`சட்டவிரோதக் கைது; வழக்கு ரத்து!'- டாக்டர் கஃபீல் கானை உடனே விடுவிக்க அலகாபாத் நீதிமன்றம் உத்தரவு

உத்தரப்பிரதேச மாநிலம் அலிகார் பல்கலைக்கழகத்தில் குடியுரிமை சட்டத் திருத்தத்துக்கான எதிராகக் கடந்தாண்டு டிசம்பரில் போராட்டம் நடைபெற்றது. இதில், கலந்துகொண்ட டாக்டர் கஃபீல்கான், தேச ஒற்றுமைக்கும், பாதுகாப்புக்கும் எதிராகப் பேசியதாக அம்மாநில காவல்துறையினரால் கடந்த ஜனவரி மாதம் கைது செய்யப்பட்டார். இந்த வழக்கை விசாரித்த மாவட்டக் குற்றவியல் நடுவர் நீதிமன்றம், தேசியப் பாதுகாப்புச் சட்டத்தின் கீழ் கஃபீல்கானை மதுரா சிறைச்சாலையில் அடைக்க உத்தரவிட்டது.கஃபில் கான் இந்நிலையில் கஃபீல் கானின் தாயார் நவ்ஷாத் பர்வீன், தன் மகன் கஃபீல் கான் சட்டவிரோதமாக சிறையில் அடைக்கப்பட்டு இருப்பதாகவும், அவரை விடுதலை செய்ய வேண்டும் எனவும் கோரி கடந்த மார்ச் மாதம் ஆட்கொணர்வு மனு ஒன்றை உச்ச நீதிமன்றத்தில் தாக்கல் செய்தார். இந்த மனுவை விசாரித்த உச்சநீதிமன்ற தலைமை நீதிபதி பாப்டே, நீதிபதி சூர்யா காந்த் மற்றும் நீதிபதி கவாய் உள்ளிட்டோர் அடங்கிய அமர்வு இந்த வழக்கை அலகாபாத் உயர்நீதிமன்றத்துக்கு மாற்றம் செய்தது. Also Read: `மனரீதியான சித்ரவதை; சிறையிலே கொல்லப்படலாம்!’ - பகீர் கிளப்பும் மருத்துவர் கஃபில் கான் மனைவி பின்னர், இந்த வழக்கை அலகாபாத் உயர் நீதிமன்ற தலைமை நீதிபதி கோவிந்த் மதூர் மற்றும் நீதிபதி சௌமித்ரா தாயால் சிங் ஆகியோர் அடங்கிய அமர்வு விசாரித்தது. நீதிபதிகள், கஃபீல் கான் மீது தேசியப் பாதுகாப்பு சட்டத்தின் கீழ் பதிவு செய்யப்பட்டிருந்த வழக்கை ரத்து செய்து உத்தரவிட்டனர். மேலும், கஃபீல் கான் அலிகார் பல்கலைகழகத்தில் பேசியவை தேச பாதுகாப்புக்கு எதிரானதாகவோ அல்லது ஒரு சமூகத்துக்கு எதிராக வெறுப்பைத் தூண்டக்கூடிய வகையிலோ இல்லை என்று நீதிபதிகள் கருத்துத் தெரிவித்தனர். அதேபோல், அவரைத் தேசியப் பாதுகாப்புச் சட்டத்தில் கைது செய்து, சிறையில் அடைக்கப்பட்டது சட்ட விரோதமானது என்றுகூறி உடனடியாக அவரை விடுதலை செய்யவும் உ.பி காவல்துறைக்கு அலகாபாத் உயர் நீதிமன்ற நீதிபதிகள் உத்தரவிட்டனர்.
http://dlvr.it/Rflr9t

