தெரு, பால்கனியில் நின்றபடி பாடம் கற்பிக்கும் இத்தாலிய ஆசிரியர்கள்..

தனிமனித இடைவெளியை உறுதிப்படுத்த தெருவிலும், பால்கனியிலும் நின்றபடி பாடம் கற்பிக்கின்றனர் இத்தாலிய ஆசிரியர்கள்.   கடந்த மார்ச் மாதம் இத்தாலி நாட்டையே தலைகீழாக புரட்டிப் போட்ட கொடிய கொரோனா பாதிப்பு அதன்பின்னர் கட்டுக்குள் வந்தது. இத்தாலியில் பல இன்னல்களுக்கு பிறகு ஒரு வழியாய் அனைத்து பள்ளிகளும் திறக்கப்பட்டு விட்டது. இருப்பினும், முன்னெச்சரிக்கை காரணமாக ஒவ்வொரு வகுப்பிலும் பாதி மாணவர்களே இருக்கும்படி பார்த்துக் கொள்ளப்படுகிறது.   இந்நிலையில் இத்தாலியின் நேபிள்ஸில் நகரில் மீண்டும் கொரோனா பரவல் தலைதூக்கியதைத் தொடர்ந்து அந்நகரில் உள்ள பள்ளிகள் அனைத்தும் அக்டோபர் இறுதிவரை மூடுமாறு உத்தரவிடப்பட்டது.     ஆறு மாதங்களுக்குப் பிறகு பள்ளிகள் திறக்கப்பட்டு ஒரு வாரத்திற்குள் பள்ளிகள் மீண்டும் அடைக்கப்பட்டதால் மாணவர்களும் பெற்றோர்களும் கவலையடைந்தனர். இதையடுத்து நேபிள்ஸில் உள்ள ஆசிரியர்கள் புதுமையாக ஒரு முயற்சி எடுத்தனர்.   மாணவர்களை தெருக்களிலும், பால்கனிக்கும் வரவழைத்து ஆசிரியர்கள் பாடம் கற்றுக்கொடுத்து வருகின்றனர். இதற்காக காம்பானியா எனும் ஒரு பகுதி முழுக்க ஆசிரியர்கள் வலம்வந்து மாணவர்களை சந்தித்து பாடம் போதிக்கின்றனர்.   ஆசிரியரான ஸ்டோர்னாயுலோ கூறுகையில், ‘’குழந்தைகள் எங்களைப் பார்க்கவும், எங்களுடன் நேரத்தைப் பகிர்ந்து கொள்ளவும் இந்த நடமாடும் கல்வி கற்பிப்பு முறை உதவுகிறது’’ என்றார்.
http://dlvr.it/Rk59nz

