சர்ச்சைக்குரிய கருத்தை பகிர்ந்த பா.ஜ.க எம்.எல்.ஏவின் அக்கவுண்ட்டை நீக்கியது ஃபேஸ்புக்

தெலங்கானா மாநிலத்தில் உள்ள கோஷமஹால் தொகுதியின் பாஜக எம்.எல்.ஏ டைகர் ராஜா சிங்கின் ஃபேஸ்புக் கணக்கை நீக்கியுள்ளதாக  ஃபேஸ்புக் நிறுவனம் அறிவித்துள்ளது. எம்.எல்.ஏ டி. ராஜா சிங் ஃபேஸ்புக்கில் பதிவிட்ட சர்ச்சைக்குரிய பதிவை நீக்க ஃபேஸ்புக் நிறுவனத்தின், சர்ச்சைக்குரிய கருத்து (Hate Speech Policies) கொள்கையை பயன்படுத்தி நீக்க அந்நிறுவனத்தின் இந்திய கொள்கைத் தலைவர் அங்கி தாஸ் மறுத்துவிட்டதாக கடந்த மாதம் வால் ஸ்ட்ரீட் ஜர்னல் (WSJ) செய்தி வெளியிட்டிருந்தது. அதனையடுத்து ‘இந்தியாவில் பா.ஜ.க மற்றும் ஆர்.எஸ்.எஸ் அமைப்பு ஃபேஸ்புக்கை கட்டுப்படுத்துகின்றன' என ராகுல் காந்தி கருத்து தெரிவித்திருந்தார். அதற்கு விளக்கமளித்த ஃபேஸ்புக் நிறுவனம் ‘எந்தவித அரசியல் அமைப்பையோ அல்லது கட்சிகளையோ சாராதது ஃபேஸ்புக். வன்முறையைத் தூண்டும் மற்றும் உலகளவில் செயல்படுத்தப்படும் சர்ச்சைக்குரிய கருத்து மற்றும் உள்ளடக்கத்தை வெளியிடுவதை கொள்கை அடிப்படையில் எங்கள் நிறுவனம் தடை செய்கிறது. நேர்மை மற்றும் துல்லியத்தை உறுதிப்படுத்த வழக்கமான தணிக்கைகளை மேற்கொள்கிறோம்’ என தெரிவித்திருந்தது.  இது தொடர்பாக எதிர்க்கட்சிகள் தொடர்ந்து அழுத்தம் கொடுத்து வந்த நிலையில் "எங்களது நிறுவனத்தின் ஊடாக வன்முறையை தூண்டும் வகையிலான கருத்துகளை பகிரப்படுவதை தடுக்கும் வகையில்  சர்ச்சைக்குரிய கருத்து (Hate Speech Policies) கொள்கையை பயன்படுத்தி வருகிறோம். அந்த வகையில் அதை மீறியதற்காக நாங்கள் ராஜா சிங்கை ஃபேஸ்புக்கிலிருந்து நீக்கியுள்ளோம்" என ஃபேஸ்புக் நிறுவனம் தெரிவித்துள்ளது.  நேற்று ஃபேஸ்புக் அதிகாரிகள் நாடாளுமன்றக் குழுவின் முன் ஆஜராகி இருந்ததும் குறிப்பிடத்தக்கது. பா.ஜ.க எம்.எல்.ஏ ராஜா சிங் தனக்கு ஃபேஸ்புக்கில் கணக்கே இல்லை என கடந்த மாதம் ட்விட்டரில் தெரிவித்திருந்ததும் குறிப்பிடத்தக்கது.  Courtesy: https://www.ndtv.com/india-news/facebook-bans-bjp-mla-t-raja-singh-named-in-report-that-sparked-hate-speech-row-2289674?pfrom=home-topscroll
http://dlvr.it/RfvBZz

