பாபர் நுழையாத பாபர் மசூதி: அயோத்தியில் என்ன நடந்தது? பாகம் 1

சட்டத்துக்கு அஞ்சாத மக்கள் சாமிக்கு அஞ்சுவதைக் கண்டதும், அரசியல் மதங்களைக் கையிலெடுக்கத் தொடங்கியிருந்தது. மதங்களின் அடிப்படையில் உலகநாடுகளின் எல்லைக் கோடுகள் வரையப்பட்டதும் அப்படித்தான். கடவுளின் பெயரால் அரசியல் செய்யத் தொடங்கியதும் அரசியலுக்காகவே சில கடவுள்கள் தோற்றுவிக்கப்பட்டதும் அப்படித்தான் நிகழ்ந்தது. யூதர்களுக்கு எதிராகக் கிறிஸ்தவர்களுக்கு இருந்த வெறுப்பை ஹிட்லர் தமக்குச் சாதகமாகப் பயன்படுத்திக் கொண்டது அரசியல். உலகின் ஒரே யூதப் பெரும்பான்மை தேசமான இஸ்ரேல் அங்கே சிறுபான்மையினருக்கு எதிரான நில அரசியலில் ஈடுபட்டிருப்பதும் மதத்தின் காரணத்தால்தான். பாபர் மசூதி மண்ரொட்டி சாப்பிடும் அளவுக்கான பட்டினிப் பஞ்சம் நிலவினாலும் மத்திய ஆப்பிரிக்க நாடுகளின் கிறிஸ்தவர்களுக்கும் இஸ்லாமியர்களுக்கும் இடையிலான போர் நின்றபாடில்லை. இந்திய தேசமும் இதற்கு விதிவிலக்கல்ல. சர்ச்சையாகக் கிளைத்த சம்பவம்தான் இன்று தேசத்தின் ஆபத்தான அரசியலாகி இருக்கிறது. அடிப்படைவாத உணர்வுகளால் மூன்றடி நிலத்துக்காக தேசமே இரண்டாகப் பிளவுபட்டுக் கிடக்கிறது. தெருவில் காய்கறி விற்பவர்கள் தொடங்கி மளிகைக்கடை நடத்துபவர் வரை அனைவருக்கும் அயோத்தி பாபர் மசூதி நிலம் யாருக்குச் சொந்தம் என்பது குறித்தான கருத்து இருக்கிறது. ராமர் பிறந்த இடம் என்பதற்கான தொல்லியல் சான்றுகளே இன்னும் நிருபிக்கப்படவில்லை என்று ஒரு தரப்பினர் விவாதிக்கின்றனர். ராமர் பிறந்த இடத்தில் இருந்த கோயிலை இடித்துவிட்டுதான் பாபர் கட்டிடத்தைக் எழுப்பினார், ஆனால் அது மினாராகவோ, மசூதியாகவோ அல்லது தொழுகைக்காகவோ ஒரு காலத்திலும் அவரால் உபயோகிக்கப்படவில்லை என்று வேறொரு வாதத்தை முன்வைக்கின்றனர் வேறு சிலர். நாம் அந்த நிலம் யாருக்குச் சொந்தம் என விவாதிக்கப் போவதில்லை. ஏனென்றால், தற்போது அயோத்தியில் நிலம் யாருக்குச் சொந்தம் எனப் பேசத்தொடங்கினால், நாளை மதுராவிலும் வாரணாசியிலும் நிலம் யாருக்குச் சொந்தம் என்று பிரச்னை எழும். அஜ்மீரிலும் மத்தியப்பிரதேசத்தின் ஷிவ்பூரியிலும் நிலம் யாருக்குச் சொந்தம் என விவாதிக்க வேண்டியிருக்கும். பாபர் மசூதி மூன்றடி நிலத்துக்காக நூற்றுக்கணக்கான அப்பாவி மக்களின் உயிர் துப்பாக்கி முனையில் பறிபோன சூழலில், இன்னும் பலரது உயிர் அச்சுறுத்தலுக்கு ஆளாகி இருக்கும் சூழலில் மனிதத்தை விட மதங்கள் பெரிதல்ல என நினைவூட்டுவதே பத்திரிகை அறம். உச்சநீதிமன்றத்தில் அயோத்தி நிலவிவகாரம் இறுதித் தீர்ப்புக்காக காத்திருக்கும் இந்த தருணத்தில் மதங்களை அரசியல் எப்படியாகக் கையிலெடுத்துக் கொள்ளத் தொடங்கியது என்பதை வரலாற்றுத் தரவுகளைக் கொண்டு மக்களின் முன்வைப்பது காலத்தின் தேவையாகிறது. பாபருக்கே தெரியாத பாபர் மசூதி! பாபர் மசூதி எப்படி இருக்கும் என்று உங்களுக்குச் சொல்வதற்கு முன்பு இந்தியாவின் மற்ற எந்த