`சாமி வந்தால் ஆசாமிகள் வெளிப்பட்டுவிடுவார்களோ?’ - பினராயி விஜயனைச் சீண்டிய பொன்.ராதாகிருஷ்ணன்

நவராத்திரி விழாவுக்காக கன்னியாகுமரி மாவட்டம், பத்மநாபபுரம் அரண்மனை அருகிலுள்ள சரஸ்வதி கோயிலிலிருந்து சரஸ்வதி தேவி திருவனந்தபுரம் செல்வது வழக்கம். ஆண்டுதோறும் விமரிசையாக நடக்கும் விழாவில் சரஸ்வதி தேவி, சுசீந்திரம் முன்னுதித்த நங்கை, குமாரகோவில் முருகன் ஆகிய சுவாமிகள் யானை மற்றும் பல்லக்கில் திருவனந்தபுரம் செல்வது வழக்கம். இந்தப் பயணத்துக்கு மூன்று நாள்கள் வரை ஆகும். அதற்கு முன்னர் பத்மநாபபுரம் அரண்மனையிலிருந்து மன்னரின் உடைவாள் வழங்கும் நிகழ்வு நடைபெறும். கொரோனா காரணமாக இந்த ஆண்டு, `ஒரே நாளில் சுவாமிகளை திருவனந்தபுரம் கொண்டு வர வேண்டும்’ என்று கேரள அரசு கூறியிருக்கிறது. எனவே, சுவாமிகளை டெம்போ போன்ற வாகனத்தில் எடுத்துச் செல்ல குமரி மாவட்ட நிர்வாகம் முடிவு செய்திருப்பதாகக் கூறப்படுகிறது. இதற்கு குமரி மாவட்ட இந்து அமைப்புகள் கடும் எதிர்ப்பு தெரிவித்திருக்கின்றன. `இது ஊர்வலம் அல்ல, வழிபாட்டுமுறை. எனவே இதை மாற்றக் கூடாது’ என முன்னாள் மத்திய அமைச்சர் பொன்.ராதாகிருஷ்ணன் வலியுறுத்தியிருக்கிறார்.பத்மநாபபுரம் அரண்மனை இது பற்றி பொன்.ராதாகிருஷ்ணன் கூறுகையில், ``கோயிலுக்குச் செல்லும் அளவுக்கு ஊரடங்கு தளர்த்தப்பட்டிருக்கிறது. கொரோனா ஊரடங்கிலும், எல்லா ஆலையங்களிலும் முறைப்படி வழிபாடுகள், பூஜைகள் நடப்பதற்கு எந்தத் தடையும் இதுவரை வந்ததில்லை. குமரியில் அதி முக்கிய விழாவான விஜயதசமி, சரஸ்வதி பூஜை கொண்டாடப்பட்டுக்கொண்டிருக்கிறது. குமரி மாவட்டத்தில் அனைத்து மதத்தினரும் ஒன்று சேர்ந்து சரஸ்வதி பூஜை, ஆயுத பூஜை விழாக்களைக் கொண்டாடுவார்கள். சரஸ்வதி பூஜைக்கு அடிப்படையாக அமைந்தது பத்மநாபபுரம் அரண்மனையிலிருக்கும் சரஸ்வதி தேவி. இந்த சரஸ்வதி தேவி, சுசீந்திரம், முன்னுதித்த நங்கை, குமாரகோயில் முருகன் ஆகிய சுவாமிகள் 1700-ம் ஆண்டிலிருந்து திருவனந்தபுரம் சென்று நவராத்திரி பூஜையில் கலந்துகொள்வது நடந்திருக்கிறது. 