`கொரோனா கால்சென்டர்; இறுதிச் சடங்குக்கு ரூ.15,000' - ஜெகன்மோகன் ரெட்டி அறிவிப்பு

ஆந்திர மாநிலத்தில் கொரோனா பரவல் நாளுக்கு நாள் தொடர்ந்து அதிகரித்து வருகிறது அங்கு வைரஸால் பாதிக்கப்பட்டவர்களின் எண்ணிக்கை 33,019 ஆகவும் உயிரிழந்தவர்களின் எண்ணிக்கை 400-க்கு அதிகமாகவும் உள்ளன. இதற்கிடையில் அங்கு, கொரோவால் இறந்தவர்களின் உடல்களைப் பணியாளர்கள் மிக மோசமாக நடத்துவதாகவும், மண் அள்ளும் இயந்திரத்தில் எடுத்துச் சென்று புதைக்கிறார்கள் எனவும் தெலுங்கு தேசம் கட்சி விமர்சித்திருந்தது.கொரோனா பரிசோதனை இந்நிலையில், நேற்று ஆந்திர முதல்வர் ஜெகன்மோகன் ரெட்டி தலைமையில் கொரோனா தடுப்பு நடவடிக்கைகள் தொடர்பாக ஆலோசனைக் கூட்டம் நடைபெற்றது. அதில் பல்வேறு சிறப்பு அறிவிப்புகள் வெளியிடப்பட்டுள்ளன. ``கொரோனா நோயாளிகளுக்கு சிகிச்சையளிக்க மறுக்கும் தனியார் மருத்துவமனைகள் மீது கடும் நடவடிக்கை எடுக்கப்படும். அதையும் மீறி தொடர் புகார்கள் வந்தால் அந்த மருத்துவமனையின் உரிமம் ரத்து செய்யப்படும். Also Read: ஆந்திரா அதிர்ச்சி: மருத்துவமனைக்குள்ளேயே இறந்துகிடந்த நபர்! -தேடி அலைந்த மனைவி அதேபோல், ஆந்திராவில் கொரோனா தொற்றால் பாதிக்கப்பட்டு உயிரிழப்பவர்களின் இறுதிச் சடங்குக்காக ரூ.15,000 மிக விரைவில் வழங்கப்படும். இந்த உத்தரவு உடனடியாக நடைமுறைக்கு வருகிறது. மேலும், தனிமைப்படுத்தப்படும் முகாம்களில் இருக்கும் அனைத்து மக்களுக்கும் சுகாதாரமான சூழல், தரமான உணவுகள், மருந்துகள், சிகிச்சைகள் கிடைக்கத் தகுந்த ஏற்பாடு செய்யப்படும். கொரோனாவுக்கு தனியாக ஒரு கால்சென்டர் உருவாக்கி, அதில் தனிமை முகாம்கள், சிறப்பு முகாம்களில் இருக்கும் நோயாளிகளின் குறைகள் மற்றும் கருத்துகள் பதிவு செய்யப்பட்டு அவை உடனடியாக நிறைவேற்றப்படும். எத்தனை குறைகள் சரிசெய்யப்பட்டுள்ளன என்பது மக்களுக்கு நேரடியாக அறிவிக்கப்படும்.ஜெகன் மோகன் ரெட்டி கொரோனா தொடர்பாக மாநிலத்தின் அனைத்து மூலைமுடுக்குகளிலும் முறையான விழிப்புணர்வு ஏற்படுத்தப்படும். வைரஸ் தீவிரமடைந்த பிறகு, சிகிச்சை அளிப்பதால்தான் உயிரிழப்பு ஏற்படுகிறது. எனவே, கொரோனா அறிகுறி உள்ளவர்கள், தனிமைப்படுத்தப்பட்ட பகுதிகளில் உள்ளவர்களுக்கு உரிய முறையில் சோதனை செய்யப்படும். ஆந்திராவில் கொரோனா நோயாளிகளுக்கு சிகிச்சையளிக்க மட்டும் 17,000 மருத்துவர்கள், 12,000 செவிலியர்கள் பணியில் உள்ளனர். வரும் காலத்தில் செவிலியர்கள் தேவை அதிகரித்தால் மேலும் பலர் கொரோனா தடுப்புப் பணியில் ஈடுபடுத்தப்படுவர்’ என ஆந்திர அரசு வெளியிட்டுள்ள அறிக்கையில் குறிப்பிடப்பட்டுள்ளது.
http://dlvr.it/RbgDYX

Read More

கேரளா: `ஸ்வப்னாவுடன் 9 முறை போனில் பேசிய அமைச்சர் ஜலீல்!’ - என்.ஐ.ஏ விசாரணையில் அம்பலம்

