கேரளா: ஒரே வீட்டில் வாழ்க்கை.. பணத்தால் வந்த பிரச்னை! - பெண் மருத்துவர் கொலையில் நடந்தது என்ன?

கேரளா மாநிலம் திருச்சூர் மாவட்டம் கூத்தாட்டுக்குளம் பகுதியை சேர்ந்த பல் மருத்துவர் சோனா(வயது 30). இவர் கூத்தாட்டுக்குளம் அருகே உள்ள கூட்டநெல்லூர் பகுதியில் கிளினிக் நடத்தி வந்தார். ஏற்கனவே திருமணமாகி விவாகரத்து ஆனவர். அவர் வசதி படைத்தவர் என்பதை அறிந்த பாவறட்டி பகுதியைச் சேர்ந்த மகேஷ் என்பவர் சோனாவிடம் நெருங்கி பழகினார். இவர்களது பழக்கம் நட்பாக மாறியது. மகேஷ் அடிக்கடி சோனாவுக்கு உதவுவது போல் நடித்து நட்பை காதலாக மாற்றி உள்ளார். சோனாவும் மகேஷை மிகவும் நம்பி அவருடன் நெருக்கமாக பழகினார். ஒரு கட்டத்தில் திருமணம் செய்யாமலே இருவரும் ஒன்றாக வாழத்தொடங்கினர். இருவரும் கடந்த இரண்டு வருடமாக ஒரு அடுக்குமாடி குடியிருப்பில் ஒன்றாக வாழ்ந்து வந்துள்ளார்கள். கடந்த இரண்டு ஆண்டுகளில் சிறிது சிறிதாக சுமார் 22 லட்சம் ரூபாய் வரை சோனாவிடம் இருந்து மகேஷ் பெற்றிருக்கிறார்.கைது செய்யப்பட்ட மகேஷ் கடந்த சில தினங்களுக்கு முன்பு சோனா தனக்கு பணம் தேவைப்படுவதாக கூறி மகேஷிடம் கொடுத்த பணத்தை திரும்ப கேட்டுள்ளார். பணத்தை திரும்ப கொடுக்க மகேஷ் மறுத்துள்ளார். பலமுறை கேட்டும் பணம் திரும்ப கொடுக்காததால், இதுகுறித்து ஒல்லூர் காவல் நிலையத்தில் சோனா புகார் அளித்துள்ளார். இதை அறிந்த மகேஷ் சோனாவின் கிளினிக்கிற்கு சென்று அவரிடம் தகராறில் ஈடுபட்டுள்ளார். தகராறு முற்றியதால் மறைத்து வைத்திருந்த கத்தியால் சோனாவின் வயிற்றில் குத்தியிருக்கிறார். சோனா ரத்த வெள்ளத்தில் சரியவும், மகேஷ் அங்கிருந்து தப்பி ஓடி தலைமறைவாகிவிட்டார். சோனா கத்தியால் குத்தப்பட்டதை பார்த்த அப்பகுதியினர் ரத்தவெள்ளத்தில் உயிருக்கு போராடி கொண்டிருந்த சோனாவை மீட்டு மருத்துவமனைக்கு கொண்டு சென்றனர். அங்கு சோனாவுக்கு அறுவைசிகிச்சை செய்யப்பட்டது. ஆனாலும் சிகிச்சை பலனின்றி சோனா பரிதாபமாக உயிரிழந்தார். இதைத் தொடர்ந்து தலைமறைவான மகேஷை போலீஸார் இன்று காலை திருச்சூர் மாவட்டம் பூங்குன்னம் பகுதியில் வைத்து கைது செய்தனர்.கொலை செய்யப்பட்ட பெண் மருத்துவர் சோனா இதுகுறித்து போலீஸார் கூறுகையில், "சோனா வசதி படைத்தவர் என்பதையும், அவர் கணவரை பிரிந்து தனியாக வாழ்வது தெரிந்ததாலும் மகேஷ் அவரை நெருங்கியுள்ளான். சோனாவிடம் பணம் கறப்பதுதான் மகேஷின் திட்டமாக இருந்திருக்கிறது. இதுபோன்று வேறு பெண்களிடம் மகேஷ் கைவரிசை காட்டியிருக்கிறாரா என்பது பற்றி விசாரணை நடத்திவருகிறோம்" என்றனர்.
http://dlvr.it/Rj9ff8

Read More

ஹத்ராஸ்: `4 பேரும் அப்பாவிகள்; ஆணவக்கொலையால்தான் அவர் இறந்தார்’ - சர்ச்சையைக் கிளப்பிய பா.ஜ.க தலைவர்

