பஞ்சாப்: `அவர்கள் மனசாட்சியை இந்த கொடூரம் கொஞ்சம் கூட அசைத்து பார்க்கவில்லை?!’ - நிர்மலா சீதாராமன்

உத்தரபிரதேச மாநிலம் ஹத்ராஸ் பகுதியில் நடந்த பாலியல் வன்கொடுமை சம்பவம் நாடு முழுவதும் பெரும் அதிர்வலைகளை ஏற்படுத்தியது. இந்த சம்பவத்துக்கு கண்டனம் தெரிவித்தும், ஆளும் பா.ஜ.க அரசை கண்டித்தும் எதிர்க்கட்சிகள் கடுமையான போராட்டங்களை முன்னெடுத்தது. காங்கிரஸ் கட்சியின் ராகுல் காந்தி மற்றும் அவரின் சகோதரி பிரியங்கா காந்தி ஆகியோர் பாதிக்கப்பட்ட பெண்ணின் குடும்பத்தினரை சந்திக்க செல்லும் போது கைது செய்யப்பட்ட சம்பவங்களும் அரங்கேறியது. ஹத்ராஸ் - ராகுல், பிரியங்கா காந்தி இந்த நிலையில் பீகாரை சேர்ந்த 6 வயது சிறுமி, பஞ்சாப்பில் பாலியல் வன்கொடுமைக்கு ஆளானதுடன் கொடூரமாக் கொல்லப்பட்டுள்ளார். பாதிக்கப்பட்ட சிறுமியின் குடும்பத்தினர் பீகாரில் இருந்து புலம்பெயர் தொழிலாளர்களாக பஞ்சாப் வந்திருக்கிறார்கள். அங்கு தான் இந்த கொடூரம் நடந்திருக்கிறது. இந்த நிலையில் இன்று மத்திய அமைச்சர் நிர்மலா சீதாராமன் செய்தியாளர்களை சந்தித்தார். அப்போது பேசிய அவர், ``பீகாரை சேர்ந்த 6 வயது பட்டியலின சிறுமி ஒருவர், பஞ்சாப் மாநிலத்தில் பாலியல் வன்கொடுமை செய்யப்பட்டதுடன், கொலை செய்யப்பட்டு கொடூரமாக எரிக்கப்பட்டிருக்கிறார். மற்ற இடங்களில் எல்லாம் அரசியலில் தங்களுக்கு உதவும் என்பதற்காக ஓடி ஓடி சென்ற சகோதரர், சகோதரியின் மனசாட்சியை இந்த கொடூரம் கொஞ்சம் கூட அசைத்து பார்க்க வில்லை. எந்த வகையிலும் ஒரு பாலியல் வன்கொடுமை சம்பவம் அரசியலாக்கப்பட கூடாது. ஆனால் சிலர் தங்களின் அரசியல் விளையாட்டை விளையாடுவதற்காக, குறிப்பிட்ட மாநிலங்களில் நடக்கும் கொடுமைக்கு மட்டும் குரல் கொடுக்கிறார்கள். அதுவே அவர்களின் காங்கிரஸ் கட்சி ஆளும் மாநிலத்தில் நடந்தால் அமைதியாகி விடுகிறார்கள்” என்றார். தொடர்ந்து பேசிய நிர்மலா சீதாராமன், ``இந்த பாலியல் வன்கொடுமை விவகாரத்தில் ராகுல் காந்தி தற்போது வரை ஒரு ட்வீட் கூட போடவில்லை. இந்த விவகாரத்தில் எந்த சீற்றமும் இல்லை. பாதிப்பு நடந்த இடத்துக்கு சுற்றுப்பயணமும் செல்லவில்லை. ஒரு பெண் தலைமை தாங்கும் கட்சி, இப்படியான குறிப்பிட்ட பகுதிகளுக்கு மட்டும் தனது சீற்றத்தை வெளிப்படுத்துகிறது” என்றார் காட்டமாக. Also Read: ஹத்ராஸ்: `உங்கள் வீட்டுப் பெண்களுக்கு இப்படி நடந்திருந்தால்..?' - அதிகாரிகளைச் சாடிய நீதிபதிகள்
http://dlvr.it/RkFj7J

