மருமகனை திகைக்க வைத்த மாமியார் - அடேங்கப்பா 67 வகை உணவுகள்..!

ஆந்திராவில் மருமகனை வரவேற்க மாமியார் ஒருவர் 67 வகையான உணவு சமைத்திருப்பது சமூக வலைத்தளங்களில் பகிரப்பட்டு வருகிறது. சக்கரம்போல் ஓடும் உலகத்தில் உணவு என்பதெல்லாம் ஒரு ரெடிமேட் பொருளை போன்று ஆகிவிட்டது. சிறிய நிகழ்ச்சியாக இருந்தாலும், விருந்தாக இருந்தாலும் உடனே மக்கள் உணவகங்களை அணுகிவிடுகின்றனர். வாரக்கடைசி கொண்டாட்டங்கள் கூட லார்ஜ் பிஸ்ஸா, பக்கெட் பிரியாணி என மாறிவிட்டது. உறவினர்களை வரவேற்பதற்கு கூட கூல்கிரிங்ஸ் மற்றும் பேக்கிரிகளில் வாங்கப்பட்ட ஸ்வீட்களே பயன்படுத்தப்படுகின்றன. இதுதவிர ஸ்விக்கி, சொமோட்டோ, ஊபர் ஈட்ஸ் உள்ளிட்ட ஆன்லைன் உணவு டெலிவரி நிறுவனங்களின் வருகைக்குப் பின்னர் பலர் சமைப்பதையே குறைத்துவிட்டனர் என்று சொல்லலாம். ஆர்டர் செய்தால் அரை மணி நேரத்திற்குள் உணவு என்ற மனநிலைக்கு மக்கள் பழகிவிட்டனர். இந்நிலையில், வீட்டிற்கு வரும் உறவினரை எப்படி கவனிப்பது என்பதை உலகிற்கு உணர்த்தும் வகையில் ஆந்திரப் பெண் ஒருவர் தனது சமையல் கை வண்ணத்தால் அசத்திக் காண்பித்துள்ளார். தனது வீட்டிற்கு வரும் மருமகனை வரவேற்று 5 கட்டமாக உணவுப் பரிமாறுவதற்காக, அப்பெண் 67 வகையான உணவுகளை தயார் செய்துள்ளார். வரவேற்பு பானம் முதல் சாப்பிட்டு முடித்த பின் போட வேண்டிய பீடா வரை அவர் சமைத்துள்ளார். This lady has prepared a 67-item Andhra five-course lunch for her visiting son-in-law, consisting of a welcome drink, starters, chaat, main course and desserts! Wow! #banquet pic.twitter.com/Li9B4iNFvc— Ananth Rupanagudi (@rananth) July 8, 2020 இந்த தகவலை ஆனந்த் என்பவர் தனது ட்விட்டர் பக்கத்தில் பகிர்ந்துள்ளார். இதைக்கண்ட நெட்டிசன்கள் பலரும் பல்வேறு விதமான தகவல்களையும், கருத்துகளையும் பதிவிட்டு வருகின்றனர். மேலும் அவர் பதிவிட்ட வீடியோவை இதுவரை ஒரு லட்சத்திற்கும் மேற்பட்டோர் பார்வையிட்டுள்ளனர். 2.5க்கும் மேற்பட்டோர் லைக் செய்துள்ளனர். கழுத்தை இறுக்கிய ஊஞ்சல்.. தவறி விழுந்த பென்சில்.. : 2 சிறுமிகளின் துயரம்..!
http://dlvr.it/RbHMXY