1839-ல் ஸ்வாதி திருநாள் மஹாராஜா இந்த விழாவில் சில முறைப்படுத்தல்களைச் செய்திருக்கிறார். கம்பரால் வழிபாடு செய்யப்பட்ட சரஸ்வதி சிலைதான் பத்மநாபபுரத்தில் இருக்கிறது. பின்னர், குலசேகர பெருமாளிடம் கொடுக்கப்பட்டு பூஜை செய்யப்பட்டுவருகிறது. வழக்கமாக பெண் தெய்வங்கள் பல்லக்கில் செல்வது வழக்கம். ஆனால் சரஸ்வதி தேவி யானை மீது செல்வார்கள். அவரை எடுத்துச் செல்லக்கூடியவர்கள் கிருஷ்ணவகை சமுதாய மக்கள். திருவிதாங்கூர் மன்னர் கார்த்திகை திருநாள் ராமவர்மா மஹாராஜா காலத்தில் சகல மரியாதைகளுடன் அழைத்துச் செல்லப்படுகிறார்கள். இந்த வழிபாட்டில் கோயிலுக்குள் உண்டான வழிமுறைகள், கோயிலுக்கு வெளியேயுள்ள வழிமுறைகள் என இருக்கின்றன.பொன்.ராதாகிருஷ்ணன் இந்த தெய்வங்களை மூன்று ஆறுகளையும் கடந்து திருவனந்தபுரம் அழைத்துப் போவார்கள். அதனால் சுமந்து சென்றவர்களுக்கு அன்று மூன்று தங்க எலுமிச்சைப்பழங்களை மன்னர் கொடுத்திருக்கிறார். கொரோனா காலத்தில் கோயிலுக்கு உள்ள முறைகள் தடுக்கப்படவில்லை. பூசாரிகள் பூஜை செய்தனர். அதுபோல, சரஸ்வதி சுவாமி நவராத்திரி விழாவுக்காக திருவனந்தபுரம் புறப்பட்டுச் செல்வது ஊர்வலம் அல்ல; வழிபாட்டு முறை. 1700 முதல் வகுக்கப்பட்ட இந்த முறையை மாற்ற யாருக்கும் அதிகாரம் இல்லை. அந்த விதிமுறையை மாற்றுவது சரியான விஷயம் அல்ல. Also Read: `அ.தி.மு.க தலைமையின் கீழ், எங்கள் கூட்டணி!’ - பொன்.ராதாகிருஷ்ணன் இன்று கேரள அரசாங்கம் சில காரணங்களைச் சொல்லி ஒரே நாளில் எடுத்து வர வேண்டும் என்கிறார்கள். வாகனத்தில் எடுத்துச் சென்றால் இரண்டு மணி நேரத்தில் செல்லலாம். இது டிராவல்ஸ் சர்வீஸ் அல்ல. சுவாமியை அழைத்துச் செல்வதும் பூஜை முறைகளில் ஒன்றுதான். வழியில் குழித்துறை தாமிரபரணி ஆறு மற்றும் கரமனை ஆற்றில் சுவாமிக்கு ஆராட்டு நடக்கும். எனவே, இதில் கேரள அரசு கொரோனா காரணங்களைக் காட்டக் கூடாது. எல்லா ஆண்டும்போல இந்த ஆண்டும் நவராத்திரி பவனி நடக்க வேண்டும். இது தேரோட்டம்போலக்கூட அல்ல. இது இப்படி ஆரம்பித்து, இப்படித்தான் முடிக்க வேண்டும் என நடமுறைகள் உள்ளன. எனவே, `இந்த முறைகளை மாற்றாதீர்கள்’ என கேரள முதல்வருக்கு என்னுடைய வேண்டுகோளை வைக்கிறேன்.கேரள முதல்வர் பினராயி விஜயன் சுவாமிக்கு நடக்க வேண்டிய பூஜைகள் நடக்கட்டும். கேரள முதல்வர் நவராத்திரி பவனியைத் தடுப்பதற்கு கொரோனா அச்சம் காரணமாக இருக்கலாம் அல்லது அரசியல் அச்சம் காரணமாக இருக்கலாம். கேரளத்தில் சட்டமன்றத் தேர்தல் வருவதால், சாமி வந்தால் ஆசாமிகள் வெளிபட்டுவிடுவார்களோ என அச்சப்படுகிறார்கள்" என்றார்.
http://dlvr.it/RjRL8h

