கேரளா தங்கம் கடத்தல்: `மலப்புரம் கனெக்‌ஷன்; பயணிகள் விமானம்!’- அதிரவைக்கும் பின்னணி

கேரளாவை அதிரவைத்த தங்கம் கடத்தல் ஐக்கிய அரபு அமீரகத்தில் இருந்து கேரளாவுக்கு தூதரகத்தின் பெயரில் தங்கம் கடத்தப்பட்டது சமீபத்தில் வெளிச்சத்துக்கு வந்தது. ரூ.14.82 கோடி மதிப்பிலான 30 கிலோ 24 கேரட் சுத்தத் தங்கம் திருவனந்தபுரத்தில் பறிமுதல் செய்யப்பட்டது. தேசிய அளவில் பெரும் அதிர்வலைகளை ஏற்படுத்திய இந்த வழக்கை தேசிய புலனாய்வு முகமை விசாரிக்கத் தொடங்கியிருக்கிறது. சம்பவம் நடந்து 6 நாள்களுக்குப் பின், இந்த வழக்கில் குற்றம்சாட்டப்பட்ட கேரள ஐ.டி அலுவலகத்தில் பணிபுரியும் ஸ்வப்னா சுரேஷ் மற்றும் சந்தீப் நாயர் ஆகியோர் பெங்களூரில் நேற்று கைது செய்யப்பட்டனர். ஸ்வப்னா சுரேஷ் ஸ்வப்னா சுரேஷ் தங்கம் கடத்தல் தொடர்பாக பார்சலைப் பெற வந்த சரீத், ஸ்வப்னா சுரேஷ், சந்தீப் நாயர் மற்றும் ஃபசீல் ஃபரீத் என நான்கு பேர் மீது வழக்கு பதியப்பட்டது. இதில், ஸ்வப்னா சுரேஷ் துபாயில் உள்ள இந்தியத் தூதரகத்தில் பணியாற்றி, பணிநீக்கம் செய்யப்பட்டவர் என்பது தெரியவந்தது. திருவனந்தபுரத்தில் தங்கம் கைப்பற்றப்பட்ட பின்னர், ஸ்வப்னா சுரேஷ் தலைமறைவானார். இந்த விவகாரத்தில் கேரள முதல்வர் பினராயி விஜயனுக்கும் தொடர்பிருப்பதாக காங்கிரஸ் கட்சி குற்றம்சாட்டியது. ஸ்வப்னா சுரேஷ் குறித்து விசாரணையில் பல்வேறு தகவல்கள் வெளியாகின. அவர் தன்னுடன் எப்போதும் 15 அடியாட்களோடு வலம்வருவார் என்றும் அவருக்கு அரசியலிலும் சினிமா வட்டாரங்களில் பல பெரிய புள்ளிகளின் அறிமுகம் உண்டு என்றும் அவரால் தாக்கப்பட்ட இளைஞர் ஒருவர் கேரள ஊடகங்களிடம் விவரித்திருக்கிறார். Also Read: கேரள தங்கம் கடத்தல் வழக்கு: `காட்டிக்கொடுத்த போன் அழைப்புகள்' -பெங்களூருவில் சிக்கிய ஸ்வப்னா தங்கம் கடத்தல் மற்றும் தீவிரவாத தொடர்பு பற்றிய முதல் கட்ட விசாரணை நடைபெற்று வருகிறது. பயணிகள் விமானத்தில் நடந்து வந்த கடத்தல், தற்போது கொரோனா லாக்டௌன் காரணமாக சரக்கு விமானத்தில் கடத்தப்பட்டதால், பிடிபட்டதாக என்.ஐ.