சுப்ரீம் கோர்ட் உத்தரவுக்கு நீதிபதி கர்ணன் எதிர்ப்பு

புதுடில்லி: எனது வாழ்க்கையையும், பதவியையும் கெடுக்கவே, சுப்ரீம் கோர்ட் உத்தரவிட்டுள்ளதாக, கோல்கட்டா ஐகோர்ட் நீதிபதி கர்ணன் கூறியுள்ளார்.

ஆஜரில்லை:

சென்னை ஐகோர்ட் நீதிபதியாக இருந்த கர்ணன், கோல்கட்டா ஐகோர்ட் நீதிபதியாக இடமாற்றம் செய்யப்பட்டார். அங்கு, அவர், பிரதமர் அலுவலகம், சட்டத்துறை அமைச்சகம், உச்ச நீதிமன்ற தலைமை நீதிபதி உள்ளிட்டோருக்கு புகார் கடிதங்களை அனுப்பினார். இதனை சுப்ரீம் கோர்ட் தாமாக முன்வந்து கோர்ட் அவமதிப்பு வழக்காக பதிவு செய்து விசாரணை செய்து வருகிறது. இந்த வழக்கில் ஆஜராக கர்ணனுக்கு இரண்டு முறை உத்தரவிடப்பட்டது. ஆனால், அவர் ஆஜராகவில்லை.

உத்தரவு:

இந்நிலையில், இந்த வழக்கு இன்று தலைமை நீதிபதி கேஹர் மற்றும் நீதிபதிகள் தீபக் மிஸ்ரா, செலமேஸ்வர், ரஞ்சன் கோகாய், மதன் பி லோகூர், பினாகி சந்திரகோஸ், குரியன் ஜோசப் பெஞ்ச் முன்பு விசாரணைக்கு வந்தது. அப்போது கர்ணனுக்கு எதிராக ஜாமினில் வெளிவரக்கூடிய வாரன்ட் பிறப்பித்து நீதிபதிகள் உத்தரவிட்டனர். கர்ணன் 10 ஆயிரம் ரூபாய் மதிப்பிலான ஆவணத்தை செலுத்த நீதிபதிகள் உத்தரவிட்டனர்.

விசாரணையில்லை:

பத்திரிகையாளர்களிடம் கர்ணன் கூறியதாவது: பிடிவாரன்ட் தொடர்பாக ஜனாதிபதியிடம் முறையிடுவேன். வாரன்ட்டை மறுபரிசீலனை செய்ய வேண்டும் என கோரிக்கை விடுப்பேன். வாரன்ட் பிறப்பித்த சுப்ரீம் கோர்ட்டிற்கு எதிராக உத்தரவு பிறப்பிப்பேன். சென்னை ஐகோர்ட் நீதிபதிகள் சட்டவிரோத செயல்களில் ஈடுபடுவதாக பிரதமரிடம் புகார் தெரிவித்தேன். முக்கியத்துவம் வாய்ந்த பிரச்னை தொடர்பாக சென்னை ஐகோர்ட் நீதிபதிகளுக்கு எதிராக பிரதமரிடம் புகார் தெரிவித்தேன். புகார் தொடர்பாக எந்தவித ஆலோசனை, விசாரணையில்லாமல் எனக்கு எதிராக சுப்ரீம் கோர்ட் தாமாக முன்வந்து விசாரணை நடத்துகிறது. நான் தலித்தாக இருப்பதால் எனக்கு நெருக்கடி ஏற்படுகிறது. எனது வாழ்க்கையையும், பதவியையும் கெடுக்கவே தன்னிச்சையாக உத்தரவு பிறப்பிக்கப்பட்டுள்ளது. இவ்வாறு அவர் கூறினார்.

Read More

திருகோணமலையில் டெங்கு காய்ச்சலுக்கு மேலும் ஒருவர் உயிரிழப்பு

திருகோணமலை மாவட்டத்தில் டெங்கு காய்ச்சலின் தாக்கம் பெருமளவில் அதிகரித்து வரும் நிலையில் கிண்ணியாவைச் சேர்ந்த பெண்ணொருவர் இன்று திருகோணமலை அரசினர் மருத்துவமனையில் உயிரிழந்துள்ளார் இந்த நிலையில் கிண்ணியா பிரதேசத்தில் டெங்குநோயால் உயிரிழந்தோர் எண்ணிக்கை ஆறாக உயர்ந்துள்ளது.

