தர்மசாலா: இந்திய டெஸ்ட் அணியில் ஸ்ரேயாஸ் ஐயர் சேர்க்கப்பட்டுள்ளார். இந்தியா ஆஸ்திரேலியா அணிகளுக்கு இடையே டெஸ்ட் போட்டிகள் நடைபெற்று வருகின்றன. 4-வது போட்டி தரம்சாலாவில் நடக்கிறது. முன்னதாக நடந்த டெஸ்ட் போட்டியில் விளையாடிய விராட் கோலிக்கு தோள் பட்டையில் ஏற்பட்ட காயம் காரணமாக போட்டியிலிருந்து விலகினார். இதனையடுத்து அவருக்கு பதிலாக ஸ்ரேயாஸ் ஐயர் சேர்க்கப்பட்டுள்ளார். Friday 24 March 2017
இந்திய அணியில் ஸ்ரேயாஸ் ஐயர் சேர்ப்பு
தர்மசாலா: இந்திய டெஸ்ட் அணியில் ஸ்ரேயாஸ் ஐயர் சேர்க்கப்பட்டுள்ளார். இந்தியா ஆஸ்திரேலியா அணிகளுக்கு இடையே டெஸ்ட் போட்டிகள் நடைபெற்று வருகின்றன. 4-வது போட்டி தரம்சாலாவில் நடக்கிறது. முன்னதாக நடந்த டெஸ்ட் போட்டியில் விளையாடிய விராட் கோலிக்கு தோள் பட்டையில் ஏற்பட்ட காயம் காரணமாக போட்டியிலிருந்து விலகினார். இதனையடுத்து அவருக்கு பதிலாக ஸ்ரேயாஸ் ஐயர் சேர்க்கப்பட்டுள்ளார். 3 சிறுமிகள் பாலியல் பலாத்காரம் ஆசிரியர், மாணவர்கள் 4 பேர் கைது
திருநெல்வேலி:மூன்றாம் வகுப்பு மாணவியை பாலியல் பலாத்காரத்தில் ஈடுபடுத்திய பள்ளி மாணவர்கள் இருவர் கைது செய்யப்பட்டனர்.திருநெல்வேலி மாவட்டம் சிவகிரியை அடுத்துள்ள கீழகரிசல்குளத்தில் உள்ள துவக்கப்பள்ளி
ஒன்றில் அதே ஊரைச்சேர்ந்த எட்டுவயது சிறுமி மூன்றாம் வகுப்பு பயின்றுவந்தார். அதே ஊரைசேர்ந்த மூன்றுமாணவர்கள்.மூவரும் 16, 17 வயதுடையர்கள். இருவர் ராயகிரியில் உள்ள பள்ளியில் 9ம் வகுப்பும், ஒரு மாணவன்பிளஸ் 2 பயில்கின்றனர். கீழகரிசல்குளத்தில் அந்த சிறுமியிடம் கடந்த சில தினங்களாக பாலியல் ரீதியாக பலாத்காரத்தில் ஈடுபட்டுள்ளனர். இதுகுறித்து சிறுமி, பெற்றோரிடம் தெரிவித்தார். பெற்றோர் புகாரின் பேரில் மாணவர்கள் இருவர் கைதுசெய்யப்பட்டு சிறுவர் கூர்நோக்கு இல்லத்தில் அடைக்கப்பட்டனர். ஒரு சிறுவனை தேடிவருகின்றனர்.
8 மாத கர்ப்பம்..!:
நெல்லை மாவட்டம் சேர்ந்தமரம் அருகே சில தினங்களுக்கு முன்பு 13 வயது சிறுமியை பக்கத்துவீட்டில் வசிக்கும்14 வயது சிறுவன் பாலியல் பலாத்காரத்தில் ஈடுபட்டான். விஷயம் வீட்டுக்கு தெரியவில்லை.தற்போது அச்சிறுமி எட்டு மாத கர்ப்பமாக உள்ளார். நெல்லை அரசு மருத்துவக்கல்லூரி மருத்துவமனையில்பிரசவத்திற்காக அனுமதிக்கப்பட்டுள்ளார். இந்த சம்பவம் குறித்து சமூகநலத்துறை பணியாளர் புகாரின் பேரில் 14 வயது சிறுவன் கைது செய்யப்பட்டான்.
தலைமையாசிரியர் கைது:
நெல்லை மாவட்டம் ராதாபுரம் அருகே உள்ள ஒரு கிராமத்தில் துவக்கப்பள்ளி தலைமையாசிரியர் நம்பிராஜன் 49.இவர் அங்கு பயிலும் ஐந்தாம் வகுப்பு சிறுமிகளுக்கு பாலியல் தொல்லை கொடுத்துள்ளார்.
சமூகநலத்துறை பணியாளர் புகாரின் பேரில் தலைமையாசிரியர் கைது செய்யப்பட்டார்.
நெல்லையில் கடந்த மூன்று நாட்களில் சிறுமிகளுக்கு நேர்ந்த பாதிப்பில் நான்கு பேர் கைது செய்யப்பட்டுள்ளதுகுறிப்பிடத்தக்கது.
