`இன்றைய தேவை இயற்கை உணவுதான்!' காஷ்மீரில் அரசே தொடங்கிய இயற்கை வேளாண் சந்தை

இந்தியாவில் பல மாநிலங்களில் இயற்கை விவசாய முறைகள் அந்தந்த அரசுகளால் முன்னெடுக்கப்பட்டு வருகின்றன. இப்போது அந்த வரிசையில் இணைந்திருக்கிறது காஷ்மீர். அந்த மாநில தலைநகரான ஶ்ரீநகரில், காஷ்மீர் வேளாண்துறை சார்பில் முற்றிலும் இயற்கைக் காய்கறிகள் மட்டுமே விற்பனை செய்யும் 'லால் மண்டி' எனும் இயற்கை விவசாய சந்தை தொடங்கப்பட்டுள்ளது. இந்த இயற்கை விவசாய சந்தையில் முழுமையான இயற்கை காய்கறிகள் மட்டுமே விற்பனை செய்யப்படும். அதேபோல, இடைத்தரகர்கள் இல்லாத நேரடி விவசாயிகள் மட்டுமே இச்சந்தையில் விற்பனை செய்யமுடியும்.Organic Market ஏற்கெனவே பல மாநிலங்கள் விவசாயிகளுக்கு இயற்கை விவசாயத்துக்குப் பயிற்சி அளித்து வரும் நிலையில், இயற்கை விவசாயிகளுக்கான சந்தையும் அரசே தொடங்கியுள்ளது, அம்மாநில விவசாயிகளிடையே மிகுந்த வரவேற்பைப் பெற்று வருகிறது. இயற்கை விவசாயப் பயிற்சி அளித்ததோடு நிற்காமல், அதை விற்பனை செய்வதற்கான வழியும் காஷ்மீர் வேளாண்துறை அதிகாரிகள் முன்னெடுத்து வருகிறார்கள். லால் மண்டி இயற்கை சந்தையின் பொறுப்பாளர், முகமது அலி லோன் செய்தியாளர்களிடம் பேசும்போது, "பூச்சிக்கொல்லி மற்றும் பிற ரசாயன உரங்கள் தவிர்த்து இயற்கையாகவே விளைவிக்கும் பொருள்கள் உடலுக்கு மிக நல்லது. இங்கு விற்பனை செய்வது 100 சதவிகிதம் இயற்கையான பொருள்கள்தான். இதை விற்பனை செய்பவர்களும் 100 சதவிகிதம் இயற்கை விவசாயிகள்தாம். இந்த முயற்சி மாநிலம் முழுவதும் இன்றைய தேவையான இயற்கை விவசாயத்தையும் இயற்கை உணவுகளையும் ஊக்குவிக்க ஏதுவாக இருக்கும். இதுபோக இயற்கை விவசாயத்துக்கான சந்தை பெரிய அளவில் இருக்கிறது. அதை விவசாயிகளுக்குச் சொல்லிக் கொடுத்து வருகிறோம். நேரடியாக இயற்கைப் பொருள்கள் கிடைப்பதாலும் நம்பிக்கைக்குரியதாக இயற்கை விவசாய பொருள்கள் இருப்பதாலும், காய்கறிகளை மக்கள் விரும்பி வாங்குகின்றனர். ஆரோக்கியத்துக்கு முன்னுரிமை தரும் நோக்கில் செயல்பட்டு வருகிறோம்" என்றார்.Organic Market உலகெங்கிலும் உள்ள மக்கள் காய்கறிகள் மற்றும் பழங்களில் உரங்கள் மற்றும் பூச்சிக்கொல்லிகளைப் பயன்படுத்துவது குறித்து எச்சரிக்கையாக இருக்கிறார்கள். பெரும்பாலானோர் இயற்கை விவசாயப் பொருள்களை அதிகமாக விரும்புகிறார்கள். இந்நிலையில் காஷ்மீர் வேளாண்மைத்துறை எடுத்துள்ள இந்த நடவடிக்கை குறித்து விவசாயிகள் மகிழ்ச்சியடைந்துள்ளனர்.
http://dlvr.it/RkVMwr

Read More

60 ஆண்டுகால சட்டத்துக்கு முற்றுப்புள்ளி- இந்தியர்கள் ஜம்மு- காஷ்மீர், லடாக்கில் நிலம் வாங்கலாம்!