Read More

நிலுவையில் போக்சோ வழக்கு... சிறுமிக்கு பிறந்த குழந்தை உயிரிழப்பு.. போலீஸ் விசாரணை

‘போக்சோ’ வழக்கு நிலுவையில் உள்ள நிலையில் சிறுமிக்கு பிறந்த ஆண் குழந்தை இறந்தது குறித்து போலீசார் விசாரணை செய்து வருகின்றனர்.  விழுப்புரம் மாவட்டம் திண்டிவனம் அருகேயுள்ள வேங்கை கிராமத்தை சேர்ந்தவர் ஆறுமுகம் என்பவரின் மகன் ராஜன் 22. இவருக்கும், கள்ளக்கொளத்தூர் பகுதியை சேர்ந்த 17 வயது சிறுமிக்கும், கடந்த 2018ம் ஆண்டு, பள்ளியில் படிக்கும்போது பழக்கம் ஏற்பட்டுள்ளது, இந்த பழக்கத்தால் சிறுமி கர்ப்பமடைந்தார். இதில், ராஜன் போக்சோ சட்டத்தில் கைது செய்யப்பட்டார். இந்த வழக்கு நிலுவையில் உள்ள நிலையில் அந்த சிறுமிக்கு, அதே ஆண்டில் ஆண் குழந்தை பிறந்தது. அதன் பிறகு, அந்த சிறுமி தனது குழந்தையுடன், திண்டிவனம் அவரப்பாக்கம் தாடிக்காரன் குட்டைத்தெருவில் தாய் வனிதாவுடன் வசித்து வந்தார். இந்நிலையில் நேற்று மதியம், அந்த சிறுமி கழிவறைக்கு சென்றபோது, தனது ஒன்றறை வயது குழந்தை சஷ்வந்த் படிக்கட்டில் இருந்து கீழே தவறி விழுந்து மயக்கமடைந்ததாக கூறியுள்ளார். உடனடியாக குழந்தையை, தாய் மற்றும் அக்கம் பக்கத்தினர், மீட்டு சிகிச்சைக்காக திண்டிவனம் அரசு மருத்துவமனையில் சேர்த்தனர். ஆனால், குழந்தைக்கு தலையில் பலத்த காயம் ஏற்பட்டதால் ஏற்கெனவே இறந்து விட்டதாக டாக்டர்கள் கூறினர். ‘போக்சோ’ வழக்கு நிலுவையில் உள்ள நிலையில், சிறுமிக்கு பிறந்த ஆண் குழந்தை இறந்தது குறித்து போலீசார் வழக்குப்பதிவு செய்து விசாரணை நடத்தி வருகின்றனர்.
http://dlvr.it/RkDbc4

Read More

`ஒவ்வொரு வீட்டிலும் ஒரு முருங்கை மரம்!' - ஏன் முருங்கையை ஊக்குவிக்கிறது உ.பி அரசு?

