`சென்னை, கேரள வெள்ளம்; தற்போது மூணாறு’- மீட்புப் பணிகளில் கவனம் ஈர்த்த ரேகா நம்பியார்

கேரள மாநிலத்தில் புகழ்பெற்ற சுற்றுலா தளமாகவும் இயற்கை அழகு கொஞ்சும் பசுமையுடன் காணப்படும் பகுதி மூணாறு. தென்னகத்து காஷ்மீர் என அழைக்கப்படும் இங்குத் தேயிலை உற்பத்தியே முக்கியத் தொழிலாக உள்ளது. இப்படிப்பட்ட இடம் தற்போது பேரழிவுக்கு உள்ளாகியுள்ளது. கேரளாவில் கடந்த 2 வாரங்களாகப் பெய்த கன மழையால் மூணாறில் டாடா குழுமத்தின் கண்ணன் தேவன் ஹில்ஸ் தோட்டத்துக்குச் சொந்தமான பெட்டிமுடி தேயிலைத் தோட்டத்தில் நிலச்சரிவு ஏற்பட்டது.மூணாறு கடந்த வெள்ளிக்கிழமை நள்ளிரவு நடந்த இந்த விபத்தில் அங்கு கட்டப்பட்டிருந்த 40-க்கும் அதிகமான தொழிலாளர்களின் குடியிருப்புகள் மண்ணில் புதைந்தது. இதில், சுமார் 80 பேர் வரை புதைந்திருக்கலாம் என்று தெரிவிக்கப்பட்டுள்ளது. கடந்த 4 நாள்களாகத் தொடர் மீட்புப் பணிகள் நடைபெற்று வரும் நிலையில், தற்போது வரை 49 உடல்கள் கண்டெடுக்கப்பட்டுள்ளன. மீதமுள்ள 19 பேரின் உடல்களைத் தேடும் பணி தொடர்ந்துகொண்டிருக்கிறது. பேரிடர் மீட்புப் படையின் இரண்டு குழுக்கள், இந்தப் பணிகளில் ஈடுபட்டுள்ளனர். 55 பேர் கொண்ட இந்தக் குழுவை ரேகா நம்பியார் என்ற பெண் அதிகாரி முன்நின்று வழி நடத்தி வருகிறார். தேசியப் பேரிடர் மேலாண்மை ஆணையத்தின் முதல் பெண் கமாண்டிங் அதிகாரியாக இவர் செயல்பட்டு வருகிறார். Also Read: மூணாறு நிலச்சரிவு: `250 பேர் கொண்ட குழு; 6-வது நாள்!’ - மீட்புப் பணிகளில் தாமதம் ஏன்? பெட்டிமுடி விபத்து தொடர்பாக இவர் கூறும் போது, ``இரண்டு மீட்பு படைகள் சம்பவ இடத்துக்கு வெள்ளிக் கிழமை மாலை வந்தன. தற்போது வரை பணிகள் தொடர்ந்து நடைபெற்று வருகின்றன. 83 பேர் வரை மண்ணில் சிக்கியிருப்பதாகத் தெரிவிக்கப்படுகிறது. இறந்தவர்களின் உடல்களைத் தேடும் பணிகள் மிகத் தீவிரமாக நடைபெற்று வருகின்றன. விபத்து நடந்த இடத்துக்கு அருகில் நதி இருப்பதால் உடல்கள் சேற்றில் சிக்கியிருக்கும் வாய்ப்புகள் உள்ளன. மேலும், ஆற்றின் கரையிலும் தேடுதல் தொடர்ந்து வருகிறது.மூணாறு அந்த இடம் முழுவதும் பெரிய பாறைகள் இருப்பதால் அவற்றை அகற்ற வேண்டிய நிலை உள்ளது. எனவே, மீட்புப் பணிகளில் சிறு தாமதம் ஏற்படுகிறது. மேலும், நிலச்சரிவு ஏற்பட்ட இடத்தில் அதிக நீர் இருப்பதால் இறந்தவர்களின் உடல்களைத் தேட எங்களால் ஆழமாகத் தோண்ட முடியவில்லை” என்று கூறியுள்ளார். பெண் அதிகாரி ரேகா நம்பியார் கேரளாவின் வடகரையைப் பூர்விகமாகக் கொண்டவர். சென்னையில் பிறந்து, வளர்ந்து, மத்தியப் பாதுகாப்புப் படை அதிகாரியாகத் தகுதி பெற்றுள்ளார். 2015-ம் ஆண்டு வரை இவர் சென்னை சர்வதேச விமான நிலையத்தின் தலைமை பாதுகாப்பு அதிகாரியாக இருந்துள்ளார். பின்னர் அதே ஆண்டில் ரேகா, தேசிய பேரிடர் மீட்புப் படைக்கு மாற்றப்பட்டுள்ளார். அப்போதிலிருந்து சென்னை வெள்ளம், கேரள வெள்ளம் போன்ற பல பேரழிவு காலங்களில், தன் படையுடன் முன்நின்று மீட்புப் பணிகளில் ஈடுபட்டு வருகிறார். Also Read: மூணாறு நிலச்சரிவு: மோப்ப நாய்; ஒரே இடத்தில் 8 உடல்கள்... 42 ஆக அதிகரித்த பலி எண்ணிக்கை
http://dlvr.it/RdWPds