Read More

பெண்ணின் வாய்க்குள் இருந்து எடுக்கப்பட்ட 4 அடி நீள பாம்பு! – வைரல் வீடியோ

இளம்பெண் ஒருவர் வீட்டு முற்றத்தில் தூங்கிக்கொண்டிருந்தபோது அவரது வாய் வழியாக நுழைந்த 4 அடி நீள பாம்பு வயிற்றுக்குள் சென்றுள்ளது. தகெஸ்தானில் உள்ள லெவாஷி என்ற கிராமத்தைச் சேர்ந்த இளம்பெண் ஒருவர் தனது வீட்டின் முற்றத்தில் திறந்தவெளியில் தூங்கி உள்ளார். காலையில் அவர் கண் விழித்தபோது வயிற்றுக்குள் ஏதோ நெளிவதைப் போன்றும் குமட்டல் உணர்வு ஏற்படுவதைப் போன்றும் உணர்ந்துள்ளார். உடனடியாக மருத்துவமனைக்கு சென்று டாக்டரிடம் காட்டியுள்ளார். அவரது வயிற்றுக்குள் ஏதோ உயிரினம் புகுந்துள்ளது என்பதை உறுதி செய்த மருத்துவர்கள், உடனடியாக அவரது வயிற்றினுள் புகுந்த உயிரினம் என்ன என்பதை தெரிந்து வெளியேற்றுவதற்காக எண்டோஸ்கோபி கருவியை வாய் வழியாக செலுத்தி வயிற்றுக்குள் தேடியுள்ளனர். பின்னர் அதனுடன் சேர்ந்து அந்த உயிரினத்தை வெளியில் பிடித்து இழுத்துள்ளனர். எண்டோஸ்கோபி கருவியுடன் நீளமாக வந்ததைப் பிடித்து இழுத்த பெண் மருத்துவர், முதலில் அது என்ன என்பதைக் கவனிக்கவில்லை. ஆனால், முழுவதும் வெளியே எடுத்த போது, அது ஒரு 4 அடி நீள பாம்பு என்பதை உணர்ந்ததும், பதறி பின்வாங்குகிறார். இந்த வீடியோ இப்போது சமூகத் தளங்களில் வைரலாகியுள்ளது. பாம்பு இன்னும் உயிருடன் இருக்கிறதா அல்லது அப்பெண்ணின் வயிற்றுக்குள் எவ்வளவு நேரம் இருந்தது என்பது இன்னும் தெளிவாகத் தெரியவில்லை. டெய்லி மெயிலின் அறிக்கையின்படி, இதுபோன்ற சம்பவங்கள் அக்கிராமத்தில் சகஜமானவை என்றும் திறந்தவெளியில் தூங்குவதை மக்கள் தவிர்க்குமாறு பலமுறை எச்சரிக்கப்பட்டதாகவும் கூறப்பட்டுள்ளது. زحف عبر فمها أثناء نومها.. فيديو مروع للحظة سحب ثعبان من حلق امرأة https://t.co/6iUSk3oU2U#البيان_القارئ_دائما pic.twitter.com/3Q1YiYdV7R— صحيفة البيان (@AlBayanNews) August 31, 2020  
http://dlvr.it/RfkrfT

Read More

'ரெய்னாவுக்கு சென்னை அணி ஆதரவு உண்டு'-சிஎஸ்கே நிர்வாகம் !

