இடம் பெயரும் கடல் பறவைகள்

ராமேஸ்வரம்: தனுஷ்கோடி பகுதியில் தற்போது கடும் வெயிலினால் வெப்பம் அதிகரித்துள்ளது. இதனால் கடல் காவாய் பறவைகள் இடம் பெயர்ந்து செல்கின்றன.

இடம் பெயரும் கடல் பறவைகள்:

தனுஷ்கோடி பகுதியில் தற்போது கடும் வெயிலால் வெப்பம் அதிகரித்துள்ளதால் இங்கிருந்து நூற்றுக்கணக்கான கடல் காவாய் பறவைகள் பாம்பன் தென்கடல் பகுதியில் தீவுகளையொட்டிய கடலோரத்திற்கு இடம் பெயர்ந்துள்ளது.

சுற்றுலா பயணிகள் மகிழ்ச்சி:

கூட்டமாக பறவைகள் பறந்து திரிவதை குந்துகால் விவேகானந்தர் நினைவு மண்டபம் பகுதிக்கு வரும் சுற்றுலா பயணிகள் பார்த்து மகிழ்கின்றனர்.

Read More

ஆர்.கே.நகர் இடைதேர்தல்: ஏப். 12 பொது விடுமுறை

சென்னை: சென்னை ஆர்.கே. நகர் தொகுதிக்கு ஏப்.12-ம் தேதி இடைத்தேர்தல் நடக்கிறது. இதையொட்டி ஏப்.12--ம் தேதி ஆர்.கே. தொகுதிக்குட்பட்ட பகுதிகளுக்கு மட்டும் பொது விடுமுறை அளித்து உத்தரவிடப்பட்டுள்ளது. இது தொடர்பாக அறிவிப்பை தலைமை செயலாளர்வெளியிட்டார்.

Read More

இரட்டை இலையை முடக்க யார் காரணம்: பழனிசாமி

சென்னை: ஆர்.கே.நகர் தொகுதி இடைத்தேர்தலில் தினகரனை வெற்றி பெற செய்ய வேண்டும் என முதல்வர் இடைப்பாடி பழனிசாமி பேசினார்.

தேர்தல் பிரசாரத்தின் போது முதல்வர் பழனிசாமி பேசியதாவது, இரட்டை இலையை முடக்க யார் காரணம் என்பதை மக்கள் எண்ணி பார்க்க வேண்டும். மறைந்த ஜெயலலிதா இடத்தை நிரப்பவே ஆர்.கே.நகர் தொகுதியில் தினகரன் போட்டியிடுகிறார். ஜெயலலிதா அறிவித்த திட்டங்களை தொடர்ந்து நிறைவேற்ற அ.தி.மு.க. அம்மா அணி வேட்பாளரான தினகரனை வெற்றி பெற செய்ய வேண்டும். இவ்வாறு அவர் பேசினார்.

Read More

பிரிட்டன் பார்லி. அருகே தாக்குதலுக்கு: ஐ.எஸ்.பொறுப்பேற்பு

லண்டன்: லண்டன் நகரில் உள்ள வெஸ்ட் மின்ஸ்டர் பாலம் அருகே, மர்ம மனிதன் துப்பாக்கியால் சுட்டதில் 4 பேர் பலியாயினர் 12 பேர் காயம் அடைந்தனர். சுதாரித்த போலீசார் அவன் மீது நடத்திய துப்பாக்கிச் சூட்டில், அவன் பலியானான். பாலத்திற்கு மிக அருகில், அந்நாட்டு பார்லிமென்ட் அமைந்துள்ளதால், துப்பாக்கிச் சூடு சத்தம் கேட்டதும், பார்லிமென்ட் ஊழியர்கள் பீதியடைந்தனர். இதையடுத்து, அப்பகுதியில் உடனடியாக போலீசார் குவிக்கப்பட்டனர். இ்ந்நிலையில் இத்தாக்குதலுக்கு பயங்கரவாத அமைப்பான ஐ.எஸ். பொறுப்பேற்றுள்ளது. மேலும் பிரிட்டன் போலீசார் விசாரணை நடத்தி தாக்குதலுக்கு தொடர்புள்ளதாக 8 பேரை கைது செய்துள்ளனர்.