மத்திய அரசு கடந்த ஆண்டு 370-வது பிரிவை ரத்து செய்தது. இந்த பிரிவுதான் ஜம்மு காஷ்மீருக்குச் சிறப்பு அந்தஸ்தை வழங்கியது. 370-வது பிரிவை ரத்து செய்ததுடன், லடாக் மற்றும் ஜம்மு காஷ்மீரை யூனியன் பிரதேசங்களாகப் பிரித்து. அதோடு, இந்தியாவின் பிற பகுதிகளோடு ஜம்மு காஷ்மீரை இணைப்பதற்கு பல்வேறு சட்டத் திருத்தங்களை மத்திய அரசு கொண்டுவந்துள்ளது. With notification of UT of Jammu and Kashmir Reorganisation (Adaptation of Central Laws) Third Order, 2020, twelve state laws have been repealed as a whole out of the 26 others adapted with changes and substitutes. https://t.co/JeBB5UvdbZ— ANI (@ANI) October 27, 2020 இந்நிலையில், மத்திய அரசு நேற்று ஒரு புதிய சட்டத்தைக் கொண்டுவந்துள்ளது. இந்த சட்டம் மூலம், இந்தியக் குடியுரிமை உடையவர்கள் லடாக், ஜம்மு காஷ்மீரில் நிலம் வாங்க முடியும். அதேநேரம், விவசாய நிலங்களை மட்டும் வாங்க இயலாது. மத்திய உள்துறை அமைச்சகம் வெளியிட்டுள்ள இந்த உத்தரவானது, ஜம்மு-காஷ்மீர் மறுசீரமைப்பு மூன்றாம் ஆணை, 2020 என்று அழைக்கப்படும் எனக் கூறப்பட்டுள்ளது. ஜம்மு காஷ்மீர் வளர்ச்சி சட்டத்தின் 17-வது பிரிவில் ஜம்மு காஷ்மீரின் நிரந்தரக் குடிமக்கள் என்ற வார்த்தை நீக்கப்பட்டிருக்கிறது. இதன்மூலம் சுமார் 60 ஆண்டுகளாக இருந்த நடைமுறைக்கு முற்றுப்புள்ளி வைக்கப்பட்டிருக்கிறது. கடந்த செப்டம்பர் 2020-ல், ஜம்மு-காஷ்மீர் நிர்வாகம் 2020 குடிமக்கள் சான்றிதழ் (நடைமுறை) விதிகளைத் திருத்தியது. இந்த நிலச் சட்டத் திருத்தம் உடனடியாக அமலுக்கு வருவதாக மத்திய உள்துறை அமைச்சகம் தெரிவித்துள்ளது. Also Read: `ஜம்மு காஷ்மீர் கொடி ஏற்றப்பட்டால்தான், தேசியக்கொடியை மேலெழுப்புவோம்’ - மெஹபூபா முப்தி உறுதி மத்திய அரசின் இந்த அறிவிப்பு குறித்து பேசிய ஜம்மு - காஷ்மீர் துணைநிலை ஆளுநர் மனோஜ் சின்ஹா, `இந்த சட்டம் மூலம் விவசாய நிலங்கள் மற்ற பயன்பாடுகளுக்கு மாற்ற முடியாது. அதேநேரம், கல்வி நிலையங்கள், சுகாதார அமைப்புகளை விவசாய நிலங்களில் ஏற்படுத்தத் தடை இல்லை. அதற்காக விதிகள் திருத்தப்பட்டுள்ளன’ என்று கூறினார். Unacceptable amendments to the land ownership laws of J&K. Even the tokenism of domicile has been done away with when purchasing non-agricultural land & transfer of agricultural land has been made easier. J&K is now up for sale & the poorer small land holding owners will suffer.— Omar Abdullah (@OmarAbdullah) October 27, 2020 அதேநேரம், மத்திய அரசின் இந்த சட்டம் மூலம் ஜம்மு காஷ்மீர் விற்பனைக்கு என்று அறிவிக்கப்பட்டுள்ளதாக அம்மாநில முன்னாள் முதல்வர் உமர் அப்துல்லா விமர்சித்திருக்கிறார். இதுகுறித்து ட்விட்டரில் பதிவிட்டுள்ள அவர், ``ஜம்மு-காஷ்மீர் நில உரிமைச் சட்டத்தில் கொண்டுவரப்பட்டுள்ள சட்டத் திருத்தங்கள் ஏற்றுக்கொள்ள முடியாதவை. இதன்மூலம், விவசாய நிலங்கள் அல்லாதவையை வாங்குவதும், விவசாய நிலங்களை வேறு பயன்பாட்டுக்கு மாற்றுவதும் எளிதாகியுள்ளது. ஜம்மு -காஷ்மீர் விற்பனைக்குத் திறந்துவிடப்பட்டுள்ளது. குறைந்த அளவு நிலங்களை வைத்துள்ள நில உரிமையாளர்கள் இதனால் பாதிக்கப்படுவார்கள்’’ என்று கருத்துத் தெரிவித்திருக்கிறார்.
http://dlvr.it/RkSMsB