முருங்கையிலிருந்து கிடைக்கக்கூடிய இலை, காய், பூ, விதை அனைத்துமே மருத்துவ பண்புகளைக் கொண்டவை. இந்தியாவிலிருந்து பல நாடுகளுக்கு முருங்கை சம்பந்தமான பொருள்கள் ஏற்றுமதியாகின்றன. முருங்கையிலுள்ள சத்துகளின் அவசியத்தைப் புரிந்து கொண்ட உத்தரப் பிரதேச மாநில அரசு கிராமங்களில் உள்ள ஒவ்வொரு வீட்டிலும் கட்டாயம் ஒரு முருங்கை மரத்தை வளர்க்க வேண்டும் என்று கேட்டுக் கொண்டுள்ளது. முருங்கைக்கீரை கோவிட் 19 பெருந்தொற்று தொடங்கியதை அடுத்து, கடந்த ஜூலை மாதத்தில் முருங்கை பரவலாக்கத்திற்கான இந்த உத்தரவு பிறப்பிக்கப்பட்டுள்ளது. இதற்காக 1.7 கோடி முருங்கை நாற்றுகளை உற்பத்தி செய்து அவற்றை மாநிலம் முழுவதும் நடுவதற்கும் திட்டமிடப்பட்டுள்ளது. முதல்வர் யோகி ஆதித்யாநாத்தும் அம்மாநில வனத்துறையினரிடம், ``ஒவ்வொரு கிராமத்திலும் முருங்கையின் அவசியத்தை சொல்லி, அதிலிருக்கும் சத்துகள் குறித்து விளக்கி இது சம்பந்தமாக விழிப்புணர்வு ஏற்படுத்த வேண்டும்" எனக் கேட்டுக் கொண்டுள்ளளார். குறிப்பாக குழந்தைகள் மற்றும் பெண்களுக்கு ஏற்படும் ஊட்டச்சத்து குறைப்பாட்டினைச் சரிசெய்வதற்காக அவர்களிடமும் விழிப்புணர்வு ஏற்படுத்தும்படி உத்தரவிட்டுள்ளார். இதன்படி வனத்துறை அதிகாரிகள், அலுவலர்கள் இந்த முருங்கை மர வளர்ப்பு விழிப்புணர்வு பணியில் ஈடுபட்டுள்ளனர். ``சஹ்ஜன் (Sahjan) என்று சொல்லப்படும் முருங்கையில் பல்வேறு சத்துகள் அடங்கியுள்ளன. முருங்கையின் இலை, காய், பூ அனைத்துமே இன்றைக்கு விலை அதிகம் கொடுத்து வாங்கும் காய்கறிகளுக்கு மாற்றான எளிமையான உணவுப் பொருள். வீட்டில் முருங்கை மரம் ஒன்றிருந்தால் காய்கறிகளுக்கு எங்கும் அலைய வேண்டியதில்லை. முருங்கையானது ஆயுர்வேத மருத்துவத்திலும் பயன்படுத்தப்படுகிறது. இது கல்லீரல் சம்பந்தமான நோய்களை கட்டுப்படுத்தும் என்றும் புற்றுநோய்க்கு எதிர்ப்புத் தன்மையைக் கொண்டது என்றும் கருதப்படுகிறது. இயல்பாகவே முருங்கைக்கீரை நோய் எதிர்ப்பு சக்தி கொண்டது. முருங்கைத் தோட்டம் இன்றைய தேதியில் குறைந்த உணவுப் பொருளிலிருந்து அதிக சத்துகளை பெறுவதைத்தான் சூப்பர் ஃபுட் என்கின்றனர். அந்த வகையில் குறைந்த உணவில் அதிக சத்துகள் பெற முருங்கை துணை நிற்கும். இன்றைக்கு மருத்துவத்துக்கு செலவிடும் தொகையை முருங்கை பெருவாரியாக தடுக்கும் என்பதில் சந்தேகமில்லை. இன்னொன்று பொருளாதார ரீதியாகவும் காய்கறிகளுக்குச் செலவிடும் தொகை குறையும். அதனாலே அனைவரும் முருங்கையை உணவில் சேர்க்க வேண்டும் என்று வலியுறுத்தி வருகிறோம்” என்று உத்தரப்பிரதேச வனத்துறை அதிகாரிகள் விழிப்புணர்வில் ஈடுபட்டு வருகின்றனர். முருங்கையைத் தமிழகத்திலும் பரவலாகப் பயன்படுத்தி வருகின்றனர். சாகுபடியும் ஓரளவுக்கு நடந்து வருகிறது. தமிழக அரசும் இதிலுள்ள சத்துகளின் அடிப்படையில் முருங்கையைப் பயிர் செய்ய ஊக்குவிக்க வேண்டும் என்பதே உணவு ஆர்வலர்களின் எதிர்பார்ப்பு.
http://dlvr.it/RkC3sX

