மூணாறு: `பகலில் மட்டுமே நடக்கும் மீட்புப் பணிகள்!’ - 27 ஆக உயர்ந்த பலி எண்ணிக்கை

கேரளாவில் உள்ள சுற்றுலாத் தலங்களில் மிகவும் மிக்கியமான ஒன்று மூணாறு. இந்தப் பகுதியில் உள்ள தேயிலைத் தோட்டங்களில் வேலை செய்து வருபவர்களில் பெரும்பான்மையானவர்கள் தமிழர்கள். தோட்ட நிர்வாகத்தால் கட்டிக்கொடுக்கப்பட்டுள்ள வீடுகளில் அவர்கள் வசித்து வருகின்றனர். மேற்கு தொடர்ச்சி மலைப் பகுதிகளில் கடந்த சில நாள்களாக கடுமையாகப் பெய்து வரும் மழை காரணமாக மூணாறு மற்றும் அதன் சுற்றுவட்டாரப் பகுதிகள் அதிகளவில் பாதிப்படைந்துள்ளன. எஸ்டேட் தொழிலாளர்கள் தங்கியிருந்த பகுதிகளில் மண் சரிவும் ஏற்பட்டுள்ளன. மூணாறை அடுத்த ராஜமலை பகுதியில் ஏற்பட்ட நிலச்சரிவில், தோட்டத் தொழிலாளர்களின் குடியிருப்புகள் மண்ணில் புதைந்தன. தொடர்ந்து பெய்து வரும் கனமழைக்கு இடையே மண் சரிவில் சிக்கியவர்களை மீட்கும் பணியும் வேகமாக நடைபெற்று வருகிறது.மூணாறு இந்தநிலையில், அமைச்சர் முரளிதரன் சம்பவ இடத்துக்கு வந்து மீட்புப் பணிகளைப் பார்வையிட உள்ளதாக தகவல்கள் தெரிவிக்கின்றன. மீட்புப் பணிகள் முழுவதும் இரவு வேளைகளில் நடக்காமல் பகல் வேளைகளிலேயே நடந்து வருகின்றன என்பதும் குறிப்பிடத்தக்கது. மண் சரிவு ஏற்பட்ட குடியிருப்புப் பகுதிக்கு அருகில் இருக்கும் காட்டாற்றில் இருந்து ஆறு உடல்கள் மற்றும் மண்ணில் இருந்து 20 பேரில் உடல்கள் என மொத்தம் 26 பேரின் உடல்களை மீட்புப் பணியில் ஈடுபட்டிருக்கும் வீரர்கள் மீட்டுள்ளனர். மண் சரிவில் சிக்கிய 12 நபர்கள் உயிருடன் மீட்கப்பட்டு மருத்துவமனையில் சிகிச்சைக்காக அனுப்பி வைக்கப்பட்டனர். அவர்களில் ஒருவரும் உயிரிழந்துள்ளார். மீதமுள்ளவர்கள் சிகிச்சைப் பெற்று வருகின்றனர். இதனால், நிலச்சரிவில் சிக்கி இதுவரை உயிரிழந்தவர்களின் எண்ணிக்கை 27 ஆக உயர்ந்துள்ளது.மூணாறு மழை தொடர்ந்து பெய்து வருவதாலும் சகதி அதிகமாக இருப்பதாலும் மீட்புப் பணிகள் மிகவும் சிரமமாக உள்ளதாக கூறப்படுகிறது. நான்கு ஹிட்டாச்சி வாகனங்கள் மீட்புப் பணிகளில் ஈடுபடுத்தப்பட்டுள்ளன. தேசிய பேரிடர் மீட்புக் குழு, தீயணைப்பு வீரர்கள் மற்றும் பொதுமக்கள் ஆகியோர் மீட்புப் பணிகளில் ஈடுபட்டுள்ளனர். Also Read: மூணாறு நிலச்சரிவு: `கயத்தாரைச் சேர்ந்த 55 பேரின் நிலை?’ - கலங்கும் உறவினர்கள்
http://dlvr.it/RdJG31

Read More

மும்பை வெள்ளம்: கலங்கிய கண்களுடன் நடுரோட்டில் அமர்ந்த வியாபாரி! வைரல் புகைப்படம்!