திருவனந்தபுரம் யு.ஏ.இ தூதரக பார்சல் மூலம் தங்கம் கடத்திய வழக்கில் முதல் குற்றவாளி ஸரித், இரண்டாம் குற்றவாளி ஸ்வப்னா சுரேஷ். இவர்கள் இருவரும் கைது செய்யப்பட்டு என்.ஐ.ஏ விசாரணை வளையத்தில் உள்ளனர். ஸ்வப்னா சுரேஷ் மற்றும் ஸரித் ஆகியோர் கடந்த ஏப்ரல் மாதம் 30-ம் தேதி முதல் ஜூன் 1-ம் தேதி வரை பேசிய போன் அழைப்புகள் குறித்த விபரம் இப்போது வெளியே வந்துள்ளது. அதில், ஸ்வப்னா கேரள உயர்கல்வித்துறை அமைச்சர் ஜலீலிடம் பேசியது அம்பலமாகியுள்ளது. மேலும், முதல்வர் பினராயி விஜயனின் முதன்மைச் செயலாளராக இருந்த சிவசங்கரனும் ஸரித்தும் பேசியுள்ளதும் தெரியவந்துள்ளது. ஸரித் ஒன்பது முறை சிவசங்கரனை அழைத்துள்ளார். சிவசங்கரன் ஐந்து முறை ஸரித்திடம் பேசியுள்ளார். இதில், ஒரு அழைப்பில் 755 விநாடிகள் பேசியுள்ளதும் தெரிய வந்துள்ளது. ஸரித் கைது செய்யப்படுவதற்கு சிறிது நேரத்துக்கு முன்பும் ஸரித்தும் சிவசங்கரனும் போனில் பேசியதாகவும் இதன் மூலம் தெரியவந்துள்ளது. Also Read: கேரளா தங்கம் கடத்தல்: `மலப்புரம் கனெக்‌ஷன்; பயணிகள் விமானம்!’ - அதிரவைக்கும் பின்னணி மேலும், அமைச்சர் ஜலீலும் ஸ்வப்னா சுரேசும் கடந்த ஜூன் மாதத்தில் மட்டும் ஒன்பது முறை பேசியிருக்கிறார்கள். அதுமட்டுமல்லாது அமைச்சர் ஜலீலின் பர்சனல் ஸ்டாப் நஸீரிடமும் ஸ்வப்னா உரையாடிய தகவலும் வெளியாகியுள்ளது. ஸ்வப்னா தலைமறைவாதற்கு முன்பு திருவனந்தபுரம் தலைமைச் செயலகத்துக்கு அருகில் இருந்ததாக அவரது மொபைல் டவர் லொக்கேஷன் மூலம் தெரிய வந்துள்ளது.கேரள அமைச்சர் ஜலீல் இதைத் தொடர்ந்து முன்னாள முதன்மைச் செயலாளர் சிவசங்கரனிடம் விசாரணை நடத்துவதற்காக அவருக்கு சுங்க அதிகாரிகள் நோட்டீஸ் கொடுத்தனர். திருவனந்தபுரம் தலைமைச் செயலகத்தின் அருகில் உள்ள சுங்க அலுவலகத்தில் சிவசங்கரன் நேரில் சென்று ஆஜராகினார். அவரிடம் சுங்கத்துறை கூடுதல் ஆணையர்ர் ராம மூர்த்தி தலைமையில் மூன்று அதிகாரிகள் விசாரணை நடத்தி வருகின்றனர். ஏ.சி ராம மூர்த்திதான், தங்கம் கடத்திய பார்சலை கண்டுபிடித்தவர் என்பது குறிப்பிடத்தக்கது. Also Read: `ஸ்வப்னா கடத்திய 27 கிலோ தங்கம் எங்கே?’ - சிவசங்கரனிடம் விசாரிக்கும் என்.ஐ.ஏ இது ஒருபுறம் இருக்க ஸ்வப்னாவுடன் பேசியது குறித்து அமைச்சர் ஜலீல் கூறுகையில், `கடந்த மே 27-ம் தேதி யு.ஏ.இ தூதரக ஜெனரலின் அதிகாரபூர்வ தொலைபேசி எண்ணில் இருந்து எனக்கு ஒரு செய்தி வந்தது. அதில், `ஒவ்வொரு ரம்ஜான் பண்டிகைக்கும் யு.ஏ.இ தூதரகம் சார்பில் உணவு பொருள் பாக்கெட்டுகள் விநியோகம் செய்வது வழக்கம். இந்த முறை லக்டெளன் காரணமாக நிவாரணம் வழங்க இயலவில்லை. மே 27-ம் தேதி உணவு பொட்டலங்களை வழங்க வேண்டும்’ என அந்த மெசேஜில் கூறியிருந்தார்கள். நான் உணவுப் பொருட்களை வழங்க ஏற்பாடு செய்யலாம் என்றதும், அது சம்பந்தமாக ஸ்வப்னாவை தொடர்புகொள்ளும்படி யு.ஏ.இ தூதரக ஜெனரல் மெசேஜ் அனுபினார்.முதல்வரின் செயலர் பதவியில் இருந்து நீக்கப்பட்ட சிவசங்கரன் அதன் அடிப்படையிலேயே ஸ்வப்னாவிடம் பேசினேன். உணவு பொருட்கள் அடங்கிய ஆயிரத்துக்கும் மேற்பட்ட கிட்கள், எடப்பாள், திருப்பிறங்கோடு பகுதிகளில் வழங்கினோம். அதற்கான பில், எடப்பாள் மத்திய வங்கியில் இருந்து யு.ஏ.இ ஜெனரல் கவுன்சிலின் முகவரிக்கு அனுப்பி வைக்கப்பட்டது. யு.ஏ.இ அந்த பில்லுக்கான பணத்தை மத்திய வங்கிக்கு அனுப்பி வைத்தது. உணவுப் பொருட்கள் வழங்குவது சம்பந்தமாகவும், பில்லுக்கான பணம் அனுப்புவதில் தாமதமானதால் அது சம்பந்தமாகவும் நான் ஸ்வப்னாவுடன் பேசினேன். யு.ஏ.இ தூதரக ஜெனரல் கூறியதன் அடிப்படையில்தான் நான் ஸ்வப்னாவுடன் போனில் பேசினேன்" என்றார். ஆனால், அவரது பர்சனல் ஸ்டாப் ஸ்வப்னாவிடம் பேசியது பற்றி கேட்டதற்கு, `அது தனக்கு தெரியாது’ என கூறியுள்ளார். தங்கம் கடத்தல் வழக்கு காரணமாக கேரள உயர் அதிகாரிகள் முதல் அமைச்சர்கள் வரை தூக்கம் இன்றி தவிக்கிறார்கள்.
http://dlvr.it/RbcYxW

