கடந்த ஆண்டைவிட உயர்ந்த மோடியின் சொத்து : சரிந்த அமித் ஷா சொத்து..!

பிரதமர் மோடியின் சொத்து மதிப்பு கடந்த ஆண்டைவிட ரூ.36 லட்சம் உயர்ந்திருப்பதாக பிரதமர் அலுவலகம் வெளியிட்டுள்ள தகவலில் தெரிவிக்கப்பட்டுள்ளது. பிரதமர் மோடி, உள்துறை அமைச்சர் அமித் ஷா மற்றும் மத்திய அமைச்சர்கள் தொடர்பான சொத்து விவரங்களை பிரதமர் அலுவலகம் வெளியிட்டிருக்கிறது. அதன்படி, பிரதமர் மோடியின் சொத்து மதிப்பு கடந்த ஆண்டு ரூ.2.49 கோடியாக இருந்தது என்றும், தற்போது அது ரூ.2.85 கோடியாக உயர்ந்திருப்பதாகவும் தெரிவிக்கப்பட்டுள்ளது. கடந்த ஆண்டைவிட இது ரூ.36 லட்சம் உயர்வு என்று கூறப்பட்டுள்ளது. இதில் ரூ.3.3 லட்சம் வங்கியில் டெபாசிட் செய்யப்பட்டிருப்பதாகவும், ரூ.33 லட்சம் பாதுகாப்பான முதலீடுகள் செய்யப்பட்டிருப்பதாகவும் தெரிவிக்கப்பட்டுள்ளது. அத்துடன் பிரதமர் மோடியின் கையிருப்பில் ரூ.31,450 இருப்பதாகவும், இதுதவிர குஜராத் காந்திநகர் எஸ்.பி.ஐ வங்கிக்கணக்கில் ரூ.3,38,173 லட்சம் இருப்பதாகவும் கூறப்பட்டிருக்கிறது. அத்துடன் ரூ.1.6 கோடிக்கு நிரந்த வைப்பு தொகை மற்றும் பாதுகாப்புத்துறையில் இருப்பு வைக்கப்பட்டிருப்பதாகவும் தெரிவிக்கப்பட்டுள்ளது. அத்துடன் தேசிய பாதுகாப்பு சான்றிதழ்களாக ரூ.8.43 லட்சமும், ஆயுள் காப்பீடு திட்டத்தில் ரூ.1,50 லட்சம் இருப்பதாகவும் தெரியவந்திருக்கிறது. அசையும் சொத்துக்கள் ரூ.1.75 கோடிக்கும், அசையா சொத்துக்கள் ரூ.1.10 கோடிக்கும் இருப்பதாக பிரதமர் அலுவலகம் தெரிவித்துள்ளது. இந்த சொத்துக்களில் மோடியின் குடும்பத்தினருக்கு பங்கு இருப்பதாக தெரியவந்துள்ளது. அதேசமயம் மோடியில் பெயரில் சொந்தமாக ஒரு கார் கூட இல்லை என்பதும், தனிப்பட்ட வகையில் அவர் வங்கியில் எந்த கடனும் பெறவில்லை என்பதும் அறிவிக்கப்பட்டுள்ளது. மறுபுறம் மத்திய உள்துறை அமைச்சர் அமித் ஷாவின் சொத்துமதிப்பு கடந்த ஆண்டு ரூ.32.3 கோடியாக இருந்த நிலையில், நடப்பு ஆண்டில் ரூ.28.63 கோடியாக சரிவடைந்திருப்பதாக தெரிவிக்கப்பட்டுள்ளது. இதில் அமித்தாவின் பரம்பரை சொத்து ரூ.13.56 கோடி எனவும், அவை அசையா சொத்துகளும் எனவும் கூறப்பட்டுள்ளது. அமித் ஷாவின் கையிருப்பில் ரூ.15,814 மட்டுமே பணம் இருப்பதாக தெரிவிக்கப்பட்டுள்ளது. அத்துடன் வங்கிக்கணக்கு மற்றும் காப்பீடு திட்டத்தில் ரூ.1.04 கோடியும், ஓய்வூதியத்தில் ரூ.13.47 லட்சமும் இருப்பதாகவும் அறிவிக்கப்பட்டுள்ளது. மேலும், நகையாக ரூ.44.47 லட்சம் மதிப்பிற்கு அமித் ஷாவின் சொத்துக்கள் உள்ளன.
http://dlvr.it/RjgdVw

Read More

'100 மீ. தாண்டி அடிக்கப்படும் சிக்ஸர்களுக்கு கூடுதல் ரன் தேவை' கே.எல்.ராகுல் !

100 மீட்டர் தூரத்துக்கு மேல் அடிக்கப்படும் சிக்ஸர்களுக்கு கூடுதலாக ரன் வழங்க வேண்டும் என கிங்ஸ் லெவன் பஞ்சாப் அணியின் கேப்டன் கே.எல்.ராகுல் வேண்டுகோள் விடுத்துள்ளார். ஐபிஎல் கிரிக்கெட் தொடரின் இன்றைய ஆட்டத்தில் ராயல் சேலஞ்சர்ஸ் பெங்களூரு மற்றும் கிங்ஸ் லெவன் பஞ்சாப் அணிகள் பலப்பரீட்சை நடத்துகின்றன. ஷார்ஜாவில் இந்தப் போட்டி இந்திய நேரப்படி இரவு 7.30 மணிக்கு தொடங்குகிறது. விராட் கோலி தலைமையிலான பெங்களூரு அணி நடப்பு சீசனில் 7 போட்டிகளில் விளையாடி 5 வெற்றிகளைப் பதிவு செய்துள்ளது. ராகுல் தலைமையிலான பஞ்சாப் அணி விளையாடிய 7 போட்டிகளில் ஒரு வெற்றியை ‌மட்டுமே பதிவு செய்துள்‌ளது. இவ்விரு அணிகளும் இதுவரை 2‌5 முறை நேருக்கு நேர் மோதியுள்ளன. அவற்றில் பஞ்சாப் அணி 13 போட்டிகளிலும், பெங்களூரு அணி 12 போட்டிகளிலும் வெற்றி பெற்றுள்ளன‌. இந்நிலையில் விராட் கோலியும், கே.எல்.ராகுலும் காணொலி விவாதத்தில் பங்கேற்றனர். அப்போது பேசிய ராகுல், அதிரடியாக விளையாடும் பெங்களூரு வீரர்கள் கோலியையும், டிவில்லியர்ஸையும், ஐபிஎல் தொடரிலிருந்து நீக்க வேண்டும் என கிண்டலாக குறிப்பிட்டார். குறிப்பாக இன்று நடைபெறும் ஆட்டத்தில் இருந்து நீக்க வேண்டும் எனத் தெரிவித்தார். மேலும் 100 மீட்டர் தாண்டி அடிக்கப்படும் சிக்ஸர்களுக்கு கூடுதல் ரன் தேவை என்றும் குறிப்பிட்டார்.
http://dlvr.it/RjdtXH

