அடேங்கப்பா இத்தனை டாட் பால்... பவர்பிளேயில் ஒட்டுமொத்தமாக தடுமாறிய சிஎஸ்கே

நடப்பு ஐபிஎல் சீசனின் முதற்பாதி ஆட்டங்கள் முடிந்துள்ள நிலையில் 1 முதல் 6 வரையிலான பவர்பிளே ஓவர்களில் அதிக டாட் பால்கள் ஆடிய அணி எது என்பதை பார்ப்போம்.  36 பந்துகளில் சுமார் 52.1 சதவிகித பந்துகளை டாட் பாலாக விளையாடி இந்த பட்டியலில் முதலிடத்தில் உள்ளது சென்னை அணி. தொடர்ந்து கொல்கத்தா நைட்ரைடர்ஸ், ராஜஸ்தான் ராயல்ஸ், மும்பை இந்தியன்ஸ், டெல்லி கேப்பிடல்ஸ், சன்ரைசர்ஸ் ஹைதராபாத், ராயல் சேலஞ்சர்ஸ் பெங்களூரு, கிங்ஸ் லெவன் பஞ்சாப் அணிகள் உள்ளன.இதில் பஞ்சாப் அணி பவர் பிளே ஓவர்களில் 41.4 சதவிகிதம் மட்டுமே டாட் பால்கள் ஆடியுள்ளன. ராஜஸ்தான் அணியின் ஆர்ச்சர் அதிகபட்சமாக 117 டாட் பால்களை வீசி அதிக டாட் பால்கள் வீசிய பவுலர்களின் பட்டியலில் முதலிடத்தில் உள்ளார்.
http://dlvr.it/RjxZvd

Read More

“ஒரே ஒரு தல தான்"- கே.எல்.ராகுல் கொடுத்த பதில் ட்வீட்

நடப்பு ஐபிஎல் சீசனில் கிங்ஸ் லெவன் பஞ்சாப் அணிக்காக மாஸ்டர் கிளாஸ் இன்னிங்ஸ் ஆடி வருகிறார் அந்த அணியின் கேப்டன் கே.எல்.ராகுல் மும்பையுடனான ஆட்டத்தில் அற்புமான இன்னிங்ஸ் ஆடி பஞ்சாப் அணிக்கு வெற்றி தேடி கொடுத்தார்.  இந்நிலையில்  ‘MY THALA’ என கே.எல். ராகுலை குறிப்பிட்டு ரசிகர் ஒருவர் சொல்லியிருந்தார். There is only one Thala Gajal and everyone knows who he is. ? — K L Rahul (@klrahul11) October 19, 2020 அதற்கு பதில் கொடுத்த கே.எல். ராகுல் “ஒரே ஒரு தல தான்… அது யார் என்பது எல்லோருக்கும் தெரியும்” என மறைமுகமாக தோனியை குறிப்பிட்டு ட்வீட் செய்துள்ளார்.
http://dlvr.it/RjvLjk