பகுதியிலும் இருக்கும் வரலாற்றுச் சிறப்புமிக்க சில மசூதிகளின் பெயர்களைத் தங்களுக்கு நினைவுபடுத்தவேண்டியதாகி இருக்கிறது. மூன்று நுழைவுவளைவுகளைக் கொண்ட (Arches) மசூதிகளைக் கட்டும் வழக்கம் 15-ம் நூற்றாண்டிலும் 16-ம் நூற்றாண்டின் முதல் பகுதியிலும்தான் இருந்ததாக தொல்லியல் வரலாற்றுத்தகவல்கள் சொல்கின்றன. அதன்படி 1505-ல் எழுப்பபட்ட டெல்லி ஹௌஸ்காஸ் நிலு மஸ்ஜித் (மசூதி), டெல்லி மெஹ்ரௌலி மஸ்ஜித் , டெல்லி, ஷேக் சராய் மஸ்ஜித் ஆகியவை அரசர் லோதி காலகட்டத்தில் எழுப்பப்பட்டன. அதேபோல டெல்லி அப்சர்வாலி மஸ்ஜித், பாபர் காலத்தில் கட்டப்பட்டது. பாட்னாவில் 1540-ல் ஷேர்ஷாவும் அதுபோன்றதொரு மசூதியை எழுப்பினார். இப்படியான மூன்று நுழைவு வளைவு கொண்ட மசூதிகளில் கடைசியாக இடம்பெறுவது அக்பர் காலத்தில் கட்டப்பட்ட கயர்-உல்-மன்சில் எனத் தொல்லியல் தகவல்கள் சொல்கின்றன. சரயூ நதிக்கரையின் வடகிழக்கில், முகடுபோன்ற பகுதியான ராம்கோட்டில்தான் பாபர் மசூதி அமைந்திருக்கிறது. ஆஃப்கானிய முறை வடிவங்களான இந்த மசூதிகளின் வரிசையில்தான் அயோத்தியின் பாபர் மசூதியும் இடம்பெறுகிறது. சரயு நதிக்கரையின் வடகிழக்கில், முகடுபோன்ற பகுதியான ராம்கோட்டில்தான் பாபர் மசூதி அமைந்திருக்கிறது. மூன்று சதுரவடிவிலான கட்டடங்கள் ஒருங்கிணைக்கப்பட்டு ஒவ்வொரு சதுரத்தின் மேலும் ஒரு குவிமாடம் (Dome) எழுப்பப்பட்டிருக்கும். முக்கிய நுழைவு வளைவின் கூரையில் (Chhajja) இருக்கும் எட்டு பத்திகளைக் கொண்ட பெர்சிய எழுத்துருக்கள்தான் பாபருக்கு அந்த மசூதியை உரிமைக்குரியவாக்குகின்றன. எழுத்துரு ஆய்வாளர் மௌல்வி அஷ்ரப் ஹுசைன் இதனை மொழிபெயர்த்துள்ளார். வரி 1: நலம்பயக்கும் கருணையுள்ளம் கொண்ட அல்லாஹ்வின் மீதான நம்பிக்கையின் பெயரால்... வரி 2: தனக்கென எதையும் உரிமைகொள்ளாத விவேகன், பெரியவனின் பெயரால்... அவரது புகழாலும் அருளாலும் நிரம்பப்பெற்ற உலகின் அதிசிறந்தவரான முகமது நபியின் பெயரால்... இந்த உலகம் செழிக்கத் தொடங்கிய காலத்திலிருந்து நாடோடித் துறவியான பாபரின் புகழ் கொண்டாடப்படுகிறது. வரி 3: பேரரசரின் (பாபர்) ஆளுமை வானம் வசப்பட்ட ஏழு காலநிலைகளின் அளவுக்கு உயர்ந்தது. அவரது அவையின் மிர்-பாக்கி, ஆலோசகராகவும் இந்தப் பகுதியின் ராஜாங்க நிர்வாகியாகவும் இருந்தார். மிர்-பாக்கி, கோட்டையை மீட்டுருவாக்கம் செய்து அங்கே மசூதியையும் எழுப்பினார். (kaz-in masjid va hisar hast-bani) வரி 4: இறைவா! அவர் (பாபர்) தனது வளமும் வாழ்வும் ராஜாங்கமும் கிரீடமும் சூழ இந்த உலகில் நீடுழி வாழட்டும். இது எழுப்பப்பட்ட புனித காலம் 935/1528-29. அல்லாஹின் பெயராலும் நபியின் அருளாலும் அரசரின் அருளாலும் இது முடிக்கப்பட்டது. இதற்கு அல்லாஹின் திருவொளியே சாட்சி. இதை எழுதியவர் மாண்புமிகு ஃபத்துல்லாஹ் மொஹமத் கோரி. மேலே குறிப்பிட்டிருப்பதில் பாபரை ஆட்சியாளராகக் குறிப்பிட்டிருக்கிறதே தவிர மசூதியைக் கட்டியவராகக் குறிப்பிடவில்லை. மாறாக அவரது