விஜயபாஸ்கரிடம் பேசிய உம்மன் சாண்டி! - குழந்தையின் சிகிச்சைக்காகப் பறந்த சிறப்பு ஆம்புலன்ஸ்

கேரள மாநிலம், பத்தனம்திட்டா மாவட்டம் அடூர் நகரைச் சேர்ந்தவர் ஜார்ஜ். இவரின் மனைவி டீனா. நிறைமாத கர்ப்பிணியாக இருந்த டீனா பிரசவத்துக்காக அங்குள்ள தனியார் மருத்துவமனையில் அனுமதிக்கப்பட்டார். கடந்த 8 நாள்களுக்குமுன் பெண் குழந்தை பிறந்தது. அந்தக் குழந்தைக்கு முதுகுத் தண்டில் கோளாறு இருப்பதை மருத்துவர்கள் கண்டறிந்தனர். `உடனடியாக அறுவைசிகிச்சை செய்தால், இந்தப் பிரச்னையை சரிசெய்துவிடலாம். இல்லையெனில், குழந்தையின் உயிருக்கே ஆபத்து ஏற்படும்.கேரளாவிலிருந்து வந்த ஆம்புலன்ஸ் அதற்கான மருத்துவ வசதிகள், வேலூர் சி.எம்.சி தனியார் மருத்துவமனையில்தான் உள்ளது. அங்கு செல்லவும்’ என்று அடூர் மருத்துவர்கள் பரிந்துரை செய்துள்ளனர். கொரோனா பொது முடக்கத்தால், மாநிலம் விட்டு மாநிலம் செல்வதில் இ-பாஸ் போன்ற நடைமுறை சிக்கல் இருப்பதால், கேரள மாநில முன்னாள் முதல்வர் உம்மன் சாண்டியின் உதவியை நாடினர் குழந்தையின் பெற்றோர். உடனடியாகத் தமிழக சுகாதாரத்துறை அமைச்சர் விஜயபாஸ்கரை போனில் தொடர்புகொண்டு பேசிய உம்மன் சாண்டி, சிகிச்சைக்கு உதவுமாறு கேட்டுக்கொண்டார். இதையடுத்து குழந்தையை வேலூருக்குக் கொண்டு வருவதற்கான ஏற்பாடுகளைத் துரிதப்படுத்தினார் அமைச்சர் விஜயபாஸ்கர். நேற்று முன்தினம் இரவு 10 மணிக்குக் குழந்தையுடன் பெற்றோர் கேரளாவிலிருந்து சிறப்பு ஆம்புலன்ஸ் மூலம் புறப்பட்டனர். அமைச்சர் விஜயபாஸ்கரின் நேரடியான ஏற்பாட்டினால், நடுவழியில் எந்த இடத்திலும் மறிக்கப்படாமல் நேற்று காலை 8 மணிக்கு வேலூர் சி.எம்.சி மருத்துவமனைக்கு ஆம்புலன்ஸ் வந்து சேர்ந்தது.குழந்தையை தூக்கிச்செல்லும் மருத்துவக் குழு சுமார் 700 கிலோ மீட்டர் தூரத்தை 10 மணி நேரத்தில் கடந்துவந்த ஆம்புலன்ஸ் ஓட்டுநர் மேத்யூ என்பவரை உம்மன்சாண்டி தரப்பும் அமைச்சர் விஜயபாஸ்கர் தரப்பினரும் பாராட்டினர். சி.எம்.சி-யில் அனுமதிக்கப்பட்டுள்ள குழந்தைக்கு இனிமேல்தான் அறுவை சிகிச்சை நடக்கவிருக்கிறது. மருத்துவமனை தரப்பில் விசாரித்தபோது, ‘‘உம்மன்சாண்டிக்கு வேண்டப்பட்டவர்கள் என்பதால் விரைவாகக் கொண்டு வந்துள்ளனர். இனிமேல்தான் அறுவைசிகிச்சை செய்ய உள்ளோம்’’ என்றனர்.
http://dlvr.it/RbtFzV