மும்பையில் கடந்த சில தினங்களாக பெய்துவரும் தொடர் மழையினால், நகர் முழுவதும் வெள்ளக்காடாக காட்சியளிக்கிறது. ஏற்கனவே கொரோனாவால் பரிதவித்து வரும் மும்பை மக்களின் இயல்பு வாழ்க்கை மழை வெள்ளத்தால் பெரிதும் பாதிக்கப்பட்டுள்ளது. இந்நிலையில் மும்பையின் பெண்டி பஜாரில் காய்கறி விற்பனை செய்து வாழ்வாதாரத்தை சமாளிக்கும் 45 வயதான அசோக் சிங், கொரோனா பரவலால் நான்கு மாதங்களாக கடையை திறக்கவில்லை. கடந்த புதன்கிழமை முதல் முறையாக தனது கடையை திறக்கும் முடிவில் சென்றுள்ளார். ஆனால் அப்பகுதி முழுவதும் மழை வெள்ளம் சூழ்ந்திருந்ததால் கடையை திறக்க முடியாமல் ஏமாற்றத்துடன் திரும்பினார். சாலையின் நடுவில் தடுப்புச்சுவரில், தலையில் கை வைத்து சோகத்துடன் அமர்ந்துள்ளார் அசோக் சிங். கொரோனாவும் வெள்ளமும் சேர்ந்து தனது பிழைப்பில் மண் அள்ளி போட்டு விட்டதே என்ற வேதனை அந்த வியாபாரியை கட்டிப்போட்டிருந்தது. ஊடகவியலாளர் ஒருவர் எடுத்துள்ள இப்புகைப்படம் தற்போது ட்விட்டரில் வைரலாகி வருகிறது. அந்த வியாபாரிக்கு பலரும் தற்போது உதவிக்கரம் நீட்டி வருகின்றனர்
http://dlvr.it/RdHF6L

