மூணாறு நிலச்சரிவு: காணாமல் போன 15 பேரின் உடல்கள்! - நீரோடையில் தேடும் பணியில் 500 பேர்

கேரள மாநிலம் மூணாறு ராஜமலை அருகே உள்ள பெட்டிமுடி எனும் தேயிலைத் தோட்டத் தொழிலாளர்கள் குடியிருப்பு, கடந்த ஆகஸ்ட் 6-ம் தேதி இரவு நிலச்சரிவில் சிக்கியது. இதில், 25 வீடுகளில் வசித்த 82 பேர் மண்ணில் புதையுண்டனர். அதிஷ்டவசமாக 11 பேர் படுகாயத்துடன் மீட்கப்பட்ட போதிலும், 71 பேர் பலியாகினர். ஆகஸ்ட் 7-ம் தேதி முதல், மண்ணில் புதையுண்ட உடல்களை மீட்கும் பணி தொடர்ந்து நடைபெற்றுவருகிறது.சம்பவ இடத்தின் அருகே ஓடும் நீரோடை Also Read: மூணாறு நிலச்சரிவு: 7 நாள்களுக்குப் பிறகு பெட்டிமுடி சென்ற கேரள முதல்வர்! அந்த வகையில், 7-ம் தேதி 17 உடல்கள், 8-ம் தேதி 9 உடல்கள், 9-ம் தேதி 17 உடல்கள், 10-ம் தேதி 6 உடல்கள், 11-ம் தேதி 3 உடல்கள், 12-ம் தேதி 3 உடல்கள் மண்ணில் இருந்து மீட்கப்பட்டன. 13-ம் தேதி தேடுதலில், உடல்கள் ஏதும் கிடைக்கவில்லை. நேற்றைய தினம் 1 உடல் மீட்கப்பட்டது. மொத்தம் இதுவரை 56 உடல்கள் மீட்கப்பட்டுள்ளன. மீதமுள்ள 15 நபர்களின் உடல்கள் இன்று 9வது நாளாகத் தேடப்பட்டு வருகிறது.சம்பவ இடத்தின் அருகே ஓடும் நீரோடை இந்நிலையில், நிலசரிவு ஏற்பட்ட இடத்தில் அருகே ஓடக்கூடிய நீரோடையில், உடல்கள் அடித்துச் செல்லப்பட்டிருக்கலாம் என அஞ்சப்படுகிறது. இந்த நீரோடையானது, தேயிலைத் தோட்டங்கள் வழி சென்று, வனத்திற்குள் செல்வதாலும், தொடர் மழை காரணமாக, நீரோடையில் தண்ணீர் வரத்து அதிகரித்திருப்பதாலும், மீட்புப் பணியில் தொய்வு ஏற்பட்டிருந்தது. தற்போது மழை குறைந்துள்ள சூழலில், நீரோடையில் உடல்களைத் தேடும் பணி இன்று முதல் நடக்க இருப்பதாகத் தகவல்கள் தெரிவிக்கின்றன.சம்பவ இடத்தின் அருகே ஓடும் நீரோடை இது தொடர்பாகத் தேவிக்குளம் எம்.எல்.ஏ ராஜேந்திரன் நம்மிடையே பேசியபோது, ``நீரோடையில் உடல்கள் அடித்துச் செல்லப்பட்டிருக்கலாம் என அஞ்சப்படுகிறது. அதனால், இன்று 500 நபர்கள் கொண்ட மீட்புக் குழு நீரோடையில் தேடுதல் பணியில் ஈடுபட உள்ளனர். கிலோமீட்டருக்கு 100 நபர்கள் வீதம் 5 கிலோமீட்டர் தூரம் இன்று தேடுதல் பணி நடக்க உள்ளது. விரைவில், அனைவரது உடல்களையும் மீட்டுவிடுவோம்” என்றார். Also Read: மூணாறு: `கண்டன கோஷத்துடன் பினராயி விஜயன் காரை மறித்த பெண்!’ - யார் இந்த கோமதி?
http://dlvr.it/RdhqV5