Read More

`ஃபேஸ்புக் பதிவு; எம்.எல்.ஏ சர்ச்சை!’ - பெங்களூரை அதிரவைத்த திடீர் வன்முறை; 3 பேர் பலி

கர்நாடகாவின் பெங்களூரில் காங்கிரஸைச் சேர்ந்த சட்டமன்ற உறுப்பினர் ஸ்ரீனிவாசமூர்த்தி என்பவர் வசித்து வருகிறார். இவரது உறவினரான நவீன் என்பவர் இஸ்லாமியர்களை குறித்து அவதூறாக ஃபேஸ்உக் பக்கத்தில் பதிவிட்டதாகத் தகவல்கள் தெரிவிக்கின்றன. இந்தப் பதிவானது சில மணி நேரங்களில் சமூக வலைதளங்களில் அதிகமாக பகிரப்பட்டு சர்ச்சையாகியுள்ளது. இதனால், ஆத்திரமடைந்த இஸ்லாமியர்கள் சட்டமன்ற உறுப்பினரின் வீட்டுக்குச் சென்று அங்கிருந்த வாகனங்கள் உள்ளிட்ட பொருள்களை சேதப்படுத்தி வன்முறைகளில் ஈடுபட்டதாகக் கூறப்படுகிறது. இதனையறிந்த காவலதுறையினர் சம்பவ இடத்துக்குச் சென்று வன்முறைகளைக் கட்டுப்படுத்த முயற்சி செய்துள்ளனர். எனினும், வன்முறை சம்பவங்கள் அதிகளவில் நடந்துள்ளது. பின்னர், வன்முறையில் ஈடுபட்டவர்கள் இரண்டு குழுக்களாகப் பிரிந்துள்ளனர். அங்கிருந்த கடைகளை மூடவும் வற்புறுத்தியுள்ளனர். சாலைகளில் இருந்த் வாகனங்களின் டயர்களிலும் தீ வைத்துள்ளனர். Karnataka: DJ Halli Police Station in Bengaluru city vandalised last night, as violence broke out over an alleged inciting social media post. Sec 144 imposed in city, curfew in DJ Halli & KG Halli police station limits. At least 2 dead, 110 arrested, 60 Police personnel injured. pic.twitter.com/FVgUIanWgd— ANI (@ANI) August 12, 2020 வன்முறையால் ஏற்பட்ட தீயை அணைக்க வந்த தீயணைப்பு வாகனங்களையும் அங்கிருந்தவர்கள் சேதப்படுத்தியதாகக் கூறப்படுகிறது. ஃபேஸ்புக்கில் பதிவிட்டவரை கைது செய்வது உள்ளிட்ட நடவடிக்கைகளைக் காவல்துறையினர் எடுக்க தவறியதாகக் கூறி காவல்நிலையத்தில் இருந்த வாகனங்களிலும் போராட்டக்காரர்கள் தீ வைத்து தங்களது எதிர்ப்பைப் பதிவு செய்தனர். பல்வேறு வகைகளிலும் கடுமையாக நடந்த போராட்டங்களை கட்டுப்படுத்த முடியாமல் காவல்துறை அதிகாரிகள் திணறியுள்ளனர். கண்ணீர் புகைக்குண்டுகள் வீச்சு, தடியடி ஆகிய நடவடிக்கைகளையும் எடுத்துள்ளனர். எனினும், அடங்காத வன்முறையை அடக்க காவலர்கள் வன்முறையாளர்கள் மீது துப்பாக்கி சூடு நடத்தி கட்டுக்குள் கொண்டுவர முயற்சி செய்ததாகக் கூறப்படுகிறது. இந்த வன்முறை சம்பத்தில் 3 நபர்கள் உயிரிழந்துள்ளதாகவும் 60 பேர் காயமடைந்துள்ளதாகவும் தகவல்கள் தெரிவிக்கின்றன. மேலும், இந்த சம்பவத்தில் தொடர்புடைய சுமார் 110 பேரையும் காவலர்கள் கைது செய்துள்ளனர். தற்போது நிலைமை கட்டுக்குள் இருப்பதாகக் காவல்துறை உயர் அதிகாரிகள் தெரிவித்துள்ளனர். நிலைமை இன்னும் மோசமாகாமல் இருக்க 144 தடை உத்தரவையும் பிறப்பித்துள்ளனர். Also Read: `துரோகிகளை சுட்டுத் தள்ளுங்கள்!’ - டெல்லி மெட்ரோவில் எதிரொலித்த வன்முறை கோஷங்கள் சட்டமன்ற உறுப்பினர் ஸ்ரீனிவாசமூர்த்தி இந்த சம்பவம் தொடர்பாக பேசும்போது, ``எனது சகோதரி மகனின் பதிவு சமூக வலைதளங்களில் வைரலாகியுள்ளது. இந்த பதிவுக்கும் எனக்கும் எந்தவிதத் தொடர்பும் இல்லை. இந்தப் பதிவு குறிப்பிட்ட சமூக மக்களுக்கு எதிரானது எனக் கூறப்படுகிறது. இத்தகைய பதிவை சமூக வலைதளத்தில் பதிவிட்டவரை காவல்துறையினர் கைது செய்ய வேண்டும் என கேட்டுக்கொள்கிறேன்” என்று கூறியுள்ளார். அவரது உறவினர் நவீன் என்பவர் இதுதொடர்பாக அதிகாரிகளால் கைது செய்யப்பட்டுள்ளார். தொடர்ந்து விசாரணைகயும் நடைபெற்று வருகிறது. ஆனால், நவீன் என்பவர் தனது ஃபேஸ்புக் கணக்கு ஹேக் செய்யப்பட்டு விட்டதாகவும் தான் அந்தப் பதிவை பகிரவில்லை என்றும் கூறியுள்ளதாக தகவல்கள் தெரிவிக்கின்றன. போராட்டக்காரர்கள் சட்டமன்ற உறுப்பினர் மீதும் வழக்குப் பதிவு செய்ய வேண்டும் என காவல்நிலையம் முன்பு போராட்டம் நடத்தியுள்ளனர். இதனால், தொடர்ந்து அப்பகுதியில் பதற்றம் நிலவி வருகிறது. Karnataka: Visuals from Bengaluru's DJ Halli Police Station area where violence broke out over an alleged inciting social media post. Two people died & around 60 police personnel sustained injuries in the violence in Bengaluru, according to Police Commissioner Kamal Pant. pic.twitter.com/QsAALZycs0— ANI (@ANI) August 11, 2020 அம்மாநிலத்தின் உள்துறை அமைச்சர் பஸவராஜ் பொம்மை இந்த சம்பவம் தொடர்பாக பேசும்போது, ``இந்த பிரச்னை தொடர்பாக விசாரணை மேற்கொண்டு வருகிறோம். வன்முறை சம்பவங்களுக்கு பின்னால் உள்ளவர்களை சிசிடிவி காட்சிகளை வைத்துக் கண்டுபிடிப்போம். அவர்கள் மீது கடுமையான நடவடிக்ககையும் எடுக்கப்படும்” என்று தெரிவித்துள்ளார். கர்நாடக முதல் எடியூரப்பா இதுதொடர்பாக தனது ட்விட்டர் பக்கத்தில், ``வன்முறை சம்பவங்களில் ஈடுபட்ட குற்றவாளிகள் மீது வழக்குத் தொடர உத்தரவிடப்பட்டுள்ளது. நேற்றிரவு நடந்த வன்முறைகளில் பத்திரிக்கையாளர், காவலர்கள் மற்றும் பொதுமக்கள் மீதான தாக்குதல்கள் எதிர்பாராத ஒன்று. இத்தகைய செயல்களை அரசாங்கம் ஒருபோதும் பொறுத்துக்கொள்ளாது. நிச்சயம் குற்றவாளிகள் மீது கடுமையான நடவடிக்கை எடுக்கப்படும்” என்று தெரிவித்துள்ளார். முக்கிய அரசியல்வாதிகள் மற்றும் அதிகாரிகள் உட்பட பலரும் மக்களை அமைதியுடன் இருக்க வேண்டுகோளும் விடுத்து வருகின்றனர். Also Read: `டெல்லி வன்முறை வழக்கு!’ - கைதான கர்ப்பிணி மாணவி சஃபூராவுக்கு ஜாமீன்
http://dlvr.it/RdVB6l