Read More

கேரளாவில் புதிய உச்சம்: ஒரே நாளில் 791 பேர்களுக்கு கொரோனா பாதிப்பு

இந்தியாவில் முதல் முதலாக கேரளாவில்தான் கொரனோ வைரஸ் நோளி கண்டுபிடிக்கப்பட்டார் என்றாலும் கேரள அரசு எடுத்த அதிரடி நடவடிக்கை காரணமாக கேரளாவில் கொரனோ […]
http://dlvr.it/Rbr6v9

Read More

ஸ்வப்னாவின் கான்டாக்ட்: பிளேடால் கை அறுப்பு! - தங்கம் கடத்தலில் சிக்கிய யு.ஏ.இ தூதரக கன்மேன்

திருவனந்தபுரம் யு.ஏ.இ தூதரக பார்சல் வழியாகத் தங்கம் கடத்திய வழக்கில் சிக்கிய ஸ்வப்னா சுரேஷை கஸ்டடியில் எடுத்து என்.ஐ.ஏ விசாராணை நடத்தி வருகிறது. அவரது போன் அழைப்பு விவரங்களைத் திரட்டியபோது அதில், கேரள உயர்கல்வித்துறை அமைச்சர் ஜலீல், அவரது உதவியாளர் என பலருடன் பேசியிருந்தது தெரியவந்துள்ளது. மேலும், யு.ஏ.இ கவுன்சில் ஜெனரல், அவரது கன்மேன் ஜெயகோஷ் மற்றும் கவுன்சில் ஜெனரல் அலுவலகத்தில் பணிபுரியும் அட்டாஷே (Attaché) ராஷத் அல் ஷெமீல் ஆகியோருடன் ஸ்வப்னா சுரேஷ் பேசியிருப்பது தெரியவந்துள்ளது. இவர்களை விசாராணை நடத்த என்.ஐ.ஏ நடவடிக்கை எடுத்துள்ளது. யு.ஏ.இ கவுன்சில் ஜெனரல் இந்தியாவில் இல்லை. அவரது நாட்டில்தான் இருக்கிறாராம். இந்த நிலையில் தூதரக அட்டாஷே ராஷத் அல் ஷெமீல் நேற்று டெல்லி சென்று அங்கிருந்து விமானம் மூலம் யு.ஏ.இ-க்கு பறந்துவிட்டார். இது பி.ஜே.பி அரசின் வீழ்ச்சி என சி.பி.எம் விமர்சனம் செய்தது. இந்தநிலையில், யு.ஏ.இ கவுன்சில் ஜெனரலின் கன்மேன் ஜெயகோஷை நேற்று முதல் காணவில்லை என அவரது உறவினர்கள் திருவனந்தபுரம் தும்பா காவல் நிலையத்தில் இன்று புகார் அளித்தனர்.யு.ஏ.இ தூதரக கன்மேன் ஜெயகோஷ் யு.ஏ.இ கவுன்சில் ஜெனரலின் கன்மேன் ஜெயகோஷ் திருவனந்தபுரம் ஆயுதப்படையைச் சேர்ந்தவர். கடந்த மூன்று ஆண்டுகளாக யு.ஏ.