பாக். தேசிய தினம்: வாழ்த்து கடிதம் அனுப்பினார் மோடி
புதுடில்லி: பாகிஸ்தானின் தேசிய தினம் இன்று ( 23-ம் தேதி) கொண்டாடப்படுகிறது. இது தொடர்பாக பிரதமர் நரேந்திர மோடி , பாக்.பிரதமர் நவாஸ் ஷெரீப்பிற்கு கடிதம் மூலம் வாழ்த்து செய்தி அனுப்பியுள்ளார். கடந்த ஜனவரி மாதம் இந்திய குடியரசு தின விழா கோலாகலமாக கொண்டாடப்பட்டது அப்போது இந்திய குடியரசு தினத்திற்கு தனது வாழ்த்து செய்தியை கடிதம் மூலம் இந்தியாவிற்கு அனுப்பினார் பாக். பிரதமர் நவாஸ் ஷெரீப்.முன்னதாக பாக். தேசிய தினம் டில்லியில் உள்ள பாக். தூதரகத்தில் கொண்டாடப்பட்டது. இவ்விழாவில் இந்தியா சார்பில் மத்திய அமைச்சர் எம்.ஜே. அக்பர் கலந்து கொண்டார்.
இடம் பெயரும் கடல் பறவைகள்
ராமேஸ்வரம்: தனுஷ்கோடி பகுதியில் தற்போது கடும் வெயிலினால் வெப்பம் அதிகரித்துள்ளது. இதனால் கடல் காவாய் பறவைகள் இடம் பெயர்ந்து செல்கின்றன.இடம் பெயரும் கடல் பறவைகள்:
தனுஷ்கோடி பகுதியில் தற்போது கடும் வெயிலால் வெப்பம் அதிகரித்துள்ளதால் இங்கிருந்து நூற்றுக்கணக்கான கடல் காவாய் பறவைகள் பாம்பன் தென்கடல் பகுதியில் தீவுகளையொட்டிய கடலோரத்திற்கு இடம் பெயர்ந்துள்ளது.
சுற்றுலா பயணிகள் மகிழ்ச்சி:
கூட்டமாக பறவைகள் பறந்து திரிவதை குந்துகால் விவேகானந்தர் நினைவு மண்டபம் பகுதிக்கு வரும் சுற்றுலா பயணிகள் பார்த்து மகிழ்கின்றனர்.
ஆர்.கே.நகர் இடைதேர்தல்: ஏப். 12 பொது விடுமுறை
சென்னை: சென்னை ஆர்.கே. நகர் தொகுதிக்கு ஏப்.12-ம் தேதி இடைத்தேர்தல் நடக்கிறது. இதையொட்டி ஏப்.12--ம் தேதி ஆர்.கே. தொகுதிக்குட்பட்ட பகுதிகளுக்கு மட்டும் பொது விடுமுறை அளித்து உத்தரவிடப்பட்டுள்ளது. இது தொடர்பாக அறிவிப்பை தலைமை செயலாளர்வெளியிட்டார்.இரட்டை இலையை முடக்க யார் காரணம்: பழனிசாமி
சென்னை: ஆர்.கே.நகர் தொகுதி இடைத்தேர்தலில் தினகரனை வெற்றி பெற செய்ய வேண்டும் என முதல்வர் இடைப்பாடி பழனிசாமி பேசினார்.தேர்தல் பிரசாரத்தின் போது முதல்வர் பழனிசாமி பேசியதாவது, இரட்டை இலையை முடக்க யார் காரணம் என்பதை மக்கள் எண்ணி பார்க்க வேண்டும். மறைந்த ஜெயலலிதா இடத்தை நிரப்பவே ஆர்.கே.நகர் தொகுதியில் தினகரன் போட்டியிடுகிறார். ஜெயலலிதா அறிவித்த திட்டங்களை தொடர்ந்து நிறைவேற்ற அ.தி.மு.க. அம்மா அணி வேட்பாளரான தினகரனை வெற்றி பெற செய்ய வேண்டும். இவ்வாறு அவர் பேசினார்.
பிரிட்டன் பார்லி. அருகே தாக்குதலுக்கு: ஐ.எஸ்.பொறுப்பேற்பு
லண்டன்: லண்டன் நகரில் உள்ள வெஸ்ட் மின்ஸ்டர் பாலம் அருகே, மர்ம மனிதன் துப்பாக்கியால் சுட்டதில் 4 பேர் பலியாயினர் 12 பேர் காயம் அடைந்தனர். சுதாரித்த போலீசார் அவன் மீது நடத்திய துப்பாக்கிச் சூட்டில், அவன் பலியானான். பாலத்திற்கு மிக அருகில், அந்நாட்டு பார்லிமென்ட் அமைந்துள்ளதால், துப்பாக்கிச் சூடு சத்தம் கேட்டதும், பார்லிமென்ட் ஊழியர்கள் பீதியடைந்தனர். இதையடுத்து, அப்பகுதியில் உடனடியாக போலீசார் குவிக்கப்பட்டனர். இ்ந்நிலையில் இத்தாக்குதலுக்கு பயங்கரவாத அமைப்பான ஐ.எஸ். பொறுப்பேற்றுள்ளது. மேலும் பிரிட்டன் போலீசார் விசாரணை நடத்தி தாக்குதலுக்கு தொடர்புள்ளதாக 8 பேரை கைது செய்துள்ளனர்.
Posts
