தேச விரோத கோஷம் போட்டால் அடி

ஆரா : பா.ஜ., - எம்.பி.,யும், முன்னாள் மத்திய உள்துறை செயலருமான, ஆர்.கே.சிங், சொந்த தொகுதியான, பீஹார் மாநிலம், ஆராவில் செய்தியாளர்களுக்கு அளித்த பேட்டி: நாட்டின் பல பகுதிகளில், அவ்வப்போது, தேச விரோத கோஷங்களை சிலர் எழுப்புகின்றனர். தேச விரோத கருத்துக்கள் ஆபத்தானவை; இதை சகித்துக் கொள்ள முடியாது.

நாட்டிற்கு எதிராக பேசினால், வாய் மூடி பார்த்துக் கொண்டு இருக்க மாட்டோம். இந்தியாவிற்கு எதிராக கோஷமிட்டால், அவர்களை அடித்து உதைப்போம். இவ்வாறு அவர் கூறினார். அவரது பேச்சு, சர்ச்சையை ஏற்படுத்தி உள்ளது.

Read More

தேர்தல் வெற்றிக்காக பிரதமர் மோடிக்கு டிரம்ப் வாழ்த்து

வாஷிங்டன்: சட்டசபை தேர்தலில் வெற்றி பெற்றதற்காக பிரதமர் மோடிக்கு, அமெரிக்க அதிபர் டிரம்ப் தொலைபேசி மூலம் வாழ்த்து தெரிவித்தார்.

உ.பி., கோவா, பஞ்சாப், மணிப்பூர் மற்றும் உத்திரகண்ட் ஆகிய 5 மாநிலங்களில் நடைபெற்ற சட்டசபை தேர்தலில், பஞ்சாப் தவிர்த்து 4 மாநிலங்களில் வெற்றி பெற்ற பா.ஜ., ஆட்சியை பிடித்தது. இந்நிலையில் சட்டசபை தேர்தலில் வெற்றி பெற்றதற்காக, அமெரிக்க அதிபர் டிரம்ப், பிரதமர் நரேந்திர மோடியை தொலைபேசியில் தொடர்பு கொண்டு வாழ்த்து தெரிவித்தார். இத்தகவலை வெள்ளை மாளிகை வெளியிட்டுள்ளது.

Read More

மனநல மருத்துவ மசோதா லோக்சபாவில் நிறைவேற்றம்

புதுடில்லி: மனநலம் பாதிக்கப்பட்டோர் தற்கொலைக்கு முயன்றால், அது குற்றமாகாது என்பது உள்ளிட்ட அம்சங்கள் அடங்கிய, மனநலம் பாதிக்கப்பட்டோர் நலனுக்கான, மனநல மருத்துவ மசோதா, லோக்சபாவில், நேற்று நிறைவேறியது. இந்த மசோதா, 134 திருத்தங்களுடன், ராஜ்யசபாவில், 2016, அக்டோபரில் நிறைவேறியது. இந்த மசோதாவின்படி, மனநலம் பாதிக்கப்பட்டோர் தற்கொலைக்கு முயன்றால், அது குற்றமாக கருதப்படாது. மேலும், இவர்களுக்கு மருத்துவ சிகிச்சை அளிக்கப்படுவது உரிமையாக்கப்படுகிறது.

Read More

தினகரன் மீது புகார் அளிக்க முடிவு: மைத்ரேயன்

சென்னை: பணப்பட்டுவாடா தொடர்பாக தினகரன் மீது தேர்தல் ஆணையத்திடம் புகார் அளிக்க பன்னீர் அணியினர் முடிவு செய்துள்ளனர்.

பணப்பட்டுவாடா:

இதுதொடர்பாக பன்னீர் அணியை சேர்ந்த மைத்ரேயன் தெரிவிக்கையில், ஆர்.கே.நகரில் அமைச்சர்கள் மூலம் டி.டி.வி.தினகரன் பணப்பட்டுவாடா செய்கிறார். இதுகுறித்து தேர்தல் ஆணையத்திடம் புகார் அளிக்க உள்ளோம். டில்லியில் இன்று (மார்ச்,28) மதியம் 12 மணி அளவில் புகார் அளிக்க முடிவு செய்யப்பட்டுள்ளது. இவ்வாறு அவர் தெரிவித்தார்.

இடைத்தேர்தல்:

ஏப்ரல் 12 ம் தேதி ஆர்.கே.நகர் இடைத்தேர்தல் நடைபெற உள்ளது. இதில் சசிகலா அணியிலிருந்து, அ.தி.மு.க., அம்மா கட்சி சார்பில் டி.டி.வி.தினகரனும், பன்னீர் அணியிலிருந்து அ.தி.மு.க. புரட்சி தலைவி அம்மா கட்சி சார்பில் மதுசூதனன் போட்டியிடுவது குறிப்பிடத்தக்கது.

Read More

எம்.ஜி.ஆர் அம்மா தீபா பேரவை தேர்தல் அறிக்கை

ஆர்.கே.நகர்: ஆர்.கே. நகர் இடைத் தேர்தலில் போட்டியிடும் எம்.ஜி.ஆர் அம்மா தீபா பேரவை தனது தேர்தல் அறிக்கையினை வெளியிட்டுள்ளது.