கிண்ணியா மாஞ்சோலைச்சேனையைச் சேர்ந்த ரியாத் நஸீபா என்பவரே இன்று அதிகாலை டெங்கு நோயின் தர்க்கத்தினால் உயிரிழந்துள்ளார்.

இந்த நிலையில் டெங்கு தாக்கம் பாடசாலை மாணவர் மத்தியில் அதிகரித்து வரும் வேளை தனியார் கல்வி நிலையங்களில் பிரத்யேக கல்வி வகுப்புகள் என்பன தற்காலிகமாக இரண்டு வாரங்களுக்கு இடைநிறுத்தப்பட்டுள்ளன.

இந்த நிலைலில் சுகாதாரப் பகுதியினர் மற்றும் பல்கலைக்கழக மாணவர்கள் இணைந்து துதி-திருகோணமலை நகரம் கிண்ணியா மற்றும் அதனை அடுத்துள்ள பகுதிகளில் வீதியோர வடிகான்கள் மற்றும் வீடு வீடாகவும் சென்று கொசு பரவும் சூழல் உள்ளதா என கண்காணித்து வருகின்றனர். கொசு பரவம் சூழல் காணப்படும் வீட்டு உரிமையாளர்கள் தனியார் நிறுவங்களின் உரிமையாளர்கள் மற்றும் ஏனையோர் வசிக்கும் இடங்களில் கொசு பரவும் சூழல் காணப்படின் சம்பந்தப்பட்டோர் மீது சட்ட நடவடிக்கை எடுப்பதற்கான ஏற்பாடுகளும் மேற்கொள்ளப்பட்டு வருகின்றன

இதேவேளை திருகோணமலை அரசினர் பொது மருத்துவ மனையில் தினமும் அதிக அளவிலான டெங்கு நோயாளிகள் சிகிச்சைக்கென வரும் நிலையில் இதற்கான உதவிகளை தனியார் நிறுனங்கள் ஆலய நிர்வாகங்கள் மற்றும் தனியார் தொண'டு நிறுவனங்களிடமிருந்தும் பெறுவதற்கான ஏற்பாடுகளை மேற்கொள்ளப்போவதாகவும் வைத்தியசாலை பணிப்பாளர் அனுஷியா ராஜ்குமார் தெரிவித்துள்ளார்.

இதேவேளை டெங்கு நோய் தொடர்பான விழிப்புணர்வினை ஏற்படுத்துதற்கான வீதி நாடகங்களை நடத்தவும் ஏற்பாடுகள் மேற்கொள்ளப்பட்டு வருகின்றன.

Read More

பேறு கால விடுப்பு 26 வாரங்களாக அதிகரிப்பு; நாடாளுமன்றத்தில் மசோதா நிறைவேறியது

மகப்பேறு சீர்திருத்த மசோதா 2016, மார்ச் 9 ஆம் தேதி வியாழக்கிழமை இந்திய நாடாளுமன்றத்தில் நிறைவேற்றப்பட்டுள்ளது. பணிபுரியும் பெண்களுக்கு தற்போது இருகின்ற 12 வார பேறு கால விடுமுறையை, முதல் இரண்டு குழந்தைகளுக்கு மட்டும் 26 வாரங்களாக இந்த மசோதா அதிகரித்துள்ளது.

மகப்பேறு சீர்திருத்த மசோதா 2016 மாநிலங்களவையில் கடந்த குளிர்கால கூட்டத்தொடரின்போது நிறைவேற்றப்பட்டிருந்த நிலையில், வியாழக்கிழமை இந்த மசோதா மக்களவையில் நிறைவேற்றப்பட்டுள்ளது.

தமிழகத்தில் மகப்பேறு கால விடுப்பு 9 மாதங்களாக அதிகரிப்பு

தமிழக அரசு ஊழியர்களுக்கு மகப்பேறு கால விடுப்பு உயர்வுக்கு அரசு ஊழியர் சங்கங்கள் வரவேற்பு

மகப்பேறு சீர்திருத்த மசோதா 2016 - முக்கிய அம்சங்கள்

•பணிபுரியும் பெண்களுக்கு தற்போது இருக்கின்ற 12 வார மகப்பேறு விடுமுறை இனிமேல் முதல் இரண்டு குழந்தைகளுக்கு 26 வாரங்களாக அதிகரிப்பு.

•இரண்டு குழந்தைகளுக்கு மேலான மகப்பேறு விடுமுறை தற்போதைய 12 வாரங்களாகவே தொடரும்.