இ கவுன்சில் ஜெனரலின் கன்மேனாக இருக்கிறார். தங்கம் கடத்தல் வழக்கில் கைது செய்யப்படுள்ள ஸரித் மற்றும் ஸ்வப்னா ஆகியோர் கன்மேன் ஜெயகோஷிடம் போனில் பேசியுள்ளதாகவும், இவரும் அவர்களை போனில் தொடர்புகொண்டதாகவும் தகவல் வெளியாகியுள்ளது. இதற்கு முன்பு திருவனந்தபுரம் விமான நிலைய குடியேற்றத்துறை கவுண்டரில் பணியில் இருந்திருக்கிறார் ஜெயகோஷ். இந்த நிலையில் ஜெயகோஷுக்கு மிரட்டல் இருந்ததாகவும் உறவினர்கள் கூறியிருந்தனர். `நாம் நினைப்பதைவிட, அது பெரிய கும்பல்’ என தன் மனைவியிடம் ஜெயகோஷ் கூறியிருந்ததாகவும். மனஉளைச்சலுக்கு ஆளானவர் தும்பாவில் உள்ள அவரின் மனைவி வீட்டுக்குச் சென்ற நிலையில் காணவில்லை என போலீஸில் புகார் அளிக்கப்பட்டது. கஸ்டம்ஸ் அல்லது என்.ஐ.ஏ விசாரணைக்காக ஜெயகோஷை அழைத்துச் செல்லவில்லை என்றும், பைக்கில் வந்த 2 பேர் மிரட்டிவிட்டுச் சென்றதாகவும் அவரின் உறவினர்கள் தெரிவித்திருந்தனர். விசாரணைக்கு ஆஜராகும்படி கூறியதை அடுத்து ஜெயகோஷின் துப்பாக்கியை ஒப்படைக்கும்படி அதிகாரிகள் கூறியுள்ளனர். நேற்று துப்பாக்கியை ஒப்படைத்த நிலையில் அவர், காணாமல் போனதாக புகார் அளிக்கப்பட்ட விவகாரம் பரபரப்பைக் கிளப்பியது.ஸ்வப்னா சுரேஷ் தும்பா போலீஸார் ஜெயகோஷின் மொபைல் போன் சிக்னலை இருந்த பகுதியை ஆய்வு செய்தபோது வீட்டுக்கு அருகிலேயே இருப்பத்தாகக் காட்டியது. இதைத் தொடர்ந்து அவரது வீட்டின் பின்பக்கம் உள்ள புதர் காட்டில், போலீஸார் தேடுதல் வேட்டை நடத்தினர். அப்போது புதர்காட்டில் பதுங்கி இருந்த ஜெயகோஷ், போலீஸைக் கண்டதும் கையில் மறைத்து வைத்திருந்த பிளேடால் இடது கை நரம்பை கிழித்துள்ளார். மேலும், அவர் பிளேடுகளை விழுங்கியதாகவும் கூறப்படுகிறது. போலீஸார் விரைந்து அவரை திருவனந்தபுரத்தில் உள்ள தனியார் மருத்துவமனையில் சேர்த்தனர். போலீஸார் தூக்கிச் செல்லும்போது, `நான் நிரபராதி. தவறு செய்யவில்லை’ என புலம்பியபடி இருந்தார் ஜெயகோஷ். மருத்துவமனையில் அவருக்குத் தொடர்ந்து சிகிச்சை அளிக்கப்பட்டு வருகிறது.
http://dlvr.it/Rbr6t5

