கேரளா: `தங்கம் கடத்தலில் துணை தூதருக்கு பங்கு!’ - விசாரணையில் அதிரவைத்த ஸ்வப்னா

திருவனந்தபுரம் யு.ஏ.இ தூதரக பார்சல் மூலம் தங்கம் கடத்திய வழக்கு குறித்து சுங்கத்துறை, என்.ஐ.ஏ, அமலாக்கத்துறை உள்ளிட்டவை விசாரணையை முடுக்கிவிட்டுள்ளன. இந்த வழக்கில் கைது செய்யப்பட்டுள்ள ஸரித், ஸ்வப்னா சுரேஷ், சந்தீப் நாயர், றமீஸ் உள்ளிட்ட சிலரிடம் என்.ஐ.ஏ மற்றும் சுங்கத்துறை அதிகாரிகள் வளைத்து வளைத்து விசாரணை நடத்தி வருகின்றனர். மேலும் ஸ்வப்னாவுடன் நட்பில் இருந்த முன்னாள் முதன்மைச் செயலாளர் சிவசங்கரனிடமும் விசாரணை நடத்தப்பட்டது. சுங்கத்துறை அதிகாரிகள் சிவசங்கரனிடம் 9 மணி நேரம் விசாரணை நடத்திய நிலையில், என்.ஐ.ஏ 5 மணி நேரம் விசாரணை நடத்தியது. மேலும், வரும் திங்கள்கிழமை சிவசங்கரனிடம் மீண்டும் விசாரணை நடத்த உள்ளதாகத் தகவல் வெளியாகியுள்ளது. விசாரானைக்காக அவரை என்.ஐ.ஏ கொச்சிக்கு அழைத்துள்ளதாகவும் தெரியவந்துள்ளது. மேலும், இந்த வழக்கில் முக்கிய குற்றவாளியாகக் கருதப்படும் பைசல் ஃபரீத்தை துபாயில் அந்நாட்டு போலீஸார் கைது செய்திருந்தனர். அவரை இந்தியா கொண்டுவர நடவடிக்கை எடுக்கப்பட்டு வருகிறது. துபாயில் இருந்து தூதரக பார்சல் என்ற பெயரில் தங்கத்தை அனுப்பி வைப்பது பைசல் ஃபரீத் எனத் தெரியவந்துள்ளது.தூதரக பார்சலில் கடத்திய தங்கம் இந்த வழக்கு விசாரணை தொடங்கிய சமயத்தில் தலைமறைவாக இருந்த ஸ்வப்னா சுரேஷ் ஒரு ஆடியோவை வெளியிட்டிருந்தார். அதில் திருவனந்தபுரம் யு.ஏ.இ தூதரக அதிகாரி கூறியதால் பார்சலை விடுவிக்கும்படி விமானநிலைய சுங்கத்துறை அதிகாரிக்கு போன் செய்ததாகக் கூறியிருந்தார். இதைத்தொடர்ந்து திருவனந்தபுரம் யு.ஏ.இ தூதரக துணைத் தூதர் ராஷத் அல் ஷெமீல் டெல்லி சென்று அங்கிருந்து விமானம் மூலம் அவரது நாட்டுக்குச் சென்றுவிட்டார். இதுவும் அந்த சமயத்தில் மத்தியில் ஆளும் பி.ஜே.பி மீது விமர்சனத்தைக் கிளப்பியது. மேலும், ஸ்வப்னா இதற்கு முன்பு கேரள ஐகோர்ட்டில் அளித்த முன் ஜாமின் மனுவில், "துணைத் தூதரின் பரிந்துரையின் பேரிலே பார்சலை விடுவிக்கும்படி நான் போனில் சுங்கத்துறை அதிகாரியிடம் கூறினேன்" என்று குறிப்பிட்டிருந்தார். ஏற்கனவே கைது செய்யப்பட்ட ஸரித், சந்தீப் நாயர், றமீஸ் ஆகியோர் சுங்கத்துறையிடம் அளித்த வாக்குமூலத்தில், ``தங்கம் கடத்தலில் துணைத் தூதருக்கு உரிய பங்கு சென்றுவிடும்" எனக் கூறியிருப்பதாகத் தகவல்கள் வெளியாகியுள்ளன. ஸ்வப்னா சுரேஷ் இந்த நிலையில் தூதரக பார்சல் மூலம் கடத்தப்படும் தங்கத்தின் எடைக்கு ஏற்ப துணைத் தூதருக்கு பங்குத்தொகை அளிப்பது குறித்து ஸ்வப்னா சுரேஷ் தனது வாக்குமூலத்தில் தெரிவித்திருக்கிறார். ஸ்வப்னா சுரேஷ் சுங்கத்துறை அதிகாரிகளிடம் அளித்த வாக்குமூலத்தில், "தங்கம் கடத்துவது துணைத் தூதருக்கு தெரியும். ஒரு கிலோ தங்கம் கடத்த அவருக்கு 1,000 டாலர் வழங்குவோம். முன்னாள் முதன்மைச் செயலாளர் சிவசங்கரன் என் நல்ல நண்பர் மட்டும்தான்" எனக் கூறியிருக்கிறார். அதே சமயம் சிவசங்கரனுக்கும் தங்கம் கடத்தலுக்கும் பங்கு உள்ளதா என்ற கேள்விக்கு ஸ்வப்னா வெளிப்படையாகப் பதிலளிக்கவில்லை எனக் கூறப்படுகிறது. தங்கம் கடத்தலில் துணைத் தூதருக்கு பங்குத்தொகை வழங்குவதாக ஸ்வப்னா கூறியது இந்த வழக்கு விசாரணையில் பரபரப்பைக் கிளப்பியுள்ளது. Also Read: பினராயி விஜயன் அலுவலக சிசிடிவி பதிவைக் கேட்கும் என்.ஐ.ஏ! - ஸ்வப்னா வழக்கில் திருப்பம்
http://dlvr.it/RcLW92

