வ.உ.சி பிறந்தநாள்: தலைவர்கள் வாழ்த்து!

இந்திய நாட்டின் விடுதலைக்காகப் பாடுபட்ட வ.உ.சிதம்பரனாரரின் 149-ஆவது பிறந்தநாளையொட்டி அரசியல் கட்சித் தலைவர்கள் வாழ்த்து தெரிவித்துள்ளனர். மு.க.ஸ்டாலின், திமுக தலைவர் “சுதேசி ஸ்டீம் நேவிகேஷன் கம்பெனி” என்ற சுதேசிய கப்பல் நிறுவனத்தை உருவாக்கி பிரிட்டிஷ் அரசின் கப்பல் வணிகத்தின் பொருளாதாரச் செல்வாக்குக்கு, மிகப் பெரிய சவாலாகத் திகழ்ந்தவர் வ.உ.சி! உரிமைக்காகப் போராடவும் வாதாடவும் சிறை செல்லவும் தயங்காத தியாகத்தின் திருவுருவான வ.உ.சிதம்பரனாரின் நினைவை நெஞ்சில் ஏந்திப் போற்றுவோம்! டிடிவி தினகரன், அமமுக பொதுச்செயலாளர்   உரிமைகளை மீட்டெடுக்க தன் சொத்துகள் அனைத்தையும் இழந்து, இந்த தேசத்தின் விடுதலைக்காக சிறைக்கொட்டடியில் சித்ரவதைகளை அனுபவித்த தியாக சீலர், வரலாற்றில் வாழும் போராளி வ.உ.சி அவர்களை வணங்கி போற்றுகிறேன். கனிமொழி, எம்.பி. ஆங்கிலேயர்களுக்கு எதிரான உள்நாட்டு கப்பல் நிறுவனத்தை தொடங்கி, தூத்துக்குடி நூற்பாலை வேலைநிறுத்தத்தை வெற்றிகரமாக நடத்தி, வெள்ளையர்களுக்கு சிம்மசொப்பனமாக திகழ்ந்த வ.உ.சிதம்பரனாரின் 149வது பிறந்தநாளில் அவர் நினைவை போற்றுவோம். 
http://dlvr.it/Rg2Q84

Read More

கொரோனா வார்டில் சிகிச்சை அளிக்கும் பெண் மருத்துவரின் பாசப் போராட்டம்

இந்தியாவில் கொரோனா தொற்றினால் பாதிக்கப்பட்டவர்களின் எண்ணிக்கையினால் நாடு முழுவதும் உள்ள பெரும்பாலான மருத்துவமனைகள் நிரம்பியுள்ளன. அதனால் மருத்துவர்கள், செவிலியர்கள் மற்றும் சுகாதார பணியாளர்கள் மாதிரியான முன்கள வீரர்கள் அவர்களது குடும்பத்தை மறந்து தொற்றினால் பாதிக்கப்பட்டவர்களுக்கு சளைக்காமல் சிகிச்சை கொடுத்து வருகின்றனர்.  அவர்களில் ஒருவர் தான் மருத்துவர் தீஷா. கர்நாடகாவை சேர்ந்தவர். அவரது பாசப் போராட்டம் ட்விட்டரில் தற்போது வைரலாகி வருகிறது.  கொரோனா டியூட்டியில் இருக்கும் மருத்துவர் தீஷா தனது ஒரு வயது மகனை பார்க்க வந்துள்ளார். இருப்பினும் கொரோனா அச்சத்தினால் அவர் மகனை தூக்கி, அணைத்து கொஞ்சாமல் சில அடிகள் தூரம் நின்ற படியே பார்த்து விட்டுச் சென்றது நெகிழ்ச்சியை ஏற்படுத்தியுள்ளது. அதைத்தொடர்ந்து நெட்டிசன்கள் பலரும் தீஷா மற்றும் கொரோனா தொற்றினால் பாதிக்கப்பட்டவர்களுக்கு சிகிச்சை அளித்து வரும் சுகாதார பணியாளர்களின் அர்ப்பணிப்புக்காக பாராட்டுகளை சொல்லி வருகின்றனர்.
http://dlvr.it/Rg1LD3