Read More

`தமிழகத்தில் கொரோனா பாதிப்பு குறைந்து வருகிறதா?!' - உண்மை நிலவரம் என்ன?

தமிழகத்தின் தற்போதைய நிலவரம் என்ன.? தற்போது தமிழகத்தைப் பொறுத்தவரை நாளொன்றுக்கு 95,000-க்கும் அதிகமான ஆர்.டி.பி.சி.ஆர் பரிசோதனைகள் மேற்கொள்ளப்படுகின்றன. ஒட்டுமொத்த இந்தியாவில் நாளொன்றுக்கு அதிகமான ஆர்.டி.பி.சி.ஆர் பரிசோதனை மேற்கொள்ளும் மாநிலம் தமிழகம்தான். இதுவரை 85,84,041 பேருக்குப் பரிசோதனை மேற்கொள்ளப்பட்டிருக்கிறது.தமிழக முதலமைச்சர்நாள்தோறும் 85,000 கொரோனா பரிசோதனைகள் மேற்கொள்ள ரூ.6.8 கோடி செலவாகிறது. 14.10.2020 அன்றைய நிலவரப்படி, பாதிப்படைந்தவர்கள் மொத்தம் 6,70,392 பேர். அவர்களில் குணமடைந்தவர்கள் 6,17,403 பேர். உயிரிழந்தவர்கள் 10,423 பேர். தற்போது சிகிச்சையில் இருப்பவர்கள் 42,566 பேர். தற்போதைய நிலையில் பாதிப்படைப்பவர்களைவிட, குணமடைந்து வீடு திரும்புபவர்களின் எண்ணிக்கை அதிகமாக இருக்கிறது. புதிய பாதிப்புகள் குறைத்துக் காட்டப்படுகின்றனவா? பொது முடக்கம் அமலிலிருந்தபோது பாதிப்பு எண்ணிக்கை அதிகரித்துக் காணப்பட்ட நிலையில், தற்போது தமிழகம் இயல்புநிலையை அடைந்திருக்கிறது. இப்போது பாதிப்பு எண்ணிக்கை குறைந்திருக்கிறதே என்ற சந்தேகம் நம்மில் பலரின் மனதில் எழக்கூடும். அதே சந்தேகம் நமக்கும் ஏற்பட, பரிசோதனை மேற்கொள்ளும் சில லேப்களில் இருப்பவர்களிடம் உண்மை நிலவரம் என்ன என்பதைக் கேட்டறிந்தோம்.கொரோனா பரிசோதனை ``ஆரம்பத்திலிருந்து இப்போதுவரை, பரிசோதனை முடிவு என்னவாக வருகிறதோ அதை அப்படியேதான் கொடுத்து வருகிறோம். இருப்பவர்களுக்கு `இல்லை’ என்றோ, இல்லாதவர்களுக்கு `இருக்கிறது’ என்றோ மாற்றிக் கொடுத்ததும் இல்லை. அப்படிக் கொடுக்கச் சொல்லி யாரும் கட்டாயப்படுத்தியதும் இல்லை. உண்மையைச் சொல்லப்போனால், முன்பெல்லாம் மதியத்தோடு அன்றைய நிலவர கணக்கைக் கேட்டு வாங்கிக்கொள்வார்கள். ஆனால், தற்போது மாலை வரை புதிய பாதிப்பு எண்ணிக்கை விவரங்களைச் சேகரிக்கிறார்கள்" என்று கூறினார்கள். தமிழக அரசு எடுத்திருக்கும் நடவடிக்கைகள் என்னென்ன? இந்திய அளவில் கொரோனா தடுப்பு நடவடிக்கைகளில் பல்வேறு யுக்திகளைத் தமிழக அரசு கையாண்டுவருகிறது. குறிப்பாக `சென்னை ஃபார்முலா’ என்பதைத் தமிழகம் மட்டுமல்லாமல், பிற மாநிலங்களும் கடைப்பிடித்துவருகின்றன. தெருதோறும் கொரோனா பரிசோதனை மருத்துவ முகாம்கள் நடத்துவது; வீடு வீடாகச் சென்று அறிகுறிகள் இருக்கும் நபர்களைக் கண்டறிவது; பாதிக்கப்பட்ட வீடுகளில் இருப்பவர்களுக்கு தனி கவனம் செலுத்த ஃபோகஸ்டு வாலன்டியர்; நகரத்தின் அனைத்துப் பகுதிகளிலும் காய்ச்சல் முகாம்களை நடத்துவது... எனப் பல்வேறு சிறப்பு நடவடிக்கைகளை மேற்கொண்டது தமிழக அரசு. இந்த நடவடிக்கைகளின் விளைவாக அதிகரித்துவந்த பாதிப்பு பெருமளவு கட்டுக்குள் கொண்டுவரப்பட்டது. இந்த கொரோனா பரவல் தடுப்பு நடவடிக்கைகளைத் தமிழகத்தின் பிற மாவட்டங்களும் செயல்படுத்தத் தொடங்கின. 59,721 Fever clinics were conducted in Chennai from 08-05-2020 till 14-10-2020. 30,22,598 people attended the clinics and 1,74,873 symptomatic patients were identified & tested for COVID-19 and others given medicines for minor ailments.#Covid19Chennai#GCC #ChennaiCorporation pic.twitter.com/Gmhwx3cROr— Greater Chennai Corporation (@chennaicorp) October 14, 2020 பொதுமக்களின் பங்களிப்பு: நீங்கள் இந்த செய்தியைப் படிக்கும்போது, நீங்களும் சரி... உங்களைச் சுற்றியிருப்பவர்களும் சரி... எத்தனை பேர் முகக்கவசம் அணிந்திருக்கிறீர்கள் என்று பாருங்கள். பொதுமக்களாகிய நம் பொறுப்புணர்வு என்ன என்பது தெளிவாகப் புரிந்துவிடும். உலக சுகாதார நிறுவனம் தொடங்கி கொரோனா விவகாரத்தில் அனைவரும் கூறுவது முகக்கவசமும், தனி மனித இடைவெளியும்தான். இதை நம்மில் எத்தனை பேர் சரியாகக் கடைப்பிடிக்கிறோம்?