Read More

கொரோனாவால் பாதிக்கப்பட்ட மூதாட்டி... தொட்டு தூக்க மறுத்த ஆம்புலன்ஸ் ஊழியர்கள்

சீர்காழி அருகே கொரோனா பாதிக்கபட்ட மூதாட்டியை ஆம்புலன்ஸ் ஊழியர்கள் தூக்காமல் அவரது குடும்பத்தினரே தூக்கி வந்து வாகனத்தில் ஏற்றிய சம்பவம் சர்ச்சையை ஏற்படுத்தியுள்ளது. மயிலாடுதுறை மாவட்டம் சீர்காழியை அடுத்த ஆலஞ்சேரி தெற்கு தெருவில் வசிக்கும் மூதாட்டிக்கு கடந்த சில நாட்களுக்கு முன் கீழே விழுந்ததால் காலில் பலத்த காயம் ஏற்பட்டது. இதைத்தொடர்ந்து, அவர் சீர்காழி அரசு மருத்துவனையில் 4 நாட்கள் தங்கி சிகிச்சை பெற்றார். பின்னர் அவர் வீடு திரும்பும் போது கொரோனா பரிசோதனை செய்யபட்டது. அதன் முடிவு இன்று வெளியான நிலையில் அவருக்கு கொரோனா தொற்று உறுதி செய்யப்பட்டது. இதனையடுத்து 108 ஆம்புலன்ஸ் வாகனத்துடன் வந்த பணியாளர்கள் கொரோனா தொற்றால் பாதிக்கபட்ட மூதாட்டியை தூக்காமல் அவரது குடும்பத்தினரை விட்டே தூக்கி வர சொல்லி வாகனத்தில் ஏற்றி சென்றுள்ளனர். பாதுகாப்பு உடை அணிந்து வந்த பணியாளர்கள் கொரோனா தொற்றால் பாதிக்கபட்டவரை தொட்டு தூக்காமல் அவரது வீட்டில் உள்ளவர்களை எவ்வித பாதுகாப்பு உபகரணங்களும் இல்லாமல் தூக்கி வர சொன்னது ஆலஞ்சேரி கிராம மக்களிடையே அச்சத்தை ஏற்படுத்தியுள்ளது. அந்த குடும்பத்தினர் அனைவரும் கொரோனா பரிசோதனை மேற்கொள்ளவும் தனிமைப்படுத்தி கொள்ளவும் அறிவுறுத்தபட்டுள்ளனர். மேலும் கிராம மக்கள் நலன் கருதி அந்த கிராமம் முழுவதும் கிருமிநாசினி ,பிளீச்சிங் பவுடர் தெளிக்கப்பட்டது.
http://dlvr.it/RbHMWg

Read More

காஷ்மீர் : `சைலன்சர் துப்பாக்கி; பாதுகாப்பு தோல்வி’ - குடும்பத்துடன் கொல்லப்பட்ட பா.ஜ.க தலைவர்