Read More

“விடியலை காட்டிய சூரியன்கள்”- இன்று ஆசிரியர் தினம்

ஆசிரியர்கள் தினம் இன்று கொண்டாடப்படுகிறது.   மறைந்த குடியரசுத் தலைவர் ராதாகிருஷ்ணனின் பிறந்த நாளான செப்டம்பர் 5-ம் தேதி, இந்தியாவில் ஆசிரியர் தினமாக கொண்டாடப்படுகிறது.   சிறந்த கல்வியாளராகவும், தத்துவ மேதையாகவும் திகழ்ந்த ராதாகிருஷ்ணன், 1962, மே 13-ம் தேதி இந்தியாவின் இரண்டாவது குடியரசுத் தலைவராக பதவியேற்றார்.    ஆண்டுதோறும் ஆசிரியர் தினத்தன்று, கல்வித் துறையில் சிறப்பாக பணியாற்றிய ஆசிரியர்களுக்கு மத்திய, மாநில அரசுகளின் சார்பில் விருதுகள் வழங்கப்படுகின்றன. இவற்றை குடியரசுத் தலைவரே வழங்கி கவுரவிக்கிறார்.    இந்த ஆண்டு, ஆசிரியர் தின விழா இன்று எளிய முறையில் கொண்டாடப்படுகிறது. தமிழக அரசின் சார்பில், 375 ஆசிரியர்கள், விருதுக்கு தேர்வு செய்யப்பட்டுள்ளனர். அவர்களுக்கு வரும், 7ம் தேதி மாவட்ட வாரியாக விழா நடத்தி, விருது வழங்கப்படுகிறது.   மாநில அளவிலான விருது விழா ரத்து செய்யப்பட்டுள்ளது. கொரோனா பிரச்னையால், அரசு பள்ளிகளில் விழா ஏற்பாடு செய்யப்படவில்லை. தனியார் பள்ளிகள் தரப்பில், 'ஆன்லைனில்' ஆசிரியர் தின நிகழ்ச்சிகள் நடத்தப்படுகின்றன.  
http://dlvr.it/Rg1LCp

Read More

’'நான் வாழ விரும்பவில்லை’’ என சுஷாந்த் சிங் தன்னிடம் கூறியதாக மருத்துவர் அறிக்கை.!