ஏ முதற்கட்ட விசாரணையில் தெரியவந்திருக்கிறது. திருவனந்தபுரத்தில், கொரானா தொற்றின் காரணமாக கடந்த ஞாயற்றுக்கிழமை முதல் ட்ரிபிள் ஊரடங்கு அமலில் உள்ளது. பொதுமக்கள் அனைவரும் பால் வாங்கக் கூட பாஸ் இல்லாமல் செல்ல முடியாத நிலையில், ஸ்வப்னா சுரேஷ் பெங்களூரு சென்றது, மக்களிடையே பெரும் அதிர்ச்சியை ஏற்படுத்தி உள்ளது. இதில், கேரளாவின் முக்கிய அரசியல் புள்ளிகளின் தலையீடு இருக்கலாம் என்று எதிர்க்கட்சிகள் குரல் கொடுத்து வருகின்றன. எதிர்கட்சிகளான காங்கிரஸ் மற்றும் பிஜேபியினர், போலீஸாரின் உதவியுடன்தான் அவர்கள் பெங்களூரு தப்பிச்சென்றனர் என குற்றம்சாட்டியுள்ளனர்.ஸ்வப்னா சுரேஷ் இதுகுறித்து கேரளா பிஜேபி தலைவர் கே.சுரேந்திரன் கூறுகையில்,``திருவனந்தபுரத்தில் மக்களின் அத்தியாவசியப் பொருளான பால் வாங்க சென்றால் கூட பாஸ் வேண்டும். அனைத்து மாவட்ட செக் போஸ்டுகளையும் கடந்து செல்ல இ-பாஸ் கட்டாயம் வேண்டும். இந்தநிலையில் எவ்வாறு இதையெல்லாம் கடந்து அவர்கள் பெங்களூரு சென்றனர். இது ஆளும் கட்சியின் மீது விழுந்துள்ள கறை’’ என்று விமர்சித்திருக்கிறார். கங்கிரஸைச் சேர்ந்த எதிர் கட்சி தலைவரான ரமேஷ் சென்னிதலா,``இந்த வழக்கு ஒரு வாரத்தை கடந்த நிலையில் ஸ்வப்னா சுரேஷின் மீது எப்.ஐ .ஆர் பதிவுசெய்யப்படவில்லை. தன் வேலைக்காக போலி சான்றிதழ், சமர்ப்பித்தது முதல் பல ஏமாற்றுவேலைகளிலும் அவர் ஈடுபட்டுள்ளார். ஸ்வப்னா சுரேஷ் கேரளாவில் இருந்து தப்பி சென்றதே மர்மமாக உள்ளது’’ என்று கூறினார். கொச்சி நீதிமன்றத்தில் ஆஜர் பெங்களூருவில் கைது செய்யப்பட்ட ஸ்வப்னா மற்றும் சந்தீப் ஆகியோர் சாலைமார்க்கமாக கொச்சி அழைத்து வரப்பட்டனர். அவர்கள் வரும் வழியில் பல இடங்களில் காங்கிரஸ் உள்ளிட்ட எதிர்க்கட்சியினர் போராட்டத்தில் ஈடுபட்டனர். ஸ்வப்னா அழைத்துவரப்பட்ட வாகனம், வடக்கன்சேரி என்ற இடத்தில் பஞ்சரானது. பின்னர், அவர் வேறு வாகனத்துக்கு மாற்றப்பட்டு கொச்சி கொண்டுவரப்பட்டார். சந்தீப் - ஸ்வப்னா கொச்சி என்.ஐ.ஏ அலுவலக வாயிலில் பா.ஜ.க இளைஞரணியான யுவமோர்ச்சா உள்ளிட்டோர் போராட்டத்தில் ஈடுபட்டனர். அப்போது கேரள ஆளும் கம்யூனிஸ்ட் அரசுக்கு எதிரான கோஷங்களை அவர்கள் எழுப்பினர். கூட்டத்தைக் கட்டுப்படுத்த போலீஸார் லேசான தடியடி நடத்த வேண்டிய சூழல் ஏற்பட்டது. என்.