Read More

கேரளா: ராஜமலை, கோழிக்கோடு விபத்து; இரட்டை நிலைப்பாடா? - பினராயி விஜயன் விளக்கம்

கேரளாவில் அடுத்தடுத்து நிகழ்ந்த கோழிக்கோடு விபத்து மற்றும் ராஜமலை நிலச்சரி உள்ளிட்டவைகள் குறித்து கேரள முதல்வர் பினராயி விஜயன் செய்தியாளர்கள் சந்திப்பின்போது பேசினார். செய்தியாளர்களின் கேள்விகளுக்கும் அவர் பதிலளித்தார். அப்போது அவர் கூறுகையில், ``ராஜமலையில் நிலச்சரிவு ஏற்பட்ட பகுதியில் மீட்புப்பணி நடந்துவருகிறது. இறந்தவர்களின் உடல்களை விரைந்து போஸ்ட்மார்ட்டம் செய்ய நடவடிக்கை எடுக்கப்பட்டுள்ளது. இறந்தவர்களுக்கு 5 லட்சம் ரூபாய் வீதம் வழங்கப்படும். இதுவரை 12 பேர் உயிருடன் மீட்கப்பட்டுள்ளனர். 26 பேரின் உடல்கள் மீட்கப்பட்டுள்ளன. மீதமுள்ளவர்களை தேடும்பணி தொடர்கிறது. அமைச்சர்கள் சந்திரசேகரன், எம்.எம்.மணி ஆகியோர் அங்கு இருந்து மீட்புப்பணிகளை துரிதபடுத்தி வருகிறார்கள். தண்ணீர் வடிந்துவருவதால் மீட்புப்பணியில் சிரமம் உள்ளது. கேரளத்தில் மழை காரணமாக 3,530 குடும்பங்கள் முகாம்களுக்கு மாற்றப்பட்டுள்ளன. இப்போது 11,446 பேர் முகாம்களில் உள்ளனர்.கோழிக்கோடு விமான விபத்து கோழிக்கோடு கரிப்பூர் விமான நிலைய விபத்தில் இறந்தவர்கள் குடும்பத்துக்கு 10 லட்சம் ரூபாய் வழங்கப்படும். காயம் அடைந்தவர்களின் சிகிச்சை செலவை அரசு ஏற்கும். விபத்தில் சிக்கிய 190 பேரில் 18 பேர் இறந்துள்ளனர். அதில் 4 குழந்தைகளும் உண்டு. காயம் அடைந்த 149 பேர் கோழிக்கோடு மலப்புரம் மாவட்டங்களில் உள்ள 16 மருத்துவமனைகளில் சிகிச்சையில் உள்ளனர். அதில் 23 பேர் படுகாயங்களுடன் சிகிச்சையில் உள்ளனர். 23 பேர் டிஸ்சார்ஜ் செய்யப்பட்டுள்ளனர். இந்த விபத்தில் தமிழகம் மற்றும் தெலங்கானாவைச் சேர்ந்தவர்களும் காயமடைந்துள்ளனர். அனைவருக்கும் கொரோனா டெஸ்ட் எடுக்கப்பட்டுள்ளது. இறந்த ஒருவருக்கு கொரோனா இருப்பது உறுதியாகியுள்ளது. விபத்து நடந்ததும் பொதுமக்கள் விரைந்து மீட்புப்பணியில் இறங்கினர். அவர்களுக்கு நன்றியைத் தெரிவித்துக்கொள்கிறேன். Also Read: AirCrash: `பதறிய குழந்தைகள்; ரத்தம் படிந்த துணிகள்!’ - நேரில் பார்த்தவர்கள் விவரித்த துயரம் இந்த விபத்தில் விமானம் கீழே வந்தபிறகு முன்பகுதி உடைந்து தனியாக போகிறது. முன்பகுதி காம்பவுண்டில் போய் இடித்து கிடக்கிறது. அதனால்தான் பைலட்டும், துணை பைலட்டும் மற்றும் சிலரும் இறந்திருக்கிறார்கள். அதிகமானபேரின் உயிர் காக்கப்பட்டிருக்கிறது. விபத்துக்கு பிறகு விமானம் தீப்பிடிக்காமலும், வெடிக்காமலும், இருந்தது பெரிய ஆறுதலான விஷயம். இந்த விபத்து குறித்து டி.ஜி.சி.ஏ விசாரணை நடத்துகிறது.ராஜமலை நிலச்சரிவு நடந்த இடம். ராஜமலையில் விபத்தில் இறந்தவர்களுக்கு ஐந்து லட்சம் ரூபாயும், கோழிக்கோடு விமான விபத்தில் இறந்தவர்களுக்கு 10 லட்சமும் வழங்கப்படுவது பற்றி விமர்சனங்கள் கூறுகிறார்கள். இரண்டும் இரண்டு விதமான விபத்து. ராஜமலையில் முதற்கட்டமாகத்தான் நிதி உதவி அறிவிக்கப்படுள்ளது. அங்கு மீட்புப்பணி இப்போதும் நடந்துகொண்டிருக்கிறது. அவர்கள் உயிரையும் வசிப்பிடத்தையும் இழந்துள்ளனர். மீண்டும் அவர்களுக்கு வசிப்பிடம் போன்றவற்றை உறுதி செய்யும் கடமை அரசுக்கு உண்டு. மீட்புப்பணி முடிந்தபிறகு அவர்களுக்கு உதவுவதுடன், அவரது வாழ்வாதாரத்திற்கு பாதுகாப்பாகவும் இருப்போம். Also Read: மூணாறு நிலச்சரிவு: `15 பேரின் உடல்கள் மீட்பு..!’ - மீட்புப் பணியில் குறுக்கிடும் மழை அதுபோல, கோழிக்கோடு விமான விபத்தில் சிக்கியவர்களை மருத்துவமனையில் பார்க்க போனதையும், ராஜமலையில் நேரில் செல்லவில்லை எனவும் சிலர் பிரசாரம் செய்கிறார்கள். ராஜமலைக்கு சென்று சேர முடியாத நிலை ஏற்பட்டுள்ளது. மூனாறுக்கு ஹெலிகாப்டரில் போகலமா என ஆலோசித்தபோது காலநிலை மோசமாக இருந்ததால் போகவில்லை. இதெல்லாம் இடத்தின் நிலையை பொறுத்து முடிவு எடுக்கிறோம்" என்றார்.
http://dlvr.it/RdHF3f

