தியேட்டர்களை எப்போது திறக்கலாம்?: திரையரங்க பிரதிநி‌திகளுடன் மத்திய அரசு இன்று பேச்சு

நாடெங்கும் ‌உள்ள திரையரங்குகளை மீண்டும் திறப்பது குறித்து அவற்றின் உரிமையாளர்களுடன் மத்திய அரசு இன்று ஆலோசனை நடத்த உள்ளது. மத்திய உள்துறை அமைச்சகத்தின் பேரிடர் மேலாண்மை பிரிவு நடத்தும் இந்த ஆலோசனை கூட்டம் காணொலி முறையில் நடைபெற உள்ளது. முதலில், வட மாநில திரையரங்குகளின் பிரதிநி‌திகளுக்கு இக்கூட்டத்திற்கு அழைப்பு ‌விடுக்கப்பட்ட நிலையில் தென்னிந்திய திரையரங்க பிர‌‌திநிதிகளுக்கு மட்டும் அழைப்பு எதுவும் வரவில்லை. இது சர்ச்சையை கிளப்பிய நிலையில் பிரச்னைக்கு முற்றுப்புள்ளி வைக்கும் வகையில் தென்னிந்திய பிரதிநிதிகளுக்கும் அழைப்பு விடுக்கப்பட்டது. இக்கூட்டத்தில் திரையரங்குகளை எப்போது திறப்பது என்ற முடிவு எடுக்கப்படும் எனத் தெரிகிறது. கொரோனா பொது முடக்கத்தால் கடந்த ஐந்தரை மாதங்களாக திரையரங்குகள் மூடப்பட்டுள்ளதால் திரைத்துறை ‌பல்லாயிரக்கணக்கா‌ன கோடி ரூபாய் இழப்பை சந்தித்துள்ளது. உரிய கட்டுப்பாடுகளுடன் திரையரங்குகளை மீண்டும்‌ திறக்க அனுமதிக்குமாறு திரையரங்க உரிமையாளர்கள் தொடர்ந்து கோரிக்கை வைத்து வருகின்றனர்.
http://dlvr.it/Rg9fmj

Read More

கேரளா: கொரோனா பாதித்த இளம் பெண்... ஆம்புலன்ஸில் பாலியல் வன்கொடுமை! - சிக்கிய ஓட்டுநர்