காலத்தில் அந்தப் பகுதியின் நிர்வாகியாக இருந்த மிர்-பாக்கி பற்றி குறிப்பிடுகிறது. அதுவுமே பழுதுபார்க்கப்பட்டு மீண்டும் உருவம் கொடுத்தார் என்றே குறிப்பிடுகிறது. அதனால் மசூதிக்கு பாபரை உரிமைதாரராக்குவதே பொருத்தமாக இருக்காது. இன்னும் சொல்லப்போனால் பாபர் இந்த பகுதிக்கு வந்திருக்கவே இல்லை என்பதை அங்கிருக்கும் மேலதிக எழுத்துருத் தடயங்கள் குறிப்பிடுகின்றன. மேலும் ராம்கோட் பகுதியில் அதற்கு முன்னர் கோயில் இருந்ததற்கான எவ்வித சான்றையும் அந்த எழுத்துருக்கள் குறிப்பிடவில்லை. பாபர் மாறாக, ஒரு கோட்டை மட்டும் இருந்ததாகவும் அது மிர்-பாக்கியால் மறுசீரமைக்கப்பட்டதாகவும் குறிப்பிடப்பட்டிருக்கிறது. மேலும் 15-ம் நூற்றாண்டில் முகலாயர்கள் மீது ஆஃப்கானியர்கள் படையெடுக்கத் தொடங்கிய காலம் என்பதால் நெருக்கடிகளுக்கு நடுவே மிர்-பாக்கி புதிதாக மசூதியை எழுப்பியிருக்க வாய்ப்பில்லை, ஏற்கெனவே இருந்த ஒன்றை பழுதுபார்த்திருக்கவே வாய்ப்புகள் அதிகம். பாபர் காலத்தில் கட்டப்பட்ட மசூதிகளும் கோட்டைகளும் பெரும்பாலும் சிவப்புநிறக் கற்கள் கொண்டு எழுப்பப்பட்டவை. அவரது பாணிக்குச் சற்றும் பொருந்தாத ரகத்தில்தான் மிர்-பாக்கி எழுப்பிய மசூதி இருந்தது. கோயில் இருந்த இடத்தில்தான் மசூதி கட்டப்பட்டது என்று மிர்-பாக்கி குறிப்பிடவேண்டியதற்கான தேவை என்ன என்கிற கேள்வி எழலாம். அதே உத்தரப்பிரதேசத்தின் சம்பால் பகுதியில் கோயில் இருந்த இடத்தில்தான் அரசர் இப்ராஹிம் லோதி காலத்தில் மசூதி கட்டப்பட்டது. அதனை பாபர் தனது காலத்தில் மீட்டுருவாக்கம் செய்தார் என்று இன்றும் அந்த மசூதியின் எழுத்துருத் தடயங்கள் குறிப்பிடுகின்றன (மாமன்னர் அரசர் பாபரின் ஆணைப்படி மிர் ஹிந்து பெக் இந்த மசூதியைக் கட்டினார்). அதுவும் 933-1526 பானிபட் போருக்கு ஏழு மாதங்களுக்குப் பிறகு (ஆங்கில வருடப்படி 6 டிசம்பர் 1526) அன்று கட்டி முடிக்கப்பட்டதாக எழுத்துரு தகவல்கள் குறிப்பிடுகின்றன. கோயில் இருந்ததாகத் தடயங்கள் கொண்ட, அதுவும் 6 டிசம்பர் 1526 அன்று நிர்மாணித்து முடிக்கப்பட்ட சம்பால் மசூதி மீது இதுநாள்வரை எந்த மதச்சார்பு அமைப்பும் உரிமை கோரவில்லை. அப்படியிருக்க, பாபர் கட்டாத பாபர் மசூதிக்குள் ராமர் எப்படித் தோன்றினார்?(அடுத்த பகுதியில்...) Also Read: பாபர் மசூதிக்குள் ராமர் தோன்றிய வரலாறு – அயோத்தியில் என்ன நடந்தது? பாகம் 2 குறிப்புகள்: White Paper On Ayodhya- Government of India, Feb 1983 Architecture of the Baburi Masjid of Ayodhya, R.Nath, Historical Research Documentation Programme, May 1995 Ascetic Games: Sadhus,Akharas and the Making of the Hindu Vote, Dhirendra K.Jha, Apr 2019 Ayodhya:The Dark night, Krishna Jha and Dhirendra K.Jha,Harper Collins, Dec 2012 Anatomy of Confrontation:Ayodhya and the Rise of Communal Politics in India, Sarvepalli Gopal, Zed Books Ltd, Mar 1992
http://dlvr.it/Rd35Sr