ஜம்மு காஷ்மீரின் பந்திப்போரா மாவட்டத்தின் பா.ஜ.க தலைவராக இருந்தவர் ஷேக் வாசிம் பாரி. இவரது குடும்பம் தன் வீட்டுக்கு அருகில் ஒரு கடை நடத்தி வந்துள்ளது. நேற்று இரவு வாசிம் பாரி, அவரின் தந்தை பஷீர் அகமது, சகோதரர் உமர் பஷீர் ஆகிய மூவரும் வழக்கம் போல் கடையிலிருந்துள்ளனர். அப்போது இரு சக்கர வாகனத்தில் அங்கு வந்த தீவிரவாதிகள், சைலன்சர் பொருத்தப்பட்ட துப்பாக்கிகள் கொண்டு மூவரையும் சரமாரியாகச் சுட்டுள்ளனர்.துப்பாக்கிசூடு இதனையடுத்து மூவரும் பந்திப்போரா அரசு மருத்துவமனைக்குச் சிகிச்சைக்காக அழைத்துச் செல்லப்பட்டுள்ளனர். ஆனால், துர்திஷ்டவசமாக மூவருமே சிகிச்சைப் பலனின்றி உயிரிழந்துள்ளனர். காஷ்மீரில் இரவு மக்கள் நடமாட்டம் இருக்கும் நேரத்தில் நடந்த இந்தத் தாக்குதல் இந்திய அளவில் பெரும் கவனம் பெற்றுள்ளது. பாஜக, காங்கிரஸ் மற்றும் உள்ளூர் கட்சியினர் போன்ற அனைவரும் வாஷிம் பாரி மற்றும் அவரது குடும்பத்தினர் உயிரிழப்புக்குக் கண்டனம் தெரிவித்துள்ளனர். வாசிம் பாரி எதற்காகக் குறிவைக்கப்பட்டார்? யார் அவரைக் கொலை செய்தது என்பது பற்றிய விசாரணை முடுக்கி விடப்பட்டுள்ளது. இதில் இன்னும் சோகமான விஷயம் என்னவென்றால், வாசிம் பாரியை பாதுகாக்க 7 பேர் அடங்கிய பாதுகாப்புப் படை நியமிக்கப்பட்டிருந்துள்ளது. ஆனால், நேற்று தாக்குதல் நடந்தபோது ஒரு காவலரும் சம்பவ இடத்தில் இல்லை. இந்த விவகாரத்தில் காவலர்களுக்கும் தொடர்பு இருக்கலாம் என்ற கோணத்தில் முதல் கட்ட விசாரணை தொடங்கியுள்ளதாகவும் அதனால் அவர்கள் 7 பேரும் கைது செய்யப்பட்டுள்ளதாகவும் தகவல் வெளியாகியுள்ளது.பாதுகாப்பு மேலும் வாஷிம் பாரியின் கடையிலிருந்து வெறும் 10 மீட்டர் தொலைவில்தான் அப்பகுதி காவல் நிலையமும் இருந்துள்ளது, ஆனால், அவர்களாலும் தாக்குதல் சம்பவத்தைத் தடுக்க முடியவில்லை. இந்தச் சம்பவம் தொடர்பாகப் பேசியுள்ள காஷ்மீர் ஐ.ஜி விஜய் குமார், “இந்தத் தாக்குதல் மற்றும் கொலை ஆகிய அனைத்தும் பெரிய பாதுகாப்பு தோல்வியாகப் பார்க்கப்படுகிறது. எனவே, அலட்சியமாகச் செயல்பட்டது, உயிரைப் பாதுகாக்கத் தவறியது ஆகிய குற்றங்களுக்காக அந்தக் காவலர்கள் மீது கடுமையான நடவடிக்கை எடுக்கப்படும்” என்று தெரிவித்துள்ளார். Also Read: `பயங்கரவாதிகள் தாக்குதலில் இருவர் உயிரிழப்பு!’ - உடல்மீது அமர்ந்து அழுத 3 வயது குழந்தை பா.ஜ.க முன்னாள் தலைவர் வாசிம் மற்றும் அவரது குடும்பத்தினரின் இறப்பு தொடர்பாகப் பேசியுள்ள பந்திப்போரா மாவட்ட மருத்துவர், ‘வாசிம் பாரி, அவரின் தந்தை, சகோதரர் ஆகிய மூவரும் தலையில் குண்டடிப்பட்டு இங்கு அழைத்து வரப்பட்டனர். ஆனால், இங்கு அனுமதிக்கப்பட்ட சில நிமிடங்களிலேயே மூவரும் உயிரிழந்துவிட்டனர். மிக அருகிலிருந்து அவர்களைத் தாக்கியுள்ளனர்” எனக் கூறியுள்ளார். பிரதமர் மோடி, நேற்று இரவு இந்தச் சம்பவம் தொடர்பாகத் தொலைபேசியில் விசாரித்ததாகவும், உயிரிழந்தவர்களின் குடும்பத்தினருக்கு தன் இரங்கலைத் தெரிவித்ததாகவும் மத்திய அமைச்சர் ஜிதேந்திர சிங் ட்விட்டரில் குறிப்பிட்டுள்ளார். We lost Sheikh Waseem Bari,his father & brother in Bandipora, J&K today in a cowardly attack on them.This is a huge loss for the party. My deepest condolences are with the family.The entire Party stands with the bereaved family. I assure that their sacrifice will not go in vain.— Jagat Prakash Nadda (@JPNadda) July 8, 2020 காஷ்மீர் தாக்குதல் சம்பவம் தொடர்பாக ட்விட்டரில் கருத்து பதிவிட்டுள்ள பாஜக தேசியத் தலைவர் ஜே.பி நட்டா, ``ஜம்மு - காஷ்மீரில் நடந்த கோழைத்தனமான தாக்குதலில் ஷேக் வாசிம் பாரி, அவரின் தந்தை, சகோதரரை நாம் இழந்துள்ளோம். இது பா.ஜ.க-வுக்கு மிகப்பெரிய இழப்பு. அவரை இழந்து வாடும் குடும்பத்தினருக்கு ஆழ்ந்த இரங்கலைத் தெரிவித்துக்கொள்கிறோம். அந்த துணிச்சல் மிக்க குடும்பத்துக்கு எப்போதும் பா.ஜ.க ஆதரவாகத் துணை நிற்கும். அவர்களின் தியாகம் வீண் போகாது” என்று குறிப்பிட்டுள்ளார்.
http://dlvr.it/RbGkT8

Read More

ஹைட்ராக்சிக்ளோரோக்வின்' மருந்து அரசியலாக்கப்படுகிறது: அமெரிக்கா கவலை

வாஷிங்டன்: ''இந்தியாவில், கொரோனா சிகிச்சைக்கு பயன்படும், 'ஹைட்ராக்சிக்ளோரோக்வின்' மருந்து, அமெரிக்காவில் அரசியலாக்கப்பட்டு, தடை செய்யப்பட்டிருப்பது வேதனை அளிக்கிறது,'' என, அமெரிக்க வெள்ளை மாளிகையின் வர்த்தக பிரிவு இயக்குனர் பீட்டர் நவரோ தெரிவித்துள்ளார்.