Read More

கேரளா: `பழுதான லேண்டிங் கியர்; இரண்டாகப் பிளந்த விமானம்!' - அதிகரிக்கும் பலி எண்ணிக்கை

கொரோனா, ஊரடங்கால் வெளிநாடுகளில் சிக்கியுள்ள இந்தியர்களை மீட்கும் பணிகள் நடந்து வருகின்றன. அதன்படி, துபாயில் இருந்து 10 கைக் குழந்தைகள் உட்பட 184 பயணிகளுடன் கோழிக்கோடு விமான நிலையத்துக்கு ஏர் எக்ஸ்பிரஸ் (IX-1134) விமானம் புறப்பட்டுள்ளது. அதில் 2 விமானிகள் உட்பட 8 விமானப் பணியாளர்கள் இருந்துள்ளனர்.கேரளா விமானம் Also Read: கேரளா: `விமானம் தரையிறங்கும் போது விபத்து!' - உயிரிழப்பு 14ஆக உயர்வு #NowAtVikatan கோழிக்கோடு விமானநிலையம் மலப்புரம் மாவட்டம் காரிபூர் பகுதியில் அமைந்துள்ளது. அங்கு கடந்த சில நாள்களாகவே கனமழை பெய்து வரும்நிலையில், வெள்ளிக்கிழமை தொடர்ந்து மழை கொட்டியுள்ளது. இதனால், அந்த விமானம் இரவு 7.40 மணியளவில் தரையிறங்குவதில் சிக்கல் ஏற்பட்டுள்ளது. அப்போது, எதிர்பாராத விதமாக ரன்வேயில் சறுக்கி நிலைதடுமாறி, 30 அடி குழிக்குள் விழுந்துள்ளது விமானம். இதில் விமானம் இரண்டாகப் பிளந்துள்ளது. உடனடியாக சம்பவ இடத்துக்கு மீட்புக் குழுவினரும் மருத்துவக் குழுவினரும் விரைந்துள்ளனர். விமானத்தின் இரண்டு விமானிகள் தீபக் வசந்த் சத்தே, அகிலேஷ்குமார் உட்பட 17 பேர் உயிரிழந்துள்ளதாக முதல் கட்ட தகவல்கள் வெளியாகியுள்ளன. மருத்துவமனையில் அதிக காயங்களுடன் பலர் அனுமதிக்கப்பட்டுள்ளதால், பலி எண்ணிக்கை மேலும் அதிகரிக்கக் கூடும் என அஞ்சப்படுகிறது.மீட்புப் பணி மற்றவர்களுக்கு பலத்த காயமடைந்துள்ளதாகக் கூறப்படுகிறது. இந்த விமானத்தில் நீலகிரி மாவட்டம், கூடலூர் பகுதியைச் சேர்ந்த முகமது சிதான், அவர் மனைவி சாஜிதா, சாகிலா சாஜஹான் ஆகிய மூன்று பேரும் பயணித்துள்ளனர். அவர்களும் மருத்துவமனையில் அனுமதிக்கப்பட்டுள்ளனர். இரவு 11 மணியளவில் விமானத்தில் இருந்த அனைவரும் மீட்கப்பட்டு, கோழிக்கோடு, மலப்புரம் மாவட்டங்களில் பல்வேறு மருத்துவமனைகளில் அனுமதிக்கப்பட்டுள்ளனர். மலப்புரம் (0483 2736320 ) மற்றும் கோழிக்கோடு (0495 2376901) மாவட்ட நிர்வாகங்கள், விமான நிலைய கட்டுப்பாட்டு அறை (0483 2719493) உதவி எண்களை வெளியிட்டுள்ளன. மேலும், ஏர் இந்தியா எக்ஸ்ப்ரஸ் நிறுவனமும், தங்களது உதவி மையம் மற்றும் உதவி எண் (1800222271) மூலம் பயணிகளின் விவரங்களைத் தெரிந்து கொள்ளலாம் என்று கூறியுள்ளது.கேரளா விமானம் இதுகுறித்து கேரள முதல்வர் பினராயி விஜயன் தனது ட்விட்டர் பக்கத்தில், “இந்தச் சம்பவம் தொடர்பாக, உடனடி நடவடிக்கை எடுக்கக் கோரி உத்தரவிடப்பட்டுள்ளது. பிரதமர் மோடியிடம் போன் மூலம் பேசினேன். அவர் இந்த விவகாரத்தில் மாநிலத்துக்கு தேவையான அனைத்து உதவிகளையும் செய்ய தயாராக இருப்பதாக உறுதியளித்துள்ளார்” எனக் கூறியுள்ளார். குடியரசுத் தலைவர் ராம்நாத் கோவிந்த், பிரதமர் நரேந்திர மோடி, மத்திய, மாநில அமைச்சர்கள், பொது மக்கள் இந்தச் சம்பவம் தொடர்பாகத் தங்களது இரங்கல்களைத் தெரிவித்துள்ளனர். இந்நிலையில், “விபத்துக்குள்ளான விமானம், 13 ஆண்டுகள் பழைமையானது. அதன் லேண்டிங் கியர் பழுதாகிவிட்டது. இந்த விமானம் மதியமே தரையிறங்க வேண்டியது. ஆனால், பலமுறை முயன்ற்ம் விமானத்தால் தரையிறங்க முடியவில்லை” என்றும் தகவல்கள் வெளியாகியுள்ளன.கேரளா விமானம் இந்த விபத்து தொடர்பாக இன்று ஏர் இந்தியா மற்றும் ஏர்போர்ட் அத்தாரட்டி ஆஃப் இந்தியா அமைப்புகளைச் சேர்ந்த 2 விசாரணைக் குழுவினர் சம்பவ இடத்தில் விவசாரணை நடத்த உள்ளனர். அதன்பிறகுதான், விபத்துக்கான உண்மையான காரணம் வெளியில் தெரியும் என்று எதிர்பார்க்கப்படுகிறது.
http://dlvr.it/RdFgQd

