பாட்ஷாவாக மீண்டும் மாறுவாரா மேக்ஸ்வெல்...!

பம்பாயில் பாட்ஷா பாயாக வலம் வந்த ரஜினிகாந்த் சென்னையில் மாணிக்கமாக சாதுவான ஆட்டோ டிரைவராக அடக்கி வாசித்து பாட்ஷா படத்தில் நடித்திருப்பார். அந்த நிலை தான் இப்போது அதிரடி பேட்ஸ்மேனான ஆஸ்திரேலியாவின் கிளென் மேக்ஸ்வெல்லுக்கும். சர்வதேச கிரிக்கெட் களத்தில் பாட்ஷா பாயாக வலம் வந்த மேக்ஸ்வெல் நடப்பு ஐபிஎல் சீசனில் மாணிக்கமாகி உள்ளார். “ஐபிஎல் ஏலத்தில் அதிகம் எதிர்பார்க்கப்பட்ட வெளிநாட்டு வீரரான மேக்ஸ்வெல்லுக்கா இந்த நிலை?”, “நீங்கள் மேக்ஸ்வெல் தானா?, “உங்களுக்கு பேட்டிங் செய்யவே வராதா?” என அவரது பர்பாமென்ஸை பார்த்து மீம்ஸ் போட்டு கலாய்த்து வருகின்றனர் ரசிகர்கள்.  என்றுமே அதிரடி காட்டும் மேக்ஸ்வெல் தடுமாறுவது ஏன்? மேக்ஸ்வெல்லுக்கும் ஐபிஎல்லுக்கும் இடையிலான பந்தம் கடந்த 2012 சீஸனில் ஆரம்பமானது. முதலில் டெல்லி அணிக்காக ஏலத்தில் எடுக்கப்பட்டவர் 2013 சீஸனில் மும்பை அணிக்காக வாங்கப்பட்டார். தொடர்ந்து 2014 முதல் 2017 சீஸன் வரை பஞ்சாப் அணிக்காக விளையாடியவர். 2018 சீஸனில் மீண்டும் டெல்லி அணிக்காக விளையாடினார். தற்போது பஞ்சாப் அணிக்காக நடப்பு சீஸனில் விளையாடி வருகிறார். தனது கிரிக்கெட் கெரியரை டி20 போட்டிகளில் இருந்து பிள்ளையார் சுழி போட்டு ஆரம்பித்தவர் மேக்ஸ்வெல். விக்டோரியா அணிக்காக 2010இல் உள்ளூர் கிரிக்கெட்டில் விளையாடிய மேக்ஸ்வெல் கிரிக்கெட் கதகளி ஆட்டத்தை ஆடி இருப்பார். தொடர்ந்து டொமெஸ்டிக் கிரிக்கெட்டில் அசத்தி அதன் மூலம் ஆஸ்திரேலிய அணியில் இடம் பிடித்தவர், அக்மார்க் டி20 கிரிக்கெட்டராக மாறினார். பேட்டிங், பவுலிங், ஃபீல்டிங் என ஆல் ரவுண்ட் பர்பாமென்ஸ் கொடுப்பார். அதிவேக சதம், அரைசதம் என உள்ளூர் கிரிக்கெட்டில் துவங்கி உலக கிரிக்கெட் வரை பல சாதனைகளை படைத்துள்ளார். மாஸான மாடர்ன் டே கிரிக்கெட்டரான மேக்ஸ்வெல் பல மேட்ச் வின்னிங் இன்னிங்ஸ்களை கொடுத்து தனது ஆட்டத்தின் மூலம் உலக கிரிக்கெட் ரசிகர்களின் மனதை வென்றவர். ஐபிஎல் ஆட்டங்களில் ரசிகர்களை கவர்ந்த வீரர்களில் மேக்ஸ்வெல்லும் ஒருவராக இருப்பது அதன் சேம்பிள் தான். முதல் இரண்டு ஐபிஎல் சீஸன்களில் ஆடும் லெவனில் அதிகம் வாய்ப்பு கிடைக்காமல் இருந்த மேக்ஸ்வெல் 2014 சீஸனில் பஞ்சாப் அணிக்காக ருத்ர தாண்டவம் ஆடியிருப்பார். இதே அமீரக மைதானத்தில் சென்னை அணிக்கு எதிரான லீக் ஆட்டம் ஒன்றில் 