`தமிழகத்தில், கொரோனா பரவல் ஆரம்பித்த காலகட்டத்தில் இருந்ததைவிட தற்போது 35 சதவிகிதத்துக்கும் அதிகமானோர் எந்தப் பாதுகாப்பு விதிமுறைகளையும் கடைப்பிடிப்பதில்லை’ என்று சமீபத்திய ஓர் ஆய்வறிக்கை கூறுகிறது. `அனைவரும் தொடர்ந்து மூன்றே வாரங்களுக்கு முகக்கவசம் அணிந்து, சரியான தனிமனித இடைவெளியைப் பின்பற்றினால் கொரோனா பரவல் என்பது இல்லாமல் போய்விடும்’ என்று அரசு கூறிவருகிறது. கொரோனா காலத்திலும் அரசின் மீது பல்வேறு ஊழல் குற்றச்சாட்டுகள் இருக்கின்றன. முறைகேடு புகார்கள் இருக்கின்றன. அதேவேளையில், தமிழக அரசின் கொரோனா தடுப்பு நடவடிக்கைகள், இந்தியாவின் மற்ற மாநிலங்களைவிடச் சிறப்பாக இருக்கின்றன என்பதிலும் மாற்றுக் கருத்தில்லை. அதற்கு மிக முக்கியக் காரணம் தமிழகத்தின் வலுவான பொது சுகாதாரக் கட்டமைப்பு.மகாளய அமாவாசை அன்று சென்னையில் கூடிய மக்கள் கூட்டம் கேரளாவிலிருந்து கற்றுக்கொள்ள வேண்டியது! இந்தியாவில் முதல் கொரோனா தொற்று கண்டறியப்பட்டது கேரளாவில்தான். மற்ற மாநிலங்களில் தொற்றின் பாதிப்பு மிக அதிகமாக இருந்த காலகட்டத்திலேயே கேரளாவில் பாதிப்பு 500-க்கும் குறைவாகத்தான் இருந்தது. அப்போது கொரோனா தடுப்பு நடவடிக்கைகளுக்காகக் கேரளா பெரிதும் பாராட்டப்பட்டது. ஆனால் , தற்போது கேரளாவின் நிலைமை மிக மோசமாக இருக்கிறது. நாளொன்றுக்குப் புதிதாக 10,000-க்கும் அதிகமான தொற்றுகள் உறுதிசெய்யப்படுகின்றன. தொற்றின் பாதிப்பு நாளுக்கு நாள் அதிகரித்துக்கொண்டே செல்கிறது. தற்போது கேரளாவில் மருத்துவ அவசரநிலை பிறப்பிக்கப்பட்டிருக்கிறது. இது நடந்தது ஓணம் பண்டிகைக்குப் பிறகுதான். மக்களின் கவனக்குறைவும் அலட்சியப்போக்கும்தான், பாதிப்பு அதிகமாவதற்குக் காரணங்களாக இருக்கின்றன.கொரோனா தமிழகத்தில் தீபாவளிப் பண்டிகை நெருங்கிக்கொண்டிருக்கிறது. கடைத்தெருக்களில் மக்கள் கூட்டம் அலைமோதுவதை நம்மால் கண்கூடாகக் காண முடிகிறது. ``அட... கொரோனால்லாம் நமக்கு வராதுப்பா... சும்மா சளி இருந்தாலே கொரோனானு புடிச்சிட்டுப் போயிடுறாங்க. இந்த அரசாங்கம் காசு சம்பாதிக்கிறதுக்கு கொரோனான்னு நம்மைப் பிடிச்சுக்கிட்டுப் போறாங்க" என்று பேசும் மக்களை நாம் பார்த்திருப்போம். இப்படிப் பேசுமளவுக்கு கொரோனா வெறும் சாதாரண பாதிப்பல்ல என்பதை நாம் உணர வேண்டும். அப்படி உணராமல், பெரும் பாதிப்பைச் சந்தித்த ஒரு நாட்டின் கதையை உங்களுக்குச் சொல்ல ஆசைப்படுகிறோம். ஈக்வடார் நாட்டின் மிகப்பெரிய நகரங்களில் குவயாக்வில் (Guayaquil) முக்கியமான நகரம். இந்த நகரின் மொத்த மக்கள்தொகை 20 லட்சம். இயல்புநிலையிலிருந்த நகரில் திடீரென கொரோனா பரவல் வேகமெடுக்க ஆரம்பித்தது. தொடர்ந்து நிலைமை மிகவும் மோசமடையத் தொடங்கியது. உயிரிழப்பு உச்சத்தைத் தொட்டுக்கொண்டிருந்தது. கொரோனா பாதிப்பில் இறந்தவர்களின் உடல்களை ஆங்காங்கே சாலைகளில் வீசும் கொடுமை நடந்தது. நகரின் பல இடங்களில் அழுகிய நிலையில் உடல்கள் காணப்படும் அவலநிலைக்கு அந்த நகரம் ஆளானது. Also Read: வேகமெடுக்கும் `கொரோனா இரண்டாம் அலை'... என்ன செய்யப்போகிறது இந்தியா? இப்படி பல்வேறு சம்பவங்கள் இன்னும் பல இடங்களில் நடந்துகொண்டேதான் இருக்கின்றன. இந்தநிலைக்கு இன்னும் இந்தியா தள்ளப்படவில்லை. இந்தியாவில் 97,000 வரை சென்ற புதிய தொற்றுகளில் எண்ணிக்கை தற்போது 55,000-க்கு வந்திருக்கிறது. ஐ.சி.எம்.ஆர் மேற்கொண்ட ஆய்வில் பலருக்கு நோய் எதிர்ப்பு சக்தி உருவாகியிருப்பதாகத் தெரியவந்திருக்கிறது. அரசின் கொரோனா தடுப்பு முன்னெச்சரிக்கை நடவடிக்கைகள் ஒருபுறம் இருந்தாலும். கொரோனவைக் கட்டுக்குள் வைப்பதும், அதைக் கட்டவிழ்த்து விடுவதும் மக்களாகிய நம் கையில்தான் இருக்கிறது.
http://dlvr.it/RjdtNJ