ஐ.ஏ அலுவலகத்தில் விசாரணைக்குக் கொண்டுவரும் வழியில், அவர்கள் இருவருக்கும் ஆலுவா அரசு மருத்துவமனையில் கொரோனா பரிசோதனையும் மருத்துவப் பரிசோதனையும் மேற்கொள்ளப்பட்டது. Also Read: கேரளா: `தங்கம் கடத்தல் வழக்கில் அதிகாரிகளுக்கு வந்த அழைப்பு?’ -மாற்றப்பட்ட முதல்வரின் செயலர் பின்னர் அவர்கள் கொச்சி என்.ஐ.ஏ சிறப்பு நீதிமன்ற நீதிபதி அணில்குமார் முன்னிலையில் ஆஜர்படுத்தப்பட்டனர். தங்கம் கடத்தல் மூலம் கிடைக்கும் பணம் தீவிரவாத செயல்களுக்குப் பயன்படுத்தப்பட்டிருக்கலாம் என்கிறரீதியில் விசாரணை வேகமெடுத்து வருகிறது. இந்தநிலையில், குற்றம்சாட்டப்பட்ட நால்வர் மீது உபா, தீவிரவாதத் தடுப்புச் சட்டம் உள்ளிட்ட சட்டப் பிரிவுகளின் கீழ் வழக்குப் பதிவு செய்யப்பட்டுள்ளது. நீதிமன்றத்தில் ஆஜர்படுத்தப்பட்ட அவர்களை நீதிமன்றக் காவலில் சிறையில் அடைக்க நீதிபதி அணில்குமார் உத்தரவிட்டார். அவர்கள் இருவரும் அங்கமாலியில் உள்ள கருகுட்டி கொரோனா தனிமைப்படுத்தல் மையத்தில் அடைக்கப்பட இருக்கிறார்கள். அவர்களுக்கு மேற்கொள்ளப்பட்ட கொரோனா பரிசோதனை முடிவுகள் நாளை வெளிவந்தபின்னர், மீண்டும் அவர்கள் நீதிமன்றத்தில் ஆஜர்படுத்தப்பட்டு சிறையில் அடைக்கப்படுவார்கள் என்று தெரிகிறது. ஸ்வப்னா மற்றும் சந்தீப் ஆகிய இருவரையும் கஸ்டடியில் எடுத்து விசாரிப்பது தொடர்பாக என்.ஐ.ஏ நீதிமன்றத்தில் நாளை மனுத் தாக்கல் செய்யலாம் என்று எதிர்பார்க்கப்படுகிறது. பார்சலில் கடத்தப்பட்ட தங்கம் மூளையாகச் செயல்பட்டவர் கைது! இந்த விவகாரத்தில் மலப்புரத்தைச் சேர்ந்த ஒரு நபரை சுங்கத் துறை அதிகாரிகள் இன்று அதிகாலை கைது செய்திருப்பதாகத் தகவல் வெளியாகியிருக்கிறது. துபாயில் இருந்து திருவனந்தபுரத்துக்கு தங்கம் கடத்தப்படுவதற்கு மலப்புரத்தைச் சேர்ந்த இந்த நபரே மூளையாகச் செயல்பட்டுள்ளார் என்கிறார்கள். தங்கம் கடத்தல் வழக்கில் இவரது கைது முக்கிய திருப்புமுனையாக இருக்கும் என்றும் சொல்லப்படுகிறது. மிக முக்கிய நபரான அவர் குறித்த தகவல்களை சுங்கத்துறையினர் வெளியிடாமல், ரகசிய இடத்தில் வைத்து அவரிடம் விசாரித்து வருவதாகக் கேரள ஊடகங்கள் செய்தி வெளியிட்டுள்ளன.
http://dlvr.it/RbSMwG