உத்தரப்பிரதேச மாநிலம் ஹத்ராஸ் மாவட்டத்தைச் சேர்ந்த 19 வயது இளம் பெண் கடந்த 20 நாள்களுக்கு முன்பு அதே பகுதியைச் சேர்ந்த ஆதிக்க சாதியினர் நான்கு பேரால் கூட்டுப் பாலியல் வன்கொடுமை செய்யப்பட்டார். நாக்கு துண்டாகி, முதுகுத் தண்டியில் பலத்த காயங்களுடன் மீட்கப்பட்ட அவர் இரண்டு வாரத் தொடர் மருத்துவச் சிகிச்சைக்குப் பிறகு மருத்துவமனையில் உயிரிழந்தார். உயிரிழந்த பிறகு தான் இந்த விஷயம் வெளிச்சத்துக்கு வந்துள்ளது. இந்த விவகாரத்தில் குற்றம் சுமத்தப்பட்டுள்ள நான்கு பேருக்கும் கடுமையான தண்டனை வழங்க வேண்டும், உத்தரப்பிரதேசத்தில் இதே போன்ற தொடர் குற்றங்கள் நடப்பது தடுக்கப்படவேண்டும் என்றும் பலதரப்பட்ட மக்கள் தெரிவித்து வருகின்றனர்.ஹத்ராஸ் சம்பவத்தை எதிர்த்து போராட்டம் இந்நிலையில் உத்தரப்பிரதேசத்தைச் சேர்ந்த பாஜக தலைவர் ஒருவர் ஹத்ராஸ் வன்கொடுமை சம்பவத்தில் குற்றம் சாட்டப்பட்டுள்ளவர்களுக்கு ஆதரவாகவும் பாதிக்கப்பட்டு உயிரிழந்த பெண்ணுக்கு எதிராகவும் தெரிவித்துள்ள கருத்து பெரும் சர்ச்சையை ஏற்படுத்தியுள்ளது. உத்தரப்பிரதேசத்தில் பாரங்கியைச் சேர்ந்த ரஞ்சித் பகதூர் ஸ்ரீவஸ்தவா வீடியோவில் பேசியிருப்பதாவது, “ஹத்ராஸ் விவகாரத்தில் குற்றம் சுமத்தப்பட்டுள்ள நான்கு பேரும் அப்பாவிகள். அவர்களில் ஒருவரை பாதிக்கப்பட்ட பெண் காதலித்துள்ளார், சம்பவம் நடந்த அன்று அந்தப் பெண்தான் இளைஞனை வயல்வெளிக்கு அழைத்திருக்க வேண்டும். இந்தச் செய்தி ஏற்கெனவே அந்த ஊர் மக்களுக்குத் தெரியும். சமூகவலைதளங்கள் மற்றும் செய்தி சேனல்களிலும் வெளியாகியுள்ளது. அந்தப் பெண் கையும் களவுமாகப் பிடிபட்டிருக்க வேண்டும். எனவே அவர் ஆணவக்கொலை செய்யப்பட்டிருக்க வேண்டும். Also Read: ஹத்ராஸ்: `அரசுக்கு எதிராகப் பேச இளம்பெண் குடும்பத்தினருக்கு ரூ.50 லட்சம் பேரம்!'- உ.பி போலீஸ் இது போன்ற பெண்கள் குறிப்பிட்ட சில இடங்களில் தான் இறந்து கிடக்கின்றனர். கரும்புத் தோட்டம், திணை வயல்கள் அல்லது புதர்களில் கிடக்கிறார்கள். ஏன் இவர்கள் நெல் வயலிலோ கோதுமை வயலிலோ இறந்துபோவதில்லை? இந்த வழக்கில் குற்றப்பத்திரிகை தாக்கல் செய்யும்வரை கைது செய்த நான்கு பேரையும் விடுவிக்கவேண்டும். நிச்சயமாகச் சொல்கிறேன் அவர்கள் நிரபராதிகள். அவர்களை விடுவிக்காவிட்டால் மன ரீதியான துன்பத்தை அனுபவிப்பார்கள். இழந்த அவர்களின் இளமையை யார் திருப்பித் தருவார்கள். அரசாங்கம் அவர்களுக்கு இழப்பீடு வழங்குமா?” எனப் பேசியுள்ளார்.ஸ்ரீவஸ்தா இவரின் கருத்துக்குப் பதில் அளித்துள்ள தேசிய மகளிர் ஆணையத் தலைவி ரேகா சர்மா, “ ஸ்ரீவஸ்தா, ஒரு கட்சியின் தலைவர் என அழைப்பதற்கு முற்றிலும் தகுதியில்லாதவர். அவர் தன் முதிர்ச்சியற்ற மனநிலையை வெளிப்படுத்தியுள்ளார். அவரின் கருத்துக்கு எதிராக நான் அவருக்கு நோட்டீஸ் அனுப்பவுள்ளேன்” என்று தெரிவித்துள்ளார். பா.ஜ.கவைச் சேர்ந்த ஸ்ரீவஸ்தா இதே போன்று பல முறை சர்ச்சையான கருத்துகளைத் தெரிவித்துள்ளார். இதுபோன்ற கருத்துகளினாலேயே பிரபலமானவர். உத்தரப்பிரதேசத்தில் பல மாவட்டங்களில் மொத்தம் 44 குற்றவியல் வழக்குகள் இவர் மீது நிலுவையில் உள்ளன என்பது குறிப்பிடத்தக்கது.
http://dlvr.it/Rj7Y5C

Read More

`கேரள தலைமைச் செயலகத் தீவிபத்துக்கு மின்கசிவு காரணம் அல்ல!' - ஃபாரன்சிக் ரிப்போர்ட்