Read More

வந்தாச்சு ஜியோ 5ஜி.. ரிலையன்ஸின் அடுத்த அதிரடி

இந்தியாவில் 5ஜி கட்டமைப்புப் பணிக்காக உலகின் முன்னணி திறன்பேசி சிப் தயாரிப்பு நிறுவனமான குவால்காம் உடன் கைகோர்க்கவுள்ளது ஜியோ.   மெய்நிகராக்கப்பட்ட ரேடியோ அக்சஸ் நெட்வொர்க் மூலம் 5 ஜி சேவையை தொடங்க ஜியோ மற்றும் குவால்காம் நிறுவனங்கள் திட்டமிட்டுள்ளன. நாட்டின் 5ஜி நெட்வொர்க் உள்கட்டமைப்பு மற்றும் சேவைகளில் வளர்ச்சியை ஊக்குவிப்பதும், வெளியிடுவதுமே இதன் நோக்கமாக தெரிவிக்கப்பட்டுள்ளது.   குவால்காம் 5ஜி RAN இயங்குதளங்களைப் பயன்படுத்தும் ரிலையன்ஸ் ஜியோ 5GNR மென்பொருளில் 1 Gbps மைல்கல்லை எட்டியுள்ளதாக ஜியோ மற்றும் குவால்காம் ஒன்றாக அறிவித்துள்ளன.   குவால்காம் 5ஜி உச்சிமாநாட்டின்போது ரிலையன்ஸ் ஜியோ இன்ஃபோகாமின் தலைவர் மேத்யூ ஓம்மன் கூறுகையில், ‘’புதிய தலைமுறைக்கான கிளவுட் நேட்டிவ் 5ஜி RAN தொழில்நுட்பத்தை உருவாக்குவதில் குவால்காம் டெக்னாலஜிஸுடன் இணைந்து பணியாற்றுவதில் நாங்கள் மகிழ்ச்சியடைகிறோம். இது உண்மையிலேயே திறந்த மற்றும் மென்பொருள் ஆக வரையறுக்கப்பட்டுள்ளது.     ஜியோ இயங்குதளங்கள் மற்றும் ஸ்கேல் இணைந்து குவால்காம் டெக்னாலஜிஸுடன் பாதுகாப்பான RAN தீர்வுகளின் மேம்பாடு உள்ளூர் உற்பத்திக்கான சிறந்த கலவையை வழங்குகிறது” என்று கூறினார்.   குவால்காம் இந்தியா பிரைவேட் லிமிடெட் துணைத் தலைவரும், குவால்காம் இந்தியாவின் தலைவருமான ராஜன் வாகாடியா கூறுகையில், “ரிலையன்ஸ் ஜியோவுடனான எங்கள் நீண்டகால உறவில் ஒரு புதிய கட்டத்திற்குள் நுழைவதில் நாங்கள் மகிழ்ச்சியடைகிறோம், 5 ஜிக்கான எங்கள் மேம்பட்ட பார்வையை வளர்த்து, இந்தியாவின் டிஜிட்டல் மாற்றத்தை ஆதரிக்கிறோம்.   ஜியோ அதன் சந்தாதாரர்களுக்கு குறைந்த செலவில் மற்றும் அதிகமான 4ஜி நெட்வொர்க் கவரேஜ் மற்றும் இந்திய வாடிக்கையாளர்களுக்கான மேம்பட்ட 5ஜி உள்கட்டமைப்பு மற்றும் சேவைகளை வெளியிடுவதற்கான பயணத்தில் அவர்களுடன் நெருக்கமாக பணியாற்ற நாங்கள் எதிர்நோக்குகிறோம். ” என்றும் தெரிவித்தார்.
http://dlvr.it/Rk2wZP