Read More

மாவட்டவாரியாக இன்று கொரோனா பாதிப்பு! சென்னையை அடுத்து விருதுநகரில் அதிக பாதிப்பு

தமிழ்நாட்டில் இன்று 6785 பேருக்கு கொரோனா உறுதி செய்யப்பட்டுள்ளது என்பதும், இதனால் தமிழகத்தில் கொரோனாவால் பாதிக்கப்பட்டவர்களின் மொத்த எண்ணிக்கை 1,99,749 என்பதையும் சற்றுமுன் […]
http://dlvr.it/RcJQvf

Read More

மாநில அரசுகளுக்கு ஒதுக்கப்பட்ட உணவு தானியங்கள் எவ்வளவு? – உயர்நீதிமன்றம்

மாநில அரசுகளுக்கு ஒதுக்கப்பட்ட உணவு தானியங்கள் எவ்வளவு என்பது குறித்து மத்திய அரசு பதிலளிக்க மேலும் இரு வாரங்கள் அவகாசம் கொடுத்து உயர்நீதிமன்றம் […]
http://dlvr.it/RcJQq4

Read More

பினராயி விஜயன் அலுவலக சிசிடிவி பதிவைக் கேட்கும் என்.ஐ.ஏ! - ஸ்வப்னா வழக்கில் திருப்பம்