Read More

தோனியைப் போலவே ஹெலிகாப்டர் ஷாட் ! அசத்தும் சிறுமி

இந்திய அணியின் முன்னாள் கேப்டன் தோனி அடிக்கும் ஹெலிகாப்டர் ஷாட்டை விளையாடி சிறுமி ஒருவர் அசத்தும் வீடியோ இணையத்தில் வைரலாகி வருகிறது. இந்திய கிரிக்கெட் அணியின் முன்னாள் பேட்ஸ்மேன் ஆகாஷ் சோப்ரா, பாரி ஷர்மா என்கிற சிறுமி குறித்தான வீடியோவை, ட்விட்டர் பக்கத்தில் பகிர்ந்திருந்தார். அவர் வீடியோவுடன், “நம் பரி ஷர்மா. திறமை வாய்ந்த சிறுமி அல்லவா அவர் ?” எனப் பதிவிட்டிருந்தார். பலரும் பாரி ஷர்மாலுக்கு எதிர்காலத்தில் இந்திய மகளிர் கிரிக்கெட் அணியில் இடம்பிடிப்பார் என தெரிவித்திருந்தனர். Thursday Thunderbolt...our very own Pari Sharma. Isn’t she super talented? ?? #AakashVani pic.twitter.com/2oGLLLAadu — Aakash Chopra (@cricketaakash) August 13, 2020 பைரி ஷர்மா, தன் பேட்டிங் திறமைக்காக இணையத்தில் வைரலாவது இது முதல் முறையல்ல. இதற்கு முன்னர் அவர் பேட்டிங் செய்யும் வீடியோ ஒன்றை இங்கிலாந்து கிரிக்கெட் அணியின் முன்னாள் கேப்டன் மைக்கெல் வாகன் பகிர்ந்துள்ளார். அதேபோல மேற்கிந்தியத் தீவுகள் கிரிக்கெட் அணியின் பேட்ஸ்மேன் ஷாய் ஹோப்பும் பகிர்ந்து, பாராட்டு தெரிவித்திருந்தது குறிப்பிடத்தக்கது.
http://dlvr.it/Rdfm60