Read More

மதுரை: 3 பேரை சாதி ரீதியாக இழிவுபடுத்தி தாக்கியதாக இரண்டு இளைஞர்கள் கைது

மதுரையில் இளம்பெண் உட்பட 3 பேரை பொதுவெளியில் சாதி ரீதியாக இழிவுபடுத்தி தாக்கியதாக இரண்டு இளைஞர்கள் கைது செய்யப்பட்டுள்ளனர். மதுரை மதிச்சியம் ராமராயர் மண்டபம் பகுதியைச் சேர்ந்தவர் முத்துப்பாண்டி. இவருடைய தாய் மற்றும் சகோதரி மூன்று பேரும் அதே பகுதியில் உள்ள கடைக்கு சென்றுள்ளனர். அப்போது கடைவாசலில் நின்றிருந்த அதே பகுதியைச் சேர்ந்த முத்துப்பாண்டி மற்றும் கந்திஸ்வரன் என்ற இளைஞர்கள் இளம் பெண்ணின் அண்ணன் முத்துப்பாண்டியை தரக்குறைவாக, சாதி ரீதியாக இழிவுபடுத்தும் விதமாக பேசியுள்ளனர். இதனை கண்ட தாய் மற்றும் சகோதரி இருவரும் இளைஞர்களை கண்டித்ததாக கூறப்படுகிறது. இதனால் ஆத்திரம் அடைந்த இரண்டு இளைஞர்களும் சகோதரி மற்றும் தாய் இருவரையும் பொதுவெளியில் கடுமையாக தாக்கியுள்ளனர், அதனைத்தொடர்ந்து சகோதரர் முத்துப்பாண்டியையும் கை மற்றும் கழுத்துப்பகுதியில் கடுமையாக தாக்கியதாக கூறப்படுகிறது. இதனைத்தொடர்ந்து முத்துப்பாண்டி மதிச்சியம் காவல் நிலையத்தில் அளித்த புகாரின் அடிப்படையில், சாதி ரீதியாக பொதுவெளியில் பேசியதால் வன்கொடுமை தடுப்புச் சட்டம் மற்றும் தாய் மற்றும் சகோதரியைப் பொது வெளியில் வைத்து தாக்கியதால் பெண்களுக்கு எதிரான குற்றங்கள் தடுப்பு சட்டத்தின் கீழ் இரண்டு இளைஞர்கள் மீதும் வழக்குப்பதிவு செய்த போலீசார் இருவரையும் கைது செய்து விசாரணை நடத்தி வருகிறார்கள்.
http://dlvr.it/RftCCr

Read More

நெட்பிளிக்ஸோடு இளவரசர் ஹாரி - மேகன் தம்பதியர் புது டீல்..!

இங்கிலாந்து நாட்டின் அரச குடும்பத்தை சேர்ந்த இளவரசர் ஹாரியும், அவரது  மனைவி மேகனும் கடந்த ஜனவரியில் அரச குடும்பத்தின் மூத்த உறுப்பினர் பதவியிலிருந்து விலகுவதாக அறிவித்தனர்.  அவர்கள் இருவரும் அண்மையில் கலிபோர்னியாவிற்கு குடிபெயர்ந்த நிலையில் தங்கள் மனதிற்கு சரியென தோன்றும் சமூக பிரச்சனைகளுக்கு குரல் கொடுக்கவும் முடிவு செய்தனர்.  “உலகம் முழுவதுமுள்ள மக்களின் சமூக வாழ்வியலை அதன் சூழல்களுடன் எல்லோருக்கும் நம்பிக்கை கொடுக்கும் வகையில் கண்டென்ட்டுகளை உருவாக்க உள்ளோம்” என தெரிவித்துள்ளனர் ஹாரி - மேகன் தம்பதியர். கடந்த வாரம் நெட்பிளிக்ஸில் ஒளிபரப்பான ஆவணப்படமான ‘ரைசிங் பீனிக்சில்’ காட்சியளித்தார் இளவரசர் ஹாரி.  ‘நெட்பிளிக்ஸ் நிறுவனத்தை அவர்கள் தங்களது படைப்பு தளமாக மாற்றியமைத்ததில் நிறுவனம் பெருமிதம் கொள்கிறது. அவர்களுடன் இணைந்து எங்களது பார்வையாளர்களுக்கு கதைகளைச் சொல்வதை எதிர்நோக்கி உள்ளோம்.   உலகெங்கிலும் உள்ள மில்லியன் கணக்கான மக்களின் நம்பிக்கையை பெற்றுள்ள அவர்கள் தங்களது நிகழ்ச்சிகள் ஊடாக மக்களுக்கு ஊக்கமளிப்பார்கள் என நம்புகிறேன்’ என தெரிவித்துள்ளார் நெட்பிளிக்ஸ் நிறுவனத்தின் இணை தலைமை நிர்வாக அதிகாரி டெட் சரண்டோஸ். அதன்படி இருவரும் இயற்கை தொடர்பான ஆவணப்படம் ஒன்றிலும், தன்னம்பிக்கை மிக்க பெண்களை அடையாளம் காண உதவும் தொடரிலும் தங்களது பணிகளை துவக்கியுள்ளனர்.  இதற்காக நெட்பிளிக்ஸ் நிறுவனத்துடன் ஒப்பந்தமும் போட்டுள்ளனர் இளவரசர் ஹாரி - மேகன் தம்பதியர்.   
http://dlvr.it/RftC8q