Read More

`ஸ்வப்னா கடத்திய 27 கிலோ தங்கம் எங்கே?’ - சிவசங்கரனிடம் விசாரிக்கும் என்.ஐ.ஏ

திருவனந்தபுரம் யு.ஏ.இ தூதரக பார்சல் வழியாகத் தங்கம் கடத்திய வழக்கில் விமான நிலையத்தில் பார்சலை எடுக்க வந்த ஸரித், அவரின் தோழி ஸ்வப்னா சுரேஷ், அவரின் நண்பர் சந்தீப் நாயர், இவர்களிடம் இருந்து தங்கத்தைப் பெற்றுக்கொள்ளும் றமீஸ் ஆகியோர் ஏற்கெனவே கைது செய்யப்பட்டனர். றமீஸிடம் இருந்து தங்கத்தைப் பெற்றுக்கொள்ளும் மூன்று பேர் இப்போது சுங்கத்துறை அதிகாரிகள் பிடியில் சிக்கியுள்ளனர். அதில் ஒருவரான எர்ணாகுளம் மாவட்டம் மூவாற்றுபுழாவைச் சேர்ந்த ஜலால் திடீரென இன்று கொச்சி சுங்கத்துறை அலுவலகத்தில் சரணடைந்தவர் ஆவார். பல விமானநிலையங்கள் வழியாக 600 கோடி ரூபாய் மதிப்பிலான தங்கம் கடத்தியதாக ஜலாலை ஏற்கெனவே சுங்கத்துறை தேடிவந்துள்ள நிலையில் அவர் சரணடைந்துள்ளார். ஜலாலுடன் கைது செய்யப்பட்ட மேலும் இரண்டுபேர் குறித்த விபரம் இன்னும் வெளியாகவில்லை. ஜலால் தங்கம் கடத்தலுக்கு பயன்படுத்திய கார் பறிமுதல் செய்யப்பட்டுள்ளது. அந்தக் காரில் ஓட்டுநர் இருக்கையின் அடிப்பகுதியில் ரகசிய அறை அமைக்கப்பட்டுள்ளதும் கண்டறியப்பட்டுள்ளது.முதல்வரின் செயலர் பதவியில் இருந்து நீக்கப்பட்ட சிவசங்கரன் இந்தக் கும்பல் ஜூன் 24-ம் தேதி 9 கிலோ தங்கமும், ஜூன் 26-ம் தேதி 18 கிலோ தங்கமும் என மொத்தம் 27 கிலோ தங்கம் ஏற்கெனவே தூதரக பார்சல் வழியாகக் கடத்தியுள்ளது விசாரணையில் தெரிய வந்துள்ளது. ஃபைசல் ஃபரீத் துபாயில் இருந்து தங்கத்தை அனுப்பியுள்ளதாகவும். அந்தத் தங்கத்தை ஏர்ப்போட்டில் பெற்றுக்கொண்ட ஸரித், அதை சந்தீப் நாயரிடம் கொடுத்ததாகவும். சந்தீப் நாயர் அதை மலப்புரத்தைச் சேர்ந்த ரமீஸிடம் கொண்டு சேர்த்ததாகவும் தெரியவந்துள்ளது. அந்தத் தங்கம் இப்போது எங்கே இருக்கிறது என என்.ஐ.ஏ. தீவிர விசாரணை நடத்தி வருகிறது. மேலும், துபாயில் இருக்கும் ஃபைசல் ஃபரீத்தை இந்தியாவுக்கு கொண்டு வருவதற்காக சி.பி.ஐ மூலம் இன்டர்போல் போலீஸாரின் உதவியை நாடவும் திட்டமிட்டுள்ளனர். Also Read: கேரளா தங்கம் கடத்தல்: `மலப்புரம் கனெக்‌ஷன்; பயணிகள் விமானம்!’ - அதிரவைக்கும் பின்னணி இந்த வழக்கில் முதலில் கைது செய்யப்பட்ட ஸரித், தனது வாக்குமூலத்தில் முதல்வர் பினராயி விஜயனின் முதன்மை செயலாளர் சிவசங்கரனது வீட்டில் வைத்துதான் ஆலோசனை நடத்துவோம் என்றும். ஸ்வப்னா மூலமாகத்தான் சிவசங்கரனை தனக்கு தெரியும் எனக் கூறியிருந்தார். ஆனால், ஸ்வப்னாவுடன் கைது செய்யப்பட்டுள்ள சந்தீப் நாயர் சிவசங்கரனுக்கு இதில் பங்கு இல்லை எனக் கூறியுள்ளார். இந்தநிலையில் முதன்மை செயலாளர் பணியில் இருந்து நீக்கப்பட்டுள்ள சிவசங்கரனிடம் விசாரணை நடத்துவதற்கு என்.ஐ.ஏ நடவடிக்கை எடுத்துள்ளது. இதுதொடர்பாக அவரது வீட்டில் என்.ஐ.ஏ அதிகாரிகள் ரெய்டு நடத்தியுள்ளனர். அவரிடமும் அதிகாரிகள் விசாரித்து வருகிறார்கள். தங்கம் கடத்த பயன்படுத்திய ரகசிய அறையுடன் கூடிய கார். இதற்கிடையில் போலிச் சான்றிதழ் கொடுத்து வேலையில் சேர்ந்ததாக ஸ்வப்னா சுரேஷ் மீது எழுந்த புகார் குறித்து விசாரணை நடத்த விசாரணைக் குழு அமைக்கப்பட்டுள்ளது. இதுகுறித்து கே.எஸ்.ஐ.டி.எல் நிறுவன எம்.டி ஜெயசங்கர் கொடுத்த புகாரின் அடிப்படையில் திருவனந்தபுரம் கன்டோன்மென்ட் போலீஸார் ஸ்வப்னா மீது வழக்குபதிவு செய்துள்ளனர். ஸ்வப்னாவை பணியில் நியமித்த பி.டபிள்யூ.ஸி நிறுவனம் மற்றும் ஸ்வப்னாவை தேர்வு செய்த விஷன் டெக்னாலஜி ஆகிய நிறுவனங்கள் மீதும் வழக்கு பதிவு செய்யப்பட்டுள்ளது.
http://dlvr.it/RbcYw2