நவம்பர் மாதம் மனபதற்றம் மற்றும் மன அழுத்தத்திற்காக மருத்துவமனையில் அனுமதிக்கப்பட்டபோது சுஷாந்த் சிங், தான் எதையும் விரும்பவில்லை, வாழ விருப்பமில்லை என்று தன்னிடம் கூறியதாக சுஷாந்துக்கு சிகிச்சை அளஎன்.டி.டிவிக்கு கொடுத்த அறிக்கையில் கூறியுள்ளார். மருத்துவரின் அறிக்கையில், சுஷாந்த் சிங் நவம்பர் 27, 2019அன்று மும்பை இந்துஜா மருத்துவமனையில் அனுமதிக்கப்பட்டதாகவும், அவரது மோசமான நிலை குறித்து அவருடைய மேனேஜர் ஸ்ருதி மோடி அவருடன் தொடர்புகொண்டு பேசியதாகவும் தெரிவித்துள்ளார். மறுநாள் அவரை பரிசோதித்த மருத்துவரிடம், தான் மன அழுத்ததுடன் போராடிக் கொண்டு இருப்பதாகவும், சரியாக தூக்கம் வரவில்லை, பசிக்கவில்லை என்றும் அவரிடம் சுஷாந்த் கூறியுள்ளார். மேலும் தான் எதையும் விரும்பவில்லை, வாழ விருப்பமில்லை என்றும், 10 நாட்களாக இதேபோன்று இருப்பதாக சுஷாந்த் கூறியதாக அவர் கூறியுள்ளார். அப்போதுதான் சுஷாந்திற்கு மன அழுத்தம் மற்றும் மன பதட்டம் அதிகமாகி இருந்ததை கண்டறிந்ததாகவும், பரிசோதனையின்போது தற்கொலை எண்ணம் எதுவும் தனக்கு இல்லை என்றும் கூறியுள்ளார். மேலும் சுஷாந்தின் இந்த நிலைக்கு வெளிப்புற காரணிகள் எதுவும் இல்லை என்று மருத்துவர் குறிப்பிட்டிருந்தார். அவரின் எதிர்பார்ப்புக்கு ஏற்ப எதுவும் நடக்கவில்லை என்றும், மேலும் பாதுகாப்பற்ற நிலையில் அவர் இருப்பதும் தெளிவாக தெரிந்துள்ளது. மேலும் அவர் 80% பாதிப்படைந்திருக்கிறார். உடலில் தைராய்டு, வைட்டமின் பி12, டி3, ஹீமோகுளோபின், செரோட்டோனின் போன்றவற்றின் குறைபாடுகளால்கூட மூளையில் ரசாயன மாற்றங்கள் ஏற்பட்டு இதுபோன்ற மன அழுத்தம் உருவாகலாம் என்றும் மருத்துவர் தெரிவித்துள்ளார். நவம்பர் 30ஆம் தேதி மருத்துவமனையிலிருந்து சுஷாந்த் டிஸ்சார்ஜ் செய்யப்பட்டுள்ளார். ஜனவரி மாதத்தில் சுஷாந்தின் நிலை மோசமடைந்ததை அடுத்து அவரை மருத்துவமனையில் அனுமதிக்குமாறு ரியா சக்ரவர்த்தி கூறியுள்ளார். ஆனால் அதற்கு பதிலாக சண்டிகரில் உள்ள தனது சகோதரியைப் பார்க்கப் போவதாக சுஷாந்த் முடிவு செய்துள்ளார். ஆனால் ஜூன் 14ஆம் தேதி தனது வீட்டில் சுஷாந்த் தற்கொலை செய்துகொண்டார். அவரது தந்தை ரியா சக்ரவர்த்தி தான் தனது மகனின் மறைவுக்குக் காரணம் என்று வழக்கு பதிவு செய்துள்ளார். சிபிஐ இயக்குநரகம் மற்றும் போதைப்பொருள் கட்டுப்பாட்டு பணியகம் இந்த வழக்கை விசாரித்து வருகிறது.  
http://dlvr.it/RfzRTc

Read More

குவைத்திலிருந்து இந்தியாவுக்கு கச்சா எண்ணெய் ஏற்றி வந்த கப்பலில் திடீர் தீ விபத்து

குவைத்திலிருந்து இந்தியாவுக்கு கச்சா எண்ணெய் ஏற்றி வந்த இந்தியன் ஆயில் நிறுவன கப்பல் தீப்பிடித்துள்ள நிலையில் தீயை அணைக்கும் பணிகள் தீவிரமாக நடந்து வருகின்றன. எம்.டி.நியூ டைமண்ட் என்ற பிரமாண்டமான கப்பல் 2 லட்சத்து 70 ஆயிரம் டன் கச்சா எண்ணெயுடன் குவைத்திலிருந்து புறப்பட்டு இந்தியா வந்து கொண்டிருந்தது. இலங்கை அருகே இக்கப்பல் வந்து கொண்டிருந்தபோது திடீரென தீப்பிடித்தது. இதையறிந்த இ‌லங்கை கடற்படையின் இரு கப்பல்களும் விமானம் ஒன்றும் தீயணைப்பு பணியை தொடங்கின. இதற்கிடையில் தீயணைப்பு பணிக்கு உதவ இந்திய கடலோர காவல் படையின் சவுர்யா, சாரங், சமுத்ர பெகர்தார் ஆகிய 3 கப்பல்களும் டோர்னியர் ரக விமானம் ஒன்றும் சம்பவ இடத்திற்கு விரைந்தன. எம்.டி.நியூ டைமண்ட் கப்பல் கச்சா எண்ணெய் கொண்டு வருவதற்காக இந்தியன் ஆயில் நிறுவனம் வாடகைக்கு எடுத்த கப்பலாகும். குவைத்தின் மினா அல் அகமதி துறைமுகத்திலிருந்து புறப்பட்ட இக்கப்பல் ஹோர்முஸ் நீரிணைப்பு வழியாக அரபிக்கடலில் பயணித்து இலங்கையின் கொழும்பு துறைமுகத்துக்கு வந்தடைந்தது. அங்கிருந்து புறப்பட்டு இலங்கை எல்லையிலிருந்து 20 கடல் மைல்கள் தொலைவில் வந்து கொண்டிருக்கும்போது இன்று அதிகாலை 8 மணியளவில் தீப்பிடித்தது. தீ தற்போது ஓரளவு கட்டுக்குள் இருப்பதாகவும் கப்பலில் 23 பேர் இருந்ததாகவும் அதில் ஒருவருக்கு காயம் ஏற்பட்டுள்ளதாகவும் இலங்கை கடற்படை செய்தித் தொடர்பாளர் கேப்டன் இண்டிகா டிசில்வா தெரிவித்தார். இதற்கிடையில் கப்பலில் உள்ள கச்சா எண்ணெய் கசிந்து கடலில் பரவுவதை தடுக்க நடவடிக்கை எடுத்து வருவதாக இலங்கை கடல் பாதுகாப்பு ஆணையம் தெரிவித்துள்ளது. இந்தக் கப்பலில் இருந்த எண்ணெய் ஒடிஷா மாநிலம் பாரதீப் கொண்டு செல்லப்பட்டு அங்குள்ள ஆலையில் சுத்திகரிக்கப்பட இருந்தது.
http://dlvr.it/RfxtMS