Read More

`பசுவதை தடுப்புச் சட்டம் அப்பாவிகளுக்கு எதிராகப் பயன்படுத்தப்படுகிறது!’- அலகாபாத் உயர் நீதிமன்றம்

உத்தரப்பிரதேச அரசாங்கத்தின் தரவுகளின்படி, இந்த ஆண்டு ஆகஸ்ட் 19-ம் தேதி வரை தேசிய பாதுகாப்புச் சட்டத்தின் (National security act - NSA) கீழ் மாநிலத்தில் 139 வழக்குகள் பதிவு செய்யப்பட்டிருக்கின்றன. அவற்றில், 76 வழக்குகள் பசுவதை தடுப்புச் சட்டத்தின் (1955) அடிப்படையில் பதிவாகியிருக்கின்றன. குற்றம்சாட்டப்பட்டவர்களுக்கு எதிராகக் காவல்துறை ஆதாரங்களை சேகரிக்கத் தவறியதால், 32 வழக்குகளைத் தள்ளுபடி செய்து அறிக்கைகள் தாக்கல் செய்யப்பட்டிருப்பதாக உ.பி அரசின் தரவுகள் சொல்கின்றன.பசுக்கள் இந்தநிலையில், கடந்த ஆகஸ்ட் 5-ம் தேதி, உத்தரப்பிரதேச மாநிலம், ஷாம்லியில் (shamli) மாட்டிறைச்சி விற்பனை செய்ததாக ரஹ்முதீன் என்பவர் பசுவதை தடுப்புச் சட்டத்தின் 3, 5 மற்றும் 8 ஆகிய உட்பிரிவுகளின் கீழ் கைதுசெய்யப்பட்டார். ரஹ்முதீனின் ஜாமீன் மனு அலகாபாத் நீதிமன்ற நீதிபதி சித்தார்த் முன்னிலையில் நேற்று விசாரணைக்கு வந்தது. வழக்கு விசாரணையின்போது, நீதிபதி சித்தார்த், `பசுவதை தடுப்புச் சட்டத்தின் கீழ் பதிவாகும் இது போன்ற வழக்குகளில், காவல்துறை சமர்ப்பிக்கும் ஆதாரங்களில் நம்பகத்தன்மை இல்லை. இந்தச் சட்டம் அப்பாவி மக்களுக்கு எதிராக துஷ்பிரயோகம் செய்யப்படுகிறது’ என்று கருத்து தெரிவித்தார். `பறிமுதல் செய்யப்படும் இறைச்சிகள் தடயவியல் ஆய்வகத்துக்குச் சோதனைக்கு அனுப்பப்படுவதற்கு முன்பே, அது மாட்டிறைச்சி என்ற முடிவுக்கு போலீஸார் வருகிறார்கள். பல நேரங்களில் கைப்பற்றப்பட்ட இறைச்சிகளை பரிசோதனைக்கு அனுப்புவதே இல்லை. இந்தச் சட்டத்தால் அப்பாவி பொதுமக்கள் பலர் தண்டிக்கப்படுகிறார்கள்’ என்று அலகாபாத் உயர் நீதிமன்றம் கருத்துத் தெரிவித்திருக்கிறது. Also Read: ராஜஸ்தானில் பசுவதை செய்வோர் கொல்லப்படுவார்கள் - பா.ஜ.க எம்.எல்.ஏ சர்ச்சை பேச்சு ரஹ்முதீனின் வழக்கறிஞர், `காவல்துறையினர் ரஹ்முதீனை சம்பவ இடத்தில் கைது செய்யவில்லை’ என்று வாதாடினார். இதையடுத்து, எந்தக் குற்றச்சாட்டும் இல்லாத நிலையில் ரஹ்முதீன் ஒரு மாத காலம் சிறையில் இருந்ததாகத் தெரிவித்த நீதிமன்றம், பசுக்கள் சாலைகளில் போக்குவரத்துக்கு இடையூறு செய்து அச்சுறுத்தல் ஏற்படுத்துகின்றன என்றும், சாலைகளில் சுற்றித் திரியும் மாடுகள் போக்குவரத்து நெரிசல்கள் மற்றும் விபத்துகளுக்கு வழிவகுக்கின்றன; இதனால் மட்டுமே பசுக்களின் இறப்புகள் அதிகரித்திருக்கின்றன என்றும் தெரிவித்திருக்கிறது.
http://dlvr.it/RkSMpT