Read More

`வெடித்துச் சிதறிய உலை; 2 மாதங்களில் 3வது நிகழ்வு!’ - தவிக்கும் விசாகப்பட்டினம்

ஆந்திர மாநிலம் விசாகப்பட்டினத்தின் புறநகர் பகுதியில் உள்ளது பரவாடா. இங்கு இருக்கும் ராம்கி பார்மா நகரில் அமைந்துள்ள விசாகா என்ற ரசாயன ஆலையின் மருந்துப் பிரிவுகளில் நேற்று இரவு 10.30 மணிக்கு கழிவுகள் அகற்றும் பணி நடைபெற்று வந்துள்ளது. அப்போது எதிர்பாராதவிதமாக ஒரு உலை வெடித்துச் சிதறியுள்ளது. சம்பவத்தின்போது 4 தொழிலாளர்கள் மட்டுமே பணியிலிருந்துள்ளனர் அவர்கள் அனைவருமே காயமடைந்ததாகவும் அதில் மல்லேஸ்வர் ராவ் என்ற ஒருவர் மட்டும் பலத்த தீக்காயங்களுக்குள்ளாகி, அருகில் உள்ள தனியார் மருத்துவமனையில் அனுமதிக்கப்பட்டுள்ளதாக போலீஸார் தெரிவித்துள்ளனர்.விசாகப்பட்டினம் தொழிற்சாலையில் ஏற்பட்ட தீ விபத்தினால் அடர்த்தியான சிவப்பு நிற தீ ஜுவாலைகள் வானில் பல மீட்டர் தூரத்துக்குப் பரவியுள்ளன. உலை வெடிப்பின் போது ஏற்பட்ட பெரும் சத்தம் அப்பகுதி மக்களை நடுங்க வைத்துள்ளது. தீ விபத்தை அடுத்து சம்பவ இடத்துக்கு விரைந்த 12 தீயணைப்பு வாகனங்கள் மற்றும் வீரர்கள் இரவு முழுவதும் போராடி தீயை அணைத்துள்ளனர். Also Read: `இயக்கப்படாமல் இருந்த டேங்குகள்; கொடிய ஸ்டைரீன் வாயு!' - விசாகப்பட்டினத்தை உலுக்கிய கொடூர சம்பவம் இது பற்றிப் பேசியுள்ள விசாகப்பட்டினம் மாவட்ட ஆட்சியர் வினய் சந்த், “ஆலையிலிருந்த ஐந்து உலைகளில் ஒன்று வெடித்துச் சிதறியுள்ளது என்பது முதல்கட்ட விசாரணையில் தெரியவந்துள்ளது. இந்தச் சம்பவம் குறித்து அறிந்தவுடன் முழு மாவட்ட நிர்வாகமும் எச்சரிக்கப்பட்டு தீயை அணைக்கும் முயற்சிகள் முடுக்கிவிடப்பட்டன” என்று கூறியுள்ளார். விபத்து பற்றிப் பேசியுள்ள பார்மா நகரின் தலைமை நிர்வாக அதிகாரி லால் கிருஷ்ணா, ``அதிர்ஷ்ட வசமாகத் தீ தொழிற்சாலையை விட்டு வெளியில் பரவவில்லை, அதேபோல் அவை மற்ற உலைகளுக்கும் செல்லவில்லை. இதனால் மாபெரும் விபத்து தவிர்க்கப்பட்டுள்ளது. விபத்துக்கான உண்மையான காரணம் இன்னும் கண்டறியப்படவில்லை தொடர்ந்து விசாரணை நடந்து வருகிறது” என்று குறிப்பிட்டுள்ளார்.தொழிற்சாலை விபத்து விசாகப்பட்டினத்தின் பார்மா நகரிலிருந்து சுமார் 15 கி.மீ தூரத்தில் உள்ளவர்களும் உலை வெடிக்கும் சத்தத்தைக் கேட்டுள்ளனர். விபத்துக்குப் பிறகு தொழிற்சாலைக்கு அருகில் உள்ளவர்கள் அலறியடித்துக்கொண்டு வீட்டைவிட்டு வெளியேறியுள்ளனர். சுமார் 12 - 15 முறை வெடிப்பு சத்தத்தைக் கேட்க முடிந்ததாக மக்கள் தெரிவித்துள்ளனர். மேலும் தீப்பிழம்புகள் நீண்ட தூரம் வரை தெரிந்ததாகவும் கடுமையான புகை அப்பகுதி முழுவதையும் சூழ்ந்துகொண்டதாகவும் கூறியுள்ளனர். தொழிற்சாலை வெடிப்பைத் தொடர்ந்து பாதுகாப்பு நடவடிக்கையாக அப்பகுதி முழுவதும் மின்சாரம் துண்டிக்கப்பட்டுள்ளது. Also Read: ஆழ்ந்த உறக்கத்தில் எமனாக வந்த விஷவாயு... விசாகப்பட்டினம் ஆலையின் அலட்சியமே காரணமா? Massive accident in a Pharma unit under Jawahar lal Nehru Pharma city in Paravada of #Visakhapattanam. Several loud explosions heard. Fire tenders rushed to the area. Injured shifted to hospitals in Gajuwaka. #AndhraPradesh #VizagFire pic.twitter.com/S57dN1zTFQ— Aashish (@Ashi_IndiaToday) July 13, 2020 கடந்த மே மாதம் முதல் விசாகப்பட்டினத்தில் நடக்கும் 3-வது பெரும் தொழிற்சாலை விபத்து இது என போலீஸார் தெரிவித்துள்ளனர். முன்னதாக மே 7-ம் தேதி தென் கொரியாவைச் சேர்ந்த எல்.ஜி பாலிமர்ஸ் இந்தியா லிமிடெட் தொழிற்சாலையில் ஏற்பட்ட வாயு கசிவினால் சுற்றுப்புறத்தில் இருந்த 100-க்கும் அதிகமான மக்கள் பாதிக்கப்பட்டன, 12 பேர் விஷ வாயு தாக்கி உயிரிழந்தனர். அதேபோல் ஜூன் 30-ம் தேதி பரவாடாவில் இருக்கும் ஜவஹர்லால் நேரு பார்மா நிறுவனத்தில் எரிவாயு கசிந்த விபத்தில் 2 தொழிலாளர்கள் உயிரிழந்து 4 பேர் படுகாயமடைந்தனர். இரண்டு மாதங்களாக விசாகப்பட்டினத்தில் நடக்கும் தொடர் தொழிற்சாலை விபத்து நிகழ்வுகளால் அப்பகுதி மக்கள் பெரும் அச்சமடைந்துள்ளனர். இது தொடர்பாகத் தீவிர விசாரணை மேற்கொள்ள வேண்டும் எனவும் கோரிக்கை விடுத்துள்ளனர்.
http://dlvr.it/RbbN75