Read More

‘மிகவும் மனவேதனையடைந்தேன்’ கேரள விமான விபத்து குறித்து அமித்ஷா உருக்கம்

துபாயிலிருந்து கேரளா வந்த விமானம் தரையிறங்கும்போது விபத்திற்குள்ளானது. இதில் 191 பேர் பயணம் செய்ததாக தெரிகிறது. விமானத்தின் முன்சக்கரத்தில் ஏற்பட்ட பழுது காரணமாக விபத்து நேரிட்டது எனவும் ஒரு விமானி உட்பட இரண்டு பேர் உயிரிழந்துள்ளதாகவும் முதற்கட்டமாக தகவல் வெளியாகியுள்ளது. Have instructed Police and Fire Force to take urgent action in the wake of the plane crash at the Kozhikode International airport (CCJ) in Karipur. Have also directed the officials to make necessary arrangements for rescue and medical support. — Pinarayi Vijayan (@vijayanpinarayi) August 7, 2020 இதுகுறித்து முதலமைச்சர் பினராயி விஜயன் தனது டிவிட்டர் பக்கத்தில், “கரிபூரில் உள்ள கோழிக்கோடு சர்வதேச விமான நிலையத்தில் விமானம் விபத்துக்குள்ளானதை அடுத்து அவசர நடவடிக்கை எடுக்குமாறு காவல்துறை மற்றும் தீயணைப்பு படையினருக்கு அறிவுறுத்தப்பட்டுள்ளது. மீட்பு மற்றும் மருத்துவ உதவிக்கு தேவையான ஏற்பாடுகளை செய்யுமாறு அதிகாரிகளுக்கு அறிவுறுத்தப்பட்டுள்ளது” எனத் தெரிவித்துள்ளார். Distressed to learn about the tragic accident of Air India Express aircraft in Kozhikode, Kerala.Have instructed NDRF to reach the site at the earliest and assist with the rescue operations. — Amit Shah (@AmitShah) August 7, 2020 இதுகுறித்து மத்திய உள்துறை அமைச்சர் அமித்ஷா தனது டிவிட்டர் பக்கத்தில், “கேரளாவில் விமானம் விபத்திற்குள்ளான செய்தி அறிந்து மிகவும் மனவேதனையடைந்தேன். தேசிய பேரிடர் மீட்புக் குழுவை விரைந்து செல்ல அறிவுறுத்தப்பட்டுள்ளது” எனத் தெரிவித்துள்ளார். Shocked at the devastating news of the plane mishap in Kozhikode. Deepest condolences to the friends and family of those who died in this accident. Prayers for the speedy recovery of the injured. — Rahul Gandhi (@RahulGandhi) August 7, 2020 இதுகுறித்து காங்கிரஸ் முன்னாள் தலைவர் ராகுல்காந்தி தனது டிவிட்டர் பக்கத்தில் “விமான விபத்தில் உயிரிழந்த குடும்பத்தினருக்கும் நண்பர்களுக்கு தனது ஆழ்ந்த இரங்கலை தெரிவித்துக் கொள்கிறேன். படுகாயமடைந்தவர்கள் விரைவில் குணமடைய இறைவனை பிரார்த்திக்கிறேன்” எனத் தெரிவித்துள்ளார்.
http://dlvr.it/RdCc9C

Read More

இந்தியாவில் அடுத்தாண்டு டி20 உலகக் கோப்பை ! ஐசிசி அதிகாரப்பூர்வ அறிவிப்பு

இந்தியாவில் அடுத்தாண்டு டி20 உலகக் கோப்பை நடைபெறும் என்று ஐசிசி அதிகாரப்பூர்வமாக அறிவித்துள்ளது. இதனையடுத்து இந்தாண்டு ஆஸ்திரேலியாவில் நடைபெற இருந்த டி20 உலகக் கோப்பை 2022 ஆம் ஆண்டுக்கு நடத்தப்பட இருப்பதாகவும் ஐசிசி தெரிவித்துள்ளது. ஆஸ்திரேலியாவில் இந்தாண்டு அக்டோபர் 18 ஆம் தேதி முதல் நவம்பர் 15 ஆம் தேதி வரை இருபது ஓவர் உலகக்கோப்பை நடத்தத் திட்டமிடப்பட்டிருந்தது. இந்நிலையில், கொரோனா பரவல் காரணமாக அது ரத்து செய்யப்பட்டது. இதனையடுத்து அந்த நாட்களை பயன்படுத்தி பிசிசிஐ ஐபிஎல் டி20 போட்டிகளை செப்டம்பர் 19 முதல் நவம்பர் 10 ஆம் தேதி வரை ஐக்கிய அரபு அமீரகத்தில் நடத்துகிறது. India: 2021 ?? Australia: 2022 ??CONFIRMED: The next edition of the ICC Men's T20 World Cup will be held in India, while Australia will stage the tournament in 2022! pic.twitter.com/lcFzo4HK7N — T20 World Cup (@T20WorldCup) August 7, 2020 இதனையடுத்து டி20 உலகக் கோப்பையின் நிலை கேள்விக்குறியானது. இந்நிலையில் டி20 உலகக் கோப்பை அடுத்தாண்டு இந்தியாவில் நடைபெறும் என ஐசிசி அறிவித்துள்ளது. மேலும், இந்தாண்டு ரத்தான டி20 உலகக் கோப்பை போட்டி ஆஸ்திரேலியாவில் 2022 ஆம் ஆண்டு நடைபெறும் என்று அதிகாரப்பூர்வமாக தெரிவித்துள்ளது ஐசிசி.
http://dlvr.it/RdCc4b