Read More

அயோத்தி: `3 மணி நேரம்; 4 பேருக்கு மட்டுமே அனுமதி!’ - பிரதமர் கலந்துகொள்ளும் அடிக்கல் நாட்டு விழா

உத்தரப்பிரதேசம் மாநிலம் அயோத்தியில் உள்ள சர்ச்சைக்குரிய 2.77 ஏக்கர் நிலம் தொடர்பான வழக்கில் அந்த இடத்தில் ராமர் கோயில் கட்டலாம் எனக் கடந்த வருடம் உச்ச நீதிமன்ற நீதிபதிகள் தீர்ப்பளித்தனர். இதையடுத்து அங்கு கோயில் கட்டுவதற்காகப் புதிய அறக்கட்டளை அமைத்து கட்டுமான பணிகள் தொடங்கப்பட்டன. இந்நிலையில் அயோத்தியில் ராமர் கோயில் கட்டுவதற்கான அடிக்கல் நாட்டு விழா நாளை நடைபெறவுள்ளது.ராமர் கோயில் இந்தியாவில் இருக்கும் கொரோனா பரவலுக்கு மத்தியில் பிரதமர் மோடி இந்த அடிக்கல் நாட்டு விழாவில் கலந்துகொள்ளவுள்ளார். அவர் அயோத்தியில் சுமார் 3 மணி நேரம் இருப்பார் எனத் தெரிவிக்கப்பட்டுள்ளது. காலை 9.35 மணிக்கு டெல்லியிலிருந்து சிறப்பு விமானத்தில் புறப்படும் பிரதமர் 10.35 மணிக்கு லக்னோ வந்தடைகிறார். அங்கிருந்து ஹெலிகாப்டர் மூலம் அயோத்திக்கு வரவுள்ளார். இதற்காகச் சரயு நதிக்கரைக்கு அருகில் உள்ள ஒரு கல்லூரியில் தற்காலிக ஹெலிபேட் உருவாக்கப்பட்டுள்ளது. Also Read: `50 வி.ஐ.பி-க்கள்; பிரமாண்ட திரைகள்!’ - தயாராகும் ராமர் கோயில் அடிக்கல் நாட்டுவிழா பிறகு, அங்கிருந்து நேராக அனுமன்கரி கோயிலுக்குச் செல்லும் மோடி அங்கு 10 நிமிடங்கள் சாமி தரிசனத்தை முடித்துவிட்டு பிறகுதான் ராமர் கோயில் அடிக்கல் நாட்டு விழாவில் கலந்துகொள்ளவுள்ளதாகத் தெரிவிக்கப்பட்டுள்ளது. பிற்பகல் 12.30 மணிக்குத் தொடங்கும் நிகழ்ச்சியில் பிரதமருடன் மேடையில் இருக்க 4 பேருக்கு மட்டுமே அனுமதி வழங்கப்பட்டுள்ளது. நிகழ்ச்சியை முடித்துக்கொண்டு பிற்பகல் 1 மணிக்கு மேல், ராமர் கோயில் அறக்கட்டளை நிர்வாகிகளுடன் மோடி ஆலோசனை நடத்தவுள்ளார். இதையடுத்து 2 மணிக்கு லக்னோ செல்லும் அவர், 2.20-க்கு லக்னோவிலிருந்து டெல்லி புறப்படுகிறார்.மோடி ராமர் கோயில் அடிக்கல் நாட்டு விழாவையொட்டி மொத்த அயோத்தி நகரமும் விழாக்கோலம் கொண்டுள்ளது. நகரின் பெரும்பாலான இடங்களில் வண்ண விளக்குகள், தோரணங்கள் ஆகியவற்றால் அலங்கரிக்கப்பட்டுள்ளன. கொரோனா பரவலுக்கு மத்தியில் பிரதமர் கலந்துகொள்ளவுள்ள இந்த நிகழ்ச்சியில் கலந்துகொள்ள பாதுகாப்பு குறியீடு அழைப்பிதழ் வழங்கப்பட்ட 175 பேருக்கு மட்டுமே அனுமதி வழங்கப்பட்டுள்ளது. அவர்களில் 135 பேர் ஆன்மிகத் தலைவர்கள் எனத் தெரிவிக்கப்பட்டுள்ளது.
http://dlvr.it/Rd0WXK

Read More

மும்பை: `2005-க்குப் பிறகு இப்படி ஒரு நிகழ்வைப் பார்த்ததில்லை!’ - கனமழையால் தவிக்கும் மக்கள்