Read More

மும்பையைப் பதறவைத்த தீ விபத்து! - அடுக்குமாடிக் குடியிருப்பிலிருந்து வெளியேற்றப்பட்ட 3,500 பேர்

மத்திய மும்பை பகுதியிலுள்ள சிட்டி சென்டர் மாலில் நேற்று இரவு திடீரென ஏற்பட்ட தீவிபத்து அப்பகுதியினரிடையே பரபரப்பை ஏற்படுத்தியது. நேற்று இரவு ஏற்பட்ட தீ விபத்து ஏற்பட்டநிலையில், 12 மணி நேரப் போராட்டத்துக்குப் பிறகு இன்று காலையில் தீ கட்டுக்குள் கொண்டுவரப்பட்டது. சிட்டி செனட்டர் மாலில் நேற்று இரவு 8:52 மணியளவில் தீவிபத்து ஏற்பட்டது. இதுகுறித்து தகவலறிந்து உடனடியாக சம்பவ இடத்துக்கு விரைந்த தீயணைப்புப் படையினர் உள்ளே இருந்த பொதுமக்களை மீட்டனர். வணிக வளாகத்துக்கு அருகிலிருந்த 55 மாடிகள் கொண்ட குடியிருப்புப் பகுதியில் வசித்துவந்த 3,500 பேரையும் முன்னெச்சரிக்கை நடவடிக்கையாக பாதுகாப்பான இடங்களுக்கு அப்புறப்படுத்தினர். நான்கு அடுக்கு கட்டடமான சிட்டி சென்டர் மாலில், இரண்டாம் தளத்தில் ஏற்பட்ட தீ, மெல்ல மெல்லப் பரவி நள்ளிரவு 2.42 மணியளவில் மூன்றாவது மாடியிலும் தீ கொழுந்துவிட்டு எரியத் தொடங்கியது.மும்பை தீ விபத்து 24 தீயணைப்பு வாகனங்கள், தலைமை தீயணைப்பு வீரர்கள் உட்பட 250 தீயணைப்பு வீரர்கள், 16 ராட்சத தண்ணீர் டேங்குகள் உதவியுடன் பல மணி நேரமாக தீயை அணைக்க போராடினர். மீட்புப் பணியில் ஈடுபட்ட தீயணைப்பு வீரர்கள் இருவர் படுகாயம் அடைந்ததால், அவர்கள் அருகிலுள்ள ஜே ஜே மருத்துவமனையில் அனுமதிக்கப்படுள்ளனர். இதுகுறித்து மும்பை மாநகராட்சி அதிகாரிகள் கூறுகையில், ``சிட்டி சென்டர் மாலின் இரண்டாம் தளத்தில் நேற்று இரவு ஏற்பட்ட தீயால், அப்பகுதி முழுவதும் புகைமண்டலமாக காட்சியளித்தது. உள்ளே சிக்கியிருந்த பொதுமக்களை மீட்கவும், தீயை அணைக்கவும் வீரர்கள் மாலின் ஜன்னல் கதவுகளைத் தகர்த்து அதன் வழியாக உள்ளே சிக்கியிருந்த அனைவரையும் பத்திரமாக மீட்டனர். பாதுகாப்பு கருதி அருகிலிருந்த குடியிருப்பில் வசித்து வந்த 3,500 பொதுமக்களையும் அந்த இடத்திலிருந்து அப்புறப்படுத்தினர்” என்று கூறினார். #UPDATE Mumbai: Operation underway by 24 fire engines & 6 water tanks to douse the fire at City Centre Mall in Nagpada area. Two fire personnel, who got injured during firefighting operation, treated & discharged. https://t.co/RnyWN3LeKI pic.twitter.com/XeLEGucuol— ANI (@ANI) October 23, 2020 மீட்புப் பணியில் ஈடுபட்டிருக்கும் அதிகாரிகள் கூறுகையில் , ``மீட்புப் பணியில் ஈடுபட்ட வீரரான ஷாம்ராவ் ஜலன் பஞ்சாரா என்பவருக்கு பணியின்போது ஏற்பட்ட மூச்சுத்திணறல் காரணமாக அவர் மருத்துவமனையில் அனுமதிக்கப்பட்டார். மேலும், ரமேஷ் பிரபாகர் சவுகுலே என்பவருக்கு வலது கையில் காயங்கள் ஏற்பட்டது. இருவரும் தற்போது சிகிச்சை முடித்து டிஸ்சார்ஜ் செய்யப்பட்டுள்ளனர்” என்று தெரிவித்தார். தீ விபத்து ஏற்பட்டதற்கான காரணம் தெரியவில்லை. அதுகுறித்து விசாரணை மேற்கொள்ளப்பட்டு வருவதாகத் தெரிவிக்கப்பட்டுள்ளது.
http://dlvr.it/RkBSYM

