கேரளா: ஒரேநாளில் 1,038 பேர்; மீண்டும் முழு லாக்டெளன்! - அதிர்ச்சி கொடுத்த நுழைவுத்தேர்வு

கேரள மாநிலத்தில் கொரோனா பாதிப்பு கடந்த சில நாள்களாக அதிகரித்து வருகிறது. தினமும் 100, 200 என கொரோனா பாதிப்பு ஏற்பட்ட நிலையில், கடந்த சில தினங்களாக 700, 800 எனத் தொற்று எண்ணிக்கை அதிகரித்தது. இந்தநிலையில் நேற்றைய கொரோனா பாதிப்பு ஆயிரத்தைக் கடந்தது. இப்போது கேரளத்தில் 8,818 பேர் மருத்துவமனையில் சிகிச்சையில் உள்ளனர். இதுவரை 6,164 பேர் கொரோனா குணமடைந்து வீடு திரும்பியுள்ளனர். மேலும் இடுக்கி மாவட்டத்தைச் சேர்ந்த நாராயணன் என்பவர் நேற்று கொரோனாவால் இறந்தார். இதையடுத்து கொரோனாவால் உயிரிழந்தவர்களின் எண்ணிக்கை 45 ஆக உயர்ந்துள்ளது. மாநிலம் முழுவதும் 397 பகுதிகள் ஹாட் ஸ்பாட்டுகளாக அறிவிக்கப்பட்டுள்ளன. திருவனந்தபுரம், கொச்சி உள்ளிட்ட பகுதிகளில் பாதிப்பு அதிகரித்து வருகிறது. மேலும், கேரள அரசு நடத்திய பொறியியல் நுழைவுத்தேர்வில் கலந்துகொண்ட மாணவர்களுக்கும் கொரோனா தொற்று கண்டறியப்பட்டுள்ளது மேலும் கலக்கத்தை ஏற்படுத்தியுள்ளது. இதையடுத்து கேரளத்தில் மீண்டும் முழு லாக்டெளன் பிறப்பிப்பது குறித்து ஆலோசித்துவருவதாக முதல்வர் பினராயி விஜயன் கூறியுள்ளார்.தமிழக கேரள எல்லையில் கொரோனா சோதனை இதுகுறித்து கேரள முதல்வர் பினராயி விஜயன் கூறுகையில், ``கொரோனா தொடங்கியதற்கு பிறகு ஒரேநாளில் 1,000 நோயாளிகள் கடந்த தினம் இது. ஒரே நாளில் 1,038 பேருக்கு கொரோனா பாதித்துள்ளது. இதில் 785 பேருக்கு தொடர்பு மூலம் கொரோனா பரவியுள்ளது. 57 பேருக்கு யார் மூலம் கொரோனா பரவியது என்பதைக் கண்டறிய முடியவில்லை. அதே சமயம் 272 பேர் கொரோனாவில் இருந்து குணமடைந்துள்ளனர். கேரளத்தில் இதுவரை 15,032 பேருக்கு கொரோனாவால் பாதித்துள்ளனர். 1,59,777 பேர் தனிமைப்படுத்தப்பட்டு கண்காணிப்பில் உள்ளனர். Also Read: துபாயிலிருந்து திரும்பிய 29வது நாளில் இளைஞருக்குக் கொரோனா பாசிட்டிவ்! - அதிர்ச்சியில் கேரளா நடந்து முடிந்த பொறியியல் நுழைவுத் தேர்வை எழுதிவிட்டு மாணவர்கள் கூட்டமாக வெளியேறும் நிலை ஏற்பட்டது. இதை தடுக்க முனெச்சரிக்கை நடவடிக்கை எடுத்திருக்க வேண்டும். இதில் மாணவர்கள் மீது குற்றம் எதுவும் இல்லை. கேரளத்தில் பாதிப்பு அதிகரிப்பதால் முழு லாக்டெளன் வேண்டும் என்ற கோரிக்கை எழுந்துள்ளது. எனவே, மீண்டும் முழு லாக்டெளன் பிறப்பிப்பது பற்றி ஆலோசித்து வருகிறோம். அதே சமயம் சாதாரண மக்கள் அடையும் பாதிப்புகள் குறித்தும் ஆலோசித்து வருகிறோம்.பினராயி விஜயன் கேரள மாநிலத்தில் ஓணப் பண்டிகை முக்கிய விழாவாகும். ஓணப் பண்டிகையை முன்னிட்டு மாநிலத்தில் 88 லட்சம் ரேஷன் அட்டைதாரர்களுக்கும் உணவு பொருள்கள் அடங்கிய இலவச கிட்டுகள் வழங்கப்படும். அதில், சர்க்கரை, எண்ணை, மிளகாய்ப்பொடி, மல்லிப்பொடி, பயிறு உள்ளிட்ட 11 வகையான சமையல் பொருள்கள் அடங்கியிருக்கும். மேலும், ஒரு கிலோ 15 ரூபாய் வீதம் 10 கிலோ அரிசியும் வழங்கப்படும்" என்றார்.
http://dlvr.it/RcCbmf