Read More

கேரளா: கிரையோஜெனிக் இன்ஜின் பொய் வழக்கு - நம்பி நாராயணனுக்கு ரூ.1.3 கோடி இழப்பீடு!

மாலத்தீவைச் சேர்ந்த மரியம் ரஷீதா என்ற பெண்ணை 1994-ம் ஆண்டு கேரளா போலீஸ், திருவனந்தபுரத்தில் வைத்து கைது செய்தது. அவரிடமிருந்து இஸ்ரோ தயாரிக்கும் ராக்கெட் இன்ஜின்களின் வரைபடங்கள் கைப்பற்றப்பட்டன. இதைத் தொடர்ந்து பாகிஸ்தானுக்கு கிரையோஜெனிக் இன்ஜின் ரகசியங்களை விற்றதாக கிரையோஜெனிக் இன்ஜின் வடிவமைப்பு திட்டத்தின் தலைவராக இருந்த விஞ்ஞானி நம்பி நாராயணன் கைது செய்யப்பட்டார். அந்தச் சமயத்தில் பெரும் பரபரப்பை ஏற்படுத்திய இந்த வழக்கில், கிரையோஜெனிக் இன்ஜின் திட்ட இணை இயக்குநர் சசிக்குமரன், ரஷ்ய விண்வெளி அமைப்பின் இந்திய ஒருங்கிணைப்பாளர் சந்திரசேகர், தொழிலதிபர் எஸ்.கே.சர்மா, மரியம் ரஷீதாவின் தோழி மாலத்தீவைச் சேர்ந்த ஃபவுசியா ஹஸன் (Fousiya Hasan) ஆகியோரும் கைது செய்யப்பட்டனர். இந்த வழக்கின் காரணமாக கேரளாவில் அப்போது ஆட்சியிலிருந்த காங்கிரஸ் கட்சியைச் சேர்ந்த முதல்வர் கருணாகரன் தனது முதல்வர் பதவியை ராஜினாமா செய்யும் நிலை ஏற்பட்டது.இஸ்ரோ இந்த வழக்கை சி.பி.ஐ விசாரித்தது. விசாரணை முடிவில், `இது கேரள போலீஸின் ஜோடிக்கப்பட்ட குற்றச்சாட்டு’ என்று 1996-ம் ஆண்டு உச்ச நீதிமன்றத்தில் சி.பி.ஐ அறிக்கை அளித்தது. சி.பி.ஐ அறிக்கையைத் தொடர்ந்து நம்பி நாராயணன் உள்ளிட்ட அனைவரையும் நீதிமன்றம் விடுவித்தது. இந்த வழகில் நம்பி நாராயணன் சுமார் ஐம்பது நாள்கள் சிறையில் இருந்தார். Also Read: `எப்படி அவ்வளவு பெரிய குற்றச்சாட்டை சுமத்தினாங்க?’ -பதிலளிக்கும் விஞ்ஞானி நம்பி நாராயணன் #Video இதைத் தொடர்ந்து விஞ்ஞானி நம்பி நாராயணன் மானநஷ்ட ஈடு கேட்டு திருவனந்தபுரம் சப் கோர்ட்டில் வழக்கு தொடர்ந்தார். சி.பி.ஐ விசாரணை முடிந்த பிறகும், இந்த வழக்கை நம்பி நாராயணன் வாபஸ் வாங்கவில்லை. இதற்கிடையில், `விஞ்ஞானி நம்பிநாராயணனுக்கு 50,00,000 ரூபாய் நஷ்ட ஈடு வழங்க வேண்டும்’ என உச்ச நீதிமன்றம் உத்தரவிட்டிருந்தது. மேலும், `மனித உரிமை கமிஷன் 10,00,000 ரூபாய் வழங்க வேண்டும்’ என உத்தரவிட்டிருந்தது. இந்தத் தொகைகள் ஏற்கெனவே வழங்கப்பட்டுவிட்டன.நம்பி நாராயணன் இருப்பினும் திருவனந்தபுரம் சப் கோர்ட்டில் நம்பி நாராயணன் தொடர்ந்த மானநஷ்ட ஈடு வழக்கு முடிவுக்கு வரவில்லை. இதையடுத்து, கேரள அரசின் முன்னாள் செயலர் ஜெயக்குமார் தலைமையில் அரசு பேச்சுவார்த்தை நடத்தியது. இதில் சமரசம் ஏற்பட்டதைத் தொடர்ந்து 1.3 கோடி ரூபாய் நம்பி நாராயணனுக்கு வழங்கப் பரிந்துரைக்கப்பட்டது. அதன்படி போலீஸின் ஹெட் ஆஃப் தி டிபார்ட்மென்ட் அக்கவுன்ட்டிலிருந்து விஞ்ஞானி நம்பி நாராயணனுக்கு 1.3 கோடி ரூபாய் இப்போது வழங்கப்பட்டுள்ளது.
http://dlvr.it/RdVB32

Read More

ஓடும் வெள்ள நீரில் மூழ்கிய நபர்: தண்ணீருக்குள் குதித்து காப்பாற்றிய 12 வயது சிறுவன்!