Read More

தோனியின் மகளுக்கு மிரட்டல்... 12-ஆம் வகுப்பு மாணவன் கைது

இந்திய கிரிக்கெட் அணியின் முன்னாள் கேப்டன் தோனியின் 5 வயது மகளுக்கு இன்ஸ்டாகிராமில் மிரட்டல் விடுத்த 12ஆம் வகுப்பு மாணவர் கைது செய்யப்பட்டுள்ளார். எம்.எஸ்.தோனியின் ஐந்து வயது மகளுக்கு இன்ஸ்டாகிராமில் அநாகரிகமான முறையில் அச்சுறுத்தல் விடுத்ததாக கட்ச் பகுதியின் முந்த்ராவைச் சேர்ந்த 12-ஆம் வகுப்பு படிக்கும் சிறுவன் போலீஸாரால் கைது செய்யப்பட்டுள்ளார். "அவர்தான் அந்தக் கருத்துகளை வெளியிட்டதாக ஒப்புக்கொண்டார்" என்று கட்ச் காவல்துறை கண்காணிப்பாளர் சவ்ரப் சிங் கூறினார். "ராஞ்சி போலீஸ் வருவதற்கு நாங்கள் காத்திருக்கிறோம், அதன் பிறகு இவரை அவர்களிடம் ஒப்படைப்போம்" என்றும் அவர் கூறினார்.
http://dlvr.it/RjQJfT

Read More

"தியேட்டரில் படம் பார்க்கும் அனுபவத்தை இழந்துவிட்டேன்": ஜனனி அய்யர்

ஊரெல்லாம் தியேட்டர்கள் ஆளற்ற வனாந்தரமாக மூடிக் கிடக்கின்றன. மக்கள் கூட்டத்துடன் உற்சாகமாகக் காணப்படும் அதன் வளாகங்கள் சில இடங்களில் பார்க்கிங் பகுதிகளாக மாறியுள்ளன. பிரபலங்களின் தியேட்டர் அனுபவங்களை தினமும் வெளியிட்டுவரும் டைம்ஸ் ஆப் இந்தியா நாளிதழில், தன் சுவையான தியேட்டர் அனுபவங்களைப் பகிர்ந்துள்ளார் ஜனனி அய்யர். "தியேட்டரில் ஒரு படத்தை முழுமையாக பார்த்து ரசித்தேன். அது பீட்சா படம். என் பள்ளித் தோழர்களுடன் சேர்ந்துப் பார்த்தேன். வழக்கமாக திகில் மற்றும் த்ரில்லர் படங்களைப் பார்ப்பது பயப்படுவேன். அதன் பின்னணி இசைதான் காரணம். அந்தப் படத்தில் வரும் ஒரு காட்சியைப் பார்த்துவிட்டு எகிறிக் குதித்தேன். கையில் வைத்திருந்த பாப்கார்ன் சிதறியதில் ஒருவரின் முகத்தின் மேல் போய் விழுந்தது. உடனடியாக அவரிடம் மன்னிப்புக் கேட்டேன். அதைப் பார்த்து என் நண்பர்கள் கலகலவென சிரித்தனர். ஊரடங்கு வரைக்கும் எப்போதும் நண்பர்களுடன் சேர்ந்து புதிய படங்களை ஒவ்வொரு வெள்ளிதோறும் தியேட்டரில் பார்த்துவிடுவோம். அதுவொரு வேடிக்கையான அனுபவம். நான் நடித்த படங்களை தியேட்டரில் பார்ப்பதில் ஆர்வமாக இருப்பேன். பெரும்பாலான நேரங்களில் நான் தியேட்டருக்குச் செல்வதைத் தவிர்ப்பேன். ஆனால் என் படங்களைப் பார்க்க நண்பர்கள் என்னை இழுத்துச் சென்றுவிடுவார்கள். படத்தில் வரும் என்னுடைய குளோசப் காட்சிகளைப் பார்க்கும்போது முகத்தை மூடிக்கொள்வேன். அதைப் பற்றி நான் மிகவும் கவனமாக இருப்பேன். மக்களுடைய ரியாக்சனைப் பார்ப்பதற்கு விரும்பமாட்டேன். நான் திரையில் தோன்றும்போதும், என் பெயர் வரும்போதும் நண்பர்கள் உற்சாகத்தில் சத்தம் போடுவார்கள். உண்மையில், நான் தியேட்டரில் படம் பார்க்கும் அனுபவங்களை இழந்துவிட்டேன். வீட்டில் ஹோம் தியேட்டர் இருந்தபோதும், அது முழுமையாக படம் பார்க்கும் அனுபவத்தைக் கொடுக்காது. மக்கள் கூட்டத்துடன் தியேட்டரில் பார்க்கும்போது, நகைச்சுவை காட்சிகளுக்கு அவர்களுடன் சேர்ந்து சிரிப்பது வேடிக்கையானது. ஊரடங்கு நாட்களில் நான் இழந்துள்ள மிகப்பெரிய விஷயங்களில் அதுவும் ஒன்றாக இருக்கிறது. சில கட்டுப்பாடுகளுடன் விரைவில் தியேட்டர்கள் திறக்கப்படும் என நம்புகிறேன்" என்று ஜனனி அய்யர் மனந்திறந்து பேசியுள்ளார். தமிழகத்தில் மிக கனமழைக்கு வாய்ப்பு  
http://dlvr.it/RjQJcD

