பிரேசில் அதிபர் போல்சனாரோவுக்கு கொரோனா .. முககவசம் அணிந்தவாறு அறிவித்தார்..!

பிரேசில் அதிபர் போல்சனாரோவுக்கு கொரோனா தொற்று உறுதிப்படுத்தப்பட்டுள்ளது. செய்தியாளர்கள் மத்தியில் இத்தகவலை முககவசம் அணிந்தவாறு போல்சனாரோ அறிவித்தார். கொரோனா தொற்று அதிகரித்தபோதும் முகக்கவசம் அணியாமல் பொது இடங்களுக்கு வருவதை பிரேசில் அதிபர் வழக்கமாக வைத்திருந்தார். 3 முறை கொரோனா பரிசோதனை செய்து கொண்ட போல்சனாரோவுக்கு 3 முறையும் சாதகமான முடிவே கிடைத்திருந்தது. இந்நிலையில்தான் காய்ச்சல், உடல் வலி என பாதிக்கப்பட்டு தற்போது கொரோனா தொற்றாளராக மாறியுள்ளார் பிரேசில் அதிபர். கொரோனாவை தடுக்க உலக நாடுகள் அனைத்தும் பொது முடக்கத்தை பிரதான ஆயுதமாக கையிலெடுத்த நிலையில் அதற்கு முரணான நிலைப்பாட்டை எடுத்து உலகத்தையே திரும்பிப் பார்க்க வைத்தார் போல்சனாரோ. கொரோனாவுக்கு பொது முடக்கம் தீர்வல்ல என்றும் கொரோனா தொற்றை விட பொது முடக்கம்தான் அதிக பாதிப்புகளை தரும் எனவும் போல்சனாரோ தெரிவித்திருந்தார். போல்சனாரோவின் இந்த கருத்துடன் உடன் படாத சுகாதாரத்துறை அமைச்சர்கள் இருவர் ஒருவர் பின் ஒருவராக பதவி விலகினர். முன்னதாக கொரோனாவை போல்சனாரோ அலட்சியமாக கையாள்வதாக கடுமையான புகார்கள் எழுந்திருந்தன. உலகிலேயே கொரோனா பாதிப்பில் முன்னணியில் உள்ள நாடுகளில் ஒன்றான பிரேசிலில் அதன் அதிபருக்கே கொரோனா வந்துள்ளது அதிர்ச்சியை ஏற்படுத்தியுள்ளது. இதனிடையே, கொரோனா தொற்றால் பாதிக்கப்பட்டுள்ள பிரேசில் அதிபர் ஜெயிர் போல்சனரோ வைரஸ் பாதிப்பில் இருந்து விரைவில் குணமடைய பிரதமர் மோடி வாழ்த்து தெரிவித்துள்ளார்.
http://dlvr.it/RbCRhV

Read More

அமேசானுடன் ஒப்பந்தம். கேனு ரீவ்ஸுடன் மேட்ரிக்ஸ் 4.. அதிரடி காட்டும் நடிகை பிரியங்கா சோப்ரா

