லக்னோவில் பாலியல் வன்கொடுமை; புகாரளிக்க 800 கி.மீ. பயணம்! - உ.பி.யில் பாதிக்கப்பட்ட நேபாள பெண்

"போலீஸில் புகாரளித்தால், வீடியோவை வைரலாக்கிவிடுவேன்" பாலியல் வன்கொடுமை செய்த இளைஞர் மிரட்டியதால், 22 வயதான நேபாள பெண் ஒருவர் தனக்கு நேர்ந்த கொடுமையை போலீஸில் புகாரளிக்க உத்திர பிரதேச மாநிலம் லக்னோவிலிருந்து 800 கி.மீ தூரம் காரில் பயணம் செய்து மகாராஷ்டிரா மாநிலம் நாக்பூர் கோரடி காவல் நிலையத்தில் புகார் அளித்த சம்பவம் பெரும் அதிர்ச்சியை ஏற்படுத்தி உள்ளது. உத்திர பிரதேச மாநிலம் ஹத்ராஸில் 19 வயது இளம்பெண் பாலியல் வன்கொடுமை செய்யப்பட்டதுடன், கொடூரமாக தாக்கப்பட்டார். மருத்துவமனையில் உயிரிழந்த அவரின் உடலை காவல்துறை அதிகாரிகள் இரவோடு இரவாக தகனம் செய்தது நாடு முழுவதும் கடும் அதிர்வலைகளை ஏற்படுத்தியது. பாலியல் வன்கொடுமை இந்த நிலையில், கடந்த 2018 -ம் ஆண்டு, இந்தியாவில் பணிபுரிய வந்த நேபாளத்தை சேர்ந்த பெண் ஒருவர் உத்திர பிரதேச மாநிலம் லக்னோவில் பைசாபாத் சாலையில் உள்ள குடியிருப்பில் பெண் நண்பர் ஒருவருடன் தங்கி வேலை பார்த்து வந்தார். நேபாள பெண்ணுடன் குடியிருப்பில் தங்கியிருந்த பெண், துபாயில் மென்பொருள் நிறுவனத்தில் வேலை பார்க்கும் தன் நண்பரான லக்னோவைச் சேர்ந்த பிரவீன் ராஜ்பால் யாதவ் என்பவரை நேபாள பெண்ணுக்கு வீடியோ கால் மூலம் அறிமுகம் செய்து வைத்துள்ளார்.பாலியல் தொல்லை சில நாட்களுக்கு பிறகு, தன்னுடன் தங்கியிருக்கும் பெண்ணிடம் கொடுத்து வைத்திருந்த ஒன்றரை லட்சம் ரூபாய் பணத்தை நேபாளப் பெண் திரும்பி கேட்கும் போது இருவருக்கும் மோதல் முற்றியதாக கூறப்படுகிறது. நேபாளத்தை சேர்ந்த பெண் இதுகுறித்து துபாயில் உள்ள பிரவீன் யாதவிடம் தெரிவிக்க, அதற்கு பிரவீன் லக்னோவில் உள்ள தனியார் ஹோட்டலில் அறை ஒன்றை வாடகைக்கு எடுத்து கொடுத்து நேபாள பெண்ணை அங்கு தங்கி கொள்ளுமாறு அறிவுறுத்தியுள்ளார். இதையடுத்து, இரண்டு நாட்களுக்கு பின் துபாயில் இருந்து லக்னோவிற்கு வந்த பிரவீன் யாதவ், தனியார் ஹோட்டல் அறையில் தங்கியிருந்த நேபாள பெண்ணை சந்தித்து, அந்த பெண்ணுக்கு போதைப் பொருள் கொடுத்து, மயக்கமடைந்த பெண்ணை பாலியல் வன்கொடுமை செய்துள்ளார். Also Read: ஹத்ராஸ் இளம்பெண் குடும்பத்தினர் கோரிக்கை என்ன? - 5 விஷயங்களைப் பட்டியலிட்ட பிரியங்கா காந்தி பிரவீன் யாதவ் இளம் பெண்ணை, பாலியல் வன்கொடுமை செய்ததோடு, புகைப்படங்கள் மற்றும் வீடியோக்களையும் பதிவு செய்துள்ளார். அதைத்தொடர்ந்து, அந்த பெண்ணை லக்னோவில் உள்ள தன் நண்பரின் இடத்திற்கு அழைத்துச் சென்று, அங்கு மீண்டும் போதை வஸ்துக்களை கொடுத்து அந்த பெண்ணை மீண்டும் மீண்டும் பாலியல் வன்கொடுமை செய்துள்ளார். பின்னர், இந்த சம்பவம் குறித்து போலீஸில் புகார் அளித்தாலோ, தான் சொல்வதை கேட்காவிட்டாலோ, வீடியோ அனைத்தையும் சமூக ஊடகங்களில் பதிவேற்றம் செய்து விடுவேன் என்று நேபாள பெண்ணை மிரட்டியுள்ளார்.பாலியல் வன்கொடுமை இதையடுத்து, உத்திர பிரதேச மாநிலம் லக்னோவில் இருந்து காரில் 800 கி.மீ. தூரம் பயணம் செய்து தப்பித்து வந்த அந்த பெண், மகாராஷ்டிரா மாநிலம் நாக்பூரில் உள்ள நேபாளத்தை சேர்ந்த நண்பரின் வீட்டிற்கு கடந்த செப்டம்பர் 30-ம் தேதி வந்துள்ளார். பின் இருவரும் சேர்ந்து நாக்பூர் கோரடி காவல் நிலையத்தில் பிரவீன் யாதவ் மற்றும் அவரின் பெண் நண்பர் இருவர் மீதும் பண மோசடி செய்து பாலியல் வன்கொடுமையில் ஈடுபட்டதாக புகார் அளித்துள்ளனர். புகாரின் அடிப்படையில், இந்திய தண்டனைச் சட்டத்தின் தொடர்புடைய பிரிவுகளின் கீழ் குற்றம் சாட்டப்பட்டவர்கள் மீது நாக்பூர் போலீஸார் சனிக்கிழமை வழக்கு பதிவு செய்துள்ளனர். கோரடி காவல் நிலையத்தில் வழக்கு பதிவு செய்யப்பட்டு, குற்றம் சாட்டப்பட்டவர் வசிக்கும் லக்னோவில் இந்த சம்பவம் நடந்ததால், அது இப்போது உத்தரப்பிரதேச போலீஸாருக்கு அனுப்பப்பட்டுள்ளதாக நகர காவல்துறை ஆணையர் அமிதேஷ்குமார் தெரிவித்தார். இச்சம்பவம் குறித்து கோரடி காவல் நிலைய மூத்த ஆய்வாளர் வஜீர் ஷேக் கூறுகையில், "அந்த பெண் ஆரம்பத்தில் லக்னோவில் புகார் பதிவு செய்ய விரும்பினார், ஆனால் யாதவ் அவருடன் ஒரு கான்ஸ்டபிளைக் அழைத்து வந்து, இந்த விஷயத்தை பேசி தீர்த்துக் கொள்ளவும், குற்றம் சாட்டப்பட்டவருடன் சமரசம் செய்யவும் கேட்டார். அதன் பிறகு உ.பி. போலீஸ் மீதான நம்பிக்கையை இழந்த நேபாள பெண், கோரடியில் உள்ள மஹாதுலாவிற்கு வந்துள்ளார், அங்கு அவரது நேபாள நண்பர் ஒருவர் உள்ள நிலையில் அவர்களிடம் உதவியை நாடியுள்ளார். அவர் எங்களிடம் வந்த பிறகு, நாங்கள் அவருடன் பேச இரண்டு பெண் அதிகாரிகளை அழைத்தோம். தனது புகாரைப் பதிவு செய்வதற்கு முன்பே அந்த பெண் நிம்மதியாக உணர்ந்தார்” என்று கூறினார். பாலியல் வன்கொடுமை மேலும், `நாங்கள் இப்போது இந்த வழக்கை லக்னோவின் சின்ஹாட் காவல் நிலையத்திற்கு அனுப்பியுள்ளோம். எங்கள் காவல்துறை அதிகாரிகளையும், பாதிக்கப்பட்ட அந்தப் பெண்ணையும் அனுப்பியுள்ளோம். மேலும் சின்ஹாட் காவல் நிலையத்தின் பொறுப்பாளரிடம் இதுகுறித்து பேசிவிட்டோம்" என்றார். முதல் தகவல் அறிக்கை எனப்படும் எஃப்.ஐ.ஆர் (FIR) எந்தவொரு காவல் நிலையத்திலும் தாக்கல் செய்யப்பட்டு, பின்னர் அது தகுதியான அதிகார வரம்பைக் கொண்ட, பொருத்தமான காவல் நிலையத்திற்கு மாற்றலாம் என்பது குறிப்பிடத்தக்கது. Also Read: `நான்கு மாதங்களாகத் துன்புறுத்தப்பட்ட இளம்பெண்!’ - ஹத்ராஸ் சம்பவத்தில் நடந்தது என்ன?
http://dlvr.it/RhzyW5