43 பந்துகளில் 95 ரன்களை குவித்து மிரட்டியிருப்பார். அதன் மூலம் 206 ரன்களை 18.5 ஓவர்களில் சேஸ் செய்திருக்கும் பஞ்சாப். அந்த சீஸனில் ராஜஸ்தானுக்கு எதிராக 89 ரன்கள், ஹைதராபாத் அணிக்கு எதிராக 95 ரன்கள், மீண்டும் சென்னைக்கு எதிராக 90 ரன்கள் என பதினாறு ஆட்டங்கள் விளையாடி 552 ரன்களை மேக்ஸ்வெல் குவித்திருப்பார். நிஜமான பந்தய குதிரையாக பஞ்சாப்புக்காக விளையாடியிருப்பார். தொடர்ந்து 2015 மற்றும் 2016 சீஸனில் சொதப்பிய மேக்ஸ்வெல் 2017 சீஸனில் 310 ரன்களை குவித்திருப்பார். பின்னர் டெல்லி அணிக்காக விளையாடிவரை நடப்பு சீஸனில் பஞ்சாப்புக்காக விளையாட 10.75 கோடி ரூபாய்க்கு ஏலத்தில் எடுத்துள்ளார்கள். நடப்பு சீஸனில் ஆறு போட்டிகளில் விளையாடியுள்ள மேக்ஸ்வெல் வெறும் 48 ரன்களை மட்டுமே ஸ்கோர் செய்துள்ளார். குறிப்பாக பாஞ்சாப் அணியின் டாப் ஆர்டர் பேட்ஸ்மேன்களான கே.எல்.ராகுலும், மயங்க் அகர்வாலும் ஓப்பனிங்கில் பட்டையை கிளப்பி வருகின்றனர். ஆனால் சேஸ் செய்கின்ற போது மிடில் ஆர்டரில் கைகொடுக்க வேண்டிய மேக்ஸ்வெல் தடுமாறி வருகிறார். அந்த தடுமாற்றம் அவர் மீது விமர்சனங்களை எழுப்பி உள்ளன. அவரது தடுமாற்றத்திற்கு கொரோனா பொது முடக்கம் காரணமா என்று பார்த்தால் நிச்சயமாக இல்லை என சொல்லலாம். அண்மையில் முடிந்த இங்கிலாந்து அணிக்கு எதிரான ஒருநாள் தொடரின் கடைசி ஆட்டத்தில் 90 பந்துகளில் 108 ரன்களை குவித்து ஆஸ்திரேலியாவுக்கு கோப்பையை வென்று கொடுத்தார் மேக்ஸ்வெல். அதே தொடரின் முதல் ஆட்டத்தில் 59 பந்துகளில் 77 ரன்களை குவித்திருந்ததும் குறிப்பிடத்தக்கது. அமீரக மைதானங்களில் மேக்ஸ்வெல் தடுமாறுகிறாரா என பார்த்தாலும் இல்லை என்று தான் சொல்ல வேண்டும். 2014 ஐபிஎல் சீஸனின் முதற்பாதி ஆட்டங்கள் அமீரகத்தில் தான் நடந்தன. அதில் தான் அவர் சென்னை, ராஜஸ்தான் மற்றும் ஹைதராபாத் அணிக்கு எதிராக பேட்டிங்கில் அதிரடி காட்டியிருப்பார். இப்படி அனைத்துமே பிளஸ்ஸாக கொண்டுள்ள மேக்ஸ்வெல் மனது வைத்தால் மட்டுமே இந்த சீஸனின் பிற்பாதி ஆட்டங்களிலாவது பஞ்சாப் அணிக்காக மேட்ச் வின்னராக ஜொலிக்க முடியும். அப்படி செய்தால் அது மேக்ஸ்வெல்லுக்கும், பஞ்சாப்புக்கும் நல்லதாக அமையலாம். மீண்டும் பழைய பாட்ஷாவாக மேக்ஸ்வெல் மாறுவாரா? அல்லது சாதுவாகவே அடிவாங்கிக் கொண்டிருப்பாரா என்பதை பொறுத்திருந்துதான் பார்க்க வேண்டும்.
http://dlvr.it/RjKjvV