Read More

திருமணம் முடித்த 17 வயது சிறுமி.... பையனின் தாயுடன் தங்க நீதிமன்றம் அனுமதி

இப்போது குழந்தைகள் மேஜராவதற்கு நிர்ணயிக்கப்பட்ட  வயதை அடைவதற்கு  முன்பே உடலியல் மற்றும் உளவியல் முதிர்ச்சியை அடைகிறார்கள் என்று பஞ்சாப் மற்றும் ஹரியானா நீதிமன்றம் தெரிவித்துள்ளது. நீதிபதி சஞ்சய் குமார், பெண் குழந்தைகள் தங்களின் சமவயது சிறுவர்களை விட முதிர்ச்சியுள்ளவர்களாக இருக்கிறார்கள் என்பது விஞ்ஞான ரீதியாக அங்கீகரிக்கப்பட்ட உண்மை.அதனால்தான்  பெண்களுக்கான மேஜர் வயது 18 ஆகவும், ஆண்களுக்கு 21 ஆகவும் நிர்ணயிக்கப்பட்டுள்ளது எனத் தெரிவித்தார் இந்த வழக்கில், சுமார் 17 வயதுடைய ஒரு சிறுமியும், ஒரு பையனும் ஒருவருக்கொருவர் விரும்பி திருமணம் செய்து கொண்டதாகவும், சிறுமியின் பெற்றோர் இந்த திருமணத்திற்கு எதிர்ப்பு தெரிவித்து தம்பதியரை அச்சுறுத்துகிறார்கள் எனவே தங்களுக்கு பாதுகாப்பு வழங்கக்கோரி உயர் நீதிமன்றத்தை அணுகியிருந்தனர். இவ்வழக்கில் தீர்ப்பளித்த நீதிமன்றம் சிறுமி மேஜராகும் வயதை அடையும் வரை, அந்த சிறுமி திருமணம் செய்துகொண்ட பையனின் தாயுடன் தங்க நீதிமன்றம் அனுமதித்தது. இதுகுறித்து “அவர்களின் வேண்டுகோளை பரிசீலிக்கும்போது, குழந்தை திருமணங்கள் தொடர்பான நமது சட்டங்களில் தெளிவு இல்லை. மேஜராகாத நபர்களுக்கு இடையிலான இந்து திருமணச் சட்டத்தில்கூட தெளிவில்லை. பாலியல் குற்றங்களிலிருந்து குழந்தைகளைப் பாதுகாத்தல் சட்டம், 2012ன்படி 18 வயதுக்குக் குறைவான ஒரு பெண்ணுடன் எந்தவொரு பாலியல் செயலையும் அல்லது உடலுறவையும் ஒரு குற்றமாக ஆக்குகிறது, அப்பெண் அவரது மனைவியாக இருந்தாலும் அது குற்றமே . விதிவிலக்கு 2 முதல் பிரிவு 375 ஐபிசி 15 வயதுக்கு மேற்பட்ட மனைவியுடன் உடலுறவு மற்றும் பாலியல் செயல்கள் வன்கொடுமை அல்ல என்று கூறுகிறது. இதுபோல பல முரண்கள் உள்ளன” என நீதிமன்றம் சுட்டிக்காட்டியுள்ளது. மேலும் “அப்பெண்ணின் விருப்பத்திற்கு மாறாக நாம் அவரது பெற்றோரிடம் வலுக்கட்டாயமாக ஒப்படைக்க வேண்டும் அல்லது 18 வயதை எட்டும் வரை அவரை ஒரு பாதுகாப்பு இல்லத்தில் வைக்க வேண்டும் என்று நீதிமன்றம் கூற முடியாது.  எனவே அந்த சிறுமி 18 வயதை எட்டும் வரை காவல்துறை கண்காணிப்புடன் அந்த சிறுமி பையனின் தாயுடன் தங்கலாம், இதனை குழந்தைகள் நலக் குழு கண்காணிக்கவேண்டும்” எனவும் நீதிமன்றம் உத்தரவிட்டது.
http://dlvr.it/RjvLfj

Read More

குஜராத்: குறிப்பிட்ட சாதிக்கு எதிராக வெறுப்பு பதிவு?! - பட்டியலின வழக்கறிஞர் கொலை