கேனு ரீவ்ஸ் நடிக்கும் மேட்ரிக்ஸ் 4 படத்தில் நடிகை பிரியங்கா சோப்ரா இணைந்துள்ளதாக செய்திகள் வெளியாகியுள்ளன 2000-ஆம் ஆண்டு உலக அழகி பட்டத்தை வென்றவர் பிரியங்கா சோப்ரா. அதற்குப் பிறகு திரையுலகில் தமிழ் படம் மூலமாக கால்பதித்தார். நடிகர் விஜய்க்கு ஜோடியாக தமிழன் திரைப்படத்தில் நடித்தார். பின்னர் அவர், பாலிவுட்டில் நடிக்கத் தொடங்கி முன்னணி ஹீரோயினாக உயர்ந்தார். அதன்பின்னர் ஹாலிவுட் படங்களிலும் மற்றும் தொடர்களிலும் நடித்து வருகிறார். இவர் அங்கு நடிக்கும்போது, அமெரிக்க பாப் பாடகரும் நடிகருமான நிக் ஜோனாஸை காதலித்து திருமணம் செய்து கொண்டார். தற்போது அமெரிக்காவில் தங்கியுள்ள பிரியங்கா சோப்ரா ஹாலிவுட் படங்களில் தனது கவனத்தை செலுத்தி வருகிறார். இதனிடையே கேனு ரீவ்ஸ் நடிக்கும் லானா இயக்கும் மேட்ரிக்ஸ் 4 படத்தில் பிரியங்கா சோப்ரா நடிக்கவுள்ளதாகவும் அதற்கான படப்பிடிப்பில் அவர் கலந்துகொண்டுள்ளதாகவும் தகவல்கள் வெளியாகியுள்ளன. முன்னதாக கொரோனா காரணமாக மேட்ரிக்ஸ் 4 படப்பிடிப்பு நிறுத்தப்பட்டிருந்த நிலையில் தற்போது மீண்டும் தொடங்கப்பட்டுள்ளதாக தகவல்கள் வெளியாகியுள்ளன. பிரபல ஓடிடியான அமேசான் பிரைம் நிறுவனத்துடன் பல லட்சம் டாலர்கள் அளவிலான இரண்டு வருட ஒப்பந்தம் ஒன்றில் இணைந்துள்ளார். இது குறித்து பேசிய பிரியங்கா சோப்ரா, பெண்களுக்கு முக்கியத்துவம் தரும் கதைகளை எதிர்பார்க்கிறேன். உலகெங்கிலும் உள்ள படைப்பாளர்களுடன் இணைந்து பணியாற்ற ஆவலாக உள்ளேன். அமேசானுடன் உலக அளவிலான ஒப்பந்தம் செய்யப்பட்டிருப்பதால், ஆங்கிலம், இந்தி எந்த மொழியிலும் நான் நடிக்கலாம் எனத் தெரிவித்துள்ளார். அடுத்த மாத மின்கட்டணத்திற்கு சிறுநீரகத்தை விற்க வேண்டும் - நடிகரின் ட்வீட்!!
http://dlvr.it/RbCRgl