Read More

”எந்தப் போட்டியிலும் அடிக்காத மேக்ஸ்வெல் அணியில் எதற்கு?” : கெவின் பீட்டர்சன்

கிங்ஸ் லெவன் பஞ்சாப் அணியிலிருந்து மேக்ஸ்வெல் நீக்கப்பட வேண்டும் என இங்கிலாந்து முன்னாள் கிரிக்கெட் வீரர் கெவின் பீட்டர்சன் தெரிவித்துள்ளார். ஐபிஎல் தொடரில் பஞ்சாப் அணி படுதோல்வியை சந்தித்து வருகிறது. 6 போட்டிகளில் விளையாடியுள்ள அந்த அணி ஒரு போட்டியில் மட்டுமே வென்றிருக்கிறது. முதல் போட்டியில் டெல்லி அணிக்கு எதிராக சூப்பர் ஓவர் வரை சென்று பஞ்சாப் தோற்றது. பின்னர் 2வது போட்டியில் பெங்களூர் அணியை 97 ரன்கள் வித்தியாசத்தில் வீழ்த்தியது. இதைத்தொடர்ந்து ராஜஸ்தான் ராயல்ஸ், மும்பை இந்தியன்ஸ், சென்னை சூப்பர் கிங்ஸ் மற்றும் சன்ரைசர்ஸ் ஹைதராபாத் ஆகிய அணிகளிடம் தொடர்ந்து தோல்விகளை சந்தித்துள்ளது. இதனால் பஞ்சாப் அணியில் விளையாடும் கேப்டன் கே.எல்.ராகுல் உட்பட அனைத்து வீரர்களுக்கும் நெருக்கடியான சூழல் ஏற்பட்டிருக்கிறது. இந்நிலையில் பஞ்சாப் அணி குறித்து கருத்து தெரிவித்துள்ள கெவின் பீட்டர்சன், அணியிலிருந்து மேக்ஸ்வெல்லை நீக்க வேண்டும் என தெரிவித்துள்ளார். இல்லையேன்றால் அவருக்கு இன்னும் ஒரு வாய்ப்பு மட்டுமே கொடுக்கலாம் என்றும் கூறியுள்ளார். நடப்பு ஐபிஎல் தொடரின் எந்தப் போட்டியிலும் மேக்ஸ்வெல் அடிக்கவில்லை என்றும், இதுபோன்ற ஒருவரை அணியில் வைத்திருக்க முடியாது எனவும் அவர் தெரிவித்துள்ளார். இதுகுறித்து இந்திய வீரர் ஓஜா கூறும்போது, “கே.எல்.ராகுல் நல்ல பேட்டிங்கை வெளிப்படுத்த முயற்சிக்கிறார். ஏனென்றால் அணியின் மிடில் ஆர்டர் பேட்டிங் சரியில்லை என்பது அவருக்கு தெரிந்துள்ளது. 200 ரன்கள் என்ற இலக்கை எதிர்த்து ஆடும்போது, தானோ அல்லது மயங்க் அகர்வாலோ அடிக்கவில்லை என்றால் மிடில் ஆர்டர் பேட்ஸ்மேன்கள் அடிக்கமாட்டார்கள் என்பதை ராகுல் நன்கு அறிந்திருக்கிறார். அணில் கும்ப்ளே கிரிஸ் கெயிலை விளையாடவைக்கவுள்ளதாக கூறுகிறார். ஆனால் அவர் உடல்நிலை சரியாக இல்லை. அதேசமயம் மேக்ஸ்வெல் ராகுலின் பாரத்தை குறைக்கத்தவறிவிட்டார்” என்று தெரிவித்துள்ளார். நடப்பு ஐபிஎல் தொடரின் 6 போட்டிகளிலும் பேட்டிங் செய்துள்ள மேக்ஸ்வெல் 1, 5, 13, 11, 11* மற்றும் 7 சொற்ப ரன்களையே எடுத்திருக்கிறார் என்பது குறிப்பிடத்தக்கது.
http://dlvr.it/RjJxmL

Read More

நூறு ரூபாய்க்காகக் கொலை; தமிழ்ப் பெயர்! - 2 மாதங்களுக்குப் பிறகு துப்பு துலக்கிய மும்பை போலீஸ்