•3 மாதங்களுக்கு குறைந்த குழந்தையை தத்து எடுக்கின்ற
தாய்மாருக்கும், "உரிமை தாய்"-க்கும் மகப்பேறு விடுப்பு 12 வாரங்களாக இருக்கும். "உரிமை தாய்" என்பவர் தன்னுடைய கரு முட்டையை இன்னொரு பெண்ணின் கருப்பையில் வைத்து வளர்த்தெடுக்கும் உயிரியல் தாய் என வரையறுக்கப்படுகிறார்.

•50-க்கு மேலான தொழிலாளர்கள் பணிபுரியும் எல்லா நிறுவனங்களிலும், பணிபுரியும் தாய்மாருக்கு குழந்தைகள் பராமரிப்பு வசதிகள் வழங்கப்பட வேண்டும். தன்னுடைய குழந்தையை பராமரிக்கவும், குழந்தைகள் பராமரிப்பு இடத்தில் குழந்தைக்கு பாலூட்டவும் இத்தகைய தாய்மார்களுக்கு பணி நேரத்தின்போது நான்கு முறை அனுமதி வழங்கப்பட வேண்டும்.

இந்தியாவில் மகப்பேறு விடுப்பு இரட்டிப்பாகிறது

தமிழக அரசு ஊழியர்களுக்கு மகப்பேறு கால விடுப்பு உயர்வுக்கு அரசு ஊழியர் சங்கங்கள் வரவேற்பு

•வீட்டிலிருந்து பணிபுரிய அனுமதிக்க முடியும் என்றால், வேலைக்கு அமர்த்துவோர் அவ்வாறு அனுமதி வழங்கலாம்.

•பணி நியமனம் வழங்கும் நேரத்தில் இருந்து எல்லா நிறுவனங்களும் இத்தகைய வசதிகளை பெண்களுக்கு உருவாக்கி கொடுக்க வேண்டும்.

இந்தியாவிலுள்ள இலட்சக்கணக்கான பெண்களின் கோரிக்கையை ஏற்றுக்கொண்டு, இந்த மசோதாவை நாடாளுமன்றத்தின் இரு அவைகளிலும் ஒப்புதல் பெற்றுள்ள மத்திய தொழிலாளர் நலம் மற்றும் வேலைவாய்ப்பு துறை அமைச்சர் பண்டாரு தத்தாத்ரேயாவுக்கு, பெண்கள் மற்றும் குழந்தைகள் வளர்ச்சி துறை அமைச்சர் மேனகா காந்தி நன்றி தெரிவித்திருக்கிறார்.

பணிபுரியும் பெண்களுக்கு விடுத்த செய்தியில், குழந்தை பெற்றுக்கொள்ள திட்டமிடும் பெண்களுக்கு வாழ்த்துக்கள் தெரிவித்திருக்கும் அவர், பெண்கள் மற்றும் குழந்தைகள் வளர்ச்சி துறை அமைச்சகம் பெண்களுக்கு அதிகாரம் வழங்கப்படுவதற்கான பணிகளை தொடரும் என்று தெரிவித்திருக்கிறார்.

குழந்தை பெற்றுகொள்ளும் தாய்மார், மகப்பேற்றுக்கு பின்னர் 6 மாதங்கள் தாய் பாலூட்ட தேவையான அவகாசம் கிடைக்கும் வகையில், தொழிலாளர் நலத்துறை அமைச்சரிடம், பெண்கள் மற்றும் குழந்தைகள் வளர்ச்சி துறை அமைச்சர் வைத்த வேண்டுகோளை தொடர்ந்து இந்த சீர்திருத்தங்கள் கொண்டுவரப்பட்டுள்ளன.

செல்லா நோட்டு நெருக்கடியில் பிறந்த குழந்தை உ.பி பிரசார மையத்தில்
குழந்தை பெற்றெடுத்த தாய் பணிக்கு மீண்டும் திரும்புவதற்கு முன்னால், தன்னை முழுமையாக பழைய இயல்பு நிலைமைக்கு மீட்டெடுக்கவும் இந்த கால அவகாசம் உதவும்.

உரிமைத் தாய் மற்றும் தத்து எடுக்கும் தாய்மாருக்கும் மகப்பேறு விடுப்பு அளிக்கப்படுவது தேவை என்பதை பெண்கள் மற்றும் குழந்தைகள் வளர்ச்சி துறை அமைச்சர் தொழிலாளர் நலத்துறை அமைச்சரிடம் தெரிவித்திருந்தது குறிப்பிடத்தக்கது.