இது குறித்து, அவர் செய்தியாளர்களிடம் பேசியதாவது: மலேரியா தடுப்பு மருந்தான, ஹைட்ராக்சிக்ளோரோக்வின், 60 ஆண்டுகளுக்கு மேலாக பயன்பாட்டில் உள்ளது. இதை, இந்தியா கொரோனா சிகிச்சைக்குப் பயன்படுத்தி, இறப்பு விகிதத்தை குறைத்துள்ளது. ஆனால், இந்த மருந்தை, அமெரிக்காவில் சில ஊடகங்களும், மருத்துவத் துறையில் சில பிரிவினரும் அரசியலாக்கி விட்டனர். இந்த மருந்தினால் பக்க விளைவுகள் ஏற்படும் என, தேவையற்ற பீதியை கிளப்பி, டிரம்புக்கு எதிரான போராக மாற்றிவிட்டனர்.

இது ஆபத்தான மருந்து என்பது அபத்தமான வாதம். கொரோனா நோயாளிகளின், முதல் ஏழு நாட்கள் மிக முக்கியம். அப்போது, இந்த மருந்தை வழங்கினால், நுரையீரல் செல்களில், வைரஸ் பரவுவதை கட்டுப்படுத்தலாம். இந்த மருந்தை பயன்படுத்திய நோயாளிகளில், 50 சதவீதத்தினரின் இறப்பு தடுக்கப்பட்டுள்ளதை, ஜே.ஐ.டி., மருத்துவ இதழின் ஆய்வறிக்கை தெரிவிக்கிறது.

அதன் அடிப்படையில், சில தினங்களுக்கு முன், டெட்ராய்ட் மருத்துவமனையைச் சேர்ந்த மருத்துவர்கள், அவசர சிகிச்சைக்கு, ஹைட் ராக்சிக்ளோரோக்வின் மருந்தை பயன்படுத்த அனுமதி கோரி உள்ளனர். இந்த மருந்தால், இறப்பு விகிதம் குறைவது நிரூபணமானால், இந்த மருந்தின் பயன் குறித்து, அதிபர் டிரம்ப் கூறியது உண்மை என்பது தெரியவரும். அத்துடன், இந்த மருந்தை பயன்படுத்த தவறியதால், ஆயிரக்கணக்கானோரை பறி கொடுத்த தவறும் புரிய வரும். இவ்வாறு, அவர் பேசினார்.

Read More

திபெத் செல்ல அனுமதி மறுப்பா: சீனாவுக்கு அமெரிக்கா பதிலடி

வாஷிங்டன்: திபெத் செல்வதற்கு, அமெரிக்கர்களுக்கு சீனா தடை விதித்துள்ளது. இதற்கு பதிலடி கொடுக்கும் வகையில், இந்த விவகாரத்தில் தொடர்புடைய சீன அதிகாரிகள் உள்ளிட்டோர், அமெரிக்காவுக்குள் நுழைய விசா கட்டுப்பாடு விதிப்பதாக அறிவிக்கப்பட்டுள்ளது.



சீனாவின் தன்னாட்சி பகுதியாக, இமயமலை பிராந்தியத்தில் அமைந்துள்ள திபெத் விளங்குகிறது. இதற்கு முழு தன்னாட்சிக்கு கேட்டு நீண்ட காலமாக போராட்டங்கள் நடந்து வருகின்றன. ஹாங்காங்கைத் தொடர்ந்து, திபெத்தையும், தன் முழு கட்டுப்பாட்டுக்குள் கொண்டு வர, சீனா முயற்சித்து வருகிறது. இந்நிலையில், திபெத்துக்குள் நுழைய, அமெரிக்க அதிகாரிகள், பத்திரிகையாளர்கள், சுற்றுலா பயணியருக்கு சீனா, தடை விதித்துள்ளது.