கேரள மாநிலம், திருவனந்தபுரம் யு.ஏ.இ தூதரக பார்சல் வழியாக தங்கம் கடத்திய வழக்கில் முக்கியக் குற்றவாளியான ஸ்வப்னா சுரேஷ் கைதுசெய்யப்பட்டிருக்கிறார். அவருக்கு உதவியதாக சிவசங்கரனிடம் சுங்கத்துறை, என்.ஐ.ஏ உள்ளிட்டவை விசாரணை நடத்திவருகின்றன. சிவசங்கரன், கேரள முதல்வர் பினராயி விஜயனின் முதன்மைச் செயலாளராக இருந்தவர் என்பதால் தலைமைச் செயலகத்திலுள்ள சி.சி.டி.வி கேமராக்களை ஆய்வு செய்து விசாரணை நடத்தப்பட்டுவருகிறது. அதுமட்டுமல்லாமல் தலைமைச் செயலகத்திலுள்ள சில ஃபைல்களையும் என்.ஐ.ஏ கேட்டிருக்கிறது. இந்தநிலையில் திருவனந்தபுரத்திலுள்ள கேரள மாநில தலைமைச் செயலகத்தின் பொதுப்பிரிவு கட்டடத்திலுள்ள புரோட்டோக்கால் அலுவலகத்தில் கடந்த ஆகஸ்ட் மாதம் 25-ம் தேதி தீவிபத்து ஏற்பட்டது. அந்தத் தீவிபத்தில் தங்கம் கடத்தல் வழக்கு சம்பந்தப்பட்ட ஃபைல்கள் எரிந்து நாசமானதாக எதிர்க்கட்சிகள் குற்றம்சாட்டின. மேலும், இது விபத்து அல்ல, திட்டமிட்டு ஃபைல்கள் எரிக்கப்பட்டிருப்பதாக காங்கிரஸ், பா.ஜ.க உள்ளிட்ட கட்சியினர் குற்றம்சாட்டினர். இது சம்பந்தமாக எதிர்க்கட்சிகள் போராட்டங்களையும் நடத்தின.கேரள முதல்வர் பினராயி விஜயன் தங்கம் கடத்தல் வழக்கில் சம்பந்தப்பட்ட ஃபைல்கள் அழிக்கப்பட்டிருப்பதாகவும் சில மீடியாக்களில் தகவல்கள் வெளியாகின. இதற்கிடையில் சில மீடியாக்கள் வேண்டுமென்றே அரசுக்கு எதிராக, உண்மைக்குப் புறம்பான செய்திகளை பரப்பியதாக பிரஸ் கவுன்சில் ஆஃப் இந்தியாவில் புகாரளிப்பது என முதல்வர் பினராயி விஜயன் தலைமையிலான அமைச்சரவையில் முடிவெடுக்கப்பட்டது. மேலும், மீடியாக்கள் மீது சட்டரீதியான நடவடிக்கை எடுப்பது குறித்து ஆலோசிப்பதாகவும் பினராயி விஜயன் தெரிவித்தார். Also Read: கேரளா: பினராயி விஜயன் சேர்மனாக இருக்கும் `லைஃப் மிஷன்' திட்டத்தில் கமிஷன் அடித்த ஸ்வப்னா? `தலைமைச் செயலகத்தில் தீவிபத்து ஏற்பட மின்கசிவுதான் காரணம்’ என அரசு நியமித்த நிபுணர் குழுவினர் ஆய்வு செய்து அறிவித்தனர். இந்தநிலையில், தடயவியல் பரிசோதனையில் தீவிபத்துக்கு மின் கசிவு காரணம் அல்ல என கூறப்பட்டிருப்பதாகத் தகவல் வெளியாகியிருக்கிறது. ஃபாரன்சிக் லேபிலுள்ள இயற்பியல்துறை சி.ஜே.எம் கோர்ட்டில் தாக்கல் செய்திருக்கும் அறிக்கையில் இந்தத் தகவல் இருப்பதாகவும், அதே ஃபைல்களின் காப்பி விசாரணை நடத்தும் காவல்துறை அதிகாரிகளுக்கு அனுப்பப்பட்டிருப்பதாகவும் கூறப்படுகிறது.கேரள காங்கிரஸ் எதிர்க்கட்சித் தலைவர் ரமேஷ் சென்னிதலா தீவிபத்து ஏற்பட்ட அன்று, மாவட்ட தடயவியல்துறை அதிகாரி தலைமையிலான குழு தலைமைச் செயலகம் சென்றது. தீவிபத்து ஏற்பட்ட பகுதியிலிருந்து 24 வகையான சாம்பிள்களை சேகரித்திருக்கிறது. இவற்றில், சாம்பல் உள்ளிட்டவையும் அடக்கம். இவற்றை ஆய்வு செய்ததில் தலைமைச் செயலகத்தில் தீப்பிடிக்க ஷார்ட் சர்க்யூட் காரணம் என்று கண்டுபிடிக்க எந்த சாம்பிளிலும் ஆதாரம் கிடைக்கவில்லை என்றும், ஃபைல்கள் மட்டுமே எரிந்திருக்கின்றன, சானிடைஸர் உள்ளிட்ட வேறு பொருள்கள் எரியாததால், ஷார்ட் சர்க்யூட் காரணமாக இருக்க வாய்பு இல்லை எனவும் ரிசல்ட் வந்திருக்கிறது. இது குறித்து கேரள காங்கிரஸ் எதிர்கட்சித் தலைவர் ரமேஷ் சென்னிதலா கூறுகையில், "உண்மையை மறைத்துவைக்கும் அரசின் மற்றொரு முயற்சியும் தோல்வியடைந்தது. தீ எரிந்தது குறித்து நீதி விசாரணை வேண்டும்" என்றார். Also Read: கேரள தலைமைச் செயலகத்தில் தீ; தங்கக் கடத்தல் வழக்கு ஆவணம் எரிந்ததா? - கொதிக்கும் எதிர்கட்சிகள் இது பற்றி கேரள முதல்வர் பினராயி விஜயன் கூறுகையில், ``ஃபாரன்சிக் ரிப்போர்ட் குறித்துத் தெரியவில்லை. சீல் செய்த கவரில் ரிப்போர்ட் கோர்ட்டில் ஒப்படைக்கப்பட்டிருப்பதாகத் தெரியவருகிறது" என்றார்.
http://dlvr.it/Rj6w3q