Read More

TRP வழக்கில் திருப்பம்! - லக்னோவில் பதிவான புதிய வழக்கு சி.பி.ஐ-க்கு மாற்றம்

இந்தியாவில் டி.ஆர்.பி (டெலிவிஷன் ரேட்டிங் பாயின்ட் - TRP) கணக்கிடும் பணியை BARC (Broadcast Audience Research Council) நிறுவனம் செய்துவருகிறது. இந்த நிறுவனத்துக்குக் கீழ் இயங்கிவரும் ஹன்சா ரிசர்ச் நிறுவனம், BARC நிறுவனத்துடனான ஒப்பந்தத்தின் கீழ், இந்தியா முழுவதும் 30,000 டி.ஆர்.பி மீட்டர்களைவைத்து டி.ஆர்.பி கணக்கிடும் பணியைச் செய்துவருகிறது. டி.ஆர்.பி. கணக்கிடுவதில் முறைகேடு நடந்திருப்பதாக கோல்டன் ராபிட் கம்யூனிகேஷன்ஸ் (Golden Rabbit Communications) என்ற ஊடக மற்றும் விளம்பர நிறுவனத்தின் உரிமையாளரான கமல் ஷர்மாவின் புகாரின் அடிப்படையில் லக்னோவின் ஹஸ்ரத்கஞ்ச் (Hazratganj) காவல் நிலையத்தில் உத்தரப்பிரதேச போலீஸார் வழக்கு பதிவு செய்தனர். கமல் ஷர்மா தன் புகாரில், ``ஊடகத்துறையில் சிலர் ஏமாற்ற முயற்சிக்கும் குற்றச் சதித்திட்டத்தில் ஈடுபட்டிருக்கிறார்கள். டி.ஆர்.பி-க்கள் என பொதுவாகக் குறிப்பிடப்படும் தொலைக்காட்சி மதிப்பீட்டுப் புள்ளிகளைக் கையாளுவதன் மூலம் நம்பிக்கையை மீறுதல், மோசடி செய்தல் உள்ளிட்ட தவறுகளைச் செய்திருக்கிறார்கள்" என்று கூறியிருந்தார்.டி.ஆர்.பி இந்தப் புகாரின் அடிப்படையில் பதிவு செய்யப்பட்ட எஃப்.ஐ.ஆர்-ல் எந்த ஒரு குற்றம் சாட்டப்பட்டவரின் பெயரையும் குறிப்பிடாமல், ஓப்பன் எஃப்.ஐ.ஆர் ஆகவே அது பதிவு செய்யப்பட்டது. இந்திய தண்டனைச் சட்டம் பிரிவு 120 பி (கிரிமினல் சதி), 34 (பொதுவான நோக்கம்), 406, 408 மற்றும் 409 (அனைத்தும் குற்றவியல் நம்பிக்கை மீறுவதைக் கையாளும்) மற்றும் பிரிவு 420 (மோசடி) உள்ளிட்ட பிரிவுகளில் எந்த ஒரு தொலைக்காட்சி சேனலையும் குறிப்பிடாமல் வழக்கு பதிவு செய்யப்பட்டது, முன்னதாக, டி.ஆர்.பி ரேட்டிங்கில் அதிக புள்ளிகளைப் பெறுவதற்காக மோசடி நடந்திருப்பதாக ரிபப்ளிக் டி.வி., மராத்தி சேனல்களான `Fakt Marathi', `பாக்ஸ் சினிமா' உள்ளிட்ட சேனல்கள் மீது மும்பை காவல்துறை வழக்கு பதிவு செய்து விசாரணையைத் தொடங்கி நடத்திவந்தனர். இந்த மோசடி வழக்கில் தங்கள் நிறுவனத்தின் பெயர் சேர்க்கப்பட்டதை எதிர்த்து ரிபப்ளிக் டி.வி நிர்வாகம் சார்பில், உச்ச நீதிமன்றத்தில் மனுத்தாக்கல் செய்யப்பட்டது. விசாரணையின்போது உச்ச நீதிமன்ற நீதிபதிகள், `மும்பை உயர் நீதிமன்றத்தை நாடுங்கள்’ என்று உத்தரவிட்டிருந்தனர். இந்தநிலையில், மும்பை காவல்துறையினர் இந்த விவகாரம் தொடர்பாகச் சிலரைக் கைதுசெய்ததுடன், ரிபப்ளிக் டி.