வாக்குறுதிகள்:

மாணவர்கள் பயன்பெறும் வகையில் இலவச ஐஏஎஸ் பயிற்சி மையங்கள் அமைக்கப்படும். கொருக்குப்பேட்டையில் புதிதாக சுரங்க வழிப்பாதை ஏற்படுத்தி தரப்படும், பெண்களுக்கு இலவச தையல் பயிற்சி அளிக்கப்பட்டு இலவச தையல் மிஷின்கள் வழங்கப்படும். மீனவர்களுக்கு மானிய விலையில் படகுகள் மற்றும் உபகரணங்கள் வழங்கப்படும். மகளிர் சுயஉதவிக் குழுக்களுக்கு கடன் உதவி வழங்கப்படும். தண்டையார்பேட்டை சுற்றுவட்டார பகுதிகளில் குடிநீர் வசதி ஏற்படுத்தி தரப்படும். இவ்வாறு எம்.ஜி.ஆர் அம்மா தீபா பேரவை தேர்தல் அறிக்கை வெளியிட்டுள்ளது

Read More

மோகன் பாகவத்தை ஜனாதிபதி ஆக்க சிவசேனா விருப்பம்

புதுடில்லி:ஆர்.எஸ்.எஸ். தலைவர் மோகன் பாகவத்தை ஜனாதிபதி ஆக்கவேண்டும் என்பதை கருத்தில் எடுத்துக் கொள்ளவேண்டும் என சிவசேனா கூறிஉள்ளது.

ஜனாதிபதி பிரணாப் முகர்ஜியின் பதவிக்காலம் 2017- ஜூலை இறுதியில் நிறைவடைகிறது. அதற்கு முன்பாக அந்த பதவிக்கு தேர்தல் நடத்தப்படுகிறது. இந்த நிலையில், பா.ஜ., சார்பில் ஜனாதிபதி பதவிக்கான வேட்பாளரை தேர்வு செய்யவும், தேர்தல் குறித்து வியூகம் வகுப்பதில் பா.ஜ., மும்மரமாக உள்ளது. இதற்கான நடவடிக்கையில் பிரதமர் மோடி இறங்கி உள்ளார். இந்நிலையில், தேசிய ஜனநாயக கூட்டணியில் அங்கம் வகிக்கும் அனைத்து கட்சி தலைவர்களுக்கும் மோடி அடுத்த வாரம் டில்லியில் இரவு விருந்து அளிக்கிறார்.

உத்தவ் தாக்கரேவுக்கு அழைப்பு:

இவ்விருந்தில், கலந்து கொள்ளுமாறு சிவசேனா தலைவர் உத்தவ் தாக்கரேக்கும் அழைப்பு விடுக்கப்பட்டிருக்கிறது. இதனை ஏற்று உத்தவ் தாக்கரே, இந்த விருந்தில் பங்கேற்பார் என்று சிவசேனா வட்டாரங்கள் தெரிவித்துள்ளன. ஜனாதிபதி பதவிக்கு பா.ஜ., மூத்த தலைவர் அத்வானி, லோக்சபா சபாநாயகர் சுமித்ரா மகாஜன் மற்றும் மத்திய வெளியுறவு அமைச்சர் சுஷ்மா சுவராஜ் ஆகியோரது பெயர்கள் அடிபடுகின்றன. இந்நிலையில் ஆர்.எஸ்.எஸ். தலைவர் மோகன் பாகவத்தை ஜனாதிபதி ஆக்கவேண்டும் என்பதை கருத்தில் எடுத்துக் கொள்ளவேண்டும் என சிவசேனா தெரிவித்துள்ளது.

Read More

2017-ல் குறைவாகவே தென்மேற்கு பருவ மழை பெய்யும் - ஸ்கைமெட் தகவல்

புதுடில்லி: 2017ல் தென்மேற்கு பருவமழை, தென்னிந்தியாவில் சராசரிக்கும் குறைவாகவே மழை பெய்யும் என்று தனியார் வானிலை அறிவிப்பு மையம் ஸ்கைமெட் அறிக்கை விடுத்துள்ளது.

விவசாயம் பாதிப்பு:

கடந்த ஆண்டு (2016) நாட்டின் பல பகுதிகளில் தென்மேற்கு பருவமழை குறைவாக இருந்ததால் விவசாயம் கடுமையாக பாதிக்கப்பட்டது. கடந்த 1951 முதல் 2000 வரையிலான இடைப்பட்ட வருடங்களில் நாட்டில் சராசரி தென்மேற்கு மழை 89 செ.மீ., ஆக இருந்தது. இந்தாண்டு (2017) நாட்டின் தென்மாநிலங்களில் 89 செ.மீ,., க்கும் குறைவாகவே மழை பெய்யும் என்று ஸ்கைமெட் அறிவித்துள்ளது.

வடமாநிலங்களில் நல்ல மழை:

தென் மாநிலங்களான தமிழகம், கேரளா, ஆந்திரா, கர்நாடகா போன்றவற்றில் இந்தாண்டு சராசரிக்கும் குறைவாகவே தென்மேற்கு பருவமழை பெய்ய வாய்ப்புள்ளது. இருப்பினும் மகாராஷ்டிரா, ஹரியானா, குஜராத், மேற்கு வங்க மாநிலங்களில், நல்ல மழை பெய்ய வாய்ப்புள்ளது, இவவாறு ஸ்கைமெட் தனியார் வானிலை அறிவிப்பு மையம் மேலும் தனது அறிக்கையில் தெரிவித்துள்ளது.

Read More