Read More

பிரியங்காவின் உடையைப் பிடித்து இழுத்த விவகாரம்... மன்னிப்பு கேட்டது உ.பி காவல்துறை!

உத்தரப்பிரதேச மாநிலம் ஹத்ராஸ் மாவட்டத்தைச் சேர்ந்த இளம்பெண் நான்கு பேரால் கூட்டுப் பாலியல் வன்கொடுமை செய்யப்பட்டு உயிரிழந்த சம்பவமும் இறந்த பெண்ணின் உடலை அவரின் குடும்பத்தினரிடம் ஒப்படைக்காமல் அவசர அவசரமாக உ.பி போலீஸாரே தகனம் செய்த சம்பவமும் மொத்த நாட்டையும் உலுக்கி வருகிறது. இந்த விவகாரத்தில் குற்றம் சாட்டப்பட்டுள்ளவர்களுக்குக் கடுமையான தண்டனை வழங்க வேண்டுமென்ற குரல்கள் நாடு முழுவதும் ஓங்கி ஒலித்துக் கொண்டிருக்கின்றன. இது தொடர்பாக நாட்டின் பல்வேறு மூலைகளிலும் அரசியல் கட்சியினரும் பெண்கள் அமைப்புகளைச் சார்ந்தவர்களும் பொதுமக்களும் போராட்டங்கள் நடத்தி வருகின்றனர்.ராகுல் காந்தி இந்நிலையில் ஹத்ராஸில் பாதிக்கப்பட்ட பெண்ணின் குடும்பத்தினரை நேரில் சந்தித்து ஆறுதல் கூற காங்கிரஸ் முன்னாள் தலைவர் ராகுல் காந்தியும் உ.பி கிழக்குப் பகுதி காங்கிரஸ் பொதுச் செயலாளர் பிரியங்கா காந்தியும் கடந்த வெள்ளிக்கிழமை ஹத்ராஸ் செல்ல முயன்றனர். ஆனால், ஹத்ராஸில் இருந்து 100 கி.மீட்டருக்கு முன்னதாகவே அதாவது, கிரேட்டர் நொய்டாவிலேயே ராகுலும் பிரியங்காவும் காவலர்களால் தடுத்து நிறுத்தப்பட்டனர். அப்போது காவலர்களை மீறி சாலையில் நடந்து செல்ல முயன்ற ராகுல் காந்தி போலீஸாரால் தள்ளிவிடப்பட்டதாக காங்கிரஸார் குற்றம் சாட்டினர். பின்னர், 144 தடை உத்தரவை மீறிச் சென்றதால் ராகுலும் பிரியங்காவும் கைது செய்யப்பட்டு சில மணி நேரம் கழித்து விடுவிக்கப்பட்டனர். ராகுல் காந்தி கீழே விழுந்த சம்பவம் காங்கிரஸ் தொண்டர்கள் மத்தியில் கொந்தளிப்பை ஏற்படுத்தியுள்ளது. Also Read: `நான்கு மாதங்களாகத் துன்புறுத்தப்பட்ட இளம்பெண்!’ - ஹத்ராஸ் சம்பவத்தில் நடந்தது என்ன? இந்தப் பிரச்னை முடியும் முன்னரே உ.பி காவலர்கள் பிரியங்காவிடம் மோசமாக நடந்துகொண்ட சம்பவம் மீண்டும் சர்ச்சையாகியுள்ளது. இரண்டு நாள் ஊரடங்குக்குப் பிறகு, கடந்த சனிக்கிழமை ஹத்ராஸ் எல்லை திறக்கப்பட்டது. முன்னதாக பத்திரிகையாளர்கள் மட்டும் ஊருக்குள் செல்ல அனுமதிக்கப்பட்டனர். என்னதான் எல்லை திறக்கப்பட்டாலும் அந்த வழியாகச் செல்லும் வாகனங்கள் சோதனைகளுக்குப் பிறகே அனுமதிக்கப்பட்டன. இந்தச் சூழலில் காங்கிரஸ் எம்.பி மற்றும் தொண்டர்களுடன் ராகுலும் பிரியங்காவும் மீண்டும் ஹத்ராஸ் செல்ல முயன்றனர். இவர்கள் ஹத்ராஸ் செல்லும் தகவல் கிடைத்ததும், டெல்லி - உ.பி எல்லையான நொய்டா சாலையில் போலீஸார் குவிக்கப்பட்டனர்.பிரியங்கா காந்தி ராகுல், பிரியங்காவின் வாகனம் நொய்டா சாலையில் வந்தபோது முதலில் காவலர்கள் அதைத் தடுத்து நிறுத்தினர், இதை எதிர்த்து காங்கிரஸ் தொண்டர்கள் சிறிது நேரம் போராட்டத்தில் ஈடுபட்டனர். அப்போது கூட்டத்தைக் கலைக்க கௌதம் புத்தா பகுதி காவலர்கள் போராட்டக்காரர்கள் மீது தடியடி நடத்தினர். இதைக் கவனித்த பிரியங்கா காந்தி, உடனடியாகக் கூட்டத்தில் புகுந்து காவர்களின் லத்தியைப் பிடித்து காங்கிரஸ் தொண்டர்களைத் தாக்கக் கூடாது என்று காவலர்களை எச்சரித்தார். இந்தச் சலசலப்பில் காவலர்கள், பிரியங்காவின் உடையைப் பிடித்து இழுத்துள்ளனர். இந்தச் சம்பவம் தொடர்பான வீடியோவும் புகைப்படங்களும் இணையத்தில் வெளியாகி பெரும் பரபரப்பை ஏற்படுத்தியுள்ளன. Also Read: நால்வருக்கு ஆதரவாக ஆதிக்க சாதியினர் நடத்திய பஞ்சாயத்து... ஹத்ராஸில் என்ன நடக்கிறது? பெண் என்றும் பார்க்காமல் காவலர்கள், பிரியங்காவின் உடையைப் பிடித்து இழுத்துள்ளனர். இது கண்டிக்கத்தக்க விஷயம் எனப் பலரும் பிரியங்காவுக்கு ஆதரவாகச் சமூக வலைதளங்களில் கருத்துகளைப் பதிவிட்டு வருகின்றனர். இந்நிலையில், பிரியங்கா காந்தியிடம் முரட்டுத்தனமாக நடந்துகொண்டதற்கு உத்தரப்பிரதேச போலீஸ் மன்னிப்பு கேட்டுள்ளது. ராகுல் - பிரியங்கா இந்த விவகாரம் தொடர்பாக விசாரணை நடத்தப்படும் எனவும் தெரிவிக்கப்பட்டுள்ளது. இது தொடர்பாக உ.பி காவல்துறை வெளியிட்டுள்ள அறிக்கையில், `மிகப் பெரிய கூட்டத்தைக் கட்டுப்படுத்தும்போது பிரியங்கா காந்தியுடன் நடந்த சம்பவத்துக்கு நொய்டா காவல்துறை வருத்தம் தெரிவித்துக்கொள்கிறது. நாங்கள் பிரியங்கா காந்தியிடம் மன்னிப்பு கேட்டுக்கொள்கிறோம். இந்தச் சம்பவத்தை அறிந்த உ.பி காவல்துறை துணை ஆணையர் இது தொடர்பாக மூத்த பெண் அதிகாரி ஒருவரை விசாரணை செய்ய உத்தரவிட்டுள்ளார். பெண்களின் பாதுகாப்பு மற்றும் கௌரவத்தைக் காக்க நாங்கள் கடமைப்பட்டுள்ளோம்” என மாவட்ட போலீஸார் குறிப்பிட்டுள்ளனர். இதைத் தொடர்ந்து ஹத்ராஸ் வன்கொடுமை சம்பவத்தில் பாதிக்கப்பட்ட பெண்ணின் வீட்டுக்குச் சென்ற பிரியங்கா உயிரிழந்த பெண்ணின் தாயை அரவணைத்து ஆறுதல் தெரிவித்துள்ளார். இந்தப் புகைப்படங்களும் இணையத்தில் அதிகக் கவனம் பெற்றுள்ளன.
http://dlvr.it/RhzNYy

Read More

சொல்லி அடிச்ச கில்லி - வைரலாகும் வாட்சனின் ட்வீட்!

