இந்தியாவில் 87 மில்லியன் பெண்கள் தீவிர வறுமையில் உள்ளனர் : ஐநா

இந்தியாவில் தற்போது 87 மில்லியன் பெண்கள் தீவிர வறுமை நிலையில் உள்ளதாகவும், கோவிட்-19 நெருக்கடி காரணமாக 2021ஆம் ஆண்டில் இந்த எண்ணிக்கை 100 மில்லியனாக உயரும் என்றும் ஐநா அறிக்கை கூறியுள்ளது.  ஐநா சபையின் பெண்கள் குறித்த வளர்ச்சித்திட்ட அறிக்கையின்படி 129 நாடுகளில் எடுக்கப்பட்ட இந்த தரவுகளில் 2021 ஆம் ஆண்டில் மட்டும் உலகம் முழுவதும் 96 மில்லியன் மக்கள் தீவிர வறுமையால் பாதிக்கப்படும் வாய்ப்பிருப்பதாக கணிக்கப்பட்டுள்ளது. இதில் 47 மில்லியன் பேர் பெண்கள் மற்றும் குழந்தைகள் என்றும் கூறப்பட்டுள்ளது. இந்தியாவில் கொரோனாவுக்கு முன்பாக தீவிர வறுமையால் பாதிக்கப்பட்டிருந்தோர் சதவீதம் பெண்களில் 13.3% ஆகவும், ஆண்களில் 12.1%ஆகவும் இருந்தது. இதுவே 2021 ஆம் ஆண்டில் இந்த எண்ணிக்கை பெண்களில் 14.7% ஆகவும், ஆண்களில் 13.7% ஆகவும் உயரும் என்று கணிக்கப்பட்டுள்ளது. ஒரு நாளைக்கு 1.90 டாலருக்கு குறைவான தொகையில் வாழும் மக்கள் வறுமைக்கோட்டுக்கு கீழ் உள்ளவர்கள் என்று இந்த கருத்துக்கணிப்பின் கணக்கில் கொள்ளப்பட்டுள்ளது. 129 நாடுகளில் எடுக்கப்பட்ட இந்த ஆய்வுகள் என்பது உலக மக்கள் தொகையில் 89 சதவீத பேரிடம் எடுக்கப்பட்டுள்ளது. உலக அளவில் 2019ஆம் ஆண்டில் 398.5 மில்லியன் பெண்கள் தீவிர வறுமையில் இருந்தனர், இது 2020 ஆம் ஆண்டில் 409 மில்லியனாக உயரும் என்று கணிக்கப்பட்டது. ஆனால் கொரோனா நெருக்கடி காரணமாக 2021ஆம் ஆண்டில் 435 மில்லியனாக இந்த எண்ணிக்கை உயரும் என எதிர்பார்க்கப்படுகிறது. கொரோனா நெருக்கடியால் உருவான விளைவுகள் வரும் 2030 ஆம் ஆண்டுவரை குறைய வாய்ப்பில்லை என்றும் இந்த அறிக்கை கூறியுள்ளது.
http://dlvr.it/RgdWC7

Read More

இப்படியொரு கருணையா!! மற்றொரு நோயாளியைக் காப்பாற்ற தன் உயிரை பணயம் வைத்த மருத்துவர்