Read More

புதிய கல்விக் கொள்கை பற்றி பரிந்துரைகள்... முதன்மைச் செயலர் அபூர்வா தலைமையில் குழு

புதிய தேசிய கல்விக் கொள்கை குறித்த பரிந்துரைகளையும், கருத்துகளையும் அரசுக்கு வழங்க உயர் கல்வித்துறை முதன்மைச் செயலாளர் அபூர்வா தலைமையில் உயர்மட்டக்குழு அமைக்கப்பட்டுள்ளது. அண்மையில் மத்திய மனித வள மேம்பாட்டுத்துறை அமைச்சகம் புதிய தேசிய கல்விக்கொள்கையை வெளியிட்டது. அதில் பல்வேறு புதிய கல்வி நடைமுறைகள் இடம்பெற்றிருந்த நிலையில், தமிழகத்தில் மும்மொழி கொள்கைக்கு எதிர்ப்பு எழுந்தது. அதற்குப் பதிலளித்த முதல்வர் பழனிசாமி, இருமொழி கொள்கை தொடர்ந்து பின்பற்றப்படும் என்று திட்டவட்டமாக அறிவித்தார். மேலும், புதிய தேசிய கல்விக்கொள்கை குறித்து ஆராய்ந்து பரிந்துரைகளை தெரிவிக்க குழு அமைக்கப்படும் என்றும் தெரிவிக்கப்பட்டது. அதன்படி, தேசிய கல்விக்கொள்கையில் உயர்கல்வியில் தமிழக அரசால் ஏற்றுக்கொள்ளக்கூடிய கருத்துகள், பரிந்துரைகளை வழங்க உயர்மட்டக்குழு அமைக்கப்பட்டுள்ளது. இதுதொடர்பான அரசாணையை உயர்கல்வித்துறை முதன்மைச் செயலாளர் அபூர்வா வெளியிட்டுள்ளார். "புதிய கல்விக் கொள்கையில் இருந்து தமிழக அரசால் ஏற்றுக் கொள்ளக்கூடிய கருத்துகளையும், பரிந்துரைகளையும் அரசுக்கு வழங்க உயர் கல்வித்துறை முதன்மை செயலாளர் அபூர்வா தலைமையில் ஒரு உயர்மட்டக்குழு அமைக்கப்படுகிறது. சென்னை பல்கலைக்கழக முன்னாள் துணைவேந்தர்கள் எஸ்.பி.தியாகராஜன், பி.துரைசாமி, மனோன்மணியம் சுந்தரனார் பல்கலைக்கழக துணைவேந்தர் கே.பிச்சுமணி, அழகப்பா பல்கலைக்கழக துணைவேந்தர் என்.ராஜேந்திரன், மதுரை காமராஜர் பல்கலைக்கழக துணைவேந்தர் எம்.கிருஷ்ணன், திருவள்ளுவர் பல்கலைக்கழக துணைவேந்தர் எஸ்.தாமரைச்செல்வி ஆகியோர் உறுப்பினர்களாக நியமிக்கப்பட்டுள்ளனர்" என்று அந்த அரசாணையில் தெரிவிக்கப்பட்டுள்ளது. தமிழக அரசால் அமைக்கப்பட்ட இந்த உயர்மட்டக்குழு, கொள்கைவழியாகச் சென்று சாத்தியமான பரிந்துரைகளை அரசுக்கு வழங்கும் எனத் தெரிகிறது.
http://dlvr.it/RfxtLs