கடந்த ஜூன் மாதம், 28-ம் தேதி, அதிகாலை 5:30 மணியளவில், டங்கர் சாலை சந்திப்பு நடைபாதை அருகே ஒரு சடலம் கிடப்பதாக மும்பை காவல்துறையினருக்குத் தகவல் வந்தது. அந்தத் தகவலின் அடிப்படையில் இறந்தவரின் உடலைக் கைப்பற்றி காவல்துறையினர் விசாரணையை மேற்கொண்டனர். விசாரணையில், இறந்தவரின் பெயர் டோனி என்பது தெரியவந்தது. கொலை Also Read: `சென்னை வழக்கறிஞர் கொலை!’ - வாணியம்பாடி நீதிமன்றத்தில் சரணடைந்த ரௌடி கும்பல் அவரைக் கொலை செய்ததாக அவரின் நண்பர் ஸ்ரீதர் யல்லமல்லியை (60) ஜே.ஜே.மார்க் காவல்துறையினர் கைது செய்திருக்கிறார்கள். கொலையாளி கையில் `மேனகா’ என்று தமிழில் பச்சை குத்தப்பட்டிருந்த புகைப்படத்தின் அடிப்படையிலேயே அவர் இரண்டு மாதங்களுக்குப் பின்னர் அடையாளம் காணப்பட்டு, கைதுசெய்யப்பட்டதாகக் கூறுகிறார்கள் மும்பை போலீஸார். இந்தக் கொலைச் சம்பவம் குறித்து காவல்துறை அதிகாரிகள் கூறுகையில், ``ஸ்ரீதர் யல்லமல்லி, டோனி இருவரும் மும்பை நடைபாதைகளில் வசித்துவந்திருக்கிறார்கள். நண்பர்களான அவர்கள் இருவரும் அடிக்கடி ஒன்றாக மது அருந்துவதை வழக்கமாகக்கொண்டிருந்திருக்கிறார்கள். கடந்த ஜூன் 27-ம் தேதி, டோனி தனக்கு மது வாங்கிவர ரூ.100-ஐ ஸ்ரீதரிடம் கொடுத்திருக்கிறார். ஆனால், ஸ்ரீதர் அந்தப் பணத்தில் தன் நண்பருக்கு மது வாங்காமல், அவரே மது வாங்கிக் குடித்திருக்கிறார். இதனால் டோனி, ஸ்ரீதரோடு வாக்குவாதம் செய்திருக்கிறார். ஒருகட்டத்தில் இருவருக்கும் வாய்த் தகராறு முற்றியிருக்கிறது. ஆத்திரமடைந்த ஸ்ரீதர் இரும்புக்கம்பியால் டோனியைக் குத்திவிட்டுத் தப்பிச் சென்றுவிட்டார்.கொலையாளி கையிலிருந்த பச்சை இந்தச் சம்பவம் குறித்து வழக்கு பதிந்து விசாரித்துவந்தோம். அப்போது, டோனியுடன் நெருக்கமாக ஒருவர் பழகிவந்ததாகவும், அவரது கையில் `மேனகா’ என்று தமிழில் பச்சை குத்தியிருந்த விவரமும் விசாரணையில் தெரியவந்தது. டோனி கொலையான பின்னர், அவர் சம்பவ இடத்திலிருந்து மாயாமாகியிருந்தார். அதனால், அவர் கொலை செய்திருக்கலாம் என்ற கோணத்தில் நகரின் பல இடங்களில் தேடிவந்தோம். இது தொடர்பாக 150 பேருக்கும் அதிகமானோரிடம் விசாரணை மேற்கொண்டோம். இறுதியாக, ஸ்ரீதர் மாதுங்கா ரயில் நிலையத்தில் தினமும் தூங்க வருவார் என்ற தகவல் கிடைத்தது. அந்தத் தகவலின் அடிப்படையில் அவரை வளைத்துப் பிடித்தோம். விசாரணையில் அவர் குற்றத்தை ஒப்புக்கொண்டார்" என்றனர் மும்பை போலீஸார்.
http://dlvr.it/RjJxl6