Read More

`நம்மிடம் இருந்து பறித்தவற்றை நாம் திரும்பப் பெற வேண்டும்!’ - விடுதலைக்குப் பின் மெஹ்பூபா முப்தி

ஜம்மு காஷ்மீர் மாநிலத்துக்குச் சிறப்பு அந்தஸ்து வழங்கிய சட்டப்பிரிவு 370, மத்திய அரசால் கடந்த ஆண்டு ஆகஸ்ட் மாதம் ரத்துசெய்யப்பட்டது. மேலும், அந்த மாநிலத்தை ஜம்மு - காஷ்மீர் மற்றும் லடாக் என இரண்டு யூனியன் பிரதேசங்களாகவும் அறிவித்தது மத்திய அரசு. இதற்கு எதிர்ப்பு தெரிவித்து நடக்கும் போராட்டங்களையொட்டி முன்னெச்சரிக்கை நடவடிக்கையாக, மத்திய அரசு, பல கட்டுப்பாடுகளை அந்தப் பகுதிகளில் விதித்தது. அணிவகுப்பு மற்றும் பேரணிகளைத் தடைசெய்தல், இணையதள சேவை மற்றும் மொபைல் சேவைகளைத் தடை செய்தல் ஆகியவையும் இதில் அடங்கும். பாதுகாப்புக்காக ராணுவ வீரர்களை அந்தப் பகுதியில் அதிக அளவில் நிறுத்தியதோடு மட்டுமல்லாமல், நூற்றுக்கணக்கான முக்கிய அரசியல் தலைவர்களையும் தடுப்பு காவலில் வைத்தனர்.மெஹ்பூபா முப்தி இந்தச் சம்பவம் நடைபெற்று ஓராண்டு கடந்துவிட்ட நிலையில், அங்கு படிப்படியாக தளர்வுகள் வழங்கப்பட்டுவருகின்றன. தடுப்பு காவலில் வைக்கப்பட்டிருந்த தலைவர்களும் படிப்படியாக விடுதலை செய்யப்பட்டுவந்தனர். இருப்பினும், ஜம்மு காஷ்மீர் முன்னாள் முதல்வர் மெஹ்பூபா முப்தி மட்டும் தொடர்ந்து தடுப்பு காவலில் வைக்கப்பட்டிருந்தார். இதற்கிடையே அவர் மீது பொது பாதுகாப்புச் சட்டமும் பாய்ந்தது. மெஹ்பூபா முப்தியை விடுதலை செய்யக் கோரி உச்ச நீதிமன்றத்தில் வழக்கு ஒன்றும் தொடரப்பட்டிருந்தது. அவரின் விடுதலை தொடர்பாக நீதிமன்றமும் கேள்வி எழுப்பியிருந்தது. இந்தநிலையில் 14 மாதங்களாக வீட்டுச் சிறையில் அடைக்கப்பட்டிருந்த மெஹ்பூபா முப்தி விடுதலை செய்யப்பட்டிருக்கிறார். இதை ஜம்மு-காஷ்மீர் யூனியன் பிரதேசத்தின் நிர்வாக செய்தித் தொடர்பாளர் ரோஹித் கன்சால் அறிவித்திருக்கிறார். மெஹ்பூபா முப்தியின் ட்விட்டர் பக்கத்திலும் அவரது விடுதலை தொடர்பாகக் கருத்துகள் பதியப்பட்டிருந்தன. Also Read: `சப்பாத்தியில் மறைத்துக் கடிதம் எழுதினேன்!’ -தாயுடன் பேசிய ரகசியத்தைப் பகிரும் மெஹ்பூபா முப்தி மகள்மகள் இல்டிஜா -மெஹ்பூபா விடுதலை செய்யப்பட்டப் பின்னர் மெஹ்பூபா முப்தி ஆடியோ மூலம் மக்களிடம் பேசுகையில், ``டெல்லி தர்பார் சட்ட விரோதமாகவும், ஜனநாயகத்துக்கு எதிராகவும் நம்மிடமிருந்து பறித்தவற்றை நாம் திரும்பப் பெற வேண்டும். அதுமட்டுமல்ல, காஷ்மீரின் பிரச்னைகள் தீர்க்கப்பட வேண்டும். அதற்காகத்தான் எத்தனையோ காஷ்மீரிகள் தங்கள் உயிர்களைத் தியாகம் செய்திருக்கிறார்கள். அதை நாம் பெறுவதற்கான பாதை நிச்சயம் எளிதானதாக இருக்காது. ஆனால் கடினமான முயற்சிகள் தொடர வேண்டும். இன்னும் சட்டவிரோதமாகத் தடுப்பு காவலில் இருப்பவர்களை உடனடியாக விடுதலை செய்ய வேண்டும்” எனக் கேட்டுக்கொண்டார். வரும் வெள்ளிக்கிழமை அன்று மெஹ்பூபா, செய்தியாளர்களை சந்திக்கவிருப்பதாகக் கூறப்படுகிறது. உமர் அப்துல்லாவும் அவரின் தந்தை ஃபரூக் அப்துல்லாவும் தடுப்பு காவலிலிருந்து கடந்த மார்ச் மாதம் விடுதலை செய்யப்பட்டனர். Also Read: `டிப்ஸ் வேண்டுமா.. குவாரன்டைனில் 8 மாத அனுபவம் இருக்கு..!’ -விடுவிக்கப்பட்டார் உமர் அப்துல்லா
http://dlvr.it/RjZlTx