ஐபிஎல் தொடரின் 18வது லீக் போட்டி இன்று சென்னை சூப்பர் கிங்ஸ் மற்றும் கிங்ஸ் லெவன் பஞ்சாப் அணிகள் இடையே நடைபெற்றது. முதலில் பேட்டிங் செய்த பஞ்சாப் அணி, நான்கு விக்கெட்டுகள் இழப்பிற்கு 178 ரன்களை குவித்தது. பின்னர் பேட்டிங்கை தொடங்கிய சென்னை அணியில் தொடக்க வீரர்களான வாட்ஸன் மற்றும் டு பிளசிஸ் ஆகியோர் பஞ்சாப் அணிக்கு தண்ணி காட்டினர். விக்கெட் இப்போது விழும், அப்போது விழும் என காத்திருந்த பஞ்சாப் வீரர்களுக்கு கடைசி வரையிலும் ஏமாற்றமே மிஞ்சியது. இத்தனை போட்டிகளாக ஜொலிக்காத வாட்ஸன், இன்று அத்தனைக்கும் சேர்த்துவைத்து பஞ்சாப் பந்தை வெளுத்துவிட்டார். இருவரது காட்டுத்தனமான அடியை தாங்கமுடியாத பஞ்சாப் அணி 17.4 ஓவர்களில் சரண்டர் ஆனது. ஒரு விக்கெட்டைகூட இழக்காத சென்னை சூப்பர் கிங்ஸ் அணி 17.4 ஓவர்களில் 181 ரன்கள் எடுத்து 10 விக்கெட்டுகள் வித்தியாசத்தில் அபார வெற்றிபெற்றது. சென்னை பேட்டிங்கில் தொடக்க வீரர்களே அனைத்தையும் செய்துமுடித்தனர். வாட்ஸன் மற்றும் டுபிளசிஸ் இருவரும் தாங்கள் எப்படிப்பட்ட ஜாம்பவான்கள் என்பதை நிரூபித்துக்காட்டியிருந்தனர். 53 பந்துகளில் வாட்ஸன் 83 ரன்களை குவித்திருந்தார். இதில் 3 சிக்ஸர்கள் மற்றும் 11 பவுண்டரிகள் அடங்கும். He predicted✅He executed✅He proved himself right✅? @ShaneRWatson33 | @ChennaiIPL | #Dream11IPL pic.twitter.com/QQvxPNVVRY — IndianPremierLeague (@IPL) October 4, 2020 கடந்த போட்டிகளில் பல விமர்சனங்களுக்கு உள்ளான வாட்சன், தன் பேட் மூலமாக நேற்றைய போட்டியில் பதிலளித்தார். குறிப்பாக அக்டோபர் 3ம் தேதி அவர் பதிவிட்ட ட்வீட், தற்போது வைரலாகி வருகிறது. 'ஐபிஎல்.லின் சிறந்த போட்டி வந்துகொண்டிருக்கிறது' எனத் தெரிவித்துள்ளார். அவர் கூறியது போலவே, நேற்று சிறந்த ஒரு ஆட்டத்தை வெளிப்படுத்தி ரசிகர்களுக்கு விருந்தளித்தார். வாட்சனின் கணிப்பை குறிப்பிட்டு பதிவிட்டுள்ள ஐபிஎல், "அவர் கணித்தார். அவர் செயல்பட்டார். அவர் சரியென நிரூபித்துவிட்டார்" எனப் பாராட்டியுள்ளது. 
http://dlvr.it/RhyMyb

Read More

இந்தியாவில் அதிகரிக்கும் பெண்களுக்கு எதிரான குற்றங்கள்...முதலிடத்தில் எந்த மாநிலம்?