Read More

‘சிஎஸ்கே வீரர்கள் அரசு ஊழியர்களைப்போல் விளையாடுகிறார்கள்..’ ஷேவாக் சாடல்

‘வேலை செய்யாவிட்டாலும் சம்பளம் சரியாக வந்துவிடும்’ என சிஎஸ்கே வீரர்களை சாடியுள்ளார் ஷேவாக்.   நடப்பு ஐபிஎல் சீசனின் 21-வது ஆட்டத்தில் கொல்கத்தா நைட் ரைடர்ஸுக்கு எதிரான ஆட்டத்தில் நிர்ணயிக்கப்பட்ட 20 ஓவர்கள் முடிவில் 157 ரன்கள் மட்டுமே எடுத்த சென்னை சூப்பர் கிங்ஸ் 10 ரன்கள் வித்தியாசத்தில் தோல்வியடைந்தது.   கடைசி ஓவரில் சிஎஸ்கே அணிக்கு 26 ரன்கள் தேவை என்ற நிலையில், முதல் 3 பந்துகளில் கேதர் ஜாதவ் 1 ரன் மட்டுமே எடுத்தார். கடைசி 3 பந்துகளில் ஜடேஜா சிக்ஸரும், 2 பவுண்டரியும் அடித்து ஆறுதல் அளித்தார். இதனால் கேதர் ஜாதவின் பேட்டிங் கடும் விமர்சனத்துக்குள்ளானது.     இந்நிலையில் சென்னை அணியின் இந்த தோல்வி குறித்து இந்திய அணியின் முன்னாள் வீரர் வீரேந்திர ஷேவாக் கூறுகையில், ‘’168 ரன்கள் என்பது எட்டக்கூடிய இலக்குதான். சிஎஸ்கே அணியின் பேட்ஸ்மேன்கள் மிக மோசமாக விளையாடினார்கள் என்று எனக்கு தோன்றுகிறது. என்னை பொருத்தவரையில் அந்த அணியில் சில வீரர்கள் அரசாங்க வேலை பார்ப்பவர்கள் போல் கடமைக்கு விளையாடி வருகிறார்கள்’’ என்றார்.   வேலை செய்யாவிட்டாலும் சம்பளம் சரியாக வந்துவிடும் என்று சென்னை சூப்பர் கிங்ஸ் அணியின் பேட்ஸ்மேன்களை தனது பாணியில் கிண்டலாக சுட்டிக் காட்டியுள்ளார் ஷேவாக்.
http://dlvr.it/RjGVwl

Read More

"டிஆர்பி புள்ளிகளை உயர்த்த ரிபப்ளிக் டிவி முறைகேடு' - மும்பை போலீஸ்

தொலைக்காட்சி பார்வையாளர்கள் எண்ணிக்கை தொடர்பான டிஆர்பி புள்ளிவிவரத்தில் பிரபலமான ரிபப்ளிக் டிவி முறைகேடு செய்ததாக மும்பை போலீஸ் தெரிவித்துள்ளது. டிஆர்பி முறைகேட்டில் ஈடுபட்டதாக ரிபப்ளிக் டிவி உரிமையாளர்களில் ஒருவரான அர்னாப் கோஸ்வாமியிடம் விசாரிக்க உள்ளதாக மும்பை காவல்துறை ஆணையர் பரம் பீர் சிங் தெரிவித்துள்ளார். மும்பை காவல் துறையை இழிவுபடுத்தும் வகையில் ரிபப்ளிக் டிவி செய்திகளை வெளியிட்டு வருவதாகவும் காவல் ஆணையர் பரம் பீர் சிங் குற்றஞ்சாட்டினார். எந்தெந்த டிவிக்களை மக்கள் அதிகம் பார்க்கிறார்கள் என வீடுகளில் BARO METER என்ற கருவி வைக்கப்பட்டுள்ள நிலையில் அந்த வீட்டினருக்கு சில நூறு ரூபாய் பணம் கொடுத்து தங்கள் சேனலை தொடர்ந்து ஓட வைத்து தங்கள் டிஆர்பி புள்ளிகளை உயர்த்திக்கொண்டார்கள் என்பதே ரிபப்ளிக் உள்ளிட்ட சில டிவி நிறுவனங்கள் மீதான குற்றச்சாட்டாகும். இதற்கிடையில் தங்‌கள் மீதான குற்றச்சாட்டை ரிபப்ளிக் டிவி மறுத்துள்ளது. சுஷாந்த் சிங் ராஜ்புத் மரண விவகாரத்தில் மும்பை போலீஸ் குறித்து செய்தி வெளியிட்டதற்கு பழி வாங்கும் விதமாக இந்த தவறான குற்றச்சாட்டை கூறுவதாக ரிபப்ளிக் டிவி விளக்கம் அளித்துள்ளது. புள்ளிவிவரங்களை வெளியிடும் BARC நிறுவனம் ரிபப்ளிக் டிவி தவறு செய்ததாக எதுவும் கூறவில்லை என்றும் அத்தொலைக்காட்சி தெரிவித்துள்ளது. தவறான குற்றச்சாட்டை வெளியிட்டதற்காக மும்பை காவல் துறை ஆணையர் மன்னிப்பு கேட்க வேண்டும் என்றும் இல்லாவிட்டால் நீதிமன்றத்தில் அவதூறு வழக்கு தொடரப்படும் என்றும் ரிபப்ளிக் தொலைக்காட்சி நிர்வாகம் தெரிவித்துள்ளது
http://dlvr.it/RjFRxQ

Read More

கேரளாவுக்குச் செல்லும் புகையிலை, ரேஷன் அரிசி மூட்டைகள்... கடத்தல் கேந்திரமான குமரி எல்லை?