Read More

உ.பி: `பலமுறை அனுமதி பெறச் சொன்னோம்’ - தாடி வைத்திருந்த உதவி ஆய்வாளர் சஸ்பெண்ட்

உத்திர பிரதேச மாநிலம் பாக்பத் (Baghpat) மாவட்ட காவல்துறை உதவி ஆய்வாளர் ஒருவர் அனுமதியின்றி தாடி வைத்திருந்ததாக இடைநீக்கம் செய்யப்பட்டுள்ளார். காவல்துறையின் விதிமுறைகளின் படி சீக்கியர்களுக்கு மட்டுமே தாடி வைத்துக்கொள்ள அனுமதி என்று பாக்பத் காவல்துறை கண்காணிப்பாளர் அபிஷேக் சிங் கூறியுள்ளார்.காவலர் கடந்த மூன்று ஆண்டுகளாக, உத்திர பிரதேச மாநிலம் பாக்பத் மாவட்டத்தில் காவல்துறை உதவி ஆய்வாளராக பணியாற்றி வருகிறார் இன்டெசர் அலி. இவர் பணிக்கு வரும்போது முகத்தில் தாடி வைத்துக்கொண்டு வருவதாகவும், மூன்று முறை தாடியை எடுக்க சொல்லி உயரதிகாரிகள் எச்சரிக்கை விடுத்ததாகவும் கூறப்படுகிறது. அல்லது தாடி வைத்துக்கொள்ள உயரதிகாரிகளின் ஒப்புதலை பெற்று கொண்டு தாடி வைத்துக்கொள்ள அறிவுறுத்தியதாகவும் சொல்லப்படுகிறது. இந்நிலையில், இன்டெசர் அலி, உயரதிகாரிகளிடம் இருந்து எந்த ஒரு அனுமதியும் பெறாமல் தொடர்ந்து தாடியுடன் பணியாற்றி வந்துள்ளார். இதையடுத்து, பாக்பத் காவல்துறை கண்காணிப்பாளர் அபிஷேக் சிங், உதவி ஆய்வாளர் அலியை பணி இடைநீக்கம் செய்து உத்தரவிட்டுள்ளார். இதுகுறித்து பேசிய பாக்பத் எஸ்.பி. அபிஷேக் சிங், "காவல்துறை விதிமுறைகளின் படி சீக்கியர்களுக்கு மட்டுமே தாடி வைத்துகொள்ள அனுமதி உள்ளது. மற்ற காவலர்கள் அனைவரும் ஷேவ் செய்து தாடியை எடுத்திருக்க வேண்டும்" என்று கூறினார்.உதவி ஆய்வாளர் இன்டெசர் அலி மேலும், ``காவலர்கள் எவரேனும் தாடி வைத்துக்கொள்ள விரும்பினால், அவர்கள் உயரதிகாரிகளிடம் அனுமதியைப் பெற்று தாடி வைத்து கொள்ளலாம். இன்டெசர் அலியிடம் பலமுறை அனுமதி பெறச்சொல்லியும், அலி அனுமதி பெறாமல் தாடி வைத்திருந்ததால் நடவடிக்கை எடுக்கப்பட்டுள்ளது" என்றார். இந்த சர்ச்சை குறித்து பேசிய இன்டெசர் அலி, `தாடி வைத்துக்கொள்ள அனுமதி கேட்டு விண்ணப்பித்திருந்தேன். ஆனால், அதற்கு அதிகாரிகளிடம் இருந்து எந்த ஒரு பதிலும் இல்லை" என்று தெரிவித்தார்.
http://dlvr.it/Rk8y1f

Read More

போதும்.. அணியை புதுப்பிக்க சி.எஸ்.கே. நிர்வாகம் முடிவு?