Read More

கேரளா: `இனியொரு ராஜினாமா இங்கு நடக்காது!' - கொதித்த கொடியேரி பாலகிருஷ்ணன்

தூதரக பார்சல் என்ற பெயரில் திருவனந்தபுரம் விமான நிலையம் மூலம் தங்கம் கடத்த முயன்ற வழக்கில் தினமும் புதுப்புது திருப்பங்கள் நிகழ்கின்றன. தங்கம் கடத்தல் வழக்கில் முதல் மற்றும் இரண்டாம் குற்றவாளிகளான ஸரித், ஸ்வப்னா ஆகியோருடன் தொடர்பில் இருந்த ஐ.ஏ.எஸ் அதிகாரி சிவசங்கரனை சஸ்பெண்ட் செய்து முதல்வர் பினராயி விஜயன் நேற்று அறிவித்தார். முதல்வர் பினராயி விஜயனின் முதன்மைச் செயலாளராக இருந்தவர் சிவசங்கரன் என்பதால் அரசியல்ரீதியாக காங்கிரஸ் மற்றும் பி.ஜே.பி ஆகிய கட்சிகள் போராட்டத்தை முன்னெடுத்துச் செல்கின்றன. பினராயி விஜயன் ராஜினாமா செய்ய வேண்டும் என காங்கிரஸ், பி.ஜே.பி ஆகிய கட்சிகள் தொடர்ந்து வலியுறுத்துகின்றன. ஏற்கனவே காங்கிரஸ் கட்சியின் கே.கருணாகரன், கேரள முதல்வராக இருந்தபோது இஸ்ரோ நம்பிநாராயணன் வழக்கு விஸ்வரூபம் எடுத்தது. அதனால் அவர் தனது பதவியை ராஜினாமா செய்ததை மேற்கோள் காட்டியும், தங்கம் கடத்தல் வழக்கு குறித்து கருத்து தெரிவித்த பி.ஜே.பி தலைவர் ஜே.பி நட்டா 'கேரளத்தில் தங்கத்தின் நிறம் சிவப்பு' எனக் கிண்டலடித்தார். இதற்கு பதில் கொடுக்கும்விதமாக சி.பி.எம் கேரள மாநில பொதுச்செயலாளர் கோடியேரி பாலகிருஷ்ணன் கட்சிப் பத்திரிகையான தேசாபிமானியில் கட்டுரை ஒன்றை எழுதியுள்ளார். சஸ்பெண்ட் செய்யப்பட்ட ஐ.ஏ.எஸ் அதிகாரி சிவசங்கரன் அந்தக் கட்டுரையில் கோடியேரி பாலகிருஷ்ணன் கூறுகையில், "முன்பு பொய் வழக்குப்போட்டு ஒரு முதலமைச்சரை ராஜினாமா செய்யவைத்த அனுபவம் காங்கிரஸ் ஆட்சிக் காலத்தில் நடந்தது. அதற்காக ஒரு பெண்ணையும் ஐ.பி.எஸ் அதிகாரியையும் மையமாக வைத்து கதைகள் உருவாக்கினார்கள். அதனால் கே.கருணாகரன் முதல்வர் பதவியை ராஜினாமா செய்தார். அதுபோல ஒரு நிலை இப்போது உருவாகும் எனக் காங்கிரஸ் நினைக்க வேண்டாம். பொய்க் கதைகளை சொல்லி, போராட்டம் நடத்தும் காங்கிரஸின் எண்ணம் நிறைவேறாது. கொரோனாவுக்கு எதிராக திறம்பட நடவடிக்கை எடுக்கும் பினராயி விஜயனுக்கு எதிராகப் பொய் கதைகளை சொல்லி, அராஜகமாக போராட்டம் நடத்தி அரசை தகர்க்க நினைத்தால் அது நடக்காது. பினராயி விஜயனுக்கு பக்கபலமாகக் கட்சி ஒற்றுமையாக உள்ளது. இனியும் ஒரு பொய் வழக்கை கேரளா அனுமதிக்காது. மத்திய அரசு விசாரணை ஏஜென்சிகளை அரசியல்ரீதியாகப் பயன்படுத்தும் எனத் தெரியும். இருந்தாலும் இந்த வழக்கில் மத்திய அரசு ஏஜென்சிகளின் விசாரணையை பினராயி விஜயன் வரவேற்றிருக்கிறார். இதன் மூலம் அரசுக்கும் கட்சிக்கும் பயம் இல்லை என்பதை தெளிவுபடுத்தியுள்ளோம். Also Read: `ஸ்வப்னாவுடன் நட்பில் இருந்த சிவசங்கரன் ஐ.ஏ.எஸ் சஸ்பெண்ட்!’ - பினராயி விஜயன் அதிரடி இப்போது சர்ச்சையில் சிக்கியுள்ள சிவசங்கரன் காங்கிரஸ் ஆட்சி காலத்தில் முக்கிய பதவிகளில் இருந்தவர். அனுபவம்மிக்க ஐ.ஏ.எஸ் அதிகாரி என்பதால் முதலமைச்சரின் முதன்மைச் செயலாளராக நியமிக்கப்பட்டார். அவர் மீது குற்றச்சாட்டு வந்ததும் அவரை பாதுகாக்காமல் பதவியில் இருந்து நீக்கி நடவடிக்கை எடுத்தார் பினராயி விஜயன். அதிகாரியாக இருந்தாலும் சரி மற்றவராக இருந்தாலும் சரி, அவர்களே தோண்டிய குழியில் அவர்களே விழுந்தால் கரையேற்ற அரசின் கைகள் நீளாது.கோடியேரி பாலகிருஷ்ணன் இப்போது வரும் செய்திகளின் அடிப்படையில் பார்த்தால் தங்கத்தின் நிறம் காவியும், பச்சையும் எனப் புரிகிறது. காவி பி.ஜே.பி-யையும் பச்சை சில தீவிரவாத அமைப்புகளையும், அவர்களுக்கு ஆதரவளிக்கும் முஸ்லிம் லீக் போன்ற அமைப்புகளையும் குறிக்கும். தங்கம் கடத்தல் விவகாரத்தில் எதாவது சமுதாயத்தை குறித்தோ, மாவட்டத்தை பற்றியோ, குறிப்பிட்ட இடத்தை பற்றியோ அவதூறு பரப்பக்கூடாது. இத்தகைய பிரசாரங்களை கம்யூனிஸ்ட் கடுமையாக எதிர்க்கும்" என்றார்.
http://dlvr.it/Rbpyqd