Read More

பத்மநாபசுவாமி கோயில்: சித்திரைத் திருநாள் மகாராஜா ஒப்பந்தமும் உச்ச நீதிமன்ற தீர்ப்பும்!

கேரள மாநிலம் திருவனந்தபுரம் ஸ்ரீபத்மநாப சுவாமி கோயில் நிர்வாகம் யாருக்கு எனத் தொடரப்பட்ட வழக்கில் சுப்ரீம் கோர்ட் இன்று பரபரப்பு தீர்ப்பை வழங்கியுள்ளது.``திருவிதாங்கூர் மன்னரின் இறப்பு அரச குடும்பத்தின் சொத்துகள் மற்றும் உரிமைகளைப் பாதிக்காது. எனவே, கேரள பத்மநாபசுவாமி கோயில் நிர்வாகத்தின் மீது திருவிதாங்கூர் மன்னர் குடும்பத்துக்கு உரிமை உள்ளது. அந்தக் கோயிலின் நிர்வாகத்தை மேற்பார்வையிட திருவனந்தபுரம் மாவட்ட நீதிபதி தலைமையில் ஒரு இடைக்கால குழுவை அமைக்க, உச்ச நீதிமன்றம் அனுமதி வழங்குகிறது. மேலும், அந்தக் கோயிலில் இருக்கும் ரகசிய அறைகள் திறக்கப்படுவது தொடர்பாக இடைக்கால குழு முடிவு செய்யும். இடைக்கால குழுவில் இந்து அல்லாதவர்கள் இடம்பெறக் கூடாது. இடைக்கால குழுவின் முடிவே இறுதியானது" என அந்தத் தீர்ப்பில் கூறப்பட்டுள்ளது. இந்த தீர்ப்பு குறித்து கருத்து கூறிய கேரள தேவசம்போர்டு அமைச்சர் கடகம்பள்ளி சுரேந்திரன், "சுப்ரீம் கோர்ட் தீர்ப்பை நாங்கள் மதிக்கிறோம். தீர்ப்பின் முழு விபரங்களும் இன்னும் கிடைக்கவில்லை. முழு விபரங்களையும் பெற்ற பிறகு அதில் கூறியுள்ளபடி உச்ச நீதிமன்றத்தின் தீர்ப்பை செயல்படுத்துவோம்" என்றார். இந்தத் தீர்ப்பை வரலாற்று சிறப்பு மிக்க தீர்ப்பாக மன்னர் குடும்பமும் கேரள மக்களும் பார்க்கிறார்கள்.பத்மநாபபுரம் அரண்மனை திருவிதாங்கூர் சமஸ்தானத்தின் ஆரம்பகால தலைமையிடமாக விளங்கியது கன்னியாகுமரி மாவட்டத்தில் உள்ள பத்மநாபபுரம் அரண்மனை. ஸ்ரீபத்மநாப சுவாமிக்கு சொந்தமான நாடு இது. கடவுளின் பிரதிநிதியாக சமஸ்தானத்தை மன்னர் ஆளுகிறார் என்பதை மனதில் நிறுத்தியே திருவிதாங்கூர் மன்னர்கள் ஆட்சி நடத்திவந்தனர். பத்மநாபபுரம் அரண்மனையை தலைமையிடமாகக் கொண்டு ஆட்சி செய்தபோது திருவட்டாறு ஆதிகேசவ பெருமாள் கோயிலை பிரதானமாகக் கொண்டிருந்தது மன்னர் குடும்பம். பின்னர், பாதுகாப்பு போன்ற சில காரணங்களுக்காகத் திருவிதாங்கூர் சமஸ்தான தலைமையகம் திருவனந்தபுரத்துக்கு மாற்றப்பட்டது. புதிய அரண்மனை மட்டுமல்லாது திருவட்டாறு கோயிலில் இருப்பதுபோன்று அனந்த சயன மூலவருடன் ஸ்ரீபத்மநாபசுவாமி கோயிலும் திருவனந்தபுரத்தில் நிர்மாணிக்கப்பட்டது. நம் நாடு சுதந்திரம் அடைந்த சமயத்தில் ஒவ்வொரு சமஸ்தானங்களையும் இணைக்கும் பணியை சர்தார் வல்லபபாய் படேல் மேற்கொண்டார். அந்தச் சமயத்தில் திருவிதாங்கூர் சமஸ்தானத்தை இந்தியாவுடன் இணைக்க மாட்டோம், தனியாகச் செயல்படுவோம் என அன்றைய மன்னர் சித்திரை திருநாள் மகாராஜா அறிவித்தார். இதையடுத்து சர்தார் வல்லபபாய் படேல் திருவிதாங்கூர் சமஸ்தானத்துக்கு நேரில் சென்று சித்திரைத் திருநாள் மகாராஜாவிடம் பேச்சுவார்த்தை நடத்தினார். அந்தப் பேச்சுவார்த்தையின்போது மன்னர் தனது அரண்மனை மற்றும் கட்டடங்கள், பத்மநாபசுவாமி கோயில் ஆகியவற்றை நிர்வகிக்கும் அதிகாரம் தனக்கு வேண்டும் எனக் கேட்டார். அதற்கு சம்மதித்து ஒப்பந்தம் ஏற்படுத்தப்பட்ட பின்னரே திருவிதாங்கூர் சமஸ்தானத்தை சுதந்திர இந்தியாவில் இணைக்க மன்னர் சம்மதித்தார்.