Read More

கேரளா: பினராயி விஜயன் சேர்மனாக இருக்கும் 'லைஃப் மிஷன்' திட்டத்தில் கமிஷன் அடித்த ஸ்வப்னா?

கேரள மாநிலம் திருவனந்தபுரம் விமான நிலையத்திற்கு வந்த யு.ஏ.இ தூதரக பார்சல் வழியாக தங்கம் கடத்திய வழக்கில் ஸ்வப்னா, ஸரித், சந்தீப் நாயர் உள்பட இருபதுக்கும் மேற்பட்டவர்கள் கைது செய்யப்பட்டிருக்கிறார்கள். தங்கக் கடத்தலின் தொடக்க மற்றும் இறுதிப்புள்ளிகளை தேடி என்.ஐ.ஏ, சுங்கத்துறை, அமலாக்கத்துறை ஆகியவை விசாரணை நடத்திக்கொண்டே இருக்கின்றன. கடந்த மூன்று மாதங்களாக நடத்தப்பட்ட விசாரணையில் ஸ்வப்னா கூறும் ஒவ்வொரு தகவல்களும் பூகம்ப அதிர்வை ஏற்படுத்திவருகிறது. கேரள முதல்வர் பினராயி விஜயனின் முதன்மைச் செயலாளராக இருந்த சிவசங்கரன், ஸ்வப்னாவுடன் நெருங்கிய நட்பு பாராட்டியதால் சஸ்பெண்ட் செய்யப்பட்டார். சிவசங்கரனிடம் சுங்கத்துறை மற்றும் என்.ஐ.ஏ விசாரணை நடத்தியதில், ஸ்வப்னா சுரேஷ் திருவனந்தபுரத்தில் உள்ள வங்கி லாக்கரில் கட்டுகட்டாக கரன்சிகளை வைத்திருப்பதாக புட்டு புட்டு வைத்திருக்கிறார். ஸ்வப்னாவின் இரண்டு வங்கி லாக்கர்களை விசாரணை அதிகாரிகள் திறந்து பார்த்தபோது, அதில் சுமார் 1.5 கோடி ரூபாய் ரொக்கப் பணமும், சுமார் ஒரு கிலோ தங்க நகைகளும் இருப்பது கண்டுபிடிக்கப்பட்டது. இந்த பணம் எப்படி வந்தது என விசாரித்தபோது, கேரள அரசின் 'லைஃப் மிஷன்' எனும் வீடு கட்டும் திட்டத்தில் ஒப்பந்ததாரரிடம் இருந்து கமிஷனாகப் பெற்ற தொகை என அதிரவைத்திருக்கிறார் ஸ்வப்னா.ஸ்வப்னா சுரேஷ் கேரள முதல்வர் பினராயி விஜயன் சேர்மனாக இருக்கும் 'லைஃப் மிஷன்' திட்டத்தில், கடந்த மார்ச் மாதம் 2,14,262 வீடுகள் பயனாளிகளுக்கு ஒப்படைக்கப்பட்டது. மேலும் ஐம்பதாயிரம் வீடுகள் கட்டி முடிக்கப்படும் நிலையில் இருக்கிறது. இந்த திட்டத்தில், திருச்சூர் மாவட்டம் வடக்கஞ்சேரி பகுதியில் வீடுகட்ட வளைகுடா நாடுகளைச் சேர்ந்த ஓர் அமைப்பு முன்வந்திருக்கிறது. சுமார் 18.50 கோடி ரூபாய் மதிப்பீட்டிலான அந்த ஒப்பந்தத்தை யுனிடாக் என்ற நிறுவனம் எடுத்திருக்கிறது. இந்த ஒப்பந்தத்தை பெறுவதற்காக அந்த நிறுவனம் சுமார் 4.25 கோடி ரூபாயை யு.ஏ.இ தூதரக ஊழியர் ஒருவருக்கும், ஸ்வப்னா டீமிற்கும் கமிஷனாகக் கொடுத்திருப்பதாக தகவல் வெளியாகியிருக்கிறது. மத்திய அரசுக்கு தெரியாமல் வெளிநாட்டு நிறுவனத்திடம் இருந்து பணம் பெற்றிருப்பதால், இதுபற்றி சி.பி.ஐ விசாரணை நடத்த வேண்டும் என்று வடக்கஞ்சேரி தொகுதி காங்கிரஸ் எம்.எல்.ஏ அனில் அக்கரா புகார் அளித்தார். அதன்பேரில் சி.பி.ஐ வழக்குபதிவு செய்து விசாரணையையும் தொடங்கியது. Also Read: கேரளா: ஸ்வப்னா சுரேஷ்... ஐபோன் கிஃப்ட்! - சர்ச்சையில் கேரள எதிர்க்கட்சித் தலைவர் ரமேஷ் சென்னிதலா யுனிடாக் நிறுவனத்தின் எம்.டி சந்தோஷ் ஈப்பனிடம் சி.பி.ஐ நடத்திய விசாரணையில், திருவனந்தபுரத்தில் உள்ள கரமனா ஆக்ஸிஸ் வங்கி கிளை மூலம் யு.ஏ.