Read More

கேரளா: `கர்ப்பிணி பெண்ணுக்கு கொரோனா; ஆம்புலன்ஸில் பிரசவம்!' - நெகிழ்ச்சி சம்பவம்

கேரள மாநிலம் காசர்கோடு உப்பளம் பகுதியைச் சேர்ந்த 38 வயதான நிறை மாத கர்ப்பிணி பெண் ஒருவர் காசர்கோடு அரசு பொது மருத்துவமனையில் சிகிச்சைக்காக அனுமதிக்கப்பட்டார். அவருக்கு நடத்திய பரிசோதனையில் கொரோனா தொற்று இருப்பது உறுதினது. இந்த நிலையில் உடல்நிலை மோசமான கர்ப்பிணி பெண்ணுக்கு மேல் சிகிச்சை தேவைப்பட்டது. மிகவும் மோசமான நிலைக்குச் சென்ற அந்த கர்ப்பிணி பெண்ணை கண்ணூர் பரியாரம் மருத்துவக்கல்லூரி மருத்துவமனைக்கு கொண்டு செல்லும்படி மருத்துவர்கள் பரிந்துரைத்தனர். அதைத் தொடர்ந்து 108 ஆம்புலன்ஸ் மூலம் கர்ப்பிணி பெண் மெடிக்கல் காலேஜிக்கு அழைத்துச் செல்லப்பட்டார். அப்போது ஆம்புலன்ஸ் டிரைவர் ஆனந்த் ஜாண் மற்றும் எமெர்ஜென்ஸி மெடிக்கல் டெக்னீசியனான ராபின் ஜோசப் ஆகியோர் ஆம்புலன்ஸில் இருந்தனர். கர்ப்பிணி பெண் என்பதால் பெண் ஒருவர் இருந்தால் நல்லது என நினைத்த ஆம்புலன்ஸ் ஊழியர்கள் மற்றொரு எமெர்ஜென்ஸி மெடிக்கல் டெக்னீசியனான ஸ்ரீஜாவை வரவழைத்து வழியில் அவரையும் உடன் அழைத்து சென்றனர். இந்த நிலையில் ஆம்புலன்ஸ் பையனூர் கோத்தாயம் முக்கு பகுதிக்கு சென்ற சமயத்தில் பிரசவ வலியால் அந்த பெண் துடித்தார். எமெர்ஜென்ஸி மெடிக்கல் டெக்னீசியன் ஸ்ரீஜா அந்த பெண்ணை பரிசோதித்தபோது உடனடியாக பிரசவம் பார்த்த பிறகுதான் மேற்கொண்டு பயணிக்க முடியும் என தெரியவந்தது.கொரோனா பாதித்த பெண்ணுக்கு பிரசவம் பார்த்த 108 ஆம்புலந்ஸ் ஊழியர்கள் இதைத் தொடந்து ஆம்புலன்ஸ் சாலை ஓரத்தில் நிறுத்தப்பட்டது. பின்னர் ஆம்புலன்ஸில் இருந்த எமர்ஜென்ஸி மெடிக்கல் டெக்னீசியன்கள் ராபின் ஜோசப், ஸ்ரீஜா ஆகியோர் பாதுகாப்பு கிற்றுகள் அணிந்து அந்த பெண்ணுக்கு பிரசவம் பார்த்தனர். சிறிது நேரத்தில் அந்த பெண்ணுக்கு சுக பிரசவத்தில் ஆண் குழந்தை பிறந்தது. ஆம்புலன்ஸ் ஊழியர்கள் தாய்க்கும் சேய்க்கும் முதலுதவிகளை செய்தனர். பின்னர் ஆம்புலன்ஸில் புறப்பட்டு கண்ணூர் பரியாரம் மருத்துவக்கல்லூரி மருத்துவமனையில் தாயையும் சேயையும் சேர்த்தனர். கண்ணூர் பரியானம் மருத்துவக்கல்லூரி மருத்துவமனையில் தாயும், குழந்தையும் அட்மிட் செய்யப்பட்டுள்ளனர். அவர்களுக்கு அங்கு தொடர்ந்து சிகிச்சை அளிக்கப்படுகிறது. இருவரும் நலமாக இருப்பதாக மருத்துவக்கல்லூரி அதிகாரிகள் தெரிவித்தனர். மேலும் 108 ஆம்புலன்ஸ் எமர்ஜென்ஸி மெடிக்கல் டெக்னீசியன்கள் ராபின் ஜோசப், ஸ்ரீஜா, டிரைவர் ஆனந்த் ஜாண் ஆகியோருக்கு அதிகாரிகள் பாராட்டு தெரிவித்தனர்.கேரள சுகாதாரத்துறை அமைச்சர் கே.கே.சைலஜா மேலும் கேரள சுகாதாரத்துறை அமைச்சர் கே.கே. ஷைலஜா டீச்சரும் 108 ஆம்புலன்ஸ் ஊழியர்களுக்கு பாராட்டு தெரிவித்துள்ளார். கே.கே. ஷைலஜா வெளியிட்டுள்ள அறிக்கையில், "கர்ப்பிணி பெண்ணுக்கு கொரோனா பாசிட்டிவ் என தெரிந்தும் பிரசவம் பார்த்த ஆம்புலன்ஸ் ஊழியர்களுக்கு பாராட்டுகள். கொரோனா காலத்தில் சுகாதார ஊழியர்கள் செய்யும் இதுபோன்ற நிகழ்வுகள் முன்மாதிரியாக விளங்குகிறது" என குறிப்பிட்டுள்ளார்.
http://dlvr.it/Rddcq9

Read More

மூணாறு: `கண்டன கோஷத்துடன் பினராயி விஜயன் காரை மறித்த பெண்!’ - யார் இந்த கோமதி?