Read More

‘நான் மன அழுத்தத்தால் பாதிக்கப்பட்டு உள்ளேன்’ – ஐரா கான்

தான் மிகுந்த மன அழுத்தத்தில் இருப்பதாக அமீர் கானின் மகள் ஐரா கான் தெரிவித்துள்ளார். பாலிவுட் சினிமாவின் முன்னணி நடிகர்களில் ஒருவரான அமீர் கானின் மகள்தான் ஐரா கான். இவர் கடந்த வருடம், ‘யூரிபெடீஸ் மெடியா’ என்கிற மேடை நாடகம் மூலம் இயக்குநராக அறிமுகமானார். மேலும் ஐராவிற்கு இன்ஸ்டாகிராமில் அதிகமான ரசிகர்கள் உள்ளனர். இந்நிலையில் நேற்று (அக்டோபர் 10) உலக மனநல தினத்தையொட்டி இன்ஸ்டாகிராமில் வீடியோ ஒன்றை ஐரா கான் பகிர்ந்திருந்தார். அதில் அவர் கூறுகையில், ‘’ஹாய், நான் மனச்சோர்வடைந்துள்ளேன். நான் நான்கு ஆண்டுகளுக்கும் மேலாக மன அழுத்தத்தில் இருக்கிறேன். நான் ஒரு மருத்துவரின் ஆலோசனையில் உள்ளேன். தற்போது நான் ஓரளவு பரவாயில்லாமல் இருக்கிறேன். இப்போது, நான் மன ஆரோக்கியத்திற்காக ஏதாவது செய்ய விரும்புகிறேன். ஆனால் என்ன செய்வது என்று எனக்குத் தெரியவில்லை. உங்களை எல்லாம் ஒரு பயணம் மூலமாக பார்த்து என்ன நடக்கிறது என்று பார்க்க முடிவு செய்துள்ளேன். நான் சொல்ல பல விஷயங்களைப் பற்றி யோசித்தேன். நான் என்ன சொல்ல வேண்டும்? நான் ஏன் இதைச் செய்கிறேன்? சொல்ல நிறைய இருக்கிறது. எனவே இந்த பயணத்தில் என்னுடன் வாருங்கள். உலக மனநல தின வாழ்த்துகள்" என்று பேசியுள்ளார்.  
http://dlvr.it/RjNJt6