வி-யின் முக்கிய அலுவலகப் பொறுப்பாளர்களுக்கும் சம்மன் அனுப்பியது. இந்தநிலையில், புதிதாக உ.பி-யில் பதிவான டி.ஆர்.பி வழக்கு, நேற்று அம்மாநில அரசின் பரிந்துரையின் பெயரில் மத்திய புலனாய்வு பிரிவுக்கு (CBI) மாற்றப்பட்டிருக்கிறது. சி.பி.ஐ உடனடியாக வழக்கு பதிவு செய்து விசாரணையைத் தொடங்கியது. அக்டோபர் 17-ம் தேதி உ.பி. காவல்துறையினரால் டி.ஆர்.பி வழக்கில் எஃப்.ஐ.ஆர் பதிவு செய்யப்பட்ட பின்னர், ரிபப்ளிக் தொலைக்காட்சியின் தாய் நிறுவனமான ஏ.ஆர்.ஜி அவுட்லியர் மீடியா பிரைவேட் லிமிடெட் தாக்கல் செய்த ரிட் மனுவில், `மும்பை காவல்துறையினர் அறிக்கையைப் பொய்யாகக் சித்திரிப்பதில் உறுதியாக இருக்கிறார்கள்’ என்றும், வழக்கை சி.பி.ஐ-க்கு மாற்றுமாறும் தெரிவிக்கப்பட்டிருந்தது. இந்த மனுவில் ரிபப்ளிக் டி.வி-யின் ஆலோசகர் ஹரிஷ் சால்வே, ``கேபிள் டி.வி ஆபரேட்டர்கள், ஒளிபரப்பாளர்கள், ஊடக நிறுவனங்கள், விளம்பரதாரர்கள் மற்றும் இந்தியா முழுவதுமுள்ள அனைத்துப் பங்குதாரர்கள் உள்ளிட்ட பலரிடமும் விசாரணை நடத்தப்பட வேண்டும். உண்மையான சதித்திட்டத்தை வெளிக்கொண்டு வர சி.பி.ஐ போன்ற நிறுவனம், இந்தியா முழுவதும் விசாரணை செய்ய வேண்டியது அவசியமாகிறது" என்று கூறியிருக்கிறார். BARC Rating மேலும், ``அனைத்துப் பங்குதாரர்களின் நம்பிக்கையையும் மறுபரிசீலனை செய்ய சி.பி.ஐ-யிடம் விசாரணையை ஒப்படைப்பது முக்கியம் என்றும், மும்பை காவல்துறையினர் முன்கூட்டியே திட்டமிடப்பட்ட முறையில் மனுதாரர்களை சிக்கவைப்பதற்கு, விசாரணைகளுக்கு மிகவும் தவறான முன்மாதிரியை கையாளுகின்றனர்" என்றும் குறிப்பிட்டிருக்கிறார். பால்கர் கூட்டுத் தாக்குதல் வழக்கு உள்ளிட்ட பிற நிகழ்வுகளின் அறிக்கைகள் தொடர்பாக ரிபப்ளிக் டி.வி மற்றும் அதன் தலைமை ஆசிரியர் அர்னாப் கோஸ்வாமிக்கு எதிராக மகாராஷ்டிரா காவல்துறையினர் சில எஃப்.ஐ.ஆர்-களை பதிவு செய்திருப்பதாக குறிப்பிட்ட சால்வே, கோஸ்வாமிக்கு எதிராக மகாராஷ்டிரா சட்டமன்றக்குழுவால் தொடங்கப்பட்ட நடவடிக்கைகளையும் குறிப்பிட்டு, வழக்கை சி.பி.ஐ-க்கு மாற்ற வேண்டும் என்று உயர் நீதிமன்றத்தில் கேட்டுக்கொண்டார். இந்நிலையில் வழக்கு குறித்துத் தகவல் தெரிவித்த சி.பி.ஐ அதிகாரி ஒருவர், ``டி.ஆர்.பி. வழக்கில் எஃப்.ஐ.ஆர் பதிவு செய்யப்பட்டிருக்கிறது. உ.பி காவல்துறையால் பதிவுசெய்யப்பட்ட வழக்கின்படி, குறிப்பாக யாருக்கும் எதிராக இல்லாமல் இந்த எஃப்.ஐ.ஆர் பதிவு செய்யப்பட்டிருக்கிறது” என்றார்.
http://dlvr.it/Rk2wS3