உத்தரப்பிரதேச மாநிலம், ஹத்ராஸ் மாவட்டத்தைச் சேர்ந்த 19 வயது இளம்பெண் ஒருவர், செப்டம்பர் 14-ம் தேதி நான்கு நபர்களால் பாலியல் வன்கொடுமை செய்யப்பட்டார். கழுத்து எலும்புகள் முறிக்கப்பட்டு, கால்கள் செயல்படாது, நாக்கு வெட்டப்பட்ட நிலையில் சிகிச்சை பெற்றுவந்த அவர் கடந்த 29-ம் தேதி உயிரிழந்தார். இதனைத் தொடர்ந்து உத்தரப்பிரதேச மாநிலம், பல்ராம்பூரைச் சேர்ந்த 22 வயதான இளம்பெண், போதைப்பொருள் கொடுக்கப்பட்டுக் கூட்டுப் பாலியல் வன்கொடுமைக்கு ஆளாக்கப்பட்டார். இடுப்பெலும்பு மற்றும் கால் முறிக்கப்பட்டு மருத்துவமனை கொண்டுசெல்லும் வழியிலேயே அவர் உயிரிழந்தார்.பெண்களுக்கு எதிரான குற்றங்கள் மத்தியப் பிரதேசம் கார்கோனே மாவட்டத்தில் உள்ள மருகார் என்ற கிராமத்தில் தூங்கிக்கொண்டிருந்த சிறுமியைக் கடத்தி மூன்று பேர் கொண்ட கும்பல் கூட்டுப் பாலியல் வன்கொடுமை செய்துள்ளது. அந்த பெண் ஆபத்தான நிலையில் மருத்துவமனையில் சிகிச்சையில் இருக்கிறார். தமிழகத்தில் செப்டம்பர் 28-ம் தேதி, திருப்பூர் மாவட்டம் பல்லடம் பகுதியில் வேலை கேட்டுச் சென்ற அஸ்ஸாம் மாநிலத்தைச் சேர்ந்த, பிரெமோஜோதி தூரி என்ற 22 வயது வடமாநில பெண்ணை ஆறுபேர் கூட்டுப் பாலியல் வன்கொடுமை செய்துள்ளனர். இப்படி, நாம் தினசரி பார்க்கும், படிக்கும் செய்திகளில் பெண் குத்திக் கொலை, கல்லூரி பெண் முகத்தில் ஆசிட் விச்சு, இளம்பெண் பெண் கூட்டுப் பாலியல் வன்கொடுமைக்கு ஆளானார், பெண் குழந்தை பாலியல் வன்கொடுமை செய்யப்பட்டார் என்பது போன்ற செய்திகள் தொடர்ந்து அதிகரித்துக் கொண்டே செல்கிறது. பாதிக்கப்படும் பெண்களின் பெயர்கள் மட்டுமே மாறுகிறதே தவிர, பெண்களுக்கு எதிராக நடக்கும் குற்றங்கள் குறைந்தபாடில்லை. அதை ஆதாரபூர்வமாக உறுதிபடுத்தும் விதமாக, மத்திய உள்துறை அமைச்சகத்தின் கீழ் செயல்படும் தேசிய குற்ற ஆவணக் காப்பகத்தின் (என்.சி.ஆர்.பி) சமீபத்திய அறிக்கை அமைந்திருக்கிறது.தேசிய குற்ற ஆவணக் காப்பகம் இந்தியாவில் பெண்களுக்கு எதிராக நடைபெற்ற குற்றங்கள் 2017-ம் ஆண்டில் 3,59,849, 2018-ம் ஆண்டிக் 3,78,236, 2019-ம் ஆண்டு 4,05,861. மேற்கண்ட எண்ணிக்கையை வைத்துப் பார்க்கையில் ஒவ்வொரு ஆண்டும் குற்ற விகிதம் அதிகரித்துக்கொண்டே செல்வதை நம்மால் தெரிந்துகொள்ள முடிகிறது. 2019-ம் ஆண்டு பெண்களுக்கு எதிரான அதிக குற்றங்கள் நடைபெற்ற மாநிலங்களில் வரிசையில் 59,853 குற்றங்கள் பதிவாகி உத்தரப்பிரதேசம் மாநிலம் முதலிடத்தில் இருக்கிறது. 41,550 குற்றங்கள் பதிவாகி ராஜஸ்தான் மாநிலம் இரண்டாம் இடத்திலும். மகாராஷ்டிரா 37,144 குற்றங்கள் பதிவாகி மூன்றாவது இடத்திலும் இருக்கிறது.பெண் குழந்தைகள் மீதான வன்முறை 2018-ம் ஆண்டு ராஜஸ்தான் மாநிலத்தில் 27,866 குற்றங்கள் பதிவாகியிருந்த நிலையில். 2019-ம் ஆண்டு 41,550 குற்றங்கள் பதிவாகியிருக்கின்றன.தமிழகத்தைப் பொறுத்தவரை 2017- 5,397, 2018- 5,822, 2019 - 5,934 என்ற எண்ணிக்கையில் குற்றங்கள் பதிவாகியிருக்கின்றன. அதேபோல இந்தியளவில் மிகக்குறைந்த அளவில் 33 குற்றங்கள் டையூ & டாமனில் பதிவாகியிருக்கிறது. கூட்டுப் பாலியல் வன்கொடுமை மற்றும் கொலை: இந்தியா முழுவதும் 2019-ம் ஆண்டு 283 பாலியல் வன்கொடுமை/ கூட்டுப் பாலியல் வன்கொடுமை மற்றும் கொலை நிகழ்வுகள் நடந்துள்ளன. இதில், 286 பெண்கள் பாதிக்கப்பட்டுள்ளனர். இதில் அதிக குற்றங்கள் பதிவாகியிருக்கும் முதல் மூன்று மாநிலங்களில் வரிசையில் 01.மகாராஷ்டிரா - குற்றம்- 47 பாதிக்கப்பட்டவர்கள்- 47 02.மத்தியப்பிரதேசம் - குற்றம்- 37 பாதிக்கப்பட்டவர்கள்- 37 03. உத்தரப்பிரதேசம் குற்றம்- 34 பாதிக்கப்பட்டவர்கள்- 35 இந்தியா முழுவதும், வரதட்சணை தொடர்பான இறப்புகளைப் பொறுத்தவரை 7,115 குற்றங்கள் பதிவாகியிருக்கின்றன. இதில், 7,162 பேர் இறந்துள்ளதாக அறிக்கை தெரிவிக்கிறது. ஆசிட் தாக்குதல் குறித்து 150 குற்றங்களும். இதில், 156 பெண்களும் பாதிக்கப்பட்டுள்ளனர். அதோடு 42 ஆசிட் வீசும் முயற்சியும் நடந்துள்ளது.