கன்னியாகுமரி மாவட்டத்திலிருந்து கேரளாவுக்குச் செல்லும் எல்லையான பளுகல் பகுதியில், கடந்த 3-ம் தேதி போலீஸார் வாகன சோதனையில் ஈடுபட்டிருந்தனர். அப்போது அந்த வழியாக வந்த லாரியை களியக்காவிளை இன்ஸ்பெக்டர் எழிலரசி தலைமையிலான போலீஸார் நிறுத்தி சோதனை செய்தனர். அந்த லாரியில் `ஆப்பிள் பிராண்ட்’ என அச்சிடப்பட்ட சாக்கு மூட்டைகள் இருந்தன. அவற்றில் தமிழக அரசு இலவசமாக வழங்கும் ரேஷன் அரிசிகள் இருந்தன. நூதன முறையில் ரேஷன் அரிசியைக் கேரளாவுக்குக் கடத்த முயன்றதாக லாரி ஓட்டுநரான நெல்லை மாவட்டத்தை சேர்ந்த ராசு (41), பாஸ்கர் (19) இருவரையும் போலீஸார் மடக்கிப் பிடித்தனர். மேலும், அவர்களிடமிருந்து ரூ.4,18,610 பணத்தையும் போலீஸார் பறிமுதல் செய்தனர். அவர்களிடம் நடத்திய விசாரணையில் தென்காசி பகுதியிலிருந்து ரேஷன் அரிசி கடத்திவந்தது தெரியவந்தது. அவர்கள் இருவரும் கைதுசெய்யப்பட்டனர்.கேரளாவிற்கு கடத்த முயன்ற ரேஷன் அரிசி பறிமுதல் அதேபோல கன்னியாகுமரி மாவட்ட எல்லைப்பகுதியான களியக்காவிளையில் தடைசெய்யப்பட்ட புகையிலைகளைக் கேரளாவுக்குக் கடததுவதற்காகப் பதுக்கிவைத்திருப்பதாக போலீஸாருக்கு ரகசிய தகவல் கிடைத்திருக்கிறது. இதையடுத்து தக்கலை சரக டி.எஸ்.பி ராமசந்திரன் தலைமையில், காவலர்கள் களியக்காவிளையில் அதிரடியாக சோதனையில் இறங்கினர். அங்கிருக்கும் அன்வர் டிராவல்ஸ் நிறுவனத்தின் பின்புறமுள்ள அன்வர் என்பவருக்கு சொந்தமான கட்டடத்தில் நடத்திய சோதனையில் சேமியா பாக்கெட்டுகளுக்கு இடையே சுமார் ஒரு டன் புகையிலை பொருள்கள் கண்டுபிடிக்கப்பட்டன. கேரளாவுக்குக் கடத்துவதற்காக அந்தப் புகையிலைகள் பதுக்கி வைக்கப்பட்டிருந்ததாக போலீஸ் விசாரணையில் தெரியவந்திருக்கிற்றது. இதையடுத்து புகையிலை பதுக்கியதாக அன்வர் கைதுசெய்யப்பட்டார். இது தொடர்பாக மேலும் மூன்றுபேரை போலீஸார் தேடிவருகின்றனர். மேலும் அதே 7-ம் தேதி குழித்துறை வழியாக மினி டெம்போவில் கேரளாவுக்குக் கடந்த முயன்ற இரண்டரை டன் ரேஷன் அரிசியை வட்ட வழங்கல் அதிகாரி தினேஷ் சந்திரன் தலைமையிலான அதிகாரிகள் மடக்கிப் பிடித்தனர்.குழித்துறையில் பிடிக்கப்பட்ட ரேஷன் அரிசி மூட்டைகள் கொரோனா லாக்டெளன் தளர்வுகள் வழங்கப்பட்டிருக்கும் நிலையில், கன்னியாகுமரி மாவட்டம் வழியாக கேரள மாநிலத்துக்கு ரேஷன் அரிசி, போதைப்பொருள்கள் உள்ளிட்டவை கடத்துவது அதிகரித்திருப்பது போலீஸாரை அதிர்ச்சியடைய வைத்திருக்கிறது. கன்னியாகுமரி மாவட்டத்திலிருந்து கேரள தலைநகரான திருவனந்தபுரத்தை அடைவது சுலபம் என்பதால் புகையிலை, ரேஷன் அரிசி எனக் கடத்தல் தொடர்ந்து நடைபெற்றுவருகிறது. `போலீஸார் கண்காணிப்பைத் தீவிரப்படுத்தினால் மட்டுமே கடத்தல் நடவடிக்கைகளைக் கட்டுப்படுத்த முடியும்’ என்கிறார்கள் பொதுமக்கள்.
http://dlvr.it/RjFRsB

Read More

ஒரு சம்பவம்... இரு பார்வைகள்: சாதிப் பிரச்னையும் குற்றப்பிரதேசமும்!