Read More

ராமநாதபுரம் இளைஞர் கொலை தனிப்பட்ட விரோதம் - காவல்துறை விளக்கம்

அருண் பிரகாஷ் கொலைச் சம்பவம், தனிப்பட்ட விரோதமே அன்றி, மதம் சார்ந்த பிரச்சனை ஏதுமில்லை என்று ராமநாதபுரம் மாவட்ட காவல்துறை விளக்கமளித்துள்ளது. ராமநாதபுரம் வசந்தநகர் சாலையில் நின்று கொண்டிருந்த அருண் பிரகாஷ் (24) மற்றும் யோகேஸ்வரன் (20) ஆகியோரை நேற்று முன்தினம் மாலை 12 பேர் கொண்ட கும்பல் கத்தியால் குத்தியது. இதில் அருண் பிரகாஷ் உயிரிழந்தார், பலத்த காயமடைந்த யோகேஸ்வரன் ராமநாதபுரத்தில் உள்ள தனியார் மருத்துவமனையில் அனுமதிக்கப்பட்டார். இதுகுறித்து கேணிக்கரை போலீஸார் நடத்திய விசாரணையில், நேற்று முன்தினம் பிற்பகல் நண்பர்களான அருண் பிரகாஷ் மற்றும் யோகேஸ்வரன் ஆகியோர் சேர்ந்து, முன்விரோதம் காரணமாக வைகைநகரைச் சேர்ந்த சரவணன், சின்னக்கடையைச் சேர்ந்த சபீக் ரகுமான் ஆகியோரைத் தாக்கியுள்ளனர். இதில் ஆத்திரமடைந்த சரவணன், சபீக் ரகுமான் ஆகியோர் தங்களுடன் 10 பேரை அழைத்துக் கொண்டு வந்து மாலையில் அருண் பிரகாஷையும், யோகேஸ்வரனையும் கத்தியால் குத்தி தாக்கியது போலீஸ் விசாரணையில் தெரியவந்தது. இந்நிலையில்  இரு குழுவினருக்கு இடையே தனிப்பட்ட விரோததை மதரீதியிலான மோதலாக திரித்து சிலர் பரப்பியதாக தெரிகிறது.  இதுதொடர்பாக ராமநாதபுரம் மாவட்ட காவல்துறை இன்று விளக்கமளித்துள்ளது. அதில் கூறப்பட்டுள்ளதாவது:-  ''அருண் பிரகாஷ் கொலை, இரு குழுவினருக்கு இடையே தனிப்பட்ட விரோதத்தில் நடந்த சம்பவம். இதில் மத சாயம் பூச சில நபர்கள் முயற்சிக்கின்றனர். இந்த சம்பவத்தில் ஈடுபட்ட குற்றவாளிகளில் பல மதத்தை சேர்ந்தவர்கள் உள்ளனர். இந்த வழக்கில் மதம் சார்ந்த பிரச்சனை ஏதுமில்லை. வதந்தி பரப்புபவர்களை நம்ப வேண்டாம். இது முற்றிலும் தனிப்பட்ட விரோதம் காரணமாக நடந்த கொலை வழக்கு. 3 தனிப்படைகள் அமைத்து குற்றவாளிகளை காவல் துறையினர் தேடி வருகின்றனர்'' என்று  ராமநாதபுரம் மாவட்ட காவல்துறை தெரிவித்துள்ளது.
http://dlvr.it/RfqX8y