வரதட்சணை கடந்தாண்டு இந்தியாவில் பெண்களைக் கடத்தியது தொடர்பாக 72,780 குற்றங்கள் பதிவாகியிருக்கின்றன. இதில், 73,844 பெண்கள் பாதிக்கப்பட்டிருக்கின்றனர். இதில், கொலை செய்யக் கடத்தப்பட்ட பெண்களின் எண்ணிக்கை மட்டும் 109. பணத்துக்காகக் கடத்தப்பட்டவர்கள் 80 பேர். திருமணம் செய்யக் கடத்தப்பட்ட பெண்களின் எண்ணிக்கை 32,630. அதிக பெண்கள் கடத்தப்பட்ட மாநிலங்களின் பட்டியலைப் பார்த்தால்,11,745 பெண்கள் கடத்தப்பட்டு உத்தரப்பிரதேசம் முதலிடத்தில் இருக்கிறது. தமிழகத்தைப் பொறுத்தவரைக் கடந்தாண்டு 702 பெண்கள் கடத்தப்பட்டுள்ளார். Also Read: பெண்கள் வாழத் தகுதியில்லாத தேசமாகிறதா உத்தரப்பிரதேசம்? பாலியல் வன்கொடுமை கடந்தாண்டு இந்தியா முழுவதும் 32,033 குற்றங்கள் பதிவாகியிருக்கின்றன. இதில், 32,260 பெண்கள் பாதிக்கப்பட்டுள்ளனர். 18 வயதுக்கு மேற்பட்ட 27,283 பெண்களும், 18 வயதுக்குக் கீழ் உள்ள 4,977 பெண்களும் பாலியல் வன்கொடுமைக்கு உள்ளாகியிருக்கின்றனர். அதேபோல, பாலியல் வன்கொடுமை முயற்சிக்கு 4,038 பெண்கள் ஆளாக்கப்பட்டுள்ளனர். 01.ராஜஸ்தான்- குற்றம்- 5,997 பாதிக்கப்பட்டவர்கள்- 6,051 02. உத்தரப்பிரதேசம் குற்றம்- 3,065 பாதிக்கப்பட்டவர்கள்- 3,131 03.மத்தியப்பிரதேசம் - குற்றம்- 2,485 பாதிக்கப்பட்டவர்கள்- 2,490 சைபர் குற்றங்கள்: கடந்தாண்டு பெண்களுக்கு எதிராக 1,621 சைபர் குற்றங்கள் பதிவாகியுள்ளன. இதில், 1,645 பெண்கள் பாதிக்கப்பட்டிருக்கின்றனர். அதிக குற்றங்கள் நடைபெற்ற முதல் மூன்று மாநிலங்கள் வரிசையில் ஒடிசாவில் 390 குற்றங்களும், அசாமில் 329 குற்றங்களும், உத்தரப்பிரதேசத்தில் 210 குற்றங்களும் நடைபெற்றுள்ளன. தமிழகத்தைப் பொறுத்தவரை, 38 குற்றங்கள் நடைபெற்றுள்ளன. அதேவேளையில், நம் அருகிலிருக்கும் புதுச்சேரியில் ஒரு குற்றம் கூட பதிவாகவில்லை என்பது குறிப்பிடத்தக்கது. Also Read: ஹத்ராஸ் இளம்பெண் குடும்பத்தினர் கோரிக்கை என்ன? - 5 விஷயங்களைப் பட்டியலிட்ட பிரியங்கா காந்தி இந்தியாவில் உள்ள 19 பெருநகரங்களில் பெண்களுக்கு எதிராக நடந்த மொத்த குற்றங்களின் எண்ணிக்கையைப் பார்க்கையில். 2017-40,839, 2018- 42,180, 2019- 45,485 குற்றங்கள் பதிவாகியுள்ளன. அதிலும், கடந்தாண்டு அதிக குற்றங்கள் நடைபெற்ற முதல் மூன்று பெருநகரங்களின் வரிசையில், தலைநகர் டெல்லியில் 12,902 குற்றங்களும், மும்பையில் 6,519 குற்றங்களும், பெங்களூரில் 3,486 குற்றங்களும் பதிவாகியுள்ளன. கடந்தாண்டு தமிழகத்தைப் பொறுத்தவரை சென்னையில் 729 மற்றும் கோவையில் 85 குற்றமும் பதிவாகியுள்ளன.பாலியல் குற்றம் மொத்த அறிக்கையையும் பார்க்கையில் கடந்த ஆண்டைவிட விட அனைத்து குற்றங்களும் இந்தாண்டு அதிகரித்திருப்பது தெரியவருகிறது. அதோடு, இந்தியாவில் ஒருநாளைக்கு 87 பெண்கள் பாலியல் வன்கொடுமை ஆளாவதும் தெரியவருகிறது. 2018-ம் ஆண்டில் 58.8 சதவீதமாகப் பதிவாகியிருந்த குற்றம், 2019-ம் ஆண்டு 62.4 சதவிகிதமாக உயர்ந்துள்ளது. இதுகுறித்து அனைத்திந்திய ஜனநாயகப் பெண்கள் கூட்டமைப்பின் செயலாளர் கவிதா கிருஷ்ணனிடம் பேசியபோது, ``உண்மையில் இந்தியாவில் பாலியல் குற்றங்கள் குறித்து காவல்நிலையத்தில் பதியப்படும் வழக்குகளின் எண்ணிக்கையே குறைவு. பாதிக்கப்பட்டவர்கள் அந்த குற்றங்களைக் காவல்நிலையங்களுக்குக் கொண்டுவருவதற்கு முன்பே பேசி, பயமுறுத்தி, வழக்கு பதியவிடாமல் செய்யப்படுகிறது என்பதுதான் உண்மை. டெல்லி நீதிமன்றத்துக்கு வரும் 40 சதவிகிதத்துக்கும் அதிகமான பாலியல் வன்கொடுமை வழக்குகள், காதல் திருமணங்கள் மற்றும் வீட்டை விட்டுச் சென்று திருமணம் செய்தவர்கள் மீது அவர்களின் குடும்பத்தார்களே பதிந்த வழக்குகளாகத்தான் இருக்கின்றன. இது பாலியல் வன்கொடுமை வழக்கில் எப்படி வரும்? மாற்று சாதி, மதம் காரணமாக அவர்கள் குடும்பத்தினர் அந்தப் பெண்ணின் மீது நடத்தும் குற்றத்தில்தானே சேரும். கவிதா கிருஷ்ணன் பாலியல் வன்முறையில் ஒரு பெண் உயிரிழந்தால்தான் அந்த செய்தி பெரிதாகப் பேசப்படுகிறது. உயிருடன் இருக்கும் ஒரு பெண் பாதிக்கப்படும்போது அப்படி நடப்பதில்லை. மாறாக, அந்த பெண் தான் பெரிதும் பாதிக்கப்படுகிறாள். இந்திய முழுவதும் நடக்கும் குற்றங்களில் தலித்துகளுக்கு எதிராக நடைபெறும் குற்றங்கள்தான் அதிகம். அதிலும், தலித் பெண்களுக்கு எதிராக நடைபெறும் குற்றங்கள் தான் மிக அதிகம். தலித்களுக்கு எதிராக நடைபெறும் குற்றங்களில் நீதியைப் பெறுவதென்பது மிக மிகக் கடினம்" என்றார் அவர்.
http://dlvr.it/RhwPVj