ஏற்கனவே, 'கொரோனா' வைரஸ் பரவல், ஹாங்காங்கில் சீனாவின் அத்துமீறல் உள்ளிட்ட பிரச்னைகளால், சீனா மற்றும் அமெரிக்கா இடையே, கடும் மோதல் போக்கு இருந்து வருகிறது. தற்போது சீனா விதித்துள்ள தடைக்கு, அமெரிக்கா பதிலடி கொடுத்து உள்ளது. இது குறித்து, அமெரிக்க வெளியுறவுத் துறை அமைச்சர், மைக் போம்பியோ கூறியுள்ளதாவது:

திபெத்துக்குள் நுழைய அமெரிக்கர்களுக்கு தடை விதிக்கும் சீன அதிகாரிகள், அமெரிக்காவுக்குள் நுழைவதற்கு தடை விதிக்கும் வகையில், 2018 டிசம்பரில், அதிபர் டொனால்டு டிரம்ப் உத்தரவு பிறப்பித்தார். தற்போது அந்த சட்டத்தின்படி, திபெத்துக்குள் அமெரிக்கர்கள் நுழைவதற்கு தடை விதிக்கும் நடவடிக்கைகளில் தொடர்புடைய சீன அதிகாரிகள், அமெரிக்கா நுழைவதற்கு விசா கட்டுப்பாடு விதிக்கப்படுகிறது. திபெத்துக்கு, உண்மையான, நியாயமான தன்னாட்சி வழங்கப்பட வேண்டும் என்பதில், அமெரிக்கா உறுதியாக உள்ளது.

அனுமதி

திபெத்துக்குள் மற்ற நாடுகளைச் சேர்ந்தவர்கள் செல்வதற்கு அனுமதி வழங்க வேண்டியது, தற்போதைய சூழ்நிலையில் மிகவும் தேவையான ஒன்று. மனித உரிமை மீறல், சுற்றுச்சூழலை பாதுகாக்கத் தவறியது என, சீனா தொடர்ந்து குற்றங்களை செய்து வருகிறது. அதனால், திபெத்துக்குள் நுழைவதற்கு தடை விதிப்பதை ஏற்க முடியாது.இவ்வாறு, அவர் கூறினார்.

Read More

ஐ.நா., வரைவு அறிக்கையில் இந்திய முன்னுரிமைக்கு இடம்

நியூயார்க்; ஐ.நா.,வின், 75வது ஆண்டு விழாவுக்காக இறுதி செய்யப்பட்டுள்ள தீர்மானத்தின் வரைவு அறிக்கை, இந்தியாவின் இலக்குகள் மற்றும் முன்னுரிமைகளை பிரதிபலிக்கும் வகையில் அமைந்துள்ளது.ஐ.நா., எனப்படும் ஐக்கிய நாடுகள் பாதுகாப்பு கவுன்சிலின் தற்காலிக உறுப்பினராக இந்தியா, கடந்த மாதம் தேர்வாகியுள்ளது. இதன்படி, வரும், 2021ம் ஆண்டு, ஜனவரியில் இருந்து, இரண்டு ஆண்டுகளுக்கு இந்தியா உறுப்பினராக இருக்கும்.

இந்நிலையில், ஐ.நா.,வின், 75வது ஆண்டு விழா, செப்டம்பர், 21ம் தேதி கொண்டாடப்படவுள்ளது.அதில் நிறைவேற்றப்படும் தீர்மானத்தின் வரைவு அறிக்கை, தற்போது இறுதி வடிவம் பெற்றுள்ளது. உறுப்பு நாடுகள் ஒருமனதாக ஏற்றுக்கொண்டுள்ள இந்த வரைவு அறிக்கை, சர்வதேச பிரச்னைகள் குறித்து, இந்தியாவுக்கு உள்ள கவலைகள் மற்றும், அவற்றிற்கான தீர்வுகளை பிரதிபலிக்கும் வகையில், அமைந்துள்ளதாக, ஐ.நா., வட்டாரங்கள் தெரிவித்துள்ளன.

இதுகுறித்து, ஐ.நா.,விற்கான இந்தியாவின் நிரந்தர துாதர் டி.எஸ்.திருமூர்த்தி கூறியதாவது:ஐ.நா., சபையின், 75வது ஆண்டு விழாவிற்காக இறுதி செய்யப்பட்டுள்ள அறிக்கையை நாங்கள் வரவேற்கிறோம். 2021 முதல், ஐ.நா., பாதுகாப்பு கவுன்சிலில் இந்தியா கொண்டு வரவுள்ள முன்னுரிமைகள் அனைத்தும், இந்த அறிக்கையில் இடம்பெற்றுள்ளது மகிழ்ச்சியளிக்கிறது.இவ்வாறு, அவர் கூறினார்.