Read More

சென்னை சூப்பர் கிங்ஸ் தரமான வெற்றி : மேட்ச் ரிவ்யூ

ஐபிஎல் தொடரின் 29வது லீக் போட்டி இன்று சென்னை சூப்பர் கிங்ஸ் மற்றும் சன்ரைசர்ஸ் ஹைதராபாத் அணிகள் இடையே துபாய் மைதானத்தில் நடைபெற்றது. இந்தப் போட்டியில் டாஸ் வென்ற சென்னை சூப்பர் கிங்ஸ் அணியின் கேப்டன் தோனி முதன் முறையாக பேட்டிங்கை தேர்வு செய்தார். தோனியின் இந்த புதிய முடிவு அவருக்கு வெற்றியை கொடுக்குமா ? என்று நினைத்துக்கொண்டிருக்கும் நேரத்தில், இளம் வீரர் சாம் கர்ரனை தொடக்க வீரராக களமிறக்கி அடுத்த சர்ப்ரைஸ் கொடுத்தார் தோனி. தொடக்க வீரர்களாக டு பிளசிஸ் மற்றும் சாம் கர்ரன் களமிறங்கியதால், ஒரு சிறப்பான அதிரடி ஆட்டத்தை சென்னை சூப்பர் கிங்ஸ் கொடுக்கப்போகிறது என அனைவரும் எண்ணிக்கொண்டிருக்கும்போது ரன் எதுவும் எடுக்காமல் டக் அவுட் ஆகி அதிர்ச்சிக்கொடுத்தார் டு பிளசிஸ். அவர் போனால் என்ன ? அடிப்பதற்கு  நான் இருக்கிறேன் என்றபடி, சிக்ஸர்கள் மற்றும் பவுண்டரிகளை விளாசிய சாம் கர்ரன், சட்டென விக்கெட்டை பறிகொடுத்து 31 (21) ரன்களில் நடையைக்கட்டினார். அதன்பின்னர் ஜோடி சேர்ந்த வாட்சன் மற்றும் அம்பத்தி ராயுடு நிலையான ஒரு பார்ட்னர்ஷிப்பை கொடுத்தனர். சீரான வேகத்தில் அவர்கள் ரன்களை குவிக்க 15 ஓவர்களில் சென்னை சூப்பர் கிங்ஸ் அணி 100 ரன்களை கடந்திருந்தது. 41 (34) ரன்கள் எடுத்திருந்த ராயுடு கலீல் அகமது பந்தில் கேட்ச் அவுட் ஆனார். அடுத்த ஓவரிலேயே வாட்சனும் கேட்ச் ஆகி வெளியேறினார். அதன்பின்னர் ஜோடி சேர்ந்த தோனி மற்றும் ஜடேஜா அணியின் ஸ்கோரை உயர்த்த முனைப்பு காட்டினர். 13 பந்துகளை சந்தித்த தோனி 21 ரன்களை எடுத்துவிட்டு பெவிலியன் திரும்பினார். இறுதிவரை விக்கெட்டை இழக்காத ரவீந்திர ஜடேஜா 10 பந்துகளில் 25 ரன்களை விளாசினார். இதனால் 20 ஓவர்கள் முடிவில் சென்னை அணி 6 விக்கெட்டுகள் இழப்பிற்கு 167 ரன்களை குவித்தது. சென்னை பேட்டிங்கில் தொடக்க வீரர் டு பிளசிஸ் ரன் எதுவும் எடுக்காமல் சென்றது பின்னடைவாக அமைந்தது. மிடில் ஆர்டர் பேட்ஸ்மேன்கள் சிறப்பாக பேட்டிங் செய்தாலும், எந்த ஒரு பேட்ஸ்மேனும் அதிரடி ஆட்டத்தை வெளிப்படுத்தாது அணியின் ஸ்கோர் 180 ரன்களை கடக்க முடியாத நிலையை ஏற்படுத்தியது. கடைசி நேரத்தில் ஜடேஜா அதிரடியை வெளிப்படுத்தியது பலமாக அமைந்தது. ஹைதராபாத் அணியில் பந்துவீச்சில் தொடக்கத்திலேயே இரண்டு முக்கிய விக்கெட்டுகளை வீழ்த்தி சந்தீப் ஷர்மா அசத்தினார். 