Read More

கூட்டணி பற்றி சிந்திக்கவில்லை: பகுஜன் சமாஜ் தகவல்

லக்னோ: மாயாவதியுடன் கூட்டணி அமைக்க தயாராக உள்ளதாக அகிலேஷ் கூறியுள்ள நிலையில், தற்போதைக்கு கூட்டணி குறித்து சிந்திக்கவில்லை என பகுஜன் சமாஜ் கட்சி வட்டாரங்கள் கூறியுள்ளன.
உ.பி., கருத்துக்கணிப்பில் பா.ஜ.,வுக்கு சாதகமாக உள்ளன. இதனையடுத்து அதிர்ச்சியடைந்த அகிலேஷ் யாதவ், பா.ஜ., ஆட்சிக்கு வருவதை தடுக்க, தேவைப்பட்டால், பகுஜன் சமாஜ் கட்சியுடன் கூட்டணி அமைப்போம் எனக்கூறியிருந்தார்.திரிணாாமுல் மறுப்பு : இந்நிலையில், பகுஜன் சமாஜ் கட்சி வட்டாரங்கள் கூறியதாவது: தற்போதைய நிலையில், ஓட்டு எண்ணிக்கை முடிவுக்காக காத்திருக்கிறோம். யாருடனும் கூட்டணி அமைப்பது பற்றி தற்போது சிந்திக்கவில்லை. இவ்வாறு தெரிவித்தன. இதனிடையே, மாயாவதி மற்றும் அகிலேசுடன் மம்தா பேச்சு நடத்துவதாக வெளியான தகவலை திரிணமுல் மறுத்துள்ளது. யாருடனும் மம்தா பேசவில்லை எனவும் அக்கட்சி வட்டாரங்கள் தெரிவித்தன.

English summary:

Lucknow: Akhilesh said it is ready to form an alliance with Mayawati, the Bahujan Samaj Party, for now, sources said they were not thinking of the coalition. 

Read More

கருத்துக்கணிப்பால் பீதி; மாயாவதியுடன் கூட்டணிக்கு தயாராகிறார் அகிலேஷ்

லக்னோ: கருத்துக்கணிப்புகள் அனைத்தும் பா.ஜ.,வுக்கு சாதகமாக வந்துள்ள நிலையில், உ.பி.,யில் தேவைப்பட்டால் மாயாவதியுடன் கூட்டணி அமைக்க தயாராக உள்ளதாக மாநில முதல்வர் அகிலேஷ் யாதவ் கூறியுள்ளார்.

உ.பி., சட்டசபைக்கு 7 கட்டங்களாக தேர்தல் நடைபெற்று முடிந்துள்ளது. தேர்தல் பிரசாரத்தின் போது, மாயாவதி, முலாயமை விமர்சனம் செய்தார். ஆனால், அகிலேஷை பற்றி அவ்வளவாக விமர்சிக்கவில்லை. இந்நிலையில், நேற்று மாலை தேர்தலுக்கு பிந்தைய கருத்துக்கணிப்புகள் வெளியிடப்பட்டன. இதில் மாநிலத்தில் பா.ஜ.,வுக்கு 190 முதல் 211 தொகுதிகள் வரை கிடைக்கும் என தெரியவந்துள்ளது.

விரும்பவில்லை:

இந்நிலையில், முதல்வர் அகிலேஷ் யாதவ் கருத்துக்கணிப்பு தொடர்பாக கூறுகையில், நான் எப்போதும் பகுஜன் சமாஜ் கட்சியை மரியாதையுடன் நடத்தி வந்துள்ளேன். இதனால், அவர்களிடம் உதவி கேட்பது இயற்கையானது தான். மாநிலத்தில் சமாஜ்வாதி - காங்கிரஸ் கூட்டணி நிச்சயம் ஆட்சியை பிடிக்கும் என்ற நம்பிக்கை உள்ளது. ஜனாதிபதி ஆட்சி அமைந்தால், மாநிலத்தை பா.ஜ., பின்புறவாசல் வழியாக ஆட்சி செய்யும். இதனை மக்கள் விரும்பவில்லை. இவ்வாறு அவர் கூறினார்.

ஆட்சி:

இதற்கு கண்டனம் தெரிவித்துள்ள பா.ஜ.,வின் ஓம் மாத்தூர், கடந்த 6 மாதங்களாக முதல்வர் அகிலேஷ் யாதவ் தொடர்ந்து தனது நிலையை மாற்றி வருகிறார். உ.பி.,யில் பா.ஜ., மூன்றில் இரண்டு பங்கு மெஜாரிட்டியுடன் ஆட்சியமைக்கும். அனைத்து தேர்தல் கணிப்புகளும் இதனையை தெரிவிக்கின்றன. இவ்வாறு அவர் கூறினார்.