கேரள மாநிலம் பத்தணம்திட்டா மாவட்டம் அடூர் வடக்கோடத்துகாவு பகுதியில் இருந்து கொரோனா பாதித்த 45 வயது மற்றும் 20 வயது ஆன இரண்டு பெண்களுக்கு முதற்கட்ட சிகிச்சை அளிக்க 108 ஆம்புலன்ஸில் கொரோனா சிகிச்சை மையத்துக்கு நேற்று இரவு அழைத்துச் செல்லப்பட்டனர். ஆம்புலன்ஸ் டிரைவர் நெளஃபல் மற்றும் இரண்டு பெண்கள் மட்டுமே ஆம்புலன்ஸில் இருந்தனர். 42 வயது பெண்ணை கோழஞ்சேரி பொது மருத்துவமனையிலும், 20 வயது பெண்ணை பந்தளத்திலும் சிகிச்சைக்காக சேர்க்க வேண்டும் என நெளஃபலுக்கு அறிவுறுத்தப்பட்டிருந்தது. வடக்கோடத்துகாவு பகுதியில் இருந்து சுமார் 18 கிலோ மீட்டர் தூரத்தில் உள்ள கோழஞ்சேரி மருத்துவமனையில் 45 வயது பெண்ணை கொண்டுபோய் விட்டார் நெளஃபல். அடுத்ததாக பந்தளம் மருத்துவமனைக்கு 20 வயது பெண்ணை ஆம்புலன்ஸில் அழைத்துச் சென்றார். பந்தளம் செல்லும் வழியில் ஆறன்முளா விமான நிலையத்துக்காக நிலம் எடுக்கப்பட்ட ஒதுக்குப்புறமான பகுதியில் ஆம்புலன்சை நிறுத்தியுள்ளார் நெளஃபல். அங்கு ஆம்புலன்ஸில் இருந்த பெண்ணை மிரட்டி பாலியல் வன்கொடுமை செய்துள்ளார்.கேரள 108 ஆம்புலன்ஸ் அந்த பெண்ணிடம் தவறாக நடந்துவிட்டு, தன்னை மன்னிக்கும்படி வேண்டியிருக்கிறார் ஆம்புலன்ஸ் டிரைவர் நெளஃபல். மேலும் இதுபற்றி வெளியே கூற வேண்டாம் எனவும் அவர் கெஞ்சியிருக்கிறார். நெளஃபல் மன்னிப்புக் கேட்டதை அந்த பெண் தனது மொபைலில் ரகசியமாக பதிவு செய்திருக்கிறார். பின்னர் நெளஃபல் மீண்டும் ஆம்புலன்ஸை இயக்கி பந்தளம் மருத்துவமனையில் அந்த பெண்ணை இறக்கி விட்டுவிட்டு சென்றுவிட்டார். இதுகுறித்து அந்த பெண் நேற்று இரவு போலீஸில் புகார் அளித்ததைத் தொடர்ந்து ஆம்புலன்ஸ் டிரைவர் நெளஃபல் உடனடியாக கைது செய்யப்பட்டார். கொரோனா நோயாளிகளை ஆம்புலன்ஸில் அழைத்துச் செல்லும்போது சுகாதார பணியாளர் உடன் இருக்க வேண்டும் என்ற விதியை மீறி ஆம்புலன்ஸ் டிரைவர் செயல்பட்டுள்ளதாக கூறப்படுகிறது. கைது செய்யப்பட்ட ஆம்புலன்ஸ் டிரைவர் நெளஃபலுக்கு கொரோனா பரிசோதனை செய்ததில் கொரோனா தொற்று இல்லை என ரிசல்ட் வந்துள்ளது. இதையடுத்து கொட்டாரக்கரை சிறையில் உள்ள தனிமை மையத்துக்கு அவர் மாற்றப்பட்டுள்ளார். ஆம்புலன்ஸ் டிரைவர் நெளஃபல் மீது கடத்தல், பட்டியலின சித்திரவதை தடுப்புச்சட்டம் உள்ளிட்டவைகளின் கீழ் வழக்குப்பதிவு செய்யப்பட்டுள்ளது.கேரள சுகாதாரத்துறை அமைச்சர் கே.கே.சைலஜா இந்த வழக்கில் ஆம்புலன்ஸ் டிரைவர் நெளஃபலை காவலில் எடுத்து விசாரணை நடத்த போலீஸார் நடவடிக்கை எடுத்துள்ளனர். கேரள சுகாதாரத்துறை அமைச்சர் கே.கே.சைலஜா உத்தரவின்பேரில் நெளஃபல் ஆம்புலன்ஸ் டிரைவர் பணியில் இருந்து நீக்கப்பட்டார். பாதிக்கப்பட்ட பெண்ணுக்கு தனி அறையில் வைத்து சிகிச்சை அளிக்கப்பட்டு வருகிறது. இதுகுறித்து கேரள சுகாதாரத்துறை அமைச்சர் கே.கே. சைலஜா கூறுகையில், "ஆம்புலன்ஸ் டிரைவரின் இந்த செயல் எதிர்பாரதவிதமானது. கடந்த ஆட்சியில்தான் இந்த டிரைவர் நியமிக்கப்பட்டார். அனைத்து ஆம்புலன்ஸ் டிரைவர்களின் பின்னணிகள் குறித்து விசாரணை நடத்தப்படும். அபாய நிலையில் உள்ள நோயாளிகள் மட்டுமே இரவு நேரத்தில் ஆம்புலன்ஸில் அழைத்துச் செல்லப்படுவார்கள். பெண்களின் பாதுகாப்பு உறுதிப்படுத்தப்படும்" என்றார்.
http://dlvr.it/Rg6rRk