Read More

ஐபிஎல்லில் சாதனைப் படைத்த ஷிகர் தவன் !

13 ஆண்டு கால ஐபிஎல் கிரிக்கெட் வரலாற்றில் அடுத்தடுத்த 2 போட்டிகளில் சதங்களை விளாசிய முதல் வீரர் என்ற மெச்சத்தக்க சாதனையைப் படைத்துள்ளார் ஷிகர் தவன். நேர்த்தியான கிரிக்கெட்டிங் ஷாட்கள், தெறித்து பறந்த பவுண்டரிகள் என பஞ்சாப்புக்கு எதிரான ஆட்டத்தில் தனது அனுபவத்தால் அரங்கையே அலங்கரித்தார் ஷிகர் தவன். சென்னைக்கு எதிரான போட்டியில் தனது 13 ஆண்டு கால சதம் அடிக்கும் தாகத்தை தீர்த்துக் கொண்ட தவன், பஞ்சாபுக்கு எதிரான போட்டியில் கடைசி வரை ஆட்டமிழக்காமல் 61 பந்துகளில் 12 பவுண்டரிகள், 3 சிக்ஸர்கள் உட்பட 106 ரன்களை விளாசினார். இந்த சதத்தின் மூலம் ஐபிஎல் வரலாற்றில் 13 ஆண்டுகளாக படைக்கப்படாத சாதனையையும் தன் வசமாக்கினார் அவர். இதற்கு முன்பு எந்த ஒரு வீரரும் அடுத்தடுத்த போட்டிகளில் சதம் விளாசியதே இல்லை. 2013 ஆம் ஆண்டு ஷேன் வாட்சன் அடுத்தடுத்த போட்டிகளில் சதம் மற்றும் 98 ரன்கள் விளாசியதே முந்தைய சாதனையாக இருந்தது. பொறுப்பான ஆட்டத்தை வெளிப்படுத்திய தவன், ஐபிஎல்லில் 5 ஆயிரம் ரன்களைக் கடந்த 5 ஆவது வீரர் என்ற மைல்கல்லையும் எட்டினார். இதுவரை 169 ஐபிஎல் போட்டிகளில் விளையாடியுள்ள அவர், சராசரியாக ஒரு போட்டிக்கு 34 ரன்கள் வீதம் 5 ஆயிரத்து 43 ரன்களைக் குவித்துள்ளார். சீசனின் தொடக்கத்தில் சற்றே சறுக்கிய தவன், தற்போது அணியின் ஆணிவேராகவே உருவெடுத்துள்ளார். இனி வரும் போட்டிகளிலும், தவனே அணியின் முக்கிய துருப்புச் சீட்டாகவே வலம் வருவார் என்றால் அது மிகையாகாது.
http://dlvr.it/Rk1PHJ

Read More

`எடியூரப்பா நீண்டநாள் முதல்வராக இருக்கமாட்டார்!’- உள்கட்சிப் பூசலால் தள்ளாடும் கர்நாடக பா.ஜ.க

கர்நாடக ஆளும் கட்சியான பா.ஜ.க-வில் உள்கட்சிப் பூசல்கள் அதிகரித்து வருவதாகவும், முதல்வர் எடியூரப்பாவுக்கு எதிராக கர்நாடக வடக்குப் பகுதி எம்.எல்.ஏ-க்கள் அதிருப்தியில் இருப்பதாகவும் அம்மாநில ஊடகங்கள் செய்தி வெளியிட்டு வந்தன. முன்னதாக, எட்டு முறை எம்.எல்.ஏ-வும் பா.ஜ.க மூத்த தலைவாருமான உமேஷ் கட்டி, எடியூரப்பா அமைச்சரவையில் தாம் அமைச்சராகப் பதவியேற்க விரும்பவில்லை என்று கூறியிருந்தார். அதற்குப் பதிலாக வடக்கு கர்நாடகாவின் பிரதிநிதியாகத் தாம் மாநில முதலமைச்சராக விரும்புவதாகவும் கூறியிருந்தார். பசனகௌடா யட்னல் இந்த ஆண்டு தொடக்கத்தில் உமேஷ் கட்டி, பசனகௌடா, முருகேஷ் நிரானி, ரமேஷ் கட்டி, சி.பி.யோகிஷ்வர், ராஜூ கௌடா உள்ளிட்ட பா.ஜ.க எம்.எல்.ஏ-க்கள் எடியூரப்பாவுக்கு எதிராக ரகசிய இடத்தில் ஆலோசனைக் கூட்டம் நடத்தியிருந்தனர். இந்த விவகாரம் பா.ஜ.க-வில் சலசலப்பை ஏற்படுத்தியிருந்தது. Also Read: கர்நாடகா: `இனி நோ லாக்டௌன்; 5டி முறை மட்டுமே’ - முதல்வர் எடியூரப்பா இந்தநிலையில், விஜயபுரா தொகுதி பா.ஜ.க எம்.எல்.ஏவான பசனகௌடா பேச்சு அம்மாநில பா.ஜ.க-வில் புதிய பரபரப்பை ஏற்படுத்தியிருக்கிறது. விஜயபுராவில் நடந்த பொதுக்கூட்டம் ஒன்றில் பேசிய பசனகௌடா, ``முதல்வராக எடியூரப்பாவின் செயல்பாடுகளால் பா.ஜ.க-வின் மூத்த தலைவர்களும் அதிருப்தியடைந்திருக்கிறார்கள். இதனால், எடியூரப்பா முதல்வர் பதவியில் நீண்டநாள்கள் நீடிக்க மாட்டார். விரைவில் அவர் மாற்றப்படுவார். அடுத்த முதல்வர் வடக்கு கர்நாடகாவைச் சேர்ந்தவராகவே இருப்பார் என பிரதமர் மோடியும் கூறிவிட்டார். CM to be changed soon as most of senior leaders in state are not happy with BS Yediyurappa. PM Modi also said that next CM will be from North Karnataka. Yediyurappa became CM because of us, North Karnataka ppl gave 100 MLAs which made him CM:BJP MLA Basangouda P Yatnal. (19.10) pic.twitter.com/88DK1SYq5j— ANI (@ANI) October 20, 2020 வடக்கு கர்நாடகவில் இருந்து தேர்வு செய்யப்பட்ட 100 எம்.எல்.ஏ-க்களாலேயே எடியூரப்பா முதல்வராக இருந்து வருகிறார். மாண்டியா உள்ளிட்ட தெற்கு கர்நாடக மாவட்டங்களால் அவர் முதல்வர் பதவியில் இருக்கவில்லை’’ என்று பசனகௌடா பேசியிருக்கிறார்.
http://dlvr.it/Rjz672