4 ஓவர்கள் பந்துவீசிய அவர் 19 ரன்களை மட்டுமே விட்டுக்கொடுத்து சென்னைக்கு நெருக்கடி கொடுத்திருந்தார். இதுதவிர கலீல் அகமது மற்றும் நடராஜன் இருவரும் தலா 2 விக்கெட்டுகளை கைப்பற்றியிருந்தாலும், இருவருமே 4 ஓவர்களுக்கு 40 ரன்களுக்கு மேல் கொடுத்திருந்தது மைனஸாக அமைந்தது. இதையடுத்து 168 ரன்கள் என்ற எட்டக்கூடிய இலக்கை எதிர்த்து ஆடிய ஹைதராபாத் அணியில் தொடக்க வீரரான கேப்டன் வார்னர் 9 ரன்களிலேயே அவுட் ஆகியது சறுக்கலாக அமைந்தது. மற்றொரு தொடக்க வீரரான பேரிஸ்டோவ் நிலைத்து ஆட, இதற்கிடையே வந்த மணிஷ் பாண்டே 4 (3) ரன்களில் ரன் அவுட் ஆனது ஹைதராபாத் அணிக்கு துர்தஷ்டவசமாக அமைந்தது. நிதானமான ஆட்டத்தை வெளிப்படுத்திய பேரிஸ்டோவ் 24 பந்துகளில் 23 ரன்களை எடுத்துவிட்டு நடையைக்கட்டினார். மிடில் ஆர்டரில் பட்டையை கிளப்பிய வில்லியம்சன் 39 பந்துகளுக்கு 57 ரன்களை விளாசி சென்னைக்கு அச்சத்தைக் கொடுத்தார். 57 (39) ரன்கள் எடுத்திருந்தபோது வில்லியம்சன் விக்கெட்டை பறிகொடுத்ததும் சென்னைக்கு வெற்றி நெருங்கியது. இதற்கிடையே வந்த பிரியம் கார்க் மற்றும் விஜய் ஷங்கர் ஆகியோர் தங்கள் பங்கிற்கு 16 மற்றும் 12 ரன்களை எடுத்துவிட்டு பெவிலியன் திரும்பினர். அதன்பின்னர் களமிறங்கிய ரஷீத் கான் ஒரு சிக்ஸர், ஒரு பவுண்டரி என விளாசி ஆட்டத்தில் சூட்டை ஏற்படுத்தினார். அவரும் 14 (8) ரன்களில் விக்கெட்டை இழக்க சென்னை வெற்றி உறுதியானது. கடைசி ஓவரில் 22 ரன்கள் தேவைப்பட்ட நிலையில், ஹைதராபாத் அணி ஒரு ரன்னை மட்டுமே எடுக்க சென்னை சூப்பர் கிங்ஸ் அணி 20 ரன்கள் வித்தியாசத்தில் வெற்றி பெற்றது. ஹைதராபாத் பேட்டிங்கில் டாப் ஆர்டர் பேட்ஸ்மேன்கள் யாரும் ரன்களை குவிக்காமல் விட்டது பிழையாக அமைந்தது. மிடில் ஆர்டரில் வில்லியம்சன் சிறப்பாக ஆடிய போதிலும், அவருக்கு உரிய பார்ட்னர்ஷிப் கிடைக்காததால் விக்கெட்டுகள் சரிந்து நெருக்கடி ஏற்பட்டது. ஆல்ரவுண்டர்கள் யாரும் ஜொலிக்காததால் வெற்றி கை நழுவியது. சென்னை அணியில் எந்த பவுலரும் ரன்களை அதிகம் வழங்கவில்லை. கர்ன் ஷர்மா 4 ஓவர்களுக்கு 37 ரன்களை கொடுத்திருந்தாலும் 2 விக்கெட்டுகளை வீழ்த்தியது பலமாக அமைந்தது. ரன்களை அளவாக கொடுத்திருந்த சாம் கர்ரன், ஜடேஜா மற்றும் ஷர்துல் தகூர் தங்கள் பங்கிற்கு தலா ஒரு விக்கெட்டை வீழ்த்தி அசத்தினர். கடைசி நேரத்தில் சிறப்பாக பந்துவீசிய பிராவோ 2 விக்கெட்டுகளையும் வீழ்த்தி அணிக்கு வெற்றியை பெற்றுக்கொடுத்தார். தொடர் தோல்விகளில் இருந்து மீண்ட சென்னை தரமான வெற்றியை பதிவு செய்து தங்கள் அரையிறுதி தகுதியிழப்பை தவிர்த்தது. தொடர் தோல்விகளுக்கு பிறகு கிடைத்துள்ள இந்த வெற்றி சென்னை அணி ரசிகர்களை மகிழ்ச்சியில் ஆழ்த்தியுள்ளது.
http://dlvr.it/RjYfks