உத்ரகாண்ட் மாநிலத்தின் நைனிடாலில் உள்ள கோஷி ஆற்றில் பெருக்கெடுத்த நீரில் மூழ்கிக்கொண்டிருந்த,  நபரை, 12 வயது சிறவன் ஆற்றில் குதித்துக் காப்பாற்றிய சம்பவம் ஆச்சரியத்துடன் மக்களால் பாராட்டப்படுகிறது.  நைனிடால் மாவட்டத்தில் உள்ள ராம்நகர் பகுதியில் இந்த சம்பவம் நடந்துள்ளது. அந்தச் சிறுவன் உடனடியாக செயல்படாமல் இருந்திருந்தார், அந்த மனிதர் உயிர்பிழைத்திருக்கமுடியாது என அரசு அதிகாரி ரவி சைனி தெரிவித்தார். சம்பவம் நடந்த அன்று பாலத்தில் இருந்து அந்த மனிதர் ஆற்றில் குதித்திருக்கிறார். அவர் உதவி என்ற கத்தியதை சிறுவன் பார்த்திருக்கிறான். அங்கிருந்து பலரும் பார்த்துவிட்டு அமைதியாக இருந்துள்ளனர். இதைக் கண்ட அந்தச் சிறுவன் திடீரென ஆற்றில் குதித்துக் காப்பாற்றியுள்ளான். பின்னர் அவர் காவல்துறையினரால் மீட்கப்பட்டு மருத்துவமனைக்கு அனுப்பிவைக்கப்பட்டார். தண்ணீரில் குதித்தவருக்கு 24 வயதுக்கு மேல் இருக்கும் என்றும், அவரை 12 வயது சிறுவன் துரிதமாக செயல்பட்டு காப்பாற்றியது அனைவருக்கும் ஆச்சரியத்தை உண்டாக்கியுள்ளது. "பாலத்தில் அந்தச் சிறுவன் நின்றுகொண்டிருந்தான். ஆற்றில் உயிருக்குப் போராடிக்கொண்டிருந்த மனிதரைப் பார்த்ததும் அவன் உடனே குதித்துவிட்டான். அவர் ஆற்றின் நடுவில் அடித்துச் செல்லப்பட்டிருந்தார். பின்னர் 15 நிமிடங்கள் போராடி அவரைத் தேடிக் காப்பாற்றினான். அடுத்து ஒரு நண்பரின் உதவியுடன் அந்த மனிதர் ஆற்றுக்கு வெளியே கொண்டுவரப்பட்டார்" என்றார் சம்பவத்தை நேரில் பார்த்த ஒருவர். ஆற்றில் இருந்து காப்பாற்ற மனிதர், மனநிலை தவறியவராக இருக்கலாம் என சந்தேகிக்கிறோம் எனவும் அதிகாரி சைனி கூறினார்.      
http://dlvr.it/RdRfRC

Read More

உ.பி அதிர்ச்சி: தள்ளுவண்டி வியாபாரியிடம் அத்துமீறிய போலீஸ்! - வைரல் வீடியோவால் சஸ்பெண்ட்