முகநூலில், குறிப்பிட்ட ஒரு சாதியை இழிவுபடுத்தும் விதமாக பதிவுகளைப் பகிர்ந்த காரணத்திற்காக தேவ்ஜி மகேஸ்வரி எனும் பட்டியல் வகுப்பை சார்ந்த வழக்கறிஞரை, வாலிபர் ஒருவர் வெட்டிக் கொலை செய்த சம்பவம் பரபரப்பை ஏற்படுத்தியுள்ளது. குஜராத் மாநிலம் படான் மாவட்டத்தைச் சேர்ந்தவர், தேவ்ஜி மகேஸ்வரி. பட்டியல் சமூகத்தைச் சேர்ந்த இவர் அகில இந்திய பிற்படுத்ப்பட்டோா் மற்றும் தலித் கூட்டமைப்பின் வழக்கறிஞராக செயல்பட்டு வந்தாா். தனது முகநூல் பக்கத்தில் அவ்வப்போது குறிப்பிட்ட ஒரு சாதியினரை இழிவுபடுத்தும் விதமாக கருத்துக்களைப் பதிவேற்றி வந்துள்ளாா். இந்த நிலையில் ரப்பர் பகுதியைச் சேர்ந்த 22 வயது வாலிபரான பரத் ராவல் என்பவர், தேவ்ஜி பதிவேற்றும் பதிவுகள் குறித்து தொடர்ந்து முகநூலிலும், தொலைபேசியின் வாயிலாகவும் வாக்குவாதத்தில் ஈடுபட்டு வந்துள்ளாா். ஒருகட்டத்தில் மிகுந்த கோபமடைந்த பரத் ராவல், கடந்த ஜூலை மாதம் தேவ்ஜி மகேஸ்வரியை தொலைபேசியில் அழைத்து கடுமையான வாக்குவாதத்தில் ஈடுபட்டுள்ளாா். அன்று நிகழ்ந்த அழைப்பில் இருவருக்கும் இடையேயான வாக்குவாதமானது கடுமையான சொற்களால் நெடுநேரம் நீண்டுள்ளது. இறுதியில், ராவத் இத்தோடு இது போன்ற செயல்களில் ஈடுபடுவதை நிறுத்திக்கொள்ளுமாறு எச்சரித்துள்ளாா். ஆனால், தேவ்ஜி மேலும் பதிவிடுவதை தொடர ஆத்திரமடைந்த ராவத் கடந்த செப்டம்பர் மாதம் 25-ம் தேதி, தேவ்ஜியை அவர் அலுவலகத்தில் வைத்தே கொலை செய்துள்ளனா்.தேவ்ஜி மகேஸ்வரி கொலை சம்பவத்தையடுத்து, தேவ்ஜியின் மனைவி மினாக்ஸிபென் போலீஸாாிடம் அளித்த புகாாின் அடிப்படையில் படான் மாவட்ட டி.ஐ.ஜி. மோத்தலியா தலைமயில் அமைந்த சிறப்பு விசாரணை குழு ராவத்தையும் அவரது நண்பர்கள் எட்டு பேரையும் கைது செய்து நடத்திய விசாரணை அறிக்கையை வெளியிட்டுள்ளது. இது தொடர்பாக டி.ஐ.ஜி. மோத்தலியா பத்திரிகையாளர்களிடம் அளித்த பேட்டியில், `தற்போது கிடைக்கப்பெற்ற ஆதரங்களின் அடிப்படையில், இருவரும் தொலைபேசியின் வாயிலாக 13-14 நிமிடங்கள் வரை சர்ச்சைக்குறிய பதிவுகள் குறித்து கடுமையான வாக்குவாதத்தில் ஈடுபட்டுள்ளனா். மேலும் ராவத், பலமுறை இச்செயலை நிறுத்தக்கோாி தேவ்ஜியை எச்சரித்து மிரட்டல்விடுத்து வந்துள்ளதாா். பரத் ராவத்திடம் மேற்கொண்ட விசாரணையிலும், தேவ்ஜியின் முகநூல் பதிவுகளின் மூலமும் கொலை நிகழ்ந்ததற்கு சர்ச்சைக்குரிய அப்பதிவுகளே காரணமாக இருக்கிறது. கொலை செய்த ராவத், அவரது நண்பர்களான பிரகாஷ் பீரா, ராஜேஷ் அலியாஸ், விக்ரம் தேவ்தா உள்ளிட்டோாின் உதவியேடு மும்பைக்குத் தப்பிச் சென்றுள்ளாா். ஆனால், மும்பை போலீஸாா் ஓரிரு நாட்களிலேயே அவர்களை மடக்கிப் பிடித்துள்ளனர்.தேவ்ஜியின் மனைவி மினாக்ஸிபென் அளித்த புகாரில், "என் கணவர் ரப்பர் நகரில் உள்ள சமாஜ்வாதி சமூக மண்டபம் தொடர்பான சா்ச்சைக்குரிய வழக்கொன்றை எடுத்து நடத்தத் தொடங்கினாா். அப்போதிலிருந்தே, இது போன்ற மிரட்டல்களை பரத் ராவத் விடுத்து வந்தார்" என்று கூறியுள்ளாா். மினாக்ஸியின் புகாா் அடிப்படையில், ராவத் மற்றும் அவரது நண்பர்களுக்கு எதிரான ஆதாரங்கள் இன்னும் சரிவர கிடைக்காததால், மேலும் விசாரணை நிகழ்ந்து வருகிறது.
http://dlvr.it/RjsvH6

Read More

''யாரோ செய்த தவறு'' - நீட் தேர்வின் ஓ.எம்.ஆர். விடைத்தாள்கள் மாறியுள்ளதாக மாணவர்கள் புகார்