Read More

கேரளாவில் தொடரும் குழந்தைகள் தற்கொலை: அதிர்ச்சியூட்டும் ஆய்வு முடிவுகள்.!

கேரளாவில் இந்த ஆண்டு ஜனவரி முதல் ஜூலை வரை நடந்த 158 குழந்தைகளின் தற்கொலை குறித்து ஸ்ரீலேகா ஐ.பி.எஸ் தலைமையிலான குழு செய்த ஆய்வின் அறிக்கை வெளிவந்துள்ளது. மே 11 மாலை 5 மணியளவில், பதனம்திட்டாவின் சித்தார் வனப்பகுதியில் 17 வயது சிறுமி தனது வீட்டின் வளாகத்தில் இறந்து கிடந்தார். தனது தாயின் மற்றும் வளர்ப்பு தந்தையின் குடிப்பழக்கத்தை சமாளிக்க முடியாமல் போனதால் அவர் தற்கொலை செய்து கொண்டார். அதற்கு கிட்டத்தட்ட இரண்டு மாதங்களுக்கு முன்பு, திருச்சூரில் 16 வயது சிறுமி ஒருவர் தனது பெற்றோர் விவாகரத்து செய்துகொள்ளும் முடிவெடுத்த காரணத்தால் தற்கொலை செய்து கொண்டார். மேலும் 13 வயதான பெண் தனது சகோதரர் செல்போனை பிடுங்கிய காரணத்தால் தற்கொலை செய்துகொண்டார். பத்தாம் வகுப்பு தேர்வுகளுக்கு படிக்காததற்காக அம்மா திட்டியதால் 15 வயது சிறுவன் ஒருவன் தற்கொலை செய்துகொண்டான். இதுபோன்ற தொடர் தற்கொலைகள் கேரளாவில் கடந்த சில மாதங்களில் நடந்தன. இது தொடர்பாக ஆய்வுசெய்ய மாநில அரசால் அமைக்கப்பட்ட குழுவுக்கு காவல்துறை, தீயணைப்பு மற்றும் மீட்பு சேவைகள் பணிப்பாளர் டிஜிபி ஆர்.ஸ்ரீலேகா தலைமை தாங்கினார். இந்த காலகட்டத்தில் நடந்த 158 குழந்தை தற்கொலை வழக்குகளை இந்த குழு ஆய்வு செய்து சில முக்கியமான விசயங்களை கண்டறிந்தது. இவ்வாறு தற்கொலை செய்துகொண்ட குழந்தைகளில் பெரும்பான்மையானவர்கள் பெண்கள் (90 பேர்) மற்றும் 15 முதல் 17 வயதுக்குட்பட்டவர்கள் (106 பேர்). குழந்தைகளில் மூன்றில் ஒரு பகுதியினர் படிப்பில் சிறந்தவர்கள் (ஒருவர் இந்திய ஜனாதிபதியிடமிருந்து ஒரு விருதைப் பெற்றார்). பெரும்பாலான குழந்தைகள் தங்கள் வீட்டு வளாகத்திற்குள் தற்கொலை செய்து கொண்டனர் (137 வழக்குகள்). சிலருக்கு மனநல பிரச்சினைகள் இருந்தன (24), மற்றவர்கள் அதிகளவு மொபைல் போன் பயன்படுத்துபவராக இருந்தனர். 19 குழந்தைகள், பெற்றோர்கள் திட்டுவதால் அவர்களின் உயிரை மாய்த்துக் கொண்டதாகக் கூறப்படுகிறது. 