Read More

உ.பி: தூங்கிக் கொண்டிருந்த 3 பட்டியலின சகோதரிகள் மீது ஆசிட் வீச்சு! - தொடரும் சாதிய கொடுமைகள்

சம்பவம் 1:  உத்திரபிரதேச மாநிலம் ஹத்ராஸ் மாவட்டத்தில் பட்டியலினத்தைச் சேர்ந்த 19 வயது பெண், பாலியல் வன்கொடுமை செய்யப்பட்டு உயிரிழந்த பின், அப்பெண்ணின் உடலை காவல்துறையினர் இரவோடு இரவாக தகனம் செய்த விவகாரம் பொது மக்களிடம் பெரும் அதிர்வலைகளை ஏற்படுத்தியது. இந்த வழக்கில் உ.பி. அரசின் செயல் மனித நேயமற்றது என்று பலர் குரல் எழுப்பி வரும் நிலையில், தற்போது உ.பி. கோண்டா மாவட்டத்தில் வீட்டில் உறங்கி கொண்டிருந்த பட்டியலினத்தைச் சேர்ந்த 3 சகோதரிகள் மீது அதிகாலை 2 மணிக்கு ஆசிட் வீசப்பட்ட சம்பவம் பெரும் பரபரப்பை ஏற்படுத்தியுள்ளது.ஹத்ராஸ் இளம்பெண் உடல் தகனம் உத்திரபிரதேச மாநிலத் தலைநகர் லக்னோவிலிருந்து 117 கி.மீ. தூரத்தில் உள்ளது கோண்டா மாவட்டம். இந்த மாவட்டத்திலுள்ள கிராமம் ஒன்றில் தன் வீட்டில் தூங்கி கொண்டிருந்த 3 சகோதரிகள் மீது மர்ம நபர் ஒருவர் இன்று அதிகாலை 2 மணிக்கு மொட்டை மாடி வழியாக வீட்டிற்குள் நுழைந்து ஆசிட் வீசிவிட்டு தப்பிச் சென்று விட்டார். தன் 3 பெண்களின் அழுகுரல் கேட்ட தந்தை அறைக்குள் சென்று பார்த்த போது மூவரும் பாதிக்கப்பட்ட நிலையில் இருக்க, அவர்களை பத்திரமாக மீட்டு கோண்டா மாவட்டத்திலுள்ள அரசு மருத்துவமனையில் சிகிச்சைக்காக அனுமதித்தார். பாதிக்கப்பட்ட 3 சகோதரிகளில், 17 வயதான மூத்த பெண்ணுக்கு 30 சதவீத காயமும், 12 வயதான இரண்டாவது சகோதரிக்கு 20 சதவீத காயமும், 8 வயதான மூன்றாவது சகோதரிக்கு 5 முதல் 7 சதவீத தீக்காயம் ஏற்பட்டுள்ளதாக மருத்துவமனை சார்பில் தெரிவிக்கப்பட்டுள்ளது. கோண்டா மாவட்டத்தில் உள்ள அந்த கிராமத்தில் துணி இஸ்திரி செய்யும் தொழில் செய்து வரும் அந்த பெண்களின் தந்தையிடமும், அக்கம் பக்கம் வீட்டினரிடமும், பாதிக்கப்பட்ட பெண்களிடமும் காவல்துறை அதிகாரிகள் விசாரணை நடத்தி வருகின்றனர். இச்சம்பவம் குறித்து காவல்துறை கண்காணிப்பாளர் ஷைலேந்திர குமார் பாண்டே, "ஆசிட் வீசிய நபர்களை பாதிக்கப்பட்ட பெண்ணின் குடும்பத்தினர் அடையாளம் காட்டவில்லை, பெயரும் குறிப்பிடவில்லை. எனவே, தெரியாத நபர்கள் மீதான புகாரின் அடிப்படையில் விசாரணை மேற்கொள்ளப்பட்டு வருகிறது. இருப்பினும், இதில் அந்த குடும்பத்தில் உள்ளவர்களுக்கு தெரிந்த நபருக்கு பங்கு இருப்பதாக நாங்கள் சந்தேகிக்கின்றோம்” என்றார். மேலும், தடயவியல் குழு மற்றும் மோப்ப நாய்கள் கொண்டு விசாரணை செய்யப்பட்டு வருகிறது என்று தெரிவித்தார்.க்ரைம் - கொலை முயற்சி சம்பவம் 2: உத்திர பிரதேச மாநிலம் லலித்பூர் மாவட்டம் ரோடா கிராமத்தில் பட்டியலினத்தை சேர்ந்த 65 வயதான அமர் என்பவர் தாக்கப்பட்டு சிறுநீர் குடிக்க நிர்பந்திக்கப்பட்டுள்ளார். இச்சம்பவத்தில் குற்றம் சாட்டப்பட்டுள்ள, சோனு யாதவ் என்பவர், சில நாட்களுக்கு முன்பு அமரின் மகனை கோடரியால் தாக்கியதாகக் கூறப்படுகிறது. தந்தையும் மகனும் காவல்துறையில் புகாரளித்தால், இந்த விஷயத்தை பேசி தீர்த்துக் கொள்ளவும், புகாரை வாபஸ் பெறவும் யாதவ் கட்டாயப்படுத்தியுள்ளார். இதற்கு தந்தை, மகன் இருவரும் மறுக்கவே, சோனு யாதவ் அமரை சிறுநீரைக் குடிக்குமாறு துன்புறுத்தியுள்ளார். இது குறித்து அமர் அளிக்கப்பட்டுள்ள புகாரில், "என்னை சிறுநீர் குடிக்க சொல்லி கட்டாயப்படுத்தினார்கள், நான் மறுக்கவே, அவர் என்னை தடியால் அடித்தார். அப்போது அதைத் தடுக்க வந்த என் மகனையும் அடித்துக் கொடுமைப்படுத்தினார்” என்று தெரிவிக்கப்பட்டுள்ளது. இது குறித்து வழக்கு பதிவு செய்து விசாரணை நடத்தி வரும் லலித்பூர் காவல்துறை கண்காணிப்பாளர் மிர்சா மன்சார் பேக், எஃப்.ஐ.ஆர் பதிவு செய்யப்பட்டுள்ளதாகவும், சோனு யாதவை தேடி வருவதாகவும் தெரிவித்தார். ரோடா கிராமத்தில் செல்வாக்கு மிக்க இரண்டு நபர்கள் இதில் சம்பந்தபட்டுள்ளனர், தகவல் கிடைத்தவுடன் போலீஸார் எஃப்.ஐ.ஆர் பதிவு செய்ததோடு குற்றம் சாட்டப்பட்ட முக்கிய நபர் கைது செய்யப்பட்டு, இந்த வழக்கில் தொடர்புடைய மற்றவர்களை தீவிரமாக தேடி வருவதாக கூறினார். மேலும், பொது மக்களை எந்தவிதத்திலும் கொடுமைப்படுத்துவதை நாங்கள் பொறுத்துக்கொள்ள மாட்டோம் என்றார்.போலீஸ் இந்த இரண்டு சம்பவங்களும் உத்திரபிரதேசம் மட்டுமல்லாது நாடு முழுவதும் அதிர்வலைகளை ஏற்படுத்தி உள்ளது.
http://dlvr.it/RjYfk5