குஜராத் மாநிலம், சூரத்தைச் சேர்ந்த மயக்க மருந்து நிபுணரான சங்கெத் மேக்தா என்பவருக்கு கொரோனா பாதிப்பு ஏற்பட்டதால் மருத்துவமனையில் 42 நாட்களுக்கு முன்பு அனுமதிக்கப்பட்டார். இவருடன் மருத்துவமனையில் அனுமதிக்கப்பட்டிருந்த 65 வயது முதியவருக்கு நிலைமை மோசமாகவே தனக்குக் கொடுக்கப்பட்டிருந்த ஆக்ஸிஜனை 15-20 நிமிடங்கள் அந்த நோயாளிக்குக் கொடுத்தார். அதனால் அந்த நோயாளி காப்பாற்றப்பட்டார். பொதுவாகவே மயக்கமருந்து நிபுணர்கள் இக்குபேஷன் செயல்முறையில் தேறியவர்களாக இருப்பார்கள். எனவே சங்கெத் தைரியமாக இந்த செயலை செய்துள்ளார். ஆனால் 15-20 நிமிடங்கள் ஆக்ஸிஜன் உதவி இல்லாமல் இருந்ததால் அவருடைய நிலைமை மோசமானது. எனவே வெண்டிலேட்டரில் அனுமதிக்கப்பட்டார். ஆனால், அவருக்கு கூடுதல் ஆக்ஸிஜன் உதவி தேவைப்படவே அவரை சென்னையில் உள்ள எம்.ஜி.எம் மருத்துவமனைக்கு மாற்ற மருத்துவர்கள் அறிவுறுத்தி இருக்கின்றனர். ஞாயிற்றுக்கிழமை விமான ஆம்புலன்ஸ் மூலம் சென்னை வந்த அவருக்கு நுரையீரல் செயலிழந்து விட்டதாக சென்னை மருத்துவர்கள் கூறிவிட்டனர். நுரையீரல் மாற்று அறுவைசிகிச்சை செய்தால் மட்டுமே அவரைக் காப்பாற்ற முடியும் எனவும் கூறிவிட்டனர். அதற்கு குறைந்தது 1.5 கோடி செலவாகும் என்பதால், அவருடைய நண்பர்கள் நன்கொடை சேர்க்கத் தொடங்கியுள்ளனர். மற்றொரு நோயாளியின் உயிரைக் காப்பாற்ற தன்னுடைய உயிரையே பணயம் வைத்துள்ளார் இந்த மருத்துவர்.
http://dlvr.it/RgbVK7