திருவனந்தபுரம் யு.ஏ.இ தூதரக பார்சல் வழியாக தங்கம் கடத்திய வழக்கில் கைது செய்யப்பட்டுள்ள ஸ்வப்னா சுரேசுடன் தொடர்பில் இருந்தவர்களிடம், சுங்கத்துறை மற்றும் என்.ஐ.ஏ தீவிர விசாரணை நடத்திவருகிறது. தங்கம் கடத்தல் வழக்கில் முதல் குற்றவாளியான ஸரித்திடம் என்.ஐ.ஏ நடத்திய விசாரணையில், `சிவசங்கரனை தனக்கு நன்கு தெரியும்' எனக் கூறியிருந்தார். அதேசமயம் ஸ்வப்னாவுடன் கைது செய்யப்பட்ட சந்தீப் நாயர், சிவசங்கரனை தனக்கு தெரியாது எனக் கூறியிருந்தார். இந்தநிலையில் சிவசங்கரனிடம் சுங்கத்துறை இதற்கு முன்பு 9 மணி நேரம் விசாரணை நடத்தியது. அதைத் தொடர்ந்து கேரள முதல்வர் பினராயி விஜயனின் முதன்மைச் செயலாளர் பதவியில் இருந்தும், ஐ.டி துறை செயலாளர் பதவியில் இருந்தும் சிவசங்கரன் சஸ்பெண்ட் செய்யப்பட்டார். இந்தநிலையில் திடீரென நேற்று என்.ஐ.ஏ அதிகாரிகள் சிவசங்கரனிடம் விசாரணை நடத்தியது பரபரப்பை ஏற்படுத்தியுள்ளது. கொச்சியில் இருந்து திருவனந்தபுரத்துக்கு சென்ற என்.ஐ.ஏ அதிகாரிகள், போரூர்க்கடை போலீஸ் கிளப்பில் வைத்து சிவசங்கரனிடம் விசாரணை நடத்தினர். நேற்று மாலை 4 மணிக்கு தொடங்கிய விசாரணை இரவு 9 மணி வரை நீண்டது. ஐந்து மணி நேர விசாரணைக்குப் பிறகு சிவசங்கரன் அவரது உறவினரின் காரில் வீடு திரும்பினார்.என்.ஐ.ஏ-யால் விசாரணை நடத்தப்பட்ட ஐ.ஏ.எஸ் அதிகாரி சிவசங்கரன் இந்த விசாரணையில் சிவசங்கரன் கூறியதாக சில தகவல்கள் வெளியாகியுள்ளன. தங்கம் கடத்தல் வழக்கில் முதல் குற்றவாளியான ஸரித், தனது உறவினர் என்று சிவசங்கரன் கூறியிருக்கிறார். மேலும், ஸ்வப்னா சுரேஷின் கணவர் தனது உறவினர் என்றும், அதனால்தான் ஸ்வப்னாவின் குடும்பத்தினருடன் நட்பாக இருந்தததாகவும் சிவசங்கரன் தெரிவித்திருக்கிறார். ஸ்வப்னா எதுவரை படித்திருக்கிறார் என தனக்குத் தெரியவில்லை என்றும், ஸ்வப்னாவுக்கும் தங்கம் கடத்தும் கும்பலுக்கும் தொடர்பு இருப்பது குறித்து தனக்கு தெரியாது என்றும், அப்படி தெரிந்திருந்தால் அவர்களிடம் இருந்து விலகி இருந்திருப்பேன் எனவும் சிவசங்கரன் தெரிவித்ததாகக் கூறப்படுகிறது. Also Read: மர்ம மங்கை ஸ்வப்னா... உளவுத்துறை சொல்லும் இரண்டு காரணங்கள்! | Swapna Suresh யு.ஏ.இ தூதரகத்துக்கு தங்கம் கடத்தி வந்த பார்சலை திருவனந்தபுரம் விமான நிலையத்தில் இருந்து வெளியே விடாமல் இரண்டு நாள்களாக சுங்கத்துறை அதிகாரிகள் தடுத்து வைத்திருந்திருக்கிறார்கள். அந்த சமயத்தில்தான் சுங்கத்துறை அதிகாரிகளுக்கு சிலர் போன் செய்து பார்சலை விடுவிக்கும்படி கூறியிருக்கிறார்கள். அப்போது சிவசங்கரன் போன் செய்தாரா என்ற ரீதியிலும் விசாரணை நடந்துள்ளதாகக் கூறப்படுகிறது.ஸ்வப்னா சுரேஷ் இது ஒருபுறம் இருக்க சிவசங்கரன் பணிபுரிந்த அலுவலகம் அமைந்துள்ள கேரள தலைமைச் செயலகத்தின் நார்த் பிளாக்கின் இரண்டு மாத சிசிடிவி காட்சிகளை ஒப்படைக்கும்படி என்.ஐ.ஏ கேட்டுள்ளது. கடந்த மே 1-ம் தேதி முதல் ஜூலை 4-ம் தேதி வரையிலான சி.சி.டி.வி பதிவுகள் வேண்டும் என தலைமைச் செயலகத்துக்கு நேரில் சென்று கேட்டிருக்கிறார்கள் என்.ஐ.ஏ அதிகாரிகள். தலைமைச் செயலகத்தின் நார்த் பிளாக்கில்தான் முதல்வர் பினராயி விஜயனின் அலுவலகமும் உள்ளது. அந்த பிளாக்கின் சிசிடிவி பதிவுகளை என்.ஐ.ஏ கேட்டிருப்பதால் ஆளும் கட்சியினர் அதிர்ச்சியடைந்துள்ளனர்.
http://dlvr.it/RcHL1w

Read More

முதல்முதலாக 6000ஐ தாண்டிய கொரோனா பாதிப்பு: சென்னையிலும் அதிகரிப்பதால் பரபரப்பு

தமிழகத்தில் தினந்தோறும் கொரோனா பாதிப்பு குறித்த தகவல்களை தெரிவித்து வரும் தமிழக சுகாதாரத்துறை இன்று தமிழகத்தில் 6472 பேர்களுக்கு புதிதாக கொரோனா தொற்று […]
http://dlvr.it/RcDlnr

Read More

Vodafone –நிறுவனத்துக்கு கிடைக்கும் ரூ 800 கோடி

நாட்டில் முக்கிய தொலைதொடர்பு நிறுவனமான வோடபோன் நிறுவனத்திற்கு ரூ.833 கோடியைத் திருப்பிக் கொடுக்கும்படி ஐடி நிறுவனத்திற்கு உச்ச நீதிமன்றம் உத்தரவிட்டுள்ளது. …. Source: […]
http://dlvr.it/RcDlkX

Read More

கேரளா: ஒரேநாளில் 1,038 பேர்; மீண்டும் முழு லாக்டெளன்! - அதிர்ச்சி கொடுத்த நுழைவுத்தேர்வு