Read More

கேரள செல்ல கட்டாய இ-பாஸ்! - தளர்வுகள் இல்லை... தவிப்பில் ஏலக்காய் விவசாயிகள்

தமிழக கேரள எல்லையில் அமைந்துள்ள கேரளாவின் இடுக்கி மாவட்டத்தில், லட்சக்கணக்கான ஏக்கர் பரப்பளவில் ஏலக்காய் சாகுபடி செய்யப்படுகிறது. இவற்றில் பெரும்பான்மையான ஏலக்காய் தோட்டங்கள், தேனி மாவட்டத்தைச் சேர்ந்த விவசாயிகளுக்குச் சொந்தமானது. கொரோனா ஊரடங்கு பிறப்பிக்கப்பட்ட போது, தங்களுக்குச் சொந்தமான ஏலக்காய் தோட்டங்களுக்கு, விவசாயிகள் சென்றுவர முடியாத நிலை ஏற்பட்டது.குமுளி சோதனைச் சாவடி Also Read: `பேருந்துகள் இயங்க அனுமதி முதல் இ-பாஸ் ரத்து வரை..!’- தமிழக அரசு அறிவிப்பின் முக்கிய அம்சங்கள் இ-பாஸ் முறையிலும் கேரள அரசு, கடுமையாக விதிகளை வகுத்ததால், ஏலக்காய் விவசாயிகள் பெரும் சிரமத்தை சந்தித்தனர். விவசாயிகள் மட்டுமல்லாமல், ஏலக்காய் தோட்டங்களுக்கு தினமும் தேனி மாவட்டத்தில் இருந்து வேலைக்குச் செல்லும் தோட்டத் தொழிலாளர்களும் தங்களது வாழ்வாதாரத்தை இழந்தனர். ஏலக்காய் சீசன் என கூறப்படும் ஜூன், ஜூலை மாதத்தில் தோட்டங்களைச் சீர் செய்து விளைச்சலை பெருக்க முடியாத நிலை உருவானது. இதனால், விவசாயிகள் நஷ்டமடைந்தது மட்டுமல்லாமல், பலரும் தங்களது தோட்டங்களை பராமரிக்காமல் விட்டுவிட்டனர். இ-பாஸ் முறையில் சில தளர்வுகளை அளிக்க வேண்டும் என ஏலக்காய் விவசாயிகள் தொடர்ந்து வலியுறுத்தியும் அதனைக் கேரள அரசு கண்டுகொள்ளவில்லை.குமுளி எல்லைப் பகுதி இந்நிலையில், மாநிலங்களுக்கு இடையேயான பயணத்திற்கு இ-பாஸ் தேவையில்லை என மத்திய அரசு அறிவித்த நிலையில், இடுக்கி மாவட்டத்தில் உள்ள தங்களது ஏலக்காய் தோட்டங்களுக்கு இ-பாஸ் இன்றி எளிதாக சென்றுவர, கேரள அரசு அனுமதி கொடுக்குமா என எதிர்பார்ப்பில் இருந்த ஏலக்காய் விவசாயிகளுக்கு தற்போது ஏமாற்றமே மிஞ்சியுள்ளது. கேரளாவிற்குள் நுழைய இ-பாஸ் நடைமுறை தொடரும் என இடுக்கி மாவட்ட நிர்வாகம் அறிவித்துள்ளது.! Also Read: இடுக்கி கனமழை: `நீரில் மூழ்கிய ஏலக்காய் தோட்டங்கள்!’ - தவிக்கும் தமிழக விவசாயிகள்குமுளி சோதனைச் சாவடிகேரள அதிகாரிகள்மாநிலத்திற்கு வர ’Covid19 Jagratha’ என்ற இணையப் பக்கத்தில், பதிவு செய்ய வேண்டும். அதன் அடிப்படையில், எல்லையில் உள்ள சோதனைச் சாவடியில் அனுமதி கொடுக்கப்படும். இதற்கிடையில், இ-பாஸ் நடைமுறை ரத்து செய்யப்பட்டுவிட்டது என்றும், எல்லைக்குச் செல்லும் அனைவரையும் கேரளாவிற்குள் அனுமதிக்கின்றனர் என்றும் நேற்று வதந்தி பரவியது. இதனை நம்பி, சில ஏலக்காய் விவசாயிகள் மற்றும் தோட்டத் தொழிலாளர்கள் குமுளி சோதனைச் சாவடிக்குச் சென்றனர். அவர்களை தடுத்து நிறுத்திய கேரள வருவாய்துறை அதிகாரிகள், ’இ-பாஸ் இல்லாமல் அனுமதிக்க முடியாது.!’ என்று கூறி திருப்பி அனுப்பினர்.குமுளி சோதனைச் சாவடி Also Read: ‘இ-பாஸ் விதிமுறைகளைக் கடுமையாக்கிய கேரளம்’ - தவிக்கும் தேனி ஏலக்காய் விவசாயிகள்! நம்மிடையே பேசிய ஏலக்காய் விவசாயி ஒருவர், “கொரோனா ஆரம்பித்ததில் இருந்து எங்க தோட்டத்திற்கு சரியா போய் வர முடியல. அங்க இருக்க ஆளுகளை வைத்து தான் வேலை செஞ்சுட்டு இருக்கோம். காய் எடுப்பும், பராமரிப்பும் சரியா பண்ண முடியல. மாநிலங்களுக்கு இடையே இ-பாஸ் தேவையில்லை என மத்திய அரசு அறிவித்தும், கேரள அரசு பிடிவாதமாக இ-பாஸ் வேண்டும் என்றும், இடுக்கி மாவட்டத்திற்குள் வந்தால் கட்டாய 14 நாட்கள் தனிமையில் இருக்க வேண்டும் என்றும் கூறுகின்றது. தோட்டத்திற்கு தொழிலாளர்களை அழைத்துச் சென்றாலும் இதே நிலை தான். இரு மாநில அரசுகளும் பேசி, ஏலக்காய் விவசாயம் நலிவடையாமல் பாதுகாக்க வேண்டும்” என்றார்.குமுளி சோதனைச் சாவடி கேரள வருவாய்துறை அதிகாரிகள் தரப்பில் கேட்ட போது, ``மாநிலத்திற்கு வர ’Covid19 Jagratha’ என்ற இணையப் பக்கத்தில், பதிவு செய்ய வேண்டும். அதன் அடிப்படையில், எல்லையில் உள்ள சோதனைச் சாவடியில் அனுமதி கொடுக்கப்படும். மாநிலத்திற்குள் வந்த பின்னர், கட்டாய 14 நாட்கள் தனிமையில் இருக்க வேண்டும். அதனை, உள்ளூர் பஞ்சாயத்து மற்றும் சுகாதாரத்துறை அதிகாரிகள் மூலம் கண்காணிக்கப்படும். ஏலக்காய் விவசாயிகள், தோட்டங்களில் வேலை செய்ய தொழிலாளர்களை அழைத்துவந்தால், அது குறித்து எழுத்துப் பூர்வமாக எழுதிக் கொடுக்க வேண்டும். எத்தனை தொழிலாளர்களை வேண்டுமானாலும் அழைத்துவரலாம். அவர்களை 14 நாட்கள் தனிமைப்படுத்த தேவையான வசதிகள் உள்ளதா என ஆய்வு செய்து பின்னர் அனுமதி கொடுக்கப்படும். இதில் எந்த மாற்றமும், தளர்வும் இல்லை. அப்படி தளர்வுகள் குறித்து அரசு முடிவெடுத்தால், அது குறித்து தெரிவிக்கப்படும்.” என்றனர்.
http://dlvr.it/Rg6Q9S