Read More

தமிழகத்தில் இன்று 5,928 பேருக்கு கொரோனா : 6,031 பேர் டிஸ்சார்ஜ்

தமிழகத்தில் இன்று ஒரே நாளில் 5,928 பேருக்கு கொரோனா நோய்த் தொற்று இருப்பது உறுதி செய்யப்பட்டுள்ளது. தமிழகத்தில் நாள்தோறும் கொரோனா பாதிப்பு தொடர்பான தகவல்கள் கொண்ட அறிக்கையை சுகாதாரத்துறை வெளியிட்டு வருகிறது. அதன்படி, இன்று வெளியிடப்பட்ட தகவலில் ஒரே நாளில் 5,928 பேருக்கு கொரோனா நோய்த் தொற்று இருப்பது உறுதி செய்யப்பட்டுள்ளது. தமிழகத்தில் இதுவரை கொரோனாவில் பாதிக்கப்பட்டோரின் எண்ணிக்கை 4,33,969 ஆக உயர்ந்துள்ளது. இன்று ஒரே நாளில் 75,165 பரிசோதனைகள் மேற்கொள்ளப்பட்டுள்ளன. மேலும், தமிழகத்தில் இன்று மட்டும் 6,031 பேர் கொரோனாவில் இருந்து மீண்டு டிஸ்சார்ஜ் செய்யப்பட்டுள்ளனர். இதனால் ஒட்டு மொத்தமாகத் தமிழகத்தில் இதுவரை குணமடைந்தவர்களின் எண்ணிக்கை 3,74,172 ஆக உயர்ந்துள்ளது. சென்னையைப் பொருத்தவரை இன்று ஒரே நாளில் மட்டும் 1,084 பேர் கொரோனாவால் பாதிக்கப்பட்டுள்ளனர். இதுவரை சென்னையில் மட்டும் கொரோனாவால் பாதிக்கப்பட்டவர்களின் எண்ணிக்கை 1,36,697 ஆக உயர்ந்துள்ளது. தமிழகத்தில் இன்று கொரோனா பாதிப்புக்கு 96 பேர் உயிரிழந்துள்ளனர். இதுவரை மொத்தம் பேர் 7,418 உயிரிழந்துள்ளனர். ரூ.1,500 + ரூ.300 = ரூ.1,800 இல்லை : பணிப்பெண்ணின் வாதமும்.. ட்ரெண்டிங்கும்..
http://dlvr.it/RfpXN4

Read More

ஸ்ரீநகரின் முதல் பெண் சி.ஆர்.பி.எஃப் ஐஜி... யார் இந்த சாரு சின்ஹா ஐ.பி.எஸ்?

இந்தியாவில் பயங்கரவாத அச்சுறுத்தல் இருக்கும் பகுதிகளில் ஸ்ரீநகரும் ஒன்று. அங்கு முதன்முறையாக ஒரு பெண் ஐ.பி.எஸ் அதிகாரி, சி.ஆர்.பி.எஃபின் இன்ஸ்பெக்டர் ஜெனரலாக நியமிக்கப்பட்டுள்ளார். 1996-ன் தெலங்கானா கேடரின் ஐ.பி.எஸ் அதிகாரியான சாரு சின்ஹா தான் ஸ்ரீநகர் ஐ.ஜியாக நியமிக்கப்பட்டுள்ளார். இவர் இதற்கு முன்னதாகப் பல்வேறு முறை இதே போன்ற சவாலான பணிகளில் பொறுப்பேற்றுள்ளார். CRPF-ல் பீகார் செக்டரின் ஐ.ஜியாக பணிபுரிந்து நக்சல்களைக் கையாண்டுள்ளார்.ஸ்ரீநகர் இவரது தலைமையின் கீழ், பல்வேறு நக்சல் எதிர்ப்பு நடவடிக்கைகள் மேற்கொள்ளப்பட்டன. பிறகு ஜம்முவின் ஐ.ஜியாக நியமிக்கப்பட்டு அங்கும் மிகச் சிறப்பாக பணியாற்றிய இவர் தற்போது ஸ்ரீநகருக்கு மாற்றப்பட்டுள்ளார். நேற்று இவரை ஸ்ரீநகரின் ஐ.ஜியாக நிமியக்க புதிய உத்தரவு பிறப்பிக்கப்பட்டுள்ளது. Also Read: `நான் இன்ஸ்பெக்டர், நீங்கள் போலீஸ்'- சென்னைப் பெண் ரயில்வே ஊழியரைக் கடத்த ஸ்கெட்ச் போட்ட பெண்கள் 2005-ம் ஆண்டு முதல் செயல்படத்தொடங்கிய இந்த சி.ஆர்.பி.எஃப் துறையில் இதுவரை எந்த ஒரு பெண் அதிகாரியும் ஐ.ஜியாக இருந்ததில்லை. இந்தத் துறை ஜம்மு-காஷ்மீர் போலீஸார் மற்றும் இந்திய ராணுவத்துடன் நெருக்கமாகச் செயல்பட்டு, பயங்கரவாத எதிர்ப்பு நடவடிக்கைளில் ஈடுபட்டுள்ளது.சாரு சின்ஹா இது தொடர்பாகப் பேசியுள்ள சி.ஆர்.பி.எஃப் அதிகாரிகள், “ஸ்ரீநகரில் 2005-ம் ஆண்டு முதல் சி.ஆர்.பி.எஃப் பிரிவு செயல்பட்டு வருகிறது. இந்தப் பிரிவு ஜம்மு-காஷ்மீரின் புட்கம், காண்டர்பால், ஸ்ரீநகர் மற்றும் லடாக் ஆகிய பகுதிகளில் தங்கள் அதிகார வரம்பைக் கொண்டுள்ளது. இந்தத் துறை தொடர்பான அனைத்து நடவடிக்கைகளுக்கும் சாரு சின்ஹா தலைமை தாங்குவார்” எனத் தெரிவித்துள்ளனர்.
http://dlvr.it/RfpXJD