Read More

நிரந்தரமாக வீட்டில் இருந்தே பணியாற்றலாம்: மைக்ரோசாப்ட் ஆலோசனை

உலகம் முழுவதும் கொரோனா பரவல் காரணமாக அறிவிக்கப்பட்ட ஊரடங்கால் உள்ளூர் முதல் பன்னாட்டு நிறுவனங்கள் வரையில், வீட்டில் இருந்து பணியாற்றலாம் என்ற புதிய எதார்த்தத்துக்கு வந்தன. மார்ச் மாதம் முதலே பல நாடுகளில் வீட்டில் இருந்து பலரும் அலுவலக வேலைகளைச் செய்துவருகிறார்கள். இந்த நிலையில், பணியாளர்கள் விரும்பினால் நிரந்தரமாகவே வீட்டில் இருந்து பணியாற்றலாம் என்பது குறித்து மைக்ரோசாப்ட் நிறுவனம் ஆலோசித்துவருகிறது. அமெரிக்காவில் உள்ள மைக்ரோசாப்ட் நிறுவனத்தில் தற்போது வரை வீட்டில் இருந்தே பலரும் பணியாற்றி வருகிறார்கள். அடுத்த ஆண்டு ஜனவரி வரையில் யாரும் அலுவலகம் வரவேண்டாம் என ஏற்கெனவே அந்நிறுவனம் அறிவித்திருந்தது. "புதிய வழிகளில் வாழவும் வேலை செய்யவும் கொரோனா தொற்று நம் எல்லோருக்கும் சவால் விட்டுள்ளது" என்று கருத்துத் தெரிவித்துள்ளார் மைக்ரோசாப்ட் தலைமை அதிகாரி கேத்லீன் ஹோகன். அதாவது வீட்டில் இருந்து பணியாற்ற விரும்பும் பணியாளர்கள், அவர்களது மேலாளர்களிடம் ஒப்புதல் பெறவேண்டும். அதேநேரத்தில், மேலாளர்களின் அனுமதி இல்லாமலும் வேலை செய்யலாம். ஆனால், வாரத்தில் 50 சதவீதத்திற்கும் குறைவான நாட்கள் மட்டுமே வீட்டில் இருந்து பணியாற்றமுடியும் என்று மைக்ரோசாப்ட் செய்திக்குறிப்பில் அறிவிக்கப்பட்டுள்ளது. மைக்ரோசாப்ட் நிறுவனத்தில் பணிபுரியும் அனைத்து ஊழியர்களும் வீட்டில் இருந்து பணியாற்றும் வாய்ப்பைப் பெறமுடியாது. சிலர் அதற்குத் தகுதியானவர்கள் கிடையாது. மைக்ரோசாப்ட் சோதனைக்கூடங்களில் வேலை செய்பவர்கள் மற்றும் ஊழியர்களுக்குப் பயிற்சி வழங்குபவர்கள் வீட்டில் இருக்கமுடியாது.  பாரதிராஜாவிடம் மன்னிப்பு கேட்ட ’இரண்டாம் குத்து’ பட இயக்குநர்    
http://dlvr.it/RjMc1H

Read More

குமரி: `பாரம்பர்யம் தவறினால் தடுத்து நிறுத்துவோம்!’ - எச்சரிக்கும் இந்து முன்னணியினர்