Read More

கைவிட்ட தமிழக, கேரள வனத்துறை - வலியுடன் சுற்றித் திரியும் மக்னா யானை!

கேரள மாநிலம், மன்னார்காடு அருகே நாட்டு வெடிகுண்டால் காயமடைந்த கர்ப்பிணி யானை, கடந்த மே மாதம் உயிரிழந்தது. இந்த சம்பவம் நாடு முழுவதும் பேரதிர்ச்சியை ஏற்படுத்தியது. தற்போது அதே மன்னார்காடு அருகே தமிழக – கேரள எல்லையில், அதேபோல நாட்டு வெடிகுண்டால் காயமடைந்த ஓர் மக்னா யானை (தந்தம் இல்லாத ஆண்) வலியுடன் சுற்றி வருகிறது. கோவை மாவட்டம், மருதமலை அருகே வாயில் காயத்துடன் ஒரு மக்னா யானை சாப்பிட கூட முடியாமல் உலாவிக் கொண்டிருந்தது.மக்னா யானை Also Read: காயத்துடன் சுற்றும் மக்னா யானை! - கோவை வனத்துறை முக்கிய அறிவிப்பு தமிழக வனத்துறையினர், அந்த யானையைக் கண்காணித்து வந்ததாகக் கூறிய நிலையில், அந்த யானை கேரள வனப்பகுதிக்குள் சென்றுவிட்டது. அங்கு அந்த யானைக்கு சிகிச்சை அளித்ததாகக் கேரள வனத்துறையினர் கூறினர். ஆனால், மக்னா யானை மீண்டும் தமிழகத்துக்குள் வந்தது. இதையடுத்து,``சிறப்புப் படை அமைத்து, அந்த யானையை தொடர்ந்து கண்காணித்து வருகிறோம். உணவுடன் நோய் எதிர்ப்பு சக்தி மருந்துகளை கொடுத்து வருகிறோம்” என தமிழக வனத்துறையினர் கூறினர். இந்நிலையில், நேற்று கோவை மாங்கரை எஸ்.டி.எஃப் முகாம் அருகே அந்த மக்னா யானை வந்தது.மக்னா யானை அந்த முகாமின் சமையல் செய்யும் இடத்துக்கு மக்னா யானை நுழைந்ததாகவும், இதனால், மக்னா யானையை வாகனத்தில் அதிக சைரன் ஒலியுடனும், பட்டாசு வெடித்தும் விரட்டும் வீடியோ வெளியாகியுள்ளது. வனத்துறை யானை விரட்டும் வீடியோ வனவிலங்கு ஆர்வலர்களிடம் அதிர்ச்சியை ஏற்படுத்தியுள்ளது. இதுகுறித்து வனவிலங்கு ஆர்வலர்கள் கூறுகையில், ``கேரளாவில் அவுட்டுக்காய் வைத்து யானை கொன்றுவிட்டார்களே? என்று அனைவருமே பரிதாபப்பட்டோம். அதே கொடுமை நம் ஊர் யானைகளுக்கு நடக்கும்போது அமைதி காக்கிறோம். மிகக்கொடுமையாக இருக்கிறது. யானை சாகக் கிடக்கும்போது முடிந்தால் சிகிச்சை கொடுப்பார்கள். அதுவரை யானையை விரட்டி விரட்டி அடிப்பார்கள். வாகனத்தை வைத்து ஒலி எழுப்பு மோதுவதும், பட்டாசுகளை வெடித்து யானையை விரட்டியடிப்பதை எந்த விதத்திலும் நியாயப்படுத்த முடியாது. வீடு சேதம் இந்த செயல் யானைகளைக் கோபப்படுத்தும். நேற்று இரவு சின்ன ஜம்புகண்டி அருகே மணி என்பவரது வீட்டை மக்னா யானை உடைத்துவிட்டது. இது வனத்தை ஒட்டி வாழும் பழங்குடி மக்களிடம் அச்சத்தை ஏற்படுத்தும். யானையைத் தொடர்ந்து மேற்கு நோக்கி, அதாவது கேரளாவை நோக்கி விரட்டுகின்றனர். கேரளாவுக்கு சென்றால், அந்த யானையை தமிழகத்துக்கு விரட்டுவார்கள். உண்மையில் அந்த யானைக்கு சிகிச்சையளிக்க இரு மாநில வனத்துறையும் தயாராக இல்லை” என்றனர் வேதனையுடன். Also Read: காயத்துடன் சுற்றும் மக்னா யானை! - கோவை வனத்துறை முக்கிய அறிவிப்பு இதுகுறித்து கோவை மாவட்ட வன அலுவலர் வெங்கடேஷ் கூறுகையில், ``மக்னா யானையின் நாக்குப்பகுதி சிதறி மேல்தாடை கடுமையாக பாதிக்கப்பட்டிருக்கிறது. யானையை மயக்க ஊசி போட்டு பிடித்து, சிகிச்சை அளிக்க வேண்டுமென பலர் கூறுகின்றனர். அப்படி மயக்க ஊசி செலுத்தி பிடித்தால், யானை உயிரிழக்க வாய்ப்புள்ளது. மேலும், வாய்ப்பகுதி முழுவதுமாக சேதமடைந்திருப்பதால் அதனால் எந்த உணவையும் உட்கொள்ள இயலாது.மக்னா யானை கேரள வனத்துறையும், மருத்துவர்களும் கூட மயக்க ஊசி செலுத்தி, அந்த யானைக்கு சிகிச்சை அளிப்பதற்கான எந்த வாய்ப்பும் இல்லை எனகூறியுள்ளனர். தற்போதைய சூழ்நிலைக்கு யானையைத் தொடர்ந்து கண்காணித்து வருகிறோம்” என்றார்.
http://dlvr.it/Rg4tQ7

Read More

பிரஷர் குக்கருக்குள் தங்கம் கடத்தல்!