சர்தார் வல்லபபாய் படேல் சித்திரைத் திருநாள் மகராஜா மறைந்த பிறகு, அவரது வாரிசுகள் அரண்மனை மற்றும் பத்மநாப சுவாமி கோயில் ஆகியவற்றை நிர்வகித்து வந்தனர். இந்த நிலையில் சர்தார் வல்லபபாய் படேல் போட்ட ஒப்பந்தம் சித்திரைத் திருநாள் மகாராஜா காலத்தோடு முடிந்துவிட்டது. அந்த ஒப்பந்தம் மன்னர்களின் வாரிசுகளுக்கு பொருந்தாது என்பதால் கோயிலை நிர்வகிக்கும் பொறுப்பு மன்னர் குடும்பத்துக்கு கிடையாது என கோர்ட்டில் சிலர் வழக்கு தொடர்ந்தனர். அந்த வழக்கில் 2011-ம் ஆண்டு தீர்ப்பளித்த கேரள உயர் நீதிமன்றம், `மன்னர் குடும்பத்துக்கு கோயிலை நிர்வகிக்கும் அதிகாரம் இல்லை. கேரள அரசுதான் கோயிலை நிர்வகிக்க வேண்டும்’ எனவும் தீர்ப்பு வழங்கியது. இந்த தீர்ப்பை எதிர்த்து திருவிதாங்கூர் மன்னர் குடும்பத்தினர் சுப்ரீம் கோர்ட்டில் மனுத்தாக்கல் செய்தனர். அந்த வழக்கில்தான் ஸ்ரீபத்மநாபசுவாமி கோயிலை நிர்வகிக்கும் அதிகாரம் மன்னர் குடும்பத்துக்கு உண்டு என இன்று தீர்ப்பு வழங்கியுள்ளது. Also Read: கேரளா:`அரசக்குடும்பத்துக்கு உரிமை உள்ளது!’ - பத்மநாபசுவாமி கோயில் வழக்கில் புதிய உத்தரவு இந்தத் தீர்ப்பில் மற்றொரு முக்கிய அம்சமாகக் கோயில் பி நிலவறையைத் திறப்பது குறித்து இடைக்கால கமிட்டி தீர்மானிக்கலாம் எனக் கூறப்பட்டுள்ளது. ஏற்கெனவே ஸ்ரீபத்மநாபசுவாமி கோயிலில் உள்ள ஐந்து நிலவறைகள் திறக்கப்பட்டுள்ளன. அதில், சுவாமிக்கு சார்த்தும் 18 அடி நீளமுள்ள தங்க மாலை, தங்க கிரீடம், ரத்தினம் பொறிக்கப்பட்ட ஆதிசேஷ கிரீடம் குடங்களில் நிறைந்துகிடந்த தங்கம் என ஒரு லட்சம் கோடியில் இருந்து 10 லட்சம் கோடி ரூபாய் வரை மதிப்புள்ளதாகக் கருதப்படும் பொக்கிஷங்கள் கண்டுபிடிக்கப்பட்டன. அந்தச் சமயத்தில் பி நிலவறையை திறக்கக் கூடாது என மன்னர் குடும்பம் எதிர்ப்பு தெரிவித்தது. பி நிலவறை மட்டும்தான் திறக்கப்படாமல் உள்ளது.பத்மநாபசுவாமி திருக்கோயில் பி நிலவறை என்பது கல்லால் ஆன கதவு, மரத்தால் ஆன கதவு, பித்தளையால் ஆன கதவு என மூன்று கதவுகளைக் கொண்டது. கதவின் சாவி துவாரம் பாம்பின் வாய் பகுதிபோன்று அமைந்துள்ளது. அதில், சாவியை சொருகிதான் திறக்க வேண்டும் என்கிறார்கள் கோயிலைப் பற்றி நன்கு அறிந்தவர்கள். மேலும் பி நிலவறையில் பொக்கிஷங்கள் இல்லை எனவும். அது அகஸ்தியர் முனிவர் முக்தி அடைந்த பகுதி எனவும் கூறப்படுகிறது. பி நிலவறை குறித்து இடைக்கால கமிட்டி என்ன முடிவு எடுக்கிறது என்பதைப் பொறுத்திருந்து பார்க்கலாம்.
http://dlvr.it/RbXl2f

Read More

கேரளா: யு.ஏ.இ தூதரகப் போலி எம்பளம், சீல்; தீவிரவாத லிங்க்! என்.ஐ.ஏ கஸ்டடியில் ஸ்வப்னா