நீட் தேர்வு எழுதிய மாணவர்களின் ஓ.எம்.ஆர். விடைத்தாள்கள் மாறியுள்ளதாக புகார்கள் எழுந்துள்ளன. அரியலூர்‌ மாவட்டம்‌ தத்தனூர் குடிகாடு கிராமத்தைச் சேர்ந்த மாணவி‌ ஒருவர், அப்‌பகுதியில் உள்ள சிபிஎஸ்இ பள்ளியில் படித்து வந்தார். பன்னிரெண்டாம் வகுப்பில் 299 மதிப்பெண்கள் பெற்ற அ‌வர், நாகை மாவட்டம் அதிராம்பட்டினத்தில் நீட் தேர்வு எழுதியுள்ளார். 3 கேள்விகளுக்கு மட்டுமே அவர் விடையளிக்க தவறிய நிலையில், 680 மதிப்பெண்கள் கிடைக்கும் என நம்பிக்கையோடு இருந்துள்ளார். ஆனால், அவருக்கு வெறும் 37 மதிப்பெண்களே கிடைத்துள்ளன. விடையளித்த ஓ.எம்.ஆர். தாளை பதிவிறக்கம் செய்து பார்த்தபோது, தான் விடைகுறித்த ஓ.எம்.ஆர். தாள் மாறியுள்ளதாக புகார் தெரிவித்துள்ளார். தான் விடையளித்த அசல் ஓ.எம்.ஆர். ‌தாளை வழங்க வேண்டும் என மாணவி கோரிக்கை விடுத்துள்ளார். இதேபோல், கோவை மாவட்டம் கருமத்தம்பட்டியைச் சேர்ந்த மாணவர் மனோஜ், ‌ஓ.எம்.ஆர். விடைத்தாளில் குளறுபடி செய்யப்பட்டுள்ளதாக குற்றம்சாட்டியுள்ளார். முதலில் பதிவேற்றம் செய்யப்பட்ட ஓ.எம்.ஆர். விடைத்தாள் மாற்றப்பட்டு, புதிதாக வேறு ஒரு ஓ.எம்.ஆர். ஷீட் இருப்பதாக கூறும் மனோஜ், மெயில் மூலம் புகார் அளித்தும், அலைப்பேசியில் தொடர்புகொண்டும் எந்தவித பலனும் இல்லை என்றார். மேலும் தனது 2 ஆண்டு முயற்சி யாரோ செய்த தவறால் வீணாகிவிட்டதாக அந்த மாணவர் வருத்தம் தெரிவித்துள்ளார்.
http://dlvr.it/RjqtWB

Read More

நண்பனின் மனைவியை கொல்ல ரூ.5,000... 20ஆண்டுகளுக்கு பின் கைதான குற்றவாளி.!

மனைவியை கொல்ல நண்பருடன் ரூ.5,000 கொலை ஒப்பந்தம்.. 20 ஆண்டுகளுக்குப் பின் கைது.    குஜராத்தின் விஜாபூர்மேக் கிராமத்தில் சுரேஷ் நவி மற்றும் குந்தா என்ற தம்பதியினர் வசித்து வந்தனர். 20 ஆண்டுகளுக்கு முன்பு இந்த தம்பதியினரிடையே அடிக்கடி தகராறு ஏற்பட்டுள்ளது. இதனால் மனைவி குந்தாவை கொலை செய்ய முடிவெடுத்த சுரேஷ் நவி, தனது நண்பரான ஷம்பு ராவலை அணுகியுள்ளார். ராவலுக்கு ரூ. 5,000 கொடுத்து தனது மனைவியை கொன்று விடுமாறு திட்டம்போட்டு கொடுத்துள்ளார் சுரேஷ் நவி. இதையடுத்து பிப்ரவரி 18, 2000 அன்று குந்தாவை அவரது வீட்டில் கழுத்தை நெரித்து ஷம்பு ராவல் கொலை செய்தார். இச்சம்பவத்திற்கு பின்னர் ராவல் மற்றும் சுரேஷ் நவி இருவரும் தலைமறைவாகி விட்டனர். எனினும் கொலையான பெண்ணின் கணவர் சுரேஷ் நவி போலீசில் பிடிபட்டார். ஆனால் ஷம்பு ராவல் பிடிபடாமல் 20 ஆண்டுகளாக தலைமறைவாகவே வாழ்ந்து வந்துள்ளார். இதற்கிடையில் சுரேஷ் நவி சிறைச்சாலையில் நோயின் காரணமாக இறந்துபோனார். இந்நிலையில் 20 ஆண்டுகளுக்கு பின்னர் ஷம்பு ராவல் போலீசிடம் சிக்கியுள்ளார். அவரை கைது செய்த போலீசார் ராவல் மீது கொலை வழக்குப்பதிவு செய்து, இந்த இடைப்பட்ட ஆண்டுகளில் வேறு ஏதேனும் குற்றச் சம்பவங்களில் ஈடுபட்டுள்ளாரா என்பது குறித்து விசாரித்து வருகின்றனர்.  
http://dlvr.it/RjqtVS