Read More

`` `வைரஸ் வருது'ன்னு கிண்டல் பண்ணுவாங்க!" கேரளப் பெண் `கொரோனா' ஜாலி பேட்டி

``கொரோனா... சீக்கிரம் இங்கே வா..." - பொதுவிடம் ஒன்றில் யாரோ யாரையோ அழைக்க, கழுத்தொடிய சட்டெனத் திரும்பிப் பார்க்கிறார்கள் மக்கள். 34 வயது இல்லத்தரசி கொரோனா, கொஞ்சம் கூச்சமும் கொஞ்சம் சிரிப்புமாக அனைவரின் பார்வையையும் கடந்துசெல்கிறார். ஆம்... அவர் பெயரே கொரோனாதான்! கொரோனா வைரஸ் உலகையே ஆட்டிப்படைத்துக்கொண்டிருக்கும் வேளையில், கேரளப் பெண் கொரோனாவிடம் பேசினோம். கேரள மாநிலம், கோட்டயத்தில் வசிக்கிறார் கொரோனா. ``எங்கள் ஊரில் இப்போது என்னை `வைரஸ் வருது', `கோ கொரோனா கோ' என்றெல்லாம் கிண்டல் செய்கிறார்கள்'' என்று சிரித்தபடியே ஜாலியாகப் பேசினார் கொரோனா. ``நான் பிறந்தது ஆலப்புழா மாவட்டத்தில் உள்ள கரிப்பாடு, முத்துக்குளம். கணவர் ஊர் கோட்டயம் மாவட்டத்தில் உள்ள சுங்கம்.கணவன் குழந்தைகளுடன் கொரோனா நான் பிறந்த மூன்றாவது மாதம் ஞானஸ்தானம் எடுக்க என் அம்மாவும் அப்பாவும் எங்கள் ஊரில் உள்ள சென் செபாஸ்டின் சர்ச்சுக்கு என்னை தூக்கிச் சென்றார்கள். அப்போது சர்ச்சில் இருந்த போதகர் எனக்கு `கொரோனா' என்று பெயர் வைத்தார். `கொரோனா' என்றால் `கிரீடம் (Crown)' என்று அர்த்தம் சொன்னார்கள். எனக்கு இப்போது 34 வயதாகிறது. இத்தனை வருடங்களாக நார்மலான பெயராகயிருந்த என் பெயர், கொரோனா வைரஸ் உலகில் காலடி எடுத்துவைத்த நாளிலிருந்து ஜாலி பெயராகிவிட்டது. என் கணவர், பிள்ளைகளிலிருந்து ஊர்க்காரர்கள் வரை என்னை ஒரே கேலி, கிண்டல்தான்! என் கணவர் ஷைன் தாமஸ், மீன்பிடி தொழில் செய்கிறார். கெவின், நவீன் என இரண்டு குழந்தைகள். இப்போது வீட்டுக்குள் நான் நடமாடும்போதெல்லாம், `வைரஸ் வருது' என்கிறார் கணவர், குழந்தைகளுடன் சேர்ந்து சிரித்தபடி. என் இளைய மகன் என்னை, `கொரோனா அம்மே' என்றே விளிக்கிறான். `வைரஸ் நிக்குது பாருங்க... எல்லாரும் பத்தடி தள்ளி நில்லுங்க' என்று ஜாலி செய்கிறார்கள் அக்கம் பக்கத்தினர். வீட்டுப் பக்கத்தில் உள்ள குழந்தைகள் என்னைக் காணும்போதெல்லாம், `கோ கொரோனா கோ' என்று பாடுகிறார்கள். அவங்க களியாக்கும்ப (கேலிபண்ண) நானும் சிரித்துக்கொண்டே போயிடுவேன்" என்றார்.குடும்பத்தினருடன் கொரோனா கொரோனா வந்து ஆறு மாதங்களுக்கு மேல் ஆகும் நிலையில், திடீரென அவர் பெயர் சோஷியல் மீடியாவில் வைரல் ஆனது எப்படி என்பது குறித்துக் கேட்டோம். ``என் கணவரின் நண்பர் ஒருவர் யூடியூப் சேனல் நடத்துகிறார். செப்டர்ம்பர் 1-ம் தேதி எங்கள் வீட்டுக்கு வந்த அவர், நாங்கள் பேசிக்கொண்டிருந்ததைக் கேட்டுவிட்டு, `உங்க பெயர் கொரோனாவா?' என்று ஆச்சர்யமானார். உடனே என்னைப் பற்றிய விவரங்களைக் கேட்டு, வீடியோ எடுத்தார். இரண்டு, மூன்று நாள்களில் அதை யூடியூபில் போட்டார். அதைப் பார்த்துவிட்டுத்தான் பத்திரிகைகளிலிருந்து பேசினார்கள். இப்போது ரேடியோ, சேனலிலிருந்து எல்லாம் வந்து பேட்டி எடுக்கிறார்கள். நான் பத்தாம் வகுப்புவரை படித்திருக்கிறேன். என் பெயரை மலையாளத்தில் எழுதும்போது `கொரோனா' என்ற ஒலியிலோ, எழுத்திலோ எந்த வேறுபாடும் இல்லை. ஆங்கிலத்தில் எழுதும்போது, முதல் எழுத்து `K' ஆக இருக்கும். அதாவது, `Korona'. வங்கி, மருத்துவமனை என நான் வெளியிடங்களில் விண்ணப்பங்களில், ஃபைல்களில் என் பெயரை எழுதும்போது, `Corona' என்று அவர்கள் எழுதுவதை நான் `Korona' என்று மாற்றிக்கொடுப்பேன். இது கொரோனா வைரஸுக்கு முந்தைய கதை. கொரோனா லாக்டௌனால் இப்போது நான் வீட்டைவிட்டு எங்கேயும் போகவில்லை. இனி கொரோனா முடிந்து நான் வெளியே போகும்போது, என் பெயரை விண்ணங்கள், ரெஜிஸ்டர்களில் எழுதும்போது, எல்லோரும் ஆர்வமாகி நிச்சயம் என் பெயர் கதையை கேட்பார்கள் என்பதில் சந்தேகமில்லை. இதெல்லாம் எல்லோருக்கும் கிடைக்குமா என்ன? அதனால் சந்தோஷம்தான்!" ஜாலியாகச் சிரிக்கிறார் கொரோனா!
http://dlvr.it/RgZHL6