திருவனந்தபுரம் யு.ஏ.இ துதரகப் பார்சல் வழியாகத் தங்கம் கடத்தப்பட்ட வழக்கில் என்.ஐ.ஏ தீவிர விசாரணை நடத்தி வருகிறது. திருவனந்தபுரம் சர்வதேச விமான நிலையம் வழியாக வந்த பார்சலை பெறுவதற்காக வந்த ஸரித் முதலில் கைது செய்யப்பட்டார். ஸரித்துக்கும் கேரள முதல்வர் பினராயி விஜயனின் கட்டுப்பாட்டில் உள்ள ஐ.டி துறையின் ஸ்பேஸ் பார்க் நிறுவனத்தில் பணிபுரிந்த ஸ்வப்னாவுக்கும் தொடர்பு இருப்பது வெளியானதால், இந்த வழக்கு அரசியல் முக்கியத்துவம் பெற்றது. ஆரம்பத்தில் சுங்கத்துறை அதிகாரிகள் இந்த வழக்கை விசாரித்து வந்தனர். பின்னர் என்.ஐ.ஏ இந்த வழக்கை தீவிரமாக விசாரணை நடத்த தொடங்கியது. இந்த வழக்கின் எதிரொலியாக ஸ்வப்னாவுடன் நெருக்கமான தொடர்பில் இருந்த முதல்வர் பினராயி விஜயனின் செயலாளர் சிவசங்கரன் அந்தப் பதவியில் இருந்து நீக்கப்பட்டார். ஐ.டி துறைச் செயலாளர் பதவியில் அவர் இருக்கும் நிலையில் ஒருவருட விடுப்பில் சென்றுள்ளார். மேலும், இந்த வழக்கில் தங்கம் கடத்தியது யார், அது எங்கு செல்கிறது, இதில் தொடர்பில் உள்ள முக்கிய புள்ளிகள் யார் என்பதுபோன்ற பல கேள்விகளுக்கு விடை கிடைக்க வேண்டியுள்ளது.ஸ்வப்னா சுரேஷ் இந்தநிலையில், பெங்களூரில் தலைமறைவாக இருந்த ஸ்வப்னா, சந்தீப் நாயர் ஆகியோர் கைது செய்யப்பட்டு கொச்சி என்.ஐ.ஏ கோர்ட்டில் நேற்று ஆஜர்படுத்தப்பட்டிருந்தனர். அவர்களுக்கு கொரோனா பரிசோதனை நடத்தப்பட்டது. அதில் நெகட்டிவ் ரிசல்ட் வந்ததால், அவர்களை காவலில் எடுத்து விசாரணை நடத்த என்.ஐ.ஏ இன்று கோர்ட்டில் மனுத்தாக்கல் செய்தது. இதையடுத்து ஸ்வப்னா மற்றும் சந்தீப் நாயர் ஆகியோரை ஏழு நாள்கள் என்.ஐ.ஏ கஸ்டடியில் விசாரணை நடத்த கோர்ட் அனுமதி அளித்துள்ளது. Also Read: கேரளா தங்கம் கடத்தல்: `மலப்புரம் கனெக்‌ஷன்; பயணிகள் விமானம்!’ - அதிரவைக்கும் பின்னணி ஸ்வப்னாவை கஸ்டடியில் எடுப்பதற்காக என்.ஐ.ஏ கோர்ட்டில் தாக்கல் செய்த மனுவில், இவர்கள் தங்கம் கடத்தியது ஜூவல்லரிக்காக அல்ல; தீவிரவாத நடவடிக்கைகளுக்கு பண உதவி செய்வதற்காகத்தான் இந்தக் கடத்தலில் ஈடுபட்டுள்ளனர் எனக் கூறியுள்ளது. மேலும், யு.ஏ.இ தூதரகத்தின் சீலும், எம்பளமும் போலியாகத் தயாரித்துப் பயன்படுத்திதான், இவர்கள் தங்கம் கடத்தியுள்ளனர். தங்கம் கடத்தல் பற்றி யு.ஏ.இ தூதரகத்துக்குத் தெரியாது. இவர்களின் இந்தச் செயல் யு.ஏ.இ-வுக்கும் இந்தியாவுக்கும் இடையிலான உறவை கெடுத்துள்ளது என என்.ஐ.ஏ கூறியுள்ளது.சந்தீப் - ஸ்வப்னா முதலில் எர்ணாகுளத்தைச் சேர்ந்த ஃபாசில் ஃபரீத் என்பவர் மூன்றாம் குற்றவாளியாகச் சேர்க்கப்பட்டிருந்தார். அந்தப் பெயர் தவறாக வந்துள்ளது. அதை திருச்சூர் கைப்பமங்கலத்தைச் சேர்ந்த ஃபைசல் ஃபரீத் எனத் திருத்த வேண்டும் என்று கூறியிருந்தது. இதை கோர்ட் ஏற்றுக்கொண்டது. மேலும், பெங்களூரில் இருந்து சந்தீப் நாயரை கைது செய்தபோது ஒரு பேக்கை என் ஐ.ஏ கைப்பற்றியுள்ளது. அந்த பேக்கை என்.ஐ.ஏ திறந்து பார்க்கவில்லை என்றும், சந்தீப் நாயரிடம் நடத்திய விசாரணையின் அடிப்படையில் பார்க்கும்போது, அதில் தங்கம் கடத்தல் சம்பந்தமான முக்கிய ஆவணங்கள் இருக்க வாய்ப்பு உள்ளது. எனவே, அந்த பேக்கை கோர்ட்டின் முன்பு வைத்து திறக்க வேண்டும் என என்.ஐ.ஏ மனு அளித்துள்ளது. அந்த மனுகுறித்து கோர்ட் நாளை முடிவு செய்ய வாய்ப்பு உள்ளதாக கூறப்படுகிறது. அந்த பேக் திறக்கப்படும்போது தங்கம் கடத்தல் குறித்து ஆவணங்கள் வெளியாக வாய்ப்பு உள்ளதாகக் கூறப்படுகிறது.
http://dlvr.it/RbXl0k