Read More

சர்ச்சைக்குரிய கருத்தை பகிர்ந்த பா.ஜ.க எம்.எல்.ஏவின் அக்கவுண்ட்டை நீக்கியது ஃபேஸ்புக்

தெலங்கானா மாநிலத்தில் உள்ள கோஷமஹால் தொகுதியின் பாஜக எம்.எல்.ஏ டைகர் ராஜா சிங்கின் ஃபேஸ்புக் கணக்கை நீக்கியுள்ளதாக  ஃபேஸ்புக் நிறுவனம் அறிவித்துள்ளது. எம்.எல்.ஏ டி. ராஜா சிங் ஃபேஸ்புக்கில் பதிவிட்ட சர்ச்சைக்குரிய பதிவை நீக்க ஃபேஸ்புக் நிறுவனத்தின், சர்ச்சைக்குரிய கருத்து (Hate Speech Policies) கொள்கையை பயன்படுத்தி நீக்க அந்நிறுவனத்தின் இந்திய கொள்கைத் தலைவர் அங்கி தாஸ் மறுத்துவிட்டதாக கடந்த மாதம் வால் ஸ்ட்ரீட் ஜர்னல் (WSJ) செய்தி வெளியிட்டிருந்தது. அதனையடுத்து ‘இந்தியாவில் பா.ஜ.க மற்றும் ஆர்.எஸ்.எஸ் அமைப்பு ஃபேஸ்புக்கை கட்டுப்படுத்துகின்றன' என ராகுல் காந்தி கருத்து தெரிவித்திருந்தார். அதற்கு விளக்கமளித்த ஃபேஸ்புக் நிறுவனம் ‘எந்தவித அரசியல் அமைப்பையோ அல்லது கட்சிகளையோ சாராதது ஃபேஸ்புக். வன்முறையைத் தூண்டும் மற்றும் உலகளவில் செயல்படுத்தப்படும் சர்ச்சைக்குரிய கருத்து மற்றும் உள்ளடக்கத்தை வெளியிடுவதை கொள்கை அடிப்படையில் எங்கள் நிறுவனம் தடை செய்கிறது. நேர்மை மற்றும் துல்லியத்தை உறுதிப்படுத்த வழக்கமான தணிக்கைகளை மேற்கொள்கிறோம்’ என தெரிவித்திருந்தது.  இது தொடர்பாக எதிர்க்கட்சிகள் தொடர்ந்து அழுத்தம் கொடுத்து வந்த நிலையில் "எங்களது நிறுவனத்தின் ஊடாக வன்முறையை தூண்டும் வகையிலான கருத்துகளை பகிரப்படுவதை தடுக்கும் வகையில்  சர்ச்சைக்குரிய கருத்து (Hate Speech Policies) கொள்கையை பயன்படுத்தி வருகிறோம். அந்த வகையில் அதை மீறியதற்காக நாங்கள் ராஜா சிங்கை ஃபேஸ்புக்கிலிருந்து நீக்கியுள்ளோம்" என ஃபேஸ்புக் நிறுவனம் தெரிவித்துள்ளது.  நேற்று ஃபேஸ்புக் அதிகாரிகள் நாடாளுமன்றக் குழுவின் முன் ஆஜராகி இருந்ததும் குறிப்பிடத்தக்கது. பா.ஜ.க எம்.எல்.ஏ ராஜா சிங் தனக்கு ஃபேஸ்புக்கில் கணக்கே இல்லை என கடந்த மாதம் ட்விட்டரில் தெரிவித்திருந்ததும் குறிப்பிடத்தக்கது.  Courtesy: https://www.ndtv.com/india-news/facebook-bans-bjp-mla-t-raja-singh-named-in-report-that-sparked-hate-speech-row-2289674?pfrom=home-topscroll
http://dlvr.it/RfvBZz

Read More