Read More

மூணாறு: நிலச்சரிவில் சிக்கிய தொழிலாளர்கள் - 80 பேர் இறந்திருக்கலாம் என அச்சம்!

கேரள மாநிலம் இடுக்கி மாவட்டத்தில் அமைந்துள்ள சுற்றுலாத்தலங்களில் ஒன்று மூணாறு. தேயிலைத் தோட்டங்கள் நிறைந்த மூணாறில் வசிக்கும் பெரும்பாலனோர் தமிழர்கள். நல்லதண்ணி எஸ்டேட், கண்ணன் தேவன் தேயிலை எஸ்டேட் என ஆங்காங்கு உள்ள தேயிலை எஸ்டேட்டில், வேலை செய்யும் தோட்டத் தொழிலாளர்கள், தோட்ட நிர்வாகத்தால் கட்டிக்கொடுக்கப்படும் வீடுகளில் வசித்துவருகின்றனர். மூணாறு மேற்குத்தொடர்ச்சி மலைப் பகுதியில் கடந்த சில நாள்களாகப் பெய்துவரும் பருமழை காரணமாக, மூணாறு மற்றும் அதைச் சுற்றியுள்ள பகுதிகளில் மின்சாரம், போக்குவரத்து ஆகியவை துண்டிக்கப்பட்டுள்ளது. இந்நிலையில், இன்று அதிகாலை, ராஜமலை அருகே உள்ள பெட்டிமுடி என்கிற பகுதியில் அமைந்துள்ள தேயிலை எஸ்ட்டேட் பகுதியில் பெய்த கனமழை காரணமாக, எஸ்டேட் தொழிலாளர்கள் தங்கியிருந்த நான்கு லைன் குடியிருப்புகள் மண்ணில் சரிந்தன. இதில், வீடுகளில் தூங்கிக்கொண்டிருந்த சுமார் 80 பேர் வரை இறந்திருக்கலாம் எனத் தகவல்கள் வெளியாகியுள்ளன. மேலும், தற்போது 5 பேர் சடலமாக மீட்கப்பட்டிருப்பதாகத் தெரிவிக்கப்பட்டுள்ளது.மூணாறு Also Read: `283 நிலச்சரிவு அபாய பகுதிகளில் 48 குழுக்கள்!' - இரண்டாம் பேரிடரை எதிர்கொள்ளத் தயாராகும் நீலகிரி இது தொடர்பாக மூணாறு வாசி ஒருவர் நம்மிடையே தெரிவிக்கும்போது, ``இரவில் இருந்தே கடுமையான மழை பெய்துவந்தது. இப்போது ராஜமலை அருகே பெரிய நிலச்சரிவு ஏற்பட்டிருக்கிறது. போன், மின்சாரம், சாலை அனைத்தும் துண்டிக்கப்பட்டிருக்கிறது. மூணாறில் இருந்து 16 கிலோமீட்டர் தூரம் இருக்கும் நிலச்சரிவு ஏற்பட்ட இடத்துக்குச் செல்ல பெரியவாரை பாலத்தைக் கடந்துதான் செல்ல வேண்டும். அந்தப் பாலம், வெள்ளத்தால் அடித்துச் செல்லப்பட்டிருப்பதால், மீட்புப் பணிக்குச் செல்ல முடியாத நிலை நிலவுகிறது. மாற்றுப்பாதையில் மீட்புக் குழுவினர் செல்லத் திட்டமிட்டிருக்கிறார்கள்” என்றார் பதற்றமான குரலில்.
http://dlvr.it/RdBY0Q

Read More