சுரேஷ் ரெய்னா குறித்த என்.சீனிவாசனின் கருத்துகள் தவறாக புரிந்துகொள்ளப்பட்டுள்ளதாக சென்னை சூப்பர் கிங்ஸ் அணி தெரிவித்துள்ளது. ஐபிஎல் மிகவும் நெருங்கிவிட்ட நிலையில் சென்னை சூப்பர் கிங்ஸ் அணி சர்ச்சை ரசிகர்களை கவலையில் ஆழ்த்தியுள்ளது. இந்நிலையில் அந்த அணி நிர்வாகம் சார்பில் ட்விட்டரில் விளக்கம் அளிக்கப்பட்டுள்ளது. சென்னை ‌சூப்பர் கிங்ஸ் அணி பத்தாண்டுகளுக்கு மேலாக ஒரு குடும்பமாக திகழ்வதாக அதில் கூறப்பட்டுள்ளது. சுரேஷ் ரெய்னா துன்பம் நிறைந்த கட்டத்தில் உள்ள நிலையில் அவருக்கு அணி முழு ஆதரவாக இருக்கிறது என ட்விட்டர் பதிவில் கூறப்பட்டுள்ளது. முன்னதாக சுரேஷ் ரெய்னா சொந்த காரணத்திற்காக எனக் கூறி, ஐபிஎல் தொடரிலிருந்து விலகி திடீரென நாடு திரும்பிவிட்டார். துபாயில் தான் விரும்பிய அறை கொடுக்கப்படாததால் கோபித்துக்கொண்டார் என்றும் எனவேதான் வெளியேறிவிட்டார் என்றும் தகவல் வெளியானது. "These boys, they’re family. They’ve been family for over a decade now...The franchise will always stand by him and he has our complete support during these times of distress." Mr N Srinivasan speaks out after his comment was taken out of context. ?? https://t.co/tl4uMznXE2 — Chennai Super Kings (@ChennaiIPL) August 31, 2020 மேலும் சிஎஸ்கே அணியின் என்.சீனிவாசன், சிலர் தாங்கள்தான் சூப்பர் ஸ்டார் போன்று செயல்படுவதாகவும் சில நேரங்களில், வெற்றி சிலருக்கு தலைக்கனத்தை ஏற்படுவதாகவும் ரெய்னா குறித்து விமர்சித்திருந்ததாக செய்தி வெளியாகியிருந்தது
http://dlvr.it/Rfkrbl

Read More

இந்திய எல்லையான லடாக்கில் சீன ராணுவம் மீண்டும் அத்துமீறல்!

பான்காங் சோ ஏரி அருகே அத்துமீற முயன்ற சீன ராணுவத்தை விரட்டியடித்தது இந்திய படை! கடந்த ஜூன் 15 ம் தேதி கிழக்கு லடாக்கின் கல்வான் பள்ளத்தாக்கில்,  சீன துருப்புக்களுடன் ஏற்பட்ட மோதல்களில் 20 இந்திய வீரர்கள் கொல்லப்பட்டனர். அதற்கு பின் இந்தியா சீனா இடையிலான பதற்றம் அதிகரித்துக் கொண்டே வந்தது. பின்னர் ஒரு கட்டத்தில், இந்தியாவின் உறுதியான நிலைப்பாட்டை கண்டு சீனப் படைகள் பின் வாங்கின. படைகளை விலக்கிக் கொள்வதாக சீன அரசு கூறி வரும் போதிலும், சீனா அதை செயலில் முழுமையாக காட்டவில்லை.  இந்நிலையில் லடாக்கில் சீன ராணுவம் மீண்டும் அத்துமீறி நுழைய முயன்றுள்ளது. பான்காங் சோ ஏரி அருகே அத்துமீற நுழைய முயன்ற சீன ராணுவத்தை இந்திய ராணுவப் படை விரட்டியடித்துள்ளதாக ராணுவ செய்தித்தொடர்பாளர் தகவல் பான்காங் சோ தெரிவித்துள்ளார். கிழக்கு லடாக்கில் தற்போதுள்ள சூழலை சிதைக்கும் சில காரியங்களில் சீனா ராணுவம் ஈடுபட்டுள்ளதாக இந்திய ராணுவம் குற்றஞ்சாட்டியுள்ளது. இதனால் எல்லைப் பகுதியில் பதற்றம் நிலவி வருகிறது.
http://dlvr.it/RfhBlP

Read More

தொடரும் எல்லைப் பிரச்னை.. தென் சீனக் கடலுக்கு போர்க்கப்பலை அனுப்பிய இந்தியா..!