இந்தியாவில் கொரோனா வைரஸ் தொடர்ந்து அதிக பாதிப்புகளை ஏற்படுத்தி வருகிறது. இதுவரை லட்சக்கணக்கான மக்கள் பாதிப்படைந்துள்ளனர். ஆயிரக்கணக்கான மக்கள் வைரஸ் தொற்றால் உயிரிழந்துள்ளனர். இந்த வைரஸ் பரவலைத் தடுக்க மத்திய மற்றும் மாநில அரசுகள் பல்வேறு நடவடிக்கைகளை எடுத்து வருவதாகக் கூறினாலும் பாதிப்புகள் தொடர்ந்து அதிகரித்த வண்ணம் உள்ளன. இந்த நிலையில், கடந்த மார்ச் மாதம் முதல் நாடு முழுவதும் ஊரடங்கும் அமலில் இருந்து வருகிறது. தற்போது சில தளர்வுகளும் அறிவிக்கப்பட்டுள்ளன. தளர்வுகள் அறிவிக்கப்பட்ட பிறகு கடைகள் திறக்கப்பட்டிருப்பதால் காவல்துறையினர் வியாபாரிகளின் மீது தாக்குதல் நடத்தும் சம்பவங்களும் தங்களது அதிகாரத்தை துஷ்பிரயோகம் செய்யும் சம்பவங்களும் தொடர்ந்து பல்வேறு மாநிலங்களிலும் நடந்து வருகின்றன. सुनो दारोगा जी, जिस तरह तुमने गरीब का ठेला पलटा है. उसी के टैक्स से तुम्हे पगार मिलती है. उसी के पैसे से तुम्हारा घर चलता है इसी गरीब के पैसे से तुम्हारा बच्चा पलता है. इसी के टैक्स के पैसे से मौज करते हो. लोकतंत्र है याद रखना जब जनता तुम्हारा ठेला पलटेगी तो बनारस में रोते घूमोगे pic.twitter.com/mVD19KBbZs— Brajesh Misra (@brajeshlive) August 10, 2020 உத்தரப் பிரதேச மாநிலத்தில் உள்ள வாரணாசி பகுதியில் வியாபாரி ஒருவரிடம் சப் இன்ஸ்பெக்டர் ஒருவர் அத்துமீறி நடந்துகொண்டது தொடர்பான வீடியோ தற்போது சமூக வலைதளங்களில் வெளியாகி வைரலாகி வருகிறது. வீடியோவில் காவலர் ஒருவர் தள்ளு வண்டியில் இருக்கும் மக்காச்சோளத்தை எடுத்து சாலையில் வீசிகிறார். பின்னர், அந்த வண்டியை கீழே கவிழ்க்கிறார். இந்த வீடியோ சமூக வலைதளங்களில் சில மணி நேரங்களில் வெளியாகி நெட்டிசன்களால் அதிகம் பகிரப்பட்டுள்ளது. கடை திறக்க அனுமதிக்கப்பட்ட நேரத்தைக் கடந்து அந்த வியாபாரி கடை திறந்து வைத்திருந்ததாக கூறப்படுகிறது. இதனால், அந்தக் காவலர் இத்தகைய முறையில் நடந்துகொண்டதாக தகவல்கள் தெரிவிக்கின்றன. Also Read: பிரேசில்:`பெண்ணின் கழுத்தில் ஏறி நின்ற காவலர்!’ - பணியிடை நீக்கம் செய்த ஆளுநர் வீடியோ வைரலானதும் அந்தக் காவலர் பணி இடைநீக்கம் செய்யப்பட்டுள்ளார். வாரணாசி காவல்துறை வியாபாரியிடம் மன்னிப்பு கேட்கும் வீடியோ ஒன்றையும் தங்களது ட்விட்டர் பக்கத்தில் வெளியிட்டு நிதியுதவியும் வழங்கியுள்ளனர். இதுதொடர்பாக காவல்துறை அதிகாரிகள் பேசும்போது, ``வாரணாசியில் உள்ள ஷிவ்புர் பகுதியில் சப் இன்ஸ்பெக்டர் வருண் குமார் ஷாஷி மக்காச்சோளத்தை சாலையில் வீசும் வீடியோ சமூக வலைதளங்களில் வைரலாகி வருகிறது. அந்தக் காவலர் பணி இடை நீக்கம் செய்யப்பட்டுள்ளார். அவர் மீதான விசாரணைகளும் தொடர்ந்து நடைபெற்று வருகிறது. பாதிக்கப்பட்ட வியாபாரிக்கு உதவிகள் வழங்கப்பட்டுள்ளன" என்று தெரிவித்துள்ளனர். दिनांक 10-08-2020 को सोशल मीडिया पर वायरल हो रहे वीडियो जिसमें उ0नि0, द्वारा ठेले पर रखे भुट्टे को फेकने/पलट देने का वीडिया वायरल हुआ है। अ0पु0अ0/क्षेत्राधिकारी कैण्ट द्वारा ठेला चालक को नुकसान की भरपाई के रूप में आर्थिक सहायता प्रदान की गयी। @amitpathak09 @Uppolice @dgpup pic.twitter.com/3H6ZbQWr0r— Varanasi Police (@varanasipolice) August 10, 2020 காவல்துறையினர், கடந்த ஜூன் மற்றும் மே மாதங்களில் பிரயாக்ராஜ் மற்றும் மீரட் பகுதியில் உள்ள சிறிய சந்தைகளில் நுழைந்து அங்கிருந்த காய்கறிகளை சேதப்படுத்தியுள்ளனர். பிரயாக்ராஜ் பகுதியில் அத்துமீறிய அதிகாரிகள் மீது நடவடிக்கை எடுக்கப்பட்டுள்ளது. எளிய மக்களின் வாழ்வாதாரங்களை சேதப்படுத்திய காவல்துறையினர் மீது பொதுமக்கள் மற்றும் அரசியல்வாதிகள் கடுமையான விமர்சனத்தை வைத்துள்ளனர். இதனையடுத்து, மீரட் பகுதி காவல்துறையினர் மீதும் விசாரணைகள் நடத்தப்பட்டுள்ளது. தொடர்ந்து காவல்துறையினர் வியாபாரிகளின் வாழ்வாதாரத்துக்கு பாதிப்பு ஏற்படும் வகையில் நடந்துகொள்வது பலரையும் அதிருப்திக்கு ஆளாக்கியுள்ளது. சமூக வலைதளங்களில் காவல்துறையினரின் இத்தகைய செயல்களுக்கு எதிராக நெட்டிசன்கள் தொடர்ந்து தங்களது கண்டனத்தைப் பதிவு செய்து வருகின்றனர். Also Read: `ரூ.100 லஞ்சம் கேட்ட அதிகாரிகள்: தரமறுத்த சிறுவன்’ - முட்டை வண்டியைத் தள்ளிவிட்ட கொடூரம்
http://dlvr.it/RdQQHP

Read More

கர்நாடகா: `மாதவி மீண்டு வந்தது போல உள்ளது!’ - மனைவிக்குத் தத்ரூபமாக சிலை வைத்த கணவர்