Read More

கேரளா:`நான் திரும்பிச் செல்ல விரும்பவில்லை!’ -நீதிமன்றத்தை நாடிய அமெரிக்கர்

கொரோனா வைரஸ் தொடர்பான ஊரடங்கால் உலகளவில் மக்கள் பலரும் தங்களது சொந்த நாடுகளுக்குத் திரும்ப முடியாமல் சிக்கித் தவித்து வருகின்றனர். தங்களை சொந்த நாடுகளுக்கு அனுப்ப உதவிகளைக் கோரியும் அரசாங்கங்களை வலியுறுத்தியும் வருகின்றனர். அரசாங்கங்களும் உரிய நடவடிக்கைகளை அவ்வப்போது எடுத்து வருகிறது. இந்த நிலையில், கேரளாவுக்கு வந்த அமெரிக்காவைச் சேர்ந்த சுற்றுலாப் பயணி ஒருவர் அமெரிக்காவுக்குத் திரும்ப செல்ல விருப்பம் இல்லை என்றும் கேரளாவிலேயே இருக்க விரும்புவதாகவும் தெரிவித்துள்ளார். இந்த விஷயம் பலரிடையேயும் ஆச்சர்யத்தை ஏற்படுத்தியுள்ளது.கேரளா அமெரிக்காவைச் சேர்ந்த 74 வயதான நபர் ஜானி பால் பியர்ஸ். கடந்த ஐந்து மாதங்களுக்கு முன்பு கேரளாவுக்கு வந்துள்ளார். இந்த ஐந்து மாதங்களும் அவருக்கு மறக்க முடியாத இதமான அனுமபவமாக இருந்ததால் தனது மீதமுள்ள வாழ்நாள் முழவதையும் கடவுளின் சொந்த தேசத்திலேயே கழிக்க விருப்பம் தெரிவித்துள்ளார். இதனால், தனது சுற்றுலா விசாவை பிசினஸ் விசாவாக மாற்ற கேரளாவின் உயர் நீதி மன்றத்தை அணுகியுள்ளார். இதுதொடர்பாக அவர் பேசும்போது, ``என்னுடைய தற்போதைய விருப்பம் ஐந்து ஆண்டுகளுக்கான பிசினஸ் விசாவைப் பெறுவதுதான்” என்று கூறியுள்ளார். சஜூ எஸ் நாயர் என்ற வழக்கறிஞர் மூலமாக அவர் நீதிமன்றத்தில் மனு அளித்துள்ளார். Also Read: வாகமன்... அக்கம் பக்கம் யாருமில்லா பூலோகத்துக்கு ஒரு டூர்! ஊர் சுத்தலாம் வாங்க...! இந்தியாவில் குடியுரிமைப் பெறுவதற்கு எளிதான வழி இங்குள்ள ஒருவரை திருமணம் செய்து கொள்வதுதான் என்று தொடர்ந்து பேசும் ஜானி, ``ஆனால், எனக்கு 74 வயதாகிவிட்டது. எனவே, இந்த வாய்ப்பை நான் கடந்துவிட்டேன்” என்று தெரிவித்துள்ளார். ஜானி தற்போது கேரளாவில் வெளிநாட்டினருக்கான மையம் ஒன்றை அமைத்து அங்குள்ள சுற்றுலாத் திறன் தொடர்பாக ஆராய திட்டமிட்டுள்ளதாகக் கூறப்படுகிறது. அமெரிக்காவில் கொரோனா வைரஸ் கடுமையாகப் பரவி வருகிறது. இந்த வயதில் அங்கு செல்வது ஆபத்தானது என்ற ஜானி, ``கேரளாவை மிகவும் நேசிக்கிறேன். நான் கேரளாவில் அதிக பாதுகாப்புடன் இருக்கிறேன். இந்த மாநிலம் முழுவதும் 25 பேர் மட்டும்தான் வைரஸ் தொற்றுக்கு பலியாகியுள்ளனர். நான் அமெரிக்காவுக்கு திரும்பிச் செல்ல விரும்பவில்லை. இங்கேயே அமைதியாக வாழ விரும்புகிறேன்” என்றும் குறிப்பிட்டுள்ளார்.கேரளா தொடர்ந்து பேசிய ஜானி, ``வாகமன் பகுதியில் ரிசார்ட் ஒன்றைத் தேடி வருகிறேன். கொரோனா பாதிப்பு இல்லாத பகுதியில் இருக்கும் அறைகளைக் கண்டுபிடிப்பேன் என நம்புகிறேன். வாகமன் என்னைப் பொறுத்தவரை மிகவும் சரியான பகுதி. கூட்டமான பகுதிகளில் இருந்து தொலைவில் இருக்க விரும்புகிறேன். என்னுடைய இந்திய நண்பர் ராஜேஷிடம், ஒரு திரைப்படத்தைத் தயாரிப்பது தொடர்பாகப் பேசி வருகிறேன். அவர் ஒரு திரைக்கதை ஆசிரியர். எனவே, அதற்கான தயாரிப்பு பணிகளில் ஈடுபட்டு வருகிறோம்” என்றும் கூறியுள்ளார். ஜானி, கடந்த பிப்ரவரி 26-ம் தேதி சுற்றுலா விசாவில் இந்தியா வந்துள்ளார். தற்போது, எர்ணாகுளம் பகுதியில் தங்கியுள்ளார். ஊரடங்கு அறிவிக்கப்பட்ட பின்னர் அவர் இங்கே சிக்கியுள்ளார். சுற்றுலா பயணியாக இந்தியாவுக்கு ஐந்தாவது முறையாகப் பயணம் வந்துள்ளார். இந்திய அரசின் விதிமுறைகளின்படி சுற்றுலா விசா 180 நாள்கள் மட்டுமே செல்லுபடியாகும். அவரது விசா ஆகஸ்ட் மாதம் 24-ம் தேதி அன்று காலாவதியாக உள்ளது என்பது குறிப்பிடத்தக்கது. Also Read: கேரளா: `தங்கம் கடத்தல் வழக்கில் அதிகாரிகளுக்கு வந்த அழைப்பு?’ -மாற்றப்பட்ட முதல்வரின் செயலர்
http://dlvr.it/RbBqK2