Read More

59 லட்ச ரூபாய்க்கு ஏலம் போன ஆபிரகாம் லிங்கனின் தலை முடி

முன்னாள் அமெரிக்க அதிபர் ஆபிரகாம் லிங்கனின் தலை முடி 59 லட்ச ரூபாய்க்கு ஏலம் போயுள்ளது. அமெரிக்காவின் 16வது அதிபராக இருந்தவர் ஆபிரகாம் லிங்கன். அடிமை முறையை ஒழிக்க உழைத்தவர். அதிபரான பிறகும் தன்னடக்கத்தோடு செயல்பட்டவர். ஜனநாயகம் என்றால் என்ன என்பதை தனது உரையின் மூலம் விளக்கியவர்.  அவர் 1865ஆம் ஆண்டு OUR AMERICAN COUSIN என்ற மேடை நாடகத்தை பார்த்துக் கொண்டிருந்த போது நாடக கலைஞர் ஜான் பூத் என்பவரால் சுட்டுக் கொல்லப்பட்டார்.  அவரது உடல் பிரேத பரிசோதனை செய்யப்பட போது ஐந்து சென்டிமீட்டர் நீளமுள்ள தலை முடி அகற்றி எடுக்கப்பட்டது. லிங்கனின் மனைவி மேரி டோட் தனது உறவினர் லிமான் பீச்சர் டோடுக்கு அதனை லிங்கனின் நினைவாக கொடுத்துள்ளார். ரத்தக் கரை படிந்த உரை கொண்ட தபால் மூலம் அனுப்பப்பட்ட அந்த முடியை லிமான் குடும்பத்தினர் பத்திரமாக  பாதுகாத்து வந்துள்ளனர்.  பின்னர் அது விற்கப்பட்டுள்ளது. இந்நிலையில் பாஸ்டன் நகரில் உள்ள ஏல கம்பெனி ஒன்று லிங்கனின் தலைமுடியை ஏலத்தில் விட்டுள்ளது.  சுமார் 59 லட்ச ரூபாய்க்கு லிங்கனின் தலைமுடி ஏலம் எடுக்கப்பட்டுள்ளது. ஏலத்தில் எடுத்தவரின் பெயரை ஏல கம்பெனி வெளியிடாமல் ரகசியமாக வைத்துள்ளது.
http://dlvr.it/RgYl6s

Read More

‘ஆன்மிக பெரியாரின் ஆட்சி மலரட்டும்’ - போஸ்டர் அடித்த ரஜினி ரசிகர்கள்

‘ஆன்மிக பெரியாரின் ஆட்சி மலரட்டும்’ என நடிகர் ரஜினி ரசிகர்கள் மதுரையில் போஸ்டர் ஒட்டியுள்ளனர். சென்னையில் நடிகர் ரஜினிகாந்த் கடைசியாக செய்தியாளர்களிடம் பேசிய போது “தமிழக இளைஞர்களிடம் எழுச்சி ஏற்பட்ட பிறகே, நான் அரசியலுக்கு வருவேன். மேலும் அரசியல் மாற்றம் இப்போது இல்லையென்றால் எப்போதும் இல்லை” என தெரிவித்திருந்தார். அப்போதிலிருந்த நடிகர் ரஜினிகாந்த் விரைவில் கட்சி ஆரம்பித்து தனது அரசியல் பயணத்தை தொடங்குவார் என அவரது ஆதரவாளர்கள் கூறிவந்தனர். இந்நிலையில் ரஜினியை அரசியலில் மைப்படுத்தும் விதமாக ‘நல்லவர் பின்னாலே நாடே வரும் தன்னாலே’, ‘எம்.ஜி.ஆர் போல இல்லையென்றாலும் எம்.ஜி.ஆரின் ஆட்சியை தருவேன்’ எனவும் ரஜினி ரசிகர்களால் போஸ்டர்கள் ஒட்டப்பட்டன. இதனையடுத்து ரசிகர்கள் போஸ்டர்கள் ஒட்ட வேண்டாம் என ரஜினி மக்கள் மன்ற தலைமை நிர்வாகி சுதாகர் கேட்டுக்கொண்டார். இந்நிலையில் மதுரையில் ரஜினி ரசிகர்கள் ‘கடவுள் நிந்தனை ஒழியட்டும், ஆன்மீக ஆட்சி மலரட்டும்’, ‘ஆன்மீக பெரியாரின் ஆட்சி மலரட்டும்’, ‘அரசியல் மாற்றம் இப்ப இல்லைனா எப்பவும் இல்ல’ ஆகிய வாசகங்கள் அடங்கிய போஸ்டர்களை போட்டியுள்ளனர்.
http://dlvr.it/RgWJnx

Read More

போதை மருந்து பரிசோதனைக்கான சிறுநீரில் தண்ணீரை கலந்த நடிகை ராகினி - அதிகாரிகள் குற்றசாட்டு