Read More

"அம்மாவுக்கு தமிழ் சினிமா... அப்பாவுக்கு உலக சினிமா": இயக்குநர் விக்னேஷ் சிவன்

எப்போதும் மக்கள் கூட்டத்தால் நிரம்பிவழியும் தியேட்டர்கள் ஆளற்ற வெளியாக சோர்வுடன் காட்சியளிக்கின்றன. ஒரு நாள் அவை திறக்கப்படும் என்ற நம்பிக்கை இருக்கும் நிலையில், தியேட்டரில் படம் பார்த்த பொன் மாலைப்பொழுதுகளைப் பற்றி டைம்ஸ் ஆப் இந்தியா நாளிதழுக்கு அளித்த பேட்டியில் இயக்குநர் விக்னேஷ் சிவன் பகிர்ந்துகொண்டுள்ளார். "என் தந்தையுடன் சென்று அலங்கார் தியேட்டரில் பார்த்த முதல் படம் பற்றிய ஞாபகங்கள் இன்றும் இருக்கின்றன. அந்தப் படம் என்டர் த டிராகன். அந்தப் படத்தை தியேட்டரில் பார்த்தது தெளிவாக நினைவிருக்கிறது. போலீஸ் அதிகாரியான எனது தந்தைக்கு உலகப் படங்கள் பார்ப்பதுதான் பிடிக்கும். அதுவும் புரூஷ் லீ படங்கள் பார்ப்பார். 90களில் சென்னையில் வெளியான ஆங்கிலம் மற்றும் அமெரிக்கப் படங்களுக்கு என்னை அழைத்துச் செல்வார்.  அம்மாவுக்கு தமிழ்ப்படங்கள்தான் பிடிக்கும். அவருடன் சேர்ந்து படங்களைப் பார்த்த அனுபவங்கள் வேறுவகையானது. நானும் அம்மாவும் முழுவதுமாக தமிழ்ப் படங்களைத்தான் பார்ப்போம். அண்ணாமலை மற்றும் பாட்சா படங்களை தியேட்டரில் பார்த்த அனுபவங்களை மறக்கமுடியாது. அப்போது எனக்கு ஐந்து அல்லது ஆறு வயது இருக்கும். ரோஜா, பம்பாய், துள்ளாத மனமும் துள்ளும் மற்றும் வாலி படங்களை குடும்பத்தினருடன் பார்த்த நினைவுகளும் உள்ளன. நான் வளர்ந்த பிறகு சத்யம் தியேட்டரில் படம் பார்ப்பதை விரும்பினேன். தியேட்டரில் படம் பார்க்கும் அனுபவத்தை சென்னையில் உள்ள ஒவ்வொருவரும் என் கருத்தை ஏற்றுக்கொள்வார்கள். தியேட்டர்களுக்குச் செல்வதற்காக அவர்கள் உருவாக்கிய தரமும் சூழலும் நம்மை அழைக்கின்றன. தியேட்டர்களின் சூழலை நான் நேசிக்கிறேன். தேவி தியேட்டரில் நட்சத்திரங்களின் படங்கள் பார்ப்பதை நான் விரும்புவேன். ஆனால் என் படங்கள் ரிலீசாகும் போது அதே உணர்வைப் பெறமுடியவில்லை. போடா போடி, நானும் ரவுடிதான் மற்றும் தானா சேர்ந்த கூட்டம் படங்களை சில முறை தியேட்டர்களில் பார்த்திருக்கிறேன். அதில் ஒரு தயக்கம் இருக்கிறது. நான் நினைத்த ஒரு காட்சிக்கு பார்வையாளர்கள் வேறுமாதிரி ரியாக்ட் செய்தால் எனக்கு வருத்தமாக இருக்கும். அதனால் என் படங்களை தியேட்டர்களில் பார்ப்பதைத் தவிர்த்துவிடுகிறேன். ஆனால் பார்வையாளர்களுக்கும் தியேட்டருக்குமான உறவு என்பது படங்களைத் தாண்டியது. திரையில் ஒரு கதை நடக்கும். அதேபோல தியேட்டர் இருக்கைகளிலும் ஒரு கதை நடந்துகொண்டிருக்கும். காதல், நல்லிணக்கம், நட்பு முதல் குடும்பத்தினர் சந்திப்புகள் வரை அனைவருமே ஒரு தியேட்டரில் படம் பார்க்கும்போது பலவகையான உணர்ச்சிகளை அனுபவித்திருப்பார்கள். தியேட்டரில் ஒரு படத்தைப் பார்க்கும் அதிசய உணர்வை ஒருபோதும் ஒப்பிடவோ அல்லது வேறு எதனாலும் அதை மாற்றவோ முடியாது. தியேட்டர் எப்போதும் முதலிடத்தில்தான் இருக்கும்" என்று உற்சாகத்துடன் பகிர்ந்துள்ளார் இயக்குநர் விக்னேஷ் சிவன். ஐபிஎல் 2020: சென்னை மற்றும் பஞ்சாப் அணிகளின் பலம், பலவீனம் என்ன?
http://dlvr.it/Rhvjbg