கேரளா விமான நிலையத்தில் பயணி ஒருவரின் பிரஷர் குக்கரில் மறைத்து வைக்கப்பட்டிருந்த தங்கம் பிடிபட்டது! கோழிக்கோடு விமான நிலையத்தில் நேற்று வழக்கம்போல் பயணிகளை அதிகாரிகள் சோதனை செய்து கொண்டிருந்தனர். அப்போது சவுதி அரேபியாவில் இருந்து வந்த பயணியின் உடைமைகளை சோதித்தனர். அவர் பிரஷர் குக்கர் ஒன்று கொண்டு வந்திருந்தார். அதை திறந்து பார்க்கையில் ஒன்றும் இல்லை. ஆனால் அடிப்பாகம் போலியாக இருந்ததை அதிகாரிகள் கவனித்தனர்.  அதன் கீழ்புறம் பெரிய இடைவெளி இருந்தது தெரியவந்தது. உடனே அந்தப் பயணியை தனியே அழைத்துச் சென்று சோதனையை தீவிரமாக்கினர். அப்போது குக்கரின் அடிப்பாகம் போன்று வைக்கப்பட்டிருந்த தகட்டை அகற்றினர். அதில் தங்கக் கட்டி ஒன்று இருந்துள்ளது. உடனே சம்பந்தப்பட்ட பயணியை கைது செய்தனர். அந்த தங்கம் 700 கிராம் எடை கொண்டது. இதன் மதிப்பு சுமார் ரூ.36 லட்சம் என்று தெரியவந்தது. தொடர்ந்து பயணியிடம் விசாரிக்கையில், அவர் மலப்புரம் பகுதியைச் சேர்ந்த டி.ஹம்சா என்றும், சவுதி அரேபியாவின் ஜெட்டா நகரில் இருந்து வந்ததும் கண்டறியப்பட்டது. இதையடுத்து விமான புலனாய்வு துறை பி பேட்ச் அதிகாரிகள் தங்கத்தைப் பறிமுதல் செய்தனர்.   AIU Calicut seized 700gm gold valued at Rs.32.67 Lakhs from a pax travelling by flight SG 9760 from Jeddah. The gold was concealed inside a pressure cooker. One pax has been arrested & further investigation is in progress@cbic_india@cgstcustvm#IndianCustomsAtWork pic.twitter.com/PuAMyxAoza — Commissionerate of Customs (Preventive), Cochin (@ccphqrskochi) September 5, 2020  
http://dlvr.it/Rg3sTx

Read More

காற்றை சுத்தப்படுத்தும் தொழில்நுட்பம் கொண்ட மாஸ்க்..!