கேரள மாநிலம், மூணாறு அருகே ராஜமலை பெட்டிமுடிப் பகுதியில் கடந்த ஆகஸ்ட் 6-ம் தேதி இரவு ஏற்பட்ட நிலச்சரிவில் 25 வீடுகளில் வசித்த 82 பேர் சிக்கினர். இச்சம்பவத்தில் 71 நபர்கள் பலியான நிலையில், இதுவரை 55 உடல்கள் மீட்கப்பட்டுள்ளன. மேலும், 16 நபர்களின் உடல்களைத் தேடும் பணி 8-வது நாளாகத் தொடர்ந்து நடந்துவருகிறது. `நிலச்சரிவு ஏற்பட்ட இடத்தின் அருகே ஓடக்கூடிய நீரோடையில் உடல்கள் அடித்துச் செல்லப்பட்டிருக்கலாம்’ என்ற கோணத்தில், உடல்களைத் தேடும் பணியில் ஈடுபட்டுள்ளனர் மீட்புக்குழுவினர்.பினராயி விஜயன் Also Read: மூணாறு நிலச்சரிவு: மீட்புப் பணியில் பேரிடர் மீட்புக்குழு, தீயணைப்புத்துறை மற்றும் வனத்துறை #SpotVisit இந்நிலையில், நேற்று, ஹெலிகாப்டர் மூலம் கேரள முதல்வர் பினராயி விஜயனும், மாநில ஆளுநர் ஆரிஃப் முகமது கானும் மூணாறு வந்தனர். நிலச்சரிவில் சிக்கி, படுகாயத்துடன் மீட்கப்பட்டு மூணாறு தனியார் மருத்துவமனையில் அனுமதிக்கப்பட்டிருந்தவர்களை இருவரும் நேரில் சென்று சந்தித்துப் பேசினர். தொடர்ந்து சம்பவம் நடந்த பெட்டிமுடிக்கு இருவரும் காரில் புறப்பட்டனர்.பெட்டிமுடியில் பினராயி விஜயன் வழியில், மூணாறுவாசிகள், கட்சியினர் எனப் பலரும் பினராயி விஜயனைப் பார்க்க சாலையோரம் கூடியிருந்தனர். அப்போது சட்டென பினராயி விஜயனின் காரின் முன் சென்ற ஒரு பெண், கண்டன முழக்கங்களை எழுப்பினார். பாதுகாப்பிலிருந்த போலீஸார் உடனடியாக அந்தப் பெண்ணை குண்டுக்கட்டாகத் தூக்கி சாலையின் ஓரத்தில் கொண்டுவந்தனர். இதனால், அந்தப் பகுதியில் பரபரப்பு ஏற்பட்டது. Also Read: மூணாறு நிலச்சரிவு: `250 பேர் கொண்ட குழு; 6-வது நாள்!’ - மீட்புப் பணிகளில் தாமதம் ஏன்?கோமதி அந்தப் பெண் யார் என விசாரித்தோம். 2015-ம் ஆண்டு, `மூணாறைச் சுற்றியுள்ள தேயிலைத் தோட்டங்களில் வேலை செய்யும் தமிழக தேயிலைத் தோட்டத் தொழிலாளர்களுக்கு ஊதியத்தை உயர்த்தி கொடுக்க வேண்டும்’ என்ற கோரிக்கையை முன்வைத்து, பெண்களை ஒன்றிணைத்து, `பெண்கள் உரிமை இயக்கம்’ எனும் அமைப்பை ஏற்படுத்தி போராடியவர் கோமதி என்ற இந்தப் பெண். தற்போது ஏற்பட்டுள்ள நிலச்சரிவை அடுத்து, `தேயிலைத் தோட்டத் தொழிலாளர்களின் உயிர்ப் பாதுகாப்பை உறுதி செய்ய வேண்டும்’, `உறுதியான, பாதுகாப்பான வீடுகள் கட்டிக்கொடுக்க வேண்டும்’ எனக் கோரி, கோஷம் எழுப்பி, பினராயி விஜயனின் காரை மறிக்க முயன்றார் கோமதி. அவர்மீது மூணாறு போலீஸார் வழக்கு பதிவு செய்தனர்.கோமதி. Also Read: மூணாறு நிலச்சரிவு: 7 நாள்களுக்குப் பின்னர் பெட்டிமுடி சென்ற கேரள முதல்வர்! இதற்கிடையே இடுக்கி மாவட்டத்தைச் சேர்ந்த ஜின்ஜோன்ஸ் மற்றும் தமிழகத்தைச் சேர்ந்த அன்வர் பாலசிங்கம் ஆகிய இருவரும், இடுக்கி மாவத்தில் வசிக்கும் மலையாளம் மற்றும் தமிழ் பேசக்கூடிய மக்களிடையே மோதலைத் தூண்டிவிடும் நோக்கோடு, சமூக வலைதளங்களில் கருத்துகள் வெளியிட்டதாகக் கூறி, இந்திய ஜனநாயக வாலிபர் சங்கம் புகார் அளித்தது. புகாரின் பேரில், மூணாறு போலீஸார் வழக்கு பதிவு செய்திருப்பது குறிப்பிடத்தக்கது.
http://dlvr.it/Rddcp2