14 குழந்தைகள் உறவு சிக்கல்களால் தற்கொலை செய்துகொண்டனர். வீட்டு வன்முறை மற்றும் குடும்ப பிரச்சினைகள் காரணமாக 12 தற்கொலைகள் நடந்துள்ளன. மொபைல் போன் போதை 11 பேரின் உயிரைப் பறித்தது.ஆனால் மிகவும் கவலையான தகவலாக, 40 வழக்குகளில் தற்கொலைக்கான காரணம் 'தெரியவில்லை'. கவலைக்குரிய மற்றொரு காரணம், 91% குழந்தைகள் கீழ் மற்றும் நடுத்தர குடும்பங்களைச் சேர்ந்தவர்கள், நிதி மன அழுத்தம் ஒரு பிரச்சினையாக இருந்திருக்கலாம் என்றும் கூறப்படுகிறது. ஜூலை 9 ம் தேதி செய்தியாளர் கூட்டத்தில் கேரள முதலமைச்சர் பினராயி விஜயன், குழந்தை தற்கொலை விவகாரத்தை ஆய்வு செய்யும் குழுவை அமைப்பதாக அறிவித்தார். இருப்பினும், வீட்டுக்குள்ளே அடைத்தலும் மற்றும் அதைத் தொடர்ந்து வரும் ஆன்லைன் வகுப்புகள் குழந்தைகளுக்கு தேவையற்ற மன அழுத்தத்தை ஏற்படுத்தவில்லை என்று குழு முடிவு செய்தது. கல்வி வசதிகள் இல்லாததால் மலப்புரத்தில் இரண்டு குழந்தைகள் மட்டுமே தற்கொலை செய்து கொண்டதாக அறியப்படுகிறது. தற்கொலைகளில் பெரும்பாலானவை மலப்புரத்தைச் சேர்ந்தவை (22), இது கடந்த ஆண்டு பதிவான எண்ணிக்கையை விட இருமடங்காகும். திருவனந்தபுரத்தில் 21, திருச்சூரில் 18, பாலக்காடில் 15 தற்கொலைகள் நடந்துள்ளன.பெற்றோரின் பராமரிப்பில், பெரும்பாலும் வீட்டில் இருந்தபோதுதான் பல குழந்தைகள் தற்கொலை செய்து கொண்டார்கள் என்பது கவலைக்குரியது என்று இந்த ஆய்வு தெரிவித்துள்ளது.    தற்கொலை என்பது எதற்கும் முடிவல்ல. மனித உயிரை மாய்த்துக்கொள்வதற்கான உரிமை யாருக்கும் இல்லை. தற்கொலை எண்ணம் மேலிடும் போது உரிய ஆலோசனை பெற்றால் புதிய வாழ்க்கை அவர்களுக்காக காத்துக்கொண்டிருக்கிறது. அதற்காகவே சினேகா போன்ற தன்னார்வ தொண்டு நிறுவனங்கள் சேவை ஆற்றி வருகின்றன. அவர்களை தொடர்பு கொண்டு இலவசமாக ஆலோசனை பெறலாம். சினேகா தன்னார்வ தொண்டு நிறுவனம்,எண்; 11, பார்க் வியூவ் சாலை, ஆர்.ஏ. புரம்,சென்னை - 600 028.தொலைபேசி எண் - +91 44 2464 0050, +91 44 2464 0060     .
http://dlvr.it/RkQ3YV

Read More

கொதிக்கும் எண்ணெய்யில் அசால்ட்டாக கைவிடும் பெண்: நெட்டிசன்களை மிரள வைத்த வீடியோ!