மகாராஷ்டிர மாநில தலைநகர் மும்பையில் பல பகுதிகளில் நேற்றிரவு முதல் இன்று காலை வரை பலத்த மழை பெய்ததால் நகரின் பெரும்பாலான பகுதிகளில் வெள்ளப்பெருக்கு ஏற்பட்டுள்ளது. சாலையில் இடுப்பளவு தேங்கியிருக்கும் நீரால் வாக ஓட்டிகள் கடுமையான சிரமத்தைச் சந்தித்துள்ளனர். மேலும், மும்பையில் வாழும் 20 லட்சம் மக்களின் உயிர் நாடியாக இருக்கும் மின்சார ரயில் போக்குவரத்து சேவை துண்டிக்கப்பட்டுள்ளதால் மக்களின் இயல்பு வாழ்க்கை வெகுவாகப் பாதிக்கப்பட்டுள்ளது.மும்பை மழை செவ்வாய் மற்றும் புதன் கிழமைகளில் மும்பையில் கனமழை பெய்யும் என இந்திய வானிலை ஆய்வு மையம் எச்சரித்துள்ளது. இதனால் அடுத்த இரண்டு நாள்களுக்கு ரெட் அலர்ட் விடுக்கப்பட்டுள்ளது. மும்பை தவிர மகாராஷ்டிராவின் தானே, புனே, ராய்காட் போன்ற மாவட்டங்களுக்கும் எச்சரிக்கை விடுக்கப்பட்டுள்ளது. மும்பையில் அத்தியாவசிய சேவைகள் தவிர மற்ற அனைத்து சேவைகளும் இன்று மூடப்பட்டுள்ளன. Also Read: மும்பை: `குடிசைப் பகுதிகளில் கொரோனா பாதிப்பு அதிகம்!’ - ஆய்வில் தகவல் இது தொடர்பாக மும்பை மாநகராட்சி மக்களுக்கு ஆலோசனை வழங்கி அறிக்கை வெளியிட்டுள்ளது. அதில், ``இந்திய வானிலை ஆய்வு மையத்தின் கணிப்பின்படி மும்பை மற்றும் அதன் புறநகர்ப்பகுதிகளில் இன்று அதிக மழை பெய்யும் என எதிர்பார்க்கப்படுகிறது. மும்பை மக்கள் மிகவும் அத்தியாவசியமான தேவைகளைத் தவிர மற்றவற்றுக்கு வீட்டை விட்டு வெளியில் வர வேண்டாம்” எனத் தெரிவிக்கப்பட்டுள்ளது. தொடர்ந்து அந்த அறிக்கையில், ``மும்பை நகரில் கடந்த 48 மணி நேரத்தில் 140.5 மி.மீ மழை பதிவாகியுள்ளது. கிழக்கு மற்றும் மேற்கு புறநகர் பகுதிகளின் முறையே 84.77 மிமீ மற்றும் 79.27 மி.மீ மழை பதிவாகியுள்ளது” எனக் குறிப்பிடப்பட்டுள்ளது.மும்பை மழை மும்பையில் பெரும்பாலான பகுதிகளில் மின்சாரம் துண்டிக்கப்பட்டுள்ளது. அதேபோல் பல பகுதிகளில் நிலச்சரிவும் ஏற்பட்டுள்ளது. மும்பையின் மழைப்பொழிவு புகைப்படங்கள் சமூக வலைதளத்தை நிரப்பியுள்ளன. `2005-ம் ஆண்டுக்குப் பிறக்கு இப்படி ஒரு மழையைப் பார்த்ததில்லை’, `மீண்டும் இப்படி ஒரு மழைப் பொழிவு வேண்டாம்’, ‘மும்பைக்கான சோதனைகள் போதும் கடவுளே’ எனக் கருத்து பதிவிட்டு வருகின்றனர். இந்திய நகரங்களிலேயே மும்பையில்தான் கொரோனா பாதிப்பு மிக அதிகமாக உள்ளது. இந்நிலையில் அங்கு பெய்து வரும் கனமழை மக்களை வேதனைக்குள்ளாகியுள்ளது.
http://dlvr.it/Rd0WWM