Read More

கலை, அறிவியல் கல்லூரிகளில் சேர மாணவர்கள் விண்ணப்பிக்கும் தேதி அறிவிப்பு

கொரோனா வைரஸ் அச்சம் காரணமாக பள்ளிகள் மட்டுமன்றி கல்லூரி மாணவர்களின் வாழ்க்கையும் பெரும் பாதிப்பு ஏற்பட்டுள்ளது. கல்லூரி மாணவர்களுக்கு செமஸ்டர் தேர்வுகள் உண்டா […]
http://dlvr.it/RbmKkW

Read More

`ஸ்வப்னாவுடன் நட்பில் இருந்த சிவசங்கரன் ஐ.ஏ.எஸ் சஸ்பெண்ட்!’ - பினராயி விஜயன் அதிரடி

திருவனந்தபுரம் யு.ஏ.இ தூதரக பார்சல் என்ற பெயரில் தங்கம் கடத்திய வழக்கில் கைது செய்யப்பட்டுள்ள ஸ்வப்னா அரசியலில் அதிர்வலையை ஏற்படுத்தியுள்ளார். தூதரகத்தில் பார்சல் எடுக்க வந்த ஸரித் கைது செய்யப்பட்ட உடன், அவருக்கும் கேரள ஐ.டி துறையின் ஸ்பேஸ் பார்க் நிறுவனத்தில் பணிபுரிந்த ஸ்வப்னாவுக்கும் தொடர்பு இருப்பது தெரியவந்தது. ஸ்வப்னா குறித்து விசாராணை நடத்தியபோது, கேரள ஐ.டி துறை செயலாளரும், முதல்வர் பினராயி விஜயனின் முதன்மைச் செயலாளருமான சிவசங்கரன் பின்னணியில் இருப்பது தெரியவந்தது. ஸ்வப்னாவின் வீட்டுக்குச் சென்று வரும் அளவிற்கு தொடர்பில் இருந்த சிவசங்கரனை தனது முதன்மைச் செயலாளர் பதவியில் இருந்து நீக்கினார் பினராயி விஜயன். இந்த வழக்கில் பினராயி விஜயன் தனது முதல்வர் பதவியை ராஜினாமா செய்ய வேண்டும் என எதிர்க்கட்சிகள் போராட்டத்தில் குதித்தன. இதைத் தொடர்ந்து ஐ.டி துறை செயலாளர் பதவியில் இருந்தும் சிவசங்கரன் நீக்கப்பட்டார். மேலும் சிவசங்கரன் ஒரு வருடம் விடுப்பில் சென்றார். இந்த நிலையில்தான் சுங்கத்துறை அதிகாரிகள் சிவசங்கரனை ஒன்பது மணிநேரம் தொடர்ச்சியாக விசாரணை நடத்தினர். முதல்வரின் செயலாளராக இருந்த ஒருவரை சுங்கத்துறை அதிகாரிகள் 9 மணி நேரம் விசாரணை நடத்தப்பட்டது கேரள அரசியலில் பெரும் புயலை கிளப்பியது.கேரள முதல்வர் பினராயி விஜயன் சிவசங்கரனிடம் சுங்கத்துறை நடத்திய விசாரணையில் அவர் ஸ்வப்னாவுடன் நெருங்கிய தொடர்பில் இருந்ததும், அவர்கள் சேர்ந்து ஆலோசனை நடத்த தலைமைச் செயலகம் அருகிலேயே பிளாட் எடுத்ததும் தெரியவந்தது. ஐ.