ஹத்ராஸ் இளம்பெண்ணுக்கு நடந்த பாலியல் வன்கொடுமை; அதைத் தொடர்ந்த காவல் துறை, நீதித்துறையின் அதிர்ச்சி தரத்தக்க நடவடிக்கைகள்; உடலைக்கூட, பெற்றோரை வீட்டில் சிறைப்படுத்திவிட்டு எரித்த கொடூரம்; தொடரும் உத்தரப்பிரதேச அரசின் அடக்குமுறைகள்; வழக்கம் போல பாரதிய ஜனதாக் கட்சியினரின் பொறுப்பற்ற பேச்சுகள் எனக் காட்சிகள் தொடர்ந்து விரிந்துகொண்டே இருக்கின்றன. நடந்திருப்பது பாலியல் வன்முறை என்கிற ஒரு தனித்த குற்றச் செயல் என்பதே பொதுவாக உரத்துச் சொல்லப்படுகிறது. ஆனால் உண்மை அதுதானா? ... இது ஒடுக்கப்பட்ட சமுதாயத்தின் தன்மானம் சார்ந்த பிரச்னை. எதிரியின் தோட்டத்து ஆடுமாடுகளைக் கவர்வது போல் ஒரு கூட்டத்தின் பெண்களை எடுத்துக் கொள்வதும் குழு வாழ்க்கையிலிருந்து ஆணாதிக்க மனங்களில் பதிந்துபோன ஒரு விஷயம்தான். அதுதான் தொடர்ந்து நடக்கிறது. ஆதிக்க வெறி இங்கு சாதி வெறியாகத் தலைவிரித்தாடுகிறது. மதுரா… நிர்பயா என்று சமூக அடையாளங்களிலிருந்து பிரித்தெடுத்து வெறும் பாலியல் வன்கொடுமையாக இக்கொடுமைகளைச் சுருக்கிக்கொண்டு போக முடியாது. அப்படிப் பார்ப்பதன் விளைவுதான் அப்படியே இந்தப் பிரச்னையை நீர்த்துக் கொண்டு போய் பாதிக்கப்பட்டவர்களுக்கே அறிவுரை கூறும் அரைவேக்காட்டு ஆலோசனைகளில் முடிந்து போகிறது.பாலியல் வன்கொடுமை ஒவ்வொரு பாலியல் வன்முறை நடக்கும் போதும் அது குறித்துப் பெரிய கூக்குரல் ஒன்றினை இந்த நாடு ஒருமித்து எழுப்புகிறது. ஆனால் வசதியாக அந்தக் குற்றத்தின் முழுப் பரிணாமத்தையும் மறைத்துவிட்டு ஏதோ சில இளைஞர்களை மட்டும் குற்றவாளிகளாகக் கையைக் காட்டுகிறது. அவர்களை மட்டும் தூக்கில் போடச் சொல்லி உணர்ச்சிவசப்பட்டுக் கொந்தளிக்கிறது. 'நோய்நாடி நோய்முதல் நாடி அதுதணிக்கும் வாய்நாடி வாய்ப்பச் செயல்' என்பது வள்ளுவன் கூற்று. இங்கு நோய் பற்றிய ஆய்வறிக்கையே முழுமையாகத் தயாரிக்கப் படுவதில்லை. முதலில் இதைப் பெண்கள் பிரச்னையாக மட்டும் பார்ப்பதே தவறு. இது சாதிப் பிரச்னை. இதை சாதிப் பிரச்சினையாகவும் அணுகினால் மட்டுமே தீர்வு கிடைக்கும்...ஓவியா - பெண்ணியலாளர் ஓவியா எழுதிய கட்டுரையை ஆனந்த விகடன் இதழில் முழுமையாக வாசிக்க > ஆணாதிக்கம் மட்டுமா இந்த அநீதிக்குக் காரணம்? https://bit.ly/3iOHU0x குற்றப்பிரதேசம்! தேசம் முழுக்கக் கோப அலைகள் பொங்கி வந்ததைப் பார்த்த பிறகு, அலகாபாத் நீதிமன்றமே அதிர்ந்து வாய் திறந்த பிறகு, 'நியூயார்க் டைம்ஸ்' முதல் 'கார்டியன்' வரை சர்வதேச அளவில் ஹத்ராஸ் கொடூரம் ஒரு விவாதப் பொருளாக மாறிய பிறகு, இரண்டாவது மோடியாகவும் பிரகாசமான பிரதமர் வேட்பாளராகவும் இந்துத்துவ ஆதரவாளர்களால் உயர்த்திப் பிடிக்கப்படும் உ.