Read More

தெருநாயை தத்தெடுத்து சேல்ஸ்மேன் ஆக்கிய ஹூண்டாய் ஷோரூம்: பிரேசிலின் சுவாரஸ்யம்

டக்சன் பிரைம் என்ற தெருநாயை தத்தெடுத்து, தனது ஷோரூமில் சேல்ஸ்மேன் ஆக்கியுள்ளது பிரேசிலுள்ள ஹூண்டாய் கார் ஷோரூம். இந்த நாயின்படம்தான் தற்போது சமூக வலைத்தளங்களில்  பெரும் வரவேற்பை பெற்று வருகிறது. இந்த ஷோரூமிற்குள் நுழைந்தவுடன் உங்களை வரவேற்பது இந்த ஆண்டின் சிறந்த ஊழியர் விருதுபெற்ற நாய் என்றால் நீங்கள் அக்காட்சியை கற்பனை செய்து பாருங்கள். ஷோரூமிற்கு அருகில்தான் இந்த தெருநாய் வசித்து வந்துள்ளது, அதன்பிறகு  இந்த நிறுவனத்தின் ஊழியர்களுடன் மிகவும் நெருக்கமாக பழக ஆரம்பித்துள்ளது டக்சன். பிறகு மெல்ல மெல்ல ஷோரூமிற்குள் நுழைய ஆரம்பித்து நன்கு பழகவும் ஆரம்பித்துள்ளது இந்நாய்.  இதனால் இந்த நாயை ஷோரூமின் சிறப்புமிக்க ஊழியர் ஆக்கினார்கள், மேலும் அந்த நாய்க்கு தனி அடையாள அட்டையையும் நிறுவனம் வழங்கியது. இப்போது டக்சன் சிறப்பாக வாடிக்கையாளர்களை வரவேற்று வருகிறது. மேலும் இந்த நாய் மீட்டிங்களில் கலந்துகொள்வது, கடினமாக உழைப்பது,வாடிக்கையாளர்களை வரவேற்பது போன்ற புகைப்படங்கள் தற்போது சமூக வலைத்தளங்களில் வைரலாகி வருகிறது. டக்சன் பிரைமின் கதை இன்ஸ்டாகிராமில் பகிரப்பட்ட பிறகு பல்லாயிரம் பேரின் இதயங்களை வென்றது இந்நாய். டக்சனின் புகைப்படங்கள் இதுவரை 30 ஆயிரம் லைக்குகள் வாங்கியுள்ளது. இந்த நாயின் தனி இன்ஸ்டாகிராம்  கணக்கினை பின்தொடர்பவர்களின் எண்ணிகை 28 ஆயிரம் பேர். உலகின் பல்வேறு பிரபலங்களும் டக்சனையும், உயிர்நேயத்துடன் செயல்படும் இந்நிறுவனத்தையும் வாழ்த்தியுள்ளனர்.
http://dlvr.it/RczNGn

Read More

என் சகோதரிக்கு ’ரக்‌ஷா பந்தன்’ படத்தை அர்ப்பணிக்கிறேன் - அக்‌ஷய் குமார் நெகிழ்ச்சி!!

உலகின் மிகசிறந்த உறவைக் கொண்டாடும் நாளான இன்று அக்‌ஷய்குமார் தனது புதிய படமான ‘ரக்‌ஷா பந்தன்’ பற்றிய அறிவிப்பை வெளியிட்டுள்ளார்.ஹிமாண்டி ஷர்மா எழுதி, ஆனந்த் எல் ராய் இயக்கும் இந்த படத்தை தனது சகோதரி அல்காவுக்கு அர்ப்பணிப்பதாக அவர் கூறியுள்ளார். அடுத்த ஆண்டு வெளிவரவுள்ள தனுஷ் மற்றும் சாரா அலி கான் ஆகியோருடன் இணைந்து நடித்துக் கொண்டிருக்கும் ’அட்ரங்கி ராய்’ படத்தையும் எல் ராய்தான் இயக்கிக் கொண்டிருக்கிறார். இதுவரை தான் நடித்த படங்களிலேயே இந்த படம்தான் மிக விரைவாக முடிவெடுத்தது என அவர் கூறியுள்ளார். இந்த படம் பார்த்தவுடனே ஆழமாக இதயத்தைத் தொடும் கதையம்சம் கொண்டது. உலகின் மிக சிறந்த பந்தமான சகோதர சகோதரி பிணைப்புக்கும், என் சகோதரி அல்காவிற்கும் ’ரக்‌ஷா பந்தனை’ அர்ப்பணிக்கிறேன். இந்த சிறப்பான வாய்ப்பை கொடுத்த ஆனந்த எல் ராய்க்கு நன்றி என அக்‌ஷய் தனது ட்விட்டரில் பதிவிட்டுள்ளார். 2017ஆம் ஆண்டு ராஜு என தான் அன்பாக அழைக்கும் அக்‌ஷய் பற்றி அவரது சகோதரி அல்கா கூறுகையில், தன் சகோதரர் தனக்கு கொடுத்த மிகப்பெரிய பரிசை வெளிப்படுத்தினார். நைட் பார்ட்டிகளுக்கு செல்லவேண்டுமானால் பெற்றோர் ராஜுவிடம் கேடக்வேண்டும் என சொல்வார்கள். ஆனால் அவர் ஒருபோதும் என்னுடன் வரமாட்டார். உன்னை நீதான் பார்த்துக்கொள்ள வேண்டும் என கூறிவிடுவார். இதனால் நிறைய பார்ட்டிகளை தவற விட்டிருக்கிறேன் என கூறியிருந்தார். தனது தந்தை இறந்தபோது குடும்பப் பொறுப்புகளை அக்‌ஷய் எவ்வாறு பொறுப்பாக ஏற்றுக்கொண்டார் என்பது பற்றியும் அல்கா பேசியிருந்தார். மேலும் அல்காவின் மகள் சிமர் உயர் படிப்புக்காக அமெரிக்கா சென்றபோதுதான் அக்‌ஷய் கூறியதன் முக்கியத்துவத்தை தான் உணர்ந்துகொண்டதாக அவருக்கு நன்றி கூறியிருந்தார்.
http://dlvr.it/RcwrvW