Read More

மூணாறு நிலச்சரிவு: `செல்ல மகள் மீண்டு வருவாள்!’ - காத்திருக்கும் முத்துலெட்சுமியின் பெற்றோர்

கேரள மாநிலம், இடுக்கி மாவட்டம் மூணாறு அருகேயுள்ள ராஜமலை, பெட்டிமுடியில் கடந்த 6-ம் தேதி ஏற்பட்ட நிலச்சரிவு மற்றும் கடும் வெள்ளப்பெருக்கால், 25 குடியிருப்புகள் மண்ணுக்குள் புதையுண்டன. அங்கு வசித்த 82 பேரில் 12 பேர் உயிருடன் மீட்கப்பட்டனர். அவர்களில், ஒருவர் சிகிச்சை பலனின்றி உயிரிழந்தார். மீதமுள்ள 71 பேரும் உயிரிழந்ததாகச் சொல்லப்படுகிறது. கடந்த 7-ம் தேதி முதல் தற்போது வரை 51 பேர் சடலமாக மீட்கப்பட்டுள்ளனர். 7 குழந்தைகள் உட்பட 19 பேர் மண்ணில் புதைந்து இருப்பதாகக் கருதப்படுகிறது. மாயமான கர்ப்பிணி முத்துலெட்சுமி இதனால், மீட்புப் பணிகள் தொடர்ந்து நடந்துவருகின்றன. இவர்கள் அனைவருமே தமிழகத்தைச் சேர்ந்தவர்கள். இவர்களில், தூத்துக்குடி மாவட்டம், கயத்தார் பாரதி நகரைச் சேர்ந்த 25 பேரும் அடங்குவர். இதனால், அப்பகுதியே பெரும் சோகத்துடன் காணப்படுகிறது. கயத்தார் அருகிலுள்ள தலையால்நடந்தான்குளம் கிராமத்தைச் சேர்ந்த முத்துலெட்சுமி என்ற ஒன்பது மாத கர்ப்பிணியும் நிலச்சரிவில் சிக்கி காணாமல் போயிருக்கிறார். Also Read: மூணாறு நிலச்சரிவு: மீட்புப் பணியில் பேரிடர் மீட்புக்குழு, தீயணைப்புத்துறை மற்றும் வனத்துறை #SpotVisit தலையால்நடந்தான்குளம் கிராமத்தைச் சேர்ந்த பாக்கியம் மற்றும் காமாட்சியின் ஒரே மகள் முத்துலெட்சுமி. டிப்ளோமா நர்ஸிங் படித்த இவருக்கு கடந்த ஆண்டு, நவம்பர் மாதம் பாரதிநகரைச் சேர்ந்த தீபன் சக்கரவர்த்தியுடன் திருமணம் நடைபெற்றது. தீபன் சக்கரவர்த்தி, தனது பெற்றோருடன் பெட்டிமுடியில் தங்கியிருந்து தேயிலைத் தோட்டத்தில் வேலை செய்துவந்திருக்கிறார். திருமணத்துக்குப் பிறகு கணவர் தீபன் சக்கரவர்த்தியுடன் பெட்டிமுடியில் வாழ்ந்துவந்தார் முத்துலெட்சுமி. முத்துலெட்சுமியின் பெற்றோர் இதற்கிடையில் முத்துலெட்சுமி கர்ப்பம் அடைந்தால், இருவரும் சொந்த ஊரான கயத்தாருக்கு வராமல் அங்கேயே