போதைப் பொருள் பயன்படுத்தியதாக கைது செய்யப்பட்ட நடிகை ராகினி, அவருக்கு எடுக்கப்பட்ட சிறுநீர் பரிசோதனையின்போது சிறுநீருடன் தண்ணீரைக் கலந்து கொடுத்ததாக அதிகாரிகள் குற்றம் சாட்டியுள்ளனர். கடந்த 4ஆம் தேதி போதைப் பொருள் பயன்படுத்தியதற்காக கன்னட நடிகை ராகினி திவேதியை பெங்களூர் போதைத் தடுப்பு பிரிவு அதிகாரிகள் கைது செய்தனர். அவர் போதைப் பொருள் உட்கொண்டாரா என்பதைச் சோதனை செய்ய கடந்த வாரம் அவருக்கு கே.சி பொது மருத்துவமனையில் பரிசோதனைகள் மேற்கொள்ளப்பட்டது.   அப்போது பரிசோதனைக்காக எடுக்கப்பட்ட ராகினியின் சிறுநீரில் தண்ணீர் கலந்திருப்பதை மருத்துவர்கள் கணடறிந்தனர். இதனை அவர்கள் ராகினி கொடுத்த சிறுநீரின் வெப்ப அளவை வைத்துக் கண்டறிந்தனர். இதனையடுத்து அதிக தண்ணீரை குடித்த ராகினி மீண்டும் சிறுநீர் பரிசோதனைக்கு உட்படுத்தப்பட்டார். மேலும் அதிகாரிகள் தரப்பில் கூறும் போது, “ ராகினிக்கும், ஆப்பிரிக்க நாட்டைச் சேர்ந்தவராகச் சொல்லப்படும் சிமோன் என்பவருக்கும் தொடர்பு இருப்பதாக தெரிகிறது. போதைப் பொருள் தொடர்பான தகவல்களை பரிமாறுவதற்கு பிரேத்யக கோடுகளை ராகினி பயன்படுத்தியுள்ளார். இதனைத் தொடர்ந்துதான் அவருக்கு சிறுநீர் பரிசோதனை செய்ய முடிவெடுத்தோம். சிறுநீர் மற்றும் தலைமுடி பரிசோதனை முடிவுகளை வைத்து, சில குறிப்பிட்ட கால இடைவெளியில் சம்பந்தப்பட்ட நபர் என்ன விதமான போதை பொருளை உட்கொண்டார் என்பதைக் கண்டறிய முடியும்” என்றனர். ராகினியிடம் இருந்து தலைமுடி பரிசோதனைக்காக வாங்கப்பட்டதாக என்பதை அதிகாரிகள் இன்னும் உறுதி செய்யவில்லை.
http://dlvr.it/RgWJlc

Read More

கேரளாவுடனான நீர்பங்கீட்டுச் சிக்கல்கள்... எடப்பாடி பழனிசாமியின் வியூகம் என்ன?