Read More

காஷ்மீர்: `எரிந்த கார்; பயங்கரவாதிகளின் சதி?!’ - விடுமுறையில் வந்த ராணுவ வீரர் மாயம்

இந்தியா முழுவதும் ஈத் பண்டிகை சமீபத்தில் கொண்டாடப்பட்டது. இந்திய ராணுவத்தில் 162 பட்டாலியன் பிரிவைச் சேர்ந்த சாகிர் மன்சூர் என்ற வீரர் இந்தப் பண்டிகையைத் தன் குடும்பத்தினருடன் கொண்டாட ஜம்மு காஷ்மீரின் ஷோபியான் மாவட்டத்தில் உள்ள தனது வீட்டுக்கு விடுமுறையில் சென்றுள்ளார். இந்த நிலையில், அவர் நேற்று மாலை முதல் காணாமல் சென்றுள்ளதாகத் தகவல்கள் தெரிவிக்கின்றன. சாகிர் பயங்கரவாதிகளால் கடத்தப்பட்டிருக்கலாம் என ராணுவ அதிகாரிகள் தங்களது சந்தேகத்தை வெளிப்படுத்தியுள்ளனர். இதனால், ஜம்மு - காஷ்மீர் பகுதியில் பதற்றம் நிலவி வருகிறது. Rifleman Shakir Manzoor of 162 Battalion (TA), is missing since 1700hrs yesterday. His abandoned burnt car has been found near #Kulgam. It is suspected that the soldier has been abducted by terrorists. Search op in progress.#TerrorismFreeKashmir #Kashmir@adgpi @NorthernComd_IA— Chinar Corps - Indian Army (@ChinarcorpsIA) August 3, 2020 ட்விட்டரில் #TerrorismFreeKashmir என்ற ஹேஷ்டேக்கின் கீழ் இந்திய ராணுவம், ``162 பட்டாலியன் பிரிவைச் சேர்ந்த ரைஃபிள்மேன் சாகிர் மன்சூர் நேற்று மாலை 5 மணி முதல் காணவில்லை. குல்கம் பகுதியில் அவருடைய கார் எரிந்த நிலையில் கண்டுபிடிக்கப்பட்டுள்ளது. பயங்கரவாதிகளால் அவர் கடத்தப்பட்டிருக்கலாம் எனச் சந்தேகம் எழுந்துள்ளது. அவரைத் தேடி வருகிறோம்” என்று பதிவிட்டுள்ளனர். சாகிரின் சொந்த மாவட்டத்துக்கு அருகில் அமைந்துள்ள குல்கம் பகுதியில் உள்ள ரம்பாமாவில் இருந்துதான் அவருடய கார் கண்டுபிடிக்கப்பட்டுள்ளது. ஷோபியான், குல்கம் மற்றும் ஆனந்த்நாக் மாவட்டங்களில் அதிகாரிகள் அவரை தீவிரமாக தேடி வருகின்றனர். பயங்கரவாதிகள் காவல்துறை அதிகாரிகள் ட்ரோன்கள் மற்றும் மோப்ப நாய்களைப் பயன்படுத்தி தேடலில் ஈடுபட்டு வருவதாகத் தகவல்கள் தெரிவிக்கின்றன. சாகிரின் குடும்பத்தினர் அவருக்கு எந்தப் பாதிப்பும் ஏற்படாமல் பாதுகாப்பாக மீட்க வேண்டும் எனக் கோரிக்கை விடுத்துள்ளதாகவும் கூறப்படுகிறது. ஆஃப் டியூட்டியில் இருக்கும் வீரர்களை பயங்கரவாதிகள் குறி வைப்பதாகத் தகவல்கள் தெரிவிக்கின்றன. இதேபோல, கடந்த 2017-ம் ஆண்டு மே மாதம் இளம் ராணுவ வீரர் ஒருவர் ஷோபியான் பகுதியில் நடைபெற்ற திருமணம் ஒன்றில் கலந்துகொள்ள வந்தபோது பயங்கரவாதிகளால் கடத்தப்பட்டார். இதையடுத்து, அதிகாரிகள் அவரையும் தீவிரமாகத் தேடி வந்தனர். பின்னர், அவரது உடல் திருமணம் நடைபெற்ற இடத்தில் இருந்து சுமார் 30 கி.மீ தொலைவில் சிதைந்த நிலையில் கண்டுபிடிக்கப்பட்டது என்பதும் குறிப்பிடத்தக்கது. Also Read: `பயங்கரவாதிகள் தாக்குதலில் இருவர் உயிரிழப்பு!’ - உடல்மீது அமர்ந்து அழுத 3 வயது குழந்தை
http://dlvr.it/RcwrtK