Read More

ஆந்திராவில் ஒரே நாளில் 6,045 பேர்களுக்கு கொரோனா: அதிர்ச்சி தகவல்

தமிழகம் உள்பட இந்தியா முழுவதும் கொரோனா வைரஸ் தாக்கம் நாளுக்கு நாள் அதிகரித்துக் கொண்டே வருகிறது என்பதும் இந்தியாவில் தற்போது கொரோனா வைரசால் […]
http://dlvr.it/Rc8wwt

Read More

அரசு பங்களாவை காலி செய்கிறார் பிரியங்கா

… …. Source: Dinamalar Read More >> அரசு பங்களாவை காலி செய்கிறார் பிரியங்கா
http://dlvr.it/Rc8wsg

Read More

கேரளா: அன்று நூற்றுக்கணக்கானோர்; இன்று 8 பேர்! -இறந்த பிறகும் வாழ்வளித்த இளைஞர்

கேரள மாநிலம் கொட்டாரக்கரையைச் சேர்ந்த அனுஜித், ஐ.டி.ஐ படித்துக் கொண்டிருந்த நேரத்தில் சக மாணவர்களுடன் நடந்து சென்றுகொண்டிருந்தார். ரயில் தண்டவாளத்தை கடந்து சென்ற சமயத்தில் தண்டவாளத்தில் ஏற்பட்ட விரிசலைக் கண்டார். அதேசமயம் அந்த வழியாக ரயிலும் வந்தது. உடனே, அந்த மாணவர் தனது கையில் இருந்த சிவப்பு நிற புத்தக பையை தூக்கி பிடித்தபடி தண்டவாளத்தில் ஓடினார். சுமார் அரை கிலோமீட்டர் தூரம் ஓடிச் சென்று ரயில் ஓட்டுநருக்கு எச்சரிக்கை கொடுத்தார். ஏதோ ஆபத்து என்பதை உணர்ந்துகொண்ட ரயில் ஓட்டுநர் ரயிலை நிறுத்தினார். இதனால் பெரும் விபத்து தவிர்க்கப்பட்டது. நூற்றுக்கணக்கான பயணிகளின் உயிர் காப்பாற்றப்பட்டது. இது நடந்தது 2010-ம் ஆண்டு ஆகஸ்ட் 31-ம் தேதி. மறுநாள் செப்டம்பர் 1-ம் தேதி வெளியான அனைத்து பத்திரிகைகளிலும் அனுஜித்தும் அவரது சிவப்பு நிற பேக்கின் புகைப்படமும் நிறைந்திருந்தது.அனுஜித்தின் இதயம் எடுத்துச்செல்லப்பட்ட பரபரப்பு நிமிடங்கள் 17 வயதில் மாணவனாக இருக்கும்போது நூற்றுக்கணக்கான பயணிகளின் உயிரைக் காத்த அனுஜித் தனது 27 வயதில் மரணமடைந்த பிறகும் 8 பேருக்கு வாழ்வளித்துள்ளார். தனியார் நிறுவனத்தில் டிரைவராக பணிபுரிந்துவந்தார் அனுஜித். லாக்டெளன் காரணமாக டிரைவர் வேலைக்கு செல்லமுடியாததால் கொட்டாரக்கரையில் உள்ள ஒரு சூப்பர் மார்க்கெட்டில் சேல்ஸ்மேனாக பணி செய்து வந்தார். கடந்த 14-ம் தேதி கொட்டாரக்கரைக்கு அருகில் பைக்கில் அனுஜித் சென்றபோது எதிர்பாராதவிதமாக விபத்து ஏற்பட்டது. படுகாயம் அடைந்த அவரை