டி பார்க்ஸ் மார்க்கெட்டிங் அண்ட் ஆப்பரேஷன் டைரக்டர் அருண் பாலச்சந்திரன் மூலம் சிவசங்கரன் பிளாட் புக் செய்தது தெரியவந்தது. இதையடுத்து அருண் பாலச்சந்திரன் சஸ்பெண்ட் செய்யப்பட்டார். இந்த நிலையில் இன்று சிவசங்கரன் ஐ.ஏ.எஸ் சஸ்பெண்ட் செய்யப்பட்டதாக முதல்வர் பினராயி விஜயன் அறிவித்தார். Also Read: கேரளா: `ஸ்வப்னாவுடன் 9 முறை போனில் பேசிய அமைச்சர் ஜலீல்!’ - என்.ஐ.ஏ விசாரணையில் அம்பலம் கொரோனா நிலவரம் குறித்து வழக்கமாகச் செய்தியாளர்களை சந்திப்பது போன்று இன்று மாலையும் பினராயி விஜயன் பேட்டி அளித்தார். அப்போது கொரோனா குறித்த கேள்விகளுக்கு முதலில் பதில் சொன்னார். தங்கம் கடத்தல் மற்றும் சிவசங்கரன் சம்பந்தப்பட்ட கேள்விகளுக்கான பதிலை இறுதியாக வைத்துக்கொள்ளலாம் என்றார். கொரோனா நடவடிக்கைகள் குறித்த கேள்விகள் நிறைவடைந்த பிறகு பினராயி விஜயன் கூறுகையில், ``சிவசங்கரன் குறித்து தலைமைச் செயலர் மற்றும் நிதித்துறை கூடுதல் தலைமைச் செயலாளர் ஆகியோர் தலைமையில் விசாரணைக் குழு அமைக்கப்பட்டிருந்தது.ஸ்வப்னா அந்தக் குழு விசாரணை நடத்தி இன்று மாலையில் ரிப்போர்ட் அளித்துள்ளனர். அதன் அடிப்படையில் எம்.சிவசங்கரன் விசாரணையை எதிர்கொள்ளும் விதமாக சஸ்பெண்ட் செய்யப்படுகிறார். அகில இந்திய சர்வீஸ் நடவடிக்கைச் சட்டத்தை மீறியதாக, விசாரணை குழு அறிக்கை கண்டுபிடித்துள்ளது. எனவே, அவர் மீது துறை ரீதியான விசாரணை தொடரும். முழு ரிப்போர்ட்டும் படித்த பிறகு மற்ற விஷயங்கள் குறித்து கூறலாம். ஸ்வப்னாவின் போலிச் சான்றிதழ் தொடர்பாக அவர் வேலை செய்த நிறுவனம் அளித்த புகாரின் அடிப்படையில் காவல்துறை தனியாக விசாரணை நடத்தி வருகிறது. தங்கம் கடத்தல் சம்பந்தமாக மத்திய அரசு ஏஜென்சிகள் விசாரணை நடத்துகின்றன. ஆனால், போலிச் சான்றிதழ் சம்பந்தமாக மாநில போலீஸ் விசாராணை நடத்துகிறது" என்றார்.
http://dlvr.it/RbmKkB