மருத்துவம் பார்த்து வந்துள்ளனர். வரும் 28-ம் தேதிக்குள் முத்துலெட்சுமிக்கு குழந்தை பிறக்கும் என அங்குள்ள மருத்துவர் கூறியுள்ளார். இந்நிலையில், நிலச்சரிவில் சிக்கிய தீபன் சக்கரவர்த்தியின் குடும்பத்தில், அவரும் அவரின் தாயாரும் மட்டுமே உயிருடன் மீட்கப்பட்டு சிகிச்சை பெற்றுவருகின்றனர். மற்றவர்களின் நிலை குறித்துத் தெரியவில்லை. அவரின் கர்ப்பிணி மனைவி முத்துலெட்சுமியின் விவரம் குறித்தும் தெரியவில்லை. இதனால், முத்துலெட்சுமியின் பெற்றோர், உறவினர்கள் பெரும் சோகத்தில் ஆழ்ந்துள்ளனர். Also Read: `சென்னை, கேரள வெள்ளம்; தற்போது மூணாறு’- மீட்புப் பணிகளில் கவனம் ஈர்த்த ரேகா நம்பியார் இது குறித்து முத்துலெட்சுமியின் உறவினர்களிடம் பேசினோம், ``முத்துலெட்சுமி அவளோட அப்பா பாக்கியம்மேல ரொம்பப் பாசம்வெச்சிருக்கா. பாக்கியமும் தினமும் மகளுக்கு போன் செஞ்சு பேசிக்கிட்டுதான் இருப்பார். இந்த மாசம் 1-ம் தேதிதான் கடைசியா போன்ல ரெண்டு பேரும் பேசினாங்க. அதுக்குப் பிறகு கனமழை தொடர்ந்ததால, மின்சாரம் துண்டிப்பு காரணமாகப் பேசலை. ஒன்பது மாத கர்ப்பிணியான தன் மகளுக்கு வளைகாப்பு நடத்தி, ஊருக்குக் கூட்டிட்டு வரணும்னு நாள் குறிச்சாரு பாக்கியம். கொரோனாவுனால அங்கேயே பிரசவம் பார்த்துக்கொள்வதாக மாப்பிளை வீட்டுல சொலிட்டாங்க. இந்த மாசம் 28-ம் தேதிக்குள்ள குழந்தை பிறந்துடும்னு அங்கே உள்ள டாக்டர் சொன்னதுனால, முத்துவோட அம்மா, அப்பா ரெண்டு பேருமே பேரக்குழந்தையைப் பார்க்கிற சந்தோஷத்துல இருந்தாங்க. மீட்புப் பணி நிலச்சரிவின்போது `முத்துலெட்சுமியைக் கையில் பிடிச்சுக்கிட்டு ஓட முயன்றப்போ, திடீர்னு பாறைக்கல் ஒண்ணு உருண்டு வந்து விழுந்த பிறகு முத்துலெட்சுமியைக் காணவில்லை’னு சொல்லி அவர் கணவர் தீபனும் அழுது புலம்பியுள்ளார். முத்துலெட்சுமியோட அம்மா, அப்பாவுக்கு கல்யாணமாகி 11 ஆண்டுகள் கழித்து பிறந்த ஒரே மக, வயித்துப் பிள்ளையோட மாயமாயிட்டா. செல்ல மகள் மீண்டு வருவானு நம்பிக்கையோட காத்திருக்காங்க” என்றனர்.
http://dlvr.it/Rdb9mf