Read More

ஐபிஎல் 2020: கொல்கத்தா அணி டாஸ் வென்று பவுலிங் தேர்வு

ஐபிஎல் கிரிக்கெட் தொடரின் 16-வது போட்டியில் டெல்லி கேபிட்டல்ஸ் அணியும் கொல்கத்தா நைட் ரைடர்ஸ் அணியும் இன்று மோதுகின்றன. இப்போட்டி இன்று இரவு 7.30 மணிக்கு ஷார்ஜாவில் தொடங்குகிறது.  இதில் டாஸ் வென்ற கொல்கத்தா அணி பவுலிங்கை தேர்வு செய்துள்ளது. இதையடுத்து டெல்லி கேபிட்டல்ஸ் அணி பேட்டிங் செய்ய உள்ளது. இவ்விரு அணிகளும் இதுவரை 24 முறை நேருக்கு நேர் மோதியுள்ளன. அவற்றில் கொல்கத்தா அணி 13 போட்டிகளிலும், டெல்லி அணி ‌10 போட்டிகளிலும் வெற்றி பெற்றுள்ளன‌. ஒரு போட்டியில் முடிவு ஏதும் எட்டப்படவில்லை. ‌
http://dlvr.it/RhtYy0

Read More

ஹத்ராஸ் சம்பவம்: `செய்தியாளரின் செல்போன் ஒட்டுக் கேட்கப்பட்டதா?' - ஆடியோவால் புதிய சர்ச்சை