அங்கிருந்தவர்கள் உடனடியாக மீட்டு கொட்டாரக்கரை தாலுகா மருத்துவமனையில் சேர்த்தனர். அங்கிருந்து மேல் சிகிச்சைக்காக திருவனந்தபுரம் கிம்ஸ் மருத்துவமனைக்கு கொண்டு செல்லப்பட்டார். அவரது உயிரை காக்க மருத்துவர்கள் முயற்சித்தனர். ஆனால் கடந்த 17-ம் தேதி அனுஜித் மூளைச்சாவு அடைந்தார். Also Read: உடல் உறுப்பு தானம்! - தொடர்ந்து நான்காவது முறையாகத் தமிழகம் முதலிடம் இரண்டுமுறை டெஸ்ட் எடுத்து அவரது மூளைச்சாவு உறுதி செய்யப்பட்டது. இதன் பின்னர், மனைவி பிரின்ஸி, சகோதரி அஜல்யாவும் உடல் உறுப்புதானம் செய்வதற்கு சம்மதித்தனர். கேரள முதல்வர், சுகாதாரத்துறை அமைச்சர் மற்றும் பல துறைகளுடன் ஆலோசித்து உடல் உறுப்பு தானம் செய்யப்பட்டது. அனுஜித்தின் இதயம், சிறுநீரகங்கள், கண்கள், கை எலும்புகள், சிறுகுடல் உள்ளிட்ட உறுப்புகள் எட்டு பேருக்குப் பொருத்தப்பட்டன. திருப்பூணித்துறையைச் சேர்ந்த சன்னி தாமஸ் (55) என்பவருக்கு இதயம் பொருத்தப்பட்டது. எர்ணாகுளத்தில் சிகிச்சையில் இருந்த சன்னி தாமஸுக்கு இதயத்தை பொருத்துவதற்காக மாநில அரசு வாடகைக்கு எடுத்துள்ள ஹெலிகாப்டர் பயன்படுத்தப்பட்டது. இதற்காக கேரள முதல்வர் அனுமதி அளித்திருந்தார். மேலும் திருவனந்தபுரம் மற்றும் எர்ணாகுளம் மாவட்ட நிர்வாகம், காவல்துறை உள்ளிட்ட பல்வேறு துறையினர் இதற்காக பெரும் முயற்சி எடுத்தனர்.கேரள சுகாதாரத்துறை அமைச்சர் கே.கே.ஷைலஜா டீச்சர் துக்கத்திலும் பிறருக்கு உதவிய அனுஜித்தின் பெற்றோருக்கு கேரள சுகாதாரத்துறை அமைச்சர் கே.கே.சைலஜா டீச்சர் ஆறுதல் கூறிதுள்ளார். இதுபற்றி சைலஜா டீச்சர் கூறுகையில், "அனேகம்பேரை காப்பாற்றி முன்மாதிரியாக வாழ்ந்தவர் அனுஜித். அவரை பிரிந்து வருந்தும் குடும்பத்தினரின் துக்கத்தில் பங்கெடுக்கிறேன்" என தெரிவித்துள்ளார். அனுஜித்தின் மனைவி பிரின்ஸி தனியார் நகைக்கடையில் பணிபுரிந்து வருகிறார். இவர்களுக்கு மூன்று வயதில் மகன் இருக்கிறான். அம்மா விஜயகுமாரி, அப்பா சசிதரன்பிள்ளை ஆகியோர் அடங்கிய விவசாய குடும்பத்தைச் சேர்ந்தவர் அனுஜித். மறைந்த பின்னரும் பிறருக்கு வாழ்வளித்த அனுஜித்தை கேரளமே கொண்டாடி வருகிறது.
http://dlvr.it/Rc7mPr