இ-யில் இருந்து, சந்தோஷ் ஈப்பனின் நிறுவனத்துக்கு நான்கு கோடியே ஐம்பது லட்சம் ரூபாய் பணபரிமாற்றம் செய்யப்பட்டிருப்பதும். அதே வங்கி கிளையில் இருந்து 68 லட்சம் ரூபாயை ஸ்வப்னாவின் நண்பர் சந்தோஷ் நாயரின் வங்கி கணக்குக்கு மாற்றியதும் கண்டுபிடிக்கப்பட்டது. இதுதவிர, ஸ்வப்னா டீமிற்கு சில கோடிகள் கரன்சியாக கைமாறியதாக சொல்லப்படுகிறது. மேலும், ஒப்பந்தம் பெற்றதற்கு கமிஷனாக ஐந்து ஐபோன்களை ஸ்வப்னாவுக்கு வாங்கி கொடுத்திருப்பதாகவும் சந்தோஷ் ஈப்பன் ஒப்புக்கொண்டுள்ளார்.கேரள காங்கிரஸ் எதிர்க்கட்சித் தலைவர் ரமேஷ் சென்னிதலா சந்தோஷ் ஈப்பன் இதுகுறித்து, "2019-ம் வருஷம் டிசம்பர் 2-ம் தேதி யு.ஏ.இ நேஷனல் டே திருவனந்தபுரம் யு.ஏ.இ தூதரகத்தில் நடந்தது. அதில் சீப் கெஸ்ட்டா கலந்துகொள்ளும் கேரள காங்கிரஸ் எதிர்கட்சித் தலைவர் ரமேஷ் சென்னித்தலா போன்றோருக்கு கொடுக்கிறதுக்காக ஐந்து ஐபோன் வேண்டும் என ஸ்வப்னா கேட்டிருந்தாங்க. நான் எர்ணாகுளத்தில உள்ள ஒரு மால்ல இருந்து ஐபோன்களை வாங்கி ஸ்வப்னாகிட்ட ஒப்படைச்சேன்" என தெரிவித்திருக்கிறார். Also Read: கேரளா: `தூதரக அதிகாரியுடன் இணைந்து ரியல் எஸ்டேட்?’ - ஸ்வப்னா லாக்கரில் சிக்கிய பணம், தங்கம் இதையடுத்து ஸ்வப்னாவிடம் ஐபோன் கிஃப்டாக வாங்கியதாக கேரள காங்கிரஸ் எதிர்கட்சித் தலைவர் ரமேஷ் சென்னித்தலா மீது புகார் எழுந்தது. "அந்த நிகழ்ச்சியில் கலந்துகொண்டேன், ஆனால், நான் ஐபோன் வாங்கவில்லை. அன்று நடந்த குலுக்கலில் சி.பி.எம் மாநில பொதுச்செயலாளர் கொடியேரி பாலகிருஷ்ணன் உள்துறை அமைச்சராக இருந்த சமயத்தில், அவருக்க உதவியாளராக இருந்த ஒருத்தருக்குத்தான் அந்த ஐபோன் பரிசு கிடைத்தது. மற்ற ஐபோன்களை யார் பயன்படுத்துகிறார்கள் என போலீஸ் விசாரணை செய்ய வேண்டும்" என்கிறார். மேலும், ஐபோன்கள் எங்கே என்பது குறித்து விசாரிக்க சட்ட நடவடிக்கையிலும் இறங்கியிருக்கிறார் ரமேஷ் சென்னித்தலா. ஸ்வப்னா சுரேஷ் இதற்கிடையில், 'லைஃப் மிஷன் வீடு கட்டும் திட்டம் குறித்து சி.பி.ஐ விசாரணை நடத்தக் கூடாது' என்று எர்ணாகுளம் ஐகோர்ட்டில் கேரள அரசு மனுத்தாக்கல் செய்திருக்கிறது. இது முதல்வர் பினராயி விஜயனை விமர்சனத்திற்குள்ளாக்கியிருக்கிறது. இதுகுறித்து பினராயி விஜயன் கூறுகையில், "சி.பி.ஐ விசாரணையில் சில சட்டரீதியான பிரச்னைகள் உள்ளதாக சட்ட ஆலோசனைகள் வந்துள்ளன. அதன் அடிப்படையில் கோர்ட்டில் மனு அளிக்க சி.இ.ஓ-விற்கு அனுமதி அளிக்கப்பட்டது. லைஃப் மிஷனுக்காக வெளிநாட்டில் இருந்து ஒரு தொகையும் பெறப்படவில்லை" என்றார். தங்கம் கடத்தல் வழக்கில் மத்திய அரசு பலமான விசாரணை நடத்த வேண்டும் என்று கடிதம் எழுதியிருந்தார் பினராயி விஜயன். இப்போது அவர் சேர்மனாக இருக்கும் லைஃப் மிஷன் திட்டத்தில் எழுந்துள்ள முறைகேடு புகாரை சி.பி.ஐ விசாரிக்கக்கூடாது என்பது என்ன நியாயம் என எதிர்கட்சிகள் கொந்தளிக்கின்றன. ஸ்வப்னா சூறாவளி, கேரளத்தில் பலத்த சேதாரங்களை ஏற்படுத்தாமல் ஓயாது போலிருக்கிறது!
http://dlvr.it/Rj5pwp