உத்தரப்பிரதேச மாநிலம், ஹத்ராஸ் மாவட்டத்தைச் சேர்ந்த இளம்பெண் ஒருவர் பாலியல் வன்கொடுமை செய்யப்பட்டு, கடுமையாகத் தாக்கப்பட்ட சம்பவம் தேசிய அளவில் பெரும் அதிர்வலைகளை ஏற்படுத்தியது. முதுகுத்தண்டவத்தில் பாதிப்பு, கை கால்கள் செயலிழந்த நிலையில், டெல்லி மருத்துவமனையில் சிகிச்சைபெற்றுவந்த அந்த இளம்பெண் சிகிச்சை பலனின்றி உயிரிழந்தார். சொந்த ஊருக்குக் கொண்டுவரப்பட்ட இளம்பெண்ணின் உடல் கடந்த 1-ம் தேதி, அதிகாலை 2:30 மணியளவில் அவசர அவசரமாக எரிக்கப்பட்டது. குடும்பத்தினரின் ஒப்புதல் பெறாமல் போலீஸார் அந்தப் பெண்ணின் உடலை தகனம் செய்ததாகக் குற்றச்சாட்டு எழுந்தது. ஹத்ராஸ் சம்பவத்தை எதிர்த்து போராட்டம் ஆனால், பெண்ணின் தந்தையின் ஒப்புதல் பெறப்பட்ட பிறகே தகனம் செய்யப்பட்டதாக அரசுத் தரப்பில் கூறப்பட்டது. மேலும், அந்த இளம்பெண் பாலியல் வன்கொடுமை செய்யப்படவில்லை என்று பிரேத பரிசோதனை அறிக்கை மூலம் தெரியவந்ததாகவும் உ.பி போலீஸார் தரப்பில் தெரிவிக்கப்பட்டது. Also Read: `விஸ்வரூபமெடுத்த ஹத்ராஸ் சர்ச்சை!'- 2 நாள்களுக்குப் பின் திறக்கப்பட்ட மாவட்ட எல்லை இந்தநிலையில், ஹத்ராஸ் சம்பவம் தொடர்பாக செய்தி சேகரித்த இந்தியா டுடே தொலைக்காட்சியின் செய்தியாளர் தனுஸ்ரீ பாண்டே, அந்த இளம்பெண்ணின் சகோதரரிடம் பேசிய செல்போன் உரையாடல் வெளியான விவகாரம் புதிய சர்ச்சையை ஏற்படுத்தியிருக்கிறது. பா.ஜ.க ஆதரவு இணையதளம் ஒன்றில் வெளியான அந்த செல்போன் உரையாடலில் செய்தியாளர் தனுஸ்ரீ பாண்டே, காங்கிரஸ் பொதுச்செயலாளர் பிரியங்கா காந்தி வெளியிட்ட வீடியோ ஒன்றை மேற்கோள்காட்டிப் பேசுகிறார். हाथरस की बेटी के पिता का बयान सुनिए। उन्हें जबरदस्ती ले जाया गया। सीएम से वीसी के नाम पर बस दबाव डाला गया। वो जांच की कार्रवाई से संतुष्ट नहीं हैं। अभी पूरे परिवार को नजरबंद रखा है। बात करने पर मना है। क्या धमकाकर उन्हें चुप कराना चाहती है सरकार? अन्याय पर अन्याय हो रहा है। pic.twitter.com/6lIW1hdvDc— Priyanka Gandhi Vadra (@priyankagandhi) October 1, 2020 அந்த வீடியோவில், `போலீஸ் விசாரணையில் திருப்தியில்லை’ என இளம்பெண்ணின் தந்தை கூறுவது போன்ற காட்சிகள் இடம்பெற்றிருந்தன. இதைக் குறிப்பிட்டு பெண்ணின் சகோதரரிடம் பேசும் தனுஸ்ரீ, `போலீஸார் விசாரணையில் திருப்தியில்லை’ என அவருடைய தந்தை கூறுவதை வீடியோ எடுத்து அனுப்புமாறு கேட்கிறார். அதற்கு அந்த இளம்பெண்ணின் சகோதரரும் ஒப்புதல் கொடுப்பதாக நீள்கிறது அந்த செல்போன் உரையாடல். இந்த செல்போன் உரையாடல் வெளியான விவகாரம் சர்ச்சையாக உருவெடுத்திருக்கிறது. `ஹத்ராஸ் சம்பவம் குறித்து செய்தி சேகரிக்கும் பத்திரிகையாளரின் செல்போன் உரையாடல் ஒட்டுக் கேட்கப்பட்டது ஏன்?’ என உ.பி அரசுக்கு இந்தியா டுடே கேள்வி எழுப்பியிருக்கிறது. அதேநேரம், பத்திரிகையாளரின் செல்போன் உரையாடல் ஒட்டுக் கேட்கப்படவில்லை. அந்த இளம்பெண்ணின் சகோதரரின் போன்தான் ஒட்டுக் கேட்கப்பட்டது எனில், பாதிக்கப்பட்ட குடும்பத்தினரின் செல்போன் உரையாடல் எந்தச் சட்டப்பிரிவின் கீழ் ஒட்டுக் கேட்கப்பட்டது என்றும் அந்த நிறுவனம் கேள்வி எழுப்பியிருக்கிறது. பாதிக்கப்பட்ட ஒரு பெண்ணின் குடும்பத்தினரின் செல்போனை அரசு ஏன் ஒட்டுக் கேட்க வேண்டும் எனவும் சர்ச்சையாகியிருக்கிறது இந்த விவகாரம். போலீஸ் அதேநேரம், பாதிக்கப்பட்ட பெண்ணின் குடும்பத்தினரைக் கட்டாயப்படுத்தி அரசுக்கு எதிராக ஊடகங்களில் பேசவைக்க முயல்வதாக பா.ஜ.க தரப்பில் குற்றச்சாட்டு முன்வைக்கப்பட்டிருக்கிறது. அந்த ஆடியோவில் இடம்பெற்றிருக்கும் தகவல்களை ஊடகங்கள் திரித்துக் கூறுவதாகவும் பா.ஜ.க தரப்பில் சொல்லப்பட்டிருக்கிறது. இது தொடர்பாக அந்தத் தனியார் தொலைக்காட்சியில் நடந்த விவாதம் ஒன்றில் பேசிய பா.ஜ.க ஐ.டி விங்கைச் சேர்ந்த அமித் மால்வியா பேசுகையில், அந்தக் குறிப்பிட்ட தனியார் தொலைக்காட்சி தவறான செய்திகளை வெளியிட்டதாலேயே ஹத்ராஸுக்குச் செல்ல ஊடகங்களுக்குத் தடை விதிக்கப்பட்டதாகக் கூறினார். Also Read: உ.பி: வெட்டுப்பட்ட நாக்கு; செயலிழந்த கால்கள்; பாலியல் வன்கொடுமையால் உயிரிழந்த பெண் - நடந்தது என்ன? மேலும், இளம்பெண்ணின் பிரேத பரிசோதனை அறிக்கையில், பாலியல் வன்கொடுமை செய்யப்படவில்லை எனக் குறிப்பிட்டிருந்ததைச் சுட்டிக்காட்டிய மால்வியா, அவரின் குடும்பத்தினர் இந்த விவகாரத்தில் வேறுவிதமாகக் கூறியிருப்பதாகவும் சொன்னார். விசாரணைக்குப் பின்னரே இதன் பின்னணியிலுள்ள உண்மை தெரியவரும் என்றும் அமித் மால்வியா குறிப்பிட்டிருக்கிறார். India Today journalist pesters brother of victim for a confession video of father saying ‘there is pressure from administration’. In another conversation that appears to be between villagers and Sandeep, the brother is advised not to accept Rs 25 lakhs...https://t.co/aUxl4SUYeg— Amit Malviya (@amitmalviya) October 2, 2020 இளம்பெண் பாலியல் வன்கொடுமை செய்யப்படவில்லையெனில், எதற்காக போலீஸார் முதலில் பதிவு செய்த எஃப்.ஐ.ஆரில் பாலியல் வன்கொடுமை செய்யப்பட்டதாகக் குறிப்பிட்டனர் என்று சமூக ஆர்வலர்கள் கேள்வி எழுப்பியுள்ளனர். இளம்பெண்ணை நான்கு பேர் எதற்காகக் கடத்திச் சென்றனர் என்றும், போலீஸார் அவசர அவசரமாக அதிகாலை 2:30 மணியளவில் சடலத்தை தகனம் செய்ய வேண்டிய அவசியம் என்ன என்றும் அரசியல் கட்சிகள் கேள்வி எழுப்பியிருக்கின்றன.
http://dlvr.it/Rhsmr1

Read More