 100 smart cities across the country of residence of the Federal Government has decided to implement a program of providing housing for the poor.

Read More

பயங்கரவாதிகள் ஊடுருவல்: பொன்.ராதா சந்தேகம்

மதுரை: மதுரை விமான நிலையத்தில் பத்திரிகையாளர்களிடம் மத்திய அமைச்சர் பொன்.ராதாகிருஷ்ணன் கூறியதாவது: கச்சத்தீவை மீட்பது தமிழர்களின் உரிமை. கச்சத்தீவை மீட்க மத்திய அரசு நடவடிக்கை எடுக்கும். அதேநேரத்தில், கச்சத்தீவை மீட்பது மட்டும் தமிழர்களின் பிரச்னைக்கு தீர்வாக அமையாது.

மீனவர்களின் போராட்டத்தில் அரசியல் கட்சிகள் கலந்து கொண்டு நிலைமையை மேலும் மோசமடைய செய்யக்கூடாது. அரசியல் கட்சிகள் மோசமான விளையாட்டை விளையாடி வருகின்றன.
போராட்டக்காரர்களுக்கு அரசியல் கட்சி தலைவர்கள் ஆதரவு அளிப்பது மோசமான விளைவை ஏற்படுத்தும். கொல்லப்பட்ட மீனவருக்கு நிதியுதவி வழங்குவது குறித்து ஆலோசனை நடந்து வருகிறது.

போராட்டக்காரர்கள் போர்வையில் பயங்கரவாதிகள் ஊடுருவியுள்ளதாக சந்தேகம் வருகிறது. பயங்கரவாதிகள் ஊடுருவல் குறித்து ஜல்லிக்கட்டு போராட்டத்தின் போது எச்சரிக்கை விடுத்தேன். இவ்வாறு அவர் பேசினார்.

English Summary:

Madurai Airport pon, the Minister told the press, said that the rights of innocent and unarmed Tamils reclaiming. The federal government will take action to recover the innocent and unarmed. At the same time, as a solution to the problem of the Tamils should not only restore innocent and unarmed. 

Read More

செம்மரம் கடத்த முயன்ற 174 தமிழர்கள் கைது

விஜயவாடா: ஆந்திர மாநிலம் சேஷாசலம் வனப்பகுதியில் செம்மரம் வெட்டி கடத்த முயன்ற 174 தமிழர்கள் கைது செய்யப்பட்டனர். கடப்பா மாவட்டம் காஜூப்பேட்டையில் 16 தமிழர்கள் கைது செய்யப்பட்டனர். அவர்கள் அளித்த தகவல் அடிப்படையில் லங்கமல்லா என்ற இடத்தில் 156 தமிழர்கள் கைது செய்யப்பட்டனர். அவர்களிடமிருந்து 10 டன் செம்மரம், 2 வாகனங்கள் பறிமுதல் செய்யப்பட்டன. கைது செய்யப்பட்டவர்கள், திருவண்ணாமலை, விழுப்புரம் உள்ளிட்ட மாவட்டங்களை சேர்ந்தவர்கள் என தெரியவந்துள்ளது. தொடர்ந்து அவர்களிடம் விசாரணை நடைபெற்று வருகிறது.

Read More

ஆட்சியை அகற்ற போராடுவோம்: ஸ்டாலின்

சென்னை: அதிமுக ஆட்சி அகன்றால் தான் அநியாயம் அகற்றப்படும் என்றால், அதையும் அகற்ற போராடுவோம் என தி.மு.க., செயல் தலைவர் ஸ்டாலின் கூறியுள்ளார்.

இது தொடர்பாக அவர் வெளியிட்ட அறிக்கை: வரும் 13ம் தேதி போராட்ட முழக்கங்கள் ஓங்கி ஒலிக்கட்டும். ரேசன் கடைகளில் நிலவும் அநியாயங்களை அகற்றிட போராடுவோம். இந்த ஆட்சி அகன்றால்தான் அநியாயம் அகற்றப்படும் என்றால் அதையும் அகற்ற போராடுவோம். ரேசன் கடைகள் செயல்பாடுகளை அதிமுக அரசு சீர்குலைத்து விட்டது.
வறுமையில் வாடும் மக்களை பட்டினியில் தள்ளும் நிலை ஏற்பட்டுள்ளது. மக்களின் உணவு தேவையை பூர்த்தி செய்ய நடவடிக்கை எடுக்கவில்லை. ரேசன் கடைகளில் உணவு பொருட்கள் இருப்பதாக அமைச்சர்கள் கூறுவது உண்மைக்கு மாறானது. இவ்வாறு ஸ்டாலின் கூறியுள்ளார்.

English Summary:

Chennai: AIADMK regime were to be removed, but if it's wrong, and he will fight to eliminate the DMK leader MK Stalin said act. 