பி முதல்வர் ஆதித்யநாத் யோகி சிடுசிடுப்போடு அசைந்துகொடுக்கவே ஆரம்பித்தார். அப்போதும்கூட, ஒரு பக்கம் சிபிஐ விசாரணை என்று அறிவித்துவிட்டு இன்னொரு பக்கம் ஹத்ராஸ் இளம்பெண்ணுக்கு எதிரான பிரசாரப் போரையே அவர் முன்னெடுத்திருக்கிறார். உத்தரப்பிரதேசத்தைப் பற்றி மேலோட்டமாக மட்டுமே தெரிந்து வைத்திருப்பவர்களும்கூட ஹத்ராஸ் ஒரு தனிப்பட்ட நிகழ்வு அல்ல என்பதை அறிவார்கள். இந்த நிமிடம்வரை உத்தரப்பிரதேசத்தில் பாலியல் வன்முறைக்கு ஆளான ஒரு பெண்ணால் குறைந்தபட்சம் காவல் நிலையத்துக்குச் சென்று தனக்கு நேர்ந்ததை ஒரு புகாராகக்கூடப் பதிவு செய்யமுடியாது என்பதுதான் உண்மை. அலிகாரில் பாலியல் வன்முறையை எதிர்கொண்ட ஒரு பட்டியலினப் பணிப்பெண் புகார் அளிக்கக் காவல் நிலையம் சென்றபோது, அங்குள்ள அதிகாரி ஒருவர் அவரை ஏற இறங்கப் பார்த்துவிட்டு, 'உன்னைத் தொல்லை செய்யும் அளவுக்கு அப்படியொன்றும் நீ அழகாக இல்லையே' என்று சொல்லித் திருப்பியனுப்பியிருக்கிறார்.அணையாது எரியும் அநீதி! - குற்றப்பிரதேசம் அம்ரோஹாவில் பாலியல் வன்கொடுமைக்கு உள்ளான 19 வயதுப் பெண் தன் தந்தையுடன் காவல் நிலையம் சென்றபோது ஓர் அதிகாரி அமர வைத்து அறிவுரை சொல்லி அனுப்பியிருக்கிறார். 'இதோ பாருங்கள், புகாரெல்லாம் கொடுப்பதன்மூலம் ஒரு பயனும் உங்களுக்குக் கிடைக்கப் போவதில்லை. இதில் சாதியெல்லாம் சம்பந்தப்பட்டிருக்கிறது. பேசாமல் சம்பந்தப்பட்ட இருவருக்கும் திருமணம் பேசி முடித்துவிடுங்கள். அதுதான் உங்களுக்கு நல்லது.' - மருதன் எழுதிய சிறப்புக் கட்டுரையை ஆனந்த விகடன் இதழில் முழுமையாக வாசிக்க > அணையாது எரியும் அநீதி! - குற்றப்பிரதேசம் https://bit.ly/33FQeeE சிறப்புச் சலுகைகள்: > ஆனந்த விகடன் தொடங்கி பசுமை விகடன் வரை விகடன் இதழ்கள் அனைத்தையும் டிஜிட்டலில் சுடச்சுட வாசித்து பயன்பெறுவதுடன், 15 ஆண்டு கால பொக்கிஷங்களிலும் வலம்வர... ரூ.1499 மதிப்பிலான 1 வருட டிஜிட்டல் சந்தாவை ரூ.999-க்குப் பெற இங்கே க்ளிக் செய்க > https://bit.ly/3h3Rdth > விகடன் App-ஐ டவுன்லோடு செய்து ரெஜிஸ்டர் செய்தால், ரூ.149 மதிப்புள்ள ஒரு மாத Vikatan Digital Pack-ஐ முற்றிலும் இலவசமாகப் பெறலாம். விகடன் ஆப் டவுன்லோடு செய்து, இந்தச் சலுகையைப் பெற https://bit.ly/2VRp3JV
http://dlvr.it/RjBlfM

Read More