கர்நாடகா மாநிலம் பெல்லாரி மாவட்டம் கொப்பல் பகுதியைச் சேர்ந்த தொழிலதிபர் ஸ்ரீனிவாச குப்தா. இவரது மனைவி கடந்த சில வருடங்களுக்கு முன்பு தன் இரு மகள்களுடன் காரில் திருப்பதி சென்றுள்ளார். அப்போது எதிர்பாராதவிதமாக இவர்கள் சென்ற கார் விபத்துக்குள்ளாகியுள்ளது. இதில் ஸ்ரீனிவாச குப்தாவின் மனைவி மாதவிக்கு பலத்த காயம் ஏற்பட்டுள்ளது. இதனால் அவர் சம்பவ இடத்திலேயே உயிரிழந்துள்ளார். குப்தாவின் இரண்டு மகள்களும் சிறிய காயங்களுக்குப் பிறகு குணமடைந்துள்ளனர்.சிலிகான் சிலை தங்களுக்கென பெரிய பங்களாவைக் கட்ட வேண்டும் என்பது மாதவியின் கனவாக இருந்துள்ளது. தன் மனைவி இறந்த பிறகு அவரது நினைவாகவும் அவரது கனவை நிறைவேற்றும் விதமாகவும் ஒரு பங்களாவைக் கட்ட முடிவு செய்துள்ளார் ஸ்ரீனிவாச குப்தா. இது தொடர்பாகப் பேசியுள்ள அவர், “நான் தலைமுடிகள் ஏற்றுமதி செய்யும் தொழில் செய்து வருகிறேன். என் மகளுக்காகப் பெரிய வீடு கட்ட வேண்டும் என்பது என் மனைவியின் ஆசை. ஆனால் அவர் விபத்தில் உயிரிழந்த பிறகு அவரது நினைவாகவே ஒரு வீட்டைக் கட்ட வேண்டும் என நான் நினைத்தேன். இதற்காகக் கடந்த 2 வருடங்களாகப் பல கட்டட கலைஞர்களைச் சந்தித்தேன், ஆனால் யாரும் என் விருப்பத்துக்கு ஏற்றார் போல் யோசனை சொல்லவில்லை. Also Read: புற்றுநோய் பாதித்த தாய்க்கு மருத்துவம் செய்ய பணமில்லை - சுயமாக மருந்து தயாரித்த மகன்! பிறகு என் தொழில் விஷயம் தொடர்பாக கடாக் சென்றபோது. என் வந்த சக தொழிலாளர் ஒருவர் மகேஷ் என்ற கட்டட கலைஞர் பற்றிக் கூறினார். அவரை சந்தித்து என் மனதில் இருக்கும் எண்ணத்தைக் கூறினேன். அவர் மிகவும் சிறந்த யோசனையை எங்களுக்கு வழங்கினார். என் மனைவியின் உருவத்தைச் சிலையாக வடித்து வீட்டில் வைக்க வேண்டும் என கூறினார். அதன்படி அவர் கூறிய சிலை செய்யும் கலைஞரைச் சந்தித்து என் மனைவியின் சிலையைச் செய்ய வேண்டும் என ஆர்டர் கொடுத்தேன். அவரும் அச்சு அசலாக என் மனைவியின் உருவத்தைப் போலவே சிலை செய்து கொடுத்துள்ளார்” என நெகிழ்ச்சியாகப் பேசியுள்ளார்.கர்நாடகா ஸ்ரீனிவாச குப்தாவின் வீட்டு கிரகபிரவேசம் கடந்த 8-ம் தேதி நடைபெற்றுள்ளது. அதில் கலந்துகொள்ள வந்த உறவினர்கள் அனைவரும் மாதவியின் சிலை கண்டு ஆச்சர்யமடைந்துள்ளனர். அச்சு அசலாக மாதவியே நேரில் வந்து சோஃபாவில் அமர்ந்திருப்பதைப் போலவே சிலை வடிவமைக்கப்பட்டுள்ளது. சிலிகானால் செய்யப்பட்ட இந்த சிலைக்கு மாதவிக்கு மிகவும் பிடித்த பிங்க் நிறத்தாலான புடவை கட்டி, நகைகள் அணிவிக்கப்பட்டுள்ளது. மாதவியின் சிலையுடன் அமர்ந்து. வீட்டுக்கான அனைத்து சடங்குகளையும் செய்துள்ளார் ஸ்ரீனிவாச குப்தா. இருவரும் இணைந்து அமர்ந்திருக்கும் புகைப்படமும், மாதவியின் மகள்கள் அவருக்குப் பாத பூஜை செய்யும் படங்கள் ஆகியவை இணையத்தில் வைரலாகியுள்ளன. ‘இது என் கனவு இல்லமாக இருந்ததால் அங்கு என் மனைவியை மீண்டும் வீட்டுக்கு அழைத்து வந்தது போன்ற ஒரு பெரிய உணர்வைத் தருகிறது. மாதவி மீண்டு வந்தது போல உள்ளது. என் மனைவியின் சிலையைத் தயாரிக்கப் பெங்களூருவைச் சேர்ந்த சிலை கலைஞர் ஸ்ரீதர் மூர்த்திக்கு ஒரு வருடம் ஆனது” எனத் தெரிவித்துள்ளார். இறந்த தன் மனைவிக்குச் சிலை வைத்த கணவரின் செயல் பார்ப்பவர்களை நெகிழவைத்துள்ளது.
http://dlvr.it/RdQQ9n