காற்றை சுத்தப்படுத்தும் தொழில்நுட்பம் கொண்ட மாஸ்கை எல்ஜி நிறுவனம் அறிமுகம் செய்தது உலகமே கொரோனாவால் ஸ்தம்பித்துக் கொண்டிருக்கும் காலக்கட்டம் இது. வெளியே செல்லும்போது நம்மை பாதுகாக்க மாஸ்க் கட்டாயம் அணியவேண்டும் என அரசு வலியுறுத்தி வருகிறது. நம் வாழ்க்கை முறையில் மாஸ்க் என்பதும் கட்டாயமாகியுள்ளது. இந்த சூழ்நிலையில் விதவிதமான வித்தியாசமான மாஸ்க்குகள் தயாரிக்கப்பட்டு வருகின்றன. எல்இடி மாஸ்குகள், தங்க மாஸ்க், வைர மாஸ்க் என பல மாஸ்குகள் கவனத்தை பெறுவதற்காகவே வெளியாகியுள்ளன. ஆனால் அறிவியல் சார்ந்த தொழில்நுட்ப உதவியுடன் தற்போது ஒரு மாஸ்க் தயாராகியுள்ளது. பிரபல நிறுவனமான எல்ஜி இந்த காற்றை சுத்தப்படுத்தும் மாஸ்கை உருவாக்கியுள்ளது. ஒவ்வொரு வருடமும் பெர்லினில் வீட்டு தொழில்நுட்பத்துடன் பயன்படுத்தக் கூடிய வீட்டு உபயோகப் பொருட்களின் கண்காட்சி நடத்தப்படும். அதன்படி இந்த ஆண்டுக்கான கண்காட்சியும் நடத்தப்பட்டது. ஆனால் கொரோனா அச்சுறுத்தல் காரணமாக பொதுமக்கள் வழக்கம்போல் அனுமதிக்கப்படவில்லை. இந்தக் கண்காட்சியில் காற்றை சுத்தப்படுத்தும் தொழில்நுட்பம் கொண்ட மாஸ்கை எல்ஜி நிறுவனம் அறிமுகம் செய்தது. இந்த மாஸ்கில் H13 HEPA காற்று வடிகட்டிகள் பயன்படுத்தப்படுகின்றன. இந்த தொழில்நுட்பம் தான் வீடுகளில் பயன்படுத்தப்படும் ஏர் புயூரிபயர்களில் பயன்படுத்தப்படுகின்றன. அணிந்திருப்பவரின் மூச்சு வேகத்துக்கு ஏற்ப செயல்படவும் இந்த மாஸ்க் உருவாக்கப்பட்டுள்ளது. இதில் 8 மணி நேரத்திற்கும் அதிகமாக தாங்கக் கூடிய பேட்டரியும் பொருத்தப்பட்டுள்ளது. கண்காட்சியில் அறிமுகம் செய்யப்பட்டாலும் இந்த மாஸ்க் விலை மற்றும் சந்தைகளில் எப்போது கிடைக்கும் போன்ற தகவல்கள் வெளியாகவில்லை
http://dlvr.it/Rg3sQs

Read More

வ.உ.சி பிறந்தநாள்: தலைவர்கள் வாழ்த்து!

இந்திய நாட்டின் விடுதலைக்காகப் பாடுபட்ட வ.உ.சிதம்பரனாரரின் 149-ஆவது பிறந்தநாளையொட்டி அரசியல் கட்சித் தலைவர்கள் வாழ்த்து தெரிவித்துள்ளனர். மு.க.ஸ்டாலின், திமுக தலைவர் “சுதேசி ஸ்டீம் நேவிகேஷன் கம்பெனி” என்ற சுதேசிய கப்பல் நிறுவனத்தை உருவாக்கி பிரிட்டிஷ் அரசின் கப்பல் வணிகத்தின் பொருளாதாரச் செல்வாக்குக்கு, மிகப் பெரிய சவாலாகத் திகழ்ந்தவர் வ.உ.சி! உரிமைக்காகப் போராடவும் வாதாடவும் சிறை செல்லவும் தயங்காத தியாகத்தின் திருவுருவான வ.உ.சிதம்பரனாரின் நினைவை நெஞ்சில் ஏந்திப் போற்றுவோம்! டிடிவி தினகரன், அமமுக பொதுச்செயலாளர்   உரிமைகளை மீட்டெடுக்க தன் சொத்துகள் அனைத்தையும் இழந்து, இந்த தேசத்தின் விடுதலைக்காக சிறைக்கொட்டடியில் சித்ரவதைகளை அனுபவித்த தியாக சீலர், வரலாற்றில் வாழும் போராளி வ.உ.சி அவர்களை வணங்கி போற்றுகிறேன். கனிமொழி, எம்.பி. ஆங்கிலேயர்களுக்கு எதிரான உள்நாட்டு கப்பல் நிறுவனத்தை தொடங்கி, தூத்துக்குடி நூற்பாலை வேலைநிறுத்தத்தை வெற்றிகரமாக நடத்தி, வெள்ளையர்களுக்கு சிம்மசொப்பனமாக திகழ்ந்த வ.உ.சிதம்பரனாரின் 149வது பிறந்தநாளில் அவர் நினைவை போற்றுவோம். 
http://dlvr.it/Rg2Q84

Read More