Read More

கொரோனா:`கடவுளால் மட்டுமே காப்பாற்ற முடியும்!’ - கர்நாடக அமைச்சர் கருத்தால் சர்ச்சை

கொரோனா வைரஸால் இந்தியா மிகவும் கடுமையாகப் பாதிப்படைந்து வருகிறது. அமெரிக்கா மற்றும் பிரேசிலுக்கு அடுத்தபடியாக இந்தியாதான் அதிகம் பாதிப்படைந்துள்ளது. இந்தியாவில் மகாராஷ்டிரா, தமிழ்நாடு, டெல்லி ஆகிய மாநிலங்களில் அதிக பாதிப்புகள் ஏற்பட்டு வருகின்றன. இந்த மாநிலங்களைத் தவிர்த்து பிற மாநிலங்களிலும் பாதிப்புகள் அதிகமாகி வருகின்றன. அதில் கர்நாடகாவும் ஒன்று. இந்திய அளவில் பாதிப்பு எண்ணிக்கையில் நான்காவது இடத்தில் கர்நாடக மாநிலம் உள்ளது. இந்த நிலையில் கர்நாடக சுகாதாரத்துறை அமைச்சர், `நம்மைக் காப்பாற்ற கடவுள்தான் உதவ வேண்டும்’ என்று கூறியுள்ள கருத்து அரசியல் வட்டாரங்களில் அதிக சர்ச்சையை ஏற்படுத்தியுள்ளது.கொரோனா கர்நாடக சுகாதாரத்துறை அமைச்சர் ஸ்ரீராமுலு கொரோனா பாதிப்புகள் தொடர்பாக பேசுகையில், ``உலகளவில் கொரோனா வைரஸ் பாதிப்பு எண்ணிக்கைகள் அதிகரித்து வருகிறது. நாம் அனைவரும் எச்சரிக்கையாக இருக்க வேண்டும். நீங்கள் ஆளும் கட்சியாக இருந்தாலும், எதிர்கட்சியாக இருந்தாலும், பணக்காரராக இருந்தாலும், ஏழையாகயாக இருந்தாலும் கொரோனா வைரஸ் பாகுபாடு காட்டாது. அடுத்த இரண்டு மாதங்களில் பாதிப்புகள் இன்னும் அதிகரிக்கும். வைரஸ் பாதிப்புகள் அதிகரிப்பதற்கு அரசாங்கத்தின் அலட்சியம் அல்லது அமைச்சர்களின் பொறுப்பற்ற தன்மைதான் காரணம் எனக் குற்றச்சாட்டுகளை பலரும் தெரிவிக்கலாம். ஆனால், இந்த குற்றச்சாட்டுகள் அனைத்தும் உண்மையில் இருந்து நீண்ட தொலைவில் உள்ளன. கொரோனா வைரஸிடமிருந்து கடவுளால் மட்டுமே நம்மைக் காப்பாற்ற முடியும்” என்றார். Also Read: கொரோனா:`பயணிகள் நிழற்குடையில் 3 மணி நேரம் கிடந்த உடல்!’ - கர்நாடகா அவலம் சுகாதாரத்துறை அமைச்சரின் கருத்துக்கு காங்கிரஸைச் சேர்ந்த டி.கே.சிவகுமார் தனது ட்விட்டர் பக்கத்தில், ``கர்நாடகாவை கடவுளால் மட்டுமே காப்பாற்ற முடியும் எனக் கர்நாடக சுகாதாரத்துறை அமைச்சர் கூறுவது என்பது எடியூரப்பாவின் பா.ஜ.