Read More

“சாஹலின் பவுலிங்க் குறித்து நிறைய பேச வேண்டும்” - கவுதம் காம்பீர் பாராட்டு

சுழற்பந்து வீச்சாளர் சாஹலின் பவுலிங் குறித்து நிறைய பேச வேண்டும் என முன்னாள் கிரிக்கெட் வீரர் கவுதம் காம்பீர் தெரிவித்துள்ளார். ஐபிஎல் தொடர் விறுவிறுப்புடன் சென்று கொண்டிருக்கிறது. அனைத்து பேட்ஸ்மேன்களும் சிறப்பாக பேட்டிங்கை வெளிப்படுத்தி வருகின்றனர். ஆனால் ஐபிஎல் தொடரில் சிறந்து பவுலர்களுக்குத்தான் பஞ்சம் இருக்கிறது. சிறப்பாக பந்துவீசும் பவுலர்கள் 5 பேர் கூட ஐபிஎல் தொடரில் இல்லையென கூறலாம். சர்வதேச அளவில் ஜாம்பவான்களாக இருந்தாலும், ஐபிஎல் தொடரில் ஒரு சிலரைத் தவிர அந்த அளவிற்கு யாரும் ஜொலிப்பதில்லை.   டெல்லி அணியில் ரபாடா, ராஜஸ்தான் அணியில் ஆர்ச்சர், ஹைதராபாத் அணியில் ரஷீத் கான் ஆகியோர் தான் சிறப்பாக செயல்படுகின்றனர். பவுலிங்கில் கைதேர்ந்தவரான இந்திய பவுலர் பும்ராவின் பந்துகள்கூட ஐபிஎல் தொடரில் பவுண்டரிகளுக்குத் தான் பறக்கின்றன. இதற்கிடையே சத்தமின்றி ஐபிஎல் தொடரின் விக்கெட் டேக்கர்களில் முன்னேறிக் கொண்டிருக்கிறார் இந்திய சுழற்பந்து வீச்சாளர் யஸ்வேந்திர சாஹல். இதுவரை 5 போட்டிகளில் 8 விக்கெட்டுகளை வீழ்த்தியுள்ள சாஹல், பவுலிங் சராசரி 18.00 ஆக வைத்திருக்கிறார். இவர் குறித்து பேசியுள்ள கவுதம் காம்பீர், “நாம் அனைவரும் ரஷீத் கான், ஆர்ச்சர், ரபாடா என வெளிநாட்டு வீரர்கள் குறித்து பேசுகிறோம். ஆனால் இந்திய சுழற்பந்து வீச்சாளர் சாஹல் குறித்து நாம் அதிகம் பேச வேண்டும். அவர் எப்போதும் புத்திசாலி தான். அவரது பவுலிங்க் திறமையை நடப்பு ஐபிஎல் தொடரிலேயே கண்டுக்கொண்டு இருக்கிறோம்” என்று தெரிவித்துள்ளார்.
http://dlvr.it/Rj3jTl

Read More

`உ.பி., பீகார்போல் மாஃபியா ஆட்சி மாநிலமாகிவருகிறது மேற்குவங்கம்!' - பா.ஜ.க தலைவர் திலீப் கோஷ்