Read More

மோடி சொல்வது பொய்: ராகுல்

… …. Source: Dinamalar Read More >> மோடி சொல்வது பொய்: ராகுல்
http://dlvr.it/RbQZQr

Read More

புனேவில் தங்க மாஸ்க்ன்னா…சூரத்தில் வைரக்கற்கள் பதித்த மாஸ்க்குகள் விற்பனை!!

சூரத்: புனேவில் ஒருவர் ரூ. 2.89 லட்சம் மதிப்பிலான தங்க மாஸ்க் அணிந்து இருந்தார். தற்போது, குஜராத் மாநிலம் சூரத்தில் வைரக் கற்கள் […]
http://dlvr.it/RbQZPH

Read More

ஹவாலா பணம்: `கட்டுக் கட்டாக நோட்டுகள்’ - வாளையார் பகுதியில் சிக்கும் மோசடிக் கும்பல்

தமிழகம் முழுவதும் கொரோனா வைரஸ் தாக்கம் நாளுக்கு நாள் அதிகரித்துக்கொண்டிருக்கிறது. ஆனால், இந்தக் கொடிய நோய் தொற்றுக் காலகட்டத்திலும் குற்றங்கள் எண்ணிக்கை மட்டும் குறைந்தபாடில்லை. கேரளாவில் தங்கக் கடத்தல் விவகாரம் விஸ்வரூபம் எடுத்துள்ளது. தினசரி பல்வேறு திருப்பங்களைச் சந்தித்து வருகிறது தங்கக் கடத்தல் வழக்கு.வாளையார் Also Read: `ஹவாலா மூலம் பணமாற்றம்?’- கல்கி ஆசிரமத்துக்குச் சொந்தமான ரூ.1000 கோடி மதிப்பிலான சொத்துகள் முடக்கம் இந்நிலையில், கோவை அருகே உள்ள தமிழக - கேரள எல்லையான வாளையார் பகுதியில் ஹவாலா மோசடி விவகாரத்தில், கடந்த 4 நாள்களில் 4 பேர் கைது செய்யப்பட்டுள்ளனர். ஊரடங்கு அமலில் இருப்பதால், வாளையார் பகுதியில் கடுமையான சோதனைக்குப் பிறகு வாகனங்கள் இரண்டு மாநில எல்லைகளிலும் அனுமதிக்கப்படுகின்றன. இதனிடையே, கடந்த 6-ம் தேதி காய்கறி ஏற்றிச் செல்லும் வாகனத்தை போலீஸார் சோதனை செய்தனர். அப்போது, அவர்களிடம் 2,000 ரூபாய் நோட்டு கட்டுகள் மற்றும் 500 ரூபாய் நோட்டு கட்டுகள் வீதம் ரூ.1.75 கோடி பணம் இருந்தது தெரியவந்தது.ஹவாலா கைது இதுதொடர்பாக அந்த வாகனத்தில் வந்த ஆலப்புழா பகுதியைச் சேர்ந்த நிதின்குட்டி, சலாம் ஆகியோரிடம் விசாரணை நடத்தியதில், அது ஹவாலா பணம் எனத் தெரியவந்தது. இதையடுத்து, அவர்களை வாளையார் போலீஸார் கைது செய்தனர். அதே வாளையார் பகுதியில் நேற்று ஒரு சரக்கு வாகனத்தை போலீஸார் சோதனை செய்தனர். அப்போது, 62 கட்டுகள் அடங்கிய 500 ரூபாய் நோட்டுகள் மற்றும் 7 கட்டுகள் அடங்கிய 2,000 ரூபாய் நோட்டுகள் வீதம் ரூ.45 லட்சம் மதிப்பிலான ஹவாலா பணம் பறிமுதல் செய்யப்பட்டது. இதுதொடர்பாக, கோவை, ஈச்சனாரி பகுதியைச் சேர்ந்த சம்பத்குமார், கெம்பட்டிகாலனி பகுதியைச் சேர்ந்த குருசாமி ஆகிய இரண்டு பேரை போலீஸார் கைது செய்தனர்.ஹவாலா கைது அவர்கள், கோவையில் இருந்து திருச்சூருக்கு ஹவாலா பணம் கடத்த முயன்றது தெரியவந்துள்ளது. இதுகுறித்து போலீஸார் தொடர்ந்து விசாரணை நடத்தி வருகின்றனர்.
http://dlvr.it/RbPm9d

Read More

தமிழகத்தில் கொரோனா பாதிப்பு 3680, டிஸ்சார்ஜ் 4163: மீண்டு வருகிறதா தமிழகம்?

தமிழகத்தில் தினந்தோறும் கொரோனா பாதிப்பு குறித்த தகவல்களை தெரிவித்து வரும் தமிழக சுகாதாரத்துறை இன்று தமிழகத்தில் 3680 பேர்களுக்கு புதிதாக கொரோனா தொற்று […]
http://dlvr.it/RbMgcZ

Read More

சாத்தான்குளம் வழக்கு : அனைத்து ஆவணங்களும் மதுரை நீதிமன்றத்திற்கு மாற்றம்

சாத்தான்குளம் வழக்கு சம்பந்தமான அனைத்து ஆவணங்களும் தூத்துக்குடி குற்றவியல் நீதிமன்றத்திலிருந்து மதுரை மாவட்ட முதன்மை குற்றவியல் நடுவர் நீதிமன்றத்திற்கு மாற்றம் செய்யப்பட்டுள்ளது.  சாத்தான்குளம் […]
http://dlvr.it/RbMgSq