சுடுதண்ணீர் கையில் பட்டாலே எரிச்சல்தாங்காது. கொப்பளித்துவிடும். ஆனால் ஒரு பெண் கொதிக்கும் எண்ணெயில் பொரிக்கும் உணவுகளை வெறும் கைகளால் அசால்ட்டாக எடுக்கிறார் என்றால் நம்பமுடிகிறதா? ஆம் அசாதரணமான அந்தப் பெண்ணின் வீடியோதான் இணையத்தில் வைரலாகிவருகிறது. டிக்டாக்கில் வைரலான வீடியோ, ஃபர்ஸ்ட் வி ஃபீஸ்ட் என்ற டிவிட்டர் பக்கத்தில் பகிரப்பட்டுள்ளது. ’’தோற்பவர்களுக்குத்தான் இடுக்கித் தேவை என்கிறார் அவர்’’ என்று தலைப்பிடப்பட்ட இந்த வீடியோவை 16 ஆயிரத்துக்கும் அதிகமானோர் பார்த்து வியந்துவருகின்றனர். She said tongs are for losers ??? pic.twitter.com/QF4IaFiMd7 — First We Feast (@firstwefeast) October 26, 2020 வெறும் 13 நொடிகள் மட்டுமே வரும் இந்த வீடியோவில் ஒரு பெண் கொதிக்கும் பெரிய எண்ணெய்ச்சட்டி முன்பு நின்றுகொண்டு வெறும் விரல்களால் பொரித்த உணவுகளை எடுக்கிறார். ஆனால் அவர் கைகளுக்கு ஒன்றும் ஆகவில்லை.
http://dlvr.it/RkNbrp

Read More

"என் உடல் என் விருப்பம்" நிர்வாண உடலில் எழுதி போராடிய போலந்து பெண்: காரணம் இதுதான்!

"என் உடல் என் விருப்பம்" என்ற வார்த்தைகளை தனது நிர்வாண உடலில் எழுதிக்கொண்டு போலந்து நாட்டின் கருக்கலைப்பு தடை சட்டத்துக்கு எதிராக போராடினார் உக்ரைன் சமூக ஆர்வலர். தீவிரமான பெண்ணியக் குழுவின் உறுப்பினர் ஃபெமன். இவர் ஐரோப்பிய ஒன்றியத்தின் போலந்து நாட்டில் கருக்கலைப்பு செய்வதற்கான மொத்த தடைக்கு எதிராக இன்று உக்ரைன் நாட்டின் கியேவில் உள்ள போலந்து தூதரகத்திற்கு வெளியே நிர்வாண போராட்டத்தை நடத்தினார். "என் உடல் என் விருப்பம்" என்ற ஆங்கில வார்த்தைகள் அவளது நிர்வாண உடலில் எழுதப்பட்டிருந்தன. சட்டவிரோத கருக்கலைப்புகளைக் குறிக்கும் ஒரு எதிர்ப்பு சின்னமாக அவள் வாயில் கோட் ஹேங்கர்களை வைத்திருந்தாள். "சகோதரிகள் ஒடுக்கப்படுகிறார்கள்" என்று போலீஸால் விரைவாக கைது செய்யப்படுவதற்கு முன்னர் அந்த பெண் போலந்து மொழியில் கோஷமிட்டார். போலந்து பெண்களுக்கு ஆதரவாக நடந்த மற்றொரு ஆர்ப்பாட்டத்திற்காக தூதரகம் அருகே ஏராளமான ஆர்வலர்கள் கூடினர். அப்பெண்களில் ஒருவர், "பாதுகாப்பான கருக்கலைப்புகளை தடை செய்ய அரசாங்கம் முடிவு செய்தால், பெண்கள் அரசாங்கத்தை கருக்கலைக்க முடிவு செய்யலாம்" என்று ஒரு பலகையை வைத்திருந்தார். கடந்த வாரம் போலந்தின் அரசியலமைப்பு நீதிமன்றம், தவறான வழியிலான கருவுறுதலை கருக்கலைப்பு செய்ய அனுமதிப்பது அரசியலமைப்பிற்கு "பொருந்தாது" என்று தீர்ப்பளித்தது. இனிமேல் போலந்தில் பாலியல் வன்கொடுமை அல்லது முறையற்ற உறவு அல்லது தாயின் உயிருக்கு அச்சுறுத்தல் இருந்தால் மட்டுமே கருக்கலைப்பு அனுமதிக்கப்படும் என்று தெரிவிக்கப்பட்டுள்ளது.
http://dlvr.it/RkNbqb