உத்தப்பிரதேசம், பீகார் ஆகிய மாநிலங்கள்போல் மாஃபியா ஆட்சி நடத்தும் மாநிலமாக மேற்குவங்கம் மாறிவருவதாக அம்மாநில பா.ஜ.க தலைவர் திலீப் கோஷ் குற்றம்சாட்டியிருக்கிறார். இதற்கு மேற்குவங்க ஆளும்கட்சியான திரிணாமுல் காங்கிரஸ், `குறைந்தபட்சம் அந்த மாநிலங்களில் மாஃபியா ஆட்சி நடத்திவருவதாக பா.ஜ.க ஒப்புக்கொண்டிருக்கிறதே...’ என்று பதிலடி கொடுத்திருக்கிறது. உத்தரப்பிரதேசத்தில் யோகி ஆதித்யநாத் தலைமையில் பா.ஜ.க ஆட்சி நடந்துவரும் நிலையில், பீகாரில் பா.ஜ.க அங்கம்வகிக்கும் கூட்டணியில் இருக்கும் ஐக்கிய ஜனதா தளத்தின் நிதீஷ் குமார் ஆட்சி நடக்கிறது. மேற்குவங்க முதல்வர் மம்தா பானர்ஜி மேற்குவங்கத்தின் வடக்கு பர்கானாஸ் மாவட்டத்தின், டிட்டாகர்க் பகுதியில் பா.ஜ.க-வைச் சேர்ந்த மணீஷ் சுக்லா சுட்டுக்கொல்லப்பட்டார். டிட்டாகர்க் நகர கவுன்சிலரான மணீஷ் சுக்லாவை டூ வீலரில் வந்த அடையாளம் தெரியாத இரண்டு பேர் சுட்டுக்கொன்றனர். இந்தச் சம்பவத்துக்குக் கண்டனம் தெரிவித்து செய்தியாளர்களிடம் பேசிய திலீப் கோஷ், ``உ.பி, பீகார் மாநிலங்களைப்போல மாஃபியா ஆட்சி நடக்கும் மாநிலமாக மேற்குவங்கத்தின் சூழலுல் மாறிவருகிறது. Also Read: பீகார்: 'பரபரப்பு நிலவரமும், பதறவைக்கும் சம்பவங்களும்' - எப்படியிருக்கிறது தேர்தல் களம்? காவல் நிலையம் முன்பாகவே கவுன்சிலர் ஒருவர் துப்பாக்கியால் சுட்டுக் கொல்லப்பட்டது, மாநிலத்தில் சட்டம், ஒழுங்கு எவ்வளவு மோசமாக இருக்கிறது என்பதைக் காட்டுகிறது. மாநிலத்தில் சட்டம், ஒழுங்கு நிலை நாளுக்கு நாள் மோசமடைந்துவருகிறது. கடந்த சில ஆண்டுகளில் மட்டும் மேற்குவங்கத்தில் 120-க்கும் மேற்பட்ட பா.ஜ.க-வினர் கொல்லப்பட்டிருக்கிறார்கள். மணீஷ் சுக்லா போன்ற பெரிய தலைவர்கள் கொல்லப்பட்ட விவகாரத்தில் போலீஸின் கைகள் கட்டப்பட்டிருக்கின்றன. மேற்குவங்கத்தில் இந்தச் சூழல் இருக்கும் நிலையில், வெளிப்படையான, நேர்மையான தேர்தல் எப்படி நடக்கும்?'' என்று கேள்வி எழுப்பினார். திலீப் கோஷ் திலீப் கோஷின் குற்றச்சாட்டு குறித்துப் பேசிய திரிணாமுல் காங்கிரஸ் மூத்த தலைவரும், அமைச்சருமான ஃபிர்ஹாத் ஹக்கிம்,``பா.ஜ.க ஆட்சியிliருக்கும் உ.பி., பீகாரில் மாஃபியாக்களின் ஆட்சி நடக்கிறது என்பதை அவர் ஒப்புக்கொண்டிருக்கிறார். இந்த ஒரு முறையாவது அவர் உண்மையைப் பேசுகிறார் என்று நாங்கள் உண்மையிலேயே மகிழ்ச்சியடைகிறோம்'' என்று பதிலடி கொடுத்திருக்கிறார்.
http://dlvr.it/Rj35J6