Read More

2வது இடத்திற்குதான் திமுக- பாஜக இடையே போட்டி: கடம்பூர் ராஜூ

தமிழகத்தில் 2-வது இடத்திற்கு வருவதற்குதான் திமுக-பாஜக இடையே போட்டி என்று துரைசாமி கூறியிருக்கலாம் என அமைச்சர் கடம்பூர் ராஜூ தெரிவித்துள்ளார். கோவில்பட்டி அருகே தமிழக செய்தி மற்றும் விளம்பரத்துறை அமைச்சர் கடம்பூர் ராஜூ செய்தியாளர்களைச் சந்தித்தார். அப்போது பேசிய அவர், “2 வது இடத்திற்கு வருவதற்கு தான் திமுக - பாஜக இடையே போட்டி என்று வி‌‌.பி. துரைசாமி கூறி இருக்கலாம். கடந்த 2011ல் எங்கள் அணியில் இணைந்து தேமுதிக எதிர்கட்சியானது. அதைப் போன்று தற்போது எங்கள் அணியில் இணைந்து பா.ஜ.கவிற்கு எதிர்க்கட்சியாக வரவேண்டும் என்ற ஆசை வந்திருக்கிறது. அதற்காக மறைமுகமாகத் தெரிவித்து இருக்கலாம். திமுகவில் இருந்து முக்கிய நிர்வாகிகள் வெளியேறுவார்கள் என்று மு.க. அழகிரி தெரிவித்து வருகிறார். திமுகவில் நடப்பது குடும்ப அரசியல். மு.க.ஸ்டாலின் கனிமொழியை ஏற்றுக்கொள்ளும் மனநிலையில் இல்லை. ‌கனிமொழி மு.க.ஸ்டாலினை ஏற்றுக் கொள்ளும் மனநிலையில் இல்லை. ஆகையால்தான் கனிமொழிக்கு போட்டியாக உதயநிதி ஸ்டாலினை மு.க.ஸ்டாலின் முன்னிலை நிறுத்தி வருகிறார். ஆகையால் தான் வி.பி.துரைசாமி, சட்டமன்ற உறுப்பினர் கு.க.செல்வம் போன்றோர் திமுகவில் இருந்து வெளியேறி உள்ளனர். திமுகவில் மனக்குமுறல் உள்ளது என்பது எங்களைவிட மு.க.அழகிரிக்குதான் நன்றாக தெரியும். எனவே அவர் கூறிய கருத்து திமுகவில் பிரதிபலிக்கும் சூழ்நிலை உள்ளது” என்றார்.
http://dlvr.it/RdYwGc

Read More

இடுக்கி கனமழை: `நீரில் மூழ்கிய ஏலக்காய் தோட்டங்கள்!’ - தவிக்கும் தமிழக விவசாயிகள்