அடுத்த ஐபிஎல் சீசனுக்குள் அணியை ஒட்டுமொத்தமாக புதுப்பித்து மீட்டெடுக்க சிஎஸ்கே நிர்வாகம் முடிவு செய்துள்ளதாக தகவல் வெளியாகியுள்ளது.   2020 ஐபிஎல் தொடர் எம்.எஸ்.தோனி தலைமையிலான சென்னை சூப்பர் கிங்ஸ் அணிக்கு மிக மோசமான சீசனாக மாறியுள்ளது. எல்லா வருடமும் ப்ளே ஆஃப் சுற்றுக்கு எளிதாக நுழைந்து விடும் சென்னை அணி, ஐ.பி.எல். வரலாற்றில் முதல் முறையாக பிளே ஆஃப் சுற்றுக்குத் தகுதி பெறாமல் வெளியேறும் நிலைக்கு தள்ளப்பட்டுள்ளது.   பிளே ஆஃப் சுற்றுக்கு தகுதி பெறும் வாய்ப்பை தக்க வைக்க கட்டாயம் வென்றாக வேண்டிய நிலையிருக்க, ராஜஸ்தான் ராயல்ஸ் அணியிடம் மோசமான தோல்வியை சந்தித்து, ரசிகர்களின் நம்பிக்கையை சுக்குநூறாக உடைத்தெறிந்தது தோனி டீம்.     சிஎஸ்கே தற்போது ஐபிஎல் அட்டவணையில் 6 புள்ளிகளுடன் அட்டவணையின் கடைசி இடத்தில் உள்ளது. அடுத்து வரக்கூடிய ஆட்டங்களில் கட்டாயம் வென்று, மற்ற அணிகளின் ஆட்டங்களின் முடிவை நம்பியிருக்க வேண்டிய துரதிர்ஷ்ட நிலையில் சிஎஸ்கே உள்ளது.   இப்படிப்பட்ட நிலையில் சிஎஸ்கே அணியின் பயிற்சியாளர் ஸ்டீபன் ஃபிளெமிங் அணியின் நிலை பற்றி கூறும்போது, ‘’அட்டவணையைப் பாருங்கள், எங்கள் அணி சாரத்தை இழந்திருக்கிறது. வயதான அணியினரை வைத்துக் கொண்டு மூன்றாவது ஆண்டும் தொடர்வது கடினம்தான். துபாயும் எங்களிடம் புதிய அணுகுமுறையை கோருகிறது” என்றார்.   சென்னை அணியின் உரிமையாளர், தலைமை நிர்வாக அதிகாரி உள்ளிட்ட உயர்மட்ட குழுவினர் அணியின் செயல்பாடு மீது மகிழ்ச்சியற்ற நிலையில் உள்ளதாக கூறப்படுகிறது. அதிலும் உலகத்தரம் வாய்ந்த பேட்ஸ்மேன்கள் அதிகம் கொண்ட அணியாக இருந்தபோதும் சிஎஸ்கேவின் பேட்டிங் பிரிவு மிக மோசமாக சொதப்பியது அணியின் மேலிடத்தை ஏமாற்றமடையச் செய்துள்ளதாக தெரிகிறது.     எனவே அடுத்த ஆண்டு நடைபெறும் ஐபிஎல் சீசனுக்குள் அணியில் நிறைய வீரர்களை மாற்றி, மொத்தமாக அணியை புதுப்பித்து நடவடிக்கை எடுக்க முடிவு செய்துள்ளதாக தகவல் வெளியாகியுள்ளது. அணியின் ஃபார்மில் மாற்றம் தேவைப்படுவதாக பயிற்சியாளர் ஸ்டீபன் ஃபிளெமிங் கூறியுள்ளதை தொடர்ந்து, அணியில் மிகப்பெரிய சீர்திருத்தம் வரலாம் என எதிர்பார்க்கப்படுகிறது.   சிஎஸ்கே வயதானவர்கள் அணி என்ற பிம்பத்தை உடைத்து புது ரத்தம் பாய்ச்சவும் முடிவு செய்யப்பட்டுள்ளது. ஷேன் வாட்சன், பியூஷ் சாவ்லா, கேதார் ஜாதவ், இம்ரான் தாஹிர் ஆகியோருக்கான வாய்ப்பு கதவு சாத்தப்படலாம் எனத் தெரிகிறது.   2021 ஐபிஎல் தொடருக்கு இன்னும் நிறைய நாட்கள் இருப்பதால், ஒவ்வொரு வீரரின் பெர்பார்மன்ஸையும் பொறுமையாக அலசி ஆராய்ந்து முடிவெடுக்க திட்டமிடப்பட்டுள்ளது. எனினும் அணியில் மாற்றம் தேவை என்பதில் நிர்வாகம் திட்டவட்டமாக இருக்கிறது என்பது தெளிவாக தெரிகிறது என்கிறார்கள் விளையாட்டு விமர்சகர்கள்.  
http://dlvr.it/Rk6gtP