Read More

டெல்லியின் பந்துவீச்சில் பணிந்த பெங்களூர் : மேட்ச் ரிவ்யூ

ஐபிஎல் தொடரின் 19வது லீக் போட்டி இன்று டெல்லி கேபிடல்ஸ் மற்றும் ராயல் சேலஞ்சர்ஸ் பெங்களூர் அணிகள் இடையே நடைபெற்றது. இந்தப் போட்டியில் டாஸ் வென்ற பெங்களூர் அணி முதலில் பந்துவீச்சை தேர்வு செய்தது. இதனால் முதல் பேட்டிங்கை தொடங்கிய டெல்லி அணியில் தொடக்க வீரர்களான பிருத்வி ஷா மற்றும் ஷிகர் தவான் ஆகியோர் சிறப்பான அடித்தளத்தை கொடுத்தனர். இருவரும் 6 ஓவர்களிலேயே 65 ரன்களை கடந்து பார்ட்னர்ஷிப் செய்தனர். அப்போது முகமத் சிராஜ் வீசிய ஓவரில் 23 பந்துகளில் 42 ரன்களை எடுத்திருந்த பிருத்வி ஷா விக்கெட்டை பறிகொடுத்தார். அவரைத் தொடர்ந்து உதானாவின் ஓவரில் ஷிகர் தவான் 32 (28) ரன்களில் விக்கெட்டை இழந்தார். பின்னர் 11 (13) ரன்களில் கேப்டன் ஸ்ரேயாஸ் ஐயர் நடையைக்கட்ட டெல்லி அணிக்கு நெருக்கடி உண்டாகும் நிலை ஏற்பட்டது. அப்போது கைகோர்த்த ரிஷாப் பண்ட் மற்றும் ஸ்டொயினிஸ் ஜோடி பிரமாதமான பேட்டிங்கை வெளிப்படுத்தினர். 25 பந்துகளில் 37 ரன்களை எடுத்திருந்தபோது ரிஷாப் பண்ட் விக்கெட்டை இழந்தார். இதில் 2 சிக்ஸர்களும், 6 பவுண்டரிகளும் அடங்கும். இதற்கிடையே அதிரடியாக பேட்டிங் செய்த மார்கஸ் ஸ்டொயினிஸ் இறுதி வரை அவுட் ஆகாமல் 26 பந்துகளில் 53 ரன்களை விளாசினார். கடைசி நேரத்தில் களமிறங்கிய ஹெட்மெயர் தனது பங்கிற்கு 11 (7) எடுத்தார். 20 ஓவர்கள் முடிவில் டெல்லி அணி 4 விக்கெட்டுகள் இழப்பிற்கு 196 ரன்களை எடுத்தது. டெல்லி பேட்டிங்கில் பிருத்வி ஷாவின் தொடக்கம் அணிக்கு பெரும் பலம். களத்தில் நிலைத்து நின்று ரன்களை சேர்த்தாலும் 32 ரன்களை அடிக்க 28 பந்துகளை தவான் எடுத்துக்கொண்டது மந்தமான ஒன்றாக தெரிந்தது. ஸ்கோரை உயர்த்த வேண்டிய நேரத்தில் ஸ்ரேயாஸ் அவுட்டாகிச் சென்றது அணிக்கு நெருக்கடி சூழலை உருவாக்கியிருந்தது. ரிஷாப் பண்ட் மற்றும் ஸ்டோயினிஸ் பார்ட்னர்ஷிப் கேம் சேஞ்சிங்காக அமைந்தது. இருவரும் பார்ட்னர்ஷிப்பில் 89 ரன்களை அடித்து அணியின் ஸ்கோரை 179 வரை கொண்டு சென்றது வெற்றிக்கு பாதை அமைத்தது. ஸ்டொயினிஸின் அரை சதம் மிகத் தேவையான ஒன்றாக இருந்தது. பெங்களூரின் பவுலிங்கில் வலுவாக ஒருவர் கூட பந்துவீசவில்லை. முகமது சிராஜ் மட்டும் 2 விக்கெட்டுகளை கைப்பற்றியிருந்தார். ஆனால் அவரும் ரன்களை பெரிதாக கட்டுப்படுத்தவில்லை. நவ்தீப் சைனி 3 ஓவர்களுக்கு 48 ரன்களை வாரிக்கொடுத்து, விக்கெட்டையும் கைப்பற்றாதது சொதப்பலானது. ஒரு விக்கெட்டை கைப்பற்றியிருந்தாலும் 4 ஓவர்களுக்கு 40 ரன்களை வாரிக்கொடுத்த உதானா சொல்லிக்கொள்ளும் அளவிற்கு இல்லை. சைனி வீசிய 15வது ஓவரின் கடைசி பந்தில் ஸ்டொனியிஸ் கேட்ச்சை தவறவிட்டது பிழையாக அமைந்தது. இருப்பினும் பெங்களூரின் ஃபீல்டிங் சிறப்பாகவே இருந்தது. இலக்கை எதிர்த்து ஆடிய பெங்களூர் அணியில் தொடக்க வீரரான படிக்கல் 4 (6) ரன்களில் அவுட்டாக, 14 பந்துகளை சந்தித்த ஆரோன் ஃபின்ச், 3 முறை கேட்ச்களை தவறவிட்டு டெல்லி அணி வாய்ப்பளித்தபோதும் 13 ரன்களில் வெளியேறியது சொதப்பல். அதிரடியாக ஆட வேண்டிய நேரத்தில் டி வில்லியர்ஸ் 9 (6) ரன்களில் ஆட்டமிழந்தது பெங்களூர் அணிக்கு நெருக்கடியானது. களத்தில் நிலைத்து நின்று நம்பிக்கையை ஏற்படுத்திய விராட் கோலி 43 (39) ரன்களில் விக்கெட்டை இழந்தது அணியின் வீழ்ச்சியை உறுதி செய்தது. அதன்பின்னர் வந்த வீரர்கள் சொற்ப ரன்களில் வெளியேற 20 ஓவர்கள் முடிவில் பெங்களூர் அணி 9 விக்கெட்டுகள் இழப்பிற்கு 137 ரன்களை மட்டுமே எடுத்தது. இதனால் டெல்லி கேபிடல்ஸ் அணி 59 ரன்கள் வித்தியாசத்தில் அபார வெற்றி பெற்றது. டெல்லிக்கு ரபாடாவின் பந்துவீச்சு பெரும் பலமாக அமைந்தது. 4 ஓவர்களில் 24 ரன்களை மட்டுமே கொடுத்திருந்த அவர் 4 விக்கெட்டுகளை சாய்த்து பெங்களூரை சுருட்டினார். மறுபுறம் 2 விக்கெட்டுகளை வீழ்த்திய அக்ஸர் படேல் 4 ஓவர்களுக்கு 18 ரன்கள் மட்டுமே கொடுத்து அசத்தியது டெல்லிக்கு கூடுதல் பலமாக அமைந்தது. 4 ஓவர்களுக்கு 26 ரன்கள், ஒரு விக்கெட் என அஸ்வினும் தனது தரப்பிலிருந்து சிறப்பாக பந்துவீசியிருந்தார். இதுதவிர வேகப்பந்து வீச்சாளர் நோர்க்யா 4 ஓவர்களில் 22 ரன்களை மட்டுமே விட்டுக்கொடுத்து 2 விக்கெட்டுகளையும் கைப்பற்றி சிறப்பான பங்களிப்பை கொடுத்திருந்தார். மொத்தத்தில் பவுலிங்கில் கோட்டை விட்ட பெங்களூர் அணி, பேட்டிங்கிலும் சொதப்பியதால் டெல்லி கேபிடல்ஸ் அணி எளிமையான வெற்றியை பதிவு செய்தனர்.
http://dlvr.it/Rj1zhQ

Read More