முல்லைப்பெரியாறு உள்பட கேரளாவுக்கும் தமிழ்நாட்டுக்கும் இடையே தண்ணீர் தொடர்பான பல பிரச்னைகள் நீண்டகாலமாக நிலுவையில் உள்ளன. கோவை மாவட்ட மக்களுக்கு குடிநீர் வழங்கும் சிறுவாணி அணை, பரம்பிக்குளம் – ஆழியாறு, ஆணை மலையாறு, பாண்டியாறு – புன்னம்புழா உள்ளிட்ட தண்ணீர் பிரச்னைகள் நீண்டகாலமாக நிலுவையில் உள்ளன. கன்னியாகுமரி மாவட்டத்தில் நெய்யாறு இடதுகரை கால்வாயில் தண்ணீர் திறந்துவிடுவது உள்ளிட்ட பிரச்னைகளும் கேரளாவுக்கும் தமிழ்நாட்டுக்கும் இடையே இருந்துவருகின்றன. தீர்வு காணப்படாத இந்தப் பிரச்னைகளால், பருவமழைக் காலத்தில் கிடைக்கும் பெருவாரியான மழைநீர் இரு மாநில மக்களுக்கும் பயன்படாமல் கடலில் கலந்துவருகிறது.பவானி ஆறு கேரளா மற்றும் தமிழ்நாடு இடையே தண்ணீர் தொடர்பான பிரச்னைகளில் இரு மாநிலங்களிலும் ஆதரவு நிலை, எதிர்ப்பு நிலை என இரண்டுமே இருந்துவருகின்றன. கடலில் கலக்கும் தண்ணீரை விவசாயம் உள்ளிட்ட மக்கள் பயன்பாட்டுக்குத் திருப்பிவிட நடவடிக்கை எடுக்க வேண்டும் என்று இரு மாநில விவசாயிகளும் தொடர்ந்து வலியுறுத்திவருகின்றனர். இந்த நிலையில், இரண்டு ஆண்டுகளுக்கு முன்பு சென்னை வந்த கேரள முதல்வர் பினராயி விஜயன், தமிழக முதல்வர் எடப்பாடி பழனிசாமியைச் சந்தித்தார். அப்போது, கேரளாவுக்கும் தமிழ்நாட்டுக்கும் இடையே நீண்டகாலமாகத் தீர்வுகாணப்படாமல் இருக்கும் தண்ணீர் பிரச்னைகள் தீர்க்கப்பட வேண்டும் என்று எடப்பாடி பழனிசாமி முன்வைத்த கோரிக்கையை பினராயி விஜயன் ஏற்றுக்கொண்டார். Also Read: `எங்கள் சாதனைகளை எடுத்துச் சொல்ல ஸ்டாலின் உதவுகிறார்!’ - எடப்பாடி பழனிசாமி #VikatanExclusive நதிநீர் பிரச்னை தொடர்பாக பேச்சுவார்த்தை நடத்த இரு மாநில முதல்வர்களும் ஒப்புதல் அளித்ததைத் தொடர்ந்து இரு மாநில அதிகாரிகள் மட்டத்தில் முதற்கட்ட பேச்சுவார்த்தை நடந்தது. தமிழக பொதுப்பணித் துறை மற்றும் கேரள பொதுப்பணித் துறை அதிகாரிகள் மட்டத்தில் பேச்சுவார்த்தை நடந்தது. அதைத் தொடர்ந்து இரு மாநில முதல்வர்களும் சந்தித்துப் பேசுவதென்று முடிவுசெய்யப்பட்டது.பினராயி விஜயன் தமிழக முதல்வர் எடப்பாடி பழனிசாமியும் கேரள முதல்வர் பினராயி விஜயனும் கடந்த ஆண்டு திருவனந்தபுரத்தில் சந்தித்துப் பேசினர். முதல்வர் எடப்பாடி பழனிசாமியுடன் மின் துறை அமைச்சர் தங்கமணி, ஊரக வளர்ச்சித் துறை அமைச்சர் வேலுமணி, சுற்றுச்சூழல் துறை அமைச்சர் கருப்பணன், துணை சபாநாயகர் பொள்ளாச்சி ஜெயராமன், தமிழக அரசின் தலைமைச் செயலாளர் சண்முகம், முதல்வரின் முதன்மைச் செயலாளர் சாய்குமார் ஆகியோரும் சென்றனர். கேரள முதல்வர் பினராயி விஜயன், கேரள நீர்ப்பாசனத் துறை அமைச்சர் கிருஷ்ணன் குட்டி மற்றும் பொதுப்பணித் துறை, மின் துறை அதிகாரிகள் ஆகியோர் பேச்சுவார்த்தையில் கலந்துகொண்டனர். அந்தப் பேச்சுவார்த்தை மிகவும் சுமூகமான முறையில் நடந்துமுடிந்தது. இரு மாநில அதிகாரிகளைக் கொண்ட உயர்மட்டக்குழு அமைக்கப்பட்டது. அதன் பலனாக, தமிழ்நாடு விவசாயிகளுக்குப் பயனளிக்கக்கூடிய பாண்டியாறு – புன்னம்புழா திட்டத்தை செயல்படுத்துவதற்கு தமிழ்நாடு மற்றும் கேரளா அரசுகள் கூட்டாக முடிவுசெய்துள்ளன. நீலகிரி மாவட்டம் கூடலூர் அருகே அமைந்துள்ள தோவாலா, இரண்டாவது சிரபுஞ்சி என்று அழைக்கப்படுகிறது. அங்கு, ஆண்டுக்கு சராசரியாக 7,000 மி.