Read More

`போலீஸின் அதிகாரபூர்வ மரியாதையாகத் தெரியவில்லை!’ - கேரள வைரல் போட்டோவும் பின்னணியும்

கேரள மாநிலம் கோழிக்கோட்டில் துபாயிலிருந்து 180-க்கும் அதிகமான பயணிகளுடன் வந்த ஏர் இந்தியா நிறுவனத்துக்குச் சொந்தமான ஏர் எக்ஸ்பிரஸ் விமானம் தரையிறங்கும்போது தடுமாறி பள்ளத்தில் விழுந்து விபத்துக்குள்ளானது. இந்த விபத்தில் 2 விமானிகள் உட்பட 18 பேர் உயிரிழந்துள்ளனர். மீதமுள்ளவர்கள் படுகாயங்களுடன் மருத்துவமனையில் அனுமதிக்கப்பட்டுள்ளனர். கேரளாவில் நிலச்சரிவு ஏற்பட்ட அதே நாளில் நடந்த இந்த விபத்து கேரளா மட்டுமல்லாது மொத்த இந்தியாவையும் சோகத்துக்குள்ளாக்கியது.கேரள விமான விபத்து விபத்து நடந்த உடனேயே அருகிலிருந்த பொதுமக்கள் சம்பவ இடத்துக்கு வந்து மீட்புப் பணியில் ஈடுபட்டுள்ளனர். இறந்த விமானியின் உடலையும் பொதுமக்கள்தான் மீட்டுள்ளனர். விபத்து நடந்த விமானத்தில் பயணித்த பலருக்கும் கொரோனா தொற்று இருந்ததால் மீட்புப் பணியில் ஈடுபட்டவர்கள் தங்களைத் தனிமைப்படுத்திக்கொள்ளுமாறு அம்மாநில அரசு வலியுறுத்தியுள்ளது. இந்நிலையில், மீட்புப் பணியில் ஈடுபட்டவர்களுக்குக் கேரள போலீஸார் மரியாதை செலுத்தியுள்ளனர். இந்தப் புகைப்படங்கள் இணையத்தில் வைரலாகியுள்ளன. Also Read: கேரளா: `கடைசிவரை போராடிய விமானிகள்!’ - விபத்து நொடிகளை விவரிக்கும் அதிகாரிகள் `விமானம் விபத்துக்குள்ளான இடத்தில் முன் வரிசையில் நின்று மீட்புப் பணியில் ஈடுபட்டு தற்போது தனிமைப்படுத்தலில் இருக்கும் துணிச்சலான வீரர்களுக்கு கேரள காவல்துறை வாழ்த்துகளையும் வணக்கங்களையும் செலுத்துகிறது’ எனக் காவல்துறை தரப்பில் தெரிவிக்கப்பட்டதாகத் தகவல் வெளியானது. இது தொடர்பாக இந்தியன் எக்ஸ்பிரஸ் ஊடகத்திடம் பேசியுள்ள 32 வயது இளைஞர் ஃபைசல்,`இது மிகவும் பெருமைக்குரிய தருணம். கேரள காவல்துறையின் அதிகாரபூர்வமான மரியாதையாக எனக்குத் தெரியவில்லை.கேரளா இரண்டு காவலர்கள் தனிமைப்படுத்தப்பட்ட மையங்களைப் பார்வையிட்டனர். அதில் ஒரு அதிகாரி எங்களுக்கு நன்றி தெரிவித்து வணக்கம் தெரிவித்தார். எங்களுக்குத் தருவதற்கு இந்த மனமார்ந்த நன்றிகள் மட்டுமே உள்ளதாகத் தெரிவித்தார். சம்பவ இடத்தில் நிறைய பேர் இருந்தனர். அவர்களும் தங்கள் பங்குக்கு நிறைய உதவி செய்தனர். அவர்களின் சார்பாக நாங்கள் வணக்கத்தை ஏற்றுக்கொண்டோம்’ என்று கூறியுள்ளார். அதேநேரம், தனிமைப்படுத்தப்பட்ட மக்களின் வீடுகளுக்குத் தன்னிச்சையாகச் சென்று மரியாதை செலுத்தியதாக மலப்புரம் காவலர் ஹுசைன் சர்ச்சையில் சிக்கியிருக்கிறார். இந்த விவகாரம் சமூக வலைதளங்களில் வைரலான நிலையில், இதுதொடர்பாக டி.எஸ்.பி தலைமையில் விசாரணை நடத்தவும் உத்தரவிடப்பட்டுள்ளது. Also Read: கேரளா விபத்து: 45 நிமிடங்களில் 100 ஆம்புன்ஸ்கள்! - மீட்புப் பணியின் திக்... திக் நிமிடங்கள்
http://dlvr.it/RdMKvB

Read More