Read More

டிவி நிகழ்ச்சிகளில் பங்கேற்பு ஏன்: அமைச்சர் சித்து விளக்கம்

சண்டிகர்: எனது குடும்பத்தை நடத்துவதற்காக டிவி நிகழ்ச்சிகளில் தோன்றி வருவதாக பஞ்சாப் அமைச்சர் சித்து கூறியுள்ளார்.முன்னாள் கிரிக்கெட் வீரரான சித்து, தனியார் டிவியில் நிகழ்ச்சி ஒன்றை நீண்ட நாட்களாக நடத்தி வருகிறார். பஞ்சாபில் அமைச்சராக பதவியேற்ற பின்னரும் அந்த நிகழ்ச்சியில் சித்து கலந்து கொண்டார்.. இது குறித்து முதல்வர் அம்ரீந்தர் சிங் சட்ட வல்லுநர்களிடம் கருத்து கேட்டார்.இது குறித்து விளக்கமளித்த சித்து கூறியதாவது: அம்ரீந்தர் செய்வது எப்போதும் சரியாக இருக்கும். எனது குடும்பத்தை நடத்துவதற்காகவும், அவர்கள் தேவைகளை நிறைவேற்றுவதற்காகவும் டிவி நிகழ்ச்சியில் தோன்றி வருகிறேன் என்றார்

Read More

சேகர் ரெட்டியிடம் 5 நாள் விசாரணை: அமலாக்கத்துறை மனு

சென்னை: சேகர் ரெட்டி, சீனிவாசலு, பிரேம் குமார் ஆகியோரை 5 நாள் காவலில் எடுத்து விசாரணை நடத்த அனுமதி வழங்க வேண்டும் எனக்கூறி அமலாக்கத்துறையினர், சென்னை மாவட்ட முதன்மை நீதிமன்றத்தில் மனு தாக்கல் செய்துள்ளனர். சட்ட விரோத பணப்பரிமாற்றம் செய்தது தொடர்பாக சேகர் ரெட்டி உள்ளிட்ட 3 பேர் கைது செய்யப்பட்டு சிறையில் அடைக்கப்பட்டனர். அவர்களை ஜாமினில் விடுதலை செய்ய கோர்ட் உத்தரவிட்டது. ஜாமினில் வெளிவந்த 3வது நாள் மீண்டும் அவர்கள் கைது செய்யப்பட்டு சிறையில் அடைக்கப்பட்டனர்.

Read More

தமிழகத்திற்கு வறட்சி நிவாரண நிதியாக ரூ.1,748 கோடி ஒதுக்கீடு

புதுடில்லி: தமிழகத்திற்கு வறட்சி நிவாரண நிதியாக ரூ.1,748.28 கோடி ஒதுக்கீடு செய்யப்பட்டுள்ளதாக மத்திய வேளாண்துறை அமைச்சர் ராதாமோகன் கூறியுள்ளார்.தமிழகத்தில் கடுமயைான வறட்சி நிலவுகிறது. இதற்காக ரூ.39,565 கோடி நிவாரண நிதியாக வழங்க வேண்டும் என தமிழக அரசு கோரிக்கை விடுத்தது. தொடர்ந்து மத்திய குழு தமிழகத்தில் ஆய்வு நடத்தியது. தொடர்ந்து மத்திய அரசிடம் தனது அறிக்கையை சமர்ப்பித்தது. தமிழகத்திற்கு ரூ.2,096.80 கோடி வழங்க வேண்டும் என பரிந்துரை செய்திருந்தது.

Read More