Read More

கர்நாடகாவில் நாளை முதல் ஊரடங்கு கிடையாது

… …. Source: Dinamalar Read More >> கர்நாடகாவில் நாளை முதல் ஊரடங்கு கிடையாது
http://dlvr.it/Rc53ZJ

Read More

தமிழ்நாட்டில் இன்று ஒரேநாளில் 4965 பேருக்கு கொரோனா உறுதி !

தமிழ்நாட்டில் இன்று ஒரேநாளில் 4965 பேருக்கு கொரோனா பாதிப்பு உறுதியாகியுள்ளது. …. Source: Webduniya Read More >> தமிழ்நாட்டில் இன்று ஒரேநாளில் […]
http://dlvr.it/Rc53Yt

Read More

கேரளா: `பினராயி விஜயன் மீது நடவடிக்கை!’ - யெச்சூரிக்குக் கடிதம் எழுதிய ரமேஷ் சென்னிதலா

திருவனந்தபுரம் யு.ஏ.இ தூதரக பார்சல் வழியாகத் தங்கம் கடத்திய வழக்கு கேரளத்தில் அரசியல் ரீதியாகப் புயலைக் கிளப்பியுள்ளது. கேரள முதல்வர் பினராயி விஜயனின் முதன்மைச் செயலாளராகவும் ஐ.டி செயலாளராகவும் இருந்த சிவசங்கரன் தங்கம் கடத்தல் வழக்கில் சிக்கியவர்களுக்கு உதவியதாக சஸ்பெண்ட் செய்யப்பட்டுள்ளார். மேலும், கேரள அரசின் ஐ.டி துறையில் பணிபுரிந்த ஸ்வப்னா சுரேஷ் மற்றும் அருண் பாலச்சந்திரன் ஆகியோரும் இந்த வழக்கில் சிக்கியுள்ளதால் முதல்வர் ராஜினாமா செய்ய வேண்டும் எனக் எதிர்க்கட்சியான காங்கிரஸ் வலியுறுத்தி வருகிறது. மேலும், இந்த வழக்கில் சிக்கியுள்ள சந்தீப் நாயரின் ஒர்க்‌ஷாப் திறப்பு விழாவில் கலந்துகொண்ட சபாநாயகர் பதவி விலக வேண்டும் எனவும் காங்கிரஸ் போர்க்கொடி உயர்த்தியுள்ளது. இந்த விவகாரத்தைக் கையில் எடுத்து காங்கிரஸ் எதிர்க்கட்சித் தலைவர் ரமேஷ் சென்னிதலா போராட்டம் நடத்துவதாகக் கூறியிருந்தார். கொரோனா பரவல் அதிகரித்துள்ளதால், போராட்டத்தை மாற்றிவைப்பதாக அறிவித்தார். அதே சமயம் வரும் 27-ம் தேதி கூடும் கேரள சட்டசபைக் கூட்டத்தில் அரசுக்கு எதிராக நம்பிக்கை இல்லா தீர்மானமும், சபாநாயகரை நீக்க வேண்டும் என்ற தீர்மானமும் கொண்டுவரப்போவதாக அறிவித்துள்ளார் ரமேஷ் சென்னிதலா.சி.பி.எம் பொதுச் செயலாளர் சீத்தாராம் யெச்சூரி அதுமட்டுமல்லாது முதல்வர் பினராயி விஜயன் மீதான குற்றச்சாட்டுகள் குறித்து மத்தியக்குழுவின் நிலைப்பாட்டை தெளிவுபடுத்த வேண்டும் என சி.