Read More

கொரோனா: `ஆளுநருடனான சந்திப்பு; நோ அறிகுறி!’ - கர்நாடக முதல்வருக்கு வைரஸ் பாசிட்டிவ்

இந்தியா முழுவதும் கடந்த சில நாள்களாகக் கொரோனா பரவல் வேகமெடுத்துள்ளது. கர்நாடகாவில் மட்டும் நேற்று 5,000-க்கும் அதிகமானவர்களுக்கு வைரஸ் தொற்று உறுதி செய்யப்பட்டுள்ளது. நேற்று ஒரே நாளில் அங்கு 84 பேர் வரை உயிரிழந்துள்ளனர். இதனால் கர்நாடகாவில் கொரோனாவால் பாதிக்கப்பட்டவர்களின் மொத்த எண்ணிக்கை 1.34 லட்சத்தைத் தாண்டியுள்ளது.எடியூரப்பா ட்வீட் இந்நிலையில் கர்நாடக முதல்வர் எடியூரப்பாவுக்கு கொரோனா தொற்று உறுதி செய்யப்பட்டுள்ளது. வாரம் ஒருமுறை அவருக்குத் தொடர்ந்து கொரோனா பரிசோதனை செய்யப்பட்டு வந்துள்ளது. அதில், நேற்று எடுக்கப்பட்ட சோதனையின் முடிவு பாசிட்டிவ் எனத் தெரிவிக்கப்பட்டுள்ளது. இதுதொடர்பாக அவர் வெளியிட்டுள்ள ட்விட்டர் பதிவில், ``எனக்கு கொரோனா தொற்று உறுதி செய்யப்பட்டுள்ளது. நான் நலமுடன் உள்ளேன். மருத்துவர்களின் அறிவுரைப்படி மருத்துவமனையில் அனுமதிக்கப்பட்டுள்ளேன். கடந்த சில நாள்களாக என்னுடன் நேரடி தொடர்பிலிருந்தவர்கள் தங்களைத் தனிமைப்படுத்திக்கொள்ளுங்கள்” என்று குறிப்பிட்டுள்ளார். Also Read: `தனிமைப்படுத்திக் கொள்ளுங்கள்’ - உள்துறை அமைச்சர் அமித் ஷாவுக்கு கொரோனா பாசிட்டிவ்! கர்நாடக முதல்வரின் பரிசோதனை முடிவுகள் நேற்று இரவு 10 மணிக்குக் கிடைத்துள்ளன. அதில், கொரோனா உறுதி செய்யப்பட்டதும் அவர் பெங்களூருவில் உள்ள மணிப்பால் மருத்துவமனையில் அனுமதிக்கப்பட்டுள்ளார். 77 வயதான முதல்வரின் உடல்நிலை சீராகவே உள்ளது, கொரோனாவுக்கான எந்த அறிகுறியும் அவரிடம் தென்படவில்லை என முதல்வரின் சமூக வலைத்தளக்குழு தெரிவித்துள்ளது.எடியூரப்பா கடந்த ஒரு மாதமாகக் கர்நாடகாவில் வைரஸ் பரவல் உச்சத்தை எட்டியுள்ளது. அதற்கான தடுப்பு நடவடிக்கைகள், ஆலோசனைக் கூட்டங்கள், மாநிலத்தில் நடக்கும் நிகழ்ச்சிகள், விழாக்கள் என அனைத்திலும் முதல்வர் தொடர்ச்சியாகக் கலந்துகொண்டு வந்துள்ளார். கர்நாடக ஆளுநர் வஜுபாய் வாலாவை கடந்த வெள்ளிக்கிழமை, நேரில் சந்தித்துப் பேசினார். இந்த நிகழ்வில் அம்மாநிலத்தின் உள்துறை அமைச்சர் பசவராஜ் பொம்மியும் முதல்வருடன் இருந்துள்ளார். இந்தியாவில் கொரோனாவால் பாதிக்கப்பட்ட இரண்டாவது முதல்வராக எடியூரப்பா உள்ளார். முன்னதாக மத்திய பிரதேச முதல்வர் சிவராஜ் சிங் சௌக்கானுக்கு கொரோனா தொற்று உறுதி செய்யப்பட்டது. அதேபோல், நேற்று மத்திய உள்துறை அமைச்சர் அமித்ஷாவுக்கு கொரோனா இருப்பது உறுதி செய்யப்பட்டது. அவரும் தன்னை தனிமைப்படுத்திக்கொண்டு மருத்துவமனையில் அனுமதிக்கப்பட்டுள்ளார் என்பது குறிப்பிடத்தக்கது.
http://dlvr.it/RcvmVc

Read More