மீ மழை பெய்கிறது. தோவாலா, பந்தலூர், ஓவேலி ஆகிய பகுதிகளில் பெய்யும் மழைநீர் பாண்டியாற்றில் கலக்கிறது. பாண்டியாறு, மேற்கு நோக்கிப் பாய்ந்து கேரளாவில் உள்ள சாலியாற்றில் கலந்து, நிலாம்பூர் வழியாக கோழிக்கோடு அருகே கடலில் கலக்கிறது. தமிழகத்தில் உருவாகி கேரளாவில் கடலில் கலக்கும் பாண்டியாற்று தண்ணீரை முறையாகப் பயன்படுத்தினால், தமிழ்நாட்டுக்குத் தேவையான நீராதாரம் மேம்படும். எனவே, இந்தத் தண்ணீரைத் தமிழகத்துக்குப் பயன்படும் வகையில் திருப்பிவிட வேண்டும் என்ற கோரிக்கை நீண்டகாலமாக இருந்துவருகிறது.எடப்பாடி பழனிசாமி 1967-ம் ஆண்டு பாண்டியாறு – புன்னம்புழா நீர்த்தேக்கத்திட்டம் குறித்து கேரள அரசுடன் தமிழ்நாடு ஒப்பந்தம் செய்துகொண்டது. ஆனால், சுற்றுச்சூழல் போன்ற காரணங்களால் அத்திட்டம் கிடப்பில் போடப்பட்டது. `கேரளாவில் கடலில் கலக்கும் பாண்டியாற்று தண்ணீரை தமிழகத்துக்குத் திருப்பினால், இங்கு பல வகைகளில் அது பயன்படும். தண்ணீர் தேவையை அது நிறைவேற்றுவதுடன், மின்சாரம் தயாரிக்கவும் பயன்படும். தமிழ்நாடு - கேரளா எல்லையில் தடுப்பணைக் கட்டி, கிழக்கு நோக்கி பாண்டியாற்றைத் திருப்பினால் தமிழகத்துக்கு 14 டி.எம்.சி தண்ணீர் கிடைக்கும். மேலும், பாண்டியாறு – புன்னம்புழா திட்டத்தால் கிடைக்கும் தண்ணீர் பவானி பாசனங்களின் தண்ணீர் பற்றாக்குறையைத் தீர்க்கும்’ என்று தமிழக விவசாயிகள் கூறிவருகின்றனர். Also Read: ‘ராம ஜென்மபூமி’க்கு அடுத்து ‘கிருஷ்ண ஜென்ம பூமி’யா?' கடந்த ஆண்டு இரு மாநில முதல்வர்களும் திருவனந்தபுரத்தில் சந்தித்து நடத்திய பேச்சுவார்த்தையில் சுமூக உடன்பாடு எட்டப்பட்டது. அதன் பிறகு, இப்போது இரு மாநில அதிகாரிகளுக்கும் இடையே நேற்று (செப்டம்பர் 11-ம் தேதி) பேச்சுவார்த்தை நடந்துள்ளது. நீர்ப்பாசனத்துறை மற்றும் மின்சாரத்துறை ஆகியவற்றின் உயர் அதிகாரிகள் சுமார் ஆறு மணி நேரம் நடைபெற்ற அந்தப் பேச்சுவார்த்தையில், மேற்கு மாவட்டங்களுக்கு பயனளிக்கக்கூடிய பரம்பிக்குளம் - ஆழியாறு திட்டம் குறித்தும் விவாதிக்கப்பட்டிருக்கிறது.ஆழியாறு இது குறித்து தமிழக அரசின் அதிகாரிகளிடம் பேசியபோது, ``இரு மாநில அதிகாரிகளின் பேச்சுவார்த்தையில் நல்ல முன்னேற்றம் காணப்பட்டது. இந்தப் பிரச்னை விரைவில் தீர்க்கப்படும். முதலில், இந்தப் பிரச்னைகள் தொடர்பாக தமிழக விவசாயிகளும் சில அமைப்புகளும் முதல்வரிடம் கோரிக்கை முன்வைத்ததைத் தொடர்ந்து கேரள உயர் அதிகாரிகளிடம் பேச்சுவார்த்தை நடத்துவதற்கு முதல்வர் உத்தரவிட்டார். அத்துடன், அவரே கேரளாவுக்குச் சென்று அந்த மாநில முதல்வருடன் பேச்சுவார்த்தை நடத்தினார். ஈகோ இல்லாத முதல்வராக எடப்பாடி பழனிசாமி இருப்பதால்தான் இதெல்லாம் சாத்தியமாகிவருகிறது” என்றனர். இந்தப் பிரச்னைகளில் முழுமையாக சாதிக்க வேண்டுமென்றால், இந்தப் பேச்சுவார்த்தை நடவடிக்கையை கேரளாவுடன் இன்னும் தொடர்ந்து முன்னெடுக்க வேண்டிய அவசியம் இருக்கிறது.
http://dlvr.it/RgW0GH

Read More