பி.எம் பொதுச் செயலாளர் சீத்தாராம் யெச்சூரிக்கு ரமேஷ் சென்னிதலா கடிதம் எழுதி பரபரப்பைக் கிளப்பியுள்ளார். ரமேஷ் சென்னிதலா எழுதியுள்ள கடிதத்தில்,``சி.பி.எம் பொலிட்பீரோ உறுப்பினரான பினராயி விஜயன் தலைமையில் நடக்கும் அரசு ஊழல், குற்ற நடவடிக்கை போன்றவற்றில் ஈடுபட்டுள்ளது. சி.பி.எம் கட்சியின் கொள்கை, நடைமுறை கோட்பாடுகளில் இருந்து தடம்மாறி பினராயி அரசு தவறு செய்கிறது. Also Read: கேரளா: `என் அலுவலகத்துக்கு விசாரணைக்கு வந்தால் வரட்டும்!’ - பினராயி விஜயன் காட்டம் கேரளத்தை உலுக்கிய தூதரக பார்சல் வழியாகத் தங்கம் கடத்திய வழக்கில் முதல்வர் அலுவலகத்துக்கு தொடர்பு இருப்பதாகச் சான்றுகள் வெளியே வந்துள்ளன. முதல்வர் பினராயி விஜயனின் செயலாளராக இருந்த சிவசங்கரன், தன் அதிகாரத்தைத் தவறாகப் பயப்படுத்தியுள்ளதால் சஸ்பெண்ட் செய்யப்பட்டுள்ளார். மேலும், ஐ.டி துறையில் முறைகேடாகப் பணி நியமனங்கள் வழங்கப்பட்டுள்ளதும் தெரிய வந்துள்ளது. அரசின் எல்லாத் துறைகளும் முதல்வரின் கீழ்தான் வரும். ஆனால், தனக்கு எதுவும் தெரியாது என முதல்வர் பினராயி விஜயன் கூறுவது அபத்தமான பதிலாகும். எனவே, கட்சி கொள்கையில் இருந்து விலகிய பினராயி விஜயன் மீது நடவடிக்கை எடுக்க வேண்டும்" என அந்தக் கடிதத்தில் கூறப்பட்டிருந்தது.எதிர்க்கட்சித் தலைவர் ரமேஷ் சென்னிதலாவுடன் பினராயி விஜயன் இந்தநிலையில் சி.பி.எம் பொதுச் செயலாளர் சீத்தாராம் யெச்சூரி டெல்லியில் செய்தியாளர்களிடம் கூறுகையில்,``தங்கம் கடத்தல் விவகாரத்தில் கட்சிக்கும் அரசுக்கும் இரட்டை நிலைப்பாடு இல்லை. இந்த விவகாரத்தால் கட்சிக்கு எந்த பின்னடைவும் இல்லை. கேரள அரசின் செயல்பாடுகளில் கட்சி தலையிடாது. கட்சி நிலைப்பாட்டை தெளிவுபடுத்த வேண்டும் என்ற ரமேஷ் சென்னிதலாவின் கடிதம் கிடைத்தது. அதைப் பரிசோதித்த பிறகு, பதில் அளிக்கிறேன். தங்கம் கடத்தல் வழக்கில் குற்றம் செய்தவர்களைக் கண்டுபிடித்து நடவடிக்கை எடுக்க வேண்டும்" என்றார்.
http://dlvr.it/Rc3t6d

Read More