கன்னியாகுமரி மாவட்டம் பத்மநாபபுரம் அரண்மனையை ஒட்டி சரஸ்வதி சுவாமி கோயில் அமைந்துள்ளது. கம்பர் வழிபட்டதாக கூறப்படும் இக்கோயிலில் மூலவராக சரஸ்வதி தேவி அருள்பாலிக்கிறார். கேரள மாநிலம் திருவனந்தபுரம் பத்மநாபசுவாமி கோயில் அருகில் நடக்கும் நவராத்திரி விழாவுக்காக ஆண்டுதோறும் சரஸ்வதி சுவாமி செல்வது வழக்கம். இதற்காக நவராத்திரி விழா தொடங்குவதற்கு மூன்று நாட்களுக்கு முன்பே பத்மநாபபுரத்திலிருந்து யானை மீது சரஸ்வதி அம்மன் புறப்படும் விழா நடைபெறும். இதற்காக சுசீந்திரம் முன்னுதித்த நங்கை அம்மன், குமாரகோவில் முருகன் சுவாமிகளும் பத்மநாபபுரத்திற்கு வந்து அங்கிருந்து சரஸ்வதி அம்மனுடன் பல்லக்கில் திருவனந்தபுரம் செல்வது வழக்கம். பல்லக்கில் செல்லும் சுவாமிகளை இந்து சமய அறநிலையத்துறை ஊழியர்கள் சுமந்துசெல்வது வழக்கம். அப்படி சுவாமி நவராத்திரி பவனியாக செல்லும்போது வழிநெடுகிலும் பக்தர்கள் பூஜைப் பொருட்கள் வைத்து வழிபாடு செய்வார்கள். அந்த வழிபாட்டுக்கு திருக்கஞ்சார்த்து என பெயர். இந்த பவனியின்போது கேரள போலீஸார் அணிவகுப்பு மரியாதை செலுத்தி சுவாமியை அழைத்து செல்வார்கள்.நவராத்திரிக்காக சுவாமிகளை பல்லக்கில் கேரளா அழைத்துச் செல்ல கோரி நடந்த போராட்டம் கேரள மாநிலம் திருவனந்தபுரம் சென்றதும் முன்னுதித்த நங்கை அம்மனை செந்திட்டை கோயிலிலும், முருகன் சுவாமியை ஆரியசாலை பகவதி அம்மன் கோயிலிலும், சரஸ்வதி அம்மன் பதமநாபசுவாமி கோயில் அருகில் உள்ள நவராத்தி மண்டபத்திலும் வைத்து பூஜைகள் நடத்தப்படும். நவராத்திரியின் ஒன்பது நாட்களும் பூஜைகள் முடிந்த பிறகு மீண்டும் சுவாமிகளை பல்லக்கில் கோயிலுக்கு திரும்ப கொண்டுவருவார்கள். திருவிதாங்கூர் மன்னர் ஆட்சிகாலத்தில் இருந்தே பாரம்பர்யமாக இந்த விழா நடந்து வருகிறது. அது இப்போதும் தொடர்ந்து நடந்து வருகிறது. Also Read: `கட்டண உயர்வு அமல்படுத்தப்படவில்லை!' - குமரி கோயில் சர்ச்சைக்கு அறநிலையத் துறை விளக்கம் இந்த ஆண்டு வரும் 16-ம் தேதி முதல் திருவனந்தபுரத்தில் நவராத்திரி விழா தொடங்குகிறது. கொரோனா நோய் தொற்று பரவல் காரணமாக நவராத்திரி விழாவுக்காக குமரி மாவட்ட சுவாமிகளை வாகனம் மூலம் திருவனந்தபுரம் கொண்டு செல்ல இரு மாநில அரசு அதிகாரிகளும் முடிவு செய்துள்ளதாக கூறப்படுகிறது. இதற்கு இந்து முன்னணி அமைப்பு கடும் எதிர்ப்பு தெரிவித்து தக்கலையில் ஆர்ப்பாட்டம் நடத்தியது. இதுகுறித்து கன்னியாகுமரி மாவட்ட இந்து முன்னணி தலைவர் மிசா சோமன் கூறுகையில், ``பாரம்பர்ய முறைப்படி சுவாமியை பல்லக்கில் சுமந்து செல்ல அதிகாரிகள் நடவடிக்கை எடுக்க வேண்டும்.இந்துமுன்னணி குமரி மாவட்ட தலைவர் மிசா சோமன் கொரோனா காலம் என்பதால் சாலை ஓரங்களில் சுவாமிக்கு வரவேற்பு அளிக்கும் விதமாக வழிபாடு செய்ய வேண்டாம் என கூறலாம். அதை விடுத்து சுவாமிகளை வாகனத்தில் கேரளா எடுத்துச் செல்ல அரசு முயற்சித்தால் அதை தடுத்து நிறுத்துவோம். ஒவ்வொரு கோயில்களில் இருந்தும் சுவாமியை எடுத்துச்செல்ல அனுமதிக்காமல், பெரும் போராட்டம் நடத்துவோம்" என்றார். இதுகுறித்து கன்னியாகுமரி மாவட்ட எஸ்.பி மற்றும் கலெக்டர் ஆகியோர் இந்து முன்னணி அமைப்பினரிடம் பேச்சுவார்த்தை நடத்தி வருகின்றனர்.
http://dlvr.it/RjMc0f

Read More

பாட்ஷாவாக மீண்டும் மாறுவாரா மேக்ஸ்வெல்...!