க அரசு கொரோனா நெருக்கடியை மிகவும் மோசமாகக் கையாளும் திறனை பிரதிபலிக்கிறது. வைரஸ் நெருக்கடியைக் கையாள முடியாவிட்டால் எங்களுக்கு இந்த அரசு ஏன் தேவை? அரசாங்கத்தின் திறமையின்மை மக்களை, கடவுளின் கருணைக்கு தள்ளி விட்டுள்ளது” என்று கடுமையாக விமர்சித்துள்ளார். இதைப்போல பலரும் அவரின் கருத்துக்கு தங்களது கண்டனங்களைப் பதிவு செய்து வந்தனர்.கர்நாடக சுகாதாரத்துறை அமைச்சர் ஸ்ரீராமுலு அதிகளவில் எழுந்த விமர்சனங்களைத் தொடர்ந்து அமைச்சர் ஸ்ரீராமுலு தன்னுடைய கருத்துக்கு விளக்கம் அளித்தார். இதுதொடர்பாக அவர் பேசுகையில், ``மக்கள் எங்களின் நடவடிக்கைகளுக்கு ஒத்துழைப்பு அளிப்பதைத் தவிர கடவுளும் எங்களைப் பாதுகாக்க வேண்டும் என நான் கூறினேன். ஆனால், ஊடகங்கள் அதை திரித்து வெளியிட்டுவிட்டன. நான் சொன்னது என்னவென்றால், `தடுப்பூசி கண்டுபிடிக்கும் வரை நம்மை கடவுளால் மட்டுமே காப்பாற்ற முடியும்’ என்பதுதான். இந்தக் கருத்தை தவறாகப் புரிந்துகொள்ளக் கூடாது” என்று கூறியுள்ளார். எனினும், அவரது கருத்து தொடர்பான கண்டனங்கள் தொடர்ந்த வண்ணம்தான் உள்ளன. உயிரிழந்தவர்களின் உடல்களை அலட்சியமாக கையாள்வது, மருத்துவமனைகளில் நிலவும் அலட்சியமான சூழல் தொடர்பாகவும் கர்நாடகாவின் மீது பல குற்றச்சாட்டுகள் இருந்து வருகின்றன. இந்தியாவில் அதிகம் பாதிப்படைந்த மாநிலங்களின் பட்டியலில் கர்நாடகா நான்காவது இடத்தில் உள்ளது. கடந்த 24 மணி நேரத்தில் மட்டும் அம்மாநிலத்தில் 3,176 பேர் பாதிப்படைந்துள்ளனர். இதனால், பாதிப்பு எண்ணிக்கை 47,253 ஆக அதிகரித்துள்ளது. ஒரேநாளில் சுமார் 83 பேர் இறந்துள்ளனர். இதனால், வைரஸ் பாதிப்பால் உயிரிழந்தவர்களின் எண்ணிக்கையும் 928 ஆக உயர்ந்துள்ளது. இதனால், அம்மாநிலத்தில் அதிகம் பாதிப்புள்ள பகுதிகள் கடுமையாக கண்காணிக்கப்பட்டு வருகிறது என்பதும் குறிப்பிடத்தக்கது. இந்தநிலையில், அமைச்சர் இவ்வாறு பேசுயுள்ளது பலரிடையேயும் அதிர்ச்சியையும் கவலையையும் கோபத்தையும் ஏற்படுத்தியுள்ளது. Also Read: கொரோனா: `ஒரே குழியில் வீசப்பட்ட நோயாளியின் உடல்கள்!’ - கர்நாடகா அதிர்ச்சி
http://dlvr.it/Rbl6bw

Read More