Read More

``படிப்புக்காக இங்கிலாந்து பயணம், ஐ.நா வேலை லட்சியம்!" - 18 தங்கப்பதக்கங்கள் வென்ற யமுனா

பெங்களூரு, லா ஸ்கூல் ஆஃப் இந்தியா யூனிவர்சிட்டியின்(NLSIU - The National Law School of India University சரித்திரத்தில் முதன்முதலாக 18 தங்கப்பதக்கங்கள் பெற்று பெரும் சாதனை படைத்திருக்கிறார், கேரள மாநிலம் எர்ணாகுளம் உதயம் பேரூர் பகுதியைச் சேர்ந்த யமுனா மேனன். இந்தப் பல்கலைக்கழக சரித்திரத்தில் ஒரு மாணவர் இத்தனை மெடல்கள் பெறுவது இதுவே முதல் முறை. சிறப்பான நிகழ்ச்சியாக நடக்கவேண்டிய பட்டமளிப்பு விழாவை கொரோனா காரணமாக ஆன்லைன் மூலம் நடத்தி முடித்திருக்கிறது பல்கலைக்கழகம். ஆன்லைன் மூலம் தன் BA LLB (Hons) பட்டத்தை பெற்றுக்கொண்ட யமுனா மேனன், அதே வேகத்தில் லண்டன் கேம்பிரிட்ஜ் பல்கலைக்கழகத்தின் ட்ரினிட்டி கல்லூரிக்கு சட்ட மேற்படிப்பிற்காகச் செல்கிறார். யமுனா மேனன் இதுபற்றி யமுனா மேனன் கூறும்போது, "யுனிவர்சிட்டியில் முதல் ரேங்க் கிடைக்கும் எனத் தெரியும். ஆனால் 18 தங்கப்பதக்கங்களை நானே எதிர்பார்க்கவில்லை. பிறகுதான் இது சரித்திரத்தில் முதன்முறை என எனக்குத் தெரியவந்தது. சட்டக் கல்லூரியில் பட்டமளிப்பு விழா பொதுவாக பெரிய அளவில் நடைபெறும். இதற்கு முன்பு பிரதமர் கலந்துகொண்ட சரித்திரமெல்லாம் உண்டு. ஜனாதிபதி மெடல் வழங்குவதும் உண்டு. இந்த வரலாற்று சாதனை படைத்த மகிழ்ச்சி ஒருபக்கம். அதே நேரம் என் பெற்றோர், நண்பர்களின் பெற்றோர் முன்னிலையில் பெரிய ஆடிட்டோரியத்தில் நடக்கும் விழாவில் மெடல் வாங்கமுடியாத வருத்தம் ஒரு பக்கம்'' என்றவர், ''என் பத்தாம் வகுப்பு விடுமுறையின்போது, என் அப்பாவின் நண்பரான வழக்கறிஞர் ஜோசப்க்கு உதவியாகச் சென்றிருந்தேன். கோர்ட்டில் நடந்த சம்பவங்கள், வழக்கறிஞர்களின் கதைகள் என அவர் பகிர்ந்துகொண்ட விஷயங்கள்தான் எனக்கு சட்டப்படிப்பின் மீது ஆர்வத்தை ஏற்படுத்தியது. ப்ளஸ் டூ முடித்தபோது நான் இன்ஜினீயரிங் அல்லது வேறு துறையை தேர்ந்தெடுக்க வேண்டும் என என் பெற்றோர் விரும்பினர். ஆனால் நான் சட்டப் படிப்பை விரும்பித் தேர்ந்தெடுத்தேன். அதில் சாதனை புரிந்ததில் பெற்றோருக்கு மிக்க மகிழ்ச்சி. பெற்றோருடன் யமுனா மேனோன் இங்கிலாந்தில் உள்ள கேம்பிரிட்ஜ், ஆக்ஸ்போர்டு என இரண்டு யுனிவர்சிட்டிகளில் மேற்படிப்பிற்காக(LL.M) அப்ளை செய்திருந்தேன். இரண்டு பல்கலைக்கழகங்களிலுமே ஸ்காலர்ஷிப்புடன் படிக்க இடம் கிடைத்தது. நான் கேம்பிரிட்ஜ் ட்ரினிட்டி காலேஜுக்கு மேற்படிப்பிற்காகச் செல்கிறேன். சட்டப்படிப்பு என்றால் கோர்ட்டில் வழக்கறிஞர் ஆகும் வாய்ப்பு மட்டுமே என்பதில்லை. சட்டப்படிப்பில் பல ஆஃபர்கள் உள்ளன. கோர்ட்டில் பிராக்டிஸ் செய்வது நல்ல விஷயம். அதுமட்டுமல்லாது சிவில் சர்வீஸ் தேர்வு போன்ற பிற விஷயங்களுக்குச் செல்லவும் சட்டப்படிப்பு மிகவும் பயனுள்ளதாக இருக்கும். ஐக்கிய நாடுகள் சபை போன்ற சர்வதேச அமைப்புகளில் பணியில் சேர்வதுதான் என் லட்சியம்" என்றார்.
http://dlvr.it/Rjz65B