பம்பாயில் பாட்ஷா பாயாக வலம் வந்த ரஜினிகாந்த் சென்னையில் மாணிக்கமாக சாதுவான ஆட்டோ டிரைவராக அடக்கி வாசித்து பாட்ஷா படத்தில் நடித்திருப்பார். அந்த நிலை தான் இப்போது அதிரடி பேட்ஸ்மேனான ஆஸ்திரேலியாவின் கிளென் மேக்ஸ்வெல்லுக்கும். சர்வதேச கிரிக்கெட் களத்தில் பாட்ஷா பாயாக வலம் வந்த மேக்ஸ்வெல் நடப்பு ஐபிஎல் சீசனில் மாணிக்கமாகி உள்ளார். “ஐபிஎல் ஏலத்தில் அதிகம் எதிர்பார்க்கப்பட்ட வெளிநாட்டு வீரரான மேக்ஸ்வெல்லுக்கா இந்த நிலை?”, “நீங்கள் மேக்ஸ்வெல் தானா?, “உங்களுக்கு பேட்டிங் செய்யவே வராதா?” என அவரது பர்பாமென்ஸை பார்த்து மீம்ஸ் போட்டு கலாய்த்து வருகின்றனர் ரசிகர்கள்.  என்றுமே அதிரடி காட்டும் மேக்ஸ்வெல் தடுமாறுவது ஏன்? மேக்ஸ்வெல்லுக்கும் ஐபிஎல்லுக்கும் இடையிலான பந்தம் கடந்த 2012 சீஸனில் ஆரம்பமானது. முதலில் டெல்லி அணிக்காக ஏலத்தில் எடுக்கப்பட்டவர் 2013 சீஸனில் மும்பை அணிக்காக வாங்கப்பட்டார். தொடர்ந்து 2014 முதல் 2017 சீஸன் வரை பஞ்சாப் அணிக்காக விளையாடியவர். 2018 சீஸனில் மீண்டும் டெல்லி அணிக்காக விளையாடினார். தற்போது பஞ்சாப் அணிக்காக நடப்பு சீஸனில் விளையாடி வருகிறார். தனது கிரிக்கெட் கெரியரை டி20 போட்டிகளில் இருந்து பிள்ளையார் சுழி போட்டு ஆரம்பித்தவர் மேக்ஸ்வெல். விக்டோரியா அணிக்காக 2010இல் உள்ளூர் கிரிக்கெட்டில் விளையாடிய மேக்ஸ்வெல் கிரிக்கெட் கதகளி ஆட்டத்தை ஆடி இருப்பார். தொடர்ந்து டொமெஸ்டிக் கிரிக்கெட்டில் அசத்தி அதன் மூலம் ஆஸ்திரேலிய அணியில் இடம் பிடித்தவர், அக்மார்க் டி20 கிரிக்கெட்டராக மாறினார். பேட்டிங், பவுலிங், ஃபீல்டிங் என ஆல் ரவுண்ட் பர்பாமென்ஸ் கொடுப்பார். அதிவேக சதம், அரைசதம் என உள்ளூர் கிரிக்கெட்டில் துவங்கி உலக கிரிக்கெட் வரை பல சாதனைகளை படைத்துள்ளார். மாஸான மாடர்ன் டே கிரிக்கெட்டரான மேக்ஸ்வெல் பல மேட்ச் வின்னிங் இன்னிங்ஸ்களை கொடுத்து தனது ஆட்டத்தின் மூலம் உலக கிரிக்கெட் ரசிகர்களின் மனதை வென்றவர். ஐபிஎல் ஆட்டங்களில் ரசிகர்களை கவர்ந்த வீரர்களில் மேக்ஸ்வெல்லும் ஒருவராக இருப்பது அதன் சேம்பிள் தான். முதல் இரண்டு ஐபிஎல் சீஸன்களில் ஆடும் லெவனில் அதிகம் வாய்ப்பு கிடைக்காமல் இருந்த மேக்ஸ்வெல் 2014 சீஸனில் பஞ்சாப் அணிக்காக ருத்ர தாண்டவம் ஆடியிருப்பார். இதே அமீரக மைதானத்தில் சென்னை அணிக்கு எதிரான லீக் ஆட்டம் ஒன்றில் 43 பந்துகளில் 95 