Read More

ஆசை காட்டி மோசம் செய்த ஐ.டி.,நிறுவனங்கள் :பிழைப்புக்கு வழியின்றி தவிக்கும் இளைஞர்கள்

சென்னை :கூடுதல் சம்பள ஆசை காட்டி, நேர்முக தேர்வு நடத்தி, வேலைக்கு தேர்வு செய்த சில ஐ.டி., நிறுவனங்கள், தற்போது வழங்கிய பணி ஆணையை ரத்து செய்ததால், பார்த்த வேலையை தொலைத்து விட்டு, அப்பாவி இளைஞர்கள் நிர்கதியாக நிற்கின்றனர்.



நன்கு படித்த இளைஞர்களுக்கு, எளிதாக வேலை கிடைக்கும் இடமாக, ஐ.டி., நிறுவனங்கள் உள்ளன. அந்த வகையில், சென்னை, ஓ.எம்.ஆரில், தரமணி முதல் சிறுசேரி வரை, நுாற்றுக்கணக்கான, ஐ.டி., நிறுவனங்கள் செயல்படுகின்றன.

ஊதியம்

கொரோனா ஊரடங்கால், ஐ.டி., நிறுவனங்கள் பணி வெகுவாக பாதித்துள்ளது. பல நிறுவனங்கள், வீட்டில் இருந்து பணி செய்ய, ஊழியர்களை அறிவுறுத்தி உள்ளன. போதிய பணி இல்லாததால், சில நிறுவனங்களில், ஆள்குறைப்பு நடவடிக்கை எடுக்கப்பட்டுள்ளது. இது ஒருபுறமிருக்க, பல ஐ.டி., நிறுவனங்கள், ஊரடங்கு அறிவிப்புக்கு முன், கூடுதல் சம்பள ஆசை காட்டி, நன்கு அனுபவம் வாய்ந்த ஆட்களை, நேர்முக தேர்வு வாயிலாக தேர்ந்தெடுத்தது.அதேபோல், கல்லுாரி கள் வழியாகவும், புதிதாக இளைஞர்களை தேர்வு செய்தது. பணி அனுபவத்தை பொறுத்து, ஊதியம் நிர்ணயம் செய்து, அவர்களுக்கு பணி ஆணையும் வழங்கப்பட்டது.

அறிக்கை

இதை நம்பி, ஏற்கனவே பார்த்த வேலையை விட்ட ஆயிரக்கணக்கான இளைஞர்கள், புதிய நிறுவனங்களுக்கு செல்ல காத்திருக்கின்றனர். ஊரடங்கு அறிவித்த நிலையில், பல நிறுவனங்கள், பணி ஆணையை சில மாதங்கள் நீட்டித்துள்ளன.அதிலும் சில நிறுவனங்கள், 'எக்காரணம் கொண்டும், பணி ஆணையை ரத்து செய்யமாட்டோம்; ஊரடங்கு முடிந்தபின், தேர்வு செய்த நபர்களை பணிக்கு அமர்த்துவோம்' என, அறிக்கை யும் விட்டன.

கோரிக்கை

இந்நிலையில், சில குறிப்பிட்ட மென்பொருள் நிறுவனங்கள், எவ்வித முன்னறிவிப்பும் இல்லாமல், பணி ஆணையை ரத்து செய்து, தேர்வு செய்த நபர்களுக்கு, 'இ - மெயில்' வாயிலாக தகவல் அனுப்பி உள்ளது.இதனால், ஏற்கனவே பார்த்த வேலையை விட்டு, ஊரடங்கால் மூன்று மாதமாக சம்பளம் இல்லாமல் வீட்டில் முடங்கியதுடன், புதிய வேலையும் இல்லாமல், அப்பாவி இளைஞர்கள், நிர்கதியாக நிற்கின்றனர். பணி ஆணை வழங்கியவர்களுக்கு, ஊரடங்கு முடிந்தபின் வேலை வழங்குவதுடன், ரத்து செய்த பணி ஆணையை வாபஸ் பெற, மென்பொருள் நிறுவனங்களுக்கு, தமிழக அரசு உத்தரவிட வேண்டும் என, இளைஞர்கள் கோரிக்கை விடுத்துள்ளனர்.

Read More