Read More

கேரளா:`அரசக்குடும்பத்துக்கு உரிமை உள்ளது!’ - பத்மநாபசுவாமி கோயில் வழக்கில் புதிய உத்தரவு

கேரள மாநிலத்தின் தலைநகர் திருவனந்தபுரத்தில் இருக்கும் பிரசித்திபெற்ற பத்மநாபசுவாதி கோயிலை திருவிதாங்கூர் மன்னர் குடும்பத்தினர் நிர்வகித்துவருகின்றனர். பத்மநாபசுவாமி கோயில் மன்னர் காலத்தில் கட்டப்பட்டதால் இங்கு சில ரகசிய அறைகள் உள்ளன. 150 வருடங்களுக்கும் மேல் திறக்கப்படாமலேயே இருந்த அந்த அறைகளைத் திறக்க வேண்டும். மன்னர் குடும்பத்தினர் பராமரிப்பில் உள்ள அக்கோயிலின் நிர்வாகத்தில் வெளிப்படை தன்மை இல்லை. எனவே,கோயில் சொத்துகளை அரசு நிர்வகிக்க வேண்டும் என சுந்தரராஜன் என்பவர் கேரள உயர் நீதிமன்றத்தில் வழக்கு தொடர்ந்தார்.உச்ச நீதிமன்றம் இதை விசாரித்த கேரள நீதிமன்றம் கோயில் நிர்வாகத்தை அரசு கவனிக்க வேண்டும் என 2011-ம் ஆண்டு உத்தரவிட்டது. ஆனால், இதை எதிர்த்து திருவிதாங்கூர் அரசக் குடும்பம் உச்ச நீதிமன்றத்தில் மேல்முறையீடு செய்தது. அந்த விசாரணையில், கேரள நீதிமன்றத்தின் தீர்ப்புக்கு இடைக்கால தடை விதித்த உச்ச நீதிமன்றம் அதே நேரத்தில் 2 முன்னாள் உச்ச நீதிமன்ற நீதிபதிகள் முன்னிலையில் ரகசிய அறைகளைத் திறக்க உத்தரவிட்டது. அப்படி திறக்கப்பட்ட அறைகளில் தங்கத்தாலான நிறைய சாமி சிலைகள், விலை மதிக்க முடியாத அரிய வகை வைரங்கள், வைடூரியங்கள், தங்க நாணயங்கள், நகைகள், அரிய வகை கற்கள் போன்றவை கண்டுப்பிடிக்கப்பட்டன. இதன் மொத்த மதிப்பு சுமார் ஒரு லட்சம் கோடி ரூபாய்க்கு மேல் இருக்கும் எனக் கூறப்பட்டது. Also Read: `பரம்பரை உரிமை இல்லை; அரசுக்குத்தான் சொந்தம்' - பத்மநாபசுவாமி கோயில் வழக்கில் கேரள அரசு வாதம்! அந்த நேரத்தில், பத்மநாபசுவாமி கோயிலில் இருக்கும் ரகசிய அறை உலக அளவில் பெரும் பேசுபொருளாக மாறியது. பின்னர் அங்கு கண்டுப்பிடிக்கப்பட்ட பொருள்களைத் தணிக்கை செய்து அறிக்கை தாக்கல் செய்ய வேண்டும் என இந்திய தணிக்கை அதிகாரிக்கு உச்ச நீதிமன்றம் உத்தரவிட்டுள்ளது. பத்மநாபசுவாமி கோயில் நிர்வாகம் தொடர்பான வழக்கு மீண்டும் கடந்த ஆண்டு விசாரணைக்கு வந்தது. இதில் இரண்டு தரப்பு வாதங்களும் முழுமையாக நிறைவடைந்த பிறகு, தேதி குறிப்பிடாமல் தீர்ப்பு ஒத்திவைக்கப்பட்டது. சுமார் 9 ஆண்டுகளாக நடந்துவரும் இந்த வழக்கின் இறுதித் தீர்ப்பு இன்று வழங்கப்பட்டுள்ளது. J Lalit reads out the verdict: We allow the appeal of the royal family of Travancore. Death does not effect Shebaitship of the Travancore Family. The bench gives a nod for constituting a committee headed by the district judge of Trivandrum.#Padmanabhaswamytemple— Bar & Bench (@barandbench) July 13, 2020 உச்ச நீதிமன்ற நீதிபதிகள் லலித், இந்து மல்கோத்ரா ஆகியோர் அடங்கிய அமர்வு இன்று உத்தரவுகளைப் பிறப்பித்தது. அப்போது பேசிய நீதிபதி லலித், ``திருவிதாங்கூர் மன்னரின் இறப்பு, அரச குடும்பத்தின் சொத்துகள், உரிமைகளைப் பாதிக்காது. எனவே, கேரள பத்மநாபசுவாமி கோயில் நிர்வாகத்தின் மீது திருவிதாங்கூர் மன்னர் குடும்பத்துக்கு உரிமை உள்ளது. அந்தக் கோயிலின் நிர்வாகத்தை மேற்பார்வையிட திருவனந்தபுரம் மாவட்ட நீதிபதி தலைமையில் ஒரு இடைக்கால குழுவை அமைக்க, உச்ச நீதிமன்றம் அனுமதி வழங்குகிறது. மேலும், அந்தக் கோயிலில் இருக்கும் ரகசிய அறைகள் திறக்கப்படுவது தொடர்பாக இடைக்கால குழு முடிவு செய்யும். இடைக்கால குழுவின் முடிவே இறுதியானது” எனத் தெரிவிக்கப்பட்டுள்ளது.
http://dlvr.it/RbWZP5

Read More