ரன்களை குவித்து மிரட்டியிருப்பார். அதன் மூலம் 206 ரன்களை 18.5 ஓவர்களில் சேஸ் செய்திருக்கும் பஞ்சாப். அந்த சீஸனில் ராஜஸ்தானுக்கு எதிராக 89 ரன்கள், ஹைதராபாத் அணிக்கு எதிராக 95 ரன்கள், மீண்டும் சென்னைக்கு எதிராக 90 ரன்கள் என பதினாறு ஆட்டங்கள் விளையாடி 552 ரன்களை மேக்ஸ்வெல் குவித்திருப்பார். நிஜமான பந்தய குதிரையாக பஞ்சாப்புக்காக விளையாடியிருப்பார். தொடர்ந்து 2015 மற்றும் 2016 சீஸனில் சொதப்பிய மேக்ஸ்வெல் 2017 சீஸனில் 310 ரன்களை குவித்திருப்பார். பின்னர் டெல்லி அணிக்காக விளையாடிவரை நடப்பு சீஸனில் பஞ்சாப்புக்காக விளையாட 10.75 கோடி ரூபாய்க்கு ஏலத்தில் எடுத்துள்ளார்கள். நடப்பு சீஸனில் ஆறு போட்டிகளில் விளையாடியுள்ள மேக்ஸ்வெல் வெறும் 48 ரன்களை மட்டுமே ஸ்கோர் செய்துள்ளார். குறிப்பாக பாஞ்சாப் அணியின் டாப் ஆர்டர் பேட்ஸ்மேன்களான கே.எல்.ராகுலும், மயங்க் அகர்வாலும் ஓப்பனிங்கில் பட்டையை கிளப்பி வருகின்றனர். ஆனால் சேஸ் செய்கின்ற போது மிடில் ஆர்டரில் கைகொடுக்க வேண்டிய மேக்ஸ்வெல் தடுமாறி வருகிறார். அந்த தடுமாற்றம் அவர் மீது விமர்சனங்களை எழுப்பி உள்ளன. அவரது தடுமாற்றத்திற்கு கொரோனா பொது முடக்கம் காரணமா என்று பார்த்தால் நிச்சயமாக இல்லை என சொல்லலாம். அண்மையில் முடிந்த இங்கிலாந்து அணிக்கு எதிரான ஒருநாள் தொடரின் கடைசி ஆட்டத்தில் 90 பந்துகளில் 108 ரன்களை குவித்து ஆஸ்திரேலியாவுக்கு கோப்பையை வென்று கொடுத்தார் மேக்ஸ்வெல். அதே தொடரின் முதல் ஆட்டத்தில் 59 பந்துகளில் 77 ரன்களை குவித்திருந்ததும் குறிப்பிடத்தக்கது. அமீரக மைதானங்களில் மேக்ஸ்வெல் தடுமாறுகிறாரா என பார்த்தாலும் இல்லை என்று தான் சொல்ல வேண்டும். 2014 ஐபிஎல் சீஸனின் முதற்பாதி ஆட்டங்கள் அமீரகத்தில் தான் நடந்தன. அதில் தான் அவர் சென்னை, ராஜஸ்தான் மற்றும் ஹைதராபாத் அணிக்கு எதிராக பேட்டிங்கில் அதிரடி காட்டியிருப்பார். இப்படி அனைத்துமே பிளஸ்ஸாக கொண்டுள்ள மேக்ஸ்வெல் மனது வைத்தால் மட்டுமே இந்த சீஸனின் பிற்பாதி ஆட்டங்களிலாவது பஞ்சாப் அணிக்காக மேட்ச் வின்னராக ஜொலிக்க முடியும். அப்படி செய்தால் அது மேக்ஸ்வெல்லுக்கும், பஞ்சாப்புக்கும் நல்லதாக அமையலாம். மீண்டும் பழைய பாட்ஷாவாக மேக்ஸ்வெல் மாறுவாரா? அல்லது சாதுவாகவே அடிவாங்கிக் கொண்டிருப்பாரா என்பதை பொறுத்திருந்துதான் பார்க்க வேண்டும்.
http://dlvr.it/RjKjvV

Read More