Read More

`சட்டவிரோதக் கைது; வழக்கு ரத்து!'- டாக்டர் கஃபீல் கானை உடனே விடுவிக்க அலகாபாத் நீதிமன்றம் உத்தரவு

உத்தரப்பிரதேச மாநிலம் அலிகார் பல்கலைக்கழகத்தில் குடியுரிமை சட்டத் திருத்தத்துக்கான எதிராகக் கடந்தாண்டு டிசம்பரில் போராட்டம் நடைபெற்றது. இதில், கலந்துகொண்ட டாக்டர் கஃபீல்கான், தேச ஒற்றுமைக்கும், பாதுகாப்புக்கும் எதிராகப் பேசியதாக அம்மாநில காவல்துறையினரால் கடந்த ஜனவரி மாதம் கைது செய்யப்பட்டார். இந்த வழக்கை விசாரித்த மாவட்டக் குற்றவியல் நடுவர் நீதிமன்றம், தேசியப் பாதுகாப்புச் சட்டத்தின் கீழ் கஃபீல்கானை மதுரா சிறைச்சாலையில் அடைக்க உத்தரவிட்டது.கஃபில் கான் இந்நிலையில் கஃபீல் கானின் தாயார் நவ்ஷாத் பர்வீன், தன் மகன் கஃபீல் கான் சட்டவிரோதமாக சிறையில் அடைக்கப்பட்டு இருப்பதாகவும், அவரை விடுதலை செய்ய வேண்டும் எனவும் கோரி கடந்த மார்ச் மாதம் ஆட்கொணர்வு மனு ஒன்றை உச்ச நீதிமன்றத்தில் தாக்கல் செய்தார். இந்த மனுவை விசாரித்த உச்சநீதிமன்ற தலைமை நீதிபதி பாப்டே, நீதிபதி சூர்யா காந்த் மற்றும் நீதிபதி கவாய் உள்ளிட்டோர் அடங்கிய அமர்வு இந்த வழக்கை அலகாபாத் உயர்நீதிமன்றத்துக்கு மாற்றம் செய்தது. Also Read: `மனரீதியான சித்ரவதை; சிறையிலே கொல்லப்படலாம்!’ - பகீர் கிளப்பும் மருத்துவர் கஃபில் கான் மனைவி பின்னர், இந்த வழக்கை அலகாபாத் உயர் நீதிமன்ற தலைமை நீதிபதி கோவிந்த் மதூர் மற்றும் நீதிபதி சௌமித்ரா தாயால் சிங் ஆகியோர் அடங்கிய அமர்வு விசாரித்தது. நீதிபதிகள், கஃபீல் கான் மீது தேசியப் பாதுகாப்பு சட்டத்தின் கீழ் பதிவு செய்யப்பட்டிருந்த வழக்கை ரத்து செய்து உத்தரவிட்டனர். மேலும், கஃபீல் கான் அலிகார் பல்கலைகழகத்தில் பேசியவை தேச பாதுகாப்புக்கு எதிரானதாகவோ அல்லது ஒரு சமூகத்துக்கு எதிராக வெறுப்பைத் தூண்டக்கூடிய வகையிலோ இல்லை என்று நீதிபதிகள் கருத்துத் தெரிவித்தனர். அதேபோல், அவரைத் தேசியப் பாதுகாப்புச் சட்டத்தில் கைது செய்து, சிறையில் அடைக்கப்பட்டது சட்ட விரோதமானது என்றுகூறி உடனடியாக அவரை விடுதலை செய்யவும் உ.பி காவல்துறைக்கு அலகாபாத் உயர் நீதிமன்ற நீதிபதிகள் உத்தரவிட்டனர்.
http://dlvr.it/Rflr9t

Read More