கேரள மாநிலத்தில் கொரோனா பாதிப்பு கடந்த சில நாள்களாக அதிகரித்து வருகிறது. தினமும் 100, 200 என கொரோனா பாதிப்பு ஏற்பட்ட நிலையில், கடந்த சில தினங்களாக 700, 800 எனத் தொற்று எண்ணிக்கை அதிகரித்தது. இந்தநிலையில் நேற்றைய கொரோனா பாதிப்பு ஆயிரத்தைக் கடந்தது. இப்போது கேரளத்தில் 8,818 பேர் மருத்துவமனையில் சிகிச்சையில் உள்ளனர். இதுவரை 6,164 பேர் கொரோனா குணமடைந்து வீடு திரும்பியுள்ளனர். மேலும் இடுக்கி மாவட்டத்தைச் சேர்ந்த நாராயணன் என்பவர் நேற்று கொரோனாவால் இறந்தார். இதையடுத்து கொரோனாவால் உயிரிழந்தவர்களின் எண்ணிக்கை 45 ஆக உயர்ந்துள்ளது. மாநிலம் முழுவதும் 397 பகுதிகள் ஹாட் ஸ்பாட்டுகளாக அறிவிக்கப்பட்டுள்ளன. திருவனந்தபுரம், கொச்சி உள்ளிட்ட பகுதிகளில் பாதிப்பு அதிகரித்து வருகிறது. மேலும், கேரள அரசு நடத்திய பொறியியல் நுழைவுத்தேர்வில் கலந்துகொண்ட மாணவர்களுக்கும் கொரோனா தொற்று கண்டறியப்பட்டுள்ளது மேலும் கலக்கத்தை ஏற்படுத்தியுள்ளது. இதையடுத்து கேரளத்தில் மீண்டும் முழு லாக்டெளன் பிறப்பிப்பது குறித்து ஆலோசித்துவருவதாக முதல்வர் பினராயி விஜயன் கூறியுள்ளார்.தமிழக கேரள எல்லையில் கொரோனா சோதனை இதுகுறித்து கேரள முதல்வர் பினராயி விஜயன் கூறுகையில், ``கொரோனா தொடங்கியதற்கு பிறகு ஒரேநாளில் 1,000 நோயாளிகள் கடந்த தினம் இது. ஒரே நாளில் 1,038 பேருக்கு கொரோனா பாதித்துள்ளது. இதில் 785 பேருக்கு தொடர்பு மூலம் கொரோனா பரவியுள்ளது. 57 பேருக்கு யார் மூலம் கொரோனா பரவியது என்பதைக் கண்டறிய முடியவில்லை. அதே சமயம் 272 பேர் கொரோனாவில் இருந்து குணமடைந்துள்ளனர். கேரளத்தில் இதுவரை 15,032 பேருக்கு கொரோனாவால் பாதித்துள்ளனர். 1,59,777 பேர் தனிமைப்படுத்தப்பட்டு கண்காணிப்பில் உள்ளனர். Also Read: துபாயிலிருந்து திரும்பிய 29வது நாளில் இளைஞருக்குக் கொரோனா பாசிட்டிவ்! - அதிர்ச்சியில் கேரளா நடந்து முடிந்த பொறியியல் நுழைவுத் தேர்வை எழுதிவிட்டு மாணவர்கள் கூட்டமாக வெளியேறும் நிலை ஏற்பட்டது. இதை தடுக்க முனெச்சரிக்கை நடவடிக்கை எடுத்திருக்க வேண்டும். இதில் மாணவர்கள் மீது குற்றம் எதுவும் இல்லை. கேரளத்தில் பாதிப்பு அதிகரிப்பதால் முழு லாக்டெளன் வேண்டும் என்ற கோரிக்கை எழுந்துள்ளது. எனவே, மீண்டும் முழு லாக்டெளன் பிறப்பிப்பது பற்றி ஆலோசித்து வருகிறோம். அதே சமயம் சாதாரண மக்கள் அடையும் பாதிப்புகள் குறித்தும் ஆலோசித்து வருகிறோம்.பினராயி விஜயன் கேரள மாநிலத்தில் ஓணப் பண்டிகை முக்கிய விழாவாகும். ஓணப் பண்டிகையை முன்னிட்டு மாநிலத்தில் 88 லட்சம் ரேஷன் அட்டைதாரர்களுக்கும் உணவு பொருள்கள் அடங்கிய இலவச கிட்டுகள் வழங்கப்படும். அதில், சர்க்கரை, எண்ணை, மிளகாய்ப்பொடி, மல்லிப்பொடி, பயிறு உள்ளிட்ட 11 வகையான சமையல் பொருள்கள் அடங்கியிருக்கும். மேலும், ஒரு கிலோ 15 ரூபாய் வீதம் 10 கிலோ அரிசியும் வழங்கப்படும்" என்றார்.
http://dlvr.it/RcCbmf

Read More