English summary:

Lucknow: BJP surveys of all, as has been favored, UP, Mayawati, if necessary with the Chief Minister Akhilesh Yadav has said it is ready to form a coalition. 

Read More

மல்லையாவுக்கு இறுகுது பிடி; மத்திய அரசு அதிரடி

புதுடில்லி: பிரிட்டனில்தங்கியுள்ள மல்லையாவை நாடு கடத்தி கொண்டு வர நடவடிக்கை எடுக்கப்பட்டுள்ளதாக மத்திய அரசு சுப்ரீம் கோர்ட்டில் தெரிவித்துள்ளது.

எஸ்.பி.ஐ., உட்பட, 17 வங்கிகளிடம் வாங்கிய, 6,000 கோடி ரூபாய் கடன் மற்றும் வட்டியுடன் சேர்த்து, 9,000 கோடி ரூபாயை, பிரபல தொழிலதிபர் விஜய் மல்லையா பாக்கி வைத்துள்ளார். அந்தக் கடனை மீட்க,சுப்ரீம் கோர்ட்டை வங்கிகள் அணுகிய நிலையில், பிரிட்டனின் லண்டன் நகருக்கு, மல்லையா தப்பிச் சென்றார்.

இந்நிலையில் சுப்ரீம் கோரட்டில் எஸ்.பி.ஐ., தொடர்ந்த வழக்கு விசாரணைக்கு வந்தது. மத்திய அரசின் சார்பில் ஆஜரான அட்டார்னி ஜெனரல் முகுல் ரோத்தகியிடம், மல்லையாவை நாடு கடத்தி கொண்டு வர மேற்கொள்ளப்பட்ட நடவடிக்கை என்ன? மல்லையா சொத்துகளின் உண்மையான பட்டியலை சுப்ரீம் கோர்ட்டில் தாக்கல் செய்தாரா? உள்ளிட்ட கேள்விகள் கேட்கப்பட்டன.

இதற்கு பதிலளித்த ரோத்முகி, மல்லையாவை இந்தியாவுக்கு நாடு கடத்தி கொண்டு வர, பிரிட்டன் அரசுக்கு மத்திய அரசு கடிதம் எழுதியுள்ளது எனத் தெரிவித்தார்.

Read More

பிரசவ கால விடுப்பை 26 வாரமாக உயர்த்தும் மசோதா லோக்சபாவில் நிறைவேற்றம்

புதுடில்லி: பெண்களின் பிரசவ கால விடுப்பை 26 வாரமாக உயர்த்தும் சட்ட மசோதா பார்லி., லோக் சபாவில் நேற்று நிறைவேற்றப்பட்டது.

அரசு, தனியார் மற்றும் பொதுத்துறைகளில் பணியாற்றும் பெண்கள் தங்கள் முதல் இரு குழந்தைகளுக்கான பிரசவ காலத்திற்காக 12 வாரங்கள் விடுமுறை அளிக்க வேண்டும் என்ற சட்டம் நடைமுறையில் உள்ளது. இந்த பிரசவ கால விடுப்பை அதிகரிக்க செய்ய எழுந்த கோரிக்கையை அடுத்து 12 வாரமாக இருந்த விடுமுறை 26 வாரமாக மாற்றியமைக்கப்பட்டது.

லோக்சபாவில் நிறைவேற்றம்:

இந்த சட்ட திருத்தம் கடந்த டிசம்பர் மாதம் நடந்த பார்லி., கூட்ட தொடரின் போது ராஜ்யசபாவில் நிறைவேற்றப்பட்டது. தொடர்ந்து நேற்று நடந்த லோக்சபாவில் இந்த தீர்மானத்தை தொழிலாளர் நலத்துறை அமைச்சர் பண்டா தத்தாத்ரேயா கொண்ஐ வந்தார். மன்ற உறுப்பினர்களின் விவாத்திற்கு பின் இந்த தீர்மானம் நிறைவேற்றப்பட்டதாக அறிவிக்கப்பட்டது.
இந்த சட்டம் 10க்கும் மேற்பட்ட தொழிலாளர்களை கொண்டுள்ள நிறுவனத்திற்கு பொருந்தும், இதனால் நாட்டில் உள் ள 18 லட்சம் பெண் தொழிலாளர்கள் பயன்பெறுவார்கள்.

Read More