Read More

கொரோனா காலத்திலும் பணிக்கு வராத 385 டாக்டர்கள் பணிநீக்கம்! - கேரள அரசு அதிரடி

இந்தியாவில் முதன் முதலாக கொரோனா நோய்த்தொற்று கண்டறியப்பட்ட மாநிலம் கேரளா. சீனாவில் இருந்து வந்த மூன்று மாணவர்களுக்கு கொரோனா நெகட்டிவ் கண்டறியப்பட்டது. எற்கெனவே நிபா வைரஸ் தொற்று உள்ளிட்டவைகளால் அனுபவம் கொண்ட கேரளா, கொரோனா தடுப்பு நடவடிக்கைகளை முடுக்கிவிட்டது. இதனால், ஆரம்பத்தில் இருந்தே கொரோனாவைக் கட்டுக்குள் வைக்க முயற்சித்தது. இந்தநிலையில் கொரோனா நோய்த் தொற்றின் காரணமாக திருவனந்தபுரம் மெடிக்கல் காலேஜ் ஆஸ்பத்திரியில் சிகிச்சைப் பெற்றுவந்த முதியவர் உடலில் புழுக்கள் ஏற்பட்ட விவகாரம் பிரச்னையை ஏற்படுத்தியது. அது சம்பந்தமாக மருத்துவர் சஸ்பெண்ட் செய்யப்பட்ட சம்பவத்தால், பிற மருத்துவர்கள் போராட்டத்தில் குதித்ததனர். அரசு பேச்சுவார்த்தை நடத்தியதைத் தொடர்ந்து மருத்துவர்கள் போராட்டத்தை கைவிட்டனர்.கேரள சுகாதாரத்துறை அமைச்சர் கே.கே.ஷைலஜா இதற்கிடையில் மருத்துவப் படிப்பு முடித்து வெளியே வந்த சுமார் 900 மருத்துவர்கள் கொரோனா நோய்த்தடுப்பு பணிக்காக தற்காலிகமாகப் பணியமர்த்தப்பட்டனர். அவர்களுக்கு 45,000 ரூபாய் மாதச் சம்பளம் வழங்குவதாக உறுதியளிக்கப்பட்ட நிலையில் 27,000 ரூபாய் மாதச்சம்பளம் வழங்கப்பட்டதாக கூறப்படுகிறது. இதையடுத்து, சுமார் 900 மருத்துவர்களும் தங்கள் தற்காலிகப் பணியை உதறிய சம்பவம் பரபரப்பை ஏற்படுத்தியது. Also Read: கேரளா: பிரியாணி விற்ற திருநங்கைக்கு நேர்ந்த கொடுமை! - உதவிக்கரம் நீட்டிய நல்லுள்ளங்கள் இந்தநிலையில்தான் நீண்டகாலமாக பணிக்குச் செல்லாமல் இருந்த 380 மருத்துவர்களை பணி நீக்கம் செய்து கேரள சுகாதாரத்துறை நடவடிக்கை எடுத்துள்ளது. இதுகுறித்து கேரள சுகாதாரத்துறை அமைச்சர் கே.கே.ஷைலஜா வெளியிட்டுள்ள அறிக்கையில், ``எந்தக் காரணமும் கூறாமல் சில வருடங்களாக பணிக்கு வராமல் உள்ள சுகாதாரத்துறையின் கீழ் பணிபுரியும் 385 டாக்டர்கள் உள்பட 432 ஊழியர்களை பணியில் இருந்து நீக்க அரசு உத்தரவிட்டுள்ளது. பலமுறை வாய்ப்பு அளித்தும் பணியில் சேராத ஊழியர்களை நீக்க ஏற்கெனவே அரசு முடிவு செய்திருந்தது.கொரோனா வைரஸ் கொரோனா காலத்தில் மருத்துவர்கள் மற்றும் பணியாளர்களின் சேவை அவசியமாக இருந்தது. அதனால்தான் பணிக்கு வராதவர்கள் மீது கடும் நடவடிக்கஒ எடுக்க வேண்டிய நிலை ஏற்பட்டது. காரணமே இல்லாமல் பணிக்கு வராமல் இருந்த மருத்துவக் கல்வி சார்ந்த மருத்துவர்கள் 36 பேர் ஏற்கெனவே பணி நீக்கம் செய்யப்படிருந்தனர். இப்போது 385 மருத்துவர்கள் மட்டுமல்லாது 5 ஹெல்த் இன்ஸ்பெக்டர்கள், 4 மருந்தாளுநர்கள், 20 ஸ்டாப் நர்ஸ் உள்ளிட்டவர்கள் என மொத்தம் 432 பேர் பணி நீக்கம் செய்யப்படுகின்றனர்" என்று தெரிவிக்கப்பட்டுள்ளது.
http://dlvr.it/RjpQhc

Read More