Read More

அடேங்கப்பா இத்தனை டாட் பால்... பவர்பிளேயில் ஒட்டுமொத்தமாக தடுமாறிய சிஎஸ்கே

நடப்பு ஐபிஎல் சீசனின் முதற்பாதி ஆட்டங்கள் முடிந்துள்ள நிலையில் 1 முதல் 6 வரையிலான பவர்பிளே ஓவர்களில் அதிக டாட் பால்கள் ஆடிய அணி எது என்பதை பார்ப்போம்.  36 பந்துகளில் சுமார் 52.1 சதவிகித பந்துகளை டாட் பாலாக விளையாடி இந்த பட்டியலில் முதலிடத்தில் உள்ளது சென்னை அணி. தொடர்ந்து கொல்கத்தா நைட்ரைடர்ஸ், ராஜஸ்தான் ராயல்ஸ், மும்பை இந்தியன்ஸ், டெல்லி கேப்பிடல்ஸ், சன்ரைசர்ஸ் ஹைதராபாத், ராயல் சேலஞ்சர்ஸ் பெங்களூரு, கிங்ஸ் லெவன் பஞ்சாப் அணிகள் உள்ளன.இதில் பஞ்சாப் அணி பவர் பிளே ஓவர்களில் 41.4 சதவிகிதம் மட்டுமே டாட் பால்கள் ஆடியுள்ளன. ராஜஸ்தான் அணியின் ஆர்ச்சர் அதிகபட்சமாக 117 டாட் பால்களை வீசி அதிக டாட் பால்கள் வீசிய பவுலர்களின் பட்டியலில் முதலிடத்தில் உள்ளார்.
http://dlvr.it/RjxZvd

Read More