Read More

`பாகிஸ்தான், சீனாவுடன் போருக்கு நாள் குறித்துவிட்டார் பிரதமர் மோடி!’ - உ.பி பா.ஜ.க தலைவர் சர்ச்சை

கல்வான் பள்ளத்தாக்கு மோதல், பாங்கோங் சோ ஏரி அத்துமீறல் முறியடிப்பு என கடந்த சில மாதங்களாக எல்லையில் சீன ராணுவத்தின் செயல்பாடுகள் பதற்றத்தை ஏற்படுத்தியிருக்கின்றன. இந்தநிலையில், எல்லையில் பதற்றத்தைத் தணிக்கும் வகையில் இருதரப்பிலும் ராணுவ அதிகாரிகள் மட்டத்திலான பேச்சுவார்த்தை நடந்து வருகிறது. அதேபோல், பாகிஸ்தானும் எல்லையில் அவ்வப்போது அத்துமீறித் தாக்குதலில் ஈடுபட்டு வருகிறது. கல்வான் பள்ளத்தாக்கு இந்தசூழலில் உத்தரப்பிரதேச பா.ஜ.க மாநிலத் தலைவர் ஸ்வந்திரதேவ் சிங் பேச்சு சர்ச்சையாகியிருக்கிறது. பா.ஜ.க எம்.எல்.ஏ சஞ்சய் யாதவின் வீட்டில் நடந்த நிகழ்ச்சி ஒன்றில் அக்கட்சித் தொண்டர்களிடையே பேசிய அவர், அயோத்தியில் ராமர் கோயில் கட்டுவது, ஜம்மு - காஷ்மீருக்கு வழங்கப்பட்டு வந்த சிறப்பு அந்தஸ்து ரத்து செய்யப்பட்டது போன்ற விவகாரங்களைப் போலவே, பாகிஸ்தான், சீனா ஆகிய நாடுகளுடன் போருக்கான தேதியைப் பிரதமர் மோடி குறித்துவிட்டதாகப் பேசினார். ஸ்வந்திரதேவ் சிங் பேசிய வீடியோவை சஞ்சய் யாதவ் வெளியிட்டிருக்கிறார். அந்த வீடியோ சமூக வலைதளங்களில் வைரலாகி சர்ச்சையை ஏற்படுத்தியிருக்கிறது. அதேபோல், சமாஜ்வாதி, பகுஜன் சமாஜ் ஆகிய கட்சிகளின் தொண்டர்களைத் தீவிரவாதிகளுடன் ஒப்பிட்டும் அந்த வீடியோவில் ஸ்வந்திரதேவ் பேசியிருக்கிறார். உ.பி பா.ஜ.க தலைவர் ஸ்வந்திரதேவ் சிங் இதுகுறித்து பேசிய பா.ஜ.க எம்.பி ரவீந்திர குஷ்வாஹா, பா.ஜ.க தொண்டர்களை உற்சாகப்படுத்துவதற்காக அவர் அப்படி பேசியிருக்கலாம் என்று கருத்துத் தெரிவித்திருக்கிறார். அதேநேரம், சீனாவுடனான எல்லைப் பிரச்னை விவகாரத்தில் இந்தியாவின் நிலைப்பாட்டுக்கு எதிராக அவர் கருத்துத் தெரிவித்திருப்பதாக சர்ச்சை எழுந்திருக்கிறது. Also Read: இந்தியா - சீனா... எப்போது முடியும் எல்லைப்பிரச்னை? எல்லைப் பிரச்னை குறித்து பேசிய பாதுகாப்புத் துறை அமைச்சர் ராஜ்நாத் சிங், ``சீனாவுடனான எல்லைப் பிரச்னையை விரைவில் முடிவுக்குக் கொண்டுவர வேண்டும் என்றே இந்தியா விரும்புகிறது. அதேநேரம், இந்திய ஆளுகைக்குட்பட்ட பகுதியில் இருந்து ஒரு இன்ச் இடத்தைக் கூட விட்டுத்தர மாட்டோம்’’ என்று பேசியிருந்தார்.
http://dlvr.it/RkLLXS

Read More