கடந்த ஜூன் மாதத்தில் லடாக்கின் கல்வான் பள்ளத்தாக்கு எல்லை பிரச்னை காரணமாக இந்தியா மற்றும் சீனாவுக்கு இடையே ஏற்பட்ட மோதலை அடுத்து, இந்தியக் கடற்படை தென் சீனக் கடல் பகுதிக்கு போர்க்கப்பலை அனுப்பியுள்ளது. இரு தரப்பினருக்கும் இடையிலான பேச்சுவார்த்தையின்போது கூட இந்திய கடற்படை, தென்  சீனக்கடல் பகுதியில் போர்க்கப்பலை  நிலைநிறுத்துவது தொடர்பதாக தனது அதிருப்தியை தெரிவித்திருந்தது சீனா. கடந்த  2009 முதலே இந்திய கடற்படைக்கு சொந்தமான கப்பலைகளை சீன கடலோர எல்லை பகுதியில் நிறுத்துவதற்கு சீனா ஆட்சேபனை தெரிவித்து வருகிறது.  கடல் மூலமாக  இந்தியாவுக்கு  எந்தவித  அச்சுறுத்தலும்  ஏற்படக் கூடாது என்பதை கண்காணிப்பதற்காக போர்க்கப்பலை தென் சீனக் கடல் பகுதியில் நிறுத்தியுள்ளதாக அரசாங்க வாட்டாரத்தில் தெரிவிக்கப்பட்டுள்ளது. தென் சீனக் கடல் பகுதியில் அமெரிக்க கடற்படை தனது போர்க்கப்பல்களையும் நிறுத்தியுள்ளது. நீர் மூழ்கி  கப்பல்கள் மற்றும் ஆளில்லா தானியங்கி முறை கப்பல்களையும் கொண்டு கண்காணிப்பு பணிகள் நடைபெற்று வருவதாகவும் தெரிவிக்கப்பட்டுள்ளது. அதே போல கப்பற் போக்குவரத்து அதிகமுள்ள மலாக்கா நீரிணை பகுதியையும் இந்தியா கண்காணித்து வருவதாகவும் தெரிவிக்கப்பட்டுள்ளது.
http://dlvr.it/RfgGXc

Read More

இந்திய-சீன எல்லையில் படைகள் குவிப்பால் பதற்றம்!

இந்திய, சீன எல்லையில் இரு நாடுகளும் தலா 3 ஆயிரம் படை வீரர்களுக்கு மேல் குவித்துள்ளன.
http://dlvr.it/RfgGXP

Read More

கொரோனா வார்டின் கழிப்பறையை சுத்தம் செய்த புதுச்சேரி சுகாதார அமைச்சர்..!

புதுச்சேரி இந்திரா காந்தி அரசு மருத்துவக் கல்லூரி மருத்துவமனையில் கோவிட் -19 வார்டில் உள்ள கழிப்பறையை புதுச்சேரி சுகாதார அமைச்சர் மல்லடி கிருஷ்ணராவ் நேற்று சுத்தம் செய்தார். மல்லாடி கிருஷ்ணராவ் மருத்துவமனையில் கோவிட்-19 வார்டுகளை பரிசோதித்தபோது, கழிப்பறைகள் அசுத்தமாக உள்ளது என்று நோயாளிகள் புகார் தெரிவித்தனர். உடனே அவர் துப்புரவு தூரிகை மற்றும் திரவத்தைக் எடுத்துக்கொண்டு கழிப்பறைக்குள் சென்று தானே சுத்தம் செய்யத் தொடங்கினார். 75 நோயாளிகள் கொண்ட வார்டில் ஒரு நாளைக்கு மூன்று முறை கழிப்பறைகள் சுத்தம் செய்யப்பட்டாலும், சுகாதாரப் பணியாளர்களின் பற்றாக்குறை இருப்பதால் பராமரிப்பு கடினமாகிறது. எனவே நோயாளிகள் அனைவரும் கழிவறைகளை சுத்தமாக பயன்படுத்துமாறு அறிவுறுத்தினார். மருத்துவர்கள், செவிலியர்கள், சுகாதாரப் பணியாளர்கள் மற்றும் பிற வகை ஊழியர்களை உள்ளடக்கிய 458 சுகாதார ஊழியர்களை ஒப்பந்த அடிப்படையில் பணியமர்த்த அரசாங்கம் முடிவெடுத்துள்ளது. அதனால் அடுத்த வார இறுதிக்குள் போதுமான பணியாளர்கள் இருப்பார்கள் என்று சுகாதார அமைச்சர் கூறினார்.
http://dlvr.it/RfdJKW

Read More