Read More

கொரோனா வைரஸ் காற்றில் பரவுமா? ஆய்வு செய்யும் உலக சுகாதார அமைப்பு

கொரோனா வைரஸ் காற்றில் பரவும் என்ற ஆய்வாளர்களின் புதிய அறிக்கையை ஆய்வு செய்து வருவதாக உலக சுகாதார அமைப்பு தெரிவித்துள்ளது. கொரோனா வைரஸ் காற்றில் பரவும் என்பதை ஆதாரப்பூர்வமாக கண்டறிந்து 32 நாடுகளைச் சேர்ந்த 239 ஆய்வாளர்கள் உலக சுகாதார அமைப்பிற்கு கடிதம் எழுதியுள்ளனர். அதில், கொரோனா பாதித்த நபர் தும்மும் போதும் இருமும் போதும் கண்ணுக்கு தெரியாத அவரது எச்சில் நுண்துகள்கள் மூலமாக, வைரஸ் பரவி மற்றவர்களுக்கு பாதிப்பை விளைவிக்கக் கூடும் என்றும், காற்றோட்டம் குறைவான இடங்களில் எளிதில் பரவும் என்றும் குறிப்பிட்டுள்ளனர். கொரோனா வைரஸ் காற்றின் மூலம் பரவக்கூடிய நோய் என அறிவிக்க வேண்டும் என்றும் ஆய்வாளர்கள் வலியுறுத்தி உள்ளனர். நெய்வேலி என்எல்சியில் விபத்து: உயிரிழப்பு 13 ஆக உயர்வு  இந்நிலையில் கொரோனா வைரஸ் காற்றில் பரவுமா என்பது குறித்து நிபுணர்கள் உதவியுடன் மதிப்பாய்வு செய்து வருவதாக உலக சுகாதார அமைப்பின் செய்தித் தொடர்பாளர் தாரிக் ஜசரேவிக் தெரிவித்துள்ளார். ஆய்வாளர்களின் கருத்து உண்மை என நிரூபிக்கப்பட்டால், இதுதொடர்பான எச்சரிக்கையை மக்களுக்கு வழங்குவது மிகக்கடினம் என்றும் தாரிக் குறிப்பிட்டுள்ளார்.
http://dlvr.it/Rb6zVG

Read More

தமிழகத்தில் மேலும் கொரோனா வைரஸ் பாதிப்பால் 61 பேர் உயிரிழந்தனர். தமிழகத்தில் கொரோனா வைரஸ் பாதிப்பு 1,14,978-ஐ எட்டியுள்ளது. இன்று ஒரே நாளில் […]

Read More

தமிழகத்தில் மேலும் 61 கொரோனா மரணம் : அதிகபட்சமாக சென்னையில் 30..!

தமிழகத்தில் மேலும் கொரோனா வைரஸ் பாதிப்பால் 61 பேர் உயிரிழந்தனர். தமிழகத்தில் கொரோனா வைரஸ் பாதிப்பு 1,14,978-ஐ எட்டியுள்ளது. இன்று ஒரே நாளில் […]
http://dlvr.it/Rb6xmR

Read More

மாஸ்டர் படத்தில் விஜய்க்கு நான் கொடூர வில்லன்......! விஜய் சேதுபதி

மாஸ்டர் படத்தில் வில்லனாக நடிக்கிறார் விஜய் சேதுபதி. விஜய் சேதுபதி பல படங்களில் ஹீரோவாக நடித்து வருகிறார். இதனால் மாஸ்டர் படத்தில் பாசிட்டிவ் கலந்த வில்லன் வேடத்தில் அவர் நடிப்பதாக தகவல் வெளியானது.

இதை சமூக வலைத்தளத்தில் அவர் மறுத்துள்ளார். ‘படத்தில் விஜய்க்கு எதிராக கொடூர வேலைகள் செய்யும் சைக்கோத்தனமான வில்லனாக நடிக்கிறேன். நல்லது செய்வது இருக்கட்டும், அதை நினைத்து கூட பார்க்காத வில்லன் வேடத்தில் நடிக்கிறேன்’ என்றார் விஜய் சேதுபதி.

Read More