Read More

அமலாக்கத்துறை வழக்கு: அவசர குற்றப்பத்திரிகை? - ஸ்வப்னா சுரேஷுக்கு ஜாமீன்

கேரள மாநிலம் திருவனந்தபுரம் யு.ஏ.இ தூதரக பார்சல் வழியாக தங்கம் கடத்திய வழக்கில் முக்கியக் குற்றவாளியாகக் கருதப்படும் ஸ்வப்னா சுரேஷ் கைதுசெய்யப்பட்டிருக்கிறார். ஏற்கெனவே ஏர் இந்தியா நிறுவனத்தில் வேலை பார்த்த ஸ்வப்னா, சில வருடங்கள் திருவனந்தபுரத்திலுள்ள யு.ஏ.இ தூதரகத்தில் பணிபுரிந்துவந்தார். அதன் பிறகு கேரள அரசின் தகவல் தொழில்நுட்பப் பிரிவில் தற்காலிகப் பணியாளராக வேலை பார்த்துவந்தார். கேரள ஐடி துறையில் ஸ்வப்னா வேலை பார்த்த நேரத்தில், திருவனந்தபுரம் விமான நிலையத்தில் வந்த யு.ஏ.இ தூதரக பார்சலில் 30 கிலோ தங்கம் கடத்தியது கண்டுபிடிக்கப்பட்டது. அந்தத் தங்கத்தைப் பெற வந்த ஸரித் என்பவர் கஸ்டம்ஸ் அதிகாரிகளால் கைதுசெய்யப்பட்டார். அவர்களை விடுவிக்கும்படி அதிகாரிகளுக்கு போனில் பேசிய ஸ்வப்னா சுரேஷ் தலைமறைவானார். அவரை பெங்களூரில்வைத்து என்.ஐ.ஏ கைதுசெய்தது. சுங்கத்துறை, அமலாக்கத்துறை, என்.ஐ.ஏ உள்ளிட்ட மத்திய அரசு ஏஜென்சிகள் இந்த வழக்கு சம்பந்தமாக விசாரணை நடத்திவருகின்றன. தங்கக் கடத்தலில் ஈடுபட்ட 20-க்கும் மேற்பட்டவர்கள் கைதுசெய்யப்பட்டிருக்கிறார்கள். தங்கக் கடத்தலில் தீவிரவாதிகளுக்கும் தொடர்பு இருப்பதாக கூறப்பட்டுவருகிறது.ஸ்வப்னா சுரேஷ் கேரள முதல்வர் பினராயி விஜயனின் முதன்மைச் செயலாளராக இருந்த சிவசங்கரன், ஐடி துறை செயலாளராகவும் இருந்தார். இந்த வழக்கு விசாரணையில் ஐடி செயலாளர் சிவசங்கரனுக்கும் ஸ்வப்னாவுக்கும் நெருங்கிய நட்பு இருந்தது தெரியவந்தது. இதைத் தொடர்ந்து சிவசங்கரன் சஸ்பெண்ட் செய்யப்பட்டார். ஸ்வப்னா சுரேஷ் கேரள அரசின் ஏழைகளுக்கு வீடு கட்டிக்கொடுக்கும் `லைஃப் மிஷன்' திட்டத்தில் ஒப்பந்ததாரரிடமிருந்து கமிஷனாகப் பணம் பெற்றதாகப் புகார் எழுந்தது. இது குறித்து சி.பி.ஐ விசாரணை நடத்திவருகிறது. இந்தநிலையில், அமலாக்கத்துறை பதிவு செய்த வழக்கில் எர்ணாகுளம் முதன்மை அமர்வு நீதிமன்றம் ஸ்வப்னாவுக்கு ஜாமீன் வழங்கியிருக்கிறது. ஏற்கெனவே சுங்கத்துறை பதிவு செய்த வழக்கில் ஸ்வப்னாவுக்கு ஜாமீன் கிடைத்த நிலையில், அமலாக்கத்துறை பதிவு செய்த வழக்கிலும் ஜாமீன் வழங்கப்பட்டிருக்கிறது. அதேசமயம் என்.ஐ.ஏ பதிவு செய்த வழக்கில் ஜாமீன் கிடைக்காததால் ஸ்வப்னா தொடர்ந்து சிறையில் இருக்க வேண்டிய நிலை ஏற்பட்டிருக்கிறது. சட்டப்படி ஸ்வப்னாவை ஒரு வருடம் தடுப்புக் காவலில் வைக்க வேண்டும் என்று சுங்கத்துறை கூறியிருப்பதால், என்.ஐ.ஏ வழக்கில் ஜாமீன் கிடைத்தாலும், ஸ்வப்னா சுரேஷ் வெளியே வர முடியாத நிலை ஏற்பட்டிருக்கிறது.சஸ்பெண்ட் செய்யப்பட்ட ஐ.ஏ.எஸ் அதிகாரி சிவசங்கரன் தங்கக் கடத்தலில் சுங்கத்துறை வழக்கு பதிவு செய்ததைத் தொடர்ந்து கறுப்பு பணத்தை வெள்ளையாக்குவது குறித்து ஸ்வப்னா மீது அமலாக்கத்துறை ஏற்கெனவே வழக்கு பதிவு செய்திருந்தது. இந்த வழக்கில் 60 நாடள்கள் ஆன பிறகும் குற்றப்பத்திரிகை தாக்கல் செய்யாததால், ஜாமீன் வேண்டி ஸ்வப்னா சுரேஷ் மனுத்தாக்கல் செய்திருந்தார். இதற்கிடையில் ஸ்வப்னா சுரேஷ் கைதுசெய்யப்பட்ட 60-வது நாளில் அமலாக்கத்துறை குற்றப்பத்திரிகை தாக்கல் செய்திருக்கிறது. ஆனால் ஸ்வப்னாவை வெளியேவிடக் கூடாது என அவசரமாக குற்றப்பத்திரிகை தாக்கல் செய்ததாக ஸ்வப்னாவின் வழக்கறிஞர் வாதிட்டதைத் தொடர்ந்து கோர்ட் ஜாமீன் வழங்கியிருப்பது குறிப்பிடத்தக்கது.
http://dlvr.it/RjVzwn

Read More