Read More

கார்கோவுக்கு செய்த போன்; தற்கொலை முடிவு! -`தலைமறைவு' ஸ்வப்னா அதிர்ச்சி ஆடியோ

கேரள மாநிலம் திருவனந்தபுரத்தில் உள்ள ஐக்கிய அரபு நாடுகள் தூதரகத்துக்கு வந்த பார்சல் வழியாகக் கடத்தப்பட்ட 30 கிலோ தங்கத்தை சுங்க அதிகாரிகள் பறிமுதல் செய்த சம்பவத்தின் பின்னணி குறித்து தினமும் புதிய தகவல்கள் வெளியாகி பரபரப்பைக் கிளப்பிவருகிறது. அந்தப் பார்சலை பெற்றுக்கொள்வதற்காகத் தூதரக கடிதத்துடன் வந்த ஸரித் கைது செய்யப்பட்டதுடன் போலீஸ் கஷ்டடியில் அவரிடம் விசாரணை நடத்தப்பட்டு வருகிறது. தங்கம் வந்த பார்சலை விடுவிப்பதற்காகப் போன் செய்த ஸ்வப்னா சுரேஷ் தலைமறைவாக உள்ளார். கேரள முதல்வர் பினராயி விஜயனின் கட்டுப்பாட்டில் உள்ள ஸ்பேஸ் பார்க் நிறுவனத்தில் பணி செய்துவந்தார் ஸ்வப்னா. ஸ்வப்னா சுரேஷுடன் தொடர்பில் இருந்ததாக பினராயி விஜயனின் செயலாளர் சிவசங்கரன் அந்தப் பதவியில் இருந்து நீக்கப்பட்டுள்ளார். ஸ்வப்னா சுரேஷுக்கும் முதல்வர் பினராயி விஜயனுக்கும் தொடர்பு இருப்பதாகத் தகவல்கள் வெளியாகி வருகின்றன. இந்த நிலையில் தலைமறைவாக உள்ள ஸ்வப்னா சுரேஷ் கண்ணீர்மல்க பேசும் ஆடியோ ஒன்றை வெளியிட்டு பரபரப்பை ஏற்படுத்தியுள்ளார்.கேரள முதல்வர் பினராயி விஜயன் கலந்துகொண்ட நிகழ்ச்சியில் ஸ்வப்னா சுரேஷ் ஸ்வப்னா சுரேஷ் வெளியிட்டுள்ள ஆடியோவில் அவர் கூறுகையில், "யு.ஏ.இ தூதரகத்துக்கு வந்த பார்சல் கிடைப்பதில் தாமதம் ஆகிறது. எனவே, அதுபற்றி கார்கோவில் பேசும்படி தூதரகத்தில் இருந்து என்னிடம் சொன்னார்கள். அந்தப் பார்சலை விரைந்து விடுவிக்கும்படி கார்கோ ஏ.சி ராமமூர்த்தியிடம் போனில் பேசினேன். 'ஐ வில் டேக் இட் மேடம்' எனக்கூறி போன் தொடர்பைத் துண்டித்தார் ராமமூர்த்தி. இதுமட்டும்தான் நான் செய்த தவறு. எனக்கும் அந்தப் பார்சலுக்கும் எந்த சம்பந்தமும் இல்லை. அதன்பிறகு நடந்த எந்த நிகழ்வுகளுக்கும் நான் சாட்சி அல்ல. தூதரகத்தில் நான் பணி செய்ததால் கேரள முதல்வர், அமைச்சர்கள், அதிகாரிகள், அரசியல் பிரமுகர்களிடம் நான் பேசியிருக்கிறேன். யு.ஏ.இ கான்சிலேட்டர் ஜெனரலின் நிர்வாகப் பணி நிமித்தமாகத்தான் வி.ஐ.பி-க்களை சந்தித்து பேசியிருக்கிறேன். தூதரக பணிக்காக அல்லாமல் என் சொந்த அவசியத்துக்காக நான் யாரிடமும் பேசியது இல்லை. Also Read: கேரளம்: `தூதரகம் பெயரில் கடத்தல்; ரூ.15 கோடி தங்கம்!’- அதிரவைத்த ஐ.