கேரள மாநிலம் இடுக்கி மாவட்டத்தில் ஆயிரக்கணக்கான ஏக்கர் நிலப்பரப்பில், ஏலக்காய் சாகுபடி செய்யப்படுகிறது. தேனி மாவட்டத்தைச் சேர்ந்த பலரும், அங்கு ஏலக்காய் தோட்டங்களைச் சொந்தமாக வைத்துள்ளனர். கொரோனா ஊரடங்கு பிறப்பிக்கப்பட்ட காலம் முதல், தற்போது வரை சுமார் 4 மாதங்களாக, தங்களுடைய ஏலக்காய் தோட்டங்களுக்குச் சென்றுவர, விவசாயிகள் பெரிதும் சிரமப்படுகின்றனர். இந்நிலையில், கடந்த இரண்டு வாரங்களாக இடுக்கி மாவட்டத்தில் பெய்துவரும் கன மழையால், ஏலக்காய் தோட்டங்கள் சேதமடைந்துள்ளன.மழையால் சேதமடைந்த ஏலக்காய்ச் செடிகள் Also Read: `சுரங்கம் தோண்டினால் இடுக்கி நொறுங்கும்; முல்லைப் பெரியாறு உடையும்’- மாநிலங்களவையில் வைகோ எச்சரிக்கை இது தொடர்பாகப் பேசிய ஏலக்காய் விவசாயி, “இடுக்கி மாவட்டத்தில், வண்டிப்பெரியாறு, பீர்மேடு, உடும்பன்சோலை, தேவிக்குளம் ஆகிய இடங்களில் ஏலக்காய் தோட்டங்கள் உள்ளன. இவை பெரும்பாலும், தமிழகத்தைச் சேர்ந்த விவசாயிகளுக்குச் சொந்தமானது. இது ஏலக்காய் பறிப்பதற்கான சீசன். இப்போது பெய்துவரும் கன மழை, ஏலச் செடிகளை நீரில் மூழ்க வைத்துவிட்டது. சூறைக்காற்றால், செடிகள் முறிந்துள்ளன. சுமார் 800 ஹெக்டேர் பரப்பளவு கொண்ட ஏலக்காய் தோட்டங்கள் கனமழையால் சேதமடைந்துள்ளது. இதனால், விவசாயிகளுக்கு சுமார் ரூ. 120 கோடி வரை இழப்பு ஏற்பட்டுள்ளது. நீரில் மூழ்கிய ஏலக்காய்த் தோட்டம் Also Read: மூணாறு நிலச்சரிவு: மீட்புப் பணியில் பேரிடர் மீட்புக்குழு, தீயணைப்புத்துறை மற்றும் வனத்துறை #SpotVisit மேலும், ரூ. 7 கோடி மதிப்பிலான மிளகுப் பயிர்களும் சேதமடைந்துள்ளது. நேரடியாக 2,000 விவசாயிகள் பாதிப்பிற்கு உள்ளாகியுள்ளனர். பெரும் நஷ்டத்தை சந்தித்துள்ளனர். கொரோனா ஆரம்பித்தபோது, மாநில எல்லை மூடப்பட்டு, இ.பாஸ் கிடைக்காமல், தோட்டங்களுக்குச் செல்ல முடியாத நிலை உருவாகி, விவசாயிகள் தவித்தனர். இப்போது மழை பெய்து, தோட்டங்களை அழிக்கிறது. ஏலக்காய் விவசாயிகளுக்கு எப்போது விடிவு காலம் பிறக்கப்போகுதோ தெரியல” என்றார் வேதனையோடு.மழையால் சேதமடைந்த ஏலக்காய்ச் செடிகள் இடுக்கி மாவட்டத்தில் பெய்த கனமழையால், மூணாறு ராஜமலை அருகே உள்ள பெட்டிமுடி எனும் இடத்தில், தேயிலைத்தோட்டத் தொழிலாளர்களின் குடியிருப்பு நிலச்சரிவில் சிக்கி, 71 பேர் பலியாகினர். மண்ணில் புதைந்துள்ள உடல்களைத் தேடும் பணி இன்று 7வது நாளாகத் தொடரும் நிலையில், ஒட்டுமொத்த இடுக்கி மாவட்டத்திலும், மழையால் 110 வீடுகள் சேதமடைந்திருப்பதாகவும், 20-க்கு மேற்பட்ட குடும்பங்கள் நிவாரண முகாம்களில் தங்க வைக்கப்பட்டிருப்பதாகவும், இடுக்கி மாவட்ட நிர்வாகம் அறிவித்துள்ளது.
http://dlvr.it/RdYw7k

Read More