Read More

ராஜ்யசபா நாள் முழுவதும் ஒத்திவைப்பு; லோக்சபாவில் அ.தி.மு.க., அமளி

புதுடில்லி: பார்லிமென்ட் பட்ஜெட் கூட்டத்தொடரின் 2வது அமர்வு இன்று கூடியது. இன்று கூடியதும் முன்னாள் உறுப்பினர்கள் மறைவுக்கு இரங்கல் தெரிவிக்கப்பட்டது. பின்னர் அவர்களுக்கு அஞ்சலி தெரிவிக்கும் வகையில் ராஜ்யசபா நாள் முழுவதும் ஒத்திவைக்கப்பட்டது.

லோக்சபாவில் தமிழக மீனவர்கள் பிரச்சனை:

லோக்சபா நடைபெற்று வருகிறது. அ.தி.மு.க., உறுப்பினர்கள் லோக்சபாவில் தமிழக மீனவர்கள் மீதான இலங்கை படையினரின் தாக்குதல் குறித்து விவாதிக்க வேண்டும் என குரல் எழுப்பினர்.கேள்வி நேரம் முடிந்த பின்னர் விவாதிக்கலாம் என சபாநாயகர் சுமித்ரா மகாஜன் கூறினார்.

இந்தியர்கள் மீது தாக்குதல்:

அமெரிக்காவில் இந்தியர்கள் மீது இனவெறி தாக்குதல் நடப்பது குறித்து விவாதிக்க வேண்டும் என காங்., உறுப்பினர்கள் எழுப்பினர். முழு விவரம் பெற்று வருகிறோம். அடுத்த வாரத்தில் அறிக்கை தாக்கல் செய்வோம் என உள்துறை அமைச்சர் ராஜ்நாத்சிங் பதில் அளித்தார்.

Read More

இன்று சர்வதேச பெண்கள் தினம்: ஜனாதிபதி பிரணாப் முகர்ஜி வாழ்த்து

மார்ச் : இன்று சர்வதேச பெண்கள் தினத்தையொட்டி ஜனாதிபதி பிரணாப் முகர்ஜி வாழ்த்து தெரிவித்துள்ளார். இந்தியாவின் முன்னேற்றத்திற்கு நாட்டு பெண்கள் அளப்பெரிய தொண்டுகளை புரிந்துள்ளனர் என்று பெண்களை வெகுவாக பாராட்டியுள்ளார்.

இன்று உலகம் முழுவதும் பெண்கள் சர்வதேச தினம் கொண்டாடப்படுகிறது. இதனையொட்டி ஜனாதிபதி பிரணாப் முகர்ஜி வாழ்த்து செய்தியை வெளியிட்டுள்ளார். அந்த வாழ்த்து செய்தியில் இந்தியாவின் முன்னேற்றத்திற்கு நமது நாட்டு பெண்கள் அளப்பெரிய தொண்டுகளை புரிந்ததோடு தங்களை அர்ப்பணித்துள்ளனர் என்று தெரிவித்துள்ளார்.

வாழ்த்துக்கள்: 

இன்று சர்வதேச பெண்கள் தினத்தையொட்டி இந்திய பெண்மணிகளுக்கும் வெளிநாட்டு பெண்களுக்கும் எனது வாழ்த்துக்களை மனமாற தெரிவித்துக்கொள்கிறேன். பெண்கள் அதிகாரம் பெறுவதற்கும் நாட்டை முன்னேற்றம் அடையச் செய்வதிலும் பெண்கள் அதிக அளவு பங்கு பெறுவதற்கு வழிவகை செய்யும் வகையில் நாட்டில்   சட்டத்திருத்தங்கள் செய்யப்பட்டுள்ளதோடு சட்டங்களும் இயற்றப்பட்டுள்ளன. பெண்கள் தங்களுடைய ஆசைபாசைகளை நிறைவேற்றிக்கொள்வதற்கும் அவர்கள் பாதுகாப்புக்காகவும் நாம் அனைத்து உதவிகளையும் செய்ய வேண்டும். சமுதாயத்தில் பெண்கள் கன்னியமாகவும் சமுத்துவமாகவும் வாழ்வது அவர்களது உரிமையாகும்.

நாட்டில் பெண் குழந்தையாக இருந்தால் கருவிலேயே அழிப்பதை அடியோடு தடுத்து நிறுத்த வேண்டும். மேலும் பெண் குழந்தைகள்  கல்வி பெற அனைத்து வசதிகளையும் செய்து கொடுக்க வேண்டும். இந்திய நாட்டு பெண்கள் தங்களுடைய ஈவு இரக்கத்தாலும் கடுமையான உழைப்பாலும் பொறுமையாலும் நாட்டின் முன்னேற்றத்திற்கும் வளர்ச்சிக்கும் பெரும் பங்காற்றி வருகிறார்கள். பெண்களுக்கு சமத்துவம் அளிப்பதிலும் அதிகாரம் அளிப்பதிலும் இந்திய மக்கள் மீண்டும் உறுதி செய்ய வேண்டும். இவ்வாறு அந்த வாழ்த்து செய்தியில் ஜனாதிபதி பிரணாப் முகர்ஜி தெரிவித்துள்ளார். 

Read More