டி அதிகாரி ஸ்வப்னா வேலை கிடைக்காத தம்பி, விதவையான அம்மா, இரண்டு சிறிய குழந்தைகளுடன் வாடகை வீட்டில் வசித்து வருகிறேன். முதல்வர் அலுவலகத்திலோ, சபாநாயகர், அமைச்சர்கள் அலுவலகத்துக்கோ சென்று ஒப்பந்தங்களில் நான் கையெழுத்துப் போட்டதில்லை. யு.ஏ.இ செயலாளர் என்ற முறையில்தான் நான் முதல்வர், அமைச்சர்கள் கலந்துகொண்ட நிகழ்ச்சிகளில் உடன் இருந்தேன். தூதரகத்தில் நான் எந்தத் தவறும் செய்யவில்லை, அங்கிருந்து நான் பணி நீக்கம் செய்யப்படவும் இல்லை. கடந்த ஞாயிற்றுக்கிழமை வரை தூதரகத்துக்குத் தேவையான உதவிகளை நான் செய்துவந்தேன். ஸ்பேஸ் பார்க்கில் ஊழியராக இருந்துகொண்டு யு.ஏ.இ தூதரக விஷயத்தில் ஏன் தலையிடுகிறேன் என நீங்கள் கேட்கலாம். யு.ஏ.இ-யில் பிறந்து வளர்ந்த எனது அன்புதான் அதற்கு காரணம். யு.ஏ.இ என்றால் எனக்கு உயிர். எனவே யு.ஏ.இ-க்கு எதிராக சதிசெய்ய நான் நினைக்க மாட்டேன்.ஆடியோ வெளியிட்ட ஸ்வப்னா சுரேஷ் வரும் தேர்தலைக் கருத்தில் கொண்டு மீடியாவும் மற்றவர்களும் என்னைப் பற்றி கருத்துகளை பரப்புகிறார்கள். இது முதல்வருக்கோ, அமைச்சர்களுக்கோ, சபாநாயகருக்கோ பாதிப்பை ஏற்படுத்தாது. எனக்கும் என் கணவர் மற்றும் இரண்டு பிள்ளைகளுக்கு மட்டுமே இது பிரச்னையை ஏற்படுத்தும். நானும் என் குடும்பமும் தற்கொலை செய்துகொண்டால், எங்கள் மரணத்துக்கு நீங்கள் ஒவ்வொருவரும் பதில் சொல்ல வேண்டும். Also Read: கேரளம்: `தூதரகம் பெயரில் கடத்தல்; ரூ.15 கோடி தங்கம்!’- அதிரவைத்த ஐ.டி அதிகாரி ஸ்வப்னா தங்கம் கடத்தலில் ஈடுபட்டதால் நான் தலைமறைவாக இருக்கவில்லை. பயத்தின் காரணமாகவும், என் குடும்பத்துக்கு வந்த மிரட்டல் காரணமாகவும் நான் தலைமறைவாக இருக்கிறேன். என் பின்னால் முதலமைச்சரோ, ஐ.டி செயலாளரோ, சபாநாயகரோ, அமைச்சர்களோ இல்லை. எல்லா அமைச்சர்களோடும் நான் பேசியிருக்கிறேன், நிகழ்ச்சிகளுக்கு அழைத்துள்ளேன். தேர்தலுக்காக நீங்கள் இதைச் செய்கிறீர்கள். இதனால் அமைச்சர்கள் யாருக்கும் எந்த பிரச்னையும் இல்லை.பார்சலில் கடத்தப்பட்ட தங்கம் ஏன் நீங்கள் டாபிக் மாறி போகிறீர்கள். துபாயில் இருந்து அந்த பார்சலை தூதரகத்துக்கு அனுபியது யார். அதன் பின்னணியில் இருப்பவர்கள் யார் எனக் கண்டுபிடியுங்கள். அதைவிட்டுவிட்டு கேரளத்தில் உள்ள அப்பாவிகளைத் தொந்தரவு செய்யாதீர்கள். இதுபோன்று மீடியாக்கள் நடந்துகொண்டால் நாட்டில் நிறைய ஸ்வப்னாக்கள் மரணமடையும் நிலை ஏற்படும்" என அந்த ஆடியோ மூலம் கூறியுள்ளார்.
http://dlvr.it/RbLWmy

Read More