Read More

''நம்மால் வெற்றி பெற முடியும்'' - இன்ஸ்டாவில் ஃபயர் விடும் ஜடேஜா.!

சிஎஸ்கே வீரர் ஜடேஜா தன்னுடைய இன்ஸ்டா பக்கத்தில் ஊக்கப்படுத்தும் விதமாக ஒரு போஸ்டரை பதிவிட்டுள்ளார். எப்போதும் இல்லாத அளவிற்கு நடப்பு ஐபிஎல் சீசனில் பத்து ஆட்டங்கள் விளையாடியுள்ள சென்னை சூப்பர் கிங்ஸ் அணி வெறும் மூன்று ஆட்டங்களில் தான் வென்றுள்ளது. ஐபிஎல் என்றாலே அதில் தோனி தலைமையிலான சென்னை அணியின் ஆதிக்கம் கொஞ்சம் தூக்கலாக இருக்கும். ஆனால் இந்த முறை அது எல்லாம் மொத்தமாக மிஸ் ஆகியுள்ளது. வீரர்களின் தேர்வு சொதப்பல், ரெய்னா - ஹர்பஜனுக்கு மாற்று வீரர்களை ஒப்பந்தம் செய்யாதது போன்ற பல காரணங்கள் சிஎஸ்கேவின் தோல்விக்கு காரணமாக சொல்லப்படுகிறது. தற்போது புள்ளிப்பட்டியலில் கடைசி இடத்தில் இருக்கிறது சென்னை. மற்ற அணிகள் சென்னைக்கு சாதகமாக தோல்வியை சந்தித்து புள்ளியில் வீழ்ந்து சென்னையும் அடுத்த எல்லா போட்டிகளிலும் அதிக ரன்கள் வித்தியாசத்தில் வெற்றி பெற்றால் பிளே ஆஃப்க்கு செல்லும் வாய்ப்புள்ளது சென்னைக்கு. இந்நிலையில் சிஎஸ்கே வீரர் ஜடேஜா தன்னுடைய இன்ஸ்டா பக்கத்தில் ஊக்கப்படுத்தும் விதமாக ஒரு போஸ்டரை பதிவிட்டுள்ளார். அதில் நம்மால் வெற்றி பெற முடியும். நாம் வெற்றி பெற வேண்டும். நாம் வெற்றி பெறுவோம் என (We can win, we must win, we